အခန်း (၁၇၀၅-၁၇၀၇)

အခန်း(၁၇၀၅) တိုက်ခိုက်မှုတစ်ခုပြီးတစ်ခု

လူတိုင်း၏ အမူအရာများ ပြောင်းလဲသွားပြီးနောက် တစ်စုံတစ်ယောက်က တစ်စုံတစ်ခုကို သတိရသွားသည်။

"လေဝိညာဉ်ခန္ဓာကိုယ်... ငါဒီလိုဖြစ်လိမ့်မယ်လို့ မမျှော်လင့်ထားဘူး။ ဒီလိုထူးခြားတဲ့ ခန္ဓာကိုယ်ရှိတဲ့ ဘုရင်တစ်ပါးရှိခဲ့ဖူးတယ်။ ရှေးခေတ်တုန်းက သူဟာ အနိုင်ယူလို့မရတဲ့သူတစ်ယောက်ဖြစ်ပြီး ကမ္ဘာကြီးကို အချိန်အကြာကြီးအုပ်စိုးခဲ့တယ်"

ထိပ်တန်းတပည့်တစ်ယောက်က ပွင့်ပွင့်လင်းလင်းပြောလိုက်သည်။

"ဒီခန္ဓာကိုယ်က လေနဲ့ ဆက်နွယ်မှုရှိတယ်။ သူနဲ့ ယှဉ်နိုင်တဲ့ ခန္ဓာကိုယ်မရှိဘူး။ လေတိုက်ခတ်မှုရှိနေသရွေ့ ဒါက သူတို့ရဲ့ အိမ်ပဲ။"

ရုတ်တရက် အတွင်းစည်းတပည့်ဖြစ်စေ၊ အပြင်စည်းတပည့်ဖြစ်စေ၊ ၎င်းတို့၏ မျက်နှာအမူအရာများ သိသိသာသာ ပြောင်းလဲသွားကြသည်။

ဟွားရှန်းယွမ်ကို အထက်လူကြီးများက အဘယ်ကြောင့် ဤမျှတန်ဖိုးထားကြောင်း နောက်ဆုံးတွင် သူတို့ နားလည်သွားကြသည်။ သူသည် ဘုရင်တစ်ပါး၏ ထူးခြားသော ခန္ဓာကိုယ်ကို ပိုင်ဆိုင်ထားသည်။

ကမ္ဘာပေါ်တွင် အထူးခန္ဓာကိုယ်အမျိုးမျိုးရှိကာ ခန္ဓာကိုယ်များကို အဆင့်များခွဲထားသည်။ ရှေးခေတ်က အသန်မာဆုံးလူ၏ အဆင့်ပေါ်မူတည်၍ လူများသည် အထူးခန္ဓာကိုယ်ကို ပိုင်းခြားကြသည်။ ထိုခန္ဓာကိုယ်ကို အားကိုး၍ ဧကရာဇ်ဖြစ်လာပါက ဧကရာဇ် ခန္ဓာကိုယ်ဖြစ်လာမည်ဖြစ်သည်။

ခန္ဓာကိုယ်တည်ဆောက်ပုံများစွာထဲတွင် ဧကရာဇ်ခန္ဓာကိုယ်တည်ဆောက်ပုံသည် သဘာဝအတိုင်း အကောင်းဆုံးဖြစ်သည်။ ရှေးခေတ်ကတည်းက ပေါ်ပေါက်လာသော ဧကရာဇ်ခန္ဓာကိုယ်တိုင်းကို ချီးကျူးဂုဏ်ပြုခဲ့ကြကာ ၎င်းတို့၏ အနာဂတ်သည်လည်း အကန့်အသတ်မရှိပေ။

လက်ရှိ တရှတွင် ကမ္ဘာကိုအုပ်ချုပ်သူများကို ဧကရာဇ်များဟု မခေါ်နိုင်ပေ။ ၎င်းတို့၏လေ့ကျင့်မှုသည် ကမ္ဘာကြီးကို ဖိနှိပ်ရန် မလုံလောက်သောကြောင့်သာ ဘုရင်များဟု ခေါ်နိုင်သည်။ သို့သော် ထိုသို့သောကျွမ်းကျင်သူသည် ကမ္ဘာ့ထိပ်တန်းပုဂ္ဂိုလ်များထဲမှ တစ်ဦးဖြစ်ပြီးဖြစ်သည်။ ၎င်းတို့သည် တရှ မြို့တော်တွင် တပ်စွဲထားကာ ၎င်းတို့၏ တားဆီးနိုင်စွမ်းသည်လည်း နျူကလီးယားလက်နက်နှင့် ညီမျှသည်။

ဥပမာအားဖြင့်၊ ကြယ်ကြွေကောင်းကင် ဂိုဏ်းခေါင်းဆောင်သည် ဂိုဏ်းကြီးဆယ်ဂိုဏ်းအနက်မှ တစ်ဂိုဏ်း၏ ခေါင်းဆောင်ဖြစ်သော်လည်း သူသည် မြို့ဝန်တစ်ဦးသာဖြစ်သည်။ သူနှင့် ဘုရင်တစ်ပါးကြားတွင် ကြီးမားသော ကွာဟချက်တစ်ခုရှိသည်။ ဧကရာဇ်ခန္ဓာကိုယ်တစ်ခု၏ ရှားပါးမှုကို မြင်ယောင်ကြည့်နိုင်သည်။ ထိုသို့သောလူတစ်ဦးသည် ရှေးခေတ်က ဘုန်းအသရေကို ပြန်လည်မဖန်တီးနိုင်လျှင်ပင်၊ ၎င်းတို့ကို ကောင်းမွန်စွာ ပြုစုပျိုးထောင်သရွေ့ အနာဂတ်တွင် ကြီးကျယ်သော အရာရှိတစ်ဦး ဖြစ်လာလိမ့်မည်။

ဟွားရှန်းယွမ်တွင် လေဝိညာဉ်ခန္ဓာကိုယ်ရှိကြောင်း ယင်းမတိုင်ခင်က မည်သူမျှ မသိခဲ့ကြပေ။

ဂိုဏ်း၏ အထက်လူကြီးများသည် ယင်းကို တမင်တတကာ ဖုံဂကွယ်ထားကြသည်မှာ ထင်ရှားသည်။ ယင်းဘုရင်ခန္ဓာကိုယ်ကို ဖော်ထုတ်လိုက်သည်နှင့် အဆုံးမဲ့သော ဒုက္ခများကို သယ်ဆောင်လာလိမ့်မည်။

သို့သော် ဟွားရှန်းယွမ်က ဂရုမစိုက်ပေ။ ထို ဒုက္ခမျိုးကို သူ အလေးအနက် မထားပေ။ ဒုက္ခမရှိပါက ဉာဏ်အလင်းမရနိုင်ကြောင်း သူသိသည်။ ရှေးခေတ်ကတည်းက ဖန်လုံအိမ်ထဲ၌ ကြီးပြင်းလာသူကား မည်သူနည်း။ ၎င်းတို့ထဲမှ မည်သူက သွေးများ မြစ်ကဲ့သို့ စီးဆင်းသည်အထိ မသတ်ဖြတ်ဘဲ ၎င်းတို့၏ ဂုဏ်သတင်းကို ရရန် အပြင်းအထန် ကြိုးစားခဲ့သည်။

“ဟားဟား မင်း အချိန်မှန်ပဲ”

"လေဝိညာဉ်ခန္ဓာကိုယ်" ဟူသောအမည်ကို ကြားသောအခါ ချူးယွင်ဖန်းက မကြောက်တော့ပေ။

ယင်းအစား သူ့သွေးများဆူပွက်လာသည်ကို ခံစားလိုက်ရသည်။ သာမန်လူများအတွက် လေဝိညာဉ်ခန္ဓာကိုယ်သည် ကြောက်စရာကောင်းသည်။ သို့သော် ဆေးဧကရာဇ်မှတ်ဉာဏ်ပိုင်ဆိုင်ထားသော ချူးယွင်ဖန်းအတွက်မူ ဘုရင်ခန္ဓာကိုယ်ထက် များစွာပို၍ကြောက်စရာကောင်းသော ခန္ဓာကိုယ်များစွာကို မြင်တွေ့ခဲ့ရသည်။ ဧကရာဇ်ဖြစ်လာရန် အရည်အချင်းပြည့်မီသော ကြောက်စရာကောင်းသော ခန္ဓာကိုယ်များရှိသည်။ ထိုအရာနှင့်နှိုင်းယှဉ်လျှင်ဟွားရှန်းယွမ်သည် ဘာမှမဟုတ်ပေ။

ဟွားရှန်းယွမ်က ချူးယွင်ဖန်းအံ့အားသင့်ခြင်းမရှိဘဲ ပျော်ရွှင်နေသည်ကို မြင်လိုက်ရသည်။ မုန်တိုင်း၏ အသေးစိတ်အချက်အလက်တိုင်းကို ထိန်းချုပ်ကာ လှံများအဖြစ် ပြောင်းလဲလိုက်သောအခါ သူ့မျက်လုံးများသည် အေးစက်သောအလင်းတန်းများဖြင့် တောက်ပသွားသည်။ ထို့နောက် သူသည် ထိုလှံများကို ချူးယွင်ဖန်းထံသို့ ပစ်လိုက်၏။

ဝှစ် ဝှစ် ဝှစ်

လှံများသည် ကောင်းကင်ကို ထိုးဖောက်ဝင်ရောက်ကာ ကြောက်မက်ဖွယ်ကောင်းသော အသံတစ်ခုကို ယူဆောင်လာခဲ့သည်။ ၎င်းတို့သည် ကောင်းကင်နှင့် မြေကြီးကို ချေမှုန်းတော့မည့် ဧရာမနဂါးကြီးများကဲ့သို့ ဖြစ်သည်။

“မိုးကြိုး ငါ့ဆီလာ ခရမ်းရောင်မိုးကြိုးဓားခုနှစ်စင်း”

ချူးယွင်ဖန်းက ဓားကို ပေါ့ပါးစွာ ဝှေ့ယမ်းလိုက်သောအခါ အလွန်ထက်မြက်သော ဓားအလင်းတစ်ခုက လေထဲသို့ မြင့်တက်လာသည်။ သူ့ဓားထိပ်ရှိ ဓားအလင်းက ချက်ချင်းပင် ကြောက်မက်ဖွယ် လွှမ်းမိုးမှုတစ်ခုအဖြစ်ပြောင်းလဲ၍ လှံများဆီသို့ ဦးတည်သွားသည်။

ဘမ်း

ဘမ်း

ဘမ်း

ချူးယွင်ဖန်းက လှံများကို ပေါ့ပေါ့တန်တန် ခုတ်ဖြတ်ချလိုက်သည်။ ထိပ်တန်းတပည့်များက ထိန်းထားသည့် အတားအဆီးသာ ကျန်တော့သည့် ကွင်းတစ်ခုလုံး ပြိုကွဲသွားသည်။ မဟုတ်ပါက ထွက်ပေါ်လာသော ကြောက်မက်ဖွယ်ကောင်းသော အရှိန်အဝါသည် ရှားဟော်ကျဲ၊ စွန်းယောင်နှင့် အနီးနားရှိ အခြားတပည့်များအားလုံးကို ပြင်းထန်စွာ ဒဏ်ရာရရှိစေနိုင်သည်။

"ဒါ အရမ်းကောင်းတယ်!"ဟွားရှန်းယွမ် ရယ်လိုက်သည်။

သူ့ဆံပင်များသည် လေထဲတွင် လွင့်နေကာ နတ်ဆိုးနတ်ဘုရားတစ်ပါးဟုပင် ထင်ရသည်။ သူ့လက်ထဲတွင် လေနဂါးများကို ထိန်းချုပ်၍ ချူးယွင်ဖန်းကို ထပ်မံတိုက်ခိိုက်သည်။ ကောင်းကင်တစ်ခုလုံးတွင် လေနဂါးအမျိုးမျိုးက ရှေ့တိုးနောက်ငင် လှုပ်ရှားသွားလာနေကာ တိုက်ပွဲကွင်းကို ဖျက်ဆီးနေကြသည်။

သို့သော် ချူးယွင်ဖန်းကမူ လုံးဝ ကွဲပြားသည်။ သူ၏ လှုပ်ရှားမှုများသည် မယုံကြည်နိုင်လောက်အောင် မြန်ဆန်ကာ တိုက်ခိုက်မှုတိုင်းက လေနဂါးတစ်ကောင်ပြီးတစ်ကောင်ကို အလွယ်တကူ ဖျက်ဆီးပစ်နိုင်သည်။

တစ်ဆင့်ပြီးတစ်ဆင့် သူက ဟွာရှန်းယွမ်ထံသို့ ချဥ်းကပ်လာခဲ့သည်။ ဟွားရှန်းယွမ်ကို ဝိုင်းရံထားသည့် လေနဂါးများသည် ချူးယွင်ဖန်းကို လုံးဝ မထိခိုက်စေနိုင်ခဲ့ပေ။

ရုတ်တရက် ချူးယွင်ဖန်းက လှုပ်ရှားမှုတစ်ခု ပြုလုပ်လိုက်သည်။ သူ့လက်ထဲတွင် ဓားကို ဝှေ့ယမ်းလိုက်သောအခါ ခရမ်းရောင်မိုးကြိုးဓားခုနစ်ချောင်းသည် တစ်ခုတည်းအဖြစ် ပေါင်းစည်းသွားပြီး ကြောက်မက်ဖွယ်ကောင်းသော ဓားစီးကြောင်းတစ်ခုအဖြစ်သို့ ပြောင်းလဲသွားသည်။ ဤဓားစီးကြောင်းသည် အရာအားလုံးကို ဖောက်ထွင်းဝင်ရောက်ကာဟွားရှန်းယွမ်ရှေ့သို့ ရောက်ရှိလာခဲ့သည်။

ချူးယွင်ဖန်၏ တိုက်ခိုက်မှုသည် အလွန်မြန်ဆန်လွန်းသဖြင့် ဟွားရှန်းယွမ် တုံ့ပြန်ရန် အချိန်မရတော့ပေ။ သူ ယင်းနှင့်ထိမှန်၍ ကြိုးပြတ်သွားသည့် စွန်တစ်စင်းနှယ် လွင့်စင်သွားသည်။

အမှန်တကယ် ကြောက်မက်ဖွယ်ကောင်းသော တိုက်ပွဲသည် စတင်နေပြီဖြစ်ပြီး ချူးယွင်ဖန်းက မရပ်တန့်ခဲ့ပေ။ ဟွားရှန်းယွမ်အား တစ်ချက်တည်းဖြင့် လွင့်စင်သွားစေပြီးနောက် သူသည် ဆက်လက်တိုက်ခိုက်ကာ တစ်ချက်ချင်းစီ ခုတ်ပိုင်းလိုက်သည်။

အတွင်းစည်းတပည့်များအားလုံး ထိတ်လန့်တုန်လှုပ်သွားကြသည်။ ဤဓားအလင်းများထဲမှ တစ်ခုခုသည် ၎င်းတို့ကို လောင်ကျွမ်းစေသော်လည်း ချူးယွင်ဖန်းက ပေါ့ပါးသော တိုက်ခိုက်မှုများနှင့်တိုက်ခိုက်နေခြင်းဖြစ်သည်။ ချူးယွင်ဖန်း မည်မျှ ကြောက်မက်ဖွယ်ကောင်းကြောင်း ၎င်းတို့ မတွေးတတ်ကြတော့ပေ။

“ဟွားရှန်းယွမ် ရှုံးတော့မှာလား”

"ဒါက အရမ်းကြောက်စရာကောင်းတာပဲ။ ဟွားရှန်းယွမ်က အရမ်းကြောက်စရာကောင်းနေပြီ။ ထိပ်တန်းတပည့်တွေတောင် သူ့ကို ဘာမှလုပ်နိုင်မှာမဟုတ်ဘူး၊ ဒါပေမယ့် အခု သူ့ကို ချူးယွင်ဖန်းက အနိုင်ယူလိုက်ပြီ”

"ဟုတ်တယ်။ဟွားရှန်းယွမ် ဘာမှမတတ်နိုင်ဘူးလို့ မဆိုလိုပါဘူး။ သူက ရာစုနှစ်တစ်ခုအတွင်း အင်အားအကြီးဆုံး လူသစ်ဖြစ်နိုင်တယ်။ ကံမကောင်းစွာပဲ၊ အင်အားကြီးသူတွေကြားမှာ အင်အားကြီးတဲ့ပြိုင်ဘက်တွေ ရှိပြီး ပိုအင်အားကြီးတဲ့သူက ချူးယွင်ဖန်းပဲလေ”

"အနိုင်ရသူကို ဆုံးဖြတ်တော့မလို့လား။"

လူများစွာက စိတ်လှုပ်ရှားစွာ ဆွေးနွေးနေကြသည်။ တိုက်ပွဲက ရှည်လျားလိမ့်မည်ဟု သူတို့ ထင်ခဲ့ကြသည်။ ခူျးယွင်ဖန်းက ဟွားရှန်းယွမ်ကို ဒဏ္ရာရစေကာ ရူးသွပ်စွာ တိုက်ခိုက်မည်ဖြစ်ကြောင်း မည်သူ သိနိုင်မည်နည်း။

ထိုတိုက်ခိုက်မှုများတွင် အမှန်တရားများ မည်မျှထိ ပါဝင်နေသနည်း။

လူတိုင်းက ချူးယွင်ဖန်း အနိုင်ရလိမ့်မည်ဟု ထင်နေကြသောအခိုက်၌ စွားရှန်းယွမ်က ပြောလိုက်သည်။

"မင်း အခု ငါ့ကို အလေးအနက် မတိုက်ခိုက်ရင် နောက်တစ်ခါ အခွင့်အရေး ရှိမှာမဟုတ်ဘူး။ ဒီအဆင့် တိုက်ခိုက်မှုတွေက ငါ့ကို အနိုင်ယူဖို့ မလုံလောက်ဘူး!"

လူတိုင်း အံ့အားသင့်သွားကြသည်။ ဤအဆင့်ရှိသော တိုက်ခိုက်မှုတစ်ခုကဟွားရှန်းယွမ်ကို မည်သို့ဘာမှ မဖြစ်စေဘဲ နေနိုင်မည်နည်း။

မြေမှုန့်အဖြစ် ကြေမွသွားသော လက်တစ်ဖက် ရုတ်တရက် ဆန့်ထွက်လာပြီး လူတိုင်းရှေ့တွင် ပုံရိပ်တစ်ခု ပေါ်လာသည်။

"ချူးယွင်ဖန်း ငါ့ကို ဒီအခြေအနေရောက်အောင် ဖိအားပေးခဲ့တဲ့အတွက် မင်းဂုဏ်ယူသင့်တယ်။ အစွမ်းကုန်ကြိုးစားပါ၊ မဟုတ်ရင် မင်းမှာ အခွင့်အရေးမရှိတော့ဘူး။"

ဘမ်း

ပို၍ပင် ကြောက်မက်ဖွယ်ကောင်းသော အရှိန်အဝါတစ်ခု ထွက်ပေါ်လာခဲ့သည်။

အခန်း(၁၇၀၆) ခွန်အားကြီးသူများထဲမှ ခွန်အားကြီးသူ

လူတိုင်းကြည့်လိုက်သောအခါ ဟွားရှန်းယွမ်တစ်ယောက် မြေပြင်ကနေ တွားထွက်လာသည်ကို တွေ့လိုက်ရသည်။ ထိုအခြေအနေ၌ သူ အလွန် ကြောက်မက်ဖွယ်ကောင်းနေသည်။

သူ၏စွမ်းအင်များ ပွက်ပွက်ဆူနေကာ ပေပေါင်းများးစွာ မြင့်သော

ဧရာမလူတစ်ယောက်အဖြစ် ပြောင်းလဲသွားကြောင်း ရှင်းရှင်းလင်းလင်း မြင်နိုင်သည်။

လေဝိညာဉ်စွမ်းအင်က သူ့၏ ခြေလက် အသားများအဖြစ်ပြောင်းလဲသွားကာ သူ့ကို လေနတ်ဘုရားတစ်ပါးအလား ထင်ရစေသည်။

ထိပ်တန်းတပည့်များပင် အံ့သြသင့်သွားကြသည်။ ဟွားရှန်းယွမ်က ထိပ်တန်းတပည့်တချို့နှင့် ယှဉ်ပြိုင်နိုင်လောက်အောင် ခွန်အားကြီးမားကြောင်း သံသယဖြစ်စရာမလိုပေ။ ယင်းက ဟွားရှန်းယွမ်၏ အစစ်အမှန်ခွန်အားနှင့် အောင်ပွဲခံကတ်ဖြစ်သည်။

"ဒါဆို ဒါက မင်းရဲ့ လျှို့ဝှက်ချက်ပဲ" ချူးယွင်ဖန်းက ဟွားရှန်းယွမ်ကို လှမ်းကြည့်လိုက်သည်။

လေဝိညာဉ်ခန္ဓာကိုယ်သည် အတိတ်မှ ရှည်လျားသော သမိုင်းကြောင်းတွင် နာမည်တစ်လုံးရရန် ထိုခန္ဓာကိုယ်များထဲမှ မည်သည့် ခန္ဓာကိုယ်မျှ ကျွမ်းကျင်ရန် မလွယ်ကူဟု ပြော၍ ရသည်။ သို့သော် ထိုခန္ဓာကိုယ်များကို အဆင့်အမျိုးမျိုးခွဲထားလျှင်ပင်ဖြစ်သည်။

မိုးကြိုးဓားခန္ဓာကိုယ်ဖြစ်စေ၊ ဧကရာဇ် ခန္ဓာကိုယ်ဖြစ်စေ၊

နှစ်ယောက်စလုံးကအကောင်းဆုံး တည်ရှိမှုအနည်းငယ်ထဲတွ၍် ပါဝင်သည်။

"ဒါပေမယ့် ဒီအဆင့်တစ်ခုတည်းနဲ့တော့ အခြေအနေတွေကို ပြောင်းလဲလို့မရဘူး" ချူးယွင်ဖန်းက တည်ငြိမ်စွာ ပြောလိုက်သည်။

ဟွားရှန်းယွမ်က မျက်မှောင်ကြုတ်၍ ခုန်လိုက်သည်။ မရေမတွက်နိုင်အောင် များပြားလှသော လေနဂါးများက သူ့ပတ်ပတ်လည်တွင် အော်ဟစ်နေကြသည်။ သဘာဝတရား၏

ဝိညာဉ်စွမ်းအင်ကို ပြောင်းပြန်လှန်ပစ်သည့် ကြောက်မက်ဖွယ်ကောင်းသော စွမ်းအားတစ်ခုကို ခံစားလိုက်ရသည်။

ဟွားရှန်းယွမ်က စွမ်းအင်ဖြင့်ပြုလုပ်ထားသော ဧရာမလက်ကြီးတစ်လက်ကို ဝှေ့ယမ်းထုတ်လိုက်သည်။ ၎င်းသည် လေဝိညာဉ်စွမ်းအင်မှ စုစည်းထားသော ကြောက်မက်ဖွယ်ကောင်းသော လက်တစ်ဖက်ဖြစ်သည်။ ၎င်းသည် ချူးယွင်ဖန်ထံသို့ ချက်ချင်းပြေးဝင်လာကာ ချူးယွင်ဖန်း၏ အထက်အောက် နေရာလွတ်အားလုံးကို ပိတ်ဆို့လိုက်သောကြောင့် သူ့အား နောက်ဆုတ်ရန် နည်းလမ်းမရှိတော့ပေ။

ချူးယွင်ဖန်းက ထိတ်လန့်တုန်လှုပ်ခြင်းမရှိပေ။

သူ့ခန္ဓာကိုယ်သည် မိုးကြိုးပစ်သံနှင့်အတူ ပေါက်ကွဲထွက်သွားသည်။ သူ၏နတ်ဘုရားစွမ်းအားသည် ဆူပွက်လာကာ မိုးကြိုးသမုဒ္ဒရာတစ်ခု ဖြစ်လာသည်။ သူသည် မိုးကြိုးများကြားတွင် တစ်ဦးတည်းသော အမြင့်မြတ်ဆုံးသတ္တဝါကဲ့သို့ပင်ဖြစ်သည်။ သူသည် နတ်ဘုရားသုတ်သင်သူ(ဓား)ကို ပေါ့ပေါ့တန်တန် ထုတ်ယူလိုက်သည်။ တောက်လောင်သံတစ်ခု ထွက်ပေါ်လာပြီးနောက် ဓားအလင်းရောင်တစ်ခု ထွက်ပေါ်လာကာ ဟွားရှန်းယွမ်၏ ဦးတည်ရာသို့ ချက်ချင်းကျရောက်သွားသည်။

လူများစွာ၏ မျက်လုံးများ တောက်ပသွားကြသည်။ ဤသို့သော

လူမျိုး၏ လက်ထဲတွင်ရှိသည့် မှော်ကိရိယာမျိုးသည် အလားတူစွမ်းအားမျိုးရှိမည်ကို သိထားရပေမည်။ ယွီဝမ်ရှင်း၏ လက်ထဲတွင် ရှိစဥ်ကနှင့်ယှဥ်ပါက ကျိုးနေသော ဓား၏ အလင်းရောင်က နှစ်ဆထက်မက ပိုတောက်ပနေသည်။

ဝှဏ်

ထိုဓားအလင်းက စွမ်းအင်လက်ကို ဆွဲဖြဲလိုက်သည်။

လူတိုင်း အံ့အားသင့်သွားကြသည်။ ဟွားရှန်းယွမ်သည် ထိုမျှလောက် အစွမ်းထက်သော ခွန်အားကို ပြသခဲ့သော်လည်း ချူးယွင်ဖန်းကမူ အားနည်းချက်မရှိခဲ့ပေ။

ဧရာမလက်ကို ဆွဲဖြဲပြီးနောက် ဓားအလင်းသည် အရှိန်အဟုန်မလျော့ဘဲ ဟွားရှန်းယွမ်အပေါ်သို့ ကျရောက်သွားသည်။

"ဘယ်လောက်တောင် ကောင်းတဲ့ ဓားနည်းစနစ်လဲ!"

ဟွားရှန်းယွမ်၏ မျက်လုံးများ ပြူးကျယ်သွားသည်။

ချူးယွင်ဖန်းက သူ့ကို ဤမျှ လွယ်လွယ်နှင့် ဖမ်းမိလိမ့်မည်မဟုတ်ဟု မမျှော်လင့်ထားသော်လည်း ပြင်ဆင်ထားခြင်းမျိုးမဟုတ်ပေ။ သူ၏ တုနှိုင်းမရသော ခန္ဓာကိုယ်က သူ့ခန္ဓာကိုယ်နှင့်ဆန့်ကျင်နေသည့် လျင်မြန်မှုကို အသုံးပြုပြီး အတားအဆီးတစ်ခု တည်ဆောက်လိုက်သည်။ ဓားအလင်းရောင်က အတားအဆီးဒါဇင်ပေါင်းများစွာကို ထိုးဖောက်ပြီးနောက်၌ပင် လုံးဝ ထိုးဖောက်နိုင်ခြင်းမရှိသေးပေ။

နှစ်ဖက်တိုက်ခိုက်မှုကြောင့် ပြိုင်ကွင်းတစ်ခုလုံး ပြိုလဲသွားခဲ့သည်။ ငြိမ်ဝပ်ပိပြားမှုကို ထိန်းသိမ်းနေသော ထိပ်တန်းတပည့်များပင် အနည်းငယ် တင်းမာသွားကြသည်။ သို့သော် ဤသည်မှာ ၎င်းတို့၏တိုက်ပွဲ၏ အစသာဖြစ်သည်။

"သူတို့နှစ်ယောက်ရဲ့ ခန္ဓာကိုယ်အချိုးအစားက အရမ်းထူးခြားတယ်။ အံ့သြစရာပဲ!"

"တကယ်ကို ကြောက်စရာကောင်းတယ်။ ဒီလိုလူမျိုးရဲ့ ကျင့်ကြံမှုတိုးတက်မှုက တစ်နေ့ကို မိုင်တစ်ထောင်လောက်ပဲရှိတယ်၊ အထူးသဖြင့် ဟွားရှန်းယွမ်ရဲ့ လေဝိညာဉ်ခန္ဓာကိုယ်က ကြောက်စရာကောင်းတယ်။ လေရဲ့ အစွန်းရောက်မှုကို ကိုယ်စားပြုပြီး လေကို နားလည်နိုင်တဲ့ သဘာဝစွမ်းရည် ပြင်းထန်တယ်။ အနာဂတ်မှာ အချိန်အလုံအလောက်ရှိသရွေ့ သူ့ရဲ့အနာဂတ်က အကန့်အသတ်မရှိဘူး။"

"ဒါပေမယ့် တကယ်ကြောက်စရာကောင်းတဲ့သူက ချူးယွင်ဖန်းပဲ။ သူ့မှာ ဘယ်လိုခန္ဓာကိုယ်မျိုးရှိလဲ။ သူ့ရဲ့ ကျင့်ကြံမှုအဆင့်က ဟွားရှန်းယွမ်လောက် မမြင့်ပေမယ့် ဟွားရှန်းယွမ်နဲ့ တန်းတူတိုက်ခိုက်နိုင်တယ်။"

"ဒီနှစ်ယောက်က တကယ့် ထူးထူးဆန်းဆန်းလူတွေ၊ တကယ့် ပါရမီရှင်တွေပဲ။ အတွင်းစည်းပြိုင်ပွဲမှာ ဒီလောက် ထိတ်လန့်စရာကောင်းတဲ့ မြင်ကွင်းမျိုး မြင်ရမယ်လို့ ငါ မမျှော်လင့်ထားဘူး!"

လူတိုင်းက ၎င်းတို့နှစ်ယောက်၏ ဝှက်ဖဲများအားလုံးကို အသုံးပြုပြီးဟု ထင်ကြသည်။ ၎င်းတို့နှစ်ယောက်က မမျှော်လင့်ထားသည့် အံ့အားသင့်စရာများကို ထပ်ခါတလဲလဲ ယူဆောင်လာလိမ့်မည်ဟု မည်သူက ထင်မည်နည်း။

"အပြင်ကနေ အလကားပြန်လာတာ မဟုတ်ဘူး။ဟွားရှန်းယွမ်ရဲ့ စွမ်းရည်ကို မြင်ချင်ပေမယ့် မမျှော်လင့်ထားတဲ့ အံ့အားသင့်စရာတစ်ခု ရှာတွေ့လိမ့်မယ်လို့ မမျှော်လင့်ထားဘူး။"

လူတိုင်းက စိတ်အားထက်သန်စွာ ဆွေးနွေးနေကြပြီးနောက် မြင်ကွင်းပေါ်ရှိ လူနှစ်ဦး၏ တိုက်ပွဲသည် ပြင်းထန်သော အဆင့်သို့ ရောက်ရှိလာသည်။

"ရပ်လိုက်!"ဟွားရှန်းယွမ် အော်လိုက်သောအခါ ချူးယွင်ဖန်းက သူ့ပတ်ဝန်းကျင်ရှိ လေထုက ရွှံ့နွံထဲ၌ ပိတ်ဆို့နေကြောင်း ချက်ချင်းခံစားလိုက်ရသည်။

ချူးယွင်ဖန်းတွင် မည်သည့်အရာများဖြစ်ပျက်နေကြောင်း မည်သို့ မသိဘဲ နေမည်နည်း။ သူ့ပတ်ဝန်းကျင်မှ လေထုကို ဟွားရှန်းယွမ်က ထိန်းချုပ်ထားကြောင်း သံသယဖြစ်ရန်မလိုပေ။ ယင်းက လေဝိဉာဥ်ခန္ဓာကိုယ်၏ စွမ်းရည်ပင်ဖြစ်သည်။

ထိုလှုပ်ရှားမှုကို မြင်သောအခါ ထိပ်တန်းတပည့်များပင် မျက်နှာတွင် ကြောက်ရွံ့မှုများကို ပြသနေကြသည်။ ထိုလှုပ်ရှားမှုက ချူးယွင်ဖန်းအပေါ် ထိရောက်မှုရှိရုံသာမက သူကိုယ်တိုင်လည်း

ထိရောက်မှုရှိလျှင် ရလဒ်က ကောင်းလှမည်မဟုတ်ပေ။ သို့သော် ဓာတ်ငွေ့မရှိသော လေဟာနယ်အခြေအနေတွင် ထိုလှုပ်ရှားမှုကို ကာကွယ်ရန် နည်းလမ်းမရှိသလောက်ပင်ဖြစ်သည်။

လေဟာနယ်အခြေအနေ မဟုတ်သရွေ့ ထိုလှုပ်ရှားမှုကို အသုံးပြုနိုင်သည်။

"အသုံးမဝင်ဘူး။ ငါ့ရဲ့ လေထောင်ချောက်ကနေ ဘယ်သူမှ လွတ်မြောက်နိုင်ခဲ့တာ မရှိဘူး။" ဟွားရှန်းယွမ်က ချူးယွင်ဖန်းကို ဂရုမစိုက်သကဲ့သို့ ကြည့်လိုက်သည်။

ထိုအချိန်၌ သူအနိုင်ရပြီးဖြစ်သ်ည။ ထိုပတ်ဝန်းကျင်မျိုးတွင် သူ့၌ ပြိုင်ဘက်လုံးဝမရှိပေ။

တစ်ယောက်ယောက်၏ ကျင့်ကြံမှုက သူ့ထက်မြင့်နေလျှင်ပင် ၎င်းတို့ ခုခံရန် ပိုခက်ခဲမည်ဖြစ်ကာ ချူးယွင်ဖန်း၏ အဆင့်က သူ့ထက်နိမ့်ကျသည်ကို ထည့်မပြောတော့ပေ။

"ငါ့ကို ပိတ်မယ်ဟုတ်လား။ မင်းက ယုံကြည်မှုလွန်ကဲလွန်းတယ်!" ချူးယွင်ဖန်းအော်ပြောလိုက်သည်။

လေဝိညာဉ်ခန္ဓာကိုယ်၏ အားသာချက်ကို အပြည့်အဝပြသခဲ့သည်။ ဤအဆင့်တွင် အခက်ခဲဆုံးခန္ဓာကိုယ်များထဲမှ တစ်ခုဖြစ်သည်ဟု ဆိုနိုင်သည်။ သာမန်လူတစ်ယောက်ဆိုလျှင် ၎င်းတို့၌ ထွက်ပေါက်မရှိနိုင်သော်လည်း သူက ချူးယွင်ဖန်နှင့်သာ တွေ့ဆုံရခြင်းဖြစ်သည်။

ချူးယွင်ဖန်းအော်လိုက်သည်နှင့် သူ့လက်မောင်းမှ ဆံပင်ရှည်များ ပေါက်လာသည်။ ရွှေရောင်ဆံပင်များက ချက်ချင်းပင် သူ့လက်တစ်ခုလုံးကို ဖုံးလွှမ်းသွားသည်။

“ချိုးဖျက်”

ချူးယွင်ဖန်းက လေထောင်ချောက်ကို ဆွဲဖွင့်၍ ဖြိုခွဲလိုက်သည်။ ထို့နောက် သူသည် ခုန်တက်ကာ လျှပ်စီးတစ်စင်း၏ အရှိန်ဖြင့် အပြေးအလွှားသွားလိုက်သည်။

"မဖြစ်နိုင်ဘူး!"

ဟွားရှန်းယွမ်က အချိန်မီ မတုံ့ပြန်နိုင်ခဲ့ပေ။ သူ ထိုးဖောက်၍မရနိုင်ဟု ထင်မြင်ယူဆထားသော လေထောင်ချောက်သည် ချူးယွင်ဖန်း၏ လှုပ်ရှားမှုတစ်ခုကိုပင် မခံနိုင်ဘဲ စုတ်ပြဲသွားလိမ့်မည်ဟု မမျှော်လင့်ထားခဲ့ပေ။ ချူးယွင်ဖန်း၏ ခန္ဓာကိုယ်မှ ကြောက်မက်ဖွယ်ကောင်းသော အရှိန်အဝါတစ်ခုကို ရှေးခေတ် ရက်စက်ကြမ်းကြုတ်သော သားရဲတစ်ကောင်က ပစ်မှတ်ထားနေသကဲ့သို့ ခံစားလိုက်ရသည်။

"ဒါက ဘာလဲ"ဟွားရှန်းယွမ်က သူ့ဆံပင်များ ထောင်မတ်နေသည်ကို ခံစားမိ၍ အသက်ရှုမဝဖြစ်သွားသည်။

နောက်ထပ်တစ်ခဏအတွင်း၌ ချူးယွင်ဖန်းက ဟွားရှန်းယွမ်ဆီသို့ အပြေးအလွှားသွားခဲ့သည်။ သူ့လက်သီးများသည် လေးလံသော တူနှစ်စင်းကဲ့သို့ဖြစ်သွားကာ ဟွားရှန်းယွမ်၏ ရင်ဘတ်သို့ တိုက်ရိုက်ထိမှန်သွားသည်။

ဘမ်း

ဟွားရှန်းယွမ် လွင့်ထွက်သွားခဲ့ပြီဖြစ်သည်။

အခန်း(၁၇၀၇) ချန်ပီယံဖြစ်လာခြင်း

ဟွားရှန်းယွမ်က ကြိုးပြတ်နေသော စွန်တစ်ကောင်ကဲ့သို့ ပျံသန်းသွားပြီး မြေပြင်ပေါ်သို့ ပြုတ်ကျသွားသည်။

သူ သွေးတစ်ပွက် အန်ထွက်သွား၏။

လူတိုင်းက ချူးယွင်ဖန်း၏ လှုပ်ရှားမှုကို သိချင်နေကြသောအချိန်၌ သူသည် လူသားအဖြစ်သို့ ပြန်လည်ပြောင်းလဲသွားပြီကိုမြင်လိုက်ကြရသည်။ ရွှေရောင်အမွှေးများနှင့် ဖုံးလွှမ်းနေသော လက်မောင်းများသည် လှည့်စားမှုတစ်ခုဟု ထင်ရကြောင်း ၎င်းတို့ မြင်လိုက်ရသည်။ သို့သော် မည်သူကမျှ ယင်းက လှည့်စားမှုတစ်ခုဟု မထင်ကြပေ။ ထိပ်တန်းတပည့်များပင် ဟွားရှန်းယွမ်၏ လေထောင်ချောက်၌ ပိတ်မိနေပါက ကိုင်တွယ်ရခက်လိမ့်မည်။ သို့သော် ချူးယွင်ဖန်းက သူ၏ ခွန်အားနှင့် လေထောင်ချောက်မှ ဖောက်ထွက်နေခဲ့သည်။

"အဲ့တာဘာလဲ။ မွန်းစတားအသွင်ပြောင်းတာလား” တစ်စုံတစ်ယောက်က အံ့သြတကြီးပြောလိုက်သည်။

ချူးယွင်ဖန်း၏ ခန္ဓာကိုယ်မှ ပေါက်ထွက်လာသော အခြေခံအုတ်မြစ်သည် အလွန်ခိုင်မာလွန်းကာ ဤအစွမ်းထက်သော လက်ရွေးစင်တပည့်များ၏ အခြေခံအုတ်မြစ်ထက်ပင် ကျော်လွန်နေသည်။ သူတို့တွင်ပင် ချူးယွင်ဖန်း၏ ရှုပ်ထွေးသော နည်းလမ်းများနှင့် အမျိုးမျိုးသော ဝှက်ဖဲများကဲ့သို့ မရှိကြပေ။

သို့သော်လည်း သူတို့ တုံ့ပြန်နိုင်ခြင်း မပြုမီတွင် ချူးယွင်ဖန်းက အောင်ပွဲကို အခွင့်ကောင်းယူ၍ ဟွားရှန်းယွမ်နောက်သို့ လိုက်လံခဲ့သည်။ သူသည် ကောင်းကင်သို့ ပျံတက်ကာ ခြေဆောင့်ချလိုက်သည်။

"ငရဲကန်ချက် ကိုးချက်”

ချူးယွင်ဖန်း၏ ကန်ချက်က ကောင်းကင်တစ်ခုလုံးကို ကွဲကြေသွားစေလုနီးနီးဖစြ်စေခဲ့သည်။ ထိုတိုက်ခိုက်မှု၏ အထွတ်အထိပ်စွမ်းအားကို လူတိုင်း လူတိုင်းခံစားမိကြသည်။ နောက်ထပ် အံ့အားသင့်စရာကောင်းတဲ့ နည်းစနစ်တစ်ခုလည်းဖြစ်သည်။

ထို့အပြင် ဤနည်းစနစ်သည် ကြယ်ကြွေကောင်းကင်ဂိုဏ်းမှမဟုတ်ပေ။ ချူးယွင်ဖန်းက ၎င်းကို မည်သည့်နေရာမှ သင်ယူခဲ့သည်ကို မည်သူမျှ မသိပေ။ ၎င်း၏ စွမ်းအားက အံ့မခန်းဖြစ်ကာ ကြယ်ကြွေကောင်းကင်ဂိုဏ်း၏ အမြင့်ဆုံးနည်းစနစ်ထက် မနိမ့်ကျပေ။

ဝှစ်

အားကစားကွင်းတစ်ခုလုံး မြေပြင်တစ်ခုလုံး ပေါက်ကွဲသွားကာ ဖုန်မှုန့်ကြီးများ လွင့်စင်နေသည်။ ဟွားရှန်းယွမ်က ခုခံရန် အကောင်းဆုံးကြိုးစားသော်လည်း သူ ပြင်းထန်စွာ ဒဏ်ရာရရှိသွားသည်။

သူမည်သို့ ခုခံနိုင်မည်နည်း။

ခဏတာအတွင်း၌ပင် သူ၏ လေဝိညာဉ်ခန္ဓာကိုယ်က ပျောက်ကွယ်သွားခဲ့သည်။ ဒဏ်ရာများ ထပ်ခါထပ်ခါရပြီးနောက် သူ ဆက်လက် ထိန်းသိမ်းထားခြင်းမျိုးမရှိကြပေ။

ဟွားရှန်းယွမ်က သွေးတစ်ပွက်အန်ထုတ်လိုက်သည်။ သူ့ခန္ဓာကိုယ်ရှိ အရိုးများအားလုံး ကျိုးသွားသကဲ့သို့ ခံစားလိုက်ရသည်။ အနည်းငယ်မျှပင် လှုပ်ရှားရန် ခက်ခဲသည်။ ချူးယွင်ဖန်းကို အစမှ အဆုံးအထိ ပြိုင်ဘက်တစ်ဦးအဖြစ် ဆက်ဆံခဲ့သော်လည်း သူရှုံးနိမ့်လိမ့်မည်ဟု တစ်ခါမှ မထင်ခဲ့မိပေ။

အဆင့်တူသူများကြားတွင် ပြိုင်ဘက်ကင်းဖြစ်ခဲ့သူက ယခုမူ အနည်းငယ် ရယ်စရာကောင်းသကဲ့သို့ဖြစ်နေသည်။

ချူးယွင်ဖန်း၏ အဆင့်က သူ့ထက် များစွာ နိမ့်ကျသောကြောင့် ဆင်ခြေရှာ၍ မရနိုင်ပေ။ ချူးယွင်ဖန်းက သူ့ကို လုံးဝ ရှုံးနိမ့်စေခဲ့သည်။

"ကဲ ငါ့အောင်ပွဲကို ကြေငြာလိုက်" ချူးယွင်ဖန်းက သူ၏ အရှိန်အဝါဖြင့် လွှမ်းမိုးရင်း ပြောလိုက်သည်။

သူက ဟွားရှန်းယွမ်အပေါ် နက်ရှိုင်းသော အငြိုးအတေးမရှိသောကြောင့် တွန့်ဆုတ်နေခဲ့သည်။

"ဒီနှစ်ရဲ့ အတွင်းတပည့်ပြိုင်ပွဲရဲ့ ချန်ပီယံက ချူးယွင်ဖန်းဖြစ်တယ်လို့ ကြေညာပါတယ်” ဖန်းယွီက ပြောလိုက်သည်။

ကျန်သောသူများသည်လည်း ကန့်ကွက်စရာမရှိပေ။ ဟွားရှန်းယွမ်က သူ၏ လျို့ဝှက်ချက်များအားလုံးကို အသုံးပြုခဲ့ပြီးသော်လည်း ချူးယွင်ဖန်းကို မည်သို့မျှ မထိခိုက်စေနိုင်သေးကြောင်း အားလုံး သဘာဝအတိုင်းမြင်နိုင်သည်။ ချူးယွင်ဖန်းကြောင့် သူ ပြင်းထန်စွာ ဒဏ်ရာရရှိခဲ့သည်။ ဟွားရှန်းယွမ်က ချူးယွင်ဖန်ကို ထိပ်တိုက်ရင်ဆိုင်ကာ ရှုံးနိမ့်ခဲ့သည်။ ၎င်းတို့၏ မျက်နှာများမည်မျှပင် ကြီးစေကာမူ သူတို့တွင် မည်သည့် ပြောစရာစကားမျှမရှိပေ။

ဘမ်း

တိုက်ခိုက်ရေးကွင်းတစ်ခုလုံး ရုတ်ရုတ်သဲသဲဖြစ်သွားသည်။ လူတိုင်းက ချူးယွင်ဖန်းကို ရှုပ်ထွေးသောခံစားချက်များဖြင့် ကြည့်နေကြသည်။ ချူးယွင်ဖန်းနှင့် ဟွားရှန်းယွမ်တို့ကို ဂိုဏ်းအတွင်းပြိုင်ပွဲတွင် ပထမနေရာအတွက် ယှဉ်ပြိုင်မည်ဟု ကြေငြာခဲ့သည်ကို သူတို့ ပြန်အမှတ်ရကြသည်။

ထိုအချိန်တွင် လူတိုင်းက သူတို့နှစ်ယောက်ကို ရူးနေကြသည်ဟု ထင်မြင်ကြသည်။ သူတို့က ဂိုဏ်းထဲသို့ ဝင်ရောက်လာသော လူသစ်နှစ်ယောက်သာ ဖြစ်ခဲ့သည်။

သို့သော် နောက်ဆုံးတွင် ၎င်းတို့နှစ်ဦးသာ ဗိုလ်လုပွဲကို ရောက်လိမ့်မည်ဟု မည်သူကထင်မည်နည်း။

ပို၍ မမျှော်လင့်ထားသည်မှာ နောက်ဆုံးအနိုင်ရသူက လူတိုင်း မျှော်လင့်ချက်ထားသည့် ဟွားရှန်းယွမ်မ မဟုတ်ဘဲ ယင်းမတိုင်ခင် အနည်းငယ်သာ နာမည်ကြီးခဲ့သည့် ချူးယွင်ဖန်းဖြစ်နေခြင်းဖြစ်သည်။

ဝမ်းနည်းစရာ အောင်ပွဲပင် မရှိပေ။ သူက လှည့်စားမှုနှင့် အနိုင်ရခဲ့ခြင်းဖြစ်သည်။ သူကဟွားရှန်းယွမ်ကို အစမှ အဆုံးထိ လုံးဝ ချေမှုန်းပစ်ခဲ့ကာ ဖျက်ဆီးခဲ့သည်။

၎င်းတို့တွင် ပြောစရာ လုံးဝမ ရှိတော့ပေ။ အပြစ်ရှာချင်လျှင်ပင် မည်သို့မျှ လုပ်နိုင်ကြမည်မဟုတ်ပေ။

"ချူးယွင်ဖန်းချန်ပီယံဖြစ်လာလိမ့်မယ်လို့ ငါမမျှော်လင့်ထားဘူး။"

"ဟုတ်ပါတယ်၊ ဒါပေမယ့် ငါ ဘာမှပြောစရာမရှိပါဘူး။ သူက အနိုင်ရဖို့ သူ့အစွမ်းသတ္တိကို အားကိုးခဲ့တာ။"

"ဟွားရှန်းယွမ်ပဲဖြစ်ဖြစ် ချူးယွင်ဖန်းပဲဖြစ်ဖြစ် နှစ်ယောက်စလုံးက သူတို့မျိုးဆက်ရဲ့ ပါရမီရှင်တွေပဲ။ ဒီလိုလူမျိုးတွေကို မြင်ရတာ ရှားပါတယ်၊ ဒါပေမယ့် ဒီအသစ်ဝင်လာသူတွေထဲမှာ နှစ်ယောက်တော့ ပါတယ်။ ဒီအသစ်ထွက်လာသူတွေရဲ့ အရည်အသွေးက အတော်လေး ကောင်းတယ်”

"ဒါပေမယ့် ပါရမီရှင်တွေကြားမှာတောင် အနိုင်ရသူတစ်ယောက်တော့ ရှိရမယ်။ ချူးယွင်ဖန်ကဟွားရှန်းယွမ်ထက် အများကြီးပိုအစွမ်းထက်တယ်ဆိုတာ အသိသာကြီး”

မရေမတွက်နိုင်သော တပည့်များ ဆွေးနွေးနေကြသော်လည်း ဟွားရှန်းယွမ်သည် လုံလောက်အောင် မကောင်းဟု မည်သူမျှ မထင်ခဲ့ကြပေ။ သူသည် သူ၏ တိုက်ခိုက်ရေးအစွမ်း အပြည့်အဝကို ပြသခဲ့ပြီးဖြစ်ပြီး အချို့သော ထိပ်တန်းတပည့်များထက် နိမ့်ကျခြင်း မရှိပေ။ သို့သော် နောက်ဆုံးတွင် သူသည် အခြေအနေကို ကယ်တင်ရန် မအောင်မြင်ခဲ့ပေ။ ချူးယွင်ဖန်၏ တိုက်ခိုက်ရေးအစွမ်း မည်မျှ ကြောက်စရာကောင်းသည်ကို မြင်ယောင်ကြည့်နိုင်သည်။ ထိပ်တန်းတပည့်များသည် သူ့ကို အမြင်သစ်ဖြင့် ကြည့်ရမည်ဖြစ်သည်။ အစွမ်းထက်သူများကြားတွင် အမြဲတမ်း ပိုမိုအားကောင်းသူတစ်ဦး ရှိနေခဲ့သည်။

"စီနီယာ ဝမ်ယိဖန်က ဒေါသကြောင့် သွေးအန်တော့မလို့ပဲ။ သူတကယ်ကို အများကြီး ဆုံးရှုံးခဲ့ရတယ်။ ပြိုင်ပွဲအတွက် ဆုလာဘ်တွေ တိုးမြှင့်ပေးဖို့နဲ့ သူ့ရဲ့ အရည်အချင်းရှိတဲ့ လက်အောက်ငယ်သားတွေကို စေလွှတ်ဖို့ ဂိုဏ်းကို ငွေအများကြီး သုံးစွဲခဲ့တယ်။ သူ တစ်ပြိုင်နက်တည်း အနိုင်ရချင်ခဲ့ပေမယ့် တစ်ယောက်ယောက်က ဘယ်ကမှန်းမသိ ပေါ်လာပြီး ယွီဝမ်ရှင်းကို သတ်ပစ်လိမ့်မယ်လို့ ဘယ်သူထင်မှာလဲ။"

"သူ ဒါကို လွှတ်ထားမယ်လို့ ငါမထင်ဘူး။"

"ဒီချန်ပီယံသစ်ရဲ့ အနာဂတ်က လုံးဝချောမွေ့မှာ မဟုတ်ဘူး”

လူတိုင်း၏ အကြည့်များသည် ချူးယွင်ဖန်းကို အာရုံစိုက်နေကြသည်။ အခြားသူများ၏ ပွဲစဥ်များသည် အရေးမကြီဂပုံပေါ်သည်။

ဖန်းယွီက အာကာသအိတ်တစ်လုံးကို ထုတ်ယူကာ ချူးယွင်ဖန်ထံ ပေးလိုက်သည်။

"ဒါတွေက ချန်ပီယံဖြစ်ဖို့ မင်းရဲ့ဆုလာဘ်တွေပဲ။ အနာဂတ်မှာ မင်းဆက်လက်ကြိုးစားပြီး ကြယ်ကြွေကောင်းကင်ဂိုဏ်းအတွက် ပိုမိုပံ့ပိုးကူညီမှုတွေ ပြုလုပ်နိုင်မယ်လို့ မျှော်လင့်ပါတယ်။"

ချူးယွင်ဖန်းက အာကာသအိတ်ကို ယူလိုက်ချိန်တွင် ရုတ်တရက် တိုက်ပွဲကွင်း ကောင်းကင်တွင် စွမ်းအင်တစ်ခု ပေါ်လာခဲ့သည်။ အပြင်ဘက်မှ တစ်စုံတစ်ယောက်သည် အတင်းအကျပ် ဝင်ရောက်လာသည်။

"ခဏနေဦး!" မိုးကြိုးပစ်သံကဲ့သို့ ကျယ်လောင်စွာ ထွက်ပေါ်လာသည်။

ထို့နောက် လူအုပ်သည် ကောင်းကင်မှ ဓားအလင်းတန်းတစ်ခု ချူးယွင်ဖန်၏ လက်မောင်းဆီသို့ တည့်တည့်ကျလာသည်ကို မြင်လိုက်ရသည်။ သူသည် အာကာသအိတ်ကို အမြန်ပြန်ယူ၍ တောင်မြစ်ပန်းချီကားထဲသို့ထည့်လိုက်သည်။

ထို့နောက် သူမော့ကြည့်လိုက်ရာ သူ့အပေါ်တွင် လူတစ်ဦး သူ့ကို စိုက်ကြည့်နေသည်ကို တွေ့လိုက်ရသည်။

“စီနီယာ ဝမ်ယိဖန်ပဲ”

ချူးယွင်ဖန်းက မည်သည့်စကားမျှ မပြောသော်လည်း လူအများက ဝမ်ယိဖန်ကို ချက်ချင်း မှတ်မိကြသည်။ မည်သို့ပင်ဖြစ်စေကာမူ ဝမ်ယိဖန်သည် တပည့်စစ်ဖြစ်သည်။ မကြာသေးခင်ကမျှ အဆင့်တိုးလာခြင်းဖြစ်သော်လည်း လူတိုင်းက သူ၏ ကြီးကျယ်သော နာမည်ကို ကြားဖူးကြပြီးဖြစ်သည်။

ချက်ချင်းပင် လူတိုင်း၏ အကြည့်များသည် ချူးယွင်ဖန်းဆီသို့ရောက်သွားသည်။ ဝမ်ယိဖန်က ကွင်းထဲသို့ အတင်းဝင်လာရန် အကြောင်းပြချက်တစ်ခုသာ ရှိကြောင်း သံသယဖြစ်ရန်မလိုပေ။

ယင်းကာ ချူးယွင်ဖန်းပင်ဖြစ်သည်။