အခန်း (၂၉၁-၂၉၂)

အခန်း (၂၉၁) - ဘုရင့်တရားရုံးတော် ၊ ခရမ်းရောင်ဝတ်စုံနှင့် မိန်းကလေး၊ ထောက်လှမ်းမရသော ချင်းဟွမ်ဂိုဏ်း

သို့သော်လည်း

အားလုံး၏ အကြည့်များတွင် စူးစမ်းစစ်ဆေးမှုများ ပါဝင်နေသည်။

ထိုလူငယ် တာအိုဆရာက မည်သူနည်း

ဘာကြောင့် တင်းရုံက သူ့အပေါ်တွင် အလွန်ရင်းနှီးနေရသနည်း

ရိုးရိုးရှင်းရှင်း နှုတ်ဆက်ပြီးနောက် ဟဲယူသည် သူနှင့် ရင်းနှီးသော သူငယ်ချင်းအချို့ကို နှုတ်ဆက်ကာ နေရာယူလိုက်သည်။

လီယန်ချူကမူ တင်းရုံ ကို ခေါ်ဆောင်၍ တိတ်ဆိတ်သော ထောင့်တစ်နေရာတွင် ထိုင်လိုက်သည်။

"လီအစ်ကို၊ မတွေ့တာ ကြာပြီပဲ "

ခါးတွင် ဓားနှစ်လက် ချိတ်ထားသော မောက်မာရဲတင်းသည့် လူငယ်တစ်ဦးက ပြုံး၍ ပြောလိုက်သည်။

အသံကို နားထောင်ရုံနှင့်ပင် ဤလူမှာ လွတ်လပ်ပေါ့ပါးပြီး စည်းကမ်းမရှိသူဖြစ်ကြောင်း သိသာစေသည်။

"မင်းကိုး "

လီယန်ချူက လာသူကို တစ်ချက်ကြည့်လိုက်ပြီး အနည်းငယ် ပြုံးလိုက်သည်။

မောက်မာသော လူငယ်မှာ သူ့ဘေးတွင် ဝင်ထိုင်လိုက်ပြီး မျှော်လင့်ချက်အပြည့်ဖြင့်

"ဘယ်လိုလဲ၊ ပွဲပြီးရင် အပြင်ထွက်ပြီး တစ်ပွဲလောက် နွှဲကြမလား၊ ငါ အခုတလော ကျင့်စဉ်သစ်တွေ ရထားတယ်၊ မင်းနဲ့ လက်ရည်စမ်းချင်လို့ "

လီယန်ချူမှာ အားရပါးရ ရယ်မောလိုက်ရသည်။

"အခွင့်အရေး ရရင်ပေါ့၊ အခွင့်အရေး ရရင်ပေါ့"

လာသူမှာ ကျန်းထင်ရှန်း နတ်ဘုရားနယ်မြေတွင် ဆုံတွေ့ခဲ့ဖူးသော သိုင်းရူး ရှောင်စဲ့ ပင် ဖြစ်သည်။

အကြောင်းပြချက်မရှိဘဲ သူ့ကို လာရောက်တိုက်ခိုက်ခဲ့ဖူးသူ ဖြစ်သည်။

ထို့နောက် အမှားအတွက် တောင်းပန်သည့်အနေဖြင့် ပျက်စီးနေသော သိုလှောင်အိတ် မှော်လက်နက်တစ်ခုကို ချန်ထားခဲ့ဖူးသည်။

ထို့ကြောင့် လီယန်ချူသည် ရှောင်စဲ့ ကို ကြည့်ရသည်မှာ အတော်လေး အမြင်ကြည်လင်နေသည်။

ရှောင်စဲ့ က လက်မလျှော့ဘဲ ဆက်ပြောသည်

"မငြင်းပါနဲ့ဗျာ၊ ဒီမှာတင် တိုက်ကြရင်လည်း ရတာပဲ၊ ဘာပဲဖြစ်ဖြစ် ဒွမ်းမူမိသားစုက ဒီမိန်းမ လုပ်ထားတဲ့ စားပွဲကလည်း တကယ်ကို ပျင်းစရာကောင်းလှပါတယ် "

သူသည် လွန်ခဲ့သောတစ်ခေါက်က လီယန်ချူ၏ ပြင်းထန်သော စွမ်းအားကို မြင်တွေ့ခဲ့ရပြီးနောက် အလွန်အမင်း တုန်လှုပ်ခဲ့ရကာ သူ၏

လျင်မြန်သော ဓားသိုင်း ကို ပိုမိုထက်မြက်စေရန် လီယန်ချူနှင့် နောက်တစ်ကြိမ် တိုက်ခိုက်ချင်နေခြင်း ဖြစ်သည်။

"ရှောင်မိတ်ဆွေ၊ ကျွန်မက ရှင့်ကို ကောင်းကောင်း ဧည့်ခံနေတာကို ရှင်က ကွယ်ရာမှာ ကျွန်မအတင်း ပြောနေပါလား "

နူးညံ့ချိုသာသော အသံတစ်ခု နောက်ဘက်မှ ထွက်ပေါ်လာသည်။

ဒွမ်းမူရွှမ်းသည် လှပသော ခြေလှမ်းများဖြင့် လျှောက်လာခဲ့ပြီး မျက်လုံးများမှာ ဆွဲဆောင်မှုရှိနေသည်။

ရှောင်စဲ့က နှုတ်ခမ်းမဲ့လိုက်ကာ

"တကယ်ပါပဲ၊ လူတိုင်းက ဟန်ဆောင်နေကြတာ၊ အလွန် ပျင်းစရာကောင်းတယ် "

ဒွမ်းမူရွှမ်းသည် လီယန်ချူကို စူးစိုက်ကြည့်လိုက်ပြီး မျက်ဝန်းထဲတွင် စူးစမ်းချင်စိတ်များ ပါဝင်နေသည်။

"ကျွန်မတို့ သီးသန့် စကားပြောလို့ ရမလား "

သူမက အခန်းတစ်ခုကို ညွှန်ပြလိုက်သည်။

အဓိပ္ပာယ်မှာ ရှင်းလင်းပါသည်၊ လီယန်ချူကို ပြောစရာ ရှိသည်ဟူ၍ ဖြစ်သည်။

"ကျွန်တော်လား "

လီယန်ချူမှာ အနည်းငယ် အံ့အားသင့်သွားသည်။

ပထမဆုံးတွေ့ဆုံခြင်းမှာတင် သီးသန့်စကားပြောရန် ခေါ်ခြင်းမှာ အဘယ်သဘောနည်း။

အေးချမ်းဆိတ်ငြိမ်သော တရားထိုင်ဆောင်အတွင်းတွင် ဒွမ်းမူရွှမ်းသည် စန္ဒကူးနံ့သာတိုင်ကို ထွန်းလိုက်ရာ အနံ့များ လွင့်ပျံ့လာသည်။

"လီတာအိုဆရာ ကျိန်းသေ စဥ်းစားနေမှာပေါ့ ကျွန်မ ဘာလို့ ရှင့်ကို ရှာတာလဲဆိုတာ "

"မှန်ပါတယ် "

လီယန်ချူ၏ အကြည့်မှာ တည်ငြိမ်နေပြီး ဒွမ်းမူရွှမ်းကို တည့်တည့်ကြည့်လိုက်သည်။

အပြာရောင် ဂါဝန်ကို ဝတ်ဆင်ထားသော၊ ပျင်းရိ၍ ဆွဲဆောင်မှုရှိသော ထိုအလှပဂေးမှာ လီယန်ချူနှင့် အကြည့်ချင်းဆုံကာ ဆွဲဆောင်မှုရှိစွာ ပြုံးလိုက်သည်။

"ကျင်ကွမ်းကျောင်းတော်က ဝူစဲဆရာတော်ကြီး ပြဿနာတက်နေတယ်၊ စိတ်မိစ္ဆာကပ်ငြိနေပြီး တောင်နောက်ဘက်က ကုသိုလ်သစ်တောထဲမှာ သူ့ဘာသူ ပိတ်လှောင်ထားရတယ်၊ ဓာတ်တော်တွေရဲ့ စွမ်းအားကို သုံးပြီး စိတ်မိစ္ဆာကို နှိမ်နင်းနေရတာ "

လီယန်ချူမှာ အမူအရာ မပျက်ပေ။

ထိုကိစ္စကို သူသည် ဆရာဦးလေး ဆီမှ ကြားထားပြီးသား ဖြစ်သည်။

ဒွမ်းမူရွှမ်းက ဆက်ပြောသည်

"လီတာအိုဆရာ သိပါသလား၊ အခု ကျင်ကွမ်းကျောင်းတော်ထဲမှာ မိစ္ဆာတွေ ခိုးဝင်နေကြတယ်၊ သူတို့ရဲ့ ရည်ရွယ်ချက်က အထဲမှာ ပုန်းအောင်းနေပြီး အခွင့်အရေးရရင် ဝူစဲဆရာတော်ကြီးရဲ့ ကျင့်စဉ်ကို ဖျက်ဆီးဖို့ပဲ "

"ကျွန်မက တာအိုဆရာကို အကူအညီတောင်းချင်တာက အဲဒီလူကို ရှာဖွေပြီး သတ်ဖြတ်ပစ်ဖို့ပါ၊ နောက်ဆက်တွဲ ပြဿနာတွေ မရှိအောင်လို့ပါ "

လီယန်ချူသည် မျက်မှောင်ကြုတ်လိုက်သည်။

"မင်းက ဘာလို့ ဒီကိစ္စကို ဝင်ပါတာလဲ၊ ပြီးတော့ ဘာလို့ ငါ့ကိုမှ လာရှာရတာလဲ "

ဒွမ်းမူရွှမ်းက အလှပဆုံး ပြုံးလိုက်ကာ

"ဘုရင့်တရားရုံးတော် ဟာ လောကက မိစ္ဆာတွေကို စောင့်ကြည့်ရတဲ့ နေရာပါ ကျင်ကွမ်းကျောင်းတော်က ဒေါင်လင်စီရင်စုရဲ့ ဗုဒ္ဓဘာသာ အချက်အခြာနေရာမို့လို့ မငြိမ်မသက် ဖြစ်လို့ မရပါဘူး၊ ဒါက ကျွန်မရဲ့ တာဝန်ပဲ "

ဒွမ်းမူရွှမ်းက ဘုရင့်တရားရုံးတော် က လူတစ်ယောက်လား

ပွဲသို့ မလာမီကမူ

သူသည် ထိုဒွမ်းမူရွှမ်းမှာ ဆွဲဆောင်မှုရှိသော အလှပဂေးတစ်ဦး ဖြစ်လိမ့်မည်ဟု ထင်ခဲ့သည်။

သို့မဟုတ် ဆိုးသွမ်းနွဲ့ဆိုးသော မိန်းကလေးတစ်ဦး ဖြစ်လိမ့်မည်ဟု ထင်ခဲ့သည်။

သို့သော် တစ်ခါမှ မထင်မှတ်ထားသည်မှာ

တစ်ဖက်လူမှာ ဘုရင့်တရားရုံးတော် မှ လူတစ်ယောက် ဖြစ်နေခြင်းပင်

လီယန်ချူက အနည်းငယ် မော့ကြည့်လိုက်သည်။

"လီတာအိုဆရာကို ဘာလို့ ရှာရသလဲဆိုတာကတော့ အလွန်ရိုးရှင်းပါတယ် ချန်ယန် ရေးတဲ့ ဘုရင့်တရားရုံးတော် မှတ်တမ်းမှာ လီတာအိုဆရာဟာ မတရားမှုကို မခံချင်သူ မိစ္ဆာနှိမ်နင်းသူနဲ့ ထူးခြားတဲ့ တာအိုကျင့်စဉ်ရှိသူလို့ ဖော်ပြထားတယ်၊ မူလက ကျွန်မက လူလွှတ်ပြီး ရှင့်ကို ဖိတ်မလို့ပါပဲ၊ ဒါပေမဲ့ တိုက်တိုက်ဆိုင်ဆိုင် ဟဲယူက ရှင့်ကို ခေါ်လာပေးခဲ့တာပေါ့ "

သူမက ရင်ခွင်ထဲမှ ဘုရင့်တရားရုံးတော် ၏ ခါးချိတ်တံဆိပ်ကို ထုတ်ပြလိုက်ရာ ထိုအထဲတွင် တိုင်းပြည်၏ အစိုးရအရှိန်အဝါများ ပါဝင်နေသည်။

လီယန်ချူသည် တစ်ခါက ချန်ယန်ဆီတွင် ထိုကဲ့သို့သော တံဆိပ်မျိုးကို မြင်ဖူးခဲ့သည်။

"ဘုရင့်တရားရုံးတော် က ကျင်ကွမ်းကျောင်းတော်ထဲ မိစ္ဆာတွေ ခိုးဝင်နေတာကို သိရဲ့သားနဲ့ ဘာလို့ လူအင်အား ပိုမလွှတ်တာလဲ "

"ပြီးတော့ ဒေါင်လင်စီရင်စုမှာ မိစ္ဆာတွေ သောင်းကျန်းနေတဲ့အချိန်မှာ ဘုရင့်တရားရုံးတော်က ဘယ်မှာလဲ "

လီယန်ချူက အံ့အားသင့်စွာ မေးလိုက်သည်။

ကျင်ကွမ်းကျောင်းတော်ကဲ့သို့ ဘာသာရေးအရှိန်အဝါ ပြင်းထန်သော နေရာမျိုးသို့ မိစ္ဆာတွေ ခိုးဝင်နိုင်သည်မှာ ထူးဆန်းသည်။

ဒွမ်းမူရွှမ်းက အဓိပ္ပာယ်ပါပါ ပြောလိုက်သည်

"လီတာအိုဆရာ အထင်လွဲနေပါပြီ၊ ဘုရင့်တရားရုံးတော်က ဘာမှ မလုပ်ဘဲ နေတာ မဟုတ်ပါဘူး၊ ဒေါင်လင်စီရင်စုက မိစ္ဆာပုန်ကန်မှုကို ဘုရင့်တရားရုံးတော်က တိတ်တဆိတ် လှုပ်ရှားပြီး စစ်တပ်နဲ့ ပူးပေါင်း နှိမ်နင်းနေပါတယ် "

"လူအင်အား ကိစ္စကတော့၊ ကျွန်မ ပြောနိုင်တာကတော့ အခုလောကမှာ ကျင်းကွမ်းကျောင်းတော် တစ်ခုတည်း ပြဿနာတက်နေတာ မဟုတ်ပါဘူး၊ ဘုရင့်တရားရုံးတော်က ကျွမ်းကျင်သူတွေလည်း နေရာအနှံ့ လိုက်လံဖြေရှင်းနေရပါတယ် "

လီယန်ချူသည် မျက်ခုံးပင့်လိုက်သည်။

ဆိုလိုသည်မှာ ဘုရင့်တရားရုံးတော်မှ အကူအညီ ထပ်ရောက်လာမည် မဟုတ်ဘူးလား

"ဒီကိစ္စကို ကျင်းကွမ်းကျောင်းတော်က ကိုယ်တော်ကြီးတွေ သိလား "

လီယန်ချူက မေးလိုက်သည်။

ကျင်းကွမ်းကျောင်းတော်တွင် ကျွမ်းကျင်သူများစွာ ရှိပြီး ထိုရဟန်းအိုကြီးများမှာ မိစ္ဆာနှိမ်နင်းနိုင်သော ဗုဒ္ဓဘာသာ အစွမ်းအစများ ရှိကြသည်။

ထိုကိစ္စတွင် သူတို့ နှုတ်ဆိတ်နေရန် အကြောင်းမရှိပေ။

ထို့ပြင် ကျင်းကွမ်းကျောင်းတော်က နေရာအနှံ့မှ ကျွမ်းကျင်သူများကို ဓာတ်တော် ပို့ဆောင်ခိုင်းခြင်းမှာလည်း ငါးစာချပြီး ဖမ်းခြင်း မဟုတ်ပါလား

အကယ်၍ နောက်ကွယ်တွင် အစီအစဉ် မရှိဘူးဆိုလျှင် လီယန်ချူ မယုံပေ။

ဒွမ်းမူရွှမ်းက ခေါင်းညိတ်သည်

"သဘာဝကျကျ သိတာပေါ့၊ မူလကတော့ မိစ္ဆာတွေကို တစ်ခါတည်း ရှင်းပစ်ဖို့ပဲ၊ ခိုးဝင်လာတဲ့သူ ရှိရင်တောင် ကျောင်းတော်ရဲ့ အကာအကွယ် အစီရင် နဲ့ ရှာထုတ်လို့ ရတယ်၊ ကျားကို အိမ်ထဲခေါ်ပြီး ရိုက်တာ မျိုးပေါ့ "

"မင်းပြောပုံအရဆိုရင် အစီအစဉ် ပျက်သွားတာလား "

ဒွမ်းမူရွှမ်း၏ ဆွဲဆောင်မှုရှိသော မျက်နှာပေါ်တွင် ခါးသီးသော အပြုံးတစ်ခု ပေါ်လာသည်။

"မှန်ပါတယ် "

"ကျင်းကွမ်းကျောင်းတော်က ယွီရှု ဆရာတော်ဟာယန်ဝိညာဉ် ကို စုစည်းနိုင်တဲ့ တတိယအဆင့် ကျွမ်းကျင်သူ ဖြစ်ပြီး မူလက ဒီလှုပ်ရှားမှုကို အဓိက ဦးဆောင်သူပါ "

"ဒါပေမဲ့ လျှို့ဝှက်ဆန်းပြားတဲ့ ကျွမ်းကျင်သူ တစ်ယောက်က ကျောင်းတော်ထဲကို အတင်းဝင်လာပြီး ဆရာတော်ကို ဒဏ်ရာအပြင်းအထန် ရအောင် လုပ်သွားခဲ့တယ် "

"ဒါပေမဲ့ အဲဒီလူက လူမသတ်ခဲ့ဘူး၊ ကျမ်းစာတိုက်ထဲက လင်္ကာဝတာရသုတ် တစ်အုပ်ကို ယူပြီး ထွက်သွားခဲ့တာ "

လီယန်ချူသည် မျက်လုံးများ ပြူးသွားအောင် အံ့အားသင့်သွားသည်။

တတိယအဆင့် ဆိုတာ

တစ်လောကလုံးမှာ လက်ချိုးရေလို့ ရတဲ့ အဆင့်မျိုးပဲ။

ကျင်ကွမ်းကျောင်းတော်မှာ အဲဒီလိုလူတစ်ယောက် ရှိနေတာတောင် ဘယ်လိုလုပ်ပြီး လျှို့ဝှက်လူတစ်ယောက်က ကျောင်းတော်ထဲကို ဝင်တိုက်ပြီး ဒဏ်ရာရစေတာလဲ

ထိုကဲ့သို့သော ထူးဆန်းသည့် သတင်းမှာ လီယန်ချူကို အလွန်အံ့အားသင့်စေပြီး ထိုလျှို့ဝှက်ကျွမ်းကျင်သူကို စိတ်ဝင်စားသွားစေသည်။

"တကယ်တော့ ဘယ်လိုလူမျိုးက ယန်ဝိညာဉ်အဆင့် ရှိတဲ့ ယွီရှုဆရာတော်ကို အနိုင်ယူနိုင်တာလဲ "

သူသည် သက်ပြင်းချလိုက်မိသည်။

ဒွမ်းမူရွှမ်းက ဖြည်းဖြည်းချင်း ပြောသည်

"ဒီကိစ္စကို ကျင်ကွမ်းကျောင်းတော်က လျှို့ဝှက်ထားပေမဲ့ ကျွန်မကတော့ သတင်းအချို့ ရထားပါတယ် "

"အော် "

"ယွီရှုဆရာတော်ကို ဒဏ်ရာရအောင် လုပ်သွားတာက ၁၇၊ ၁၈ နှစ် အရွယ် မိန်းကလေးတစ်ယောက်ပဲ၊ ရုပ်ရည်က အလွန်လှပပြီး ခရမ်းရောင်ဝတ်စုံကို ဝတ်ထားတယ်၊ ခါးမှာလည်း အရက်ဘူး တစ်လုံး ချိတ်ထားတယ် "

လီယန်ချူမှာ တုန်လှုပ်သွားသည်။

၁၇၊ ၁၈ နှစ်အရွယ် မိန်းကလေးတစ်ယောက်က ယွီရှုဆရာတော်ကို ဒဏ်ရာရအောင် လုပ်ခဲ့တာလား

ရုပ်ရည်ထိန်းသိမ်းထားတဲ့ အဖွားကြီးတစ်ယောက် ဖြစ်ရမယ်။

ဒါမှမဟုတ် နှစ်ပေါင်း ရာနဲ့ချီ ကျင့်ကြံထားတဲ့ မြေဖုတ်ကောင် တစ်ခုခု ဖြစ်လိမ့်မယ်။

ဒွမ်းမူရွှမ်းက အလေးအနက် ပြောသည်

"ကျင်ကွမ်းကျောင်းတော်က အခု အေးချမ်းနေသလို ထင်ရပေမဲ့ တကယ်တော့ ကြီးမားတဲ့ အန္တရာယ်တွေ ပုန်းခိုနေတယ်၊ လီတာအိုဆရာ အကူအညီပေးဖို့ မျှော်လင့်ပါတယ် "

လီယန်ချူသည် ခဏတာ တိတ်ဆိတ်သွားသည်။

ထို့နောက် အသက်ရှူလိုက်ပြီး

"ကောင်းပြီ၊ ငါ မင်းကို ကူညီမယ် "

ဒွမ်းမူရွှမ်း၏ မျက်နှာတွင် ဝမ်းသာရိပ်များ ပေါ်လာသည်။

ထို့နောက် သူမသည် လီယန်ချူအား ကျောင်းတော်အတွင်း ပုန်းအောင်းနေသော မိစ္ဆာများအကြောင်းကို ပြောပြသည်။

"ကျင်ကွမ်းကျောင်းတော်ရဲ့ အကာအကွယ် အစီရင်ကို ကျော်ဖြတ်နိုင်ပြီး ရဟန်းကြီးတွေရဲ့ မျက်စိအောက်မှာ ခိုးဝင်နိုင်တယ်ဆိုတာ သာမန်လူ မဟုတ်တာ သေချာတယ် "

"သတင်းတွေအရဆိုရင်တော့ ချင်းဟွမ်ဂိုဏ်း က လူတွေနဲ့ ဆက်စပ်နေလိမ့်မယ် "

ချင်းဟွမ်ဂိုဏ်း... လီယန်ချူ မျက်မှောင်ကြုတ်ကာ မေးလိုက်သည်

"ဒီချင်းဟွမ်ဂိုဏ်းက ဘာလဲ "

"ချင်းဟွမ်ဂိုဏ်းဆိုတာ မိစ္ဆာဂိုဏ်းတွေထဲက တစ်ခုပဲ၊ ရုပ်ဖျက်အတတ်မှာ အလွန်ကျွမ်းကျင်ကြတယ် တစ်ခါက သူတို့ရဲ့ တပည့်တစ်ယောက်က နန်းတွင်းထဲအထိ ခိုးဝင်ပြီး ကိုယ်လုပ်တော် အဖြစ်တောင် အဆင့်တိုးမြှင့် ခံခဲ့ရဖူးတယ်"

" နောက်ပိုင်းကျမှ မိစ္ဆာဂိုဏ်းကဖြစ်ကြောင်းနဲ့ မကောင်းကြံစည်နေကြောင်း ပေါ်သွားလို့ အသတ်ခံခဲ့ရတယ် အဲဒီအချိန်က ကျုန်းကျုန်း ဧကရာဇ် နန်းစံချိန်ပေါ့၊ ဧကရာဇ်က အလွန်အမင်း အမျက်ထွက်တာပေါ့ စစ်တပ်လွှတ်ပြီး ချင်းဟွမ်ဂိုဏ်းရဲ့ အခြေစိုက်စခန်းကို ဖျက်ဆီးခိုင်းခဲ့ဖူးတယ် "

အခန်း (၂၉၂) - ငါ့ကို လျှာနဲ့ လျက်နေတယ်လို့ ခံစားရတယ်၊ မွေးရာပါ ဝိညာဉ်မျက်လုံး

"ဒါပေမဲ့ မကြာသေးခင်က ကျွန်မတို့ သတင်းရထားတာက ချင်းဟွမ်ဂိုဏ်းဟာ ချန်နိုင်ငံ နယ်မြေထဲမှာ ထပ်ပြီး လှုပ်ရှားနေပြန်တယ်၊ ဒါပေမဲ့ လုပ်ဆောင်ပုံက လျှို့ဝှက်လွန်းပြီး လူဦးရေလည်း မများလှဘူး"

"ဒီဂိုဏ်းရဲ့ အသွင်ပြောင်းလဲခြင်း အတတ်ပညာဟာ ခန္ဓာကိုယ်ပုံစံနဲ့ မျက်နှာသွင်ပြင်ကို ပြောင်းလဲနိုင်တယ်၊ သာမန်လူတွေက မမြင်နိုင်သလို အဆင့်မြင့်တဲ့ အထိ ကျင့်ကြံထားရင် ကျင့်စဥ်မြင့်တဲ့သူ တွေတောင်ဘယ်လိုမှ ရှာမတွေ့နိုင်ဘူး "

"ဆိုလိုတာက၊ အခု အပြင်မှာရှိနေတဲ့ ဧည့်သည်အုပ်စုထဲမှာ ချင်းဟွမ်ဂိုဏ်းသားတွေ အသွင်ပြောင်းထားတာ ဖြစ်နိုင်ခြေ အလွန်များတယ်၊ ပြီးတော့ တစ်ယောက်ထက် ပိုနေနိုင်သေးတယ် မဟုတ်လား"

လီယန်ချူက လေးလေးနက်နက် ပြောလိုက်သည်။

"ဟုတ်တယ်၊ ဒါကြောင့်ပဲ ကျွန်မက လီတာအိုဆရာကို အထူးတလည် ခေါ်ဖိတ်ခဲ့တာ၊ ဒီနေ့ ကျွန်မ ဧည့်ခံပွဲ လုပ်တာကလည်း ဒီအကြောင်းကြောင့်ပဲ၊ ဒါပေမဲ့ စိတ်မကောင်းစရာက ဘာမှ ရှာမတွေ့ခဲ့ဘူး"

ဒွမ်းမူရွှမ်းက ခေါင်းကို အနည်းငယ် ငြိမ့်ပြသည်။

ငါ့ကို အလကား အသုံးချဖို့ ကြံနေတာလားဟု တွေးမိကာ လီယန်ချူ မျက်မှောင်ကြုတ်လျက်

"မင်းက ငါ ချင်းဟွမ်ဂိုဏ်း တပည့် အသွင်ပြောင်းထားတာ ဆိုရင်ရော မကြောက်ဘူးလား "

"ကျွန်မမှာ မွေးရာပါ ဝိညာဉ်မျက်လုံး ရှိတယ်၊ ပြင်ပလောကမှာဆိုရင်တော့ ယင်ယန်မျက်လုံး လို့ ခေါ်ကြတယ်၊ ဒါပေမဲ့ အဲဒီဟာထက် အများကြီး ပိုသာလွန်တယ်၊ အမှားအမှန်ကို ခွဲခြားနိုင်တယ် "

ခဏရပ်ပြီးနောက် သူမက ဆက်ပြောသည်

"လီတာအိုဆရာက ဂိုဏ်းစစ် ဂိုဏ်းမှန်ရဲ့ အရှိန်အဝါကို ပိုင်ဆိုင်ထားပြီး သွေးသားစွမ်းအားတွေကလည်း အလွန်ထူထပ်တယ်၊ သိုင်းပညာနဲ့ တာအိုပညာ နှစ်မျိုးလုံးကို ဒီအဆင့်အထိ ကျင့်ကြံထားနိုင်တာ ဘယ်သူများ အတုလုပ်နိုင်မှာလဲ "

"ဟင်"

လီယန်ချူ အနည်းငယ် အံ့အားသင့်သွားသည်။

သူ့ရဲ့ အမှောင်ဖုံးကွယ်ခြင်း အတတ်ကို မြင်နိုင်တဲ့ ပထမဆုံးလူပဲ။

ဒီ ဒွမ်းမူရွှမ်းဆိုတဲ့ မိန်းမ တော်တော်လေး စွမ်းတာပဲ

"ကျွန်တော်တို့ ခုမှ ပထမဆုံးအကြိမ် တွေ့ဖူးတာလေ၊ မင်းက ငါ့ရဲ့ အရှိန်အဝါကို မြင်နိုင်ရင် တခြားသူတွေကိုတော့ ဘာလို့ မမြင်နိုင်ရတာလဲ "

လီယန်ချူက ဆက်မေးသည်။

"မွေးရာပါ ဝိညာဉ်မျက်လုံးမှာလည်း ကန့်သတ်ချက် ရှိတယ်၊ ချင်းဟွမ်ဂိုဏ်းရဲ့ ကျင့်စဉ်က ကျွန်မရဲ့ ဝိညာဉ်မျက်လုံးကို တန်ပြန်နိုင်တယ်၊ ပြီးတော့ လီတာအိုဆရာက အရှိန်အဝါ အလွန်ထူထပ်နေလို့သာ ကျွန်မ အခြေအနေကို ရိပ်မိတာ၊ တကယ်လို့ တမင်တကာ သိုဝှက်ထားရင် ကျွန်မရဲ့ ဝိညာဉ်မျက်လုံးနဲ့လည်း ဘာမှ ရှာမတွေ့ဘူး "

ဒွမ်းမူရွှမ်းက လီယန်ချူအပေါ် အလွန်ယုံကြည်ပုံရသည်။

အကြောင်းအရာတွေကို အကုန်ဖွင့်ပြောပြရုံတင်မကဘဲ သူမရဲ့ မွေးရာပါ ဝိညာဉ်မျက်လုံးအကြောင်းနဲ့ အားနည်းချက်တွေကိုပါ ဝေ့လည်ကြောင်ပတ်မလုပ်ဘဲ တိုက်ရိုက် ပြောပြလိုက်သည်။

"မင်းက ငါ့ကို အလွန်အမင်း ယုံကြည်နေပုံပဲ "

လီယန်ချူက ပြောသည်။

"လီတာအိုဆရာဟာ ကျန်းဆရာကြီး ရွေးချယ်ထားတဲ့ လူငယ်မျိုးဆက် ဖြစ်သလို၊ ချန်ယန်နဲ့ ရှောင်စဲ့တို့လို မာနကြီးတဲ့ လူငယ်ထူးချွန်သူတွေတောင် လီတာအိုဆရာကို အလွန်အမင်း လေးစားကြတာ၊ ကျွန်မ ဘယ်လိုလုပ် မယုံကြည်ဘဲ နေနိုင်မှာလဲ "

"ပြီးတော့ တာအိုဆရာက ဝေမြို့မှာ မိစ္ဆာတွေကို သတ်ခဲ့တယ်၊ နတ်ဆိုးတွေကို နှိမ်နင်းခဲ့တယ်၊ သွေးစွန်းဒဂ်ါး ရဲ့ မကောင်းတဲ့ အရှိန်အဝါတွေကို ဖယ်ရှားခဲ့တယ်၊ နာမည်ကျော်ကြားတဲ့ မှန်ကန်တဲ့ လမ်းစဉ်ကို လိုက်သူတစ်ယောက်ပဲ၊ ဒီလိုအချိန်မျိုးမှာ ကျွန်မက ဘယ်လိုလုပ် တာအိုဆရာကို ဖုံးကွယ်ထားနိုင်မှာလဲ "

လီယန်ချူက တစ်ဖက်လူရဲ့ ချီးမွမ်းစကားတွေကြောင့် ဂုဏ်မယူသွားပေ။

"ဒီလောက်နဲ့ပဲ ပြီးပြီလား "

"တကယ်တော့ နောက်ထပ် အကြောင်းအရင်း တစ်ခုရှိသေးတယ်၊ အခုနက ပြောခဲ့တာတွေက စာရွက်စာတမ်းတွေနဲ့ တခြားသူတွေရဲ့ ပါးစပ်က ကြားရတာဆိုရင်၊ ဒီနေ့ တွေ့လိုက်ရတဲ့အတွက် တာအိုဆရာနဲ့ ပတ်သက်ပြီး ဘာပြဿနာမှ မရှိဘူးဆိုတာကို ပိုပြီး အတည်ပြုနိုင်သွားပြီ "

ငါ့ကို ချော့မော့နေတယ်လို့ ခံစားရတယ်... လီယန်ချူ မျက်မှောင်ကြုတ်လျက်

"တွေ့လိုက်တာနဲ့တင် ဒီလို ပြောတာက နည်းနည်း လွန်မနေဘူးလား "

ဒွမ်းမူရွှမ်း ခေါင်းခါလိုက်သည်

"တွေ့လိုက်တာ တစ်ကြိမ်ပဲ ရှိသေးပေမဲ့ တာအိုဆရာရဲ့ မျက်ဝန်းတွေက ဖြောင့်မတ်ပြီး ပြတ်သားတဲ့ အရှိန်အဝါတွေ ပုန်းကွယ်နေတယ်၊ စိတ်ဓာတ်မြင့်မားပြီး အဆုံးအဖြတ် ပြတ်သားသူတစ်ယောက်ဖြစ်မှန်း သိသာတယ်၊ မိစ္ဆာလမ်းစဉ်နဲ့ ပေါင်းသင်းမယ့်လူမျိုး လုံးဝ မဟုတ်ဘူး၊ ပြီးတော့ ဒီလို ရင့်ကျက်တဲ့ အရှိန်အဝါမျိုးကို ချင်းဟွမ်ဂိုဏ်းက မိစ္ဆာတွေ ဘယ်လိုမှ အတုယူလို့ မရဘူး "

လီယန်ချူ - "..."

ဒီလို လှပတဲ့ မိန်းမချောလေးရဲ့ ချီကျူးခြင်းကို ခံလိုက်ရတော့

သူ့စိတ်ထဲမှာတော့ သာယာနေမိတယ်

ဒါပေမဲ့ အဲဒီလောက်ပါပဲ။

"မင်း ငါ့ကို ကူညီခိုင်းစရာ တခြားကိစ္စ ရှိသေးတယ် မဟုတ်လား "

လီယန်ချူက သံသယဖြင့် မေးသည်။

ဒီမိန်းမရဲ့ ချော့မော့နေတာတွေက ဒွမ်းမူမိသားစုရဲ့ ခန့်ညားတဲ့ ပုံစံနဲ့ လုံးဝ မကိုက်ညီဘူး။

တမင်တကာ တစ်ခုခုကို ကြံစည်နေတာပဲ။

ဒွမ်းမူရွှမ်းက တောက်ပစွာ ပြုံးလိုက်သည်

"တာအိုဆရာက ထက်မြက်လိုက်တာ၊ ကျွန်မမှာ အသေးအဖွဲ ကိစ္စလေးတစ်ခု ရှိတာတော့ မှန်ပါတယ်၊ ဒါပေမဲ့ ခုနက ပြောခဲ့တာတွေကလည်း စိတ်ရင်းအတိုင်းပါပဲ "

"ဘာကိစ္စလဲ "

"ဒီကိစ္စ ပြီးသွားရင် လီတာအိုဆရာကို ဒွမ်းမူမိသားစုအိမ်မှာ ဧည့်သည်အဖြစ် ကြွရောက်ဖို့ ဖိတ်ခေါ်ချင်ပါတယ် "

"အင်း "

လီယန်ချူ အနည်းငယ် အံ့အားသင့်သွားသည်။

ဘာလို့ တင်းရုံ လိုမျိုးပဲ စဉ်းစားချက် ရှိနေရတာလဲ။

သူက ဒွမ်းမူရွှမ်းက သူ့ကို တရားရုံးတော်မှာ ဝင်လုပ်ဖို့ ဒါမှမဟုတ် နောက်ထပ် မိစ္ဆာတစ်ကောင်ကို သတ်ဖို့ ကူညီခိုင်းလိမ့်မယ်လို့ ထင်ထားတာ။

ဒီလို ကိစ္စဖြစ်လိမ့်မယ်လို့ မထင်ထားခဲ့ဘူး။

"မဖြစ်ဘူး၊ ငါ ငြင်းတယ် "

ဒွမ်းမူရွှမ်း အံ့အားသင့်သွားသည်၊ လီယန်ချူက ဒီလောက်တောင် ပြတ်ပြတ်သားသား ငြင်းလိမ့်မယ်လို့ မထင်ထားပုံရသည်။

သို့သော်လည်း။

ဒီ ပျင်းရိပြီး ဆွဲဆောင်မှုရှိတဲ့ မိန်းမကတော့ အသာအယာ ပြုံးလိုက်သည်။

"အသေးအဖွဲ ကိစ္စလေးပါ၊ အရင်ဆုံး ကျင်းကွမ်းကျောင်းတော်ရဲ့ မိစ္ဆာတွေကို အရင် ရှင်းပစ်လိုက်ပါဦး၊ ပြီးမှ ပြောကြတာပေါ့ "

အသံက အေးဆေးတည်ငြိမ်ပြီး ယုံကြည်မှုအပြည့် ရှိနေသည်။

သို့သော် လီယန်ချူရဲ့ နားထဲသို့ ရောက်လာသည့်အခါမှာတော့ စိတ်ထဲမှာ ထူးဆန်းတဲ့ အတွေးတစ်ခု ပေါ်လာသည်။

ထင်ရတာတော့။

ဒွမ်းမူရွှမ်းက ဒီကိစ္စကို ကျင်းကွမ်းကျောင်းတော်ရဲ့ အခုလက်ရှိ အန္တရာယ်ထက် ပိုပြီး အရေးပေးနေပုံပဲ။

သူတို့နှစ်ယောက် တရားထိုင်ဆောင်ထဲကနေ ထွက်လာတဲ့အခါ အပြင်ဘက် ဝင်းထဲမှာ လူတွေက အရင်အတိုင်း စကားပြော ရယ်မောနေကြဆဲဖြစ်သည်။

တာအိုပညာရှင် အများအပြားက အရင်ကတည်းက ရင်းနှီးပြီးသားတွေ ဖြစ်ကြသည်။

ဒါမှမဟုတ် ကိုယ့်ဂိုဏ်းကိုယ် မိသားစုချင်း ဆက်ဆံရေး ရှိကြသည်။

ဒါကြောင့် ဒွမ်းမူရွှမ်းက စားပွဲပြင်ဆင်ပေးတဲ့အခါ ဒီလူတွေက ဝမ်းမြောက်ဝမ်းသာ လာရောက်ကြခြင်း ဖြစ်သည်၊ တစ်ခုက ဒွမ်းမူရွှမ်းရဲ့ မျက်နှာကို ထောက်ထားတာ ဖြစ်သည်။

နောက်တစ်ခုကတော့

သူတို့အတွက်တော့

ဒါဟာ လူမှုဆက်ဆံရေး အခွင့်အရေး တစ်ခုပဲ၊ အားလုံး ထိုင်ပြီး ခင်မင်ရင်းနှီးမှု တိုးပွားအောင် လုပ်နိုင်တယ်။

သို့သော်လည်း

ဒွမ်းမူရွှမ်းဆိုတဲ့ အလှပဂေးအတွက်ဆိုရင်တော့ ယောကျာ်းတိုင်းက ထူးဆန်းတဲ့ စိတ်ကူးတွေ ပေါက်လာစမြဲပဲ။

ဒါကြောင့် သူမရဲ့ လှုပ်ရှားမှုတိုင်းကို အလွန် ဂရုတစိုက် ကြည့်နေကြသည်။

ဒွမ်းမူမိသားစုက ဒွမ်းမူရွှမ်းက ဖိတ်ခေါ်ပြီး တရားထိုင်ဆောင်ထဲ ခေါ်သွားတယ်ဆိုတဲ့ အဓိပ္ပာယ်က အဓိပ္ပာယ်ပြည့်စုံလွန်းသည်။

လူအများအပြားက မနာလို ဖြစ်နေကြသည်။

စွဲလမ်းတဲ့ စိတ်ကူးတွေ မဟုတ်ရင်တောင် လူဆိုတာ ဒီလိုပဲ။

ထူးခြားတဲ့ အခွင့်အရေးရတာကို လူတိုင်း ကြိုက်ကြတယ်။

မေးကြည့်ရအောင်

ကမ္ဘာပေါ်က ထူးချွန်သူတွေ စုဝေးရာ၊ ဝှက်ထားတဲ့ နဂါးတွေ ပုန်းအောင်းနေတဲ့ ကျင်းကွမ်းကျောင်းတော်မှာ အလှပဂေး ဒွမ်းမူရွှမ်းရဲ့ သီးသန့် ခေါ်ခြင်း ခံရတာ။

ဒါဟာ ဘယ်လောက်တောင် ပျော်ရွှင်စရာ ကောင်းတဲ့ ကိစ္စလဲ။

အချစ်ဇာတ်လမ်း၊ ရှေးဟောင်းကျောင်းတော်၊ အလှပဂေး၊ စွမ်းရည်ရှင်တွေ စုဝေးရာ။

ဒီလိုအချိန်မှာ ကိုယ့်မျက်နှာကို ပြရတာ၊

လူငယ် ထူးချွန်သူတိုင်းက စိတ်မလှုပ်ရှားဘဲ မနေနိုင်တဲ့ ကိစ္စပဲ။

အပေါ်ယံမှာ ဘယ်လောက်ပဲ တည်ငြိမ်သယောင် ဟန်ဆောင်နေပါစေ၊ သူတို့ရဲ့ စိတ်ထဲမှာတော့ ဂရုစိုက်နေကြတာပဲ။

အားလုံး ဝင်းထဲမှာ အရက်သောက်ရင်း စကားပြောနေကြတဲ့အချိန်မှာ လျှို့ဝှက်စွာနဲ့လည်း အပြန်အလှန် စူးစမ်းနေကြသည်။

သို့သော်

ဘယ်သူမှ မထင်မှတ်ထားတာက၊ ခုမှ ရောက်လာတဲ့ လူငယ်တာအိုဆရာလေးက ဒီလို ထူးခြားတဲ့ အခွင့်အရေး ရလိမ့်မယ်လို့ပဲ။

ဘာကြောင့်လဲ

ဝင်းထဲက စိတ်တိုတတ်တဲ့ တာအိုပညာရှင် အချို့ကတော့ သူတို့ရဲ့ စိတ်ခံစားချက်တွေကို မထိန်းနိုင်ဘဲ ပေါ်လာကုန်သည်။

အဲဒီထဲမှာ

စိတ်ထဲမှာ အချဉ်ဆုံး ဖြစ်နေတာကတော့ ဟဲယူ ဖြစ်မှာ သေချာသည်။

သူက စားပွဲဝိုင်းမှာ ရင်းနှီးတဲ့ သူငယ်ချင်းတွေ ရှိပြီးသား၊ အခွင့်အရေး ရရင် ဒီစားပွဲမှာတင် ပြဿနာ ရှာဖို့ ကြံစည်ထားတာ

ဒါပေမဲ့ မထင်မှတ်ဘဲ။

ဒီ ခွေးသားက ဝင်လာတာနဲ့ ဒွမ်းမူရွှမ်းရဲ့ သီးသန့် ဖိတ်ခေါ်ခြင်း ခံရပြီး တရားထိုင်ဆောင်ထဲမှာ လျှို့ဝှက် စကားပြောနေရတယ်။

တောက်...

ဒွမ်းမူရွှမ်းဆိုတဲ့ မိန်းမ

လီယန်ချူကတော့ ဒီလူတွေရဲ့ စိတ်ကူးတွေကို ဂရုမစိုက်ဘဲ အရှိန်အဝါကို ကြည့် အတတ်ကို အသုံးပြုကာ ဝင်းထဲက လူတွေကို အကုန်လုံး တစ်ချက်ချင်း စစ်ဆေးလိုက်သည်။

အရှိန်အဝါကို ကြည့်အတတ်

တာအိုဂိုဏ်းရဲ့ ရှေးဟောင်း အတတ်ပညာ

လူတွေရဲ့ ကံကြမ္မာကို ကြည့်နိုင်တယ်

သူ့မျက်လုံးထဲမှာ ကြည်လင်တဲ့ အလင်းရောင်တစ်ခု ဖြတ်သန်းသွားပြီး ဟဲယူကို အရင်ဆုံး စစ်ဆေးလိုက်သည်။

ဒီလူငယ် တာအိုပညာရှင်က သူ့ကို ဘာလို့မှန်းမသိ ရင်းနှီးတဲ့ ခံစားချက်ကို ပေးနေတာလဲ၊ အရမ်း ထူးဆန်းတယ်။

သန့်ရှင်းတဲ့ အရှိန်အဝါ၊

ကံကြမ္မာကလည်း မဆိုးဘူး။

တော်တော်လေး ထူးချွန်တဲ့ တာအို တပည့်တစ်ယောက်လို့ ပြောလို့ရတယ်၊

ထူးခြားတဲ့ အချက် ဘာမှ မရှိဘူး။

မိစ္ဆာအရှိန်အဝါ၊ ယင်အရှိန်အဝါတွေလည်း ကပ်ငြိမနေဘူး။

"ဘာမှ ပြဿနာ မရှိဘူးလား "

သူ့စိတ်ထဲမှာ သံသယတွေ ရှိနေတယ်၊

အဲဒီ ရင်းနှီးတဲ့ ခံစားချက်က ဘယ်ကနေ လာတာလဲ။

သူ တခြားလူတွေကို မကြည့်ဘဲ ဟဲယူ တစ်ယောက်တည်းကိုပဲ စိုက်ကြည့်နေသည်။

သို့သော်

ဒီတစ်ခါ သူက ကျောက်စိမ်းဆွဲသီး ဆိုတဲ့ ဝိညာဉ်လက်နက်ကို မသုံးဘူး

သူ့ရဲ့ ဒန်ထျန်း ထဲက လေစီးကြောင်းကိုပဲ လည်ပတ်စေလိုက်သည်။

ဒါဟာ နဂါးနဲ့ ကျား ရွှေအမြုတေ ကို ပေါင်းစပ်ဖို့အတွက် အစပျိုးခြင်းပဲ၊ နဂါးနဲ့ ကျား စုစည်းမိတာနဲ့ ရွှေအမြုတေ ဖြစ်လာလိမ့်မယ်။

အဲဒီအခါကျရင်တော့ ဘယ်လို ဆိုးရွားတဲ့ စွမ်းအားကမှ ထိခိုက်နိုင်မှာ မဟုတ်တော့ဘူး။