အခန်း (၆၅-၆၆)

အခန်း (၆၅) အကြီးအကဲရှောင်၊ ခင်ဗျားက လုံးဝကို အမိုက်စားပဲ

နင်းဖန်သည် ရွှေရောင် ကျောက်စိမ်းပြား ကို ဆုပ်ကိုင်ထားပြီး သူ၏ မျက်လုံးများ တောက်ပနေခဲ့သည်။

အရမ်း ချောမွေ့တာပဲ။

ဤ ဒသမအဆင့် ဆေးညွှန်း များထဲတွင် ရုပ်ခန္ဓာကိုယ်သန့်စင်ခြင်း အဆင့်အတွက် သင့်တော်သော ကျင့်ကြံခြင်း ဆေးလုံးများ အမှန်တကယ် ရှိနေခဲ့သည်။

ထို့အပြင် ဖော်ပြချက်များအရ ၎င်းတို့သည် အလွန် အားကောင်းကြသည်။

ဤဆေးလုံးသည် နတ်ဘုရား ပစ္စည်း ခြောက်မျိုး လိုအပ်သည်။ ကမ္ဘာဦး မူလ အပျက်အစီးချီ ကင်းမဲ့ သော ခန္ဓာကိုယ် မူလအစ ဆေးလုံး၊ မူလအစ သူတော်စင် စမ်းရေ၊ ဖျက်ဆီး၍မရသော ရွှေရောင် အရိုး၊ အဆင့်ကိုးဆင့် နီဗားနား မြက်၊ မူလအစ အဝါရောင် မိခင် ချီ နှင့် စစ်မှန်သော နဂါး ပြောင်းပြန် အကြေး ခွံ တို့ ဖြစ်လေသည်။

၎င်းကို ကမ္ဘာဦး အပျက်အစီး ကျောက်တုံးဖြင့် သွန်းလုပ်ထားသော ဆေးဖို တစ်ခုတွင် စစ်မှန်သော နေမင်း မီးတောက် နှင့် လ စစ်မှန်သော မီးတောက် တို့ဖြင့် အဆင့်ကိုးဆင့် မီးဖုတ်ခြင်းကို ဖြတ်သန်းကာ သန့်စင်ရမည် ဖြစ်သည်။

ဆယ်ရက်နှင့် ဆယ်ည ဆက်တိုက် သန့်စင်ပြီးမှသာ ဆေးလုံး ဖြစ်ပေါ်လာနိုင်ပေသည်။

၎င်း၏ အကျိုးသက်ရောက်မှုများနှင့် ပတ်သက်၍မူ ၎င်းတို့မှာ ရိုးရှင်းစွာပင် ကြောက်မက်ဖွယ် ကောင်းလှသည်။

ထိုဆေးလုံးကို မျိုချသူတိုင်း အမြင့်ဆုံး အခြေခံအုတ်မြစ် ကို ပိုင်ဆိုင်နိုင်မည်ဖြစ်ကြောင်း ၎င်းက အာမခံထားသည်။

မှန်ပါသည် ဤဆေးလုံးကို စားသုံးရုံဖြင့် တစ်စုံတစ်ဦးသည် အထောက်အကူပြု ရုပ်ခန္ဓာကိုယ် သန့်စင် ခြင်း နည်းစနစ်များကို လေ့ကျင့်ခဲ့သည်ဖြစ်စေ မလေ့ကျင့်ခဲ့သည်ဖြစ်စေ ရုပ်ခန္ဓာကိုယ်သန့်စင်ခြင်း နဝမအလွှာ တွင် ရုပ်ခန္ဓာကိုယ် သည် အင်အား ဂျင် (၁.၆) သန်းသို့ သေချာပေါက် ရောက်ရှိမည် ဖြစ် လေသည်။

အကယ်၍ ကျင့်ကြံသူက ရုပ်ခန္ဓာကိုယ် သန့်စင်ခြင်း အနုပညာများဖြင့် အလွှာငယ် တိုင်းကို ခါးသီးစွာ လေ့ကျင့်ကာ အပို အားထုတ်မှု ပြုလုပ်ပါက ကိန်းဂဏန်းသည် ပို၍ပင် မြင့်တက်သွားမည် ဖြစ်၏။

ထို့အပြင် အာမခံထားသော အမြင့်ဆုံး အခြေခံအုတ်မြစ် အပြင် ကောင်းကင်ဘုံကို အံတုသော အပို အကျိုးသက်ရောက်မှု တစ်ခု ရှိသေးသည်။

၎င်းက စားသုံးသူကို ထိုအချိန်မှစ၍ အဆုံးမရှိ ရုပ်ခန္ဓာကိုယ် သန့်စင်ခြင်း ကို ဖြတ်သန်းနိုင်စေသည်။

အဆုံးမရှိ ရုပ်ခန္ဓာကိုယ် သန့်စင်ခြင်း ဆိုသည်မှာ ဘာကို ဆိုလိုပါသနည်း။

ဆိုလိုသည်မှာ ထိုအချိန်မှစ၍ နင်းဖန် ပြုလုပ်သော ချိုးဖောက်ဝင်ရောက်မှု တိုင်းသည် ယခုအချိန်ကဲ့သို့ ပင် သူ၏ ခန္ဓာကိုယ်ကို သန်မာစေမည် ဖြစ်သည်။

ကြောက်စရာကောင်းသော အလားအလာတစ်ခုပင်ဖြစ်၏။

အဘယ်ကြောင့်ဆိုသော် အဓိက နယ်မြေ တိုင်းသည် မတူညီသော ကဏ္ဍများကို အလေးပေးသော ကြောင့်ပင်။

ဥပမာအားဖြင့် ရုပ်ခန္ဓာကိုယ်သန့်စင်ခြင်း အဆင့်အတွင်း အလွှာငယ် ချိုးဖောက်ဝင်ရောက်မှုတိုင်းသည် ရုပ်ခန္ဓာကိုယ် ကို မြှင့်တင်ပေးသည်။

တတိယ၊ ဆဋ္ဌမ နှင့် နဝမ အလွှာများတွင် ပွားများသော မြှင့်တင်မှုများ ရှိသည်။

သို့သော် နောက် အဓိက နယ်မြေသို့ တက်လှမ်းသောအခါ ဤလက္ခဏာသည် ဆက်လက် ပါဝင် လာမည်တော့ မဟုတ်ချေ။

စိတ်ဝိညာဉ်သန့်စင်ခြင်း နယ်မြေ သို့ ရောက်ရှိသောအခါ အလွှာငယ် ချိုးဖောက်ဝင်ရောက်မှုများသည် စိတ်ဝိညာဉ် အင်အားကို အစားထိုး တိုးမြှင့်ပေးလေသည်။

ထိုနည်းတူစွာပင် စိတ်ဝိညာဉ်ပုံသွင်းခြင်း အဆင့်သည် နတ်ဘုရားစိတ်အာရုံ ကို သန့်စင်ပေးသည်၊ ခရမ်းစံအိမ် အဆင့်သည် နတ်ဘုရားစွမ်းရည် ကို ကျင့်ကြံသည်။ အဓိက နယ်မြေ တိုင်းတွင် ၎င်းတို့၏ ကိုယ်ပိုင် နက်နဲမှုများ ရှိလေသည်။

ထိုအချိန်ရောက်လျှင် ခန္ဓာကိုယ်ကို ထပ်မံ သန့်စင်ရန် ခက်ခဲသွားမည်သာ ဖြစ်သည်။

တစ်စုံတစ်ဦးသည် သာမန်လူများ မခံနိုင်သော နာကျင်မှုများကို သည်းခံကာ အထူးပြု ရုပ်ပိုင်းဆိုင်ရာ ကျင့်ကြံခြင်း နည်းစနစ်များ ကို လေ့ကျင့်နိုင်ပေသည်။

သို့မဟုတ် အဓိက ချိုးဖောက်ဝင်ရောက်မှုတိုင်း၏ အလုံးစုံ မြှင့်တင်မှုအပေါ် မှီခိုနိုင်ပေသည်။

ထို့ကြောင့် ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးလုံး ၏ အကျိုး သက်ရောက်မှုများသည် အမှန်တကယ်ပင် ကြောက်မက်ဖွယ်ကောင်းလှပေသည်။

၎င်းသည် ရုပ်ခန္ဓာကိုယ်သန့်စင်ခြင်း ချိုးဖောက်ဝင်ရောက်မှု အကျိုးကျေးဇူးများကို ထာဝရ တည်တံ့စေ နိုင်သည်ပင်ဖြစ်၏။

စိတ်ဝိညာဉ်သန့်စင်ခြင်း နယ်မြေ သို့ ဝင်ရောက်ပြီးနောက်တွင်ပင် အလွှာငယ် ချိုးဖောက်ဝင်ရောက် မှုများသည် စိတ်ဝိညာဉ်နှင့် ခန္ဓာကိုယ် နှစ်ခုလုံးကို အတူတကွ မြှင့်တင်ပေးမည် ဖြစ်သည်။

ဤအကန့်အသတ်မဲ့ ကြီးထွားမှုမျိုးကို ပုံမှန်အားဖြင့် အချို့သော အထူး အာဏာရှင် သို့မဟုတ် သူတော်စင် ခန္ဓာကိုယ်များတွင်သာ တွေ့ရလေ့ရှိသည်။

ဆေးလုံးတစ်လုံးတည်းမှတစ်ဆင့် ၎င်းကို အောင်မြင်ခြင်းမှာ တစ်ခါမှ မကြားဖူးချေ။

"မှတ်တမ်းတွေအရ ဝေးကွာလှတဲ့ ရှေးဟောင်း၊ မူလအစ ကမ္ဘာဦး နဲ့ ကမ္ဘာဦး ခေတ်တွေမှာ ဒီဆေးလုံး ဟာ အင်အားကြီးသူတွေကြားမှာ လိုချင်တောင့်တရတဲ့ အနှစ်သက်ဆုံး အရာတစ်ခု ဖြစ်ခဲ့တယ်...။"

"ဒါပေမယ့် ပစ္စည်း တချို့က ပိုပိုပြီး ရှားပါးလာပြီး ထိပ်တန်း ဆေးဆရာ တွေ ပျောက်ကွယ်သွားတာနဲ့ အမျှ အဲဒါက တဖြည်းဖြည်း ပျောက်ကွယ်သွားခဲ့တယ်...။"

"ဒါကို စားသုံးခဲ့တယ်လို့ မှတ်တမ်းတင်ခံရတဲ့ နောက်ဆုံးလူက ဂိုဏ်းရဲ့ ဘိုးဘေး တာအိုအရှင်ထိုက်ရီ ပဲ…။ လွန်ခဲ့တဲ့ နှစ်ပေါင်း (၈၉) သန်း ကတည်းက...။'

ဆေးညွှန်း ရှိ အသေးစိတ် အချက်အလက်များကို ပြန်လည် စဉ်းစားရင်း နင်းဖန်၏ စိတ်များ ပွက်လော ရိုက်နေခဲ့လေသည်။

မူလအစ ကမ္ဘာဦး ခေတ်၏ အထွတ်အထိပ် ကျွမ်းကျင်သူဖြစ်သော တာအိုအရှင်ထိုက်ရီ သည် ရုပ်ခန္ဓာ ကိုယ်သန့်စင်ခြင်း အဆင့်အတွင်း ဤ နတ်ဘုရားအဆင့် ဆေးလုံး ကို စားသုံးခဲ့လေ သည်။

သူသည် အမြင့်ဆုံး အခြေခံအုတ်မြစ် ကို ဖန်တီးခဲ့ပြီး ဤကမ္ဘာ၏ အထွတ်အထိပ်သို့ ရောက်ရှိကာ နှစ်သန်းတစ်ရာနီးပါး အားလုံးကို အံ့သြထိတ်လန့်စေခဲ့သော ထိုက်ရီအစစ်အမှန်ဂိုဏ်း ကို တည်ထောင် ခဲ့သည်။

ထိုအချိန်မှစ၍ ဆေးညွှန်းသည် နောင်လာနောက်သားများအတွက် ဆေးခန်းမ တွင် ကျန်ရှိနေခဲ့သည်။

ထိုဆယ်သန်းပေါင်းများစွာသော နှစ်များတစ်လျှောက် ထိုက်ရီအစစ်အမှန်ဂိုဏ်း သည် နတ်ဘုရား အဆင့် ဆေးဆရာ အများအပြားကို မွေးထုတ်ပေးနိုင်ခဲ့လေသည်။

သို့သော် မည်သူကမျှ ဆေးလုံး သန့်စင်ရာတွင် မအောင်မြင်ခဲ့ကြချေ။

နတ်ဘုရားအဆင့် ဆေးဆရာ များပင်လျှင် ဒသမအဆင့် ကျင့်ကြံခြင်း ဆေးလုံးများနှင့်(၁၀၀) ရာခိုင်နှုန်း အောင်မြင်မှုနှုန်း မရှိကြချေ။

ဆေးညွှန်း၏ ကြမ်းတမ်းပြီး ရှားပါးသော ပစ္စည်းများ နှင့် ပေါင်းစပ်လိုက်သောအခါ သူတို့တွင် များ သောအားဖြင့် အခွင့်အရေး တစ်ကြိမ်သာ ရှိလေသည်။

ကျရှုံးပါက နောက်ထပ် တစ်ကြိမ်ဆိုသည်မှာ ဘယ်သောအခါမှ ရှိတော့မည် မဟုတ်ချေ။

"ငါ့အတွက်ကတော့ အောင်မြင်မှုနှုန်းက အစိုးရိမ်ရဆုံး ကိစ္စပဲ...။"

"ဂိုဏ်းမှာ ပစ္စည်းတွေ အားလုံး ရှိမရှိ ဆိုတာကိုပဲ ငါ စစ်ဆေးဖို့ လိုတယ်...။"

မေးစေ့ကို ပွတ်သပ်ရင်း နင်းဖန်သည် ဆေးခန်းမ ၏ ပဉ္စမထပ်သို့ ရောက်ရှိလာခဲ့လေသည်။

ဤနေရာတွင် အထူး ဝင်္ကပါ တစ်ခုဖြင့် ကာကွယ်ထားသော ကျယ်ပြောလှသည့် သိုလှောင်ရုံတစ်ခုက ရှားပါး ဆေးသန့်စင်ခြင်း ပစ္စည်းများကို သိမ်းဆည်းထားလေသည်။

ဝင်္ကပါ သည် ဝင်ရောက်ခွင့်ကို မပိတ်ပင်ထားချေ ၎င်းသည် ဂိုဏ်း၏ ပံ့ပိုးမှုအမှတ် စနစ် နှင့် ချိတ်ဆက် ထားလေသည်။

သဘာဝကျစွာပင် ဆေးခန်းမ ၏ အကြီးအကဲရှောင် ကဲ့သို့သော အကြီးအကဲတစ်ဦးသည် ပစ္စည်းများ ကို အလွယ်တကူ ယူဆောင်နိုင်သည်။ သို့သော် သာမန် တပည့်များသည် ပံ့ပိုးမှုအမှတ်များ ပေးဆောင် ရမည်သာ ဖြစ်သည်။

ထိုအရာများက နင်းဖန်အတွက် အရေးမပါချေ။

သူ့တွင် ပံ့ပိုးမှုအမှတ်များ အမြောက်အမြား ရှိနေသည်ပင်။ ပစ္စည်းတစ်ခုချင်းစီ ရနိုင်မရနိုင် ဆိုသည် ကိုသာ သူ ဂရုစိုက်ပေသည်။

"မူလအစ သူတော်စင် စမ်းရေ၊ ဖျက်ဆီး၍မရသော ရွှေရောင် အရိုး၊ မူလအစ အဝါရောင် မိခင် ချီ...။ အားလုံး ဒီမှာ ရှိတယ်... ဆေးဥယျာဉ်ထဲမှာ အဆင့်ကိုးဆင့် နီဗားနား မြက် ကို ငါ တွေ့ခဲ့တယ်။ ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးလုံး နဲ့ ပတ်သက်ပြီးတော့…၊မူလအစ ကမ္ဘာဦး အကြွင်းအကျန်များ ကနေ နှစ် ကိုးသိန်းတိုင်းမှာ တစ်မျှင်ပဲ ထုတ်ယူလို့ ရတယ်လို့ ယူဆရ တယ်...။ အပို ကျန်သေးလား မသိဘူး...။"

သူ၏ စိတ်ထဲရှိ ဆေးညွှန်းနှင့် နှိုင်းယှဉ်ရင်း နင်းဖန်သည် သိုလှောင်ရုံကို ရှာဖွေနေခဲ့လေသည်။

မူလအစ သူတော်စင် စမ်းရေ သည် နှစ်တစ်သန်းတိုင်းတွင် တစ်စက် စုစည်းလေသည်။ ဆေးလုံး အတွက် သုံးစက် လိုအပ်ပေ၏။

ဖျက်ဆီး၍မရသော ရွှေရောင် အရိုး သည် ကြမ်းတမ်းသော သားရဲ မူလအစ ကမ္ဘာဦး နဂါးဆင် ၏ ကျောရိုး ဖြစ်သည်။

နဂါး ဆင် အရိုး သန့်စင်ခြင်း ဆေးလုံး ဆေးညွှန်းကို သူ မြင်သောအခါ ဂိုဏ်းတွင် ၎င်းရှိရမည်ဟု သူ တွက်ဆခဲ့ပြီး ထင်သည့်အတိုင်းပင် ရှိနေခဲ့သည်။

ပစ္စည်းများ အနက် ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးလုံး သာလျှင် အမှန်တကယ် ရှားပါးလေသည်။

တစ်မျှင်ကို သန့်စင်ရန် နှစ် ကိုးသိန်း လိုအပ်လေသည်။

မူလအစ ကမ္ဘာဦး အကြွင်းအကျန်များ သည် အခွင့်အရေးများ အတွက် ထိပ်တန်း အင်အားစုများက မကြာခဏ ပူးပေါင်းဖွင့်လှစ်လေ့ရှိသော လျှို့ဝှက်ဆန်းကြယ်သည့် ဇုန်တစ်ခုဖြစ်ကြောင်း ရှေးဟောင်း စာအုပ်များမှတစ်ဆင့် သူ သိခဲ့သည်။

ထိုနေရာတွင် ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးလုံး ကို အမြင့်ဆုံး ရတနာအဖြစ် သတ်မှတ်ကြလေသည်။

ဂိုဏ်းတွင် အပို ကျန်သေးသလား ဆိုသည်ကို သူ မသေချာချေ။

အချိန်အတော်ကြာ ရှာဖွေပြီးနောက် နောက်ဆုံးတွင် ထောင့်တစ်နေရာ၌ လက်မအရွယ်အစားရှိသော အမျှင်တစ်ခုကို သူ တွေ့လိုက်ရပြီး သက်ပြင်းချနိုင်ခဲ့သည်။

"ပစ္စည်း ခြောက်ခုထဲက ငါးခု အဆင်သင့်ဖြစ်ပြီ... စစ်မှန်သော နဂါး ပြောင်းပြန် အကြေးခွံ ပဲ ကျန်တော့တယ်...။"

သူ မေးစေ့ကို ပွတ်သပ်ရင်း အနည်းငယ် စိုးရိမ်နေခဲ့သည်။

စစ်မှန်သော နဂါး ပြောင်းပြန် အကြေးခွံ သည် နတ်ဘုရားသားရဲ ရှေးဟောင်း စစ်မှန်သော နဂါး ၏ အရေးအကြီးဆုံး အစိတ်အပိုင်းဖြစ်ပြီး ရရှိရန် မဖြစ်နိုင်လောက်အောင် ခက်ခဲသည်။ အရွယ်ရောက်ပြီး သော သတ္တဝါသည် လုံးဝနီးပါး ပြိုင်ဘက်ကင်း ဖြစ်လေသည်။

နဂါးမျိုးနွယ်စု ကြားတွင်ပင် ၎င်းသည် တန်ဖိုးမဖြတ်နိုင်သောအရာ ဖြစ်လိမ့်မည်။

စိုးရိမ်နေစဉ်မှာပင် အသက်ရှင်နေသကဲ့သို့ သူ၏ ခေါင်းပေါ်မှ ဖြတ်ပျံသွားသော တောက်ပသည့် အရာ တစ်ခုကို သူ ရုတ်တရက် မြင်လိုက်ရသည်။

မော့ကြည့်လိုက်ရာ ရှေးဟောင်း သရုပ်ဖော်ပုံများမှတစ်ဆင့် ၎င်းကို သူ ချက်ချင်း မှတ်မိလိုက်သည်။ စစ်မှန်သော နဂါး ပြောင်းပြန် အကြေးခွံ ပင်။

"မယုံနိုင်စရာ ပဲ...၊ သူတို့ဆီမှာ တကယ် ရှိနေတာပဲ...။'

သူ၏ မျက်လုံးများ ပြူးကျယ်သွားပြီး ဝမ်းသာမှုများ လွှမ်းမိုးလာခဲ့သည်။

ထိုကဲ့သို့သော နတ်ဘုရား ပစ္စည်းကို ရရှိရန် ထိုက်ရီအစစ်အမှန်ဂိုဏ်း က ဤမျှ အင်အားကြီးမားလိမ့် မည်ဟု သူ မမျှော်လင့်ထားခဲ့ချေ။

လွန်ခဲ့သော ရက်အနည်းနေ့က သူ မူးနေစဉ် ဂိုဏ်း၏ မြင့်မြတ်သော နေရာဖြစ်သည့် နဂါးသတ် ချောက် ကမ်းပါး ကို ဖြတ်သွားခဲ့သည်ကို သူ ရုတ်တရက် သတိရသွားသည်။

သံသယများ သူ၏ အတွင်းစိတ်တွင် လှုပ်ရှားလာခဲ့သည်။

"ကျောက်တုံးပေါ်က ကမ္ပည်းစာက တာအိုအရှင်ထိုက်ရီ ကြွားလုံးထုတ်နေတာ မဟုတ်ဘဲ အမှန်တကယ် ပဲ ဖြစ်နေမလား…။"

"သူ အဲဒီမှာ စစ်မှန်သော နဂါး တစ်ကောင်ကို တကယ်ပဲ သတ်ခဲ့တာလား…။"

"အဲဒီလိုမှ မဟုတ်ရင် သူတို့က အဲဒါရဲ့ ပြောင်းပြန် အကြေးခွံ ကို ဘယ်လိုလုပ် ပိုင်ဆိုင်နိုင်မှာလဲ။"

"တာအိုအရှင်ထိုက်ရီ... ခင်ဗျားက လုံးဝကို အမိုက်စားပဲ...။'

ထိုအတွေးဖြင့် နင်းဖန်သည် အတွင်းစိတ်တွင် လက်မထောင်မပြဘဲ မနေနိုင်တော့ဘဲ ဘိုးဘေး၏ အရည်အချင်းများကို ပထမဆုံးအကြိမ်အဖြစ် အံ့သြလေးစားသွားခဲ့လေသည်။

ထိုခေတ်က ထိုက်ရီအစစ်အမှန်ဂိုဏ်း သည် မည်မျှ ခမ်းနားကြီးကျယ်ခဲ့မည်ကို သူ စိတ်ကူးပင် မယဉ်နိုင် ချေ။

ယခုလည်း ခမ်းနားကြီးကျယ်နေဆဲ ဖြစ်ပါသော်လည်း။

ယခုအချိန်တွင် ပစ္စည်းတိုင်းကို ရေတွက်ပြီးနောက် နင်းဖန်သည် သူ၏ စိတ်လှုပ်ရှားမှုကို ဆက်လက် မထိန်းချုပ်နိုင်တော့ချေ သူ၏ မျက်ခုံးများသည် လခြမ်းပုံစံ ကွေးကောက်သွားခဲ့သည်။

"အရာအားလုံး အဆင်သင့်ဖြစ်ပြီ... ကံကြမ္မာ ကိုယ်တိုင်ကကို ဒီ နတ်ဘုရားအဆင့် ဆေးလုံး ကို ငါ့ကို သန့်စင်စေချင်နေတာပဲ...။"

အခန်း (၆၆) ရှောင်ချာ... နင်းဖန်က ဒသမအဆင့် နတ်ဘုရားအဆင့် ဆေးလုံး ကို သန့်စင်နိုင်မယ်ဆိုတာ ငါ သေချာတယ်

နင်းဖန် ပစ္စည်းများကို စစ်ဆေးကာ အခြား ပြင်ဆင်မှု အဆင့်များကို လုပ်ဆောင်နေစဉ် ထိုက်ရီအကြွင်း အကျန်နယ်မြေ အတွင်းရှိ အကြီးအကဲများသည် သူတို့ ကြည့်လေလေ ပို၍ ဇဝေဇဝါ ဖြစ်လာလေလေ ပင် ဖြစ်သည်။

"နင်းဖန် က တကယ်တမ်း ဘာလုပ်နေတာလဲ...။"

"ပထမ သူက အထပ်တစ်ခုလုံးကို မွှေနှောက်ရှာဖွေတယ်...။ ဆေးညွှန်း တစ်ခုကို တွေ့ပြီးနောက် သူက သိုလှောင်ရုံထဲကို ပြေးဝင်သွားတယ်...။ သူက ဆေးလုံးသန့်စင်ချင်နေတာတော့ မဟုတ်လောက်ပါဘူး နော်...။"

"ဘာလို့ ဒုက္ခခံနေမှာလဲ...၊ ဆေးခန်းမ မှာ ကျင့်ကြံခြင်း ဆေးလုံးများ အပြည့်ပဲလေ...။ သူက အဋ္ဌမ အဆင့် ကောင်းကင်ဘုံအဆင့် ဆေးလုံး တွေကို သကြားလုံးတွေလို စားချင်တယ်ဆိုရင်တောင် ဂျူနီယာ ညီလေးရှောင် က သူ့ကို ဘယ်တော့မှ နှမြောနေမှာ မဟုတ်ဘူးလေ...။"

"အဲဒါ ဟုတ်တယ်မလား ဂျူနီယာညီလေးရှောင်...။"

အားလုံး ပေါ့ပါးစွာ စကားပြောနေစဉ် ရွှီယိုဝေသည် နောက်တစ်ကြိမ် မထိန်းချုပ်နိုင်တော့ဘဲ သူ၏ ထုံးစံအတိုင်း လျှာသွက်မှုဖြင့် ရှောင်ချာ ကို စကားဝိုင်းထဲသို့ ဆွဲသွင်းလိုက်ပြန်လေသည်။

နင်းဖန် နဂါး ဆင် အရိုး သန့်စင်ခြင်း ဆေးလုံး ကို လက်လျှော့လိုက်ကတည်းက နောက်ဆုံးလူ၏ စိတ်အခြေအနေမှာ အလွန် ကောင်းမွန်နေခဲ့သည်။

သို့သော် ရွှီယိုဝေ၏ မှတ်ချက်ကို ကြားသောအခါ သူ၏ မျက်ခွံများ ထိန်းမရသိမ်းမရ တုန်ယင်သွားခဲ့ ပြန်လေသည်။

လီချန်မင် က အခြေအနေကို ပြေလည်အောင် လုပ်ရန် ဝင်ပြောလိုက်လေသည်။

"ဂျူနီယာညီလေးရှောင် က စိတ်မကောင်းဖြစ်မှာ မဟုတ်တာ သေချာပါတယ်...၊ အဓိက မေးခွန်းက နင်းဖန် ဘာလုပ်နေလဲ ဆိုတာပဲ...။"

ဝါကျ၏ ဒုတိယတစ်ဝက်ကို သူ အလေးပေး ပြောလိုက်သည်။

၎င်းမှာ ရွှီယိုဝေကို ကိုယ့်ကိုယ်ကိုယ် ထိန်းချုပ်ရန် တမင်တကာ သတိပေးချက်တစ်ခုပင် ဖြစ်သည်။

တစ်နေကုန် ပါးစပ်ဖောင်လွှတ်ပြီး ညီအစ်ကိုများ၏ အားနည်းချက်များကို ထိုးဆွရသည်ကို ပျော်ရွှင် နေသည်ပင်။ သူ တောင်ပေါ်က ဆင်းသည်နဲ့ တစ်ချိန်မဟုတ် တစ်ချိန် နုပ်နုပ်စဉ်းခံရပေလိမ့်မည်။

ရွှီယိုဝေသည် အရိပ်အမြွက်ကို နားလည်သွားပြီး နာခံစွာ တိတ်ဆိတ်သွားခဲ့လေသည်။

သူ နှုတ်ခမ်းကို စေ့ထားပြီး ဘာမှ ထပ်မပြောတော့ချေ။

ဂိုဏ်းချုပ် ဖေ့ချင်းယွီသည် ထိုမြင်ကွင်းကြောင့် အကူအညီမဲ့စွာ သက်ပြင်းချလိုက်လေသည်။

ထို့နောက် သူ၏ အကြည့်များက အောက်ဘက်ရှိ ဆေးခန်းမ ပေါ်သို့ ကျရောက်သွားပြီး အသံကျယ် ကျယ်ဖြင့် မေးလိုက်လေသည်။

"ဂျူနီယာညီလေးရှောင်... အဲဒီ ရွှေရောင် ကျောက်စိမ်းပြား ထဲမှာ ဘယ် ဆေးညွှန်း ကို မှတ်တမ်း တင်ထားလဲဆိုတာ မင်း ပြောနိုင်မလား...။"

ရွှီယိုဝေကို တိတ်တဆိတ် စိုက်ကြည့်နေသော ရှောင်ချာ သည် ချက်ချင်း ကိုယ်နေဟန်ထားကို ပြင်လိုက်ပြီး လက်နှစ်ဖက်ကိုစုပ်ကိုင်မြှောက်လျက် ရိုသေစွာပြောလိုက်လေသည်။

"စီနီယာအစ်ကိုဂိုဏ်းချုပ်ကို သတင်းပို့ပါတယ်...။ အကြောင်းအရာတွေကို ကျောက်စိမ်းပြား ရဲ့ အပြင် ဘက်ကနေ ကြည့်ရုံနဲ့ အကဲဖြတ်လို့ မရပါဘူး...။"

"ဒါပေမယ့် သိုလှောင်ရုံထဲမှာ သူ အာရုံစိုက်နေတဲ့ ပစ္စည်း အနည်းငယ်ကို ကြည့်ရရင် အထဲက ဆေးညွှန်းက ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးလုံး ဖြစ်ပါလိမ့်မယ်...။"

"ဒါ့အပြင် ဒီဆေးလုံးဟာ ရုပ်ခန္ဓာကိုယ်သန့်စင်ခြင်း အဆင့် ကျင့်ကြံခြင်း အတွက် ရည်ရွယ်တဲ့ ဒသမ အဆင့် နတ်ဘုရားအဆင့် ဆေးလုံး တစ်လုံးပါ...။"

ရှောင်ချာ ၏ ရှင်းပြချက်ကို ကြားသောအခါ အကြီးအကဲများ အားလုံး၏ မျက်နှာများတွင် ထူးဆန်း သော အမူအရာများ ပေါ်လာခဲ့လေသည်။

သူတို့သည် ဤအသက်အရွယ်​အထိ ကျင့်ကြံလာခဲ့ကြသဖြင့် ဆေးခန်းမ အတွင်းရှိ ရွှေရောင် ကျောက်စိမ်းပြား တစ်ခုတွင် မှတ်တမ်းတင်ထားသော မည်သည့် ဆေးညွှန်းမဆို ဒသမအဆင့် နတ်ဘုရားအဆင့် ဆေးလုံး ဖြစ်ကြောင်း သူတို့ သဘာဝကျစွာပင် သိရှိလေသည်။

စောစောက နင်းဖန်၏ လှုပ်ရှားမှုများကို သူတို့ ကြည့်နေစဉ်ကတည်းက သူတို့ စတင် သံသယဝင်နေခဲ့ပြီ ဖြစ်လေသည်။

ယခု ရှောင်ချာ က အတည်ပြုလိုက်သောအခါ သူတို့ မတုန်လှုပ်ဘဲ မနေနိုင်ခဲ့ကြချေ။

နင်းဖန်သည် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်ရန် ပါဝင်ပစ္စည်းများကို အမှန်တကယ် စုဆောင်းနေခဲ့သည်ပင်။

"သူ အတိအကျ ဘာကို စီစဉ်နေတာလဲ…။"

"သူက ကိုယ်တိုင် သန့်စင်ဖို့ ရည်ရွယ်ထားတာတော့ မဟုတ်ဘူး မဟုတ်လား…။"

ဒီလူငယ်လေးနဲ့ ပတ်သက်သမျှ အရာအားလုံးက အမြဲတမ်း အံ့သြစရာ ကောင်းနေခဲ့သည်။

သူသည် ယခင်က ထိပ်တန်းအဆင့် ရုပ်ခန္ဓာကိုယ်သန့်စင်ခြင်း ဆေးရေချိုး ဆေးညွှန်းတစ်ခုကို ကိုယ်တိုင် ဖန်တီးခဲ့ဖူးလေသည်။

သို့တိုင် နင်းဖန်သည် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်တော့မည်ဟူသော အဆိုမှာ ယုံကြည်နိုင်စရာ မရှိသေးချေ။

မည်သို့ပင်ဆိုစေ ထိုအဆင့်ရှိ ဆေးလုံးများသည် နှစ်သန်းပေါင်းများစွာအတွင်း ကမ္ဘာကြီး တစ်ခုလုံးတွင် ပေါ်လာခဲ့ခြင်းမရှိသေးချေ။

ထို အဆုံးမရှိသော အချိန်ကာလအတွင်း အမြင့်ဆုံး ပါရမီ ရှိသော ဆေးသန့်စင်ခြင်း ပါရမီရှင် မမွေးဖွား လာခဲ့ခြင်းများကြောင့်လား။

"မဟုတ်ဘူး လုံးဝ မဟုတ်ဘူး…။"

ဆန့်ကျင်ဘက်အားဖြင့် တိုက်ကြီးသည် ပါရမီရှင်များ ဘယ်သောအခါမျှ မရှားပါးခဲ့ချေ။

ထို ရေတွက်မရနိုင်သော နှစ်များတစ်လျှောက် ဆေးသန့်စင်ခြင်း တာအို သည် ပါရမီရှင်များ အမြောက် အမြားကို မွေးထုတ်ပေးခဲ့သည်ပင်။

အချို့မှာ ငယ်ရွယ်စဉ်မှာပင် နဝမအဆင့် ဆေးဆရာ များ ဖြစ်လာခဲ့ကြလေသည်။

ယုတ္တိဗေဒအရ ထိုကဲ့သို့သော အခြေအနေမျိုးတွင် နတ်ဘုရားအဆင့် ဆေးဆရာ အနည်းငယ်ကို မွေးထုတ်ပေးခြင်းမှာ မလွဲမသွေ ဖြစ်သင့်ပေသည်။

သို့သော် အမှန်တကယ်တွင် ဒသမအဆင့် နတ်ဘုရားအဆင့် ဆေးလုံး တစ်လုံးမျှ နှစ်သန်းပေါင်းများစွာ အတွင်း မပေါ်လာခဲ့ချေ။

အကြောင်းရင်း သုံးချက် ရှိလေသည်။

ပထမအချက်မှာ ထိုဆေးလုံးများကို သန့်စင်ရန် အခက်အခဲမှာ ကြီးမားလွန်းခြင်းပင်။

ဒုတိယအချက်မှာ ပစ္စည်းများမှာ ရှားပါးပြီး ရှာဖွေရန် ခက်ခဲခြင်းဖြစ်သည် နောက်ဆုံးတွင် အားလုံး စုဆောင်းမိသောအခါ ၎င်းတို့သည် များသောအားဖြင့် တစ်ကြိမ်သာ ကြိုးစားခွင့် ပြုပြီး အမှားလုပ်ခွင့် မရှိချေ။

တတိယအချက်မှာ ဒသမအဆင့် ဆေးညွှန်း အများစုကို ရှေးခေတ်မှ လက်ဆင့်ကမ်းလာခဲ့ခြင်း ဖြစ် သည်။

ခေတ်များ ပြောင်းလဲလာသည်နှင့်အမျှ ကောင်းကင်နှင့်မြေကြီး၏ ပတ်ဝန်းကျင် ပြောင်းလဲသွားပြီး ဤဆေးလုံးများ မွေးဖွားရန်အတွက် သင့်တော်မှု မရှိတော့ဘဲ အောင်မြင်မှုနှုန်းကို ပိုမို ကျဆင်းသွား စေခဲ့သည်။

ဤအချက် သုံးချက် ပေါင်းစပ်မှုက ဒသမအဆင့် နတ်ဘုရားအဆင့် ဆေးလုံး များကို နှစ်သန်းပေါင်းများ စွာ ပျောက်ကွယ်သွားစေခဲ့ခြင်းပင်ဖြစ်လေသည်။

ထို့ကြောင့် နဝမအဆင့် သူတော်စင်အဆင့် ဆေးလုံး များသည် ကမ္ဘာကြီး၏ အထွတ်အထိပ် ဖြစ်လာ ခဲ့ပြီ ဖြစ်၏။

ယခု နင်းဖန်သည် နဂါး ဆင် အရိုး သန့်စင်ခြင်း ဆေးလုံး ကို လျစ်လျူရှုကာ ကျရှုံးရန် သေချာနေသော ဒသမအဆင့် ဆေးညွှန်းကို ဆုပ်ကိုင်ပြီး ပစ္စည်းများကို ပျော်ရွှင်စွာ ရှာဖွေနေခဲ့လေသည်။

အကြီးအကဲများစွာ ဘာပြောရမှန်းပင် မသိတော့ချေ။

အကယ်၍ အခြား တစ်ယောက်ယောက်က ဤသို့ လုပ်ဆောင်ပါက သူတို့ကို ရိုင်းစိုင်းပြီး ရည်မှန်းချက် ကြီးမားလွန်းသူဟု အချိန်အတော်ကြာကတည်းက တံဆိပ်တပ်ခံရပေလိမ့်မည်။

သို့သော် ဤသူမှာ နင်းဖန် ဖြစ်နေသည်။

အံ့သြဖွယ်ရာများကို ထပ်ခါတလဲလဲ ဖန်တီးခဲ့သူပင်။

ထို့ကြောင့် ဤကဲ့သို့သော ကောင်းကင်ဘုံကို အံတုသော ပုံမှန်မဟုတ်မှုနှင့် ရင်ဆိုင်ရချိန်တွင် သူတို့ထဲမှ မည်သူကမျှ အလွယ်တကူ မဝေဖန်ရဲကြချေ။

နင်းဖန်တွင် ကြီးမားသော ရည်မှန်းချက်များနှင့် မြင့်မားသော တွန်းအားများ ရှိကြောင်းကိုသာ သူတို့ ဝန်ခံနိုင်ကြသည်။

အောင်မြင်ရန် လုံးဝနီးပါး မဖြစ်နိုင်လျှင်ပင်...

"ကြည့်... သူက ဆေးခန်းမ စာကြည့်တိုက် ကို သွားပြီး ဆေးသန့်စင်ခြင်း စာအုပ်တွေကို လှန်လှော ကြည့်နေပြန်ပြီ...။"

အောက်ခြေအဆင့် အကြီးအကဲတစ်ဦးက ရုတ်တရက် အံ့သြတကြီး အော်ဟစ်လိုက်သည်။

အားလုံး ထိုအော်သံနောက်သို့ လိုက်ကြည့်လိုက်ကြလေသည်။

ထင်သည့်အတိုင်းပင် ဆေးခန်းမ အတွင်း၌ နင်းဖန်သည် စာအုပ်စင်များ စီတန်းထားသော အခန်းတစ်ခု ၏ အလယ်တွင် တင်ပျဉ်ခွေ ထိုင်ကာ ဆေးသန့်စင်ခြင်း ဆိုင်ရာ မိတ်ဆက် စာအုပ်တစ်အုပ်ကို အငမ်း မရ ဖတ်ရှုနေခဲ့သည်ပင်။

သူ၏ အမူအရာမှာ စူးစိုက်နေပြီး စာမျက်နှာများကို လျှပ်စီးလက်သကဲ့သို့ အမြန်နှုန်းဖြင့် လှန်နေခဲ့ သည်။

"နောက်တစ်ခါ လာပြန်ပြီ...။ အဲဒီ ရင်းနှီးနေတဲ့ မြင်ကွင်း...။"

တောင်ထိပ်အရှင်သခင်အဆင့် အကြီးအကဲ အချို့၏ ပါးစပ်ထောင့်များ တွန့်ကွေးသွားခဲ့သည်။

လွန်ခဲ့သော ရက်အနည်းနေ့က ဆေးဥယျာဉ် တွင် နင်းဖန်၏ လုပ်ရပ်များကို သူတို့ အလိုအလျောက် သတိရသွားကြ၏။

ထိုစဉ်ကလည်း စွန်းချီယွမ် ၏ စာအုပ်များကို ဆုပ်ကိုင်ပြီး အစကနေ စတင်ခဲ့သည်ပင် မဟုတ်ပါလား။

ထိုအချိန်က အားလုံးက သူ ရူးကြောင်ကြောင် လုပ်နေသည်ဟုပင် ထင်ခဲ့ကြခြင်းပင်။

သို့ပေမယ့် အဆုံး၌ ဘာဖြစ်သွားပါသနည်း။

သူသည် အမှန်တကယ်ပင် သူ့ဘာသာသူ လေ့လာခဲ့ပြီး အံ့မခန်း မူလအစ ကမ္ဘာဦး ဆေးရည် ဆေးညွှန်း ကို ထုတ်လုပ်နိုင်ခဲ့သည်ပင်။

" အခုလဲ သူက အဲဒီ လုပ်ငန်းစဉ်အတိုင်း အတိအကျကို ထပ်ခါတလဲလဲ လုပ်နေပြန်ပြီ….။"

"စာမျက်နှာ လှန်တဲ့ အမြန်နှုန်းတောင် အတူတူပဲ…။"

"သူက ရိုးရိုးလေး လှန်လှောကြည့်နေသလိုပဲ…။"

စာကြောင်းဆယ်ကြောင်းကို တစ်ချက်ကြည့်ရုံဖြင့် မျက်စိတစ်မှိတ်အတွင်း သင်ယူနေသည်ပင်။

သို့သော်... ဆေးသန့်စင်ခြင်းနှင့် ဆေးလုံးများ သန့်စင်ရန် မီးဖိုတစ်ခု စတင်ခြင်း၏ အခက်အခဲမှာ လုံးဝ ကွဲပြားသော အဆင့်များတွင် ရှိပေသည်။

ဆေးလုံးများ တာအို သည် ဘေးထွက် လမ်းကြောင်း တစ်ခု မဟုတ်ချေ...။ ၎င်းမှာ စစ်မှန်သော မဟာတာအို တစ်ခုသာ ဖြစ်သည်။

၎င်းကို ကျွမ်းကျင်ရန် ဆေးရေချိုး ဆေးညွှန်းတစ်ခုကို သုတေသနပြုခြင်းထက် ဆယ်ဆမကသော အားထုတ်မှု လိုအပ်ပေသည်။

ဆေးဖက်ဝင်အပင်တစ်ရာတောင်ထိပ် ကို ကြည့်လိုက်လျှင် သင် နားလည်နိုင်မည် ဖြစ်သည်။

ဆေးခန်းမ သည် အဓိကဖြစ်ပြီး ဆေးဥယျာဉ်မှာ အရန်သာ ဖြစ်သည်။ဆေးဥယျာဉ်၏ သခင် စွန်းချီယွမ် သည် ဒု-တောင်ထိပ်အရှင်သခင် သာ ဖြစ်နိုင်သည်။

နဝမအဆင့် ဆေးဆရာ ရှောင်ချာ ကမူ စစ်မှန်သော တောင်ထိပ်အရှင်သခင် ဖြစ်၏။

သူတို့၏ ဆက်ဆံခံရမှုမှ ဤကမ္ဘာရှိ ဆေးသန့်စင်ခြင်း နှင့် ဆေးဖက်ဝင် အပင်များ ကြားရှိ ထင်ရှားသော အဆင့်အတန်း ကွာခြားချက်ကို ရှင်းလင်းစွာ မြင်တွေ့နိုင်ပေသည်။

ထို့ကြောင့် ရေချိုး ဆေးညွှန်းတွင် သူ လုပ်ခဲ့သကဲ့သို့ ဆေးလုံးများ တာအို ကို အမြန်ဖြတ်သန်းရန် နင်းဖန်၏ ကြိုးပမ်းမှုမှာ ကျရှုံးရန် အလိုလို ဖန်တီးခံထားရပေသည်။

ထိုနှစ်ခုကြားရှိ အခက်အခဲမှာ တူညီသော မျက်နှာပြင်ပေါ်တွင်ပင် မရှိချေ။

"ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးလုံး...။"

ဖေ့ချင်းယွီသည် အောက်ဘက်တွင် နင်းဖန်၏ လေးနက်သော လေ့လာမှုကို ကြည့်ရှုရင်း ခေါင်းကို ဖြည်းညင်းစွာ ခါရမ်းလိုက်လေသည်။

သို့သော် ဤတစ်ကြိမ်တွင် သူသည် အပြတ် မပြောတော့ချေ။

ယင်းအစား သူသည် ရှောင်ချာ ဘက်သို့ လှည့်ကာ မေးလိုက်သည်။

"ဂျူနီယာညီလေးရှောင်...၊ မင်းက ကျွမ်းကျင်သူလေ...။ မင်းအမြင်အရ နင်းဖန် ဒီ ဒသမအဆင့် နတ်ဘုရားအဆင့် ဆေးလုံး ကို သန့်စင်နိုင်မယ့် အခွင့်အရေး ရှိလား...။"

အလိုအလျောက်ပင် ရှောင်ချာ ခေါင်းခါချင်သွားခဲ့သည်။ သို့သော် နင်းဖန်၏ ယခင် အံ့ဖွယ် ဖန်တီးမှု လုပ်ရပ်များကို သူ ချက်ချင်း သတိရသွား၏။

ခေါင်းခါနေစဉ်မှာပင် သူ၏ လှုပ်ရှားမှု အေးခဲသွားခဲ့သည်။

"မဖြစ်နိုင်ဘူး...၊ ပြီးခဲ့တဲ့ အကြိမ်က ဂျူနီယာညီလေးစွန်း က နင်းဖန် ရေးထားတဲ့ ဆေးညွှန်းကို အဆိပ်လို့ ရှုတ်ချခဲ့ပြီး လူသိရှင်ကြား မျက်နှာဖြတ်ရိုက်ခံရကာ တပည့်တွေကြားမှာ အာဏာနဲ့ ဂုဏ်သိက္ခာ အားလုံး ဆုံးရှုံးသွားခဲ့တာ...။"

"သူ့အမှားကို ငါ ထပ်မလုပ်နိုင်ဘူး...။"

ထိုအတွေးဖြင့် ရှောင်ချာ ၏ အကြည့်များ ခိုင်မာသွားခဲ့သည်။

သူသည် မဟာအကြီးအကဲ ကျီးယန် ၏ နင်းဖန်အပေါ် အကဲဖြတ်မှုကို ယုံကြည်ရန် ရွေးချယ်လိုက်သည်

"ထူးခြားတဲ့လူတွေက ထူးခြားတဲ့အရာတွေကို လုပ်ကြတယ်...။"

ထို့ကြောင့် အားလုံး၏ ရှေ့မှောက်နှင့် မယုံကြည်နိုင်စွာ စိုက်ကြည့်နေမှုများကြားတွင် သူသည် တည်ငြိမ်သော ယုံကြည်မှုဖြင့် ခေါင်းညိတ်လိုက်သည်။

"ဆေးသန့်စင်ခြင်း မှာ အနှစ်သုံးထောင်နဲ့ မီးဖိုဖွင့်တဲ့အကြိမ်ရေ တစ်သန်း ရှိတဲ့ ငါ့ရဲ့ ကျွမ်းကျင်တဲ့ အမြင်အရ ပြောရရင်...။"

"တပည့်ခေါင်းဆောင် နင်း အတွက် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်တာက သိမ်းငှက်တစ်ကောင်က ယုန်ပေါက်လေးကို ထိုးသုတ်သလိုပဲ၊ ဒါမှမဟုတ် လယ်သမားအိုကြီး တစ်ယောက် ဆောင်းဦး စပါးရိတ်သိမ်းသလိုပဲ…။"

"ကစားစရာလေးပါပဲ...။"