အခန်း (၁၂၅၃-၁၂၅၄)

အခန်း (၁၂၅၃) - အကြံပြုချက်

ဤနှစ်များအတွင်း နတ်မင်းနန်းတော်တွင် လူအများအပြား သေဆုံးခဲ့ရပြီး လူတိုင်း၏ စိတ်ထဲတွင် လှုပ်ရှားမှုများ ဖြစ်ပေါ်နေသည်။

ကျိုးရှန်းတောင် ပျက်စီးခဲ့သည့်နှစ်တွင် နတ်မင်းနန်းတော်၌ အဆင့် (၅) မသေမျိုး တစ်ဦး၊ အဆင့် (၄) မသေမျိုး လေးဦး၊ အဆင့် (၃) မသေမျိုး ၁၃ ဦး၊ အဆင့် (၂) မသေမျိုး ၄၆ ဦး ရှိခဲ့သည်။

အဆင့် (၁) မသေမျိုးများမှာမူ ၁၅၇ ဦး အထိ ရှိခဲ့သည်။

ယခုမူ ရှီဇီအန်း သေဆုံးသွားပြီဖြစ်ရာ အဆင့် (၄) မသေမျိုး သုံးဦးသာ ကျန်ရှိတော့သည်။

အဆင့် (၃) မသေမျိုး သုံးဦးလည်း သေဆုံးသွားသည်။

အဆင့် (၂) မသေမျိုး ကိုးဦး သေဆုံးသွားသည်။

အဆင့် (၁) မသေမျိုးများမှာမူ ကျဆုံးသူများ ရှိသလို အသစ်တိုးလာသူများလည်း ရှိရာ အရေအတွက်မှာ ယခင်နှင့် သိပ်မထူးခြားပေ။

အဆင့် (၁) မသေမျိုးများကို ဖယ်ထားလျှင်ပင်၊ အဆင့် (၂) မှ အဆင့် (၄) အထိ မသေမျိုးတို့နန်းတော်၏ ဆုံးရှုံးမှုမှာ ငါးပုံတစ်ပုံ ရှိနေပြီဖြစ်သည်။

စုစုပေါင်း ၂၀ ရာခိုင်နှုန်း ဆုံးရှုံးမှုမှာ နတ်မင်းနန်းတော်အတွက် လုံခြုံရေးစည်းမျဉ်းကို အဆမတန် ကျော်လွန်သွားခဲ့သည်။

အဖွဲ့အစည်းအသီးသီးက သတိထားမိကြသော်လည်း၊ ဆက်တိုက် စစ်ဆေးမှုများ ပြုလုပ်ပြီး နတ်ရိုသေနန်းတော်ထံမှ သတင်းများ ဝယ်ယူကာ နှိုင်းယှဉ်ကြည့်ရာတွင် မည်သည့် ထူးခြားချက်မျှ ရှာမတွေ့ခဲ့ပေ။

သေဆုံးသွားသော နတ်မင်းနန်းတော်မှ ကျင့်ကြံသူများသည် အလွန် ရယ်စရာကောင်းသော်လည်း ကျိုးကြောင်းဆီလျော်သော အကြောင်းပြချက်များဖြင့်သာ ကျဆုံးခဲ့ရခြင်း ဖြစ်သည်။

"ဂိုဏ်းချုပ်၊ ဒီနှစ်တွေအတွင်းမှာ ကျုပ်တို့ နတ်မင်းနန်းတော်က လူအသေအပျောက် များပြားခဲ့ပေမဲ့၊ ကျုပ်တို့ ဂိုဏ်းစောင့် မသေမျိုးတွေ ဘာမှ မဖြစ်သရွေ့တော့ ဂိုဏ်းကြီးတစ်ခုလုံးရဲ့ အခြေအနေကို သိပ်ပြီး ထိခိုက်မှာ မဟုတ်ပါဘူး "

ကူမုမသေမျိုး ဝမ်နုန်ချောင်က ဖြည်းညင်းစွာ ပြောလိုက်ပြီး၊ ပြောကြားရင်းနှင့် ယွီထင်ကျဲဘက်ကို တစ်ချက်ကြည့်ကာ အေးစက်စက် လှောင်ပြုံးဖြင့်

"ဒီတစ်ခါ ရှီမိတ်ဆွေ သေရတဲ့ အကြောင်းရင်းကတော့ တရားခံက မဟာမြေမသေမျိုး ဖြစ်တာ သေချာပါတယ် ဒီကိစ္စက သံသယဖြစ်စရာမလိုပါဘူး ဒီနေ့ ကျုပ်တို့ ပြောရမှာက မဟာမြေမသေမျိုးဆီကနေ ဘယ်လို တရားမျှတမှု ပြန်တောင်းမလဲဆိုတာပဲ ဒါပေမဲ့ မဖြစ်မနေ ပြောရမယ့် ကိစ္စတစ်ခုလည်း ရှိသေးတယ်"

"ဘာကိစ္စလဲ "

ကြယ်မိုးမသေမျိုးက အေးဆေးစွာ မေးသည်။

ကူမုမသေမျိုး က ယွီထင်ကျဲကို စိုက်ကြည့်ကာ

"တကယ်လို့ ယွီမိတ်ဆွေသာ တစ်ခဏလောက် စိတ်မထိန်းနိုင်ဘဲ ဝိညာဉ်နတ်ဘုရားဂိုဏ်းက စု့န်ကျိလီကို မသတ်ခဲ့ရင်၊ ရှီမိတ်ဆွေ ဒီလို ဘေးဒုက္ခမျိုး ကြုံမှာ မဟုတ်ဘူး ဒီကိစ္စအတွက် သူ တာဝန်အပြည့်အဝ ရှိတယ် ဖန်တီးရှင်ဂြိုလ်ကို စောင့်ကြပ်တဲ့ နေရာကနေ နုတ်ထွက်ပေးရမယ် ပြီးတော့ သူ့ကို သုဿန် ပင်လယ်ပြင်ကို သွားပြီး စောင့်ကြပ်ခိုင်းကာ အပြစ်ဖြေခိုင်းရမယ် "

"သဘောတူတယ် "

ယင်ချွဲ မသေမျိုး ဝမ်ရှိုကျွဲက ခေါင်းညိတ်သည်။

"ဒါပေမဲ့ အဲဒီမတိုင်ခင် ရှီမိတ်ဆွေအတွက် တရားမျှတမှု ပြန်တောင်းရမယ်၊ ပြီးမှ ယွီမိတ်ဆွေကို အရေးယူတာ နောက်မကျပါဘူး "

ကူမုမသေမျိုး က သူ့ကို တစ်ချက်ကြည့်လိုက်ပြီး မျက်မှောင်ကြုတ်ကာ ဝမ်ရှိုကျွဲ၏ စကားကို ပြန်မချေပခဲ့ပေ။

"မုမိတ်ဆွေ၊ ချွဲမိတ်ဆွေ၊ ဒီကိစ္စက ကျုပ် နဲ့ သိပ်မသက်ဆိုင်ပါဘူး စု့န်ကျိလီ သေရတာက ကျွန်တော် စိတ်မထိန်းနိုင်လို့ မဟုတ်ဘူး သူကိုယ်တိုင်က မဟာမြေမသေမျိုး စွန့်ပစ်လိုက်တဲ့ အသုံးချစတေးခံ တစ်ခု ဖြစ်နေလို့ပါ "

ယွီထင်ကျဲက အေးဆေးစွာ ပြောသည်။

"မဟာမြေမသေမျိုး က ဒီနှစ်တွေအတွင်း ကျုပ်တို့ နတ်မင်းနန်းတော်နဲ့ ရန်ငြိုးဖွဲ့လာခဲ့တယ် အဲဒီလို အဆင့် ၅ မသေမျိုးတွေက ဘယ်သူကများ ဒေါသကို မြိုသိပ်နိုင်မှာလဲ ကျုပ် ဒီတစ်ခါ စု့န်ကျိလီကို မသတ်ခဲ့ရင်တောင် သူက အကြိမ်ကြိမ် စိန်ခေါ်ပြီး ကျုပ် မသေမချင်း ရပ်မှာ မဟုတ်ဘူး "

"မင်း သူ့ကို မသတ်ခင် နန်းတော်ကို လာပြီး တိုင်ပင်သင့်တယ်၊ ဘာလို့ မလာတာလဲ "

ကူမုမသေမျိုး က အေးစက်စွာ ပြောသည်။

"အချိန်မမီတော့ဘူး၊ သတ်ပြီးတာနဲ့ ချက်ချင်းပဲ အားလုံးကို အသိပေးလိုက်တာပဲ "

ယွီထင်ကျဲက ပြောသည်။

ကူမုမသေမျိုး ထပ်ပြောမလို့ ရှိသေးစဉ် ကြယ်မိုးမသေမျိုး က ဖြတ်ပြောလိုက်သည်။

"ယွီမိတ်ဆွေ ကိစ္စကို နောက်မှ ဆွေးနွေးကြမယ် ကိစ္စက ဖြစ်ပြီးသွားပြီဆိုတော့ အခု ငါတို့ ဆွေးနွေးရမယ့် တစ်ခုတည်းသော ကိစ္စက မဟာမြေမသေမျိုး အကြောင်းပဲ"

"အားလုံး စည်းမျဉ်းတစ်ခု ချမှတ်ကြ မတိုက်ရင် မတိုက်ဘူး ၊ တိုက်ပြီဆိုရင်တော့ သူ ငါတို့ကို ပြန်မစိန်ခေါ်ရဲတော့အောင် လုပ်ရမယ် သူ့ကို သတ်နိုင်ရင်တော့ အကောင်းဆုံးပဲ "

"ကျုပ်က နတ်ရိုနန်းတော်က အကြီးအကဲတစ်ယောက်နဲ့ ရင်းနှီးတော့ မဟာမြေမသေမျိုး မကြာခင် နန်ချင် ကြယ်တာရာအစုအဝေးကို သွားမယ်ဆိုတာ သိရတယ် ကျုပ် အထင်တော့ အဲဒီနေရာမှာပဲ လက်စဖျောက်တာ အကောင်းဆုံးပဲ"

"အဲဒီနေရာက ရှုပ်ထွေးနေတော့ ကျုပ်တို့ နတ်မင်းနန်းတော် လုပ်တာလို့ ဘယ်သူက ခန့်မှန်းနိုင်ရင်တောင် ဝိညာဉ်နတ်ဘုရားဂိုဏ်းဆီမှာ အထောက်အထား မရှိစေရဘူး "

ဝမ်ရှိုကျွဲက ပြောသည်။

နတ်မင်းနန်းတော်သည် လက်စားချေလိုစိတ် ပြင်းထန်ပြီး အာဏာရှင်ဆန်သော်လည်း၊ အဆင့် ၅ မသေမျိုးကို ရင်ဆိုင်ရမည်ဖြစ်၍ တိုက်ရိုက် တိုက်ခိုက်ခြင်းထက် လုပ်ကြံသတ်ဖြတ်ခြင်းကိုသာ ရွေးချယ်ရန် သဘောတူလိုက်ကြသည်။

သူတို့က အလုပ်ကို အရုပ်ဆိုးအကျည်းတန်အောင် မလုပ်သရွေ့၊ တစ်ဖက်နှင့်တစ်ဖက် မျက်နှာသာ ပေးထားသရွေ့၊ ဝိညာဉ်နတ်ဘုရားဂိုဏ်းက လက်စားချေမည်ဆိုလျှင်တောင်မှ အကြီးအကျယ် တိုက်ခိုက်ရဲမှာ မဟုတ်ပေ။

နှစ်ဖက်လုံးအတွက် လမ်းကြောင်းတစ်ခု ချန်ထားပေးလိုက်ခြင်း ဖြစ်သည်။

"နန်ချင် ကြယ်တာရာအစုအဝေး လား အဲဒီမှာ လုပ်တာက အကျိုးရှိပါတယ် ငါလည်း ငါ့ဆရာဆီ မသွားရတာ ကြာပြီ၊ ဒီတစ်ခါသွားရင်းနဲ့ သူ့ကို သွားတွေ့လိုက်မယ် "

ကြယ်မိုးမသေမျိုး က ခေါင်းညိတ်ပြီး ဝမ်ရှိုကျွဲ၏ အကြံပြုချက်ကို သဘောတူလိုက်သည်။

လူတိုင်းလည်း သဘောတူညီပြီး လုပ်ကြံရန် အစီအစဉ်များကို ပိုမိုကောင်းမွန်အောင် ပြင်ဆင်ကြသည်။

ဆယ်ရက်ခန့် ကြာပြီးနောက် အစီအစဉ်များ ချမှတ်ပြီးသွားသည်။

"ဒီကိစ္စကို ခဏထားဦး၊ နောက်တစ်ခုက နတ်မင်းနန်းတော်က ဒီနှစ်တွေအတွင်းမှာ လူတော်လူကောင်းတွေ အများကြီး ဆုံးရှုံးခဲ့ရတယ် တချို့နေရာတွေမှာ စောင့်ကြပ်မယ့်သူ မရှိရင် မသေမျိုးကျောက်တုံး ဝင်ငွေ ထိခိုက်လိမ့်မယ် မင်းတို့ဆီမှာ ရင်းနှီးတဲ့ မိတ်ဆွေတွေ ရှိရင် နန်းတော်ထဲကို ခေါ်ခဲ့ပါ ငါ သူတို့ကို မနစ်နာစေရဘူး "

ကြယ်မိုးမသေမျိုးက ပြောသည်။

လူတိုင်း တစ်ယောက်ကို တစ်ယောက် ကြည့်လိုက်ကြသည်။

သူတို့ တပည့်များကို ခေါ်သွင်းရန်မှာ ခက်ခဲခြင်း မဟုတ်သော်လည်း၊ ထိုသူများက အမှားလုပ်မိမလားဆိုတာက ခက်ခဲသည်။

အမှားလုပ်မိလျှင် အသေးအဖွဲဆို ပြေလည်နိုင်သော်လည်း၊ အကြီးအကျယ်ဆိုလျှင် သူတို့ပါ ဆွဲထည့်ခံရမည်။

ဒီတစ်ခါ ယွီထင်ကျဲသာ ကြယ်မိုးမသေမျိုးကိုယ်တိုင် ရွေးချယ်ခိုင်းတာ မဟုတ်ဘဲ တစ်စုံတစ်ယောက်က အကြံပြုလို့ ခေါ်လာတာဆိုရင်၊ စု့န်ကျိလီကို သတ်လိုက်တဲ့ကိစ္စက အမှားကြီးဖြစ်နေရင်တောင် ဒီလောက် လွယ်လွယ်နဲ့ ပြီးသွားမှာ မဟုတ်ပေ။

"ဂိုဏ်းချုပ်၊ ကျုပ် သိတဲ့သူတွေက သိပ်မရှိဘူး ကျုပ် ယင်စိန့်ဂိုဏ်းက ယင်လောကထဲကို သွားလေ့ရှိတော့ ဖူထူလောကထဲမှာ ယင်မိစ္ဆာ မိတ်ဆွေတွေ ပိုများတယ် တန့်ယင်တောင် အရှင် ဆိုတဲ့ မိတ်ဆွေတစ်ယောက် ရှိတယ်"

"သူက ရှေးခေတ် နတ်ဘုရားတောင်ကနေ လာတာ၊ သေပြီးနောက် ဖူထူလောကထဲ ကျရောက်လာပြီး လူ့လောကထဲကို ပြန်မဝင်နိုင်တော့ဘဲ ယင်မိစ္ဆာဖြစ်လာတာ အဆင့် ၃ မသေမျိုး ဖြစ်တဲ့အတွက် နန်းတော်ထဲကို အကြံပြုလို့ ရမလား "

ယွီထင်ကျဲက လက်အုပ်ချီပြီး ပြောသည်။

လူတိုင်း အံ့အားသင့်သွားကြသည်။

သူတို့လည်း ယင်မိစ္ဆာများနှင့် ဆက်ဆံဖူးကြသော်လည်း၊ သူတို့၏ အဆင့်အတန်း ကွာခြားမှုကြောင့် အမှန်တကယ် မိတ်ဆွေ ဖြစ်ဖို့ ခဲယဉ်းပြီး အကျိုးစီးပွားအတွက်သာ ပူးပေါင်းလေ့ ရှိကြသည်။

"ယွီမိတ်ဆွေ၊ မင်း သူ့ကို နန်းတော်ထဲကို ခေါ်ဖို့ အကြံပြုတယ်ဆိုတော့ သူက ယုံကြည်ရတဲ့သူ ဖြစ်ရမယ် နန်းတော်ကို နစ်နာစေမယ့်သူ မဟုတ်ဘူးပေါ့"

"သူက ယင်မိစ္ဆာ ဖြစ်နေတော့ လူ့လောကကို သွားလို့ မရပေမဲ့၊ နန်းတော်မှာ ဖူထူလောကထဲက လုပ်ငန်းတွေ ရှိနေတော့ ဒေသခံ ယင်မိစ္ဆာ တွေရဲ့ ထောက်ခံမှု လိုအပ်တယ် သူ့ကို ခွင့်ပြုတယ် သူ ဒီနေရာကို အခုချက်ချင်း လာခိုင်းလိုက်ပါ "

ကြယ်မိုးမသေမျိုး က အေးဆေးစွာ ပြောသည်။

"ဂိုဏ်းချုပ်၊ ကျုပ် သူ့ကို ခေါ်ထားပြီးသားပါ၊ မြို့ပြင်မှာ စောင့်နေပါတယ် "

ယွီထင်ကျဲက ပြုံး၍ ပြောသည်။

မကြာမီပင် အရွယ်အစားကြီးမားသော အရိပ်တစ်ခု ခန်းမထဲသို့ ဖြည်းဖြည်းချင်း လျှောက်ဝင်လာပြီး ကြယ်မိုးမသေမျိုး ကို လေးစားစွာ အရိုအသေ ပေးသည်။

"တန့်ယင်တောင် အရှင်၊ ကြယ်မိုးမသေမျိုးကို တွေ့ဆုံခြင်း ဖြစ်ပါတယ် "

တကယ့် ယင်မိစ္ဆာပင် ဖြစ်သည်။

ဤအငွေ့အသက်မှာ အတုလုပ်လို့ မရပေ။

လူတိုင်း ခေါင်းညိတ်ကြသည်။

ကူမုမသေမျိုး နှင့် ယင်ချွဲ မသေမျိုးတို့လည်း သူ ပါဝင်လာသည်ကို ဝမ်းသာကြသည်။

လူ့လောကမှ သူတို့နှင့် ယင်လောကမှ ယင်မိစ္ဆာများသည် ရင်းမြစ်ချင်း ယှဉ်ပြိုင်စရာ မရှိကြသလို၊ သူတို့က လူ့လောကကို မသွားနိုင်ကြသဖြင့် ရန်သူ ဖြစ်မလာနိုင်ပေ။

"ကောင်းပြီ၊ ဒီနေ့ကစပြီး မင်းက ငါတို့ နန်းတော်ရဲ့ (၁၁) ဦးမြောက် အဆင့် ၃ မသေမျိုး ဖြစ်ပြီ၊ နေရာယူလိုက်ပါ "

ကြယ်မိုးမသေမျိုး က ပြုံး၍ ပြောသည်။

တန့်ယင်တောင် အရှင်၏ ခန္ဓာကိုယ်မှာ သေးငယ်သွားပြီး ယွီထင်ကျဲ ဘေးနားတွင် ထိုင်လိုက်သည်။

သို့သော် အစည်းအဝေး အကြောင်းအရာမှာ မဟာမြေမသေမျိုး နှင့် မသက်ဆိုင်တော့ပေ၊ သို့မဟုတ်ပါက သူလည်း ဒီနေ့ အစည်းအဝေး တက်ဖို့ အရည်အချင်း မရှိပေ။

အခန်း (၁၂၅၄) - မိစ္ဆာကပ်ဘေး ထပ်မံကြုံတွေ့ရခြင်း

"ဒီတစ်ခါတော့ စု့န်ကျိလီကို မင်းကို ကူညီဖို့ ငါ စေလွှတ်ခဲ့တာ… ငါ့ရဲ့ စဉ်းစားမှု အားနည်းသွားတယ်"

သောင်းတာအို မျှော်စင် တွင် မဟာမြေမသေမျိုးက ရွှီချန်ရှီးကို ကြည့်၍ သက်ပြင်းချလိုက်သည်။

ရွှီချန်ရှီးက ဘာမှ ပြန်မပြောဘဲ တိတ်ဆိတ်နေသည်။

"စု့န်ကျိလီက အလုပ်လုပ်ရာမှာ အရမ်း အလျင်လိုလွန်းတော့ ယွီထင်ကျဲ ကို စိတ်အနှောင့်အယှက် ဖြစ်စေပြီး အဲဒီနေရာမှာတင် အသတ်ခံလိုက်ရတယ် ဒါက မူလက နတ်မင်းနန်းတော်ဘက်က အမှားပဲ ဒါပေမဲ့ လွန်ခဲ့တဲ့ ရက်အနည်းငယ်က နတ်မင်းနန်းတော်ရဲ့ အဆင့် ၄ မသေမျိုး ရှီဇီအန်းက သူတို့ရဲ့ ဘိုးဘွားတွေကို ပူဇော်ဖို့ အိမ်ပြန်တဲ့လမ်းမှာ တစ်ယောက်ယောက်ရဲ့ အသတ်ခံလိုက်ရတယ်ဆိုတာ ငါသိလိုက်ရတယ် "

မဟာမြေမသေမျိုးက လေးလေးနက်နက် ပြောသည်။

"အသေးစိတ် အခြေအနေကိုတော့ အခုထိ စုံစမ်းလို့ မရသေးဘူး ဒါပေမဲ့ စဉ်းစားကြည့်လို့ ရပါတယ် နတ်မင်းနန်းတော်ဘက်က တကယ့် လူသတ်သမားကို မရှာတွေ့ရင် ဒီကိစ္စကို ငါ လုပ်တာပဲလို့ သူတို့ ထင်ကြမှာ သေချာတယ် ငါ အရင်ဆုံး ရှောင်နေဖို့ လိုတယ် "

ခဏရပ်ပြီးနောက်

"ဂိုဏ်းထဲက ကိစ္စတွေကို ခဏတာ ပိုင်းခြားထားလိုက်ဦး စု့န်ကျိလီရဲ့ အမှားကို ထပ်မလုပ်မိစေနဲ့ သူက အောင်မြင်ဖို့ အရမ်း အလျင်လိုလွန်းပြီး စိတ်လှုပ်ရှားလွန်းလို့ ဒီနေ့လို အခြေအနေမျိုး ရောက်သွားတာ "

ဘာမှ မပြောဘဲ နေနေသည့် ရွှီချန်ရှီးက ရုတ်တရက်

"ရှောင်နေဖို့လား ကျုပ်တို့ ဝိညာဉ်နတ်ဘုရားဂိုဏ်းက နတ်မင်းနန်းတော်လောက်ကို ကြောက်စရာ လိုလို့လား အဲဒီကိစ္စကြောင့် သူတို့က လက်စားချေချင်ရင် ကျုပ်တို့လည်း ပြန်တိုက်ခိုက်ရမှာပေါ့ "

ဟု ပြောသည်။

ပြန်တိုက်ခိုက်ရမယ် ဟုတ်လား။

မဟာမြေမသေမျိုးက စိတ်ထဲတွင် ကျိန်ဆဲလိုက်သည်။

သူက စည်းကမ်းထိန်းသိမ်းရေး ကျင့်ကြံသူ တစ်ယောက် ဖြစ်သည်။

ထိုဒုက္ခများက သူကြောင့် ဖြစ်လာပြီး ပြန်တိုက်ခိုက်မည်ဆိုပါက မျက်နှာသာ ရကောင်းရနိုင်သော်လည်း နောက်ဆုံးတွင် သူကသာ လုပ်ဖော်ကိုင်ဖက်များ၏ စစ်ဆေးခြင်း ခံရမည်ဖြစ်ပြီး ပြစ်ဒဏ်ပေးခံရမည် ဖြစ်သည်။

ဒီကိစ္စအတွက် အကောင်းဆုံး ဖြေရှင်းချက်မှာ နတ်မင်းနန်းတော်နှင့် ရှင်းရှင်းလင်းလင်း ပြောပြခြင်းဖြစ်သည်။

နတ်မင်းနန်းတော်က တကယ့် လူသတ်သမားကို ရှာတွေ့ရင် အကောင်းဆုံးပင် ဖြစ်သည်။

စု့န်ကျိလီ သေဆုံးမှုအတွက်တော့ သူ ထပ်ပြီး ဂရုမစိုက်ချင်တော့ပေ။

"ချန်ရှီး ကျင့်ကြံခြင်းဆိုတာ အမြဲတမ်း သတ်ဖြတ်နေတာ မဟုတ်ဘူး ကိစ္စတော်တော်များများမှာ သတ်ဖြတ်ခြင်းက အကောင်းဆုံး ဖြေရှင်းချက် မဟုတ်ဘူး နတ်မင်းနန်းတော်ကလည်း အကြောင်းရင်းကို နားလည်တဲ့သူတွေပါ သူတို့က ဒေါသကို မင်းတို့ဆီမှာ အကြောင်းမဲ့ စွန်းထင်စေမှာ မဟုတ်ပါဘူး ဒီကိစ္စကို ငါပဲ ကိုယ်တိုင် ဖြေရှင်းလိုက်ပါ့မယ်"

"ပြီးတော့ နန်ချင် ကြယ်တာရာအစုအဝေးမှာ အဆင့် ၄ မသေမျိုးဆေးပင် ရောင်းချဖို့ ရှိတယ်ဆိုတာ ကြားထားတယ် မင်းရဲ့ မိသားစုထဲက လူကြီးတွေကို အသိပေးထားလိုက်ပါ "

မဟာမြေမသေမျိုးက စဉ်းစားပြီးနောက် ထိုသတင်းကို ရွှီချန်ရှီးအား ပြောပြလိုက်သည်။

ထိုသို့ပြုလုပ်ခြင်းဖြင့် ရွှီမိသားစုက သူ့ကို ကျေးဇူးတင်သွားမည်ဖြစ်ပြီး တစ်နေ့နေ့တွင် အသုံးဝင်လာလိမ့်မည်။

"အဆင့် ၄ မသေမျိုးနတ်ဆေးပင် "

ရွှီချန်ရှီး အသက်ရှူလိုက်ပြီး စိတ်လှုပ်ရှားစွာဖြင့်

"ဘယ်လို ကျင့်စဉ်လမ်းကြောင်းကလဲဆိုတာ သိပါသလား "

ဟု မေးသည်။

"အသေးစိတ်တော့ မသိဘူး ဒါပေမဲ့... လူမသေမျိုး လမ်းစဥ် ဖြစ်ဖို့ များတယ် "

"လူမသေမျိုး... ဆိုတော့..."

ရွှီချန်ရှီး စိတ်မလှုပ်ရှားတော့ပေ။

လူ့မသေမျိုး ကျင့်စဉ်လမ်းကြောင်းမှာ အဆင့် ၄ အထိသာ ရှိသည်။

နောက်ဆက်တွဲ လိုအပ်သော နတ်ဆေးပင်များမှာ ဘာဖြစ်မည်ကို ယနေ့ခေတ်တွင် မည်သူမျှ မသိကြပေ။

အထက်နယ်မြေ (၃) ခုမှာပင် မသိကြဟု ထင်ရသည်။

ဤကဲ့သို့သော ဆေးပင်များကို လမ်းဆုံးရောက်နေပြီး သက်တမ်း ကုန်ခါနီးဖြစ်သော အဆင့် ၃ မသေမျိုးများမှ လွဲ၍ မည်သူကများ စားသုံးဝံ့မည်နည်း။

နောက်ဆုံးတွင် စားသုံးပြီးလျှင်တောင် အနာဂတ်လမ်းကြောင်း ပိတ်သွားပြီ ဖြစ်သည်။

"ချန်ရှီး၊ လူ့မသေမျိုး ကျင့်စဉ်လမ်းကြောင်းကို အထင်မသေးနဲ့ ဒီအဆင့် ၄ မသေမျိုး နတ်ဆေးပင်က ဘက်ပေါင်းစုံကနေ လုယူကြမှာ သေချာတယ် ငါလည်း နန်ချင် ကြယ်တာရာအစုအဝေးကို သွားဖို့ ဖြစ်နိုင်တယ် အဲဒီအချိန်ကျရင် မင်းရဲ့ မိသားစု လူကြီးတွေ လာရင် ငါတို့ အတူတူ လုပ်ဆောင်ကြမယ် "

မဟာမြေမသေမျိုး ပြောပြီးနောက် လှည့်ထွက်သွားသည်။

သူ ထွက်သွားပြီးနောက် ရွှီချန်ရှီးက ယန်ဟောက်ရန်ထံ အသံလွှင့်ကာ ယင်လောကထဲသို့ သွားရောက်ပြီး ဖန့်ချန်အား အသိပေးခိုင်းလိုက်သည်။

...

...

"မဟာမြေမသေမျိုးက နန်ချင် ကြယ်တာရာအစုအဝေးကို သွားမယ်၊ ကြယ်မိုးမသေမျိုးလည်း သွားမယ် ချင်းကျွဲ မိတ်ဆွေလည်း နန်ချင် ကြယ်တာရာအစုအဝေးမှာ အစည်းအဝေး လုပ်မယ်"

"အထက်နယ်မြေ (၃) ခုရဲ့ ဖိတ်စာက ဒီလောက်ထိ ဆွဲဆောင်မှု မရှိဘူး အဲဒီအဆင့် ၄ မသေမျိုး နတ်ဆေးပင်က လူမသေမျိုး ကျင့်စဉ်လမ်းကြောင်း ဖြစ်နေရင်လည်း ဒီလောက် ဆွဲဆောင်မှု မရှိဘူး"

"ရှကျီ မင်း ဘယ်လို ထင်လဲ သူတို့ ဒီတစ်ခါ နန်ချင် ကြယ်တာရာအစုအဝေးကို သွားတာ တိုက်ဆိုင်မှုသက်သက်လား၊ ဒါမှမဟုတ် ငါတို့ မသိတဲ့ သတင်းတစ်ခုခု ရှိနေတာလား "

ဖန့်ချန်က ရှကျီကို ကြည့်သည်။

နေရာတွင် ရှိနေသော ရှီလုံ၊ ထိုင်ယင် နဂါးမင်းတို့လည်း ရှကျီဘက်သို့ ကြည့်လိုက်ကြသည်။

"ဒီအဆင့်က ကျုပ်တို့ လျှို့ဝှက်စောင့်ရှောက်ရေးဌာန ဝင်ရောက်စွက်ဖက်နိုင်တဲ့ အတိုင်းအတာကို ကျော်လွန်နေပြီ "

ရှကျီ စဉ်းစားပြီးနောက်

"ကုန်းထျန်းရှင်းကို ခေါ်ပြီး မေးကြည့်ရအောင် တကယ်လို့ မရဘူးဆိုရင် နတ်ရိုသေနန်းတော်ဆီကနေ ပိုက်ဆံပေးပြီး သတင်းဝယ်ကြတာပေါ့ "

ဟု ပြောသည်။

"နတ်ရိုနန်းတော်ဆီကနေ သတင်းဝယ်တာ ရှက်စရာ မဟုတ်ဘူးလို့ ထင်တယ် "

ရှီလုံက ခေါင်းညိတ်သည်။

"ဒီသတင်းက သခင်လေးအတွက် အသုံးဝင်သရွေ့ပေါ့ "

"တကယ်ကို ရှက်စရာ မဟုတ်ပါဘူး"

ဖန့်ချန် ပြုံးပြီး ခန်းမအပြင်ဘက်ကို ကြည့်လိုက်သည်။

လူတိုင်းကလည်း ကုန်းထျန်းရှင်းကို ခေါ်ဆောင်လာပြီ ဖြစ်ကြောင်း သိလိုက်ရသည်။

"သခင်လေးကို နှုတ်ဆက်ပါတယ် အားလုံးကိုလည်း နှုတ်ဆက်ပါတယ် "

ကုန်းထျန်းရှင်းက အားလုံးကို လေးစားစွာ လက်အုပ်ချီသည်။

ထိုနေရာတွင် သူ၏ ကျင့်စဉ်မှာ အနိမ့်ဆုံးဖြစ်ပြီး၊ အဆင့် ၁ မသေမျိုးတို့၏ မာန်မာနမှာ ဤနေရာတွင် အသုံးမဝင်ပေ။

"မကြာသေးခင်က နန်ချင် ကြယ်တာရာအစုအဝေးနဲ့ ပတ်သက်တဲ့ သတင်းတွေ နတ်ရိုသေနန်းတော်မှာ ရှိလား "

ရှကျီက မေးသည်။

ကုန်းထျန်းရှင်း ဖန့်ချန်ကို ကြည့်လိုက်ကာ ခေါင်းညိတ်သည်။

"အထက်လူကြီးတွေဆီက သတင်း ရောက်လာပါတယ် နတ်ရိုနန်းတော်မှာ တန်ဖိုးအလွန်ကြီးမားတဲ့ သတင်း အချက်အလက် တချို့ ရှိနေတယ် အနည်းဆုံးက မသေမျိုးကျောက်တုံး တစ်တုံးတန်ဖိုး ရှိပြီး၊ အမြင့်ဆုံးကတော့ မသေမျိုးကျောက်တုံး ၁၀ တုံးအထိ ရောင်းရနိုင်တယ် "

ရှကျီ အသက်ရှူသံ ပြင်းသွားသည်။

နင့်.....မေကလွှားတဲ့မှပဲ....

ဒီ နတ်ရိုသေနန်းတော်ဆိုတာ တကယ့်ကို ကြီးမားတဲ့ အဖွဲ့အစည်းပဲ။

သတင်းတွေကို မသေမျိုးကျောက်တုံး ၁၀ တုံးအထိ ရောင်းရနိုင်တယ်။

ဒီအဆင့် သတင်းမျိုးကို လျှို့ဝှက်စောင့်ရှောက်ရေးဌာနက ကံကောင်းလို့ မဟုတ်ရင် ဘယ်လိုမှ မရနိုင်ပေ။

"ဘယ်သတင်းက နန်ချင် ကြယ်တာရာအစုအဝေးနဲ့ ပတ်သက်တာလဲ "

ဖန့်ချန်က မေးသည်။

ကုန်းထျန်းရှင်း

"မသေမျိုးကျောက်တုံး ၁၀ တုံးတန်တဲ့ သတင်းပဲဒါပေမဲ့ ကျုပ်လည်း မသိဘူး လုံလောက်တဲ့ ကျောက်တုံးကို အပ်လိုက်မှသာ သတင်းပါတဲ့ ပစ္စည်းကို ရမှာ အဲဒီပစ္စည်းကို တစ်ခါပဲ ဖွင့်ကြည့်လို့ရပြီး တစ်ခါကြည့်ပြီးရင် ပျက်စီးသွားလိမ့်မယ် "

"ဘယ်လောက် အချိန်ယူရမလဲ "

ဖန့်ချန်က ပြောသည်။

"အင်း... ၃ နှစ်၊ မဟုတ်ဘူး ၂ နှစ်ဆို လုံလောက်တယ် ၂ နှစ်လောက် အချိန်ပေးပါ "

ကုန်းထျန်းရှင်း

"ကျုပ် ကိုယ်တိုင် သွားပြီး ယူလိုက်မယ် "

သူ စိတ်လှုပ်ရှားနေသည်။

တကယ်လို့ မသေမျိုးကျောက်တုံး ၁၀ တုံးတန်တဲ့ သတင်းတစ်ခု ရောင်းရရင် သူ လုပ်ရမယ့် တာဝန်တွေ အားလုံးပြီးဆုံးသွားပြီ။

နောက်ရာစုနှစ်တွေမှာ ဘာမှ ထူးခြားတာ မလုပ်ရင်တောင် နတ်ရိုသေနန်းတော်က လူတွေက သူ့ကို အပြစ်တင်တော့မှာ မဟုတ်ဘူး။

"ရတယ် ဖန်တီးရှင်ဂြိုလ်ဆီ ပြန်ရောက်ရင် မင်းကို ကျောက်တုံးတွေ ပေးလိုက်မယ် ဒီသတင်းကို ဝယ်ခဲ့ပါ မြန်မြန်သွား မြန်မြန်ပြန်ခဲ့ "

ဖန့်ချန်က ပြောသည်။

"တာဝန်ကျေအောင် လုပ်ဆောင်ပါ့မယ်"

ကုန်းထျန်းရှင်း ရင်ဘတ်ကို ပုတ်ပြီး ကတိပေးသည်။

...

...

ကျုံးကျိုး၊တောရိုင်းကျောင်းတော် ဖန့်ချန်က ခန်းမကို ရောက်သွားသော်လည်း ရွှင်အဘိုးအိုကို မတွေ့ရပေ။

စိတ်အလိုအလျောက်ပင် ရွှင်အဘိုးအို တရားကျင့်နေသော အခန်းရှေ့သို့ ရောက်သွားသည်။

ဆယ်ရက်ကျော် စောင့်ပြီးနောက် အခန်းတံခါး ပွင့်လာပြီး ရွှင်အဘိုးအို ပြုံးရွှင်စွာ ထွက်လာသည်။

"ကောင်လေး၊ ဘာလို့ ဒီကို ရောက်လာတာလဲ အလုပ်တွေ အားလုံး ပြီးသွားပြီလား "

ရွှင်အဘိုးအိုက ရယ်မောစွာ ပြောသည်။

သူက ယခု အဆင့် ၂ မသေမျိုး အသစ်မဟုတ်တော့ပေ။

ဒီနှစ်တွေအတွင်း မသေမျိုးကျောက်တုံးတွေကို နှစ်တိုင်း စုပ်ယူခဲ့ရ၍ ကျင့်စဉ်မှာ တိုးတက်မှုများစွာ ရရှိခဲ့သည်။

မသေမျိုးကျောက်တုံး၏ အထူးစွမ်းအားကြောင့် သက်တမ်းလည်း တိုးလာခဲ့သည်။

ကျန်းမာရေးမှာလည်း အရင်ကထက် အများကြီး သာလွန်လာခဲ့သည်။

"ရွှင်အဘိုးအို၊ လက်ထဲက အလုပ်တွေ အားလုံး ပြီးသလောက် ဖြစ်နေပါပြီ ခဏလောက် အနားယူလို့ ရပါပြီ "

ဖန့်ချန်က ပြုံးပြီး

"ရွှင်အဘိုးအို အဆင့် ၃ ကို ဘယ်တော့ တက်နိုင်မယ်လို့ ခံစားရလဲ ကျနော်က အဆင့် ၄ မသေမျိုးနတ် ဆေးပင် တစ်ခု ပြင်ဆင်ထားပြီးပါပြီ ရွှင်အဘိုးအို စားသုံးဖို့ပဲ စောင့်နေတာပါ "

ဟု ပြောသည်။

"မင်း အဆင့် ၄ နတ်ဆေးပင် ပြင်ဆင်ပြီးပြီလား ဘယ်လို ကျင့်စဉ်လမ်းကြောင်းကလဲ "

ရွှင်အဘိုးအို အံ့အားသင့်သွားပြီး ပျော်ရွှင်မှုကို မထိန်းနိုင်ဘဲ မေးသည်။

သူ အပြင်လောကကို လှည့်လည်ခဲ့ဖူးပြီး အတွေ့အကြုံ ဗဟုသုတများ ရှိသဖြင့် ကျင့်စဉ်လမ်းကြောင်းအကြောင်း အနည်းငယ် သိရှိထားသည်။

"အဆင့် ၄ နတ်ဆေးပင် ကမ္ဘာမြေမသေမျိုး ကျင့်စဉ်လမ်းကြောင်း "

"ကမ္ဘာမြေမသေမျိုး၊ ကမ္ဘာမြေမသေမျိုး ကျင့်စဉ်လမ်းကြောင်းက အဆင့် ၅ အထိ ရောက်နိုင်တယ်လို့ ကြားရတယ်၊ အရမ်းကောင်းတဲ့ ကျင့်စဉ်လမ်းကြောင်းပဲ"

"ကမ္ဘာမြေမသေမျိုး ဖြစ်လာရင် ဝိညာဉ်တောင်၊ ဝိညာဉ်အကြောတွေကို ကိုယ့်ကိုယ်ကိုယ် ပေါင်းစပ်နိုင်မယ် တိုက်ခိုက်မှု မထူးခြားပေမဲ့ သက်တမ်း တိုးလာမယ်၊ အခြေခံ အုတ်မြစ် ခိုင်မာပြီး တည်ငြိမ်မှု ရှိတယ် "

ရွှင်အဘိုးအိုက ကမ္ဘာမြေမသေမျိုး ကျင့်စဉ်လမ်းကြောင်းအပေါ် မကျေနပ်မှု မရှိဘဲ ကျေနပ် အားရနေပြီး သူသိသမျှ ကမ္ဘာမြေမသေမျိုး ကျင့်စဉ်လမ်းကြောင်းအကြောင်း ပြောပြနေသည်။

သူ မသိလိုက်သည်မှာ သူ ပြောနေစဉ် ဖန့်ချန်၏ မျက်နှာမှာ အနည်းငယ် ပြောင်းလဲသွားသည်ကိုပင်။

သူ သတိပြုမိသည့်အချိန်တွင် ဖန့်ချန်၏ တစ်ကိုယ်လုံးမှာ မည်းနက်သော အငွေ့အသက်များဖြင့် ဖုံးလွှမ်းသွားသည်။

ထိုအငွေ့အသက်မှာ မည်သည့်နေရာမှန်း မသိဘဲ ပေါ်လာခြင်းဖြစ်သည်။

အဆင့် ၂ မသေမျိုးဖြစ်သည့် သူပင် ချက်ချင်း မသိလိုက်ပေ။

"မိစ္ဆာကပ်ဘေး၊ မိစ္ဆာကပ်ဘေး မဖြစ်နိုင်ဘူး၊ ဒီကောင်လေးက မိစ္ဆာဘေးကို တစ်ခါ ကျော်ဖြတ်ပြီးသားပဲ "

ရွှင်အဘိုးအို၏ မျက်နှာမှာ ပျက်ယွင်းသွားပြီး ဖန့်ချန်နှင့် ပတ်ဝန်းကျင်ကို ချက်ချင်း အကာအကွယ် စည်းခြားလိုက်သည်။