အခန်း (၂၃-၂၄)

အခန်း (၂၃) တောင်ငါးလုံး စစ်မှန်သော ပုံစံ လက်သီး

"ငါ ဘာရွေးရမလဲ...။"

ကျမ်းစာဆောင်၏ နဝမထပ်တွင် နင်းဖန်သည် ဟိုဟိုဒီဒီ လမ်းလျှောက်နေပြီး သူ၏ အကြည့်များက ကျောက်စိမ်းပြားများကို တစ်ခုပြီးတစ်ခု လှန်လှောကြည့်နေခဲ့၏။ ကိုယ့်အတွက် သိုင်းနည်းစနစ် တစ်ခု ကို ရွေးချယ်ခြင်းသည် အရေးကြီးသော ကိစ္စတစ်ခု ဖြစ်လေသည်။ သူ အလေးအနက် မထားဘဲ မနေ နိုင်ချေ။

ထိုအချက်က ဤကမ္ဘာတွင် ကျင့်ကြံသူတစ်ဦး၏ တိုက်ခိုက်ရေးစွမ်းအားကို မည်သို့ တည်ဆောက် သနည်းဆိုသည့် အချက်ဆီသို့ ခေါ်ဆောင်သွားပေသည်။ ထိုအရာမှာ အချက်ငါးခုအပေါ်တွင် မူတည်၏။

ထိုအချက်များမှာ ကျင့်ကြံခြင်းသိုင်းနည်းစနစ်၊ သိုင်းနည်းစနစ်၊ နတ်ဘုရားစွမ်းရည်၊ မှော်ရတနာနှင့် နတ်ဘုရား လက်နက် တို့ဖြစ်ကြလေသည်။ ထိုအရာများအနက် ကျင့်ကြံခြင်းသိုင်းနည်းစနစ်၏ အရေး ပါမှုမှာ ပြောစရာပင် မလိုတော့ချေ။

ကျန်ရှိသော လေးခုအနက် မှော်ရတနာများနှင့် နတ်ဘုရားလက်နက်များသည် ပြင်ပ အထောက်အကူ များ ဖြစ်ကြလေ၏။ သိုင်းနည်းစနစ်များနှင့် နတ်ဘုရားစွမ်းရည်များသာလျှင် သင် အားကိုးနိုင်သော စစ်မှန်သည့် အထောက်အပံ့များ ဖြစ်ကြလေသည်။

ထိုနှစ်ခုကြား ကွာခြားချက်မှာ သိုင်းနည်းစနစ်များကို ရုပ်ခန္ဓာကိုယ်ဖြင့် လုပ်ဆောင်ခြင်း ဖြစ်သည်...။ သေမျိုး သိုင်းနည်းစနစ်များ၏ အဆင့်မြှင့်တင်ထားသော ပုံစံတစ်ခုပင်။

လက်သီးများ၊ ခြေကန်ချက်များ၊ ဓားရှည်များနှင့် ဓားတိုများ အားလုံးသည် သိုင်းနည်းစနစ် အမျိုးအစား တွင် ပါဝင်ကြလေ၏။

အခြားတစ်ဖက်တွင် နတ်ဘုရားစွမ်းရည်များသည် ခန္ဓာကိုယ်အတွင်းရှိ စိတ်ဝိညာဉ်အင်အားဖြင့် မောင်းနှင်ခြင်း ဖြစ်သည်။ ထိုအရာများသည် တိုက်ခိုက်ခြင်းနှင့် အထောက်အကူပြုခြင်း နှစ်မျိုးလုံး အတွက် အံ့သြဖွယ် အသုံးဝင်မှု များစွာ ရှိကြလေ၏။

ယေဘုယျအားဖြင့် ပြောရလျှင် ကျင့်ကြံသူတစ်ဦးသည် မည်မျှပင် ဆင်းရဲနွမ်းပါးနေပါစေ အနည်းဆုံး သိုင်းနည်းစနစ်တစ်ခုနှင့် နတ်ဘုရားစွမ်းရည်တစ်ခုကိုတော့ သင်ယူကြမည်သာ ဖြစ်လေသည်။ ထိုအရာ မှာ အသက်ရှင်သန်ရန်နှင့် ကိုယ့်ကိုယ်ကိုယ် ရပ်တည်ရန် အခြေခံ နည်းလမ်းပင် ဖြစ်၏။

တစ်ခုတည်းသော ပြဿနာမှာ သိုင်းနည်းစနစ်များကို အလွယ်တကူ ရရှိနိုင်သော်လည်း နတ်ဘုရား စွမ်းရည်များကိုမူ ရရှိရန် ခက်ခဲခြင်းပင်။ အောက်ခြေအဆင့် ကျင့်ကြံသူ အများအပြားသည် သင့်တင့် သော နတ်ဘုရားစွမ်းရည် တစ်ခုကို ရရှိရန်အတွက်ပင် အလွန်အမင်း ကြိုးစားအားထုတ်ကြရသည်။

ဤနေရာတွင် အင်အားကြီးမားသော အဖွဲ့အစည်းတစ်ခုသို့ ဝင်ရောက်ခြင်း၏ အကျိုးကျေးဇူးများ ထင်ရှားလာပေသည်။ ဥပမာအားဖြင့် ထိုက်ရီအစစ်အမှန်ဂိုဏ်းကို ကြည့်ပါ။

ဂိုဏ်း၏ စည်းမျဉ်းများအရ ထိုက်ရီအစစ်အမှန်ဂိုဏ်း၏ အပြင်စည်းတပည့် တိုင်းသည် အဝါရောင် အဆင့်မြင့် သိုင်းနည်းစနစ် သုံးခုနှင့် နက်နဲသိမ်မွေ့ အလယ်အလတ်အဆင့် နတ်ဘုရားစွမ်းရည် တစ်ခုကို အခမဲ့ ရရှိနိုင်ပေသည်။

နက်နဲအဆင့် နတ်ဘုရားစွမ်းရည်တစ်ခုသည် ကျမ်းစာဆောင်၏ တတိယထပ်တွင် ထားရှိရန် လုံလောက်သော တန်ဖိုးရှိသည့် ရတနာတစ်ခု ဖြစ်ကြောင်း သင် သိထားရမည် ဖြစ်၏။

သို့တိုင် ထိုက်ရီအစစ်အမှန်ဂိုဏ်းသည် ထိုအရာကို ဝင်ခွင့် အကျိုးခံစားခွင့်တစ်ခုအနေဖြင့် ပေးဝေကာ ထိုဂိုဏ်း၏ တစ်သိန်းနှစ်သောင်းသော အပြင်စည်းတပည့် တိုင်းကို ကျင့်ကြံခွင့် ပြုထားလေသည်။ ဤသို့သော ရက်ရောမှုက ကြီးမားသော ဂိုဏ်းတစ်ခု၏ အသွင်အပြင်ကို အမှန်တကယ် ပြသနေပေ သည်။

ထို့ပြင် အပြင်စည်းတပည့်များသည် ပါရမီ ကွာခြားကြကြောင်းကို ထည့်သွင်းစဉ်းစားကာ ဂိုဏ်းသည် ဤနတ်ဘုရားစွမ်းရည်အတွက် အချိန်ပေး စဉ်းစားခဲ့၏။ ထိုအရာကို နက်နဲသိမ်မွေ့ အလယ်အလတ် အဆင့်ဟု သတ်မှတ်ထားသော်လည်း ထိုအရာ၏ ကျင့်ကြံမှု ခက်ခဲမှုမှာ မမြင့်မားချေ...။ မည်သူမဆို အခြေခံအားဖြင့် ထိုအရာကို သင်ယူနိုင်ပေသည်။

အရေးအကြီးဆုံးမှာ ထိုအရာသည် အထောက်အကူပြု နတ်ဘုရားစွမ်းရည် တစ်ခု ဖြစ်ခြင်းပင်။

အသုံးပြုလိုက်သောအခါ ထိုအရာသည် စိတ်ဝိညာဉ်အင်အားကို လောင်ကျွမ်းစေပြီး မိမိ၏ သွေးနှင့် ချီ စီးဆင်းမှုကို အရှိန်မြှင့်တင်ပေးကာ ရုပ်ခန္ဓာကိုယ်ကို အချိန်တိုအတွင်း ဘက်စုံ မြှင့်တင်ပေးခြင်းဖြစ် သည်။ သင်ယူထားသော သိုင်းနည်းစနစ်များနှင့် ပေါင်းစပ်လိုက်သောအခါ ထိုအရာသည် အသက်လု ထွက်ပြေးရသည်ဖြစ်စေ၊ သေသည်အထိ တိုက်ခိုက်ရသည်ဖြစ်စေ အလွန် အသုံးဝင်ပေသည်။

နင်းဖန်သည် ဂိုဏ်းတွင် နေလာသည်မှာ နှစ်ဝက်ကျော်ရှိပြီဖြစ်ပြီး ဤအရာများ အကြောင်းကို အားလုံး ကြားသိခဲ့ရပြီး ဖြစ်၏။ အပြင်စည်းတပည့် တစ်ယောက် ဖြစ်လာခြင်း၏ အကျိုးကျေးဇူးများကို သူ အချိန်ကြာမြင့်စွာကတည်းက သွားရည်ကျနေခဲ့ခြင်းဖြစ်လေသည်။

ကံမကောင်းစွာဖြင့် ဂိုဏ်းတစ်ခုလုံး ထွက်ပြေးသွားသည့် အချိန်အထိ ထိုအဝါရောင်အဆင့် သိုင်းနည်း စနစ်များနှင့် နက်နဲအဆင့် နတ်ဘုရားစွမ်းရည်များ မည်သို့ ပုံစံရှိသည်ကို သူ တစ်ခါမျှ မမြင်ခဲ့ရချေ။

*နယ်စပ်က အဘိုးအို သူ့မြင်းကို ဆုံးရှုံးသွားတဲ့အခါ ဒါက ကောင်းချီးတစ်ခု မဟုတ်ဘူးလို့ သူ ဘယ်လို သိနိုင်မှာလဲ...။*

*မင်းတို့ကောင်တွေ ထွက်ပြေးသွားကြပေမယ့် ကျမ်းစာဆောင်ကိုတော့ ငါ့အတွက် ထားခဲ့တာပဲ...။*

*ဒါဆို ဒီသခင်လေးက သူ့ရဲ့ ငှက်ပစ်သေနတ်ကို အမြောက်နဲ့ လဲလှယ်လိုက်တော့မယ်...။ ကောင်းကင်ဘုံ အဆင့် သိုင်းနည်းစနစ်တစ်ခုကို ကျင့်ကြံမယ်...။*

နင်းဖန်သည် လက်နှစ်ဖက်ကို နောက်ပစ်ကာ မေးစေ့ကို အနည်းငယ် မော့ထားပြီး နှုတ်ခမ်းထောင့်များ ကို အောက်သို့ ကွေးချလျက် မျက်လုံးများတွင် ကျေနပ်အားရမှုများ ပြည့်နှက်နေခဲ့၏။

သူသည် သူ၏ အရင်းနှီးဆုံး ဆွေမျိုးခြောက်ယောက်ကို စွန့်ပစ်လိုက်သူ တစ်ဦး၏ ဟန်ပန်သွင်ပြင်ဖြင့် ကျမ်းစာဆောင်၏ နဝမထပ်တွင် လမ်းလျှောက်နေခဲ့သည်။

သူ၏ အကြည့်များက အမျိုးမျိုးသော ကောင်းကင်ဘုံ အဆင့်မြင့် သိုင်းနည်းစနစ်များ၏ ကျောက်စိမ်း ပြားများပေါ်သို့ တရုတ်ဂေါ်ဖီထုပ်များကို ရွေးချယ်နေသကဲ့သို့ ဝေ့ကြည့်နေခဲ့၏။

‘‘ထိုက်ရီ ဖုန်ခါယပ်: လက်ဝါး...။ ပညာရှင်တစ်ယောက်က သူ့ရဲ့ ဖုန်ခါယပ်ကို ခါယမ်းနေသလို အရည် ရွှမ်းပြီး သွက်လက်တယ်...။ ဟင်း.. ငါနဲ့ မလိုက်ဖက်ဘူး ထင်တယ်...။’‘

‘‘ကောင်းကင်ဖြတ်တောက်ခြင်း လက်ချောင်း: ရှေးဟောင်း အင်အားကြီး ပုဂ္ဂိုလ်တစ်ယောက်ရဲ့ ကောင်းကင် ကံကြမ္မာရဲ့ အပိုင်းအစလေးကို လုယူခြင်း ဆိုတဲ့ စိတ်ကူးကနေ မွေးဖွားလာတာ...။ လက်ချောင်း အင်အားကို အဆုံးစွန်ထိ စုစည်းပြီး အမျိုးမျိုးသော အကာအကွယ် အလင်းရောင်တွေ၊ ဝင်္ကပါ အချက်အချာတွေနဲ့ နတ်ဘုရားစွမ်းရည် အချက်အချာတွေကို အထူးသဖြင့် ချိုးဖျက်ပစ်နိုင် တယ်။ အနီးကပ် တိုက်ပွဲမှာ လက်ချောင်းတစ်ချောင်းတည်းနဲ့ သတ်နိုင်တယ်...။’‘

‘‘ဒီသိုင်းနည်းစနစ်က ကြည့်ကောင်းပေမယ့် နတ်ဆိုးသားရဲတွေကို တိုက်ခိုက်ဖို့ လက်ချောင်း သိုင်းနည်း စနစ်တွေကို အသုံးပြုတာက ငါ့ရဲ့ လက်သီးဆန္ဒကို ဖန်တီးဖို့ အထောက်အကူ မဖြစ်ဘူး...။’‘

‘‘ပြီးတော့ သိုင်းလမ်းကြောင်းထဲကို အခုမှ စဝင်လာတဲ့ ငါ့လို လူသစ်တစ်ယောက်အတွက် လက်ချောင်း တစ်ချောင်းနဲ့ လူတွေကို နာကျင်အောင်လုပ်တဲ့ ကွက်ကဲမှုကို သင်ယူတာက နည်းနည်းတော့ မာနကြီး လွန်းတယ်...။’‘

‘‘လုံလုံလောက်လောက် မလုံခြုံဘူး...။ ဒါပေမယ့် သိုင်းနည်းစနစ် ကိုယ်တိုင်ကတော့ ခိုင်မာတယ်...။ ယာယီပဲ ထားလိုက်မယ်...။’‘

နင်းဖန် လမ်းလျှောက်ရင်း ကြည့်နေခဲ့၏။

နဝမထပ်ရှိ ကောင်းကင်ဘုံ အဆင့်မြင့် သိုင်းနည်းစနစ် တိုင်းကို သူ၏ နှလုံးသားထဲတွင် အကဲဖြတ် နေခဲ့သည်။ ရုတ်တရက် သူသည် ထောင့်တစ်နေရာတွင် လွင့်မျောနေသော ကျောက်စိမ်းပြား တစ်ခု ရှေ့တွင် ရပ်တန့်သွားပြီး သူ၏ မျက်လုံးများတွင် အရောင်လက်သွားခဲ့၏။

ဤကျောက်စိမ်းပြားမှ ထုတ်လွှတ်နေသော နာမ်စိတ်ဝိညာဉ်အရ ထိုအရာသည် မာနကြီးလှပေသည်။ တစ်ချိန်တည်းမှာပင် ထိုအရာ၏ ပတ်ဝန်းကျင်ရှိ အရာအားလုံးကို ဂရုမစိုက်သကဲ့သို့ ယုံကြည်နိုင်စရာ မရှိလောက်အောင် တည်ငြိမ်သော အရှိန်အဝါတစ်ခုလည်း ရှိနေခဲ့၏။

‘‘တောင်ငါးလုံး စစ်မှန်သော ပုံစံ လက်သီး: ကောင်းကင်ဘုံ အဆင့်မြင့် သိုင်းနည်းစနစ်...။ လက်သီးဆန္ဒနဲ့ အတူ မြေကြီးပေါ်က တောင်ကြီးတွေရဲ့ စိတ်ဝိညာဉ်တွေကို ခေါ်ယူတယ်...။ လက်သီးချက်တိုင်းက တောင်ထိပ်တစ်ခုလို ရောက်လာပြီး ယုံကြည်နိုင်စရာ မရှိလောက်အောင် လေးလံကာ အရာအားလုံးကို ဖိနှိပ်ထားတယ်...။’‘

(မှတ်ချက်...။ ထိုလက်သီး သိုင်းနည်းစနစ်သည် နက်ရှိုင်းသည့် အခြေခံအုတ်မြစ် လိုအပ်ပေ၏။ ရုပ်ခန္ဓာ ကိုယ်သန့်စင်ခြင်း၏ ပထမအလွှာ၌ အင်အား ဂျင် တစ်သောင်းကို မကျွမ်းကျင်သေးပါက မကျင့်ကြံ ပါနှင့်...။)

ဖော်ပြချက်ကို ဖတ်ပြီးနောက် နင်းဖန်၏ မျက်လုံးများတွင် ဝမ်းသာမှုများ တောက်ပသွားခဲ့၏။

အနီးကပ် တိုက်ပွဲဝင်၊ ကျယ်ကျယ်ပြန့်ပြန့်၊ ပြင်းထန်ပြီး တားဆီး၍မရသော လက်သီး သိုင်းနည်းစနစ် တစ်ခုပင်။ ထိုအရာက သူ့အတွက် လုံးဝ ပြီးပြည့်စုံပေသည်။

ဤကမ္ဘာတွင် တောင်ငါးလုံး ဟူသော အယူအဆတစ်ခုလည်း ရှိပေသည်။ သို့သော် ဤတောင်ငါးလုံး သည် ကမ္ဘာမြေကြီးပေါ်ရှိ တောင်များ မဟုတ်ချေ။

ထိုအရာများမှာ မြောက်ပိုင်း အေးခဲနေတဲ့ တောရိုင်းမြေ၊ တောင်ပိုင်း အထွတ်အထိပ် နယ်မြေပေါင်းစုံ၊ အနောက်ပိုင်း အနက်ရှိုင်းဆုံး ဒေါသထွက်နေတဲ့ ပင်လယ်၊ အရှေ့ပိုင်းမဟာတောရိုင်းနယ်မြေ နှင့် အလယ်ပိုင်းကုန်းမြေ တို့တွင် အသီးသီး တည်ရှိသော သန့်စင်သည့် တောင်ငါးလုံး ဖြစ်ကြ၏။

ဤသန့်စင်သည့် တောင်ငါးလုံးမှာ ကြီးမားလှပြီး ကောင်းကင်အထိ မြင့်မားကာ ထိုတောင်များ၏ တောင်တန်းများမှာ မပြတ်တောက်ဘဲ ရေတွက်မရနိုင်သော စိတ်ဝိညာဉ်သွေးကြောများနှင့် စိတ်ဝိညာဉ် မိုင်းများဖြင့် ပြည့်နှက်နေသည်။

ထိုအရာများသည် နယ်စပ်လေးခုနှင့် ပြည်နယ်တစ်ခုတစ်လျှောက်ရှိ ရေတွက်မရနိုင်သော သက်ရှိများ ကို ကျွေးမွေးပြုစုပေးသော မိခင်တောင်ကြီးများ ဖြစ်ကြ၏။

တောင်ငါးလုံး စစ်မှန်သော ပုံစံ လက်သီးသည် အထွတ်အထိပ်အထိ ကျင့်ကြံသောအခါ တောင်ငါးလုံး ၏ တောင်စိတ်ဝိညာဉ်များကို နိုးထစေပြီး အရာအားလုံးကို ဖိနှိပ်နိုင်သည်ဟု ဆိုထားသည်။

ထိုဖော်ပြချက်မှာ ချဲ့ကားထားခြင်း ဖြစ်နိုင်သော်လည်း ထိုအရာ၏ စစ်မှန်သော စွမ်းအားမှာ သေချာ ပေါက် များစွာ လျော့နည်းမည် မဟုတ်ချေ။

မည်သို့ပင်ဆိုစေ သိုင်းနည်းစနစ်တစ်ခု၏ စွမ်းအားသည် လူတစ်ဦး၏ ကိုယ်ပိုင် ကျင့်ကြံမှုနှင့်လည်း သက်ဆိုင်ပေသည်။

ရုပ်ခန္ဓာကိုယ်သန့်စင်ခြင်း ကျင့်ကြံသူတစ်ဦးနှင့် နတ်ဘုရားကူးဖြတ်ခြင်း အမြင့်ဆုံး ပုဂ္ဂိုလ်တစ်ဦးတို့ သည် ပြီးပြည့်စုံသည်အထိ ကျင့်ကြံထားသော တူညီသည့် သိုင်းနည်းစနစ်ကို အသုံးပြုပါက သဘာဝ ကျစွာပင် ကောင်းကင်နှင့်မြေကြီး ကွာခြားသော စွမ်းအားကို ပြသမည် ဖြစ်၏။

ပထမလူသည် ယားယံနေသော ကြက်ပေါက်လေးတစ်ကောင်ကဲ့သို့ ဖြစ်မည်ဖြစ်ပြီး ဒုတိယလူသည် ကောင်းကင်နှင့်မြေကြီးကို ဖျက်ဆီးပစ်နိုင်ပေလိမ့်မည်။

ထို့ကြောင့် အကယ်၍ နတ်ဘုရားကူးဖြတ်ခြင်း အမြင့်ဆုံး ပုဂ္ဂိုလ်တစ်ဦးသာ သက်ရှိထင်ရှားရှိပြီး တောင်ငါးလုံး စစ်မှန်သော ပုံစံ လက်သီးကို အသုံးပြုပါက ထိုသူတို့သည် သန့်စင်သည့် တောင်ငါးလုံး ၏ စိတ်ဝိညာဉ်များကို အမှန်တကယ် ခေါ်ယူနိုင်ပြီး အလယ်ပိုင်းကုန်းမြေကိုပင် နစ်မြုပ်သွားအောင် လက်သီးဖြင့် ထိုးနိုင်ပေလိမ့်မည်။

‘‘ဒါပဲ...။’‘

နင်းဖန် စဉ်းစားလေလေ သူ ပို၍ ပျော်ရွှင်လာလေလေ ဖြစ်၏။ တုံ့ဆိုင်းမနေဘဲ သူသည် ကျောက်စိမ်း ပြားကို ကောက်ယူကာ သူ၏ နဖူးသို့ ဖိကပ်လိုက်သည်။ ချက်ချင်းပင် အမျိုးမျိုးသော လက်သီး သိုင်း နည်းစနစ် လျှို့ဝှက်ချက်များနှင့် ကျင့်ကြံခြင်း အဓိက အချက်များသည် သူ၏ အသိစိတ်ပင်လယ်ထဲသို့ စီးဝင်သွားခဲ့၏။

စက္ကန့်အနည်းငယ်အကြာတွင် နင်းဖန်သည် ကျောက်စိမ်းပြားကို ချလိုက်ပြီး သူ၏ မျက်နှာတွင် ကျေနပ်မှုများ အပြည့်ဖြစ်နေခဲ့သည်။ သူသည် ‘‘သိုင်းနည်းစနစ် အောင်မြင်မှုအသေးစား လက်မှတ်’‘ ကို အသုံးပြုရန် အလျင်စလို မလုပ်ခဲ့ချေ။

အဘယ်ကြောင့်ဆိုသော် ထိုလက်မှတ်သည် ချက်ချင်း အကျိုးသက်ရောက်မှု မရှိသောကြောင့်ပင်။ ယင်းအစား ထိုအရာသည် အသုံးပြုသူအား တစ်ရက်အတွင်း သိုင်းနည်းစနစ်ကို အောင်မြင်မှု အသေးစားသို့ သေချာပေါက် ကျင့်ကြံနိုင်မည်ဟု အာမခံပေးခြင်း ဖြစ်၏။

စနစ်က ပေးသော မည်သည့် ဆုလာဘ်မှ လေထဲမှ အလိုအလျောက် ဖန်တီးထားခြင်း မဟုတ်ဟု သင် ပြောနိုင်ပေသည်။

ဆန့်ကျင်ဘက်အားဖြင့် ထိုအရာများသည် ဤလုပ်ငန်းစဉ်ကို မရှိရာမှ ဖန်တီးရာတွင် နင်းဖန် ကိုယ်တိုင် ပါဝင်ရန် လိုအပ်ပေသည်။ ယခင် တစ်ခါသုံး ပေါင်းစပ်ခြင်း လက်မှတ်သည်လည်း ဤသို့ပင် ဖြစ်ပြီး ယခု သိုင်းနည်းစနစ် အောင်မြင်မှုအသေးစား လက်မှတ်မှာလည်း အတူတူပင် ဖြစ်၏။

သို့သော် နင်းဖန်က နားလည်နိုင်ပေသည်။

မည်သို့ပင်ဆိုစေ သူ၏ စနစ်သည် ချက်ချင်း ပြိုင်ဘက်ကင်း စနစ် မဟုတ်ဘဲ အသန်မာဆုံး ကိုယ့်ကိုယ် ကိုယ်ကယ်တင်ခြင်းစနစ် ဖြစ်သည်။

အဓိကအချက်မှာ ကိုယ့်ကိုယ်ကိုယ် ကယ်တင်ခြင်း ဟူသော စကားလုံးများတွင် တည်ရှိနေသည်မှာ ထင်ရှား၏။

သင် ကိုယ်တိုင် ပါဝင်ရမည် ဖြစ်သည်။

သူသည် ဤကိစ္စများကို သိပ်မစဉ်းစားတော့ချေ။ နင်းဖန်သည် လှည့်ကာ ပေါ့ပါးသော ခြေလှမ်းများဖြင့် ကျမ်းစာဆောင်မှ ထွက်ခွာသွားခဲ့၏။ အောက်ထပ်သို့ ဆင်းရသည်မှာ အပေါ်တက်ရသည်ထက် များစွာ ပိုမြန်ပေသည်။

သူသည် ပြေးလွှားခုန်ပေါက်နေပြီး သူ၏ ခြေထောက်များသည် လေပေါ်တွင်ဝဲနေသကဲ့သို့ပင်။

အကယ်၍ သူ၏ ရုပ်ခန္ဓာကိုယ် စွမ်းအားနှင့် ပတ်သက်၍ သူ မသေချာပါက နင်းဖန်သည် ထိပ်ဆုံးထပ် ပြတင်းပေါက်မှ တိုက်ရိုက် ခုန်ချချင်နေမည် ဖြစ်သည်။

သီချင်းတိုးတိုးလေး ညည်းရင်း သူသည် ကျမ်းစာဆောင်မှ ထွက်လာကာ သူ၏ ပျံသန်းသည့်လှေကို အသက်သွင်းပြီး ချွမ်းကုန်းတောင်ထိပ်ရှိ သိုင်းခန်းမဆီသို့ တိုက်ရိုက် ဦးတည်သွားခဲ့၏။

သူ၏ ရုပ်ခန္ဓာကိုယ်သန့်စင်ပြီးနောက် လက်တစ်ဖက်တည်းက အင်အား မည်မျှ ထုတ်လွှတ်နိုင်သည်ကို သိရှိရန် သူ မစောင့်နိုင်တော့ချေ။

အခန်း (၂၄) နင်းဖန် သိုင်းနည်းစနစ် ရွေးချယ်တာ မှားသွားသလား

သူတို့၏ အထက်၊ ထိုက်ရီအကြွင်းအကျန်နယ်မြေ အတွင်း၌။

ဂိုဏ်း၏ အဆင့်မြင့် အရာရှိများသည် နင်းဖန်၏ လှုပ်ရှားမှုတိုင်းကို စောင့်ကြည့်နေကြ၏။

ကျမ်းစာဆောင်၏ နဝမထပ်မှ မထွက်ခွာမီ သူက သိုင်းနည်းစနစ်တစ်ခုကို တမင်တကာ ရွေးချယ်လိုက် သည်ကို မြင်သောအခါ သူတို့သည် မျက်မှောင်မကြုတ်ဘဲ မနေနိုင်ကြချေ။

‘‘‘‘နင်းဖန်က ဘာလို့ ဒီသိုင်းနည်းစနစ်ကို ရွေးရတာလဲ...။’‘‘‘

‘‘‘‘တောင်ငါးလုံး စစ်မှန်သော ပုံစံ လက်သီးက ကျမ်းစာဆောင်မှာ နှစ်သန်းပေါင်းများစွာ ရှိနေခဲ့တာ...။ အများကြီးက အဲဒါကို နားလည်ဖို့ ကြိုးစားခဲ့ပေမယ့် သုံးဆယ့်နှစ်ဆက်မြောက် ဂိုဏ်းချုပ်ပဲ အောင်မြင် ခဲ့တာ မဟုတ်ဘူးလား...။’‘‘‘

‘‘‘‘ဟုတ်တယ်...။ ဂိုဏ်းချုပ်စွန်းက ထူးခြားတဲ့ ပါရမီနဲ့ မွေးဖွားလာပြီး ရုပ်ခန္ဓာကိုယ်သန့်စင်ဖို့အတွက် ပြီးပြည့်စုံတဲ့ ပြိုင်ဘက်ကင်း အာဏာရှင် ရုပ်ခန္ဓာကိုယ်ကို ပိုင်ဆိုင်ထားတယ်...။ သူက တောင်ငါးလုံး စစ်မှန်သော ပုံစံ လက်သီးကို ကြီးမားတဲ့ အောင်မြင်မှုအထိ ရောက်အောင် လုပ်ပြီးနောက်မှာ ဒီနယ်မြေ ကို ပြိုင်ဘက်ကင်းစွာ လွှမ်းမိုးခဲ့တာလေ...။’‘‘‘

‘‘‘‘နှမြောစရာပဲ...။ သူ့ရဲ့ စွမ်းအားက ကောင်းကင်အောက်မှာ ပြိုင်ဘက်ကင်းပေမယ့် အဲဒါကို ကျင့်ကြံဖို့ အခက်အခဲက ကြီးမားလှတယ်...။ နောက်ဆုံးအချိန်အထိ ဂိုဏ်းချုပ်စွန်းက အဲဒါကို ပြီးပြည့်စုံတဲ့အထိ မရောက်နိုင်ခဲ့ဘူးလို့ ငါ မှတ်မိတယ်...။’‘‘‘

‘‘‘‘အဲဒီထက်ပိုတယ်...။ မကွယ်လွန်ခင်မှာ ဂိုဏ်းချုပ်စွန်းက တောင်ငါးလုံး စစ်မှန်သော ပုံစံ လက်သီးကို နားလည်ဖို့ သူ့ရဲ့ အချိန်တွေ အများကြီး ကုန်ဆုံးသွားခဲ့ရပြီး နောက်ဆုံးမှာ သက်တမ်း မလုံလောက် တော့ဘူး...။ ။မဟုတ်ရင် သူက နတ်ဘုရားကူးဖြတ်ခြင်းအဆင့်ကိုတောင် လှမ်းမြင်နိုင်ခဲ့လိမ့်မယ်လို့ ပွင့်ပွင့်လင်းလင်း ပြောခဲ့တယ်...။’‘‘‘

‘‘‘‘တောက်...။ ဂိုဏ်းချုပ်စွန်းက သူ့ရဲ့ နောက်ဆုံးနှစ်တွေကို ဒီပြိုင်ဘက်ကင်း သိုင်းနည်းစနစ်အတွက် အသုံးပြုခဲ့ရတာကို နောင်တရသလား ဘယ်သူသိမှာတဲ့လဲ...။’‘‘‘

‘‘ဂိုဏ်းချုပ်စွန်း ဘာပဲခံစားခဲ့ရပါစေ အဲဒါက အတိတ်မှာ ကျန်ခဲ့ပြီ...။ တကယ့်မေးခွန်းက...။ နင်းဖန်က ဘာလို့ ဒီသိုင်းနည်းစနစ်ကို ရွေးခဲ့တာလဲ...။’‘

‘‘ဟုတ်တယ်...။ သူက အခုမှ ရုပ်ခန္ဓာကိုယ်သန့်စင်ခြင်းကို ရောက်တာဖြစ်ပြီး သူ့ရဲ့ ပထမဆုံး သိုင်းနည်း စနစ်ကို ရွေးနေတာလေ...။ မြေကမ္ဘာ အလယ်အလတ်အဆင့် သိုင်းနည်းစနစ်တစ်ခုက သူ့အတွက် အခု အချိန်မှာ အံဝင်ခွင်ကျ ဖြစ်မှာပဲ...။’‘

‘‘...။’‘

အကြီးအကဲများသည် နင်းဖန်၏ လှုပ်ရှားမှု အပေါ် ဆက်တို​က်ဆွေးနွေးမှုများဖြင့် ဆူညံနေကြ၏။ သူတို့ ၏ စကားများတွင် ထင်ရှားသော စိုးရိမ်ပူပန်မှုများ ပါဝင်နေခဲ့သည်။ သူသည် ဤမျှ အဆင့်မြင့်သော သိုင်းနည်းစနစ်တစ်ခုကို မရွေးချယ်သင့်ဟု သူတို့ ခံစားရ၏။

ထိုအရာမှာ အခြားသူတစ်ဦး၏ ကံကောင်းမှုကို မနာလိုဖြစ်ခြင်း မဟုတ်ချေ။ ယင်းအစား သိုင်းလမ်း ကြောင်း ဆိုသည်မှာ အမြင့်ဆုံးအဆင့်ကို မျက်ကန်းတစ္ဆေမကြောက် လိုက်ရှာခြင်း မဟုတ်သော ကြောင့်ပင်။

မှန်ကန်သော ချဉ်းကပ်မှုမှာ ဟန်ချက်ညီမှုဖြစ်သည်။ တင်းမာမှုနှင့် ပြေလျော့မှု သဟဇာတဖြစ်ခြင်းဖြစ် ၏။

ဥပမာအားဖြင့် သင် ကျင့်ကြံသော အဓိက ကျင့်ကြံခြင်းသိုင်းနည်းစနစ်မှာ အဆင့်မြင့်ပါက သိုင်းနည်း စနစ်များနှင့် နတ်ဘုရားစွမ်းရည်များကို ရွေးချယ်ရာတွင် အဆင့်ကို အနည်းငယ် လျှော့ချသင့်ပေသည်။

အပြန်အလှန်အားဖြင့်လည်း ထိုနည်းတူပင် ဖြစ်၏။

အဓိက အကြောင်းရင်းမှာ အဆင့်မြင့် ပစ္စည်းများဖြစ်စေ ကျင့်ကြံခြင်းသိုင်းနည်းစနစ်ဖြစ်စေ သိုင်းနည်း စနစ်ဖြစ်စေ လေ့ကျင့်ရန် အလွန် ခက်ခဲလွန်းသောကြောင့်ပင်။

ထိုအရာများသည် စွမ်းအင်နှင့် အချိန် အမြောက်အမြားကို ဝါးမျိုကြ၏။

ဤဥပမာကို ကြည့်ပါ…

ကျင့်ကြံသူတစ်ဦးတွင် ကောင်းကင်ဘုံ အဆင့်မြင့် ကျင့်ကြံခြင်းသိုင်းနည်းစနစ်တစ်ခုကို လေ့ကျင့်ရန် ပါရမီရှိသည် ဆိုပါစို့။ လက်ရှိတွင် သူသည် ခရမ်းစံအိမ်တွင် ရှိနေပြီး သက်တမ်း နှစ်ငါးရာ ကျန်ရှိနေ သေး၏။

အရာအားလုံး ချောမွေ့ပါက သူသည် နှစ်သုံးရာ သို့မဟုတ် လေးရာအတွင်း နောက်နယ်မြေသို့ ချိုးဖောက်ဝင်ရောက်နိုင်ပေလိမ့်မည်။

သို့သော် တစ်ချိန်တည်းမှာပင် သူသည် တန်းတူ ခက်ခဲသော ကောင်းကင်ဘုံ အဆင့်မြင့် သိုင်းနည်း စနစ်တစ်ခုကို ကျင့်ကြံရန် ရွေးချယ်လိုက်သည်။ ထိုသိုင်းနည်းစနစ်ကို လေးစားလောက်သော အဆင့် တစ်ခုသို့ ရောက်ရှိစေရန်အတွက် အရင်းအမြစ် တောင်ပုံရာပုံသာမက အနည်းဆုံး နှစ်နှစ်ရာခန့် ကြိုးပမ်းရမည် ဖြစ်၏။

တွက်ကြည့်ပါ။ ကျင့်ကြံသူသည် အလွန် အနေခက်သော အခြေအနေတွင် အဆုံးသတ်သွားမည် ဖြစ် သည်။

နှစ်ခုစလုံးကို လေ့ကျင့်ခြင်းဖြင့် အကောင်းဆုံး ရလဒ်မှာ သူ၏ သက်တမ်း နှစ်ငါးရာ မကုန်ဆုံးမီ နှစ်ခု စလုံးတွင် ချိုးဖောက်ဝင်ရောက်နိုင်ရန် ဖြစ်၏။

သို့သော် အရာရာတိုင်းက စီစဉ်ထားသည့်အတိုင်း အတိအကျ ဖြစ်လာလေ့ ရှိပါသလော။ ရာစုနှစ် ငါးခု ဆိုသည်မှာ ရှည်လျားသော အချိန်တစ်ခုဖြစ်သည်။ မတော်တဆမှုများလည်း ဖြစ်ပေါ်နိုင်ပေသည်။

အမှားအယွင်း အနည်းငယ်ကပင် သူ၏ ကျင့်ကြံခြင်းကို လမ်းလွဲသွားစေနိုင်၏။

လက်တွေ့တွင် ဖြစ်နိုင်ခြေအများဆုံး ရလဒ်မှာ ကျင့်ကြံခြင်းသိုင်းနည်းစနစ်ရော သိုင်းနည်းစနစ်ပါ များ များစားစား မတိုးတက်ဘဲ သူ၏ သက်တမ်း ကုန်ဆုံးသွားသောအခါ ရိုးရှင်းစွာ ထိုင်၍ သေဆုံးသွားခြင်း ပင် ဖြစ်သည်။

ထိုက်ရီအစစ်အမှန်ဂိုဏ်း၏ သုံးဆယ့်နှစ်ဆက်မြောက် ဂိုဏ်းချုပ်သည် ပြီးပြည့်စုံသော သတိပေးပုံပြင် တစ်ခုပင် ဖြစ်၏။ ဂိုဏ်းချုပ်တစ်ဦးပင်လျှင် သူ ကျင့်ကြံသောအရာများကို ဟန်ချက်မညီနိုင်ပါက သာမန်သေမျိုးတစ်ဦးက မည်သို့ လုပ်နိုင်ပါမည်နည်း။

ထို့ကြောင့် အကြီးအကဲများ၏ အမြင်တွင် နင်းဖန်၏ တောင်ငါးလုံး စစ်မှန်သော ပုံစံ လက်သီး ကို ရွေးချယ်မှုမှာ ပညာရှိသော ရွေးချယ်မှုတော့ မဟုတ်ချေ။ သူ့တွင် အဓိက သိုင်းနည်းစနစ်အဖြစ် ကောင်းကင်ဘုံ အဆင့်မြင့် ကျင့်ကြံခြင်းနည်းလမ်းဖြစ်သော အကန့်အသတ်မဲ့ တာအိုကျမ်းစာ ရှိနေပြီ ဖြစ်၏။

ယခု အကောင်းဆုံး လုပ်ဆောင်ချက်မှာ မြေကမ္ဘာ အလယ်အလတ်အဆင့် သိုင်းနည်းစနစ် သို့မဟုတ် နတ်ဘုရားစွမ်းရည် တစ်ခုကို ရွေးချယ်ရန် ဖြစ်သည်။

ထိုနည်းဖြင့် သူ၏ အဓိက ကျင့်ကြံခြင်းသိုင်းနည်းစနစ်ကို ထိခိုက်လိမ့်မည် မဟုတ်ချေ။

ထိုသို့မဟုတ်ပါက ရေဆန်ကို လှော်ခတ်နေရသကဲ့သို့ပင် ရှေ့မဆက်နိုင်ပါက နောက်သို့ ပြန်ကျသွားမည် ဖြစ်၏။ ချွမ်းကုန်းတောင်ထိပ်၏ တောင်ထိပ်အရှင်သခင် ရွှီယိုဝေက ခါးသီးစွာ သက်ပြင်းချလိုက်သည်။

‘‘ငါတို့ရဲ့ ဘိုးဘေးက တစ်ခါပြောဖူးတယ် ပြီးပြည့်စုံမှုကို တောင့်တလေလေ နှလုံးသားရဲ့ ဆန္ဒကို ရရှိဖို့ နည်းပါးလေလေပဲ တဲ့...။’‘

‘‘နင်းဖန်က အခုမှ ရုပ်ခန္ဓာကိုယ်သန့်စင်ခြင်းကို ပြီးမြောက်တာဖြစ်ပြီး သိုင်းနည်းစနစ်တစ်ခုကို ရွေးချယ် ဖို့ မစောင့်နိုင်တော့ဘူး။ ဒီစိတ်အားထက်သန်မှုက ချီးကျူးစရာပါပဲ...။’‘

‘‘ဒါပေမယ့် ဆရာတစ်ယောက်ရဲ့ လမ်းညွှန်မှု မရှိဘဲနဲ့ သူက ကျင့်ကြံခြင်းရဲ့ အသေးစိတ် အချက်အလက် တွေကို နားမလည်ဘဲ အဆင့်မြင့်လေ ပိုကောင်းလေလို့ ထင်နေတာ...။’‘

‘‘နောက်ဆုံးတော့ အားလုံးထဲမှာ အခက်ခဲဆုံးဖြစ်တဲ့ တောင်ငါးလုံး စစ်မှန်သော ပုံစံ လက်သီး ထဲကို ဝင်တိုက်မိသွားတာပဲ...။ ကောင်းကင်ရဲ့ အလိုဆန္ဒက ကစားနေတာ ကံကြမ္မာက ဒီလိုပဲလေ...။’‘

ဤစကားများကို ကြားသောအခါ အားလုံးက သက်ပြင်းမချဘဲ မနေနိုင်ကြတော့ချေ။

လမ်းညွှန်မှု အမှားများကြောင့် ကြီးထွားလာမည့် အလားအလာရှိသော အပင်ပေါက်လေး ကောက်ကွေ့ သွားတော့မည်ကို မြင်တွေ့ရခြင်းမှာ ရူးသွပ်စရာပင်။ အထူးသဖြင့် ထိုက်ရီဂိုဏ်းချုပ်၏ မျက်ခုံးများမှာ တစ်ခဏမျှ မပြေလျော့ခဲ့ချေ။

သို့သော် အားလုံး စိတ်ကူးထားသည့် အခြေအနေမှာ လုံးဝ တိကျနေခြင်း မဟုတ်ချေ။

အဘယ်ကြောင့်ဆိုသော် အချို့သော အထူးရုပ်ခန္ဓာကိုယ်များကို ပိုင်ဆိုင်ထားသည့် ကျင့်ကြံသူများသည် ထိပ်တန်းအဆင့် ကျင့်ကြံခြင်း သိုင်းနည်းစနစ်များနှင့် အခြားသိုင်းနည်းစနစ်များကို တစ်ပြိုင်နက်တည်း ကျင့်ကြံနိုင်သောကြောင့်ပင်။

ဥပမာ ဂိုဏ်းချုပ် ဖေ့ချင်းယွီကို ကြည့်ပါ၊ သူသည် မိုးပြာသစ်သားစိတ်ဝိညာဉ်ခန္ဓာကိုယ် ကို ပိုင်ဆိုင် ထားပြီး ထိုအရာမှာ သစ်သားဓာတ် စွမ်းအင်နှင့် သဘာဝကျကျ လိုက်လျောညီထွေဖြစ်သော ခန္ဓာကိုယ် ဖြစ်၏။

ထို့ကြောင့် ကိုက်ညီသော သိုင်းနည်းစနစ်တစ်ခုကို ကျင့်ကြံသည့်အခါ သူသည် အမြန်နှုန်း သိပ်မကျ ဆင်းဘဲ သစ်သားဓာတ် နတ်ဘုရားစွမ်းရည်တစ်ခုကို တစ်ပြိုင်နက်တည်း လေ့လာနိုင်ပေသည်။ သဘာဝကျစွာပင် ထိုစွမ်းရည်၏ အဆင့် အမြင့်ဆုံး အကန့်အသတ်မှာ သူ၏ မွေးရာပါ ပါရမီနှင့် ကိုက်ညီရမည် ဖြစ်၏။

ဂိုဏ်းချုပ်ဖေ့သည် ကျမ်းစာဆောင်၏ သတ္တမထပ်အတွက် အရည်အချင်းပြည့်မီပြီး မြေကမ္ဘာအဆင့် မြင့် သိုင်းနည်းစနစ်တစ်ခုကို လေ့ကျင့်ခဲ့လေသည်။နတ်ဘုရားစွမ်းရည်တစ်ခုကို ရွေးချယ်သည့်အခါ သူသည် သူ၏ ခန္ဓာကိုယ်နှင့် ပြီးပြည့်စုံစွာ ကိုက်ညီပြီး သူ့ကို နောက်သို့ ဆွဲမထားမည့် မြေကမ္ဘာ အလယ်အလတ်အဆင့် နွေဦးပြန်လာခြင်း သိုင်းနည်းစနစ်ကို ရွေးချယ်နိုင်ပေသည်။

ပြိုင်ဘက်ကင်း အာဏာရှင် ရုပ်ခန္ဓာကိုယ်ကို ပိုင်ဆိုင်ထားသော သုံးဆယ့်နှစ်ဆက်မြောက် ဂိုဏ်းချုပ်နှင့် ပတ်သက်၍မူ သူသည် ကျမ်းစာဆောင်၏ နဝမထပ် လိုအပ်ချက်ကို ခက်ခက်ခဲခဲ ပြည့်မီခဲ့၏။

ထိုအခြေအနေတွင် နဝမထပ် သိုင်းနည်းစနစ်တစ်ခုကို ရွေးချယ်ပြီးဖြစ်ရာ သူသည် တောင်ငါးလုံး စစ်မှန်သော ပုံစံ လက်သီး ကို ကျင့်ကြံရန် ဇွတ်မတောင်းဆိုသင့်ချေ။ ခန္ဓာကိုယ်တစ်ခုတည်းတွင် ကောင်းကင်ဘုံ အဆင့်မြင့် ကျင့်ကြံခြင်းနည်းလမ်း နှစ်ခုကို ထောက်ပံ့ခြင်းသည် မလွှဲမရှောင်သာ ကမောက်ကမဖြစ်မှုကို သက်သေပြမည် ဖြစ်၏။

အကယ်၍ သူသည် ထိုထက်နည်းသောအရာတစ်ခုကို ရွေးချယ်ခဲ့ပါက ကောင်းကင်ဘုံ အဆင့်မြင့် သိုင်းနည်းစနစ်တစ်ခုနှင့် ကောင်းကင်ဘုံအဆင့်နိမ့် သိုင်းနည်းစနစ်တစ်ခုကို တွဲဖက်ခြင်းဖြင့် သူသည် မိမိကိုယ်ကို လောင်ကျွမ်းသွားမည် မဟုတ်ချေ။

သို့တိုင် ထိုသို့ လုပ်ဆောင်ခဲ့ပြီး တောင်ငါးလုံး စစ်မှန်သော ပုံစံ လက်သီး ၏ အကူအညီကို စွန့်လွှတ် လိုက်ပါက သူသည် နယ်မြေလေးခု၏ ပါရမီရှင်များကို ဤမျှ လွယ်ကူစွာ အနိုင်ယူနိုင်မည် မဟုတ်သလို သူ၏ ပြိုင်ဘက်ကင်း ဂုဏ်သတင်းကိုလည်း ရရှိနိုင်မည် မဟုတ်ချေ။

အပေးအယူတွင် အားသာချက်နှင့် အားနည်းချက်များ ရှိပေသည်။

မည်သည့် ရွေးချယ်မှုက အကောင်းဆုံးလဲဆိုသည်မှာ လူတစ်ဦးချင်းစီ၏ အမြင်အပေါ်တွင် မူတည်၏။ အတိုချုပ်ပြောရလျှင် ကျင့်ကြံခြင်းသည် ရှုပ်ထွေးပြီး တူညီသော လမ်းကြောင်း နှစ်ခု မရှိချေ။

နင်းဖန်နှင့် ပတ်သက်၍မူ သူ၏ ထူးချွန်သော ပါရမီရှိသော်လည်း သူ့တွင် စစ်မှန်သော သေမျိုးခန္ဓာကိုယ် ရှိနေသဖြင့် တောင်ငါးလုံး စစ်မှန်သော ပုံစံ လက်သီး ကို ကျင့်ကြံခြင်းက ပြိုင်ဘက်ကင်း အာဏာရှင် ရုပ်ခန္ဓာကိုယ်မှ ပေးစွမ်းမည့် အပို အကျိုးကျေးဇူးများကို မရရှိစေချေ။

ဤသည်မှာ ခက်ခဲသော လမ်းကြောင်းတစ်ခု ဖြစ်လာရန် ဖန်တီးခံထားရပေသည်။ ထို့ကြောင့် သူ၏ အခြေအနေသည် အထူးရုပ်ခန္ဓာကိုယ် ရှိသူများနှင့် ကွဲပြားပြီး သာမန် ကျင့်ကြံသူများနှင့် ပို၍ တူညီပေ သည်။

ထိုက်ရီအစစ်အမှန်ဂိုဏ်း၏ အဆင့်မြင့် အဖွဲ့ဝင်များ ဤမျှ စိုးရိမ်နေကြသည်မှာ အံ့သြစရာ မဟုတ်ပေ။

ယွီရူရွှမ်း၏ ဖီးနစ်ငှက် မျက်လုံးများ လင်းလက်သွားပြီး သူမ၏ ကြီးမားသော တာအိုဝတ်ရုံအောက်တွင် လက်သီးများကို ဆုပ်ထားခဲ့၏။

နင်းဖန် မှားယွင်းသော လမ်းကြောင်းပေါ်သို့ မျက်ကန်းတစ္ဆေမကြောက် တိမ်းယိမ်းသွားမည်ကို သူမ မကြည့်ရက်ကြောင်း ထင်ရှားပေသည်။ သူမ ဆက်လက်၍ မထိန်းချုပ်ထားနိုင်တော့ဘဲ စကားပြော လိုက်၏။

"စီနီယာအစ်ကိုတို့...။ မင်းတို့ တစ်ယောက်ချင်းစီက နှစ်ထောင်ပေါင်းများစွာ ကျင့်ကြံလာခဲ့တာလေ...။ အံ့ဖွယ် နတ်ဘုရားစွမ်းရည်တွေ ပဲဖြစ်ဖြစ် ပုံမှန်မဟုတ်တဲ့ လှည့်ကွက်တွေပဲ ဖြစ်ဖြစ် မင်းတို့တွေရဲ့ ဗဟုသုတ က သာမန်တပည့်တွေထက် အများကြီး သာလွန်ပါတယ်...။ ငါတို့ထဲက ဘယ်သူမှ ထိုက်ရီ အကြွင်းအကျန်နယ်မြေကို ဖောက်ထွင်းပြီး အောက်ဘုံနယ်မြေနဲ့ ဆက်သွယ်ဖို့ နည်းလမ်း မစဉ်းစား နိုင်ဘူးလား...။ အဲဒါ မဖြစ်နိုင်ရင်တောင် အလကားနေရင်း စိတ်ပူနေမယ့်အစား အချက်ပြမှု တစ်ခုခု ပို့လိုက်တာက ပိုကောင်းဦးမယ်...။"

"ဒါက...။"

သူမ၏ စကားကြောင့် အားလုံး မင်သက်သွားခဲ့ကြ၏။ အမှန်တကယ်ပင် အောက်ဘုံနယ်မြေသို့ ရောက်ရှိရန် နည်းလမ်း တစ်ခုခု ရှိပါသလော။အနည်းဆုံးတော့ ဂိုဏ်းက သူ့ကို စွန့်ပစ်မသွားကြောင်း နင်းဖန် သိရန် လိုအပ်ပေသည်။

ချွမ်းကုန်းတောင်ထိပ်၊ သားရဲတစ်သောင်း တောင်ထိပ်၊ ဆေးဖက်ဝင်အပင်တစ်ရာတောင်ထိပ်နှင့် ပုံမှန် မဟုတ်သော သိုင်းနည်းစနစ်များတွင် ကျွမ်းကျင်သည့် အခြားတောင်ထိပ်များမှ အကြီးအကဲ များသည် သူတို့၏ ဦးနှောက်များကို စတင် အလုပ်ပေးနေကြပြီ ဖြစ်၏။

တစ်ချိန်တည်းမှာပင် ကျမ်းစာဆောင်မှ ထွက်ခွာသွားသော နင်းဖန်သည် သူ၏ ဆုံးဖြတ်ချက် သေးသေး လေးက အင်အားကြီးမားသူ အများအပြား၏ အာရုံစိုက်မှုကို နောက်တစ်ကြိမ် ဖမ်းစားသွားခဲ့မိ ကြောင်းကိုတော့ လုံးဝ သိရှိခဲ့ခြင်းမရှိချေ။

သူသည် ယခုအခါ ပျံသန်းသည့်လှေပေါ်တွင် လေကိုခွင်း၍ ပျံသန်းကာ ချွမ်းကုန်းတောင်ထိပ်ကို လှည့်ပတ်ပျံသန်းနေပြီး မကြာမီ တောင်၏ တစ်ဖက်ခြမ်းသို့ ရောက်ရှိသွားခဲ့သည်။

ထိုနေရာတွင် သိုင်းခန်းမ ရှိနေ၏။

အမှန်တကယ်တော့ တောင်ထိပ်များစွာတွင် သူတို့၏ ကိုယ်ပိုင် သိုင်းခန်းမများ ရှိကြသည်...။ အပြင်စည်း ဧရိယာတွင်တင် သုံးဆယ်ကျော် ရှိပေသည်။

သို့သော် ချွမ်းကုန်းတောင်ထိပ်ရှိ ခန်းမမှာ အကြီးဆုံးဖြစ်ပြီး အဓိက ခန်းမအဖြစ် ဆောင်ရွက်၏။

အုတ်တစ်ချပ်၊ အုတ်ကြွပ်တစ်ချပ်စီတိုင်းကို ဂိုဏ်း၏ ဘိုးဘေး ကိုယ်တိုင် ချထားခဲ့ပြီး ဥပဒေသနှင့် နတ်ဘုရားစွမ်းအားများ ပါဝင်နေသည်ဟု ဆိုကြသည်။ တာအိုအဆင့် ကျွမ်းကျင်သူများပင်လျှင် ပျက်စီးမည်ကို မကြောက်ဘဲ ဤနေရာတွင် ယှဉ်ပြိုင် တိုက်ခိုက်နိုင်ပေသည်။

နင်းဖန်သည် ဂိုဏ်းတွင် နေလာသည်မှာ နှစ်ဝက်ရှိပြီဖြစ်သော်လည်း ဤသည်မှာ အဓိက သိုင်းခန်းမသို့ သူ၏ ပထမဆုံး အလည်အပတ် ရောက်ခြင်းပင် ဖြစ်၏။

ခမ်းနားကြီးကျယ်သော အဆောက်အအုံကြီးကို ကြည့်ရင်း သူသည် သိချင်စိတ်များဖြင့် ပြည့်နှက်နေ ခဲ့လေသည်။

သူသည် ပျံသန်းသည့်လှေပေါ်မှ ခုန်ဆင်းကာ မြင်ကွင်းများကို ကြည့်ရှုရင်း လမ်းလျှောက်နေခဲ့၏။ မကြာမီပင် ​ေလေ့ကျင့်ရေးကွင်းတစ်ခုသို့ ရောက်ရှိသွလေ ခဲ့သည်။

ဤဧရိယာသည် ရုပ်ခန္ဓာကိုယ်သန့်စင်ခြင်းအဆင့် တပည့်များ သူတို့၏ စွမ်းအားကို စမ်းသပ်ရန် အထူး သီးသန့် တည်ဆောက်ထားခြင်းဖြစ်၏။ ပတ်လည်တွင် ထူးခြားသော ပုံသဏ္ဌာန်ရှိသည့် ကိရိယာများ ရှိနေသည်။ ကျောက်တုံးသော့ခလောက်များ၊ ကျောက်တုံးဘားများ၊ အလေးမတုံးများနှင့် အခြားအရာ များ ရှိနေ၏။

ပစ္စည်းတစ်ခုစီတိုင်းကို ဤနယ်မြေတွင်သာ ရှိသော အထူးပစ္စည်းများဖြင့် ဖန်တီးထားပြီး အံ့အားသင့် စရာကောင်းလောက်အောင် လေးလံပေသည်။ နင်းဖန်၏ အကြည့်များသည် အရွယ်အစား အမျိုးမျိုးရှိ သော ကိရိယာများကို ဝေ့ကြည့်လိုက်၏။

နောက်ဆုံးတွင် သူသည် ဂျင် တစ်သောင်းရှိသော အလေးမတုံး တစ်ခုကို ရွေးချယ်လိုက်သည်။

သူ အသက်ပြင်းပြင်း ရှူလိုက်ပြီး လက်ကိုင်ကို ဆုပ်ကိုင်ကာ ပြင်းထန်သော အားဖြင့် မလိုက်၏။

‘‘ဝှစ်...။’‘

အလေးမတုံး တစ်ခုလုံး မြေကြီးပေါ်မှ မြောက်တက်​သွားပြီး လက်တစ်ဖက်တည်းဖြင့် ခေါင်းပေါ်သို့ မြှောက်ထားလိုက်လေသည်။

နင်းဖန်အံ့ဩတကြီး ရေရွတ်မိလိုက်လေ၏။

"ဒီလောက်တောင် ပေါ့တာလား...။"

အကန့်အသတ်မဲ့ တာအိုကျမ်းစာကို ကျင့်ကြံခြင်းက သူ၏ လက်တစ်ဖက်တည်း အင်အားကို ဂျင် တစ်သောင်းကျော်အထိ တွန်းပို့ပေးခဲ့ကြောင်း သူ သိထား၏။ သို့သော် ထိုအရာကို မရသည်မှာ အနည်းငယ် ပင်ပန်းလိမ့်မည်ဟု သူ မျှော်လင့်ထားခဲ့ခြင်း ဖြစ်သည်။

အဆုံးတွင် သူသည် ကိုယ့်ကိုယ်ကိုယ် အထင်သေးခဲ့မိခြင်းပင်ဖြစ်လေသည်။ သို့မဟုတ် ဂျင် တစ်သောင်း၏ အလေးချိန်ကို အထင်ကြီးခဲ့မိခြင်းလည်း ဖြစ်နိုင်၏။

သူ၏ ဆုပ်ကိုင်မှုထဲတွင် အလေးမတုံးမှာ အလေးချိန် မရှိသလောက်...။ အားစိုက်စရာ မလိုသကဲ့သို့ ခံစားနေရပေသည်။