အခန်း (၅၁-၅၂)

အခန်း (၅၁) နောက်ဆုံး အဓိက ပါဝင်ပစ္စည်း၊ မူလခရမ်းရောင်ချီတစ်မျှင်

နင်းဖန်၏ လွန်ကဲသော ယုံကြည်မှုက ဂိုဏ်းတစ်ခုလုံးကို လုံးဝ ဇဝေဇဝါ ဖြစ်သွားစေခဲ့လေသည်။

သူ လီဟွော့ ကြက်သွေးရောင် သစ်သီး များကို သစ်ပင်ပေါ်မှ ခူးနေသည်ကို အားလုံးက အကူအညီမဲ့စွာ ကြည့်နေရုံသာ တတ်နိုင်တော့၏။

ထို့အပြင် သူသည် မမှည့်သေးဘဲ သက်တမ်း အလွန်နုကြောင်း ထင်ရှားသော အစိမ်းရောင် အသီးငယ် လေးများကိုသာ အထူးရွေးချယ် ခူးယူနေခဲ့လေသည်။

ဤမြင်ကွင်းက တပည့်များစွာကို ပို၍ပင် စကားမပြောနိုင် ဖြစ်သွားစေခဲ့လေ၏။

အတွင်းစည်းတပည့် တစ်ယောက်က သက်ပြင်းရှည်ကြီးချကာ ပြောလိုက်လေသည်။

"အဲဒီအသီးတွေ အရည်အသွေး မကောင်းဘူးဆိုတာ ငါတောင် သိတယ် ဒါပေမယ့် သူက ခူးနေတုန်းပဲ...။ ဆေးဖက်ဝင် အပင် အသိပညာတွေကို သုံးရက်ကြာအောင် လေ့လာပြီးတာတောင် သူ ဘာမှ မသင်ယူရ သေးဘူးလား...။ ဝိညာဉ်အပင်တွေ ရဲ့ သက်တမ်းကို ဘယ်လို အကဲဖြတ်ရမလဲဆိုတာကိုတောင် သူ နားမလည်ဘူးလား...။"

ဤသည်ကို ကြားသော အခြားသူများ၏ မျက်နှာများမှာလည်း ထူးဆန်းသော အမူအရာများ ဖြစ်ပေါ် နေခဲ့လေတော့၏။

ယခင်က နင်းဖန်၏ လေးနက်စွာ စာဖတ်နေသည့် ဟန်ပန်မှာ အတော်လေး ခြိမ်းခြောက်နိုင်စွမ်း ရှိခဲ့ သည်ပင်။

အထူးသဖြင့် စာကြောင်းဆယ်ကြောင်းကို တစ်ချက်ကြည့်ရုံဖြင့် ဖတ်နိုင်သော ထိုအမြန်နှုန်းက သူသည် အထူးစွမ်းရည် တစ်ခုခုကို အမှန်တကယ် ပိုင်ဆိုင်ထားသည်ဟု လူအများအပြားကို ခံစားရစေခဲ့၏။

အဆုံးတွင် သူ အသီးစတင် ခူးသည့် အခိုက်အတန့်တွင် အရာအားလုံး ဗူးပေါ်သလိုပေါ်လာခဲ့လေသည်။

ကောင်းကင်နဲ့မြေကြီး ရတနာ များ၏ သက်တမ်းကို ခွဲခြားသိမြင်ရန် အလွန် ခက်ခဲသော်လည်း ၎င်းမှာ အခြေအနေအပေါ် မူတည်ပေသည်။

လီဟွော့ ကြက်သွေးရောင် သစ်သီး ကဲ့သို့သော မီးဓာတ် ဝိညာဉ် ပစ္စည်းတစ်ခုအတွက် ၎င်း၏ အရည် အသွေးကို အပြင်ပန်း အသွင်အပြင်မှတစ်ဆင့် ရှင်းလင်းစွာ မြင်တွေ့နိုင်ပေ၏။

ဥပမာအားဖြင့် အသီး၏ အရွယ်အစား၊ အရောင် ရင့်မှည့်မှု နှင့် ၎င်းမှ ထုတ်လွှတ်သော မီးဓာတ် ဝိညာဉ်ချီ ၏ ပြင်းအားတို့ပင်...။ ဤအရာများသည် အသာမန်အနိမ့်ဆုံး တပည့်တစ်ယောက်ပင် နားလည်နိုင်သော အရာများ ဖြစ်လေသည်။

ဒါပေမယ့် ဘာဖြစ်သွားပါသနည်း။

နင်းဖန်သည် ကြီးမားပြီး ဖောင်းကားနေသော အသီးများကို တစ်ချက်မျှပင် မကြည့်ဘဲ မမှည့်သေးသော အရာများကို အထူးရွေးချယ် ခူးယူနေခဲ့ခြင်းဖြစ်၏။

ဤသည်ကိုုဆေးဖက်ဝင် အပင်များ တာအိုတွင် ကျွမ်းကျင်သည်ဟု ခေါ်ဆို၍ရပါသလော။

အတွင်းစည်းရော အပြင်စည်းကပါ တပည့်များသည် အလွန် မကျေမနပ် ဖြစ်နေကြတော့သည်။

"ဒါက ဆေးသန့်စင်သော ဆေးညွှန်းတစ်ခု ရေးဖို့ လုံလောက်တယ်ဆိုရင် ငါလည်း ရေးနိုင်တာပေါ့...။"

"ဟုတ်တယ်... တကယ်လို့ အစစ်အမှန်တပည့် တစ်ယောက်ဖြစ်တဲ့ ငါသာ လုပ်ရမယ်ဆိုရင် ငါရေးမယ့် ဆေးညွှန်းက နင်းဖန်ရဲ့ ဆေးညွှန်းထက် ဆယ်ဆ ပိုကောင်းလိမ့်မယ်...။"

"သူ ဒီလို ရူးကြောင်ကြောင် လုပ်နေမှတော့ သူ သေရတော့မှာက အံ့သြစရာ မဟုတ်တော့ပါဘူး...။"

"ဟင်း... ဒီလောက် အားကောင်းတဲ့ ကျင့်ကြံခြင်း ပါရမီ ရှိနေရက်နဲ့ ဒီလို ကိစ္စလေးတစ်ခုအတွက် ဘာလို့ ဒီလောက် ခေါင်းမာနေရတာလဲ...။"

"တကယ်လို့ သူသာ သူ့ကိုယ်သူ တကယ် ပြုတ်ပြီး သေသွားမယ်ဆိုရင် အဲဒါက ဒီနယ်မြေရဲ့ ပါရမီရှင် တွေကြားမှာ ဆေးသန့်စင်ခြင်း နဲ့ ရုပ်ခန္ဓာကိုယ် သန့်စင်ခြင်း အတွက် စံချိန်သစ်တစ်ခု ဖြစ်သွားလိမ့် မယ်...။"

"ဟုတ်တယ် မဟုတ်လား...။ အခြားသူတွေက သွေးကြောများ နွေးထွေးစေခြင်း ဆေးသန့်စင်တာကို သုံးပြီး သူတို့ရဲ့ ရုပ်ပိုင်းဆိုင်ရာ အင်အား ထိုးတက်သွားတာကို မြင်တွေ့ရချိန်မှာ နင်းဖန်ကတော့ သူ့ရဲ့ ကိုယ်ပိုင် ရုပ်ခန္ဓာကိုယ် ကို ဖျက်ဆီးဖို့ အဲဒါကို အသုံးပြုတယ်လေ...။ တစ်နည်းအားဖြင့် အဲဒါကလည်း စံချိန်သစ်တစ်ခု မဟုတ်ဘူးလား...။"

"အခု အကြီးအကဲတွေတောင် သူ့ကို မတားနိုင်တော့ဘူး...။ လူတစ်ယောက်က သေလမ်းကို မရှာဘူး ဆိုရင် သေမှာ မဟုတ်ဘူးလို့ပဲ ညည်းတွားနိုင်တော့တယ်...။ "

တပည့်များသည် အပြင်းအထန် ဆွေးနွေးနေကြ၏။

အချို့က စိုးရိမ်နေကြသည်၊ အချို့က လှောင်ပြောင်နေကြပြီး အချို့က အကူအညီမဲ့သလို ခံစားနေ ကြရလေသည်။

အမှန်တကယ်တော့ မူလ နင်းဖန်သည် သူ၏ အစွန်းရောက် သေမျိုးခန္ဓာကိုယ် ပါရမီနှင့် ကောင်းကင်ဘုံ အဆင့်မြင့် သိုင်းပညာတစ်ခုကို တစ်ရက်တည်းဖြင့် ကျွမ်းကျင်ခြင်းတို့မှတစ်ဆင့် တပည့်များကြားတွင် ကြီးမားသော ဂုဏ်သတင်းကို ရရှိထားပြီး ဖြစ်၏။

သို့သော် ပိုမြင့်မြင့် ရပ်တည်လေလေ ပိုနာနာ ကျလေလေပင်။

ကောင်းစွာ မကျင့်ကြံမည့်အစား နင်းဖန်သည် ရုပ်ခန္ဓာကိုယ် သန့်စင်ခြင်း ဆေးညွှန်းတစ်ခုကို ဖန်တီးရန် သူ၏ ကိုယ်ပိုင်လမ်းစဉ်အတိုင်း သွားရန် ဇွတ်လုပ်နေခဲ့သည်။ အားလုံး၏ အမြင်တွင် ဤအပြုအမူမှာ လုံးဝ မိုက်မဲပုံရနေခြင်းဖြစ်၏။

သူ မသိလိုက်မီမှာပင် ယခင်က သူ စုဆောင်းထားသော ဂုဏ်သတင်းမှာ သဘာဝကျစွာပင် သိသိသာသာ ကျဆင်းသွားခဲ့လေသည်။

တပည့်များစွာသည် နင်းဖန်အပေါ် ချက်ချင်းပင် စိတ်ပျက် သွားကြလေ၏။

ဂိုဏ်း တပည့်ခေါင်းဆောင် ဆိုသောအရာမှာ ဤမျှသာ ဖြစ်သည်ဟု သူတို့ ခံစားလိုက်ရသည်။

သူ မိုက်မဲစွာ ပြုမူသောအခါ လူများကို ရွံရှာသွားစေသည်အထိ ဖြစ်နေစေ၏။

ဤဆွေးနွေးမှုများ တဖြည်းဖြည်း ပြန့်နှံ့သွားသည်နှင့်အမျှ သတင်းသည် အပြင်စည်းတပည့် ဧရိယာသို့ ဖြည်းဖြည်းချင်း ရောက်ရှိသွားခဲ့လေ သည်။

ဤအထဲတွင် နင်းဖန် ရေးသားခဲ့သော ဆေးညွှန်းအပေါ် စွန်းချီယွမ် ၏ အကဲဖြတ်မှုလည်း ပါဝင်ပေသည်။

ဤသည်ကို ကြားသောအခါ ပွဲကြည့်နေရုံသာဖြစ်သော သိန်းနှင့်ချီသည့် အပြင်စည်းတပည့် များသည် လည်း ဘာတွေဖြစ်နေသလဲဆိုသည်ကို ချက်ချင်း နားလည်သွားကြ၏။

နင်းဖန် ဤမျှ လေးနက်စွာ ရေးသားခဲ့သော ဤဆေးညွှန်းမှာ အမှန်တကယ်တော့ လုံးဝ ဖြစ်နိုင်ခြေ မရှိသောအရာ ဖြစ်နေခဲ့သည်ပင်တကား။

၎င်းတွင် အင်အားကြီးမားသော ကောင်းကင်နှင့်မြေကြီး ရတနာ များနှင့် ဝိညာဉ်ဆေးဝါးများ အများ အပြား ပါဝင်ပုံရ၏။

သို့သော် အမှန်တကယ်တွင် ဤအရာများသည် ပဋိပက္ခဖြစ်နေသော သတ္တိများနှင့် သဟဇာတမဖြစ် သော ဂုဏ်သတ္တိများ ရှိကြသည်...။ ၎င်းတို့ကို ဆေးရည်တစ်ခွက်တည်းအဖြစ် လုံးဝ ပေါင်းစပ်၍ မရ နိုင်ချေ။

အကယ်၍ ရုပ်ခန္ဓာကိုယ် တစ်ခုသည် ရေချိုးကန်ထဲသို့ ဝင်သွားပါက အရိုးများ ပျော်ကျသွားမည် ဖြစ် ပေသည်။ သေချာပေါက် သေဆုံးရမည်ပင် ဖြစ်၏။

"ဘုရားရေ ဒါက သွေးကြောများ နွေးထွေးစေခြင်း ဆေးသန့်စင်တာ မဟုတ်ဘူး၊ အခြေခံအားဖြင့် ကိုယ့် ကိုယ်ကိုယ် သတ်သေဖို့အတွက် အဆိပ်ဆေးရည်ပဲ...။"

"ဒါဆို နင်းဖန်က အကြီးအကဲစွန်း ရေးထားတဲ့ ဆေးညွှန်းကို ဘာလို့ လုံးဝ အသုံးမပြုခဲ့တာလဲ...။ သူ အတိအကျ ဘာကို လိုချင်နေတာလဲ...။"

"ဟင်း... သူ့ရဲ့ ကျင့်ကြံခြင်း ပါရမီက အံ့သြစရာကောင်းတယ်လို့ ထင်ပြီး သူ မာနကြီးလာတာ ဖြစ် ရမယ်...။"

"အခြားသူတွေက အောင်မြင်မှု တစ်ခုခု ရဖို့ ဆေးဖက်ဝင် အပင်တွေရဲ့ တာအို မှာ နှစ်ထောင်ပေါင်း များစွာ အချိန်ကုန်ခံရတယ်။ ဒါပေမယ့် သူက သုံးရက်လောက် ကိုယ်တိုင် လေ့လာပြီး သူတို့နဲ့ ယှဉ်နိုင် ပြီလို့ ထင်နေတာ...။ သူ ဘာတွေ တွေးနေလဲဆိုတာ ငါ တကယ် မသိတော့ဘူး...။"

"ကြည့်စမ်း...။ နင်းဖန်က ဆေးညွှန်းထဲက ပစ္စည်းတွေ အကုန်နီးပါး စုဆောင်းပြီးသွားပြီ...။ သူ အဲဒီထဲမှာ တကယ် ရေစိမ်တော့မလို့လား...။"

"ဘုရားရေ ဂိုဏ်းထဲက ငါတို့ အကုန်လုံးက နှစ်တစ်သန်းမှာ တစ်ခါပေါ်မယ့် ပါရမီရှင် တစ်ယောက် ကိုယ့်ကိုယ်ကိုယ် သတ်သေတာကို ကြည့်နေရတော့မှာလား...။"

အပြင်စည်းတပည့်များသည် ကောလာဟလများ၏ လွှမ်းမိုးမှုကို အလွယ်ဆုံး ခံရသူများ ဖြစ်ကြလေ၏။

ယခုအချိန်တွင် လှောင်ပြောင်သူများ တဖြည်းဖြည်း များပြားလာပြီး အခြားသူများက သူ၏ ဉာဏ်ပညာ ကင်းမဲ့မှုကို မုန်းတီးကာ နင်းဖန်၏ မာနကြီးသော သေလမ်းရှာမှုအတွက် သူ့ကို ကျိန်ဆဲနေကြသည်ပင်။

တစ်ချိန်တည်းမှာပင် အဓိက စက်ဝိုင်း အတွင်း၌။

အကြီးအကဲများစွာမှာလည်း လုံးဝ တည်ငြိမ်မှု ကင်းမဲ့နေပြီး မျက်မှောင်ကြုတ်နေခဲ့ကြ၏။

နင်းဖန်သည် အောက်ဘက်တွင် အိုးကြီးတစ်လုံး ယူလာပြီး ဆေးညွှန်းထဲမှ ဝိညာဉ်ဆေးဝါးများ နှင့် ဝိညာဉ်အပင်များ ကို စတင် ထည့်သွင်းနေသည်ကို သူတို့ ကြည့်နေကြရသော သူတို့၏ နှလုံးသားများ သည် အလွန်အမင်း တုန်လှုပ်နေခဲ့သည်ပင် ။

ပြိုင်ဘက်ကင်း ပါရမီရှင်တစ်ဦး လမ်းလွဲသွားသည်ကို သူတို့ တကယ်ပဲ အကူအညီမဲ့စွာ ကြည့်နေရတော့ ပါမည်လော။

ချုံးချီလေး သည် သူ့နောက်သို့ လိုက်နေပြီး တစ်ချက်ကလေးပင် မရပ်နားဘဲ သတိပေးချက်များ ပြုလုပ် ရန် အမျိုးမျိုးသော နည်းလမ်းများကို အသုံးပြုနေခဲ့၏။

သို့သော် နင်းဖန်သည် ဘာကိုမျှ သတိမထားမိခဲ့ချေ။

သူသည် သူ၏ ကိုယ်ပိုင် ကမ္ဘာထဲတွင် လုံးဝ နစ်မြုပ်နေခဲ့သည်ပင်။

ဤသည်မှာ လူတစ်ယောက်ကို ဒေါသကြောင့် သေလုမတတ် ဖြစ်သွားစေရန် အမှန်တကယ် လုံလောက် ပေသည်။

"ကောင်းပြီ ကောင်းပြီ...။ အသက်ရှင်ခြင်းနဲ့ သေဆုံးခြင်းက ကံကြမ္မာအပေါ်မှာပဲ မူတည်တော့တယ်...။"

ဂိုဏ်းချုပ် ၏ ရင်ဘတ်မှာ နိမ့်ချည်မြင့်ချည် ဖြစ်နေပြီး သက်ပြင်းရှည်ကြီးတစ်ခု ချကာ မျက်လုံးများကို မှိတ်ထားလိုက်ပြီး အောက်ဘက်ရှိ အခြေအနေကို ဆက်လက် မကြည့်လိုတော့ချေ။

ယွီရူရွှမ်းသည်လည်း လက်သီးများကို တင်းတင်းဆုပ်ထားခဲ့၏။

အရင်က အလွန် ဉာဏ်ကောင်းကြောင်း ရှင်းလင်းစွာ ပြသခဲ့သော နင်းဖန်သည် ယခု ဤမျှ မိုက်မဲစွာ ပြုမူ လိမ့်မည်ကို သူမ မယုံကြည်နိုင်ခဲ့ချေ။

"သူ့မှာ နောက်ထပ် လျှို့ဝှက် ဖဲချပ်တစ်ခု ရှိနေတာများလား...။"

ယွီရူရွှမ်းသည် အတွင်းစိတ်တွင် တွေးတောနေခဲ့သော်လည်း ၎င်းမှာ ဖြစ်နိုင်ခြေေ နည်းပါး သည်ဟု သူမ ခံစားခဲ့ရ၏။

မည်သို့ပင်ဆိုစေ ထိုဆေးညွှန်းကို အဆိပ်ဆေးညွှန်းအဖြစ် စွန်းချီယွမ် က ကိုယ်တိုင် ခွဲခြားသတ်မှတ်ခဲ့ပြီး ဖြလေသည်။

ဂျူနီယာစွန်း ၏ ကျင့်ကြံမှုမှာ မမြင့်မားသော်လည်း သူ၏ အာရုံစိုက်မှုမှာ ဆေးဖက်ဝင် အပင် များ၏ တာအို တွင်ဖြစ်ပြီး သူ၏ အဆင့်မှာ ဤကမ္ဘာတွင်ပင် ထိပ်တန်းအဆင့် ဖြစ်၏။

ထို့အပြင် စွန်းချီယွမ် က မှားယွင်းစွာ အကဲဖြတ်ခဲ့လျှင်ပင် ရှောင်ချာ က ထိုနေရာတွင် ရှိနေသည်။

ရှောင်ချာ သည် ဆေးဖော်စပ်ခြင်း တာအို ၏ မဟာ ကျွမ်းကျင်သူ တစ်ဦးပင် ဖြစ်သည်။ ဆေးလုံးများ အတွက် နည်းဗျူဟာများ ကွဲပြားသော်လည်း အနှစ်သာရမှာ အတူတူပင် ဖြစ်၏။

ထို့ကြောင့် ဆေးသန့်စင်သော ဆေးညွှန်းများကို ခွဲခြားသတ်မှတ်ရာတွင် ရှောင်ချာ ၏ အဆင့်မှာလည်း အလွန် မြင့်မားပေသည်။

သူတို့ နှစ်ယောက်စလုံး မှားယွင်းစွာ အကဲဖြတ်ခဲ့ရန်ဆိုသည်မှာ မဖြစ်နိုင်သည် မဟုတ်ပါလား။

ယွီရူရွှမ်းသည် သူမ၏ ယုံကြည်မှု ပျောက်ဆုံးသွားပြီး တစ်ခဏတာတွင် နင်းဖန်ကို ယုံကြည်ရမည်လား မယုံကြည်ရမည်လား မသိဖြစ်နေခဲ့၏။

"နောက်တစ်ခါ လာပြန်ပြီ...။ ဖဲချပ်ကောင်းတစ်ခုကို အရမ်း ဆိုးဆိုးရွားရွား ကစားပစ်တာပဲ...။"

လူအုပ်ထဲတွင် သူတော်စင် ယွင်ကျယ် တစ်ယောက်တည်းသာ အလွန်အမင်း စိတ်လှုပ်ရှားနေခဲ့၏။

သူသည် အောက်ဘက်ရှိ အခြေအနေကို ကြည့်နေပြီး သူ၏ နှလုံးသားမှာ အရူးအမူး ခုန်ပေါက်နေ ခဲ့သည်။

ဤနင်းဖန် ပေါ်လာကတည်းက သူသည် အဆက်မပြတ် သေလမ်းရှာနေခဲ့သော်လည်း အဆုံးတွင် အမြဲ တမ်း အန္တရာယ်မှ ဘေးကင်းရာသို့ ပြောင်းလဲနိုင်ခဲ့ပြီး ထိုဖြစ်စဉ်တိုင်းတွင် ယွင်ကျယ်၏ တာအိုနှလုံး သားကို အကြိမ်ကြိမ် တုန်လှုပ်သွားစေခဲ့၏။

ယခု ထိုကောင်သည် သူ၏ လှည့်ကွက်များကို ထပ်မံ အသုံးပြုနေပြန်သည်။

သူသည် အဆိပ်ရေချိုးကန်ထဲတွင် သူ့ကိုယ်သူ စိမ်တော့မည် ဖြစ်၏။ ဤသည်မှာ အမှန်တကယ်ပင် သူ၏ ကိုယ်ပိုင် သေဆုံးမှုကို ရှာဖွေနေခြင်းပင်။

"ဒီတစ်ကြိမ်တော့ မင်း အခြေအနေတွေကို ပြောင်းလဲနိုင်လိမ့်မယ်လို့ ငါ မထင်ဘူး...။"

သူတော်စင်သည် ဂိုဏ်း၏ တပည့်များ၏ ခေါင်းဆောင်အဖြစ်သို့ ပြန်လည်ရောက်ရှိသွားသည့် အခိုက် အတန့်ကို မြင်တွေ့နေရသကဲ့သို့ သူ၏ နှလုံးသားထဲတွင် မြည်ဟီးနေခဲ့သည်...။

တစ်ချိန်တည်းမှာပင်။

အောက်ဘက်တွင်။

ဆေးဖက်ဝင်အပင်တစ်ရာတောင်ထိပ် ၏ ထိပ်ဆုံးရှိ အနက်ရောင်နှင့် ရွှေရောင် ရောစပ်ထားသော ဧရာမ အိုးကြီးတစ်ခု အတွင်း၌။

နင်းဖန်သည် အနှစ်တစ်ထောင် သက်တမ်းရှိ လီဟွော့ ကြက်သွေးရောင် သစ်သီး သုံးလုံး၊ အနှစ်တစ် သောင်း သက်တမ်းရှိ ရွှမ်မင် စစ်မှန်သော ရေ ကိုးစက်။

ယခုလေးတင် ကျွတ်ထားသော ရွှေရောင် အတောင်ပံများရှိသော ကောင်းကင် ပိုးကောင် အရေခွံ တစ်စုံ။ အနှစ်ငါးသိန်း သက်တမ်းရှိ မြေကြီး သွေးကြော ခရမ်းရောင် လင်းကျီးမှို တစ်ပွင့်။

အနှစ်တစ်သိန်း သက်တမ်းရှိ မိုးပြာရောင် နဂါး သစ်သား အူတိုင် အစအန နှစ်ကျပ်သား နှင့် ကျားဖြူ ထက်မြက်သော ရွှေရောင် သဲ ငါးမူး တို့ကို ယူကာ နောက်ဆုံးတွင် အနက်ရောင် အခိုးအငွေ့များ ထွက် ပေါ်နေသော ဆေးဟင်းချို အိုးတစ်အိုးကို ဖျော်စပ်လိုက်၏။

ပထမအချက်ကြည့်လိုက်လျှင် ၎င်းမှာ အဆိပ်နှင့် တူလှပေသည်။

အထူးသဖြင့် အိုးကြီးအောက်ရှိ မီးကြီးဖြင့် အပူပေးပြီးနောက် အနက်ရောင် ပူဖောင်းများ ဆက်တိုက် ထွက်ပေါ်လာခဲ့လေ၏။

မည်သို့ပင် ကြည့်စေကာမူ ၎င်းမှာ ကောင်းသောအရာနှင့် မတူချေ။

ရေမျက်နှာပြင်ပေါ်တွင် ဝိညာဉ်ချီများ လျှံကျနေခြင်းသာ မရှိပါက ဤသည်မှာ ရုပ်ခန္ဓာကိုယ်သန့်စင်ခြင်း အတွက် အသုံးပြုသည့် ဆေးသန့်စင်သော ဟင်းချိုဖြစ်ကြောင်း ယုံကြည်ရန် ခက်ခဲပေလိမ့်မည်။

ဤ ဆေးသန့်စင်ခြင်း ကို ဖျော်စပ်ခြင်းနေမှာ နေ့တစ်နေ့နှင့် ညတစ်ည ကြာမြင့်ခဲ့၏။

နောက်နေ့ အရုဏ်တက်ချိန်အထိပင်။

နံနက်ခင်း နေရောင်ခြည်၏ ပထမဆုံး အလင်းတန်း ထွက်ပေါ်လာပြီး နေရောင်ခြည်သည် ဆေးဖက်ဝင် အပင်တစ်ရာတောင်ထိပ် ပေါ်သို့ ကျရောက်လာသောအခါ။

အိုးကြီးဘေးတွင် တရားထိုင်နေသော နင်းဖန်သည် ရုတ်တရက် မျက်လုံးများကို ဖွင့်လိုက်လေသည်။ လက်လှမ်းကာ ထူးဆန်းသော ပုံသဏ္ဌာန်ရှိသည့် သစ်ခြောက် တစ်ပိုင်းကို အိုးကြီးထဲသို့ ပစ်ထည့်လိုက် လေ၏။

ဤသည်မှာ ဆေးဓာတ်ကူပစ္စည်း ဖြစ်ပြီး အနှစ်နှစ်သန်း သက်တမ်းရှိ ပုံသဏ္ဌာန်မဲ့ အမြစ် ပင် ဖြစ်လေ သည်။ ၎င်းတွင် ပဋိပက္ခဖြစ်နေသော ဆေးဖက်ဝင် ဂုဏ်သတ္တိများကို ဖြေရှင်းနိုင်သည့် အကျိုးသက် ရောက်မှု ရှိပြီး ပါဝင်ပစ္စည်းများ အားလုံးကို ပြီးပြည့်စုံစွာ ဟန်ချက်ညီစေနိုင်သည်ပင်။

ထို့အပြင် ၎င်းတွင် အားအကောင်းဆုံး စွမ်းရည်တစ်ခု ရှိနေသေး၏။

၎င်းမှာ လီဟွော့ ကြက်သွေးရောင် သစ်သီး၊ ရွှမ်မင် စစ်မှန်သော ရေ နှင့် မြေကြီး သွေးကြော ခရမ်းရောင် လင်းကျီးမှို တို့နှင့် ပေါင်းစပ်ပြီးနောက် လျှို့ဝှက်ဆန်းကြယ်သော စွမ်းအားတစ်ရပ်ကို မွေးဖွားပေးနိုင်ပြီး ထိုမှတစ်ဆင့် မူလ ခရမ်းရောင် ချီ တစ်မျှင်ကို ဆွဲငင်နိုင်ခြင်းပင်။

ဤစွမ်းရည်မှာ နင်းဖန်က သူ၏ တောက်ပသော ဆေး နှလုံးသား မှတစ်ဆင့် မြင်တွေ့ခဲ့ရသောအရာ ဖြစ် ၏။

ဤကမ္ဘာရှိ မည်သူမဆို ဤလျှို့ဝှက်ချက်ကို သိမသိ သူ မသိချေ။

မည်သို့ပင်ဆိုစေ ဆေးဥယျာဉ် ခန်းမ အတွင်းရှိ စာအုပ်များစွာတွင် ၎င်းကို မှတ်တမ်းတင်ထားခြင်း မရှိ ချေ။

"မူလ ခရမ်းရောင် ချီ က ကမ္ဘာကြီးရဲ့ အရင်းအမြစ် စွမ်းအင်ပဲ... ။ အဲဒါက လေဟာနယ်ထဲမှာ ပုန်းကွယ် နေပြီး မနက်စောစော နေထွက်လာတဲ့ အချိန်မှာမှ အပြောင်းလဲအလွယ်ဆုံး ဖြစ်တာ...။ အဲဒါကို ဒီအထူး နည်းလမ်းကတစ်ဆင့် ဆွဲငင်လို့ ရတယ်...။"

"ပြီးတော့ ဒီ မူလ ခရမ်းရောင် ချီ တစ်မျှင်က ငါ့ရဲ့ ဆေးသန့်စင်သော ဆေးညွှန်းထဲက နောက်ဆုံး အဓိက ပါဝင်ပစ္စည်းပဲ...။"

ဤအချိန်တွင် မိုင်သန်းပေါင်းများစွာ ကျယ်ဝန်းသော နယ်မြေကို ဖြတ်သန်းကာ ဆေးဟင်းချိုထဲသို့ ပေါင်းစပ်ဝင်ရောက်လာသည့် အင်အားကြီးမားပြီး နက်နဲသော အရှိန်အဝါတစ်ခုကို နင်းဖန် ခံစား လိုက်ရလေ၏။

သူ၏ မျက်လုံးများတွင် ထက်မြက်သော အလင်းရောင်တစ်ခု တောက်ပသွားပြီး သူသည် အဝတ်အစား များကို ချွတ်ကာ အိုးကြီးထဲသို့ ခုန်ဆင်းသွားလေတော့သည်။

အခန်း (၅၂) ဂိုဏ်းတစ်ခုလုံး တုန်လှုပ်သွားသည်၊ သူက ကောင်းကင်နဲ့မြေကြီးရဲ့ အရင်းအမြစ်ကို ဆေးအဖြစ် အသုံးပြုခဲ့တယ်

"ဗွမ်း..."

နင်းဖန် အိုးကြီးထဲသို့ ခုန်ဆင်းသွားသည်နှင့်အမျှ ဤဆေးသန့်စင်ခြင်းသည်သည် အံ့မခန်း ဖြစ်လာခဲ့၏။

အနက်ရောင်ဟု ထင်ရသော အရည်ထဲတွင် နင်းဖန်၏ တစ်ကိုယ်လုံးကို စိမ်ထားပြီး သူ၏ ခေါင်းကိုသာ အပြင်သို့ ထုတ်ထားလေသည်။

များပြားလှသော သန့်စင်သည့် ဆေးစွမ်းအင်များသည် သူ၏ သေးငယ်သော ချွေးပေါက်များထဲသို့ စိမ့်ဝင်သွားပြီး သူ၏ ခြေလက်များနှင့် အရိုးများအတွင်းသို့ စီးဝင်ကာ သူ၏ သွေးကြောများကို နွေးထွေး စေပြီး အာဟာရဖြစ်စေ၏။

"ပူလိုက်တာ...။"

"အရမ်း ယားတာပဲ...။"

"ဒီ သွေးကြောများ နွေးထွေးစေခြင်း ဆေးသန့်စင်တာ က တကယ်ပဲ ဒီလောက် နေရထိုင်ရ ခက်တာ လား...။"

နင်းဖန်သည် အသက်ကို အကြိမ်ကြိမ် ခက်ခဲစွာ ရှူသွင်းရင်း မျက်မှောင်ကြုတ်သွားခဲ့မိလေ၏။

ဆေးရေချိုးကန်ထဲသို့ ဝင်သွားသည့် အခိုက်အတန့်တွင် သူ၏ ခန္ဓာကိုယ် စတင် ပြောင်းလဲလာကြောင်း သူ ခံစားလိုက်ရသည်။ ကြီးမားလှသော ဆေးစွမ်းအင်များက သူ၏ သွေးကြောများထဲသို့ လျှံကျလာပြီး သူ့ကို အတော်လေး နေရထိုင်ရ ခက်စေခဲ့၏။

ဤနေမထိထိုင်မသာဖြစ်မှုမှာ နာကျင်မှုတော့ မဟုတ်ချေ...။ ၎င်းမှာ ပူလောင်မှုနှင့် ယားယံမှုတို့ ပေါင်းစပ်ထားခြင်းသာဖြစ်ပြီး သူ၏ ခန္ဓာကိုယ်အတွင်း ပုရွက်ဆိတ်များ တွားသွားနေသကဲ့သို့ ဖြစ်၏။

သူ၏ တစ်ကိုယ်လုံးမှာ မခံမရပ်နိုင်အောင် ဂနာမငြိမ် ဖြစ်နေခဲ့သည်ပင်။

နင်းဖန်သည် ကုတ်ချင်စိတ်ကို ဖိနှိပ်ထားကာ သူ၏ စိတ်ကို တည်ငြိမ်အောင် လုပ်ပြီး စိတ်ေဝိညာဉ်ကို စုစည်းထားလိုလေ၏။

ဆေးသန့်စင်တာ အကျိုးသက်ရောက်မှုရှိနေပြီဖြစ်ကြောင်း သူ သိသည်။

နေမထိထိုင်မသာ ဖြစ်ခြင်းမှာ ကောင်းသောအရာပင်ဖြစ်သည်၊ အဘယ်ကြောင့်ဆိုသော် ၎င်းမှာ သူ၏ ခန္ဓာကိုယ် အသွင်ပြောင်းခြင်း၏ တုံ့ပြန်မှု အချက်ပြချက် ဖြစ်သောကြောင့်ပင်။

အကယ်၍ သူ၏ စိတ် လှုပ်ရှားသွားပြီး ယခု အိုးကြီးထဲမှ ခုန်ထွက်သွားပါက သူ၏ ယခင် ကြိုးပမ်းမှုများ အားလုံး အချည်းနှီး ဖြစ်သွားပေလိမ့်မည်သာ။

အနှစ်နှစ်သန်း သက်တမ်းရှိ ပုံသဏ္ဌာန်မဲ့ အမြစ်၊ ဆေးဥယျာဉ် တစ်ခုလုံးတွင် ထိုကဲ့သို့သော အရာ တစ်ခုတည်းသာ ရှိ၏။

တစ်နည်းအားဖြင့် ဤဆေးသန့်စင်ခြင်းကို ဒုတိယအကြိမ် သူ ပြုလုပ်နိုင်တော့မည် မဟုတ်ချေ။

"ဆေးဖက်ဝင် ပါဝင်ပစ္စည်းတွေ နည်းပါးတာက ဒုတိယ အချက်ပဲ... ။ အဓိကက အဲဒီ မူလ ခရမ်းရောင် ချီ တစ်မျှင်ပဲ...။ ဆေးရေချိုးထဲကို ပေါင်းစပ်သွားတာနဲ့ အဲဒါကို ငါ စိမ်ပြီး စုပ်ယူလိုက်တဲ့အခါ ဖြည်း ဖြည်းချင်း ပြောင်းလဲသွားလိမ့်မယ်...။"

"တကယ်လို့ ငါသာ အိုးကြီးထဲက ထွက်သွားရင် ဒီခရမ်းရောင် ချီ တစ်မျှင်က ဆေးရည်ရဲ့ အကာအကွယ် ကို ဆုံးရှုံးသွားပြီး ချက်ချင်း ပျောက်ကွယ်သွားလိမ့်မယ်...။"

"ဒါကြောင့် ဘာပဲဖြစ်ဖြစ် ငါ အားတင်းထားရမယ်...။"

နင်းဖန်သည် အံကို တင်းတင်း ကြိတ်ထားလိုက်၏။ ဤဆေးညွှန်းကို သူကိုယ်တိုင် ရေးသားခဲ့ခြင်းဖြစ်ရာ အဓိက အချက်များကို သူ အလွန် ရှင်းလင်းစွာ သိရှိထားလေသည်။

ယခုအချိန်တွင် ပုရွက်ဆိတ် တစ်သောင်းက သူ၏ အသားများကို ကိုက်စားနေသကဲ့သို့ ခံစားရလျှင်ပင် သူ တစ်လက်မမျှ မလှုပ်ရှားနိုင်ချေ။

"တာအိုက တစ်ခုကို ဖန်တီးတယ်...။ တစ်ခုက နှစ်ခုကို ဖန်တီးတယ်... ။ နှစ်ခုက သုံးခုကို ဖန်တီးတယ်..။ သုံးခုက အရာအားလုံးကို ဖန်တီးတယ်...။ အရာအားလုံးက ယင် ကို သယ်ဆောင်ပြီး ယန် ကို ပွေ့ဖက် ထားတယ်၊ သူတို့ရဲ့ ချီ ကို ရောစပ်ပြီး ဟန်ချက်ညီမှုကို ရရှိစေတယ်...။"

နင်းဖန်သည် စိတ်ထဲ ပေါ်လာသမျှကို ရွတ်ဆိုနေပြီး သူ့ကိုယ်သူ အာရုံလွှဲရန်နှင့် သူ၏ နှလုံးသားကို တည်ငြိမ်မှုရှိစေရန် မည်သည့်အရာကိုမဆို လုပ်ဆောင်နေခဲ့၏။

တဖြည်းဖြည်းနှင့် နေမထိထိုင်မသာဖြစ်မှု ခံစားချက်မှာ ဖြည်းညင်းစွာ ပျောက်ကွယ်သွားပုံရလေသည်။

သူ၏ ရုပ်ခန္ဓာကိုယ်၊ သူ၏ သွေးကြောများနှင့် သူ၏ အရိုးဖွဲ့စည်းပုံတို့သည် အသွင်ပြောင်းလဲမှု တစ်ခုကို ဖြတ်သန်းနေခဲ့သည်...။

"နင်းဖန် မသေသေးဘူး...။"

တစ်ချိန်တည်းမှာပင် အဆုံးမရှိသော ဆူညံသံတစ်ခု ပေါက်ကွဲထွက်လာပြီး ထိုက်ရီအကြွင်းအကျန် နယ်မြေ တစ်ခုလုံးတွင် ပဲ့တင်ထပ်သွားခဲ့လေ၏။

အတွင်းစည်းနှင့် အပြင်စည်း နှစ်ခုလုံးမှ တပည့်တစ်သိန်းကျော် အားလုံး တညီတညွတ်တည်း တုန်လှုပ် သွားကြလေသည်။

မူလက ထိုအဆိပ်ဆေးရည်အောက်တွင် နင်းဖန်၏ ခန္ဓာကိုယ် ပျော်ကျသွားပြီး သူ သေဆုံးသွားမည့် မြင်ကွင်းကို ကြည့်ရန် သူတို့အားလုံး ပြင်ဆင်ထားခဲ့ကြ၏။

ထိုကဲ့သို့သော ရက်စက်သည့် မြင်ကွင်းကို မကြည့်ရက်သော အချို့သော အမျိုးသမီး တပည့်များသည် ကြိုတင်၍ မျက်လုံးများကိုပင် မှိတ်ထားခဲ့ကြလေသည်။

အဆုံးတွင် သူတို့ စိတ်ကူးထားခဲ့သော သွေးထွက်သံယို မြင်ကွင်းမှာ ဖြစ်ပေါ်မလာခဲ့ချေ။

နင်းဖန်သည် ထိုအမည်းရောင် ဆေးသန့်စင်ခြင်းထဲတွင် ဘေးကင်းစွာ စိမ်နေရုံသာမက သူ၏ ခန္ဓာကိုယ် သည်လည်း အသွင်ပြောင်းလဲမှု တစ်ခုကို ဖြတ်သန်းနေပုံရလေ၏။

"ကမ္ဘာပေါ်မှာ ဘာတွေများ ဖြစ်နေတာလဲ….။"

"ဒီဆေးညွှန်းက ယှဉ်ပြိုင်လို့မရအောင် အဆိပ်ပြင်းတယ်လို့ အကြီးအကဲစွန်း က အခိုင်အမာ ပြောခဲ့ပြီးပြီ မဟုတ်ဘူးလား…။"

တပည့်များ အားလုံး မှင်တက်သွားကြပြီး ဇဝေဇဝါဖြစ်ကာ အံ့အားသင့်နေကြစဉ် သူတို့၏ ဆူညံသံများ က လျှို့ဝှက်နယ်မြေ အတွင်း ပြည့်နှက်သွားခဲ့၏။

အခြားတစ်ဖက်တွင် ဂိုဏ်း၏ အဆင့်မြင့် အရာရှိများ၏ စက်ဝိုင်း အတွင်း၌။

တောင်ထိပ်အရှင်သခင်အဆင့် အကြီးအကဲများစွာလည်း မှင်တက်သွားကြသည်။

"နင်းဖန် မသေသေးဘူး...။"

"အဘိုးကြီးစွန်း... ဘာတွေဖြစ်ကုန်တာလဲ...။"

"ဆေးသန့်စင်တာက တကယ်ပဲ သွေးကြောတွေကို နွေးထွေးစေနိုင်တာများလား...။"

"ဂျူနီယာညီလေးစွန်း...။ မင်း ငါတို့ကို မှားယွင်းတဲ့ သတင်းအချက်အလက်တွေ ပေးခဲ့တယ်...။ မင်း ငါတို့ကို လုံးဝ လမ်းလွဲသွားစေတာပဲ...။"

အသံများ တစ်ခုပြီးတစ်ခု ထွက်ပေါ်လာပြီး ဖိအားအားလုံးက စွန်းချီယွမ် အပေါ်သို့ စုစည်းသွားခဲ့၏။

နောက်ဆုံးလူမှာလည်း အခြေအနေ မကောင်းလှချေ။ ဤအချိန်တွင် သူသည် ချွေးများ ရွှဲနစ်နေပြီး သူ၏ မျက်လုံးသူငယ်အိမ်များ ကျုံ့သွားကာ လုံးဝ မယုံကြည်နိုင်သည့် အမူအရာတစ်ခု သူ၏ မျက်နှာပေါ်တွင် ရှင်းလင်းစွာ ပေါ်နေခဲ့သည်။

"ဒါ မဖြစ်နိုင်ဘူး... အဲဒီ ဆေးညွှန်းအတိုင်း ဆေးဖျော်စပ်ပြီးနောက် သူ ဘယ်လိုလုပ် ဘေးကင်းပြီး အထိ အခိုက်မရှိ ဖြစ်နေနိုင်မှာလဲ...။"

"လီဟွော့ ကြက်သွေးရောင် သစ်သီး၊ ရွှမ်မင် စစ်မှန်သော ရေ၊ မြေကြီး သွေးကြော ခရမ်းရောင် လင်းကျီး မှို၊ မိုးပြာရောင် နဂါး သစ်သား အူတိုင် အစအန၊ ပုံသဏ္ဌာန်မဲ့ အမြစ်...။ ဟုတ်တယ်...၊ ပုံသဏ္ဌာန်မဲ့ အမြစ် ကြောင့်ပဲ...။"

စွန်းချီယွမ် သည် သူ၏ အတွေးများဖြင့် အလုပ်များနေစဉ် သူ့ဘာသာသူ ရေရွတ်နေခဲ့ပြီး ရုတ်တရက် သဘောပေါက်မှု တစ်ခုက ဉာဏ်အလင်းတစ်ခုကဲ့သို့ သူ့ကို ရိုက်ခတ်သွားခဲ့၏။ သူက အလျင်စလို အော်ဟစ်လိုက်သည်။

"ငါ သိပြီ... အဲဒါ ပုံသဏ္ဌာန်မဲ့ အမြစ်ကြောင့် ပဲ...။"

ဤစကားကို သူ ပြောလိုက်သည်နှင့် အားလုံး သူ့ကို လှည့်ကြည့်လိုက်ကြလေသည်။

စွန်းချီယွမ် က အလွန် စိတ်လှုပ်ရှားစွာဖြင့် ရှင်းပြလိုက်လေသည်။

"အဲဒါက ဂိုဏ်းထဲမှာ ကျန်ရှိနေတဲ့ တစ်ခုတည်းသော ပုံသဏ္ဌာန်မဲ့ အမြစ် ပဲ...။ အဲဒါကို (၁၀၅) ဆက် မြောက် ဆေးဥယျာဉ် သခင်က စိုက်ပျိုးခဲ့တာဖြစ်ပြီး အနှစ်နှစ်သန်း ကြာအောင် ကြီးထွားနေခဲ့တာ...။"

"နင်းဖန်က ဒီရှေးဟောင်း ပုံသဏ္ဌာန်မဲ့ အမြစ် ကို ဆေးဓာတ်ကူပစ္စည်းအဖြစ် အသုံးပြုခဲ့တယ်။ ပြီးတော့ တခြား ဆေးဖက်ဝင် ပစ္စည်းတွေနဲ့ ဝိညာဉ်အပင်တွေ ရဲ့ သက်တမ်းနဲ့ ပမာဏကို တင်းတင်းကျပ်ကျပ် ထိန်းချုပ်ထားခဲ့တယ်...။"

"အဆုံးမှာတော့ သူက သိမ်မွေ့တဲ့ ဟန်ချက်ညီမှု တစ်ခုကို ဖန်တီးလိုက်ပြီး ဆေးညွှန်းထဲက မတူညီတဲ့ စွမ်းအင်တွေကို အချင်းချင်း မတိုက်ခိုက်စေတော့ဘဲ သဟဇာတဖြစ်စွာ ဖြည့်ဆည်းပေးလိုက်တယ်..."

"ထက်မြက်တယ်...။ ရိုးရှင်းစွာပဲ ထက်မြက်တယ်...။"

သူ စကားပြောလေလေ ပို၍ စိတ်လှုပ်ရှားလာလေလေဖြစ်ပြီး နောက်ဆုံးတွင် ဝမ်းသာအားရဖြင့် အရမ်း ကာရော လှုပ်ရှားပြနေတော့၏။

အခြားအကြီးအကဲများက တစ်ယောက်ကိုတစ်ယောက် ဇဝေဇဝါဖြစ်စွာ ကြည့်လိုက်ကြလေသည်။

သူတို့ ကြားလိုက်ရသောအရာကို တစ်ဝက်တစ်ပျက်သာ နားလည်သော်လည်း အဓိက အဓိပ္ပာယ် ကိုတော့ သူတို့ သဘောပေါက်ကြလေ၏။

"သေချာပေါက် သေဆုံးရမဲ့ အချင်းချင်း တွန်းကန်နေသော ဆေးဖက်ဝင် ဂုဏ်သတ္တိများဖြင့် ပြည့်နှက် နေတဲ့ ဆေးညွှန်းတစ်ခုကို ဟန်ချက်ညီစေဖို့ တစ်ခုတည်းသော နည်းလမ်းကို နင်းဖန် ရှာတွေ့ခဲ့တာများ လား…။"

"ဒါပေမယ့် သူ အဲဒါကို ဘယ်လို လုပ်ခဲ့တာလဲ…။"

"ဒါက သာမန် အသိတရားကို လုံးဝ ဆန့်ကျင်နေတာပဲ...။"

နင်းဖန်သည် ဝိညာဉ်အပင်များနှင့် ဆေးဖက်ဝင် အပင်များ အကြောင်း လုံးဝ ဘာမှမသိသော အပြင်စည်း အစမ်းခန့်တပည့် တစ်ယောက်သာ ဖြစ်ကြောင်း အားလုံး သိကြပေ၏။

ဆေးဖက်ဝင် အပင်များအကြောင်း သူ၏ ဗဟုသုတ အားလုံးမှာ လွန်ခဲ့သော သုံးရက်တာ ကိုယ်တိုင် လေ့လာမှုမှသာ လာခြင်းသာ ဖြစ်လေသည်။

ဤမျှ တိုတောင်းသော အချိန်အတွင်း စွန်းချီယွမ် နှင့် ယှဉ်နိုင်သော ဆေးဖက်ဝင် အပင်များ တာအို တွင် သာလွန်သော အဆင့်သို့ သူ မရောက်ရှိနိုင်သေးသည်ပင် မဟုတ်ပါလား။

အကယ်၍ ၎င်းသာ မှန်ကန်ပါက ၎င်းသည် ကောင်းကင်ဘုံကို အံတုလွန်းနေပေလိမ့်မည်။

"သုံးရက်တာ ကိုယ်တိုင် လေ့လာမှုက အခြားသူတွေရဲ့ အနှစ်တစ်ထောင် ကြိုးပမ်းအားထုတ်မှုနဲ့ ညီမျှ နေတာလား...။"

"အဲဒါတောင် မှန်ရဲ့လား...။"

တောင်ထိပ်အရှင်သခင်အဆင့် အကြီးအကဲများစွာသည် ဤအချက်ကို မယုံကြည်နိုင်ကြဘဲ သူတို့၏ စိတ်များ ပွက်လောရိုက်နေခဲ့လေ၏။

ဂိုဏ်းချုပ် ဖေ့ချင်းယွီပင်လျှင် သူ၏ အာခေါင်ခြောက်သွေ့သွားသည်ကို ခံစားလိုက်ရသည်။

"နင်းဖန်... ဒီကောင်က ဘယ်လို အရှင်သခင်မျိုးလဲ..."

ပထမဦးစွာ သူသည် ကောင်းကင်ဘုံ အဆင့်မြင့် သိုင်းပညာတစ်ခုတွင် အောင်မြင်မှုအသေးစား ရရှိရန် တစ်ရက်သာ အချိန်ယူခဲ့၏။

ထို့နောက် ယခု သုံးရက်အတွင်းမှာပင် သူသည် ထိပ်တန်းအဆင့် ရုပ်ခန္ဓာကိုယ် သန့်စင်ခြင်း ဆေးညွှန်း တစ်ခုကို သီးခြားလွတ်လပ်စွာ ဖန်တီးခဲ့လေသည်။

အကယ်၍ ဤမြင်ကွင်းများကို သူတို့ ကိုယ်တိုင် မမြင်တွေ့ခဲ့ရပါက မည်သူက ယုံကြည်ရဲပါမည်နည်း။

ဒဏ္ဍာရီတစ်ခုကို နားထောင်နေရသကဲ့သို့ပင်...။

"နေပါဦး... သူ့ခေါင်းပေါ်မှာ ဝိညာဉ်ချီတွေ မြူခိုးတွေလို စုစည်းနေတာ၊ သူ့ပတ်လည်မှာ အပူရှိန်တွေ ပျံ့နှံ့ နေတာ၊ ပြီးတော့ ဒီဆေးညွှန်းထဲက ဘယ်ဝိညာဉ် ပစ္စည်းနဲ့မှ မသက်ဆိုင်တဲ့ စွမ်းအင်တစ်ခု ရှိနေတာကို ငါ မြင်နေရတယ်...။ အခု ဘာတွေဖြစ်နေတာလဲ...။"

ရုတ်တရက် စွန်းချီယွမ် သည် ဇဝေဇဝါဖြစ်စရာ အခြားတစ်ခုကို ရှာတွေ့သွားပုံရလေ၏။

သူသည် မျက်လုံးပြူးကာ နင်းဖန်ကို မစိုက်ကြည့်ဘဲ မနေနိုင်တော့ဘဲ သူ၏ နှလုံးသားထဲတွင် သံသယ များနှင့် အံ့သြမှုများ ပြည့်နှက်နေခဲ့သည်။

ဤသည်ကို ကြားသောအခါ အခြားသူများက သဘာဝကျစွာပင် သူ့ကို အဖြေမပေးနိုင်ဘဲ သူနှင့်အတူ အောက်သို့ ငုံ့ကြည့်ရုံသာ တတ်နိုင်တော့၏။

"အဲဒါ မူလ ခရမ်းရောင် ချီ ပဲ...။"

လေထု တိတ်ဆိတ်သွားစဉ်မှာပင် အားလုံး၏ နားထဲတွင် အသံတစ်ခု ရုတ်တရက် ထွက်ပေါ်လာခဲ့သည်။

"ဘာ..."

စွန်းချီယွမ် လန့်သွားပြီး အလိုအလျောက် မော့ကြည့်လိုက်သော်လည်း ရောက်လာသူကို မြင်သောအခါ သူသည် အလျင်အမြန် ဦးညွှတ် နှုတ်ဆက်လိုက်၏။

သူတို့ရှေ့ရှိ ပုံရိပ်မှာ အခြားသူ မဟုတ်ဘဲ မဟာအကြီးအကဲ ကျီးယန် ပင် ဖြစ်လေသည်။

သူသည် နောက်တစ်ကြိမ် ပေါ်လာခဲ့ပြီး သူ့ထံမှ မည်သည့် ဖိအားမျှ ယိုစိမ့်ထွက်လာခြင်း မရှိဘဲ သူတို့ ကြားတွင် သေမျိုးတစ်ဦးကဲ့သို့ ရပ်နေခဲ့၏။

သူက ချက်ချင်း စကားပြောလိုက်သည်။

"နင်းဖန်က ဒီဆေးသန့်စင်တာထဲကို မင်းတို့ အားလုံး မမြင်လိုက်တဲ့ အဓိက ပါဝင်ပစ္စည်း တစ်ခုကိုလည်း ထည့်ထားတယ်။ နေထွက်လာချိန်က ဆွဲငင်လိုက်တဲ့ မူလ ခရမ်းရောင် ချီ တစ်မျှင်ပဲ...။"

ဤစကားများကြောင့် အားလုံး တုန်လှုပ်သွားခဲ့ကြ၏။

ဖေ့ချင်းယွီက အံ့အားသင့်စွာ မေးလိုက်လေသည်။

"မူလ ခရမ်းရောင် ချီ ကို တကယ်ပဲ လူကိုယ်တိုင် ထုတ်ယူလို့ ရတာလား...။"

"ရတယ်...။"

ကျီးယန် က အတည်ပြု ပြန်ဖြေလိုက်ပြီးနောက် အထက်သို့ တစ်ချက်ကြည့်ရန် ခေါင်းကို အနည်းငယ် စောင်းလိုက်လေ၏။

ဤအကြည့်သည် လျှို့ဝှက်နယ်မြေ၏ အမြင့်ဆုံး အမှတ်ဆီသို့ ဦးတည်နေခြင်း မဟုတ်ချေ။

ယင်းအစား ၎င်းသည် လျှို့ဝှက်နယ်မြေကို ဖောက်ထွင်းကာ ထိုက်ရီအကြွင်းအကျန်နယ်မြေ ၏ အပြင် ဘက်ရှိ ပိုမို မြင့်မားသော ကောင်းကင်ယံဆီသို့ ကြည့်နေခြင်း ဖြစ်လေသည်။

"သူတော်စင်ဘုရင် အင်အားကြီးသူ တစ်ယောက်က ကောင်းကင်နဲ့မြေကြီးရဲ့ အရင်းအမြစ်ကို သူ့ရဲ့ ကိုယ် ပိုင် အသုံးပြုဖို့အတွက် စုပ်ယူနိုင်တယ်...။ လက်တစ်ချက် ဝှေ့ယမ်းရုံနဲ့ အဲဒါကို ခေါ်ယူနိုင်တယ်...။"

ဤသို့ပြောပြီးနောက် ကျီးယန် သည် အတွေးနက်နေသကဲ့သို့ ခဏတာ ရပ်တန့်သွားလေ၏။

"ဒါပေမယ့် နင်းဖန်က အဲဒါကို ဘယ်လို ပြီးမြောက်အောင် လုပ်ခဲ့လဲဆိုတာကိုတော့ ငါလည်း မသိဘူး...။"

"အဖြေက အဲဒီ ပုံသဏ္ဌာန်မဲ့ အမြစ် မှာ ရှိနေလောက်တယ်...။"