အခန်း (၆၇-၆၈)

အခန်း (၆၇) စီနီယာအစ်ကိုနင်းရဲ့ ဆေးမီးဖို ပေါက်ကွဲသွားပြီ

ရှောင်ချာ စကားပြောပြီးသွားသည့် အခိုက်အတန့်တွင်။

ခန်းမတစ်ခုလုံး မှင်တက်သွားခဲ့လေသည်။

အကြီးအကဲများစွာဖြစ်စေ ပတ်ဝန်းကျင်ရှိ တပည့်များဖြစ်စေ အားလုံး ဆွံ့အသွားကြလေသည်။

"တကယ်လား... ။ အကြီးအကဲရှောင်ရဲ့ မျက်လုံးထဲမှာ နင်းဖန်က ဒီလောက်တောင် အဆင့်မြင့်နေ တာလား...။ သူက ဒသမအဆင့် နတ်ဘုရားအဆင့် ဆေးလုံး ကိုတောင် သန့်စင်နိုင်တာလား...။"

အချို့သော အစစ်အမှန်တပည့်များ၏ စိတ်များ ပွက်လောရိုက်သွားပြီး သူတို့သည် အံ့အားသင့်မှုဖြင့် ထိုနေရာတွင် ရပ်နေခဲ့ကြလေသည်။

အောက်ခြေအဆင့် အကြီးအကဲအချို့နှင့် အုပ်ထိန်းသူများသည်လည်း သူတို့ ကြားလိုက်ရသည်ကို နားကြားမှားသွားသည်ဟု သေချာပေါက် ယုံကြည်ကာ ဖြစ်တည်မှုဆိုင်ရာ သံသယမျက်နှာများဖြင့် ရှိနေခဲ့ကြလေသည်။

ဂိုဏ်း၏ အခြားအဆင့်မြင့်အရာရှိများသည်လည်း ရှောင်ချာကို မယုံကြည်နိုင်စွာ စိုက်ကြည့်နေကြ၏။

"ဒီဂျူနီယာညီလေးရှောင်... သူ တကယ်ပြောနေတာလား…။"

"အဲဒါက ဒသမအဆင့် နတ်ဘုရားအဆင့် ဆေးလုံးလေ နှစ်သန်းပေါင်းများစွာအတွင်း တစ်လုံးမှ ပေါ်မလာခဲ့ဖူးဘူးလေ…။"

သို့တိုင် သူသည် လုံးဝသေချာစွာဖြင့် စကားပြောဆိုခဲ့ပြီး ဆေးသန့်စင်ခြင်းတာအိုကို ယခုမှ စတင်ထိ တွေ့ဖူးသော နင်းဖန်သည် ၎င်းကို တိုက်ရိုက်သန့်စင်နိုင်သည်ဟု ဆိုနေသည်ပင်။

"အဲဒါက လူပြောတဲ့စကားရော ဟုတ်ရဲ့လား…။"

စွန်းချီယွမ်မှာ အဇဝေဇဝါအဖြစ်ဆုံး ဖြစ်နေခဲ့သည်။

ဆေးဖက်ဝင်အပင်တစ်ရာတောင်ထိပ်၏ အကြီးအကဲတစ်ဦးအနေဖြင့် ဆေးသန့်စင်ခြင်းနှင့် ပတ်သက် ၍ သူ၏ လမ်းကြောင်းနှင့် ကိုက်ညီသူတစ်ဦးအနေဖြင့် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်ရန် မည်မျှခက်ခဲကြောင်း အခြားအကြီးအကဲများထက် သူက ပိုနားလည်ပေသည်။

ယခုအချိန်တွင် သူ၏ မျက်လုံးများ မှန်သွားသကဲ့သို့ ဖြစ်သွားခြင်းကို မတားဆီးနိုင်ခဲ့ချေ။

"အဘိုးကြီးရှောင်က ဘာလို့ မဖြစ်နိုင်တာကို ဒီလောက် ယုံကြည်ချက်ရှိရှိ ပြောနေရတာလဲ…။"

"နင်းဖန်က ဘယ်လိုလုပ် သန့်စင်နိုင်မှာလဲ... ။"

ဤအတွေးဖြင့် စွန်းချီယွမ်၏ စိတ်ထဲတွင် မြင်ကွင်းတစ်ခု မြင်ယောင်မိ သွားခဲ့လေသည်။

နင်းဖန် ဆေးဥယျာဉ်တွင် ဆေးညွှန်းကို ပထမဆုံး ဖတ်ရှုစဉ်က သူကိုယ်တိုင် ၎င်းကို မဖြစ်နိုင်ဟု ကြေညာခဲ့သည် မဟုတ်ပါလော။

ထို့နောက် ခဏအကြာတွင် မျက်နှာဖြတ်ရိုက်ခံရရန်သာ ဖြစ်ခဲ့လေသည်။

ယခု ရှောင်ချာက ဆန့်ကျင်ဘက် လုပ်ဆောင်ကာ အသံကျယ်ကျယ်ဖြင့် အခိုင်အမာ ပြောဆိုပြီး နင်းဖန်ကို ချီးကျူးနေခဲ့လေ၏။

သူသည် တူညီသော အခြေအနေမျိုးတွင် အဆုံးသတ်သွားမည်ကို သိသိသာသာ ကြောက်ရွံ့နေသည်။

"အဘိုးကြီးရှောင်... မင်းက တကယ်ပဲ ပါရမီရှင် တစ်ယောက်လား...။"

ဤသည်ကို သဘောပေါက်လိုက်သောအခါ စွန်းချီယွမ် တုန်ယင်သွားခဲ့သည်။

ဤကလေး နင်းဖန်ကို သာမန်အသိတရားဖြင့် အကဲဖြတ်၍ မရနိုင်ချေ။

အကယ်၍ သူသည် ဆေးစွမ်းအာနိသင် တစ်ရာ့နှစ်ဆယ် ရာခိုင်နှုန်းရှိသော ရုပ်ခန္ဓာကိုယ်သန့်စင်ခြင်း ဆေးညွှန်းကို ထုတ်လုပ်နိုင်ပါက သူသည် ဒသမအဆင့် နတ်ဘုရားအဆင့် ဆေးလုံးကို မသန့်စင်နိုင်ဟု မည်သူက ပြောနိုင်ပါသနည်း။

အကယ်၍ သူ အမှန်တကယ် အောင်မြင်သွားပါက ၎င်းသည် ကမ္ဘာကြီးတစ်ခုလုံးကို တုန်လှုပ်သွား စေမည်သာ ဖြစ်သည်။

ထို့ပြင် ရှောင်ချာက သူ့ကို ကြိုတင်ယုံကြည်ရန် ရွေးချယ်ခဲ့သည်ပင်။

ဤသည် သူရဲကောင်းတစ်ယောက်ကို အသိအမှတ်ပြုသည့် ပညာမျက်လုံး ဟု ခေါ်ပေ၏။

၎င်းသည် ရှောင်ချာ၏ ကိုယ်ပိုင်ကျွမ်းကျင်မှု အရည်အချင်းကို အတည်ပြုခြင်းလည်း ဖြစ်လေသည်။

"မြင်လား... နင်းဖန် ဆေးသန့်စင်ခြင်း စာလိပ်ကို ကောက်ကိုင်လိုက်တဲ့ အခိုက်အတန့်မှာ ဒီကောင် လေးက ဆေးသန့်စင်ခြင်း တာအို ရဲ့ အနာဂတ် ချန်ပီယံ ဖြစ်လာမယ်ဆိုတာ ငါ သိခဲ့တယ်...။"

ဆိုရိုးစကားရှိသည့်အတိုင်း ပြင်ပလူများက ပွဲကိုကြည့်ကြပြီး အတွင်းလူများက နည်းစနစ်ကို မြင်ကြလေသည်။

စစ်မှန်သော တာအို အောင်မြင်မှုအချို့ မရှိဘဲ တစ်ချက်ကြည့်ရုံဖြင့် ဤမျှလောက်များစွာကို သူ ဘယ်လိုလုပ် မြင်နိုင်ပါမည်နည်း။

အချိန်တန်သောအခါ ရှောင်ချာ၏ နာမည်သည် နယ်မြေလေးခုနှင့် ပြည်နယ်တစ်ခုလုံးကို ပြန့်နှံ့သွား ပေလိမ့်မည်ဖြစ်သည်။

ယနေ့ အဖြစ်အပျက်များသည် ကျော်ကြားသော ပုံပြင်တစ်ပုဒ်ပင် ဖြစ်လာပေမည်။

ဤအတွေးဖြင့် စွန်းချီယွမ်သည် ရှောင်ချာ၏ ပြောင်းပြန်စိတ်ပညာ လှုပ်ရှားမှုအတွက် အံ့သြချီးကျူး မိသွားခဲ့သည်။

သူ၏ နှလုံးသားထဲတွင် နက်ရှိုင်းသော နောင်တများဖြင့် သက်ပြင်းချလိုက်လေသည်။

"ငါသာ ဒီလောက် ဖြတ်ထိုးဉာဏ်ကောင်းခဲ့ရင် လူသိရှင်ကြား မျက်နှာဖြတ်ရိုက်ခံရမှာ မဟုတ်ဘူး...။"

နောင်တရစွာ ခေါင်းခါရင်း စွန်းချီယွမ်သည် အောက်ဘက်သို့ တိတ်ဆိတ်စွာ ကြည့်နေခဲ့လေသည်။

အခြားအကြီးအကဲများသည် ထိုမျှလောက် နက်နက်ရှိုင်းရှိုင်း မတွေးခဲ့ကြချေ။

ယခုအချိန်တွင် ရှောင်ချာသည် သူ၏ စိတ်ကို ဆုံးရှုံးသွားပြီဟုသာ သူတို့ ခံစားခဲ့ကြရသည်။

ဂိုဏ်းချုပ်ပင်လျှင် မယုံကြည်နိုင်စွာ စိုက်ကြည့်နေပြီး အကြိမ်ကြိမ် မေးလိုက်သည်။

"ဂျူနီယာညီလေးရှောင်... နောက်မနေပါနဲ့...။ တပည့်တွေ အများကြီး နားထောင်နေတယ်...။ နင်းဖန်က တကယ်ပဲ လုပ်နိုင်မယ်လို့ မင်း တကယ်ပဲ ယုံကြည်လား...။"

"စီနီယာအစ်ကိုဂိုဏ်းချုပ်...။"

ရှောင်ချာက လေးနက်သောမျက်နှာ၊ စူးရှသောမျက်လုံးများဖြင့် ဖြတ်ပြောလိုက်သည်။

"နင်းဖန်အပေါ် ငါ့ရဲ့ ယုံကြည်မှုက ငါ့ရဲ့ ကိုယ်ပိုင် ဆေးသန့်စင်ခြင်း အပေါ်ထားရှိတဲ့ ငါ့ရဲ့ ယုံကြည်မှုနဲ့ တူတူပါပဲ...။"

"ပြီးတော့ ထူးခြားတဲ့လူတွေက ထူးခြားတဲ့ အဖြစ်အပျက်တွေကို ဖန်တီးတယ် ဆိုတာကို ကျေးဇူးပြုပြီး မှတ်ထားပေးပါ...။"

"အဲဒါကို မဟာအကြီးအကဲ က ပြောခဲ့တာ ပြီးတော့ အဲဒါက စီနီယာအစ်ကို ကိုယ်တိုင် သဘောတူ ထားတဲ့ ကိစ္စပဲလေ...။"

ဤပြတ်သားသော စကားများကို ကြားသောအခါ။

ဂိုဏ်းချုပ် ထုံကျင်သွားခဲ့သည်။ သူ၏ ကျန်ရှိနေသော စကားလုံးများသည် သူ၏ လည်ချောင်းတွင် တစ်ဆို့သွားခဲ့လေ၏။

"နေပါဦး... ငါက ပြီးမှ ပြန်ပြောနေတာလေ...။ မင်းက အဲဒါကို ဘယ်လိုလုပ် အမှန်တရားအဖြစ် ယူလိုက်တာလဲ…။"

"ဆေးသန့်စင်ခြင်းလမ်းကြောင်းနဲ့ ယခုမှ စတင်ထိတွေ့ဖူးတဲ့ အတွေ့အကြုံမရှိသေးသူ တစ်ယောက်၊ အလုပ်သင် စာသားတွေကို ဖတ်နေတုန်းပဲ ရှိသေးတဲ့သူ...။"

"ပြီးတော့ မင်း နဝမအဆင့် ဆေးဆရာက သူ ဒသမအဆင့် နတ်ဘုရားအဆင့် ဆေးလုံးတစ်လုံးကို သေချာပေါက် သန့်စင်နိုင်မယ်လို့ ငါ့ကို ပြောနေတာလား…။"

"မင်း ငါ့ကို နောက်နေတာလား…။"

ဂိုဏ်းချုပ် ဘာပြောရမှန်းပင် မသိတော့ချေ။

ရှောင်ချာ ဤမျှ ပြတ်သားနေသည်ကို မြင်သောအခါ အခြားအကြီးအကဲများသည် မယိမ်းယိုင်ဘဲ မနေနိုင်ခဲ့ကြချေ။

ဒီနင်းဖန်က ဒဏ္ဍာရီလာ ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးလုံးကို တကယ်ပဲ သန့်စင်နိုင်တော့မည်လား။

တစ်ခဏတာတွင် အားလုံး တီးတိုးစကားပြောကာ အချင်းချင်း တီးတိုးပြောဆိုနေကြလေသည်။

အကြီးအကဲများ ဤသို့ဖြစ်နေပါက ပတ်ဝန်းကျင်ရှိ တပည့်များမှာ မမည်မျှ ပို၍ ဖြစ်နေမည်နည်း။

ရှောင်ချာ၏ ပြင်းထန်သော သဘောထားကို ကြည့်ရင်း သူတို့ တစ်ဦးစီတိုင်းမှာ တုန်လှုပ်သွားကြသည်။ မကြာမီ သတင်းသည် ဆွေးနွေးမှု ဆူညံသံများမှတစ်ဆင့် အပြင်ဘက်သို့ ပြန့်နှံ့သွားခဲ့လေသည်။

အပြင်စည်းတပည့်များနှင့် အုပ်ထိန်းသူများ အားလုံး မှင်တက်သွားကြလေသည်။

"ဘာ... နင်းဖန် အခုလေးတင် ကောက်ကိုင်လိုက်တဲ့ ရွှေရောင် ကျောက်စိမ်းပြား က ဒဏ္ဍာရီလာ ဒသမအဆင့် ဆေးညွှန်း လား...။"

"အခု သူက ဆေးသန့်စင်ခြင်း အလုပ်သင် မိတ်ဆက် ကို ဖတ်နေတယ် ပြီးတော့ အဲဒါကို ဖတ်ပြီးတာနဲ့ ဒသမအဆင့် နတ်ဘုရားအဆင့် ဆေးလုံး ကို သန့်စင်ဖို့ စီစဉ်နေတာလား...။"

"လုပ်ပါကွာ မင်း ငါ့ကို ဒဏ္ဍာရီတစ်ခု ပြောပြနေတာလား...။"

"ဘာ... ဒဏ္ဍာရီ မဟုတ်ဘူး...။ ပြီးတော့ အကြီးအကဲရှောင် က အတည်ပြုလိုက်တာလား...။"

"အကြီးအကဲရှောင် က နင်းဖန် သေချာပေါက် အောင်မြင်မယ်လို့တောင် ပြောခဲ့တာလား...။"

"...စီနီယာအစ်ကို...၊ ရိုးရိုးသားသား ပြောစမ်းပါ...။ အကြီးအကဲရှောင် ကို သရဲဝင်ပူးနေတာလား...။"

ကျောက်တုံးတစ်တုံးက လှိုင်းထောင်ပေါင်းများစွာကို ဖြစ်ပေါ်စေတယ် ဆိုတာ ဘာအဓိပ္ပာယ်ပါလဲ။ ယခုအချိန်တွင် ၎င်းကို အပြည့်အဝ ပြသနေခဲ့သည်ပင်။

ထိုက်ရီအကြွင်းအကျန်နယ်မြေ တစ်ခုလုံးသည် အူတိုင်မှ အစွန်အဖျားအထိ ပွက်လောရိုက်နေခဲ့၏။

အထူးသဖြင့် အပြင်စည်းတပည့်များ၊ အတွင်းစည်းများမှ ထွက်ပေါ်လာသော သတင်းများသည် ကောင်းကင်ဘုံမှ ပုံပြင်များကဲ့သို့ သူတို့အတွက် ထင်ရပေသည်။

ဆေးသန့်စင်ခြင်း လမ်းကြောင်းကို ယခုမှ စတင် လျှောက်လှမ်းနေသော တပည့်များစွာသည် သူတို့၏ ကမ္ဘာ့အမြင် တစ်ခုလုံး ပြိုကွဲသွားသကဲ့သို့ ပုံပေါ်နေခဲ့သည်။

အကြီးအကဲရှောင် ကို သရဲဝင်ပူးနေတာလားဟု သူတို့ တိတ်တဆိတ် တွေးတောနေခဲ့ကြ၏။

ထိုသို့မှ မဟုတ်လျင် ဂုဏ်ယူဝင့်ကြွားသော နဝမအဆင့် ဆေးဆရာ တစ်ယောက်က ဘယ်လိုလုပ် ဤ စကားမျိုးတွေကို ပြောနိုင်ပါမည်နည်း။

နင်းဖန်... ယခုအချိန်အထိ ဆေးသန့်စင်ခြင်းနှင့် ပတ်သက်၍ အနည်းငယ်မျှပင် အရိပ်အမြွက် မသိသေး သော အပြင်စည်း အစမ်းခန့်တပည့် တစ်ယောက်။

ယခု သူ ဖတ်ရှုနေသော အစပြုဆေးဆရာများအတွက် လက်စွဲစာအုပ်သည် သူ၏ ဘဝတွင် သူ ထိတွေ့ဖူးသမျှ ဆေးသန့်စင်ခြင်းနှင့် သက်ဆိုင်သော ပထမဆုံးအရာ ဖြစ်သည်။

ပြီးတော့ အခု သူက ဒသမအဆင့် နတ်ဘုရားအဆင့် ဆေးလုံးတစ်လုံးကို သန့်စင်တော့မယ်လို့လား။

အဲဒါက အဓိပ္ပာယ်ရော ရှိရဲ့လား။

သဘာဝကျစွာပင် လူတိုင်း သံသယမဝင်ခဲ့ကြချေ။

အပြင်စည်း အတွင်းတွင် နင်းဖန်၏ ဆွဲဆောင်မှုကြောင့် အနိုင်ယူခံရသော တပည့်များ၊ သူ့ကို စံပြ ပုဂ္ဂိုလ်တစ်ဦးအဖြစ် သတ်မှတ်ထားသော တပည့်များစွာ ရှိနေ သည်။

ယခု အကြီးအကဲ ရှောင်ချာ၏ အကဲဖြတ်မှုကို ကြားသောအခါ သူတို့သည် ကြက်သွေး ထိုးသွင်းခံ လိုက်ရသကဲ့သို့ ခံစားလိုက်ရပြီး သူတို့၏ စိတ်ဓာတ်များ ချက်ချင်း မြင့်တက်သွားခဲ့၏။

"အဲဒါကို ကြည့်စမ်း... ဒါက စစ်မှန်တဲ့ ပါရမီရှင် တစ်ယောက်ရဲ့ ပုံစံပဲ။"

"ဆေးသန့်စင်ခြင်းနဲ့ ပထမဆုံးအကြိမ် ထိတွေ့တာကို နဝမအဆင့် ဆေးဆရာက သူ ဒသမအဆင့် နတ်ဘုရားအဆင့် ဆေးလုံးတစ်လုံးကို သန့်စင်နိုင်ပြီလို့ ကြေညာလိုက်တယ်... သမိုင်းတစ်လျှောက်မှာ ဘယ်သူကများ ဒီလောက် ဂုဏ်ပြုခံခဲ့ရဖူးလို့လဲ။"

"စီနီယာအစ်ကိုနင်းက တောက်ပနေတဲ့ နေမင်းကြီးလိုပဲ သူ ဘယ်နယ်ပယ်ကို ရောက်ရောက် တောက်ပ နေတာပဲ။"

"ဂိုဏ်းတစ်ခုလုံးကို တုန်လှုပ်သွားစေမယ့် အဲဒီ ဒသမအဆင့် နတ်ဘုရားအဆင့် ဆေးလုံး ပေါ်လာမယ့် အချိန်ကို ငါ စောင့်ကြည့်နေတယ်...။"

မျက်စိတစ်မှိတ်အတွင်း ထိုက်ရီအစစ်အမှန်ဂိုဏ်း တစ်ခုလုံးသည် စိတ်လှုပ်ရှားမှုများဖြင့် တောက် လောင်နေခဲ့ကြလေသည်။

အချို့က လုံးဝ သံသယဝင်နေဆဲ ဖြစ်၏။

အချို့ကမူ မယိမ်းယိုင်သော ယုံကြည်မှုဖြင့် ယုံကြည်နေကြသည်။

အတိုချုပ်ပြောရလျှင် ထိုက်ရီအကြွင်းအကျန်နယ်မြေ တစ်ခုလုံးသည် ဆူညံနေခဲ့သည်...။

ထိုအခိုက်အတန့်မှာပင်။

နင်းဖန်၊ အောက်ဘက် ဆေးခန်းမတွင် ရှိနေသော သူသည် သူ၏ အကြောင်းကြောင့် ဂိုဏ်းတစ်ခုလုံး နောက်ထပ် ပြဇာတ်ကြီး တစ်ခုကို တင်ဆက်နေသကဲ့သို့ဖြစ်နေကြောင်း လုံးဝ မသိသေးချေ။

ယခုအချိန်တွင် သူသည် ဆေးသန့်စင်ခြင်း စာအုပ်များကို လျင်မြန်စွာ လှန်လှောကြည့်နေခဲ့သည်။

မျက်တောင်ပင် မခတ်ဘဲ တစ်အုပ်ပြီးတစ်အုပ်။

သူ၏ ထူးခြားသောမှတ်ဉာဏ်က ဆေးသန့်စင်ခြင်း၏ အခြေခံသဘောတရားများနှင့် လုပ်ငန်းစဉ်များကို လျင်မြန်စွာ ဆုပ်ကိုင်နိုင်စေခဲ့သည်။

အကြိမ်တစ်ရာ သန့်စင်ပြီးနောက် ဆေးလုံးဖြစ်တည်ခြင်း ပါရမီသည် အကြိမ်တစ်ရာမြောက်တွင် အောင်မြင်မည်ကို အာမခံသော်လည်း ၎င်းသည် အရမ်းကာရော သန့်စင်ရန် ဆင်ခြေတစ်ခု မဟုတ်ချေ။

အကယ်၍ သင့်တွင် ပစ္စည်းများ မရှိပါက သို့မဟုတ် လုပ်ငန်းစဉ် မှားယွင်းနေပါက ၎င်းသည် ရိုးရှင်းစွာ အလုပ်လုပ်လိမ့်မည် မဟုတ်ချေ။

မည်သို့ပင်ဆိုစေ ဟင်းလင်ပြင်နယ်မြေ ထဲမှ ဆေးလုံးတစ်လုံးကို သင် ဖန်တီး၍ မရနိုင်ချေ။

ထို့ကြောင့် လိုအပ်သော သင်ယူမှုများကို လုပ်ဆောင်ရမည်သာ ဖြစ်လေသည်။

ထို့အပြင် နင်းဖန်သည် ကိုးဆယ့်ကိုးကြိမ် ကျရှုံးခြင်းကို မနှစ်သက်ချေ...။ ၎င်းမှာ အလွန် စိတ်ဓာတ်ကျ စရာ ကောင်းပေလိမ့်မည်။

ထို့ကြောင့် သူသည် အစားအသောက်နှင့် အိပ်စက်ခြင်းကို မေ့လျော့ကာ နေ့ရောညပါ ​နေခဲ့သည်။

နောက်ဆုံးတွင် ဆေးသန့်စင်ခြင်း ၏ အနှစ်သာရကို သူ နားလည်သွားသည်အထိပင်။

သူ၏ မျက်လုံးများတွင် အလင်းရောင်တစ်ခု တောက်ပသွားခဲ့လေသည်။

"လက်တွေ့ အသုံးချရမယ့် အချိန်ပဲ…။"

သူသည် ခေါင်းမော့ကာ ဘေးဘက်ခန်းမရှိ ဆေးသန့်စင်သည့် အခန်းဆီသို့ တည့်တည့် လျှောက်သွားခဲ့ လေသည်။

သူ၏ လှုပ်ရှားမှုသည် လျှို့ဝှက်နယ်မြေအတွင်းရှိ အားလုံး၏ အာရုံစိုက်မှုကို ချက်ချင်း ဆွဲဆောင်သွားခဲ့ ၏။

"နင်းဖန်က ဆေးလုံး တစ်လုံး သန့်စင်တော့မယ်…။"

"သူ တကယ်ပဲ အောင်မြင်နိုင်မလား…။"

"ဟေး... သူက ဘာလို့ သာမန် ဆေးသန့်စင်တဲ့ အခန်း ကို သွားနေတာလဲ…။"

သူတို့၏ စိတ်ဓာတ်များ ချက်ချင်းမြင့်တက်လာခဲ့လေသည်။ ထို့နောက် သူသည် ဘေးဘက် ခန်းမရှိ ဆေးသန့်စင်သည့် အခန်း သို့ ဝင်သွားသည်ကို မြင်သောအခါ ဇဝေဇဝါဖြစ်သွားကြလေသည်။

ထိုနေရာသည် အသစ်ဝင်လာသော တပည့်များအတွက် ပြင်ဆင်ထားခြင်း ဖြစ်လေသည်။ ၎င်း၏ ဆေးမီးဖို သည် ပဉ္စမအဆင့် အောက်ရှိ ဆေးလုံးများကိုသာ ကိုင်တွယ်နိုင်လေသည်။

ဆေးသန့်စင်ခြင်းကို သင်ယူနေသော တပည့်အချို့သည် ဆေးမီးဖိုရှေ့တွင် ရင်းနှီးသော ဆေးဖက်ဝင် အပင်အချို့ကို နင်းဖန် ထုတ်ယူလိုက်သည်ကို မြင်သောအခါ ချက်ချင်း နားလည်သွားကြသည်။

"အဲဒါ ပထမအဆင့် ဝိညာဉ် ပြန်လည်နာလန်ထူခြင်း ဆေးလုံး အတွက် ပစ္စည်းတွေပဲ...။ ကြည့်ရတာ စီနီယာအစ်ကိုနင်းက အဲဒီလောက် မစဉ်းစားမဆင်ခြင် လုပ်တတ်တဲ့သူ မဟုတ်ဘူး...။ သူက အဆင့်နိမ့် ဆေးညွှန်း တစ်ခုနဲ့ အရင် စမ်းသပ်ကြည့်နေတာပဲ...။"

"ဝိညာဉ် ပြန်လည်နာလန်ထူခြင်း ဆေးလုံး က သန့်စင်ရတာ အရမ်း လွယ်တယ်...။ အကြီးအကဲရှောင် ချီးကျူးထားတဲ့ ပါရမီနဲ့ဆိုရင် စီနီယာအစ်ကိုနင်းက မျက်စိတစ်မှိတ်အတွင်း ပြီးသွားမှာပဲ...။"

တပည့်များက တတွတ်တွတ် ပြောနေခဲ့ကြသည်။

ပြီးတော့ အခိုက်အတန့်လေးအတွင်းမှာပင် သူ ဘာရည်ရွယ်ထားသလဲဆိုတာကို အားလုံး သိသွားကြ လေတော့သည်။

အကြီးအကဲများသည် ဖြည်းညင်းစွာ ခေါင်းညိတ်လိုက်ကြပြီး သူတို့၏ မျက်လုံးများတွင် မျှော်လင့်ချက် များ တောက်ပနေခဲ့၏။

သူ၏ ပထမဆုံးအကြိမ်အတွက် အသာမန်ဆုံးဆေးလုံးကို ရွေးချယ်ခြင်းမှာ ပညာရှိဆန်လှပေသည်။

ဝိညာဉ်ပြန်လည်နာလန်ထူခြင်းဆေးလုံးသည် သေမျိုးများကြားတွင် အပျံ့နှံ့ဆုံးကုသဆေးဖြစ်ပြီး ရိုးရှင်းမှုကြောင့် နာမည်ကြီးသည်...၊ အောင်မြင်မှုမှာ ချက်ချင်း ဖြစ်သင့်သည်။

ထိုအတွေးဖြင့် နင်းဖန် သူ၏ စမ်းသပ်မှုကို စတင်သည်ကို သူတို့ ကြည့်နေခဲ့ကြသည်။

သူသည် ဆေးမီးဖိုရှေ့ရှိ ဖျာပေါ်တွင် မတ်မတ်ထိုင်ကာ လေးနက်သော အမူအရာဖြင့် ရှိနေခဲ့သည်။

မြေကြီး မီးကို မွှေးကာ ဆေးညွှန်းအတိုင်း တိကျစွာ လိုက်နာပြီး ပစ္စည်းများကို တစ်ခုပြီးတစ်ခု ထည့်၍ အပူချိန်ကို သေချာစွာ ထိန်းချုပ်နေခဲ့သည်။

ထိုက်ရီအကြွင်းအကျန်နယ်မြေအတွင်း၌ လီချန်မင်က သိချင်စိတ်ဖြင့် မေးလိုက်သည်။

"ဂျူနီယာညီလေးရှောင်... နင်းဖန်ရဲ့ သန့်စင်မှု ဘယ်လိုနေလဲ...။"

ရှောင်ချာက ယုံကြည်မှု အပြည့်ဖြင့် ခပ်ဟဟ ပြုံးလိုက်ပြီး ပြန်ဖြေလိုက်သည်။

"ဒီထောင့်ကနေတော့ အသေးစိတ်ကို မမြင်ရသေးဘူး...။"

"ဒါပေမယ့် စီနီယာအစ်ကိုလီ...။ ခင်ဗျားရဲ့ မေးခွန်းက တော်တော် စော်ကားတာပဲ။ နင်းဖန်က ဒသမ အဆင့် နတ်ဘုရားအဆင့် ဆေးလုံးကို သန့်စင်နိုင်စွမ်းရှိတယ်လို့ ငါ သတ်မှတ်ထားတဲ့သူလေ...။ ဒီ ပထမအဆင့် ဝိညာဉ် ပြန်လည်နာလန်ထူခြင်း ဆေးလုံးလေးက ကလေးကစားစရာပါပဲ...။"

စကားလုံးများ မဆုံးမီမှာပင် သူ၏ ဘေးမှ အံ့သြတကြီး အော်ဟစ်သံများ ထွက်ပေါ်လာခဲ့သည်။

သူ အောက်သို့ ငုံ့ကြည့်လိုက်သည်။ ထို့နောက် အေးခဲသွားခဲ့သည်။

အောက်ဘက်ရှိ ဆေးသန့်စင်သည့် အခန်းတွင် ဝုန်းကနဲ အသံတစ်ခုက လေထုကို တုန်လှုပ်သွားစေ ခဲ့သည်။ မီးခိုးမည်းများ လိပ်တက်လာပြီး ဆေးမီးဖိုမှ ပစ္စည်းအများအပြား ပေါက်ကွဲထွက်လာကာ ကြမ်းပြင်ပေါ်တွင် ပြာများအဖြစ် ပြန့်ကျဲသွားခဲ့လေသည်။

"ဆေးမီးဖိုက... ပေါက်ကွဲသွားပြီ….။"

အခန်း (၆၈) မင်းက မီးရှူးမီးပန်းတွေ ဖောက်နေတာလား

"စီနီယာအစ်ကိုနင်းရဲ့ ဆေးမီးဖို ပေါက်ကွဲသွားပြီ….။"

လိပ်တက်လာသော မီးခိုးမည်းများကို ကြည့်ရင်း အားလုံး မှင်တက်သွားကြသည်။

တောင်ထိပ်အရှင်သခင်အဆင့် အကြီးအကဲများ ဖြစ်စေ အတွင်းစည်းနှင့် အပြင်စည်း မှ တပည့်များ ဖြစ်စေ။

သူတို့၏ စိတ်ထဲတွင် ဖြစ်နိုင်ခြေ များစွာကို စိတ်ကူးယဉ်ခဲ့ကြသော်လည်း ဤမြင်ကွင်းမှာ သူတို့ မမျှော်လင့်ထားခဲ့သော တစ်ခုတည်းသော အရာ ဖြစ်လေသည်။

နဝမအဆင့် ဆေးဆရာ နှင့် ဆေးခန်းမ ၏ ခန်းမသခင် ရှောင်ချာ က ဒသမအဆင့် နတ်ဘုရားအဆင့် ဆေးလုံး ကို သန့်စင်နိုင်စွမ်းရှိသည်ဟု ကိုယ်တိုင် အကဲဖြတ်ထားသော ဤ ဆေးသန့်စင်ခြင်း တာအို ၏ ပြိုင်ဘက်ကင်း ပါရမီရှင်။

သူသည် ပထမဆုံး အဟန့်အတားတွင် အမှန်တကယ် ခလုတ်တိုက်မိပြီး သန့်စင်ရန် အလွယ်ကူဆုံးဟု လူတိုင်း အသိအမှတ်ပြုထားသော ဝိညာဉ် ပြန်လည်နာလန်ထူခြင်း ဆေးလုံး သေးသေးလေးကြောင့် လဲကျသွားခဲ့ရသည်။

"ဒါ အမှန်ဟုတ်ရဲ့လား…။"

ခဏတာ တိတ်ဆိတ်သွားပြီးနောက် ထိုက်ရီအကြွင်းအကျန်နယ်မြေ တစ်ခုလုံးသည် ကြီးမားသော ဆူညံသံတစ်ခုအဖြစ် တညီတညွတ်တည်း ပေါက်ကွဲထွက်လာခဲ့သည်။

တပည့်အချို့သည် ယခုလေးတင် သူတို့ ကြည့်ရှုခဲ့သည့် နည်းစနစ်မှာ မှားယွင်းနေပြီး သူတို့ အမြင်အာရုံ မှားယွင်းနေသည်ဟု သံသယဝင်ကာ သူတို့၏ မျက်လုံးများကို အပြင်းအထန် ပွတ်သပ်လိုက်ကြသည်။

သို့သော် သူတို့ ဘယ်နှစ်ကြိမ် စိုက်ကြည့်ပြီး ထပ်ကြည့်ကြည့် ရလဒ်မှာ မပြောင်းလဲချေ။

နင်းဖန်... တကယ်ပင် ဆေးမီးဖို ပေါက်ကွဲသွားခဲ့ခြင်းပင်။

ဤသည်မှာ အမှန်တရား ဖြစ်လေသည်။

တစ်ခဏတာတွင် တပည့်များ အားလုံး ဆွေးနွေးမှုများဖြင့် ပွက်လောရိုက်နေခဲ့လေသည်။

"ဘာတွေဖြစ်နေတာလဲ…။"

"ဆေးသန့်စင်ခြင်း မှာ ကျွမ်းကျင်တဲ့ စီနီယာအစ်ကို တစ်ယောက်ယောက်က ငါ့ကို ရှင်းပြပေးနိုင်မလား၊ ဒီ ဝိညာဉ် ပြန်လည်နာလန်ထူခြင်း ဆေးလုံး က သန့်စင်ဖို့ ခက်လို့လား…။"

"လုံးဝ ဆန့်ကျင်ဘက်ပဲ...၊ မင်းမှာ လက်ရှိရုံနဲ့တင် ဝိညာဉ် ပြန်လည်နာလန်ထူခြင်း ဆေးလုံး ကို သန့်စင်လို့ ရတယ်လေ…။"

"ဟုတ်တယ်...၊ ဒီလို သာမန် ကျင့်ကြံခြင်း ဆေးလုံး မျိုးက နေရာတိုင်းမှာ ရှိတယ်..။ စီနီယာရဲ့ အမွေ အနှစ် မရှိတဲ့ တတိယတန်းစား ဆေးဆရာ ဘယ်သူမဆို အဲဒါကို သန့်စင်နိုင်တယ်…။"

"ဒါပေမယ့် ဘာလို့ နင်းဖန်က ဆေးမီးဖို ပေါက်ကွဲသွားရတာလဲ အဲဒါက ဒီလောက်ရိုးရှင်းတာကို…။"

"ဒါက အကြီးအကဲရှောင် ပြောတဲ့ ထိပ်တန်းအဆင့် ဆေးသန့်စင်ခြင်း ပါရမီ ဆိုတာလား…။"

"ဘုရားရေ... အဲဒါတောင် အလုပ်ဖြစ်တယ်ဆိုရင် ငါလည်း လုပ်နိုင်တာပေါ့….။"

"..."

ဆေးမီးဖို ပေါက်ကွဲမှုနှင့်အတူ သံသယများ ကောင်းကင်အပြည့် ဝင်ရောက်လာခဲ့လေသည်။ အမှန် တကယ်တမ်းတွင်တော့ သာမန် တပည့်တစ်ယောက်သာ ဆိုလျှင်။

ဆေးသန့်စင်ခြင်း နှင့် ပထမဆုံး အကြိမ် ထိတွေ့စဉ် ဆေးမီးဖို ပေါက်ကွဲမှု ဖြစ်ပွားခြင်းကို ပုံမှန်ဖြစ်ပြီး ခွင့်လွှတ်နိုင်သည်ဟု ယူဆကြမည်သာ ဖြစ်သည်။

သို့သော် ပြဿနာမှာ နင်းဖန်သည် သာမန် မဟုတ်နေချေ။

သူသည် ရှောင်ချာ ကိုယ်တိုင် အာမခံထားသော ပြိုင်ဘက်ကင်း ပါရမီရှင် တစ်ဦးဖြစ်ပြီး ဒသမအဆင့် နတ်ဘုရားအဆင့် ဆေးလုံး ကို သန့်စင်နိုင်သော တည်ရှိမှု တစ်ခု ဖြစ်သည်။

ထို့ကြောင့် သူ့အပေါ် အားလုံး၏ မျှော်လင့်ချက်များမှာ အဆုံးမရှိ မြင့်မားနေခဲ့၏။ မည်သူ့အမြင်တွင် မဆို ဤပထမဆုံး စမ်းသပ်မှုလေးမှာ လွယ်ကူသော ကိစ္စတစ်ခုသာ ဖြစ်သင့်ပေသည်။

ဆေးမီးဖို ပေါက်ကွဲမှုကဲ့သို့ သနားစရာကောင်းသော အဆုံးသတ်မျိုး မဟုတ်ချေ။ ရှောင်ချာ ပင်လျှင် ဤအချိန်တွင် အလွန် ဇဝေဇဝါ ဖြစ်နေခဲ့သည်။

သူသည် အောက်ဘက်ရှိ မြင်ကွင်းကို ကြည့်နေပြီး ၎င်းက ဘယ်လိုစတင်ခဲ့လဲဆိုတာကို သူ မတွက်ဆ နိုင်သေးပုံရလေ၏။

ဝိညာဉ်ပြန်လည်နာလန်ထူခြင်းဆေးလုံး သေးသေးလေးကို သန့်စင်တာက တကယ်ပဲ ဆေးမီးဖို ပေါက်ကွဲမှုကို ဖြစ်စေတယ်...၊ မဟုတ်သေးဘူး၊ တိတိကျကျ ပြောရရင်။

ကျင့်ကြံခြင်း ဆေးလုံး သည် ဆေးမီးဖို အတွင်း၌ ပေါက်ကွဲသွားပြီး ပုံသဏ္ဌာန် မပေါ်နိုင်ခဲ့ခြင်းပင် ဖြစ်သည်။

ဆေးမီးဖို ကိုယ်တိုင်မှာမူ ပျက်စီးသွားခြင်း မရှိချေ။

ဤ ဆေးမီးဖို သည် ထိုက်ရီအစစ်အမှန်ဂိုဏ်း တွင် သာမန်အကျဆုံး အမျိုးအစားဖြစ်သော်လည်း အပြင်ကမ္ဘာတွင် ၎င်းကို ရှားပါးပြီး အရည်အသွေးမြင့် ဆေးမီးဖို တစ်ခုအဖြစ် သတ်မှတ်ကြမည် ဖြစ်၏။

အမြင့်ဆုံးတွင် ပဉ္စမအဆင့် အောက်ရှိ ကျင့်ကြံခြင်း ဆေးလုံးများ သန့်စင်ခြင်းကိုပင် ၎င်းက ခံနိုင် ရည်ရှိပေသည်။

တစ်ချိန်တည်းမှာပင် ထုတ်လုပ်မှု လုပ်ငန်းစဉ်နှင့် ဤကဲ့သို့သော ဆေးမီးဖို ၏ အတွင်းပိုင်း မီးစွဲ လမ်းကြောင်း ဝင်္ကပါ မှာ မဆိုးသောကြောင့်။

အဆင့်နိမ့် ကျင့်ကြံခြင်း ဆေးလုံးများ ကို သန့်စင်သောအခါ အောင်မြင်မှုနှုန်း အပိုဆု လည်း ရှိပြီး ဆေးလုံးများ ဖြစ်တည်ရန် ပိုမို လွယ်ကူစေသည်။

ဝိညာဉ် ပြန်လည်နာလန်ထူခြင်း ဆေးလုံး သည် ပထမအဆင့် ကျင့်ကြံခြင်း ဆေးလုံး မျှသာဖြစ်ပြီး သာမန်အကျဆုံး အမျိုးအစား ဖြစ် ၏။

ထိုကဲ့သို့သော ဆေးမီးဖို မျိုးတွင် ၎င်းကို သန့်စင်ခြင်းမှာ ပို၍ပင် သက်သောင့်သက်သာနှင့် လွယ်ကူ သင့်ပေသည်။

ထို့ကြောင့် ဤအချိန်တွင် ဆေးမီးဖို ပေါက်ကွဲမှုမှာ အလွန် ဇဝေဇဝါ ဖြစ်စရာ ကောင်းနေခဲ့သည်။

"ဂျူနီယာညီလေးရှောင်... မင်း တစ်ခုခု မြင်လိုက်လား…။"

အနီးအနားမှ အကြီးအကဲတစ်ဦးက မေးမြန်းရန် စကားပြောလိုက်သည်။

ရှောင်ချာ သည် သူ၏ နှုတ်ခမ်းများကို တင်းစေ့ထားလိုက်၏။ အချိန်အတော်ကြာ အတွေးနက်ပြီး နောက် နင်းဖန်ကို ယုံကြည်ရန်နှင့် သူ၏ ယခင် ရပ်တည်ချက်ကို ထိန်းသိမ်းရန် သူ ဆုံးဖြတ်လိုက်သေး သည်။

ထို့ကြောင့် သူက တည်ငြိမ်စွာ ပြန်ဖြေလိုက်သည်။

"ဆေးသန့်စင်တာ ပထမဆုံးအကြိမ်မို့လို့ သူက လုပ်ရိုးလုပ်စဉ်ကို မသိသေးတာပါ...။ နောက်တစ်ကြိမ် သေချာပေါက် ပေါက်ကွဲမှာ မဟုတ်ပါဘူး...။"

"မင်း သေချာလား…။"

ရွှီယိုဝေက ဝင်မပြောဘဲ မနေနိုင်ခဲ့ချေ။

ရှောင်ချာက သူ့ကို စိုက်ကြည့်လိုက်သည်။

"အကြီးအကဲရွှီ... နဝမအဆင့် ဆေးဆရာ တစ်ယောက်ရဲ့ ကျွမ်းကျင်မှု အဆင့်ကို ကျေးဇူးပြုပြီး မေးခွန်း မထုတ်ပါနဲ့...။"

ဤ အကြီးအကဲ ကို အလွန် လေးနက်စွာ အော်ဟစ်လိုက်ခြင်း ဖြစ်သည်။ သူ့ကို စီနီယာအစ်ကို ဟုပင် မခေါ်တော့ချေ။

ဤသည်ကို ကြားသောအခါ ရွှီယိုဝေသည် သူ၏ နှာခေါင်းကို မပွတ်ဘဲ မနေနိုင်ခဲ့ချေ။

သူ့ဘာသာသူ တွေးလိုက်သည်...

"သွားပြီ...၊ ဂျူနီယာညီလေးရှောင်ကို ဒေါသထွက်လာအောင် ငါ နောက်ပြောင်လိုက်မိပြီ…။"

ဤတစ်ကြိမ်တွင် အခြားသူများ သတိပေးရန် မလိုအပ်ဘဲ သူသည် သူ၏ ပါးစပ်ကို ပိတ်ရန်နှင့် စိတ်အနှောင့်အယှက် မဖြစ်စေရန် ကိုယ်တိုင် အစပြု လုပ်ဆောင်လိုက်လေသည်။

အခြားအကြီးအကဲများသည် တိုးတိုးလေး ရယ်မောနေကြသော်လည်း ရှောင်ချာ ၏ စကားကိုမူ သဘောတူခဲ့ကြလေ၏။

ဆေးသန့်စင်ခြင်း ပထမဆုံး အကြိမ်တွင် အဟန့်အတား အချို့ရှိခြင်းမှာ ပုံမှန်ပင် ဖြစ်သည်။ ထို့နောက် တွင် အရာအားလုံး ချောမွေ့သွားလိမ့်မည်ဟု ယူဆရသည်။

ထို့ကြောင့် အားလုံးသည် သူတို့၏ အကြည့်များကို အောက်သို့ နောက်တစ်ကြိမ် လွှဲချလိုက်ကြသည်။

ပတ်ဝန်းကျင်ရှိ တပည့်များများသည် ရှောင်ချာ ၏ စကားများကို အတိအကျ ပြန်လည် ပြောပြခဲ့ကြ လေသည်။

မကြာမီ။

အပြင်စည်းတပည့် များစွာသည် ဤအကဲဖြတ်မှုကို ကြားလိုက်ရသည်။

သူတို့သည် ဉာဏ်အလင်းပွင့်သွားသကဲ့သို့ မခံစားဘဲ မနေနိုင်ခဲ့ကြချေ။

ထို့ကြောင့် တပည့်ခေါင်းဆောင် နင်း ကဲ့သို့သော ဆေးသန့်စင်ခြင်း ပါရမီရှင် တစ်ဦးပင်လျှင် သူတို့၏ ပထမဆုံး ဆေးသန့်စင်ခြင်း ကြိုးပမ်းမှုတွင် ကျရှုံးနိုင်ပေသည်။

သို့သော် နောက်ထပ် အမှားများ ဖြစ်ပေါ်မည် မဟုတ်ကြောင်း အကြီးအကဲရှောင် က ပြောခဲ့သဖြင့်။

ဒုတိယအကြိမ်မှ စတင်၍ နင်းဖန်သည် သူ၏ စစ်မှန်သော ပါရမီကို ပြသမည်ဖြစ်ပြီး အရာအားလုံး အလွန် ချောမွေ့သွားမည်ဟု ယူဆရသည် ။

ဤသည်ကို တွေးမိသောအခါ တပည့်များစွာသည် နင်းဖန်အတွက် မျှော်လင့်ချက် ပြန်လည်ရရှိ လာကြပြီး ဆေးခန်းမ ကို အပြည့်အဝ မျှော်လင့်ချက်ဖြင့် စောင့်ကြည့်နေခဲ့ပြန်လေသည်။

နင်းဖန်၏ ချောမောသော မျက်နှာသည် ဖုန်များဖြင့် ဖုံးလွှမ်းနေပြီး သူသည် ဆေးသန့်စင်သည့် အခန်း ထဲမှ ချောင်းဆိုးရင်း ပြေးထွက်လာခဲ့လေသည် ။

သူ၏ မျက်လုံးများတွင် စိတ်ပျက်မှု အရိပ်အယောင်တစ်ခု ဖြတ်သန်းသွားခဲ့၏။

"ကြည့်ရတာ ငါ့မှာ ဆေးသန့်စင်ခြင်း နဲ့ ပတ်သက်ပြီး ပါရမီ သိပ်မရှိဘူး ထင်တယ်...။"

သူသည် ဝမ်းနည်းစွာဖြင့် သက်ပြင်းချလိုက်လေသည် ။ သူ၏ ပထမဆုံး ဆေးသန့်စင်ခြင်း အတွက် အလွန် ခက်ခဲသော ဆေးညွှန်း ကို သူ မစမ်းသပ်ရဲခဲ့ချေ ။

သူသည် ဤ ဝိညာဉ် ပြန်လည်နာလန်ထူခြင်း ဆေးလုံး ကို အဓိက ရွေးချယ်ခဲ့သည်ပင် ။

အဘယ်ကြောင့်ဆိုသော် ဤဆေးလုံးသည် သန့်စင်ရန် အလွန် လွယ်ကူပြီး အတွေ့အကြုံမရှိသေးသော ဆေးဆရာ တိုင်းအတွက် မဖြစ်မနေ သင်ယူရမည့်အရာ ဖြစ်ကြောင်း စာအုပ်က ဆိုထားသောကြောင့် ပင်။

နင်းဖန် ထင်ခဲ့သည်မှာ သူ၏ နားလည်နိုင်စွမ်းဖြင့် ၎င်းမှာ လွယ်ကူသောကိစ္စတစ်ခု ဖြစ်သင့်သည်ဟူ၍ ဖြစ်သည်။

အဆုံးတွင် အစကတည်းက ပေါက်ကွဲသွားလိမ့်မည်ဟု မည်သူက ထင်မည်နည်း။ ထိုအရာက သူ၏ မျက်နှာတစ်ခုလုံးကို ဖုန်များ ဖုံးလွှမ်းသွားစေခဲ့သည် ။

"ဝိညာဉ် ပြန်လည်နာလန်ထူခြင်း ဆေးလုံး ကိုတောင် ငါ ကောင်းကောင်း မသန့်စင်နိုင်ဘူး...။ ရွှေရောင် ပါရမီ ရဲ့ အကူအညီသာ မပါရင် ငါ အခုချက်ချင်း လှည့်ပြီး တောင်ပေါ်ကနေ ထွက်သွားနိုင်တယ်လို့ ငါ စိုးရိမ်တယ်...။"

နင်းဖန်သည် အကူအညီမဲ့စွာဖြင့် ခေါင်းခါလိုက်သည်။ ဆေးသန့်စင်ခြင်း တာအို သည် သူနှင့် မသင့် တော်ချေ ။

အခြားသူများ အလွယ်တကူ ပြီးမြောက်နိုင်သောအရာများသည် သူ့ကို အကြိမ်များစွာ ထပ်မံ ကြိုးစား ရန် လိုအပ်နေပေလိမ့်မည် ။

သို့သော် ကိစ္စမရှိပါချေ။ မည်သို့ပင်ဆိုဆေ သူသည် ဆေးသန့်စင်ရန်အတွက် လှည့်စားမှုတွေကို အားကိုးခဲ့သည်ပင်။

ပထမ အကြိမ် ကိုးဆယ့်ကိုးကြိမ် ကျရှုံးသည်ဖြစ်စေ မကျရှုံးသည်ဖြစ်စေ သူက အဲဒါကို ပျော်စရာ တစ်ခုအဖြစ်ပဲ သဘောထားမည်ပင်။

ထို့ကြောင့် နင်းဖန်သည် မိမိကိုယ်ကိုယ် တည်ငြိမ်အောင် လုပ်ကာ မျက်နှာပေါ်ရှိ ဖုန်များကို သုတ်ပစ် လိုက်ပြီး ဆေးသန့်စင်သည့် အခန်း ထဲသို့ နောက်တစ်ကြိမ် ဝင်သွားခဲ့ပြန်လေသည် ။

ဆေးမီးဖို အတွင်းရှိ အကြွင်းအကျန်များကို ရှင်းလင်းပြီး မြေကြီးမီး ကို ပြန်လည် မွှေးကာ ဆေးသန့်စင် ခြင်း အချီသစ်တစ်ခုကို စတင်ရန် ပြင်ဆင်လိုက်လေသည​ေ။

"စပြီ၊ စပြီ….။"

လျှို့ဝှက်နယ်မြေ အတွင်း၌ ကြည့်ရှုနေသူ လူအုပ်ကြီးသည် တညီတညွတ်တည်း စိတ်လှုပ်ရှားနေ ခဲ့ကြ၏။

တောင်ထိပ်အရှင်သခင်အဆင့် အကြီးအကဲများမှသည် အပြင်စည်းတပည့်များအထိ အားလုံးသည် စူးစိုက်စွာ ကြည့်နေကြပြီး သူတို့၏ မျက်လုံးများတွင် မျှော်လင့်ချက်များ ပြည့်နှက်နေခဲ့သည် ။

အောက်ဘက်တွင် နင်းဖန်သည် နောက်တစ်ကြိမ် လေးနက်နေပြီး ပစ္စည်းများကို တစ်ခုပြီးတစ်ခု ထည့်နေသည်ကို သူတို့ မြင်တွေ့နေရသည် ။

သူ၏ နည်းစနစ်သည် ဆေးညွှန်း ရှိ လိုအပ်ချက်များကို တင်းကျပ်စွာ လိုက်နာပြီး အတော်လေး ပရော်ဖက်ရှင်နယ် ဆန်ပုံရ၏။

နင်းဖန်၏ သေချာစေ့စပ်သော အသွင်အပြင်ကို ကြည့်ရင်း ရှောင်ချာ သည် ကျေနပ်အားရစွာ ခေါင်းမညိတ်ဘဲ မနေနိုင်တော့ဘဲ ပြောလိုက်လေသည်။

"ကြည့်နေလိုက်၊ ဒီတစ်ကြိမ် နင်းဖန်က သူ့ရဲ့ စစ်မှန်တဲ့ အဆင့်ကို သေချာပေါက် ပြသပြီး တကယ့် ပါရမီ...။"

နောက်ဆက်တွဲ "ရှင်" ဟူသော စကားလုံး မဆုံးမီမှာပင် အောက်ဘက်မှ နောက်ထပ် ဝုန်းကနဲ အသံကြီး ထွက်ပေါ်လာခဲ့ပြန်လေသည်။

"ထပ်ပြီး ပေါက်ကွဲသွားပြန်ပြီ… ။"

လိပ်တက်လာသော မီးခိုးမည်းများသည် ကောင်းကင်သို့ တက်သွားပြီး ယခုလေးတင်က ပေါက်ကွဲမှု ထက်ပင် ပိုမို ဆိုးရွားနေခဲ့သည် ။

ဆေးမီးဖို တစ်ခုလုံးသည် စွမ်းအင် ရိုက်ခတ်မှုကြောင့် နေရာမှာပင် တုန်လှုပ်သွားခဲ့၏။

"ပထမအဆင့် ကျင့်ကြံခြင်း ဆေးလုံး တစ်လုံးကို သန့်စင်ရင်း ပဉ္စမအဆင့် ဆေးမီးဖို ကို ဒီလို ပေါက်ကွဲ သွားအောင် လုပ်နိုင်တာ တကယ့် ပါရမီရှင်ပဲ…။"

လီချန်မင် သည် အလွန် အံ့အားသင့်နေသော မျက်နှာဖြင့် စကားပြောလိုက်သည် ။

အလွန် ချဲ့ကားလွန်းလှသည်။

ဝိညာဉ် ပြန်လည်နာလန်ထူခြင်း ဆေးလုံး ပေါက်ကွဲမှုက ပဉ္စမအဆင့် ဆေးမီးဖို တစ်ခုအပေါ် ဤမျှ ပြင်းထန်သော ရိုက်ခတ်မှုမျိုး ဖြစ်စေသည်ကို သူ တစ်ခါမှ မမြင်ဖူးချေ ။

အခြားသူများသည် လီချန်မင်၏ စိတ်ထဲမှ အော်ဟစ်သံကို ကြားပြီး ရှောင်ချာ၏ ယုံကြည်မှုရှိသော အာမခံချက်နှင့် ပေါင်းစပ်လိုက်သောအခါ။

သူတို့ အားလုံး ရယ်ချင်သော်လည်း မရဲကြဘဲ အကောင်းဆုံး ကြိုးစား၍ အောင့်ထားကာ ပါးပြင် နှစ်ဖက်စလုံးရှိ ကြွက်သားများ တွန့်ကွေးနေခဲ့သည် ။

ရှောင်ချာ သည် လုံးဝ မှင်တက်သွားပြီး သူ၏ မျက်နှာတွင် မယုံကြည်နိုင်မှုများ ပြည့်နှက်နေခဲ့၏ ။

"ဘာလို့ ထပ်ပြီး ပေါက်ကွဲရတာလဲ... ဒီဇာတ်ညွှန်းက မမှန်ဘူး….။"

သူသည် စိုးရိမ်တကြီးဖြင့် ဟိုဟိုဒီဒီ လမ်းလျှောက်နေပြီး သူ၏ မျက်နှာတွင် "ဇဝေဇဝါ" ဟူသော စကားလုံးကို ရှင်းလင်းစွာ ရေးထားလေသည် ။

ဤသည်ကို မြင်သောအခါ ကျုံးတင်းက သူ့ကို မနှစ်သိမ့်ဘဲ မနေနိုင်တော့ချေ။

"စီနီယာအစ်ကိုရှောင်... ငါတို့ မေ့လိုက်ကြရင် မကောင်းဘူးလား...။ နင်းဖန်က ဆေးသန့်စင်ဖို့ အရည် အချင်း မရှိတာ ဖြစ်နိုင်ပါတယ်…။"

"မဖြစ်နိုင်ဘူး…။"

ဤသည်ကို ကြားသောအခါ ခေါင်းမာမှုတစ်ခုက ရှောင်ချာ ၏ နှလုံးသားထဲတွင် ထွက်ပေါ်လာပြီး အသံကျယ်ကျယ်ဖြင့် ပြန်ပြောလိုက်သည် ။

"သူ့ကို ငါ အထင်လွဲတယ်လို့ ငါ မယုံဘူး... ။ တစ်ကြိမ်က မတော်တဆမှု၊ နှစ်ကြိမ်က တိုက်ဆိုင်မှု၊ ဒါပေမယ့် တတိယအကြိမ်မှာ နင်းဖန် သေချာပေါက် လုပ်နိုင်ရမယ်…။"

"ဝုန်း…"

အောက်ဘက်တွင် နောက်ထပ် မီးခိုးမည်း တိမ်တိုက်တစ်ခု လိပ်တက်လာခဲ့သည် ။

အားလုံးက: "..."

ရှောင်ချာ: "..."

မဟုတ်ဘူး တတိယအကြိမ်မှာလည်း ဒီလောက် မြန်မြန် ပေါက်ကွဲသွားပြန်ပြီလား ။

"မင်းက မီးရှူးမီးပန်းတွေ ဖောက်နေတာလား...။"