အခန်း (၈၄၂-၈၄၃)

Chapter 842

Restart 5

ဂျူးလိယပ်စ်သည် လင်းရှန်နှင့် အခြားသူများ၏ တုံ့ပြန်မှုကို ကျေနပ်နေပုံရသည်။ သူသည် လက်သုတ်ပုဝါကို ယူ၍ ပါးစပ်ကို သုတ်လိုက်ပြီး လင်းရှန်နှင့် ချူယန်ကို ပြုံး၍ ကြည့်လိုက်သည်။

“မင်းတို့ သိထားသင့်တာက လက်ရှိအချက်အလက်တွေအရ S-Class သတ္တဝါတွေ၊ ဒါမှမဟုတ် ဒီလိုကပ်ဘေးအဆင့်ထိ ရောက်တဲ့အရာတွေဟာ တကယ်တော့ အမှောင်ထုထဲကနေ မွေးဖွားလာတာပဲ။ အမှောင်ထုနဲ့ ဆက်သွယ်စကားပြောခြင်းဟာ တကယ်တော့ လူသားတွေအနေနဲ့ ကမ္ဘာပြင်ပက ယဉ်ကျေးမှုတစ်ခုနဲ့ ပထမဆုံးအကြိမ် စကားပြောဆိုခြင်းပဲ။ ဒါဟာ...”

ဂျူးလိယပ်စ်က ပုခုံးတွန့်ကာ ပြုံးလိုက်ပြီး “တကယ့်ကို အံ့ဩစရာကောင်းတဲ့ အရာပဲ”

“ဟုတ်ပါတယ်၊ ဒါကလည်း အတော်လည်း အန္တရာယ်များတာပေါ့”

သူက စကားပြောရင်း သူ၏ ကိုယ်ပွားတစ်စုကို ကြည့်လိုက်သည်။

“လှုပ်ရှားဆောင်ရွက်ဖို့အတွက် ဦးနှောက်တစ်ဝက်ကို ချိတ်ဆက်လိုက်တာတင် ငါ့ရဲ့ ကိုယ်ပွား၁၄၅ ခုကို တစ်ပြိုင်နက်တည်း ဆုံးရှုံးလိုက်ရတယ်။ ဦးနှောက်တစ်ဝက်တင်နော်… သောက်ကျိုးနည်း ဒါက ဘယ်လောက်တောင် ကြီးမားတဲ့ အသက်စွမ်းအားလဲ”

ကျိုးကျင်း၏ အဖွဲ့သားအားလုံးက သေနတ်များကို ဂျူးလိယပ်စ်ဆီသို့ ချိန်ရွယ်လိုက်ကြသည်။

“ချူယန်၊ အစီအစဉ်က ဘာလဲ”

ချူယန်က ထိုခဏတွင် ခေါင်းခါပြလိုက်သည်။

“သူက သုတေသီအားလုံးကို တမင်သတ်ပစ်လိုက်တာ။ ငါတို့ သိချင်တဲ့ အချက်အလက်တွေက ဒီမှာရှိတဲ့ ဂျူးလိယပ်စ်ဆီမှာပဲ ရှိတော့တယ်ဆိုတာကို ပြချင်လို့ပဲ”

လင်းရှန်လည်း စဉ်းစားနေမိသည်။ “သူက ငါတို့ကို စောင့်နေတာပဲ”

“မလှုပ်ရှားကြပါနဲ့ သူငယ်ချင်းတို့၊ မင်းတို့ ဘာလို့ ဒီကို ရောက်လာသလဲဆိုတာ ငါသိပါတယ်။ အခု ငါတို့က အာရုဏ်ဦးမြို့တော်နဲ့ ပူးပေါင်းဆောင်ရွက်နေတယ်၊၊ အာရုဏ်ဦးစီမံကိန်းကလည်း မကြာခင် လွှတ်တင်တော့မယ်။ ဖီးနစ်က ယဲ့လန်တောင်မှ ဒီစစ်ဆင်ရေးကို မနှောင့်ယှက်ဖို့ မင်းတို့ကို မှာထားမှာ သေချာပါတယ်… ဟုတ်တယ်မလား”

“နင် ဘာလိုချင်တာလဲ” ချူယန်က အေးစက်စွာ မေးလိုက်သည်။

ဂျူးလိယပ်စ်က အနည်းငယ် ပြုံးလိုက်ပြီး “မင်းကို ငါသဘောကျတယ် မစ္စချူယန်၊ မင်းက အရမ်းတော်တယ်၊ စိတ်ဝိညာဉ်စွမ်းအားလည်း ရှိတယ်၊၊ တွင်းနက်ထဲမှာလည်း ရှင်သန်နိုင်တယ်။ မျိုးဆက်သစ် သက်ရှိတွေအတွက်တော့ မင်းက အပြစ်ပြောစရာမရှိအောင် ပြီးပြည့်စုံတဲ့သူပဲ”

ထို့နောက် သူက လင်းရှန်ကို ကြည့်လိုက်သည်။

“ပြီးတော့ မင်းပဲ မစ္စတာလင်းရှန်၊ ယန္တရားစွမ်းအားနဲ့ လူသားတွေရဲ့ စက်မှုယန္တရားယဉ်ကျေးမှုကို ပြန်လည်တည်ဆောက်နိုင်တယ်။ လူသားတွေရဲ့ ရှုထောင့်ကကြည့်ရင် မင်းဟာလည်း အကောင်းဆုံး စွမ်းအားရှင်တစ်ယောက်ပဲ”

လင်းရှန်က မျက်မှောင်ကြုတ်လိုက်သည်၊၊

“မင်းက ချူယန်နဲ့ ငါ့ကို မင်းရဲ့ သုတေသနထဲမှာ ပါဝင်စေချင်တာလား”

ဂျူးလိယပ်စ်က လင်းရှန်ကို သေချာစိုက်ကြည့်လိုက်သည်၊၊

“အဲဒါက တကယ်တော့ အကြံဉာဏ်ကောင်းပဲ၊၊ ဒါပေမဲ့ ငါ အလိုချင်ဆုံးအရာ မဟုတ်သေးဘူး၊၊ အိုးလောလောဆယ်တော့ မဟုတ်သေးဘူးပေါ့”

“ဒါဆို မင်း ဘာလိုချင်တာလဲ”

“ငါလိုချင်တာက ရိုးရိုးလေးပါ၊၊ ဂလက်ဆီနှလုံးသားပဲ”

ဂျူးလိယပ်စ်က ချူယန်နှင့် အခြားသူများကို ပြောလိုက်သည်။

“ဒါမှမဟုတ် မြို့တော်ရဲ့ ဗဟိုချက်ပေါ့”

လင်းရှန်က ဂျူးလိယပ်စ်ကို နားမလည်နိုင်စွာ ကြည့်လိုက်သည်။

“မင်းတို့က အာရုဏ်ဦးမြို့တော်နဲ့ ပူးပေါင်းတာက ဉာဏ်ရည်တုတစ်ခုအတွက်ပဲလား”

“နိုး နိုး မဟုတ်ဘူး”

ဂျူးလိယပ်စ်က ထိုစကားကို ကြားသောအခါ လျှို့ဝှက်စွာ ရယ်မောလိုက်ပြီး လင်းရှန်ကို စိတ်ဝင်တစား ကြည့်ကာ ပြောလိုက်သည်။

“မစ္စတာလင်း၊၊ ငါတို့က ဒီအရာတွေအားလုံးကို လုပ်နေတာက အာရုဏ်ဦးမြို့တော်ကို သိမ်းပိုက်ဖို့၊ ယန္တရားပုန်ကန်မှုကို ထိန်းချုပ်ဖို့၊ ပြီးတော့ အသက်ရှင်ကျန်ရစ်သူတွေကို မင်းတို့ကြည့်ဖူးတဲ့ ရုပ်ရှင်ထဲကလို အစီအစဉ်ဆိုးတွေအတွက် စမ်းသပ်ခံအဖြစ် သုံးဖို့လို့ ထင်နေတာလား”

“မင်းတို့ ဖမ်းထားတာတွေ မလုံလောက်သေးဘူးလား” လင်းရှန်က အေးစက်စွာ တုံ့ပြန်လိုက်သည်။

“မင်း ငါတို့ကို အများကြီးအထင်လွဲနေပုံပဲ” ဂျူးလိယပ်စ်က လင်းရှန်ကို လက်ညှိုးညွှန်လိုက်သည်။

“တကယ်လို့ အဲဒီလိုဆိုရင် အာရုဏ်ဦးမြို့တော်နဲ့ ပူးပေါင်းရတဲ့ အဓိပ္ပာယ်က ဘာလဲ၊၊ ချူကျောက်နန်က ငါတို့ကို ဘယ်လို အကျိုးအမြတ်တွေ ပေးနိုင်မှာမို့လို့လဲ၊၊ အာရုဏ်ဦးမြို့တော်က ဝါးမျိုခံရတော့မှာပဲ၊၊ စောစောစီးစီး ဝါးမျိုခံရတာနဲ့ နောက်ကျတာက ငါတို့အတွက် ဘာများ ထူးခြားလို့လဲ”

သူက ပြောရင်း လင်းရှန်ကို စေ့စေ့ကြည့်လိုက်သည်။

“မစ္စတာလင်း၊၊ အချိန်က ငါ့ဘက်မှာ ရှိနေတာ… မင်းဘက်မှာ ရှိနေတာ မဟုတ်ဘူးဆိုတာ မင်းနားလည်ထားရမယ်”

“ဂလက်ဆီနှလုံးသားကို ငါတို့က မင်းလက်ထဲ အပ်မယ်လို့ ဘာလို့ ယုံကြည်နေတာလဲ”

လင်းရှန်က ပြန်မေးလိုက်သည်။

ဂျူးလိယပ်စ်က လက်ညှိုးကို မြှောက်ပြီး သူတို့ဆီသို့ ဖြည်းဖြည်းချင်း တိုးလာသည်။

“ဘာလို့လဲဆိုတော့ မင်းတို့ သိချင်တဲ့အရာတွေ ငါ့ဆီမှာ ရှိနေလို့ပဲ။ အမှောင်ထုအကြောင်း၊ ကမ္ဘာပျက်ကပ်အကြောင်း၊ ချူကျောက်နန် စွန့်ပစ်ခဲ့တဲ့ သန်းနဲ့ချီတဲ့ လူသားတွေ ဘယ်လောက်ကြာကြာ ထပ်ပြီး ရှင်သန်နိုင်မလဲဆိုတာရယ်၊၊ ရွေးချယ်စရာ အခွင့်အရေးတစ်ခုရယ်ပေါ့။ ငါပြောတာ မှန်တယ်မလား”

“တကယ်တော့ ဒီအချက်အလက်တွေက ငါ့အတွက် သိပ်ပြီး တန်ဖိုးမရှိပါဘူး။ ငါ သိချင်တာက ချူကျောက်နန်က ဂလက်ဆီနှလုံးသားကို တစ်ခုခုပြုပြင်ထားသလားဆိုတာပဲ။ အနီရောင်ကမ္ဘာ အမှတ် (၃) ကို သုံးပြီး ဂလက်ဆီနှလုံးသားကို code ပြန်ရေးပြီးတာနဲ့ ဒီအချက်အလက်တွေကို မင်းတို့ကို ချက်ချင်း ပေးနိုင်တယ်။ အိုး… ပြီးတော့ အဲဒီအချိန်မှာ မင်းတို့ရဲ့ လက်နက်တွေကို လုံးဝ ပိတ်ထားလို့ ရပါပြီ၊၊ အလင်းရောင် ရောက်လာတော့မှာဖြစ်သလို မင်းတို့လည်း အာရုဏ်ဦးမြို့တော်ကနေ ထွက်ခွာကြတော့မှာပဲလေ။ အမှောင်ထုရဲ့ ဝါးမျိုခြင်းကို ခံရတော့မယ့် မြို့တစ်မြို့က မင်းတို့အတွက် ဘာမှ အရေးမပါတော့ဘူး၊ ဟုတ်တယ်မလား”

ထိုစကားကို ကြားသောအခါ လင်းရှန်၏ မျက်နှာပျက်သွားသည်။

ဂျူးလိယပ်စ်က လင်းရှန်၏ တုံ့ပြန်မှုကို ကြိုတင်ခန့်မှန်းထားသည့်အလား အနည်းငယ် ပြုံးလိုက်သည်။

“အံ့သြသွားတာလား။ ငါက လက်နက်စနစ်တွေကို ထိန်းချုပ်ဖို့ စိတ်မဝင်စားသလို မင်းတို့ရဲ့ ခုခံမှုကိုလည်း ဂရုမစိုက်ဘူး။ တကယ်တော့ အချို့သော ရှုထောင့်ကနေကြည့်ရင် ရှေ့တန်းစီမံကိန်း အောင်မြင်သွားဖို့တောင် ငါ မျှော်လင့်မိပါသေးတယ်”

သူက ပြောရင်း လက်ဖျစ်တစ်ချက်တီးလိုက်ရာ ခန်းမ၏ နောက်ဘက်နံရံမှာ ပွင့်သွားသည်။ ဖောက်မြင်နိုင်သော ကန့်လန့်ကာတစ်ခု ပေါ်လာပြီး အပြင်ဘက်တွင်မူ မြူမီးခိုးမွန်းစတားနှင့် မျက်နှာချင်းဆိုင်၌ အာကာသတွန်းကန်စက်ကြီး ရှစ်လုံး၏ ပိုက်လိုင်းများမှ နှင်းခဲများ တောက်လျှောက် ကျဆင်းနေသည်။

“ကြည့်စမ်း၊ ဘယ်လောက် အံ့ဩစရာကောင်းတဲ့ ခေတ်သစ်သက်ရှိပုံစံလဲ။ ငါတို့ကတော့ သူ့ကို ‘အိန်ဂျယ်’ လို့ ခေါ်တယ်။ စဉ်းစားကြည့်ပါဦး၊၊ လူသားအားလုံးက ဒီလို သက်ရှိပုံစံမျိုးနဲ့ ဖွံ့ဖြိုးတိုးတက်ပြီး မျိုးပွားနိုင်မယ်ဆိုရင် ဒီလို အသက်စွမ်းအား၊ ဖျက်ဆီးနိုင်စွမ်းနဲ့ ဉာဏ်ပညာမျိုး ရှိမယ်ဆိုရင်ပေါ့။ ဒါက ငါတို့ရဲ့ ယဉ်ကျေးမှုကို ခေတ်သစ်တစ်ခုဆီ အရှိန်အဟုန်နဲ့ တွန်းပို့ပေးနိုင်လိမ့်မယ်။ ဒီစွမ်းအားနဲ့ဆိုရင် ကြယ်တာယာတွေဆီ နယ်မြေချဲ့ထွင်တာနဲ့ ယဉ်ကျေးမှု စစ်ပွဲတွေက ပိုပြီး မလွယ်ကူသွားဘူးလား”

ဂျူးလိယပ်စ်က အချိန်ကို ကြည့်လိုက်ပြီး “လွှတ်တင်ဖို့ ၁၀ မိနစ်ပဲ လိုတော့တယ်။ ငါတို့ ဒီနေရာမှာပဲ ရှေ့တန်းစီမံကိန်း လွှတ်တင်တာကို အေးအေးဆေးဆေး စောင့်ကြည့်လို့ ရတယ်။ အဲဒီနောက်မှာ မင်းတို့ သိချင်တဲ့ အချက်အလက်တွေ ရလိမ့်မယ်။ ဒါမှမဟုတ် အချက်အလက်တွေ သိပြီးတာနဲ့ ငါ့ကို သေနတ်နဲ့ ပစ်သတ်လိုက်လည်း ရပါတယ်။ ငါကတော့ အားရဝမ်းသာပဲ လက်ခံမှာပါ”

လင်းရှန်က မျက်မှောင်ကြုတ်လိုက်သည်၊၊

“ဒီလောက် ရိုးရှင်းတာလား”

“ဒါပေါ့”

ဂျူးလိယပ်စ်က ပြုံးလိုက်သည်။

“သေခြင်းတရားက ငါ့အတွက် ဘာမှမဟုတ်ပါဘူး၊၊ ဒါက အဆုံးသတ်မဟုတ်ဘူး။ လူသားတွေဟာ ပျက်စီးခြင်းထဲကနေ ပြန်လည်မွေးဖွားလာတယ်ဆိုတာ သမိုင်းက အမြဲတမ်း သက်သေပြခဲ့ပြီးသား။ တစ်နည်းအားဖြင့် ပြောရရင် ချူကျောက်နန်ရဲ့ ရှေ့တန်းစီမံကိန်းဆိုတာ ထွက်ပြေးတာသက်သက်ပဲ၊၊ ငါတို့ရဲ့ အနီရောင်ကမ္ဘာကသာ လူသားတွေရဲ့ တကယ့် အနာဂတ်ကို ကိုယ်စားပြုတယ်။ ဒါပေမဲ့ မင်းတို့ကတော့ အဲဒီနေ့ကို မြင်ရမှာ မဟုတ်ပါဘူး။ နှမြောစရာပဲ”

“အော်”

လင်းရှန်က တစ်ခုခုကို စဉ်းစားမိဟန်ဖြင့် ခေါင်းညိတ်ကာ ရေရွတ်လိုက်သည်။

“ဒါဆို မင်းတို့က အာရုဏ်ဦးစီမံကိန်းအတွက် အာရုဏ်ဦးမြို့တော်နဲ့ အကြီးအကျယ်ပူးပေါင်းခဲ့တာပေါ့။ နောက်ဆုံး ပန်းတိုင်ကတော့ မြို့အလွတ်ကြီးတစ်မြို့နဲ့ ဉာဏ်ရည်တုတစ်ခုပဲပေါ့၊၊ ပြီးတော့ လက်နက်ခွင့်ပြုချက်တွေကို ငြင်းပယ်ခဲ့တာက ငါတို့ကို သန္ဓေပြောင်းမွန်းစတားတွေရဲ့ တိုက်ခိုက်မှုကြားမှာ အစီအစဉ်တကျ ဆုတ်ခွာနိုင်အောင် အကာအကွယ်ပေးခိုင်းဖို့ပဲပေါ့”

ဂျူးလိယပ်စ်က တိတ်ဆိတ်နေပြီး ချူယန်က လင်းရှန်ကို လှည့်ကြည့်လိုက်သည်။

“စဉ်းစားကြည့်ရအောင်… မင်းကပဲ အရမ်းအတာလား ဒါမှမဟုတ် ငါကပဲ အရမ်းတော်နေတာလားတော့ မသိဘူး။ တွင်းနက်ရဲ့ လှုပ်ရှားမှုတွေ၊ အမှောင်ထုရဲ့ ကျူးကျော်မှုကို တားဆီးနိုင်တဲ့ နည်းပညာ မင်းတို့ဆီမှာ မရှိသေးဘူး။ ဒါကြောင့် အာရုဏ်ဦးမြို့တော် ဝါးမျိုခံရရင် မင်းတို့လည်း သေမှာပဲ၊၊ ဒါပေမဲ့ မင်းတို့က ဂလက်ဆီနှလုံးသားကို လိုချင်နေတယ်။ တကယ်လို့ လက်နက်စနစ်တွေကို ဖယ်ရှားလိုက်ရင် ဘာကျန်ဦးမှာလဲ။ အင်း... မြို့တော်ရဲ့ စောင့်ကြည့်ရေးစနစ်၊ အာရုံခံကိရိယာတွေ၊ သွားလာရေး၊ ဂေဟစနစ်၊ ရေအရင်းအမြစ်၊ လေထု... ပြီးတော့ ဂြိုဟ်ပတ်ရထားလမ်းနဲ့ မဟာဗျူဟာမြောက်လုပ်ငန်းတွေရဲ့ အခွင့်အရေးတွေပေါ့”

ဂျူးလိယပ်စ်၏ မျက်နှာမှာ ဖြည်းဖြည်းချင်း အေးစက်လာကာ မျက်မှောင်ကြုတ်သွားသည်။

လင်းရှန်က ဆက်ပြောသည်။

“မနေ့ညက ဝင်ရိုးစွန်းညစတင်လာခဲ့တယ်၊၊ အပြင်မြို့က သန်းနဲ့ချီတဲ့ လူတွေက သူတို့ရဲ့ ကားတွေကို စွန့်ပစ်ပြီး မြို့ထဲကို ဝင်လာခဲ့ကြတယ်။ ထူးဆန်းတာက မြို့ထဲမှာ ကားတွေအများကြီး မနေ့ညက ဖျက်ဆီးခံလိုက်ရတယ်။ မိုးလင်းလာရင် သူတို့ ဘယ်ကို သွားနိုင်မှာလဲ။ အိုး၊ ဘယ်ကိုမှ မသွားနိုင်တော့ဘူး။ ဒါပေမဲ့ အဲဒီအချိန်မှာ အာရုဏ်ဦးမြို့တော်ရဲ့ မြေအောက်ရထားစနစ်နဲ့ လုပ်ငန်းခွင်လမ်းကြောင်းတွေအားလုံး ပွင့်သွားမယ်ဆိုရင် ဘာဖြစ်မလဲ”

ဂျူးလိယပ်စ်၏ မျက်နှာက ခက်ထန်သွားသည်။

အခြားအဖွဲ့သားများမှာလည်း ထိုစကားကို ကြားသောအခါ မျက်မှောင်ကြုတ်သွားကြပြီး တုန်လှုပ်မှုကို မဖုံးကွယ်နိုင်ကြတော့ပေ။

လင်းရှန်က ဂျူးလိယပ်စ်ကို လှောင်ပြုံးလိုက်သည်။

“မင်းက ဘာမှမလိုချင်ဘူးလို့ ပြောနေပေမဲ့ တကယ်တော့ မင်းက အားလုံးကို လိုချင်နေတာပဲ။ မြို့တော်ကြီး ပိတ်မိပြီး အမှောင်ဖုံးသွားတဲ့အချိန်မှာ မင်းက အာရုဏ်ဦးမြို့တော်ရဲ့ စနစ်တစ်ခုလုံးကို အသုံးချပြီး အစီအစဉ်တကျနဲ့ အကြီးစား စမ်းသပ်မှုတစ်ခု လုပ်တော့မှာလေ။ ထောင်နဲ့ချီတဲ့ လူသားတွေ သန္ဓေပြောင်းသွားတာ၊ စွမ်းအားတွေ နိုးထလာတာကို စောင့်ကြည့်ဖို့ပေါ့။ မင်းတကယ်လိုချင်နေတာက...”

“ကမ္ဘာပျက်ကပ်ဘေးဒုက္ခကို ပြန်လည်စတင်ဖို့ပဲ”

Chapter 843

လွှတ်တင်ခြင်း ၁

လွန်ခဲ့သော ရက်အနည်းငယ်က၊ တိတ်ဆိတ်မြို့တော်။

“အနီရောင်ကမ္ဘာရဲ့ စနစ်ထဲက သွေးသားပေါင်းစပ် ဒေတာစုစည်းမှုတွေနဲ့ အဖြူရောင်မြို့ သုတေသနဌာနက ရထားတဲ့ အချက်အလက်တွေကို ငါပေါင်းစပ်နေတယ်။ ပြီးရင်တော့ မင်းဆီကို အကုန်လုံး တစ်ခါထဲ ပို့ပေးလိုက်မယ်”

ရှင်းဂျီက ပေါ့ပေါ့ပါးပါးပင် ပြောလိုက်သည်၊၊

“အာ... ကောင်းပြီလေ”

လင်းရှန်က အလေးအနက် ပြန်မေးမိသည်။

“ကျုပ်က အရမ်းကြီး ရုတ်တရက် ဆန်သွားသလား”

“ဒီထက် ပိုရုတ်တရက် ဆန်တာမျိုး မရှိနိုင်တော့ဘူး”

လင်းရှန် “...”

“အစွမ်းထက်တဲ့ စွမ်းအားရှင်တွေအားလုံးကို အနီရောင်ကမ္ဘာက ပစ်မှတ်ထားနေပုံပဲ”

သူ ထွက်ခွာခါနီးတွင် လင်းရှန်က ရှင်းဂျီကို ပြောလိုက်သည်။

“ဒါပေမဲ့ ခင်ဗျားက စွမ်းအားရှင် မဟုတ်လို့ စိုးရိမ်စရာတော့ မလိုပါဘူး”

“မင်းမှားနေပြီထင်တယ်” ရှင်းဂျီက လင်းရှန်ကို တည်ငြိမ်စွာ ကြည့်လိုက်သည်။

“စမ်းသပ်ခံ သုတေသနပစ်မှတ်တွေရဲ့ အစောပိုင်း အချက်အလက်တွေအရ သူတို့ထဲမှာ အများစုက သာမန်လူတွေ ဒါမှမဟုတ် စွမ်းအား မနိုးထသေးတဲ့သူတွေ ဖြစ်နေကြတယ်။ ရှင်းနေတာကတော့ အနီရောင်ကမ္ဘာဟာ တစ်ဦးချင်းစီအပေါ် သုတေသနလုပ်တဲ့အခါ လမ်းကြောင်းတွေ ခွဲခြားထားတာပဲ”

“ဘာကို ဆိုလိုတာလဲ”

“ဒါက နားလည်ရ ခက်လို့လား” ရှင်းဂျီက ပြန်ဖြေသည်။

“စွမ်းအားရှင်တွေကိုတော့ စွမ်းအားဖွံ့ဖြိုးမှု၊ ထူးဆန်းသောလူသားနဲ့ အသွေးအသားပေါင်းစပ်သုတေသနလုပ်တယ်။ အနီရောင်ကမ္ဘာရဲ့ တကယ့်ဆန္ဒက လူသားတွေ ဘာကြောင့် စွမ်းအားတွေ နိုးထလာရတာလဲဆိုတဲ့ ဖြစ်စဉ်ကို အမိအရ ဆုပ်ကိုင်ထားချင်တာပဲ”

ရှင်းဂျီ၏ စကားများက လင်းရှန်၏ စိတ်ထဲတွင် ကျန်ရစ်နေခဲ့သည်။ ခန်းမထဲရှိ အုပ်စုလိုက်ကြီးရှိနေသော ပွားယူထားသည့် လူအုပ်ကြီးကို မြင်လိုက်ရချိန်တွင် ချူယန်ပြောခဲ့သည်များကို သတိရသွားစေသည်။ အနီရောင်ကမ္ဘာသည် လူသားပွားယူရန်အတွက် သူမ၏ ဒီအန်အေကို ရယူခဲ့ပြီး ဝိညာဉ်စွမ်းအားကို ပွားယူရန် ကြိုးစားခဲ့သော်လည်း ကျရှုံးခဲ့သည်။ ၎င်းမှာ တွင်းနက်ထဲတွင် ရှင်သန်နိုင်သည့် အမှားအယွင်းမရှိသော စွမ်းရည်မျိုးဖြစ်သည်။

ထို့ကြောင့် မနေ့ညက ချူကျောက်နန်နှင့် စကားပြောဖြစ်ခဲ့စဉ်ကရော၊ အခုလေးတင် ချူယန်နှင့် အနီရောင်ကမ္ဘာ၏ အစွန်းရောက်လှသော ယုတ္တိဗေဒအကြောင်း ပြောနေစဉ်ကရော လင်းရှန်သည် မေးခွန်းတစ်ခုကိုသာ ဆက်တိုက်စဉ်းစားနေမိသည်။

၎င်းမှာ အနီရောင်ကမ္ဘာသည် အဘယ်ကြောင့် ချူကျောက်နန်နှင့် အလွယ်တကူ ပူးပေါင်းခဲ့ပြီး မှိုဦးနှောက်စက်ကိရိယာ နည်းပညာ၊ ဖိနှိပ်မှုစနစ်နှင့် နည်းပညာများကို ပံ့ပိုးပေးခဲ့ရသနည်းဟူသည်ပင်။ ကျင်းဟိုင်အောက်ရှိ ကျရှုံးခဲ့သော အဆင့် (A) ဇီဝမျိုးစပ်သတ္တဝါကို ကြည့်ပြီး ၎င်းတို့၏ ရည်ရွယ်ချက်မှာ S-Class အဆင့် အလောင်းကို စမ်းသပ်ရန် ရယူလိုခြင်းဖြစ်သည်ဟု လင်းရှန်က အစပိုင်းတွင် ထင်ခဲ့သည်။ သို့သော် ယခုအခါ ထိုအလောင်းကို လွှတ်တင်ရန် အသင့်ဖြစ်နေသည့် အကာအကွယ်ချိုးဖျက်ကိရိယာအဖြစ် ပြုလုပ်နေပြီဖြစ်သည်။ ချူကျောက်နန်ကလည်း ဖက်ဒရေးရှင်းလွှတ်တော်ကို ဖျက်သိမ်းပြီး ဖီးနစ်အဖွဲ့အစည်းလက်ထဲ အပ်နှံလိုက်ပြီဖြစ်သည်။ လုတျန်းယဲ့၏အစောင့်တပ်၊ ဖီးနစ်အဖွဲ့အစည်း၏ သံမဏိအစောင့်တပ်ရင်’နှင့် မြို့ထဲရှိ ရာနှင့်ချီသော အသက်ရှင်ကျန်ရစ်သူများကို ရင်ဆိုင်နေရချိန်တွင် အနီရောင်ကမ္ဘာက ဘာကို ရယူနိုင်မည်နည်း။

သူတို့လူတွေကို နှုတ်ပိတ်ဖို့သက်သက် ဒီလောက်ထိလုပ်ပြီး အာရုဏ်ဦးမြို့တော်၏ အသုံးချခံရပြီးမှ ထိတ်လန့်တကြား ထွက်ပြေးသွားကြလိမ့်မည်ဆိုသည်မှာ မဖြစ်နိုင်သလောက်ပင်။ ယုတ္တိဗေဒအရ ချူကျောက်နန်က အနီရောင်ကမ္ဘာကို အသုံးချချင်သလို အနီရောင်ကမ္ဘာကလည်း ချူကျောက်နန်ကို အသုံးချရန် စိတ်ကူးရှိနေမည်မှာ အသေအချာပင်။ ကိုယ့်လူကိုယ် နှုတ်ပိတ်ဖို့အတွက်နဲ့ အာရုဏ်ဦးမြို့တော်ရဲ့ အသုံးချခံရပြီး အလောတကြီး ထွက်ပြေးဖို့လောက်ပဲ လုပ်နေမည် မဟုတ်ပေ—

မနေ့ညက ချူကျောက်နန်၏ သတိပေးစကားနှင့် ယခု ဂျူးလိယပ်စ်၏ မှတ်ချက်တို့က ထိုအတွေးကို ပိုမို ခိုင်မာစေခဲ့သည်။

ဧရာမနတ်ဘုရားတောင်ထိပ် လွှတ်တင်ရေးစခန်း၊ အဖြူရောင်ခန်းမ။

ဂျူးလိယပ်စ်၏ မျက်နှာတစ်ခုလုံး မှောင်မည်းသွားပြီး လင်းရှန်ကို မျက်မှောင်ကြုတ်ကာ စိုက်ကြည့်နေသည်။ ထို့နောက်တွင်တော့ သူက ရန်လိုသော အမူအရာဖြင့် ပြုံးလိုက်သည်။

“ချူကျောက်နန်က အတွေးခေါ်က အမှားအယွင်းမရှိလောက်အောင် စေ့စပ်သေချာတဲ့သူပဲ။ သူ့ကို ကိုင်တွယ်ရတာက ကျိုးမင်ယွမ်လို နိုင်ငံရေးသမားတွေထက် အများကြီးပိုခက်ခဲတယ်။ ရှေ့တန်းစီမံကိန်းအတွက်ဆိုရင် သူဟာ တစ်ကမ္ဘာလုံး ပျက်စီးသွားတာကိုတောင် ဂရုမစိုက်နိုင်ဘူးလို့ ငါ တစ်ချိန်က ယုံခဲ့မိတယ်။ ဝမ်းနည်းစရာကတော့... မင်း ဒီမှာ ရှိနေတာက သူ့ရဲ့ မူဝါဒတွေ ယိုင်နဲ့နေပြီဆိုတာကို ပြနေတာပဲ...”

“ငါ့အထင်တော့ ဂလက်ဆီနှလုံးသားရဲ့ အဓိကထိန်းချုပ်မှုက အခု ဖီးနစ်လက်ထဲ ရောက်နေပြီပေါ့လေ။ အင်း... လူသားယဉ်ကျေးမှုက တိုးတက်မှု နှေးကွေးနေရတာဟာ အတွေးအခေါ်နဲ့ ယုတ္တိဗေဒပိုင်းမှာ မပြတ်သားလို့ပဲ။ အားနည်းချက်တွေ ရှိလာတာပေါ့။ ဒါပေမဲ့ ကံမကောင်းစွာနဲ့ပဲ ငါလည်း ပြင်ဆင်မှုတချို့ လုပ်ထားပါတယ်”

ထိုအချိန်တွင် ကြမ်းပြင်မှ လေတိုးသံတစ်ခု ထွက်ပေါ်လာပြီး ကြမ်းပြင်အပေါက်တစ်ခု ပွင့်သွားသည်။ ဂျူးလိယပ်စ်၏ နောက်တွင် ကြီးမားသော အေးခဲစက်ခန်းများ အစီအရီ တက်လာသည်။ တစ်ခုချင်းစီမှာ မီတာအတော်များများ မြင့်မားပြီး ပုံသဏ္ဌာန်မျိုးစုံရှိသော အနီရောင်သတ္တဝါများဖြင့် ပြည့်နှက်နေသည်။

ဧရာမလူသားများရော၊ သာမန်လူသားအရွယ်အစားများပါ စုစုပေါင်း ဆယ်ခုရှိသည်။ တစ်ခုချင်းစီမှ ကြောက်မက်ဖွယ်ကောင်းသော အမှောင်စွမ်းအင်များ ထွက်ပေါ်နေပြီး ဝိညာဉ်လှိုင်းတန်ဖိုးများမှာ ပြင်းထန်စွာ ပြောင်းလဲနေသည်။ ၎င်းတို့ကို အမျိုးမျိုးသော ကန့်သတ်ကိရိယာများနှင့် ဖိနှိပ်မှုပိုက်လိုင်းများဖြင့် ချည်နှောင်ထားသော်လည်း ၎င်းတို့ ထွက်ပေါ်လာချိန်တွင် ခန်းမထဲရှိ မီးများမှာ ပုံမှန်မဟုတ်ဘဲ တဖျတ်ဖျတ် တုန်ခါသွားသည်။ တစ်ချိန်တည်းမှာပင် ယခင်က ငြိမ်သက်နေသော ‘ဂျူးလိယပ်စ်’ အဖြစ်ပွားယူထားသူများမှာလည်း ဖုတ်ကောင်များအဖြစ် အကြီးအကျယ် သန္ဓေပြောင်းသွားကြသည်။ ရေထဲတွင် ရုန်းကန်အော်ဟစ်နေကြပြီး သူတို့၏ ကိုယ်ပေါ်တွင် အမည်းရောင်သွေးကြောများ ထွက်ပေါ်လာကာ သွေးများ ပန်းထွက်လျက် ဖန်လုံအိမ်နံရံများကို ကုတ်ခြစ်နေကြသည်။

ဂျူးလိယပ်စ်က သူ၏လက်များကို မြှောက်လိုက်ပြီး လင်းရှန်ကို စိတ်မကောင်းဟန်ဖြင့် ပြောလိုက်သည်။

“မင်းမှာ အာရုဏ်တက်ပြီးရင် လူအများစုကို ခေါ်ပြီး ထွက်သွားဖို့ အခွင့်အရေးရှိခဲ့ပါတယ်။ နောက်ဆုံးတော့ ငါ့ရဲ့ ဒီပွားယူမှု စမ်းသပ်ချက်က မျှော်လင့်ချက်မဲ့နေတဲ့ သာမန်လူတွေဟာ ကြောက်ရွံ့မှုတွေကြားမှာ ဘယ်လိုမျိုး သန္ဓေပြောင်းသွားကြမလဲ၊၊ ဘယ်လိုမျိုး တိုးတက်ပြောင်းလဲပြီး စွမ်းအားတွေ နိုးထလာမလဲဆိုတာကို လေ့လာဖို့ပဲလေ။ ဒါပေမဲ့ အခုတော့ ငါ စိတ်ပြောင်းသွားပြီ။ မြို့ရိုးထဲက အသက်ရှင်ကျန်ရစ်သူ ခုနစ်သန်းကို မစ်ဆိုင်းဒုံးကျည်တွေ၊ ဒရုန်းတွေနဲ့ ပစ်မှတ်ထားလိုက်ရတာက ပိုပြီး စိတ်ဝင်စားဖို့ကောင်းမယ့် မြင်ကွင်းဖြစ်မယ်လို့ ငါထင်တယ်။ စိတ်မပူပါနဲ့၊၊ စမ်းသပ်မှုအတွက်တော့ တချို့ကိုတော့ ငါတို့ ရွေးချယ်ပြီး ချန်ထားပေးမှာပါ...”

“အိမ်မက်မက်မနေနဲ့” လင်းရှန်က အေးစက်စွာ တုံ့ပြန်လိုက်သည်။

ဂျူးလိယပ်စ်က ပြုံးလျက် ပခုံးတွန့်ပြသည်။

“နှုတ်ဆက်ခဲ့ပါတယ်၊၊ နောက်မှ မင်းတို့ရဲ့ အလောင်းတွေကို သုတေသနလုပ်ဖို့ လာသိမ်းပေးမယ်”

ထိုသို့ပြောပြီးနောက် သူက လှည့်ထွက်သွားသည်။

တီ... တီ... တီ...

စူးရှသော အချက်ပေးသံများ ထွက်ပေါ်လာပြီး တစ်ပြိုင်နက်တည်းမှာပင် အေးခဲစက်ခန်း ဆယ်ခုစလုံး အသက်ဝင်လာသည်။ အတွင်းရှိ အနီရောင်သတ္တဝါများအပေါ် ဖိနှိပ်မှုများ ရပ်တန့်သွားပြီး သူတို့၏ နှလုံးခုန်သံများမှာ စစ်ဗုံတီးသံကဲ့သို့ ဟိန်းထွက်လာသည်။ သွေးရောင်လွှမ်းနေသော မျက်လုံးဆယ်စုံသည် လင်းရှန်ရှိရာသို့ လှည့်လာကြသည်။

“ကီကီ”

လင်းရှန်က ချက်ချင်းပင် ကီကီကို အချက်ပြလိုက်သည်။ ကီကီလည်း ချက်ချင်း နားလည်သွားပြီး ဂျူးလိယပ်စ်ကို ဖမ်းဆီးရန်အတွက် စိတ်စွမ်းအားကို တိုက်ရိုက် အသုံးပြုလိုက်တော့သည်။

မမျှော်လင့်ဘဲ ထိုအချိန်တွင် ကြမ်းပြင်မှ အမည်းရောင်ရေထုတစ်ခု ရုတ်တရက် စိမ့်ထွက်လာပြီး ပတ်ပတ်လည်သို့ အရှိန်အဟုန်ဖြင့် စဉ်ထွက်သွားသည်။ ရေစက်များသည် ထက်ရှသော ဓားသွားများကဲ့သို့ လူတိုင်းထံသို့ ပြေးဝင်လာကြသည်။ ကီကီ၏ မျက်နှာအမူယာပြောင်းလဲသွားပြီး စိတ်စွမ်းအားဖြင့် အလိုအလျောက် ခါထုတ်ကာ ရှောင်တိမ်းလိုက်ရသည်။

ဝုန်း။

ဆူနာမီလှိုင်းကြီး ရိုက်ခတ်လိုက်သကဲ့သို့ ရေမြှားအမြောက်အမြားသည် ကီကီ၏ စိတ်စွမ်းအားဒိုင်းပေါ်သို့ ကျရောက်လာသည်။

ဂါး။

ထိုအချိန်တွင် အနီရောင်သတ္တဝါဆယ်ကောင်သည် ပြင်းထန်စွာ စတင်တိုက်ခိုက်လာချေပြီ။ ၎င်းတို့ထဲမှ သားသတ်သမားကြီးတစ်ကောင်သည် ဟိန်းဟောက်ကာ သူ၏ကိုယ်ပေါ်ရှိ ကြိုးများနှင့် ပိုက်လိုင်းအားလုံးကို ဆွဲဖြုတ်ပစ်လိုက်သည်။ ထို့နောက် ပါးစပ်ကို ဟလျက် လင်းရှန်တို့ရှိရာဘက်သို့ ကြီးမားသောမီးလျှံများကို မှုတ်ထုတ်လိုက်သည်။

မီးစွမ်းအားလား…

“မြန်မြန်... ဆုတ်ကြ”

ကီကီက ပထမဆုံး တုံ့ပြန်လိုက်ပြီး ရှေ့သို့ တိုးကာ စိတ်စွမ်းအားလှိုင်းဖြင့် ပိတ်ဆို့လိုက်ရာ မီးလျှံများမှာ အရပ်လေးမျက်နှာသို့ ပေါက်ကွဲထွက်သွားသည်။ ထိုမီးတောက်ကြီးသည် ခန်းမထဲရှိ အေးခဲစက်ခန်း အများစုကို ချက်ချင်းပင် အစိတ်စိတ်အမြွှာမြွှာ ဖြစ်သွားစေပြီး ဂျူးလိယပ်စ်ကိုယ်ပွားများကို မီးပင်လယ်ထဲတွင် ပိတ်မိသွားစေသည်။ အချို့သော သန္ဓေပြောင်းကိုယ်ပွားများမှာ မီးထဲမှ အော်ဟစ်ကာ ရူးသွပ်စွာ ပြေးထွက်လာကြပြီး အချို့မှာမူ အရှင်လတ်လတ် မီးလောင်ကျွမ်းသွားကြသည်။