အခန်း (၅၂၅-၅၂၆)

အပိုင်း(၅၂၅) ဟင်းလင်းပြင် မျိုးရိုးဗီဇမျိုးစေ့

လင်းယွမ်က မျိုးရိုးဗီဇမျိုးစေ့ သန္ဓေပြောင်း သတ္တဝါများ၏ ပြဿနာကို ဖြေရှင်းပြီးနောက် ထိုက်ယန်တောင်သို့ ချက်ချင်းပင် အပြေးအလွှား ပြန်လာခဲ့သည်။

ဒီဘက်က နေရာ၏ လျှို့ဝှက်နိုင်စွမ်းနှင့် နှိုင်းယှဉ်လျှင် ထိုက်ယန်တောင်က အလွန် ထင်ရှားပေါ်လွင်နေပေသည်။

အထူးသဖြင့် ဂိုဏ်းကြီးသုံးခုကို ရန်စမိပြီးသည့်နောက်တွင် ၎င်းတို့က အချိန်မရွေး ပြန်လည်တိုက်ခိုက်လာမည်ကို လင်းယွမ်က စိုးရိမ်နေခဲ့သည်။

ထိုနေရာတွင် လင်းယွီကျွန်းမှ လူများက ကူညီစောင့်ရှောက်ပေးနေသည် ဆိုသော်ငြားလည်း...

သို့သော် လင်းယွမ်ကတော့ စိတ်မချနိုင်သေးပေ။

ထို့ကြောင့် ရှင်းမြွေမိစ္ဆာ ဟင်းလင်းပြင်ဘက်ရှိ ကိစ္စများကို ဖြေရှင်းပြီးသည်နှင့် တစ်ပြိုင်နက် သူက တုံ့ဆိုင်း မနေဘဲ ချက်ချင်း ပြန်လာခဲ့တော့သည်။

ဂိုဏ်းကြီးသုံးခုက ပြန်လည်အင်အားစုကာ ထိုက်ယန်တောင်ကို ဒုတိယအကြိမ် တိုက်ခိုက်လာမည်ကို စိုးရိမ်ရသည့်အပြင်...

လင်းယွမ်ကို အလောတကြီး ပြန်လာစေသည့် အခြားသော အရေးကြီး အကြောင်းရင်းတစ်ခုလည်း ရှိနေသေးသည်။

၎င်းမှာ သူ၏ လက်ထဲတွင် မျိုးရိုးဗီဇမျိုးစေ့ အမြောက်အမြားကို ပိုင်ဆိုင်ထားခြင်းပင် ဖြစ်သည်။

ဝမ်လင်းအာ၏ လက်ထဲမှနေ၍ စိတ်စွမ်းအင် အမျိုးအစား၊ ရေဓာတ် အမျိုးအစားနှင့် မြေဓာတ် အမျိုးအစားဟူသော မျိုးရိုးဗီဇမျိုးစေ့ သုံးမျိုးကို သူ လဲလှယ်ရရှိထားခဲ့သည်။

ယခု သူက ဟင်းလင်းပြင် အမျိုးအစား သွေးသလင်းကျောက်ကို ထပ်မံ ရရှိထားပြန်ရာ ဤတစ်ကြိမ် ပြန်ရောက်ပြီးနောက်တွင် ထိုက်ယန်တောင် သုတေသနဌာနရှိ မျိုးရိုးဗီဇပေါင်းဖိုကို အသုံးပြု၍ ဟင်းလင်းပြင် အမျိုးအစား မျိုးရိုးဗီဇမျိုးစေ့ကို ထုတ်ယူနိုင်တော့မည် ဖြစ်သည်။

ထို့အပြင် သူ၏လက်ထဲတွင် ရှိနေသော မျိုးရိုးဗီဇမျိုးစေ့ သန္ဓေပြောင်း သတ္တဝါများ၏ သွေးအဆီအနှစ် အမြောက်အမြားမှလည်း မျိုးရိုးဗီဇမျိုးစေ့ကို ထုတ်ယူနိုင်သေးသည်။

ထိုမျိုးရိုးဗီဇမျိုးစေ့များထဲမှ တစ်မျိုးစီတိုင်းကို သူကိုယ်တိုင်အတွက် တစ်စေ့စီ ချန်ထားရမည် ဖြစ်ကာ မျိုးရိုးဗီဇ အသွင်တစ်ရာ အစွမ်းအတွက် မူရင်းပုံစံအဖြစ် ပံ့ပိုးပေးပြီး သက်ဆိုင်ရာ မျိုးရိုးဗီဇမြေပုံအဖြစ် ပြောင်းလဲနိုင်ရန် ဖြစ်သည်။

အခြားသော မျိုးရိုးဗီဇမျိုးစေ့များကိုတော့ ဤတစ်ကြိမ် ဂိုဏ်းကြီးသုံးခု၏ တိုက်ခိုက်မှုကို ခုခံကာကွယ်ရာတွင် စွမ်းဆောင်ရည် ပြသနိုင်ခဲ့သော သူများကို ခွဲဝေပေးနိုင်ပေသည်။

ထိုက်ယန်တောင်၏ ဆုပေးဒဏ်ပေး စနစ်က အလွန်ပင် မျှတမှန်ကန်လှသည်။

လူတိုင်းကို အသက်စွန့်ပြီး တိုက်ခိုက်ခိုင်းရန်သာ မဖြစ်နိုင်ဘဲ ထိုက်တန်သော ဆုလာဘ်များကိုလည်း လျှော့ချ၍ မရနိုင်ပေ။

ထိုက်ယန်တောင်၊ သုတေသနဌာန။

အစပိုင်းတွင် ကျောက်ခိုင်က မီးဝါးတော မြို့ရိုးအပြင်ဘက်ကို အသေအလဲ ကာကွယ်ပေးထားခဲ့သောကြောင့် ထိုက်ယန်တောင်၏ သုတေသနဌာန အစရှိသည့် အရေးကြီးသော နေရာများမှာ ပျက်စီးသွားခြင်း မရှိခဲ့ပေ။

ယခုအချိန်တွင် တစ်တောင်လုံးက ပုံမှန်အတိုင်း လည်ပတ်နိုင်နေပြီး ဈေးဝယ်စင်တာပင်လျှင် ပျက်စီးခြင်း မရှိခဲ့သည်မှာ ကျောက်ခိုင်၏ ကျေးဇူးက အလွန်ကြီးမားလှပေသည်။

သုတေသနဌာန အတွင်းတွင်တော့ လီဟန်ကျုံးက လှုပ်ရှားလိမ်ကောက်နေသော မျိုးရိုးဗီဇပေါင်းဖို စက်လုံးကြီးကို ကြည့်နေသည်။

အတွင်းပိုင်းတွင် အလင်းရောင်များ တဖျပ်ဖျပ် လက်နေခဲ့ပြီး နာရီဝက်ခန့် ကြာသွားလေသည်။

"ဝုန်း"

ဝုန်းခနဲ မြည်ဟည်းသံတစ်ချက် ထွက်ပေါ်လာပြီးနောက် ချက်ချင်းပင် အလင်းရောင်များ အားလုံး ရုတ်တရက် ပျောက်ကွယ်သွားတော့သည်။

စက်လုံးကြီး အတွင်းမှနေ၍ ချွင်ချွင်ချလွမ် ဟူသော အသံများ ထွက်ပေါ်လာကာ စက်လုံးထဲတွင် ဖန်ဂေါ်လီလုံး တစ်လုံး လိမ့်နေသည့်အလား ပုံပေါက်နေသည်။

"အောင်မြင်ပြီ"

လီဟန်ကျုံးက ရုတ်တရက် အလွန် ဝမ်းသာသွားပြီး ချက်ချင်းပင် အော်ဟစ်လိုက်တော့သည်။

ဘေးဘက်တွင် ရှိနေသော လင်းယွမ်ကလည်း စက်လုံးကြီးကို စိုက်ကြည့်နေခဲ့သည်။

ပြင်းထန်စွာ တုန်ခါနေသော မျိုးရိုးဗီဇပေါင်းဖိုက လည်ပတ်မှု ရပ်တန့်သွားပြီး မကြာမီမှာပင် စက်လုံးကြီးက ပွင့်လာလေသည်။

ထိုအခါ အထဲမှ အရောင်လက်ကာ ကြည်လင်နေသော ကောင်းကင်ပြာရောင် သလင်းကျောက်တစ်ခုက လူတိုင်း၏ မျက်စိရှေ့တွင် ပေါ်လာတော့သည်။

ဤကောင်းကင်ပြာရောင် သလင်းကျောက်မှာ မှိန်ဖျော့ဖျော့ ပြာလဲ့လဲ့ အလင်းရောင်ကို ဖြာထွက်နေသည်ကို တွေ့လိုက်ရသည်။

အလင်းရောင်များ လှည့်ပတ်သွားလာနေသည့်ကြားတွင် ပတ်ဝန်းကျင်ရှိ ဟင်းလင်းပြင်က ရေလှိုင်းဂယက်များသဖွယ် တရိပ်ရိပ် ဖြစ်ပေါ်လာနေပေသည်။

ဤမျှ အံ့ဩဖွယ်ကောင်းသော မြင်ကွင်းကြောင့် လူတိုင်းမှာ မျက်လုံးအပြူးသားဖြင့် အံ့အားသင့်သွားကြရသည်။

လီဟန်ကျုံးက အံ့သြတကြီးဖြင့် "ဒါက ဟင်းလင်းပြင် အမျိုးအစား မျိုးရိုးဗီဇမျိုးစေ့လား"

ဖုချီပေါ်ကလည်း မနေနိုင်ဘဲ "မျိုးရိုးဗီဇမျိုးစေ့ တစ်ခုစီတိုင်းမှာ သူ့ကိုယ်ပိုင် ထူးခြားချက်တွေ ရှိကြတာပဲ... ဒီမျိုးရိုးဗီဇမျိုးစေ့က ပတ်ဝန်းကျင်ကို သိသိသာသာ လွှမ်းမိုးနေတယ်"

လင်းယွမ်က လက်ကို ဆန့်ထုတ်လိုက်သည်နှင့် ထိုဟင်းလင်းပြင် အမျိုးအစား မျိုးရိုးဗီဇမျိုးစေ့က သူ၏ လက်ဖဝါးထဲသို့ လွင့်ပျံလာတော့သည်။

၎င်းအတွင်းမှ စွမ်းအင်လှိုင်းများကို ခံစားလိုက်ရပြီးနောက် လင်းယွမ်ကလည်း အပြုံးတစ်ခု ပေါ်လာလေသည်။

"ဒီမျိုးရိုးဗီဇမျိုးစေ့နဲ့ဆိုရင် ငါ နောက်ထပ် ဟင်းလင်းပြင် မျိုးရိုးဗီဇမျိုးစေ့ကို ပေါင်းစည်းဖို့က အများကြီး ပိုလွယ်သွားပြီ"

"မျိုးရိုးဗီဇ အသွင်တစ်ရာ အစွမ်းနဲ့ဆို... ဒီမျိုးရိုးဗီဇမျိုးစေ့ကို နမူနာပုံစံအဖြစ် သုံးပြီး ငါ့အတွက် သီးသန့်ဖြစ်တဲ့ ဟင်းလင်းပြင် မျိုးရိုးဗီဇမျိုးစေ့ကို တိုက်ရိုက် ပေါင်းစည်းနိုင်ပြီ"

ထို့နောက် သူက မျိုးရိုးဗီဇမျိုးစေ့ကို အာရုံစူးစိုက်ကာ သန့်စင်ပြီး မျိုးရိုးဗီဇ အသွင်တစ်ရာကို ဒုတိယမြောက် မျိုးရိုးဗီဇမျိုးစေ့ ပြောင်းလဲခြင်း လမ်းစဉ်အဖြစ် နိုးထလာစေရန် လိုအပ်ကြောင်း လင်းယွမ်က စိတ်ထဲမှ တိတ်တဆိတ် တွေးလိုက်သည်။

"ပါမောက္ခလီ... ကျွန်တော့်ဆီမှာ မျိုးရိုးဗီဇမျိုးစေ့ သန္ဓေပြောင်း သတ္တဝါတွေရဲ့ သွေးအဆီအနှစ်တွေ အများကြီး ကျန်သေးတယ်... ခင်ဗျားတို့ ဒီအတောအတွင်းမှာ ဒီသွေးအဆီအနှစ်တွေကို မျိုးရိုးဗီဇမျိုးစေ့အဖြစ် ထုတ်ယူပေးဖို့ တာဝန်ယူပေးပါ"

"အခုကစပြီး ကျွန်တော်တို့ ထိုက်ယန်တောင်က မျိုးရိုးဗီဇမျိုးစေ့ ခေတ်သစ်ထဲကို အပြေးအလွှား ဝင်ရောက်ရတော့မယ်"

"တခြားသူတွေ လာတိုက်ခိုက်တာကို ခံရပြီး ပြန်မတိုက်နိုင်တဲ့ အဖြစ်မျိုးကို ဘယ်တော့မှ ထပ်အဖြစ်မခံနိုင်တော့ဘူး"

လင်းယွမ်၏ စကားများကြောင့် သုတေသနဌာနမှ လူတိုင်းက ချက်ချင်းပင် လေးနက်သော မျက်နှာထားများ ဖြစ်သွားကြသည်။

ပါမောက္ခလီက ချက်ချင်းပင် "ဆရာလင်း... စိတ်သာ ချထားပါ... ဒီကိစ္စကို ကျွန်တော်တို့ဆီသာ လွှဲထားလိုက်"

ဖုချီပေါ်ကလည်း ခေါင်းညိတ်ကာ "ဆရာလင်း စိတ်ချပါ... မျိုးရိုးဗီဇမျိုးစေ့ ထုတ်ယူတဲ့ ကိစ္စ ကျွန်တော်တို့တာဝန်သာထား"

လင်းယွမ်က ပြုံး၍ ခေါင်းညိတ်ပြလိုက်ကာ "ဒါဆိုလည်း ကောင်းပါပြီ"

သူက လူတိုင်းကို အားပေးစကား အနည်းငယ် ပြောကြားပြီးနောက် သုတေသနဌာနမှ ထွက်ခွာလာခဲ့သည်။

အိမ်သို့ မပြန်တော့ဘဲ သူက ထိုက်ယန်တောင်၏ အလယ်ဗဟိုသို့ ဦးတည်သွားကာ သူ အထူး တည်ဆောက်ထားသော တောင်ပေါ်မှ လျှို့ဝှက်ခန်း အတွင်းသို့ ဝင်ရောက်သွားလေသည်။

"ဒီအတောအတွင်းငါ တကယ်ကို အလုပ်များနေတာ... အခုမှပဲ အားတော့တယ်... ဒီဟင်းလင်းပြင် အမျိုးအစား မျိုးရိုးဗီဇမျိုးစေ့ကို အရင် သန့်စင်ရမယ်"

"ဒီမျိုးရိုးဗီဇမျိုးစေ့ကို သန့်စင်လိုက်ရင် ဘယ်လို မျိုးရိုးဗီဇမြေပုံ ရလာမလဲ... ပြီးတော့ ဘယ်လို အစွမ်းမျိုး ရလာမလဲ ဆိုတာ မသိသေးဘူး"

လင်းယွမ်၏ မျက်လုံးများက အနည်းငယ် တလက်လက် တောက်ပသွားပြီး အနည်းငယ်မျှ တွေဝေခြင်း မရှိဘဲ ဤဟင်းလင်းပြင် အမျိုးအစား မျိုးရိုးဗီဇမျိုးစေ့ကို ပါးစပ်ထဲသို့ တိုက်ရိုက် မျိုချလိုက်လေသည်။

နောက်တစ်စက္ကန့်တွင် ဟင်းလင်းပြင် အမျိုးအစား မျိုးရိုးဗီဇမျိုးစေ့က သူ၏ ဝမ်းဗိုက်ထဲသို့ လျင်မြန်စွာ လျှောကျသွားတော့သည်။

လင်းယွမ်၏ ခန္ဓာကိုယ်တွင်းရှိ မျိုးရိုးဗီဇများက ချက်ချင်းပင် လှုပ်ရှားတက်ကြွလာပြီး အသွင်တစ်ရာ မျောက်ဝံမိစ္ဆာ မျိုးရိုးဗီဇမျိုးစေ့က စွမ်းအင်အစုအဝေး တစ်ခုအဖြစ် တိုက်ရိုက် ပြောင်းလဲသွားကာ ဤဟင်းလင်းပြင် အမျိုးအစား မျိုးရိုးဗီဇမျိုးစေ့ကို ရစ်ပတ်ဖုံးလွှမ်းသွားသည်။

ထို့နောက် အသွင်တစ်ရာ မျောက်ဝံမိစ္ဆာ မျိုးရိုးဗီဇမျိုးစေ့က အလွန် လျင်မြန်သော အလျင်ဖြင့် ဤမျိုးရိုးဗီဇမျိုးစေ့ကို စတင် အရည်ပျော်စေတော့သည်။

တစ်ဖက်မှ အရည်ပျော်စေရင်း အခြားတစ်ဖက်မှလည်း ဖွဲ့စည်းပုံကို စတင် ပြန်လည် တည်ဆောက်နေခဲ့သည်။

အသွင်တစ်ရာ အစွမ်းက တဖြည်းဖြည်း စတင် ပေါ်ထွက်လာလေသည်။

လုံးဝ အသစ်စက်စက် ဟင်းလင်းပြင် အမျိုးအစား မျိုးရိုးဗီဇမျိုးစေ့ တစ်ခုက အလျင်အမြန် ပုံပေါ်လာနေပေသည်။

တစ်ချိန်တည်းမှာပင် လင်းယွမ်၏ ခန္ဓာကိုယ်တွင်းရှိ မျိုးရိုးဗီဇများကလည်း လျင်မြန်စွာ ပြောင်းလဲသွားနေသည်။

သန္ဓေပြောင်းစွမ်းအင်များကလည်း မည်သည့်အမျိုးအစားမှ မရှိသော အခြေအနေမှနေ၍ ဟင်းလင်းပြင် အမျိုးအစား အခြေအနေသို့ လျင်မြန်စွာ ပြောင်းလဲသွားတော့သည်။

အသွင်တစ်ရာ မျိုးရိုးဗီဇမှာ မည်သည့် မျိုးရိုးဗီဇ ပုံစံမျိုးကိုမဆို ပြောင်းလဲနိုင်စွမ်း ရှိပေသည်။

ဟင်းလင်းပြင် အမျိုးအစား မျိုးရိုးဗီဇကလည်း သဘာဝကျကျပင် ထိုအထဲတွင် ပါဝင်နေပေသည်။

အချိန်များက တရွေ့ရွေ့ ကုန်ဆုံးသွားပြီး လင်းယွမ်၏ ခန္ဓာကိုယ် တစ်ခုလုံးရှိ မျိုးရိုးဗီဇများက ပုံတူကူးကာ ပြောင်းလဲနေကြပြီး ဟင်းလင်းပြင် အမျိုးအစား မျိုးရိုးဗီဇကို အဆက်မပြတ် ဖန်တီးနေကြသည်။

အချိန်မည်မျှ ကြာသွားသည်ကိုတော့ မသိရပေ။

လင်းယွမ်က သူ၏ ခန္ဓာကိုယ်ကြီး ပြင်းထန်စွာ တုန်ခါသွားသည်ကို ရုတ်တရက် ခံစားလိုက်ရသည်။

သူက မျက်လုံးများကို ရုတ်တရက် ဖွင့်လိုက်ရာ သူ၏ မျက်လုံးအစုံတွင် အလင်းရောင်များ တောက်ပနေပြီး ကောင်းကင်ပြာရောင် မျက်လုံးအလင်းတန်းများက အနည်းငယ် လက်လဲ့သွားတော့သည်။

"အောင်မြင်ပြီ"

သူ၏ ခန္ဓာကိုယ်တွင်းရှိ မျိုးရိုးဗီဇ အများစုမှာ ဟင်းလင်းပြင် အမျိုးအစား မျိုးရိုးဗီဇများအဖြစ် လုံးဝ ပြောင်းလဲသွားပြီ ဖြစ်ကြောင်း သူ ခံစားသိရှိလိုက်ရသည်။

သူ၏ နှလုံးသားနေရာမှနေ၍ ကောင်းကင်ပြာရောင် သန္ဓေပြောင်းစွမ်းအင်များက ပန်းထွက်လာကာ ခန္ဓာကိုယ် တစ်ခုလုံးသို့ စီးဆင်းလည်ပတ်သွားလေသည်။

တစ်ချိန်တည်းမှာပင် လင်းယွမ်၏ စိတ်ပင်လယ်ထဲသို့ ဟင်းလင်းပြင် အမျိုးအစား မျိုးရိုးဗီဇ လက်ဆင့်ကမ်း အမွေအနှစ် လျှို့ဝှက်ချက် အမြောက်အမြား ဝင်ရောက်လာတော့သည်။

လင်းယွမ်က မျက်လုံးကို မှိတ်ကာ မျိုးရိုးဗီဇ အတွင်းရှိ အမွေအနှစ် အချက်အလက်များကို ခံစားနားလည်နိုင်ရန် ကြိုးစားလိုက်သည်။

အချိန်အတန်ကြာပြီးနောက် လင်းယွမ်က မျက်လုံးများကို ထပ်မံ ဖွင့်လိုက်လေသည်။

သူ၏ မျက်လုံးများက တလက်လက် တောက်ပနေပြီး ရုတ်တရက် လက်ကို ဆန့်ထုတ်၍ ဝှေ့ယမ်းလိုက်သည်။

သူ၏ ရှေ့ရှိ ဟင်းလင်းပြင်တွင် တံခါးပေါက်တစ်ခု ရုတ်တရက် ပေါ်လာတော့သည်။

လင်းယွမ်က ခြေလှမ်းလှမ်း၍ ထိုအထဲသို့ ဝင်ရောက်သွားသည်။

တစ်ချိန်တည်းမှာပင် ထိုက်ယန်တောင်၏ အပြင်ဘက် လေဟာနယ်တွင် ရုတ်တရက် ဟင်းလင်းပြင် လှိုင်းများ ထကြွလာပြီး ရေလှိုင်းများကဲ့သို့ လှိုင်းကြက်ခွပ်များ ဖြစ်ပေါ်လာလေသည်။

ထို့နောက် ဟင်းလင်းပြင် လိမ်ကောက်နေသော တံခါးပေါက်တစ်ခု ပေါ်လာပြီး လင်းယွမ်က ထိုအထဲမှ ခြေလှမ်းလှမ်းကာ ထွက်ပေါ်လာတော့သည်။

"ဟင်းလင်းပြင် နေရာရွှေ့ပြောင်းခြင်း"

လင်းယွမ်က လေဟာနယ်ထဲတွင် ရပ်နေရင်း သူ၏ မျက်နှာပေါ်တွင် အပြုံးတစ်ခု ပေါ်လာလေသည်။

ဟင်းလင်းပြင် အမျိုးအစား မျိုးရိုးဗီဇမျိုးစေ့ကို ပေါင်းစည်းပြီးနောက်တွင် သူက ဟင်းလင်းပြင် နေရာရွှေ့ပြောင်းခြင်းကို တိုက်ရိုက်ပင် အသုံးပြုနိုင်နေပြီ ဖြစ်သည်။

"လီချင်းဟွာရဲ့ ဟင်းလင်းပြင် နေရာရွှေ့ပြောင်းခြင်းက သူ့ရဲ့ စိတ်စွမ်းအင် အားနည်းလို့ အကန့်အသတ် ရှိနေတယ်... လောလောဆယ်တော့ ရှင်းမြွေမိစ္ဆာ ဟင်းလင်းပြင်ထဲမှာပဲ ဟင်းလင်းပြင် နေရာရွှေ့ပြောင်းခြင်းကို လုပ်နိုင်တယ်"

"ဒါပေမဲ့ အပြင်လောကရဲ့ ဟင်းလင်းပြင် အကာအရံက အရမ်း ခိုင်မာလွန်းလို့... သူ့ရဲ့ စိတ်စွမ်းအင်က ဟင်းလင်းပြင် အကာအရံကို မချိုးဖျက်နိုင်တော့ ဒီအစွမ်းကို အသုံးမချနိုင်ဘူး"

"ဒါပေမဲ့ ငါ့ရဲ့ စိတ်စွမ်းအင်က ၈၃.၅ အထိ ရှိနေတဲ့အတွက်... ဟင်းလင်းပြင် ဆုံမှတ်တွေကို ခံစားသိရှိနိုင်ပြီး အဲဒီ ဟင်းလင်းပြင် ဆုံမှတ်တွေရဲ့ အကူအညီနဲ့ ဟင်းလင်းပြင် အကာအရံကို ချိုးဖျက်၊ ဟင်းလင်းပြင် လမ်းကြောင်းကို ဖွင့်ပြီး ဟင်းလင်းပြင် နေရာရွှေ့ပြောင်းခြင်းကို လုပ်နိုင်တာ"

"ဟင်းလင်းပြင် ဆုံမှတ်တွေကို ဂရုစိုက်စရာ မလိုဘဲ... ဟင်းလင်းပြင် လမ်းကြောင်းကို အတင်းအဓမ္မ တိုက်ရိုက် ဖွင့်နိုင်ဖို့အတွက်... စိတ်စွမ်းအင်က ဘယ်အဆင့်အထိ ရောက်ဖို့ လိုမလဲ ဆိုတာကိုတော့ မသိသေးဘူး"

လင်းယွမ်၏ မျက်လုံးများက တလက်လက် တောက်ပနေပြီး ဟင်းလင်းပြင် နေရာရွှေ့ပြောင်းခြင်း အစွမ်းက သူ၏ ရွေ့လျားမှု အလျင်ကို များစွာ တိုးတက်စေခဲ့သည်။

တစ်ခုတည်းသော ပြဿနာမှာ လက်ရှိ သူ၏ စိတ်စွမ်းအင် အားကောင်းမှုအရ ဟင်းလင်းပြင် နေရာရွှေ့ပြောင်းခြင်း ပြုလုပ်ရာတွင် များသောအားဖြင့် ဟင်းလင်းပြင် ဆုံမှတ် နေရာများသို့သာ ရွှေ့ပြောင်းနိုင်ခြင်း ဖြစ်သည်။

နောက်တစ်ချက်မှာ ဟင်းလင်းပြင် နေရာရွှေ့ပြောင်းခြင်း အစွမ်းသည် စိတ်စွမ်းအင် အနည်းအများ၏ လွှမ်းမိုးမှုကြောင့် ကန့်သတ်ချက် ရှိနေခြင်း ဖြစ်သည်။

အခြေခံအားဖြင့် ရွှေ့ပြောင်းနိုင်သော အကွာအဝေးမှာ စိတ်စွမ်းအင် လွှမ်းခြုံနိုင်သော အတိုင်းအတာ အတွင်း၌သာ ဖြစ်သည်။

စိတ်စွမ်းအင် လွှမ်းခြုံနိုင်သော အတိုင်းအတာကို ကျော်လွန်သွားပါက ရွှေ့ပြောင်းခြင်းတွင် တိကျသော နေရာသတ်မှတ်ချက် ရှိတော့မည် မဟုတ်ပေ။

မည်သည့် ဟင်းလင်းပြင် ဆုံမှတ်ဆီသို့ ရောက်သွားမည်ကိုလည်း မှန်းဆ၍ မရနိုင်တော့ချေ။

မိမိ၏ လက်ရှိ စိတ်စွမ်းအင် လွှမ်းခြုံနိုင်သော အတိုင်းအတာအရ အကြမ်းဖျင်းအားဖြင့် ပေ ၁,၃၀၀ ခန့် အတွင်းတွင် စိတ်ကြိုက် ရွေ့လျားနိုင်သည်။

၎င်းက မီးစင်္ကြာ ထက် အများကြီး ပိုမြန်နေပေသည်။

"ဟင်းလင်းပြင်အက်ကွဲဓားကွက် ကို စမ်းကြည့်ရမယ်"

လင်းယွမ်က လီချင်းဟွာ အသုံးပြုခဲ့ဖူးသော ဟင်းလင်းပြင်အက်ကွဲဓားကွက် ကို သတိရသွားသည်။

ထို့နောက် သူက လက်ကို ဆန့်ထုတ်၍ လေဟာနယ်ဆီသို့ ခုတ်ပိုင်းလိုက်တော့သည်။

ချက်ချင်းပင် ရှေ့ရှိ လေဟာနယ်တွင် အပြာရောင် အက်ကွဲကြောင်းတစ်ခု ပေါ်လာလေသည်။

အက်ကွဲကြောင်း အတွင်းတွင် ဟင်းလင်းပြင် လေစီးကြောင်းများ ရှုပ်ထွေးနေပြီး လေတိုက်သံများ ဆူညံနေသည်ကို ဝေဝါးဝါး မြင်တွေ့နိုင်သည်။

အပြာရောင် အက်ကွဲကြောင်း ဖြတ်သန်းသွားသော နေရာများရှိ လေထဲမှ မိုးရေများမှာ ချက်ချင်းပင် စုပ်ယူဆွဲသွင်းခံလိုက်ရပြီး ကောင်းကင်ကြီး တစ်ခုလုံး ဆုတ်ဖြဲခံလိုက်ရသည့်အလား ပုံပေါက်နေသည်။

လင်းယွမ်မှာ မနေနိုင်ဘဲ အပြုံးတစ်ခု ပေါ်လာလေသည်။

"ဟင်းလင်းပြင်အက်ကွဲဓားကွက် ရဲ့ စွမ်းအားက တကယ်ပဲ အားကောင်းတာပဲ... ပြီးတော့ အက်ကွဲကြောင်းရဲ့ အရှည်နဲ့ အကွာအဝေးကလည်း ငါ့ရဲ့ စိတ်စွမ်းအင်နဲ့ သက်ဆိုင်နေတယ်"

ထို့နောက် လင်းယွမ်က ဤမျိုးရိုးဗီဇမျိုးစေ့၏ သီးသန့်ဖြစ်သော မွေးရာပါ အစွမ်းတစ်ခုကို ထပ်မံ စမ်းသပ်ကြည့်လိုက်သည်။

သုမာရု ဟင်းလင်းပြင်...

သူက ရွှေတုံးတစ်တုံးကို ထုတ်ယူလိုက်ပြီး အခြား လက်တစ်ဖက်ထဲမှတော့ ကောင်းကင်ပြာရောင် ဟင်းလင်းပြင် သွေးသလင်းကျောက် တစ်ခုကို ထုတ်ယူလိုက်သည်။

လက်ထဲမှနေ၍ မီးတောက်များ ပန်းထွက်လာပြီးနောက် ရွှေတုံးမှာ တဖြည်းဖြည်း အရည်ပျော်သွားတော့သည်။

လင်းယွမ်က ကောင်းကင်ပြာရောင် သွေးသလင်းကျောက်ကို အရည်ပျော်နေသော ရွှေရည်များထဲသို့ ထည့်လိုက်သည်။

စိတ်စွမ်းအင်ဖြင့် ထိန်းချုပ်မှုအောက်တွင် ရွှေများက သွေးသလင်းကျောက်ကို ရစ်ပတ်ဖုံးလွှမ်းသွားပြီးနောက် လက်စွပ်ပုံစံတစ်ခုအဖြစ် ပြောင်းလဲသွားကာ လက်စွပ်မျက်နှာပြင်တွင် ကွက်လပ် အနည်းငယ် ချန်ထားခဲ့ပြီး ကောင်းကင်ပြာရောင် သွေးသလင်းကျောက်ကို မြင်နေရစေသည်။

ဤနည်းအားဖြင့် ရွှေကို ကိုယ်ထည်အဖြစ် အသုံးပြုပြီး ဟင်းလင်းပြင် သွေးသလင်းကျောက်ကို လက်စွပ်မျက်နှာပြင်အဖြစ် အသုံးပြုထားသော လက်စွပ်တစ်ကွင်း ဖန်တီးမှု ပြီးစီးသွားလေသည်။

ဤအရာအားလုံးကို လုပ်ဆောင်ပြီးနောက် လင်းယွမ်က စိတ်စွမ်းအင်ကို အသုံးပြု၍ ဟင်းလင်းပြင် သွေးသလင်းကျောက် အတွင်းသို့ ထိုးဖောက်ဝင်ရောက်ကာ ဟင်းလင်းပြင် မျိုးရိုးဗီဇမျိုးစေ့ကို အသက်သွင်းလိုက်သည်။

နောက်တစ်စက္ကန့်တွင် ထိုဟင်းလင်းပြင် သွေးသလင်းကျောက်က ပြင်းထန်စွာ တုန်ခါသွားပြီးနောက် သွေးသလင်းကျောက် အတွင်းမှနေ၍ ထူးဆန်းသော အလင်းတန်းတစ်ခု ဖြာထွက်လာတော့သည်။

သွေးသလင်းကျောက် အတွင်းပိုင်းတွင် ထူးခြားသော ပုံစံလိုင်းများ ပေါ်လာသော်လည်း ရွှေများဖြင့် ဖုံးကွယ်ထားခြင်း ခံလိုက်ရသည်။

ခဏအကြာတွင် လင်းယွမ်က စိတ်စွမ်းအင်များကို ပြန်ရုပ်သိမ်းလိုက်သည်။

သူက မျက်စိရှေ့ရှိ လက်စွပ်ကို အကဲခတ် ကြည့်ရှုလိုက်သည်။

"သက်ရှိတွေကို ထည့်သွင်း သိမ်းဆည်းထားနိုင်တဲ့ သုမာရု ဟင်းလင်းပြင်ပဲ... ဘာတွေ ကွာခြားမှု ရှိသလဲ ဆိုတာ ကြည့်ရသေးတာပေါ့"

ထိုသို့ ပြောရင်း လင်းယွမ်၏ ခန္ဓာကိုယ်က လှုပ်ရှားသွားကာ ချက်ချင်းပင် သူ၏ တစ်ကိုယ်လုံးမှာ အလျင်အမြန် သေးငယ်သွားပြီး ပျောက်ကွယ်သွားတော့သည်။

သူ ထပ်မံ ပေါ်လာချိန်တွင်တော့ ပတ်ဝန်းကျင်မှာ ဗလာကျင်းနေသော လေဟာနယ် တစ်ခုသာ ဖြစ်နေပေသည်။

ဤနေရာတွင် ကောင်းကင်နှင့် မြေကြီး၊ ဘယ်နှင့် ညာ ခွဲခြားထားခြင်း မရှိဘဲ မျက်စိထဲ မြင်ရသမျှမှာ မီးခိုးရောင်နှင့် အဖြူရောင်စပ်နေသော ဟင်းလင်းပြင်များသာ ဖြစ်သည်။

လင်းယွမ်က ပတ်ဝန်းကျင်ရှိ လေကို ရှူရှိုက်လိုက်ပြီး စိတ်စွမ်းအင်များကို ဖြန့်ကြက်ကာ ဤဟင်းလင်းပြင်၏ အရွယ်အစားကို တိုင်းတာကြည့်လိုက်သည်။

"ကုဗပေ တစ်သောင်းလေးထောင်ခန့်တောင် မရှိဘူး... အကြမ်းဖျင်းကတော့ ငါ့ရဲ့ စိတ်စွမ်းအင် လွှမ်းခြုံနိုင်တဲ့ အတိုင်းအတာနဲ့ ညီမျှနေတယ်"

"ပြောရရင် ငါ ဖန်တီးနိုင်တဲ့ သုမာရု ဟင်းလင်းပြင်ရဲ့ အရွယ်အစားက ငါ့ရဲ့ စိတ်စွမ်းအင် လွှမ်းခြုံနိုင်တဲ့ အတိုင်းအတာနဲ့ အတူတူပဲ"

လင်းယွမ်က တစ်စုံတစ်ရာကို စဉ်းစားတွေးတောလိုက်ပြီးနောက် သူ၏ ခန္ဓာကိုယ်က လှုပ်ရှားသွားကာ ဟင်းလင်းပြင် အတွင်းမှ ထွက်ခွာလာခဲ့သည်။

သူက ထိုက်ယန်တောင် အထက်ကောင်းကင်တွင် ထပ်မံ ပေါ်လာပြီး သူ၏ စိတ်ထဲတွင် ဤသုမာရု ဟင်းလင်းပြင် အစွမ်းကို မည်သို့ အသုံးပြုရမည်ကို တွေးတောနေခဲ့သည်။

"ဟင်းလင်းပြင် လက်စွပ်က အသုံးဝင်တဲ့ အရာတစ်ခုပဲ... အနာဂတ်မှာ ဟင်းလင်းပြင် အသုံးအဆောင် ပစ္စည်းတွေကို ပိုပြီး ဖန်တီးနိုင်မယ် ဆိုရင် ဒါက ထိုက်ယန်တောင်ရဲ့ ထူးခြားတဲ့ ပစ္စည်းတစ်ခု ဖြစ်လာနိုင်ပြီး တခြား အဖွဲ့အစည်းတွေက အတုခိုးလို့ ရမှာ မဟုတ်ဘူး"

"ချိုးခုံငါး သိုလှောင်အိတ် လိုမျိုး ဟင်းလင်းပြင် အမျိုးအစား သိုလှောင်ရေး ပစ္စည်းတွေနဲ့ ယှဉ်ရင်... ငါ ဖန်တီးထားတဲ့ ဒီသုမာရု ဟင်းလင်းပြင်က အလေးချိန် ကန့်သတ်ချက် မရှိလို့ အားသာချက် ပိုများတယ်"

လင်းယွမ်က သူ၏ မေးစေ့ကို ပွတ်သပ်လိုက်သော်လည်း ဤအကြံအစည်ကို သူ စိတ်ကူးကြည့်ရုံမျှသာ ဖြစ်ပြီး လက်ရှိ အခြေအနေအရ သုမာရု ဟင်းလင်းပြင် ဖန်တီးမှုကို သူ တစ်ယောက်တည်းသာ တတ်ကျွမ်းပေသည်။

အကယ်၍ ထုတ်လုပ်ရေး ကွင်းဆက် တစ်ခုအဖြစ် ဖန်တီးရမည် ဆိုပါက သူ့ကို အသေအလဲ ပင်ပန်းစေလိမ့်မည်။

သို့သော် ဤအရာကို အနာဂတ်တွင် ထိုက်ယန်တောင်အတွက် အကျိုးပြုသူများကို ဆုချီးမြှင့်ရန်အတွက် အသုံးပြုနိုင်ပြီး ဤသို့ဆိုလျှင် ဟင်းလင်းပြင် လက်စွပ်၏ တန်ဖိုးကြီးမားမှုကို ထင်ဟပ်စေရုံသာမက သူ့ကိုလည်း အလွန်အမင်း ပင်ပန်းစေမည် မဟုတ်ပေ။

သေချာသည်မှာ ဤအရာက ထိုက်ယန်တောင်ရှိ အထက်တန်းလွှာ ခေါင်းဆောင်ပိုင်း၏ အဆင့်အတန်း သင်္ကေတတစ်ခုလည်း ဖြစ်လာနိုင်ပေသည်။

လင်းယွမ်၏ စိတ်ကူးများက လည်ပတ်နေခဲ့သည်။ "ဒီသုမာရု ဟင်းလင်းပြင်ကို တိုက်ပွဲထဲမှာ သုံးလို့ မရနိုင်ဘူးလား"

"ဟင်းလင်းပြင် အကျဉ်းထောင်"

လင်းယွမ်က ဤကဲ့သို့ အသုံးပြုနိုင်မည့် နည်းလမ်းကို ချက်ချင်း တွေးမိသွားသည်။

သူက သုမာရု ဟင်းလင်းပြင်ကို ဖန်တီးကာ ရန်သူများကို ထိုအထဲသို့ စုပ်ယူပြီး ပိတ်လှောင်ထားနိုင်သည်။

သေချာသည်မှာ ဤကဲ့သို့သော သုမာရု ဟင်းလင်းပြင်၏ ခိုင်မာမှုမှာ မိမိ၏ စိတ်စွမ်းအင် အားကောင်းမှုနှင့် သက်ဆိုင်နေသည်။

တစ်ဖက်လူ၏ စွမ်းအားက အံ့မခန်း ဖြစ်နေမည် ဆိုပါက ပိတ်လှောင်ထားနိုင်မည် မဟုတ်ပေ။

သို့သော် မိမိတွင် စနစ် ရှိနေသဖြင့် သူ၏ စိတ်စွမ်းအင်များက တဟုန်ထိုး မြင့်တက်လာမည်သာ ဖြစ်ပြီး သူ့ထက် ပို၍ စွမ်းအားကြီးမားသောသူ ရှိလာရန် မဖြစ်နိုင်ကြောင်း လင်းယွမ်က ယုံကြည်မှု ရှိနေသည်။

"အကျဉ်းထောင်အဖြစ် သုံးလို့ ရမှတော့ ဘာလို့ အကာအကွယ် အနေနဲ့ သုံးလို့ မရရမှာလဲ"

"အန္တရာယ်ကြုံရတဲ့ အချိန်တွေမှာ အဖွဲ့ဝင်တွေကို သုမာရု ဟင်းလင်းပြင်ထဲ ထည့်ပြီး ကာကွယ်ပေးထားလို့ ရတယ်"

လင်းယွမ်က အခြား အသုံးပြုနည်း တစ်ခုကို ထပ်မံ တွေးမိသွားပြီး မနေနိုင်ဘဲ ရယ်မောလိုက်လေသည်။

တစ်ချိန်တည်းမှာပင် သူ၏ ဤသုမာရု ဟင်းလင်းပြင်နှင့် နိချီ၏ သုမာရု မုန်ညင်းစေ့ အစွမ်းတို့ကြားတွင် တူညီမှု တစ်ခုခု ရှိနေမလား ဆိုသည်ကို သူ ထပ်မံ စဉ်းစားမိသွားသည်။

"တကယ်လို့ နိချီက သုမာရု မုန်ညင်းစေ့ အစွမ်းကို အသုံးပြုပြီး ကုန်ပစ္စည်း အများကြီးကို သေးငယ်သွားအောင် လုပ်လိုက်မယ်... ပြီးမှ ငါ ဖန်တီးထားတဲ့ သုမာရု ဟင်းလင်းပြင်ထဲကို ထည့်လိုက်မယ် ဆိုရင် သုမာရု ဟင်းလင်းပြင်ရဲ့ အသုံးဝင်မှုက သေချာပေါက် အများကြီး တိုးတက်လာမှာပဲ"

လင်းယွမ်မှာ တွေးလေတွေးလေ ပို၍ စိတ်ဝင်စားစရာ ကောင်းလာသည်ဟု ခံစားရလေ ဖြစ်ကာ သူ၏ ကိုယ်ပိုင် အချက်အလက်များကို စစ်ဆေးကြည့်လိုက်သည်။

တကယ်ပင် မျိုးရိုးဗီဇမျိုးစေ့ နေရာတွင် အပြောင်းအလဲ အသစ်တစ်ခု ပေါ်လာခဲ့ပြီ ဖြစ်သည်။

ဆက်ရန်...

အပိုင်း (၅၂၆) ကျွမ်းရှုယွမ် လာရောက် သတင်းပို့ခြင်း

အမည် - လင်းယွမ်

ခန္ဓာကိုယ်ကြံ့ခိုင်မှု - ၈၂

ခွန်အား - ၉၂

အလျင် - ၈၀

စိတ်စွမ်းအင် - ၈၃.၅

ဘုံအရည်အသွေးမှတ်များ - ဝ

မျိုးရိုးဗီဇမျိုးစေ့ - အသွင်တစ်ရာ မျောက်ဝံမိစ္ဆာ၊ ရေခဲမြေရိုင်းဝက်ဝံ၊ သုမာရု ဟင်းလင်းပြင် ပုရွက်ဆိတ်

မျိုးရိုးဗီဇမြေပုံ - အသွင်တစ်ရာ မျောက်ဝံမိစ္ဆာ (အခြေခံအဆင့်)၊ ရေခဲမြေရိုင်းဝက်ဝံ (အခြေခံအဆင့်)၊ သုမာရု ဟင်းလင်းပြင် ပုရွက်ဆိတ် (အခြေခံအဆင့်)

ပင်ကိုယ်အစွမ်း - မျိုးရိုးဗီဇ အသွင်တစ်ရာ၊ သုမာရု ဟင်းလင်းပြင်

အစွမ်းများ - ကြွက်သားပေါက်ကွဲအစွမ်း...

အမှတ် - ၄၀၁၁၈၉

...

"သုမာရု ဟင်းလင်းပြင် ပုရွက်ဆိတ်... ဒါက ငါစုစည်းနိုင်ခဲ့တဲ့ ဟင်းလင်းပြင်အမျိုးအစား မျိုးရိုးဗီဇမျိုးစေ့ရဲ့ နာမည်လား"

လင်းယွမ်က တွေးတောနေဟန်ဖြင့် သုမာရု ဟင်းလင်းပြင် ပုရွက်ဆိတ်၏ မျိုးရိုးဗီဇမြေပုံပေါ်သို့ အာရုံစိုက်လိုက်သည်။

အမည် - သုမာရု ဟင်းလင်းပြင် ပုရွက်ဆိတ်

အမျိုးအစား - အဆင့်မြင့် (သံကြိုးနှစ်ထပ်)

ဖော်ပြချက် - သုမာရု ဟင်းလင်းပြင် ပုရွက်ဆိတ်၏ ခန္ဓာကိုယ်အတွင်းရှိ မျိုးရိုးဗီဇ အစိတ်အပိုင်းများမှ ပေါင်းစပ်ဖွဲ့စည်းထားသော မျိုးရိုးဗီဇမျိုးစေ့ ဖြစ်သည်။

ပင်ကိုယ်အစွမ်း - သုမာရု ဟင်းလင်းပြင် (အခြေခံအဆင့်ဖွဲ့စည်းခြင်း)

လင်းယွမ်က အနည်းငယ် ကြောင်အမ်းသွားခဲ့သည်၊ သုမာရု ဟင်းလင်းပြင် ပုရွက်ဆိတ်၏ ဖော်ပြချက်က ရေခဲမြေရိုင်းဝက်ဝံ မျိုးရိုးဗီဇမျိုးစေ့ထက် များစွာ ပို၍ အသေးစိတ်ကျနေလေသည်။

ပင်ကိုယ်အစွမ်း ဖော်ပြချက်ပင် ပါဝင်နေသေးတော့သည်။

ရေခဲမြေရိုင်းဝက်ဝံ၌ ပင်ကိုယ်အစွမ်း မရှိခဲ့သည်ကို သိထားရမည် ဖြစ်သည်။

ရေခဲမြေရိုင်းဝက်ဝံ၏ မျိုးရိုးဗီဇမျိုးစေ့က လင်းယွမ်ကို ပေးစွမ်းနိုင်သော အကြီးမားဆုံး အကျိုးကျေးဇူးမှာ ရေခဲဓာတ် အစွမ်းများ၏ စွမ်းအားကို သိသိသာသာ မြင့်တက်သွားစေခြင်းပင် ဖြစ်သည်။

သုမာရု ဟင်းလင်းပြင် ပုရွက်ဆိတ်၏ ပင်ကိုယ်အစွမ်းနောက်တွင် အခြေခံအဆင့်ဖွဲ့စည်းခြင်း ဆိုသည့် မှတ်ချက်တစ်ခု ရှိနေသည်ကို လင်းယွမ် သတိပြုမိသွားခဲ့သည်။

လင်းယွမ်က သေချာစွာ စစ်ဆေးကြည့်ပြီးနောက် တဖြည်းဖြည်းနှင့် နားလည်သဘောပေါက်သွားလေသည်။

"အခြေခံအဆင့်ဖွဲ့စည်းခြင်းဆိုတာက မျိုးရိုးဗီဇမြေပုံ အခြေခံအဆင့်မှာတင် ထွက်ပေါ်လာနိုင်တဲ့ ပင်ကိုယ်အစွမ်းကို ပြောတာပဲ"

"ဒါ့အပြင် သုမာရု ဟင်းလင်းပြင် ပုရွက်ဆိတ်က သံကြိုးနှစ်ထပ် မျိုးရိုးဗီဇမြေပုံ အမျိုးအစားထဲမှာ ပါဝင်နေတာပဲ... ဒီ သံကြိုးနှစ်ထပ် မျိုးရိုးဗီဇနဲ့ သံကြိုးတစ်ထပ် မျိုးရိုးဗီဇက ဘာကွာလို့လဲ"

လင်းယွမ်က မျက်မှောင်ကြုတ်သွားခဲ့ကာ ထိုအရာများကြားရှိ ကွာခြားချက်များကို သိပ်ပြီး နားမလည်နိုင်ဖြစ်နေခဲ့သည်။

သို့သော် ယခုအချိန်တွင် သုမာရု ဟင်းလင်းပြင် ပုရွက်ဆိတ် မျိုးရိုးဗီဇမျိုးစေ့၏ အစွမ်းထက်မြက်မှုကို သူ ရှင်းလင်းပြတ်သားစွာ ခံစားနေရသည်မှာတော့ ယုံမှားသံသယဖြစ်ဖွယ် မရှိပေ။

ယနေ့ခေတ်တွင် သူက ဟင်းလင်းပြင်အမျိုးအစား အစွမ်းပိုင်ရှင်တစ်ယောက် ဖြစ်ကြောင်း အပြင်လူများကို တိုက်ရိုက်ပင် ရဲရဲတင်းတင်း ပြောပြနိုင်နေပြီ ဖြစ်သည်။

စနစ်၏ ပစ္စည်းသိုလှောင်ခန်းကို အသုံးပြု၍ ဟန်ဆောင်နေရန် မလိုအပ်တော့ချေ။

"ဝှစ်"

လင်းယွမ်၏ ကိုယ်နေဟန်ထားက ရုတ်တရက် ရွေ့လျားသွားပြီး ပေတစ်ထောင်ကျော်အကွာ၌ သူ၏ပုံရိပ်က ပြန်လည် ထွက်ပေါ်လာခဲ့ကာ အကြိမ်အနည်းငယ် နေရာရွှေ့ပြောင်းပြီးနောက် ထိုက်ယန်တောင် ဈေးဝယ်စင်တာရှိ ခေါင်းဆောင်စံအိမ်သို့ ပြန်လည် ရောက်ရှိသွားတော့သည်။

ခေါင်းဆောင်စံအိမ်အပြင်ဘက်တွင် ရင်းနှီးနေသော ပုံရိပ်တစ်ခုက တံခါးဝ၌ ရပ်နေပြီး အိမ်ထဲသို့ အကြိမ်ကြိမ် လှမ်းကြည့်နေသော်လည်း လင်းယွမ်၏ အရိပ်အယောင်ကိုပင် မတွေ့ရသဖြင့် သူမ၏မျက်နှာပေါ်၌ စိတ်ပျက်အားငယ်သည့် အရိပ်အယောင်များ ပေါ်လွင်နေခဲ့သည်။

"ပြန်မရောက်သေးဘူးလား... ဟင်း"

ကျွမ်းရှုယွမ်က သက်ပြင်းတစ်ချက်ချလိုက်ပြီး အိမ်ပြန်ရန် ပြင်လိုက်လေသည်။

ရုတ်တရက် သူမ၏ ခါးနှင့် ဝမ်းဗိုက်တို့ တင်းကျပ်သွားသဖြင့် သူမ၏ မျက်နှာအမူအရာက ချက်ချင်း ပြောင်းလဲသွားခဲ့သည်။

"ဘယ်သူလဲ"

သူမ တုံ့ပြန်ရန် အချိန်ပင်မရလိုက်ဘဲ မျက်စိရှေ့တွင် ရုတ်တရက် မှုန်ဝါးသွားပြီး သတိပြန်ဝင်လာချိန်၌မူ စိမ်းသက်နေသော ဟင်းလင်းပြင်နယ်မြေ တစ်ခုထဲသို့ ရောက်ရှိနေပြီဖြစ်ကြောင်း အံ့ဩဖွယ် တွေ့လိုက်ရသည်။

ထိုဟင်းလင်းပြင်က မီးခိုးရောင်သန်းနေကာ ပတ်ဝန်းကျင်၌ မည်သည့်ပစ္စည်းမျှ ရှိမနေခဲ့ပေ။

ဗလာကျင်းနေသော ဟင်းလင်းပြင်ထဲတွင် အရှေ့အနောက်၊ တောင်မြောက်ကိုပင် ခွဲခြား၍မရနိုင်အောင် ဖြစ်နေလေသည်။

ကျွမ်းရှုယွမ်၏ နှလုံးသားက အတားအဆီးမဲ့စွာ ခုန်ပေါက်နေခဲ့ပြီး ဤမျှရုတ်တရက်ဆန်လှသော အပြောင်းအလဲကို ရင်ဆိုင်ရချိန်တွင် မည်သို့လုပ်ရမည်ကို မသိဘဲ ကမောက်ကမ ဖြစ်သွားတော့သည်။

သူမ၏ အနောက်ဘက်ရှိ လူက လက်တစ်ဖက်ဖြင့် သူမ၏ နူးညံ့ပျော့ပျောင်းသော ခါးလေးကို ဖက်တွယ်ထားပြီး အခြားလက်တစ်ဖက်ကမူ ခွဲထားသော သူမ၏ ရင်ဖုံးအင်္ကျီရှည်ထဲသို့ တိုးဝင်လာခဲ့ပြီ ဖြစ်သည်။

ကျွမ်းရှုယွမ်၏ မျက်နှာက ချက်ချင်း ပြောင်းလဲသွားပြီး အလန့်တကြား အော်ဟစ်လိုက်သည်။ "မလုပ်ပါနဲ့"

သူမက ခေါင်းကိုမော့လိုက်ရာ နှင်းပွင့်ကဲ့သို့ ဖြူဖွေးနေသော လည်တိုင်လေး ပေါ်လာပြီး အနောက်ဘက်သို့ လှည့်ကြည့်ရန် အစွမ်းကုန် ကြိုးစားလိုက်သည်။

တစ်ချိန်တည်းမှာပင် သူမ၏ လက်နှစ်ဖက်ဖြင့် မိမိ၏ ရင်ဖုံးအင်္ကျီရှည်ကို ဖိထားကာ ထိုလက်ကြီးကို တားဆီးရန် ပြင်လိုက်သည်။

သို့သော် ထိုသို့ ခေါင်းမော့လိုက်ချိန်တွင် အနောက်ဘက်ရှိ လူက ရုတ်တရက် ခေါင်းငုံ့လာပြီး သူမ၏ ဖြူဖွေးနေသော လည်တိုင်လေးကို ပြင်းပြင်းထန်ထန် နမ်းရှုံ့တိုက်ခိုက်လိုက်တော့သည်။

ခဏအကြာတွင် ကျွမ်းရှုယွမ် တစ်ကိုယ်လုံး တုန်ရီသွားခဲ့ပြီး လည်တိုင်တစ်လျှောက် ကြက်သီးမွေးညင်းများပင် ထလာခဲ့ရသည်။

ဤနေရာသည် သူမ၏ အထိခိုက်မခံဆုံး နေရာဖြစ်ကြောင်း မည်သူမျှ သိမထားပေ၊ သူမက မာနကြီးသော မိန်းမတစ်ယောက် ဖြစ်သဖြင့် မည်သူ့ကိုမျှ ဖွင့်ပြောပြခဲ့ဖူးခြင်း မရှိချေ။

သို့သော် ရောက်လာသူက သူမ၏ ခန္ဓာကိုယ်ကို အလွန် ရင်းနှီးကျွမ်းဝင်နေသည့်အလား မျက်စိတစ်မှိတ်အတွင်းမှာပင် သူမ၏ အားနည်းချက်ကို ထိန်းချုပ်သွားနိုင်ခဲ့သည်။

သူမ၏ အသက်ရှူနှုန်းများက ချက်ချင်း မြန်ဆန်လာကာ တုန်ရီနေသော အသံဖြင့် မေးလိုက်သည်။ "လင်း... လင်းယွမ်... ရှင်လား"

သူမက ရောက်လာသူမှာ မည်သူဖြစ်ကြောင်းကို ခန့်မှန်းမိပြီး ဖြစ်သည်။

လင်းယွမ်၏ ခန္ဓာကိုယ်မှ ထွက်ပေါ်နေသော အငွေ့အသက်များက သူမကို စွဲလမ်းစေခဲ့ဖူးသည်၊ အာဏာကို ချုပ်ကိုင်ထားနိုင်သော ထိုကဲ့သို့ ယောက်ျားမျိုးက သူမကို အရူးအမူးဖြစ်စေလောက်သည့် ဆွဲဆောင်မှုမျိုး ပိုင်ဆိုင်ထားလေသည်။

အနောက်ဘက်ရှိ လူ၏ မျက်နှာကို မမြင်ရလျှင်ပင် သူမ၏ ပင်ကိုယ်အသိစိတ်ကို အားကိုး၍ ရောက်လာသူကို ခန့်မှန်းနိုင်ခဲ့သည်။

စိတ်ဖတ်သည့် အစွမ်းနှင့် ပတ်သက်၍မူ သူမက အာရုံခံနိုင်စွမ်း မရှိပေ၊ အဘယ်ကြောင့်ဆိုသော် အနောက်ဘက်ရှိ လူ၏ စိတ်စွမ်းအင်က သူမထက် များစွာ သာလွန်မြင့်မားနေသောကြောင့် ဖြစ်သည်။

"အော်... မင်း ခန့်မှန်းမိသွားတာလား"

လင်းယွမ်က သဲ့သဲ့မျှ ရယ်မောလိုက်သော်လည်း သူ၏ လက်လှုပ်ရှားမှုများကမူ ရပ်တန့်မသွားခဲ့ပေ။

ကျွမ်းရှုယွမ်၏ အသက်ရှူနှုန်းများက ပြင်းထန်လာပြီး စိတ်လှုပ်ရှားကာ ရင်ခုန်လာမိသည်။

မကြာမီမှာပင် သူမ၏ နှင်းပွင့်ကဲ့သို့ ဖြူဖွေးနေသော ပေါင်တံနှစ်ချောင်းက ပေါ်လွင်လာပြီး ခြေအိတ်ရှည်များက အပြီးတိုင် ချွတ်ချခံလိုက်ရသည်။

ရုတ်တရက် သူမ၏ တစ်ကိုယ်လုံးက အရှေ့ဘက်သို့ ကော့တက်သွားပြီး မသိလိုက်မသိဘာသာ အော်ဟစ်မိသွားတော့သည်။

လင်းယွမ်က ပြုံးရယ်လျက် မေးလိုက်သည်။ "ခေါင်းဆောင်စံအိမ် အပြင်ဘက်မှာ ခိုးကြောင်ခိုးဝှက်နဲ့ ဘာလုပ်နေတာလဲ"

ကျွမ်းရှုယွမ်၏ မျက်နှာက နီရဲနေပြီး တစ်ဆို့နေသော အသံဖြင့် ပြန်ဖြေလိုက်သည်။ "ကျွန်... ကျွန်မမှာ အရေးကြီး ကိစ္စတစ်ခု... သတင်း... သတင်းပို့စရာ ရှိလို့ပါ"

"ဘာကိစ္စလဲ"

"ရှင်... ရှင် နည်းနည်း ဖြည်းဖြည်းလုပ်ပါ... ကျွန်... ကျွန်မကို အသက်ရှူခွင့်လေး ပေးပါဦး"

"မြန်မြန်ပြော"

ကျွမ်းရှုယွမ်တစ်ယောက် နှလုံးသားကြီး အပြင်သို့ ခုန်ထွက်လာတော့မည့်အလား ခံစားနေရသည်၊ ဤစိမ်းသက်နေသော ပတ်ဝန်းကျင်၌ လင်းယွမ်၏ ဤကဲ့သို့သော ထိုးစစ်ဆင်မှုမျိုးက သူမကို အလွန်အမင်း စိတ်လှုပ်ရှားစေခဲ့သည်။

"စစ်... စစ်ဆေးရေးဌာနက မကြာသေးခင်က အပြင်ကနေ ရောက်လာတဲ့... ရောက်လာတဲ့ သူလျှို တော်တော်များများကို ရှာတွေ့ထားတယ်"

"ကျွန်... ကျွန်မတို့ တချို့ကို ဖမ်း... ဖမ်းမိထားတယ်... စစ်ဆေးပြီးတဲ့နောက်မှာ... သူတို့အားလုံးကို ကွမ်ဖူက... အ... စေ... စေလွှတ်လိုက်တာဆိုတာ သိ... လိုက်ရတယ်"

လင်းယွမ်၏ မျက်ဝန်းများထဲတွင် အေးစက်သော အရိပ်အယောင်များ ပေါ်လွင်လာပြီး မေးလိုက်သည်။ "ဂိုဏ်းကြီး သုံးဂိုဏ်းက လူတွေလား"

"မ... မဟုတ်ဘူး... အားလုံးတော့ မဟုတ်ဘူး... စစ်တပ်က လူတွေလည်း ပါသလို... တစ်ခါမှ မကြားဖူးတဲ့... အဖွဲ့အစည်းတွေက လူတွေလည်း ပါတယ်"

လင်းယွမ်က မျက်မှောင်ကြုတ်လိုက်ကာ အားကို ပိုထည့်လိုက်ပြီး မေးလိုက်သည်။ "ဘာသဘောလဲ... စစ်တပ်ကပါ ငါတို့ကို လာထိချင်နေတာလား"

"အင်း..."

"ဟမ်"

"မ... မဟုတ်ဘူး"

"ဒါဆို ဘာလို့ အင်း လို့ ပြောတာလဲ"

"ရှင်... ရှင် အရမ်းကြမ်းနေတာကိုး..."

လင်းယွမ်က ဆွံ့အသွားကာ မေးလိုက်သည်။ "သူတို့က ဘာဖြစ်ချင်တာလဲ"

ကျွမ်းရှုယွမ်က ပြင်းထန်စွာ အသက်ရှူလိုက်ပြီး လှည့်လာခဲ့သည်၊ ရင်ဖုံးအင်္ကျီရှည်က တစ်ဝက်ခန့် ပွင့်ဟနေပြီး ပခုံးသားတစ်ဝက်ခန့် ပေါ်လွင်နေကာ ခြေထောက်တစ်ဖက်က လင်းယွမ်၏ ဘယ်ဘက်လက်မောင်းပေါ်တွင် တင်ထားလျက် ရှိသည်။

"ဟူး... ကွမ်ဖူက လူတွေက ဒီတစ်ခေါက် ဂိုဏ်းကြီးသုံးဂိုဏ်းက ထိုက်ယန်တောင်ကို ပစ်မှတ်ထားပြီး တိုက်ခိုက်ခဲ့တဲ့အကြောင်း သိကြတယ်လေ... အစကတော့ အကုန်လုံးက ပွဲကြည့်နေခဲ့ကြတာ... ဒါပေမဲ့ ဂိုဏ်းကြီး သုံးဂိုဏ်းက ဒီလောက် အထိနာသွားလိမ့်မယ်လို့ မထင်ထားခဲ့ကြဘူးလေ"

"သူတို့က အခြေအနေကို စုံစမ်းဖို့ လူလွှတ်လိုက်တာပဲ... ကျွန်မတို့ ထိုက်ယန်တောင်က စက္ကူကျားများ ဖြစ်နေမလား... အခွင့်ကောင်းယူလို့ရမယ့် အခြေအနေများ ရှိနေမလားဆိုတာကို လာကြည့်ကြတာ"

"လူတော်တော်များများက မီးလောင်ရာ လေပင့်ချင်နေကြတဲ့ပုံပဲ"

လင်းယွမ်က ခနဲ့တဲ့တဲ့ ရယ်မောလိုက်သည်။ "ဟက်ဟက်... အကုန်လုံးက ငါတို့ ထိုက်ယန်တောင် တိုက်ပွဲကြီးကို ကြုံတွေ့ခဲ့ရလို့ အခု အားနည်းနေတဲ့ အချိန်လို့ ထင်နေကြတာ မဟုတ်လား"

"သူတို့ကိုသာ လာခိုင်းလိုက်စမ်းပါ... ငါ့ရဲ့ ထိုက်ယန်တောင်ကို ဘယ်သူတွေကများ လောဘကြီးရဲသလဲဆိုတာ ငါ ကြည့်ချင်သေးတယ်"

သူ၏ ဤမျှလောက် လွှမ်းမိုးနိုင်စွမ်းရှိသော အသွင်အပြင်ကို မြင်လိုက်ရသဖြင့် ကျွမ်းရှုယွမ်၏ စိတ်အစဉ်များ လွင့်မျောသွားရကာ ခန္ဓာကိုယ်မှာလည်း ပြင်းထန်စွာ တုန်ရီလာတော့သည်။

အချိန်အတော်ကြာပြီးနောက် ကျွမ်းရှုယွမ်က သတိပြန်ဝင်လာပြီး ပတ်ဝန်းကျင် အခြေအနေကို အကဲခတ်ကာ စူးစမ်းလိုစိတ်ဖြင့် မေးလိုက်သည်။ "လင်းယွမ်... ဒါက ဘယ်နေရာလဲ"

လင်းယွမ်က သူမကို တစ်ချက် ကြည့်လိုက်ပြီး တည်ငြိမ်စွာ ပြောလိုက်သည်။ "မင်းရဲ့ အခေါ်အဝေါ်ကို သတိထားပါ"

ကျွမ်းရှုယွမ်က ဆွဲဆောင်မှုအပြည့်ဖြင့် ဟန်ဆောင်ဒေါသထွက်ပြလိုက်သည်။ "ကိစ္စပြီးတာနဲ့ လူကိုတောင် မမှတ်မိချင်တော့ဘူးလား"

လင်းယွမ်က သူမကို အလိုမလိုက်ဘဲ သူမရှေ့ရှိ ကြီးမားလှသော နှင်းပွင့်ကြီးများကို ဆုပ်ကိုင်လိုက်ကာ အနည်းငယ် အားထည့်လိုက်လေသည်။

ထိုအခါ ကျွမ်းရှုယွမ်ထံမှ အာမေဍိတ်သံတစ်ချက် ထွက်ပေါ်လာရသည်။ "အ... နာ... နာတယ်"

လင်းယွမ်က အေးစက်စွာ နှာခေါင်းရှုံ့လိုက်ပြီး အားကို အနည်းငယ် လျှော့ချကာ ပွတ်သပ်ပေးလိုက်ရင်း အေးစက်သော လေသံဖြင့် ပြောလိုက်သည်။ "သူတို့က ငါတို့ဆီကို သူလျှိုတွေ လွှတ်နေတာဆိုတော့... ထိုက်ယန်တောင်စစ်ဆေးရေးဌာနဘက်ကလည်း ကွမ်ဖူရဲ့ သတင်းအချက်အလက်တွေကို ရဖို့ နည်းလမ်းရှာရလိမ့်မယ်"

ကျွမ်းရှုယွမ်က အလျင်အမြန်ပင် ပြန်ပြောလိုက်သည်။ "ကျွန်မ ဝူယင်ကို သူလျှိုသင်တန်းပေးဖို့ လူတွေ စီစဉ်ခိုင်းထားပြီးပါပြီ... ပထမအသုတ်က အသင့်ဖြစ်နေပြီမို့ မနက်ဖြန် သန်ဘက်ခါလောက်ဆိုရင် ကွမ်ဖူကို ထွက်သွားလို့ ရနေပါပြီ"

လင်းယွမ်က ထိုစကားကို ကြားသောအခါ ဟမ့်ခနဲ အသံပြုလိုက်ပြီး သူမ၏ခါးကို တစ်ချက် ဆွဲညှစ်လိုက်သည်။

ကျွမ်းရှုယွမ်မှာ ချက်ချင်းပင် တုန်လှုပ်သွားခဲ့ပြီး မျက်နှာတစ်ခုလုံး နီမြန်းသွားရသည်။

သူမက အမြဲတမ်း အထက်စီးမှနေတတ်သော နတ်ဘုရားမတစ်ပါး ဖြစ်နေခဲ့ရာ ဤကဲ့သို့ ကစားခံရလိမ့်မည်ဟု မည်သို့ ထင်ထားမိမည်နည်း။

ပါးပြင်များက နီမြန်းနေပြီး ရှက်ရွံ့ဒေါသထွက်နေသည့် အရိပ်အယောင်များ ပေါ်လွင်နေသော်လည်း ရင်တွင်း၌မူ မည်သို့ဖြစ်သည်မသိ ထူးဆန်းသော ကြည်နူးမှုတစ်ခုကို ခံစားနေရလေသည်။

လင်းယွမ်က သူမ၏ အတွေးများကို အရေးမစိုက်ဘဲ မတ်တတ်ရပ်ကာ ပြောလိုက်သည်။ "အင်္ကျီပြန်ဝတ်လိုက်တော့... ဒီကိစ္စကို စစ်ဆေးရေးဌာနက သေချာပေါက် ဆက်လက် လုပ်ဆောင်ရမယ်... ကွမ်ဖူဘက်က သတင်းအချက်အလက်တွေ... မြေပုံတွေနဲ့ အဖွဲ့အစည်းတွေအကြောင်း ငါ အမြန်ဆုံး လိုချင်တယ်"

"ဒါ့အပြင် ကွမ်ဖူဘက်က အစွမ်းထက်တဲ့သူတွေ... ဂိုဏ်းကြီး သုံးဂိုဏ်းကပဲဖြစ်ဖြစ်၊ စစ်တပ်ကပဲဖြစ်ဖြစ် ငါ သက်ဆိုင်တဲ့ အချက်အလက်တွေကို လိုအပ်တယ်"

"ပြီးတော့... ဂိုဏ်းကြီး သုံးဂိုဏ်းရဲ့ ဝှက်ဖဲတွေကိုပါ စုံစမ်းနိုင်ရင် အကောင်းဆုံးပဲ... စစ်တပ်မှာ ဘယ်လို အစွမ်းပိုင်ရှင်နည်းပညာ အထောက်အကူတွေ ရှိသလဲဆိုတာကိုလည်း သတိထားစောင့်ကြည့်ရမယ်"

ကျွမ်းရှုယွမ်က ခေါင်းညိတ်လိုက်ပြီး အင်္ကျီပြန်ဝတ်ရင်း မေးလိုက်သည်။ "လင်းယွမ်... အဲ... ကိုလင်းယွမ်... ရှင် ဒါက ဘယ်နေရာလဲဆိုတာ မပြောရသေးဘူးနော်"

သူမ၏ မျက်ဝန်းများထဲတွင် စူးစမ်းလိုစိတ်များ ပါဝင်နေသော်လည်း နောက်ဆုံးတွင်မူ လင်းယွမ်၏ နာမည်ကို တိုက်ရိုက်ခေါ်ဝေါ်ရန် မဝံ့မရဲ ဖြစ်နေခဲ့သည်။

နှုတ်ဖျားသို့ ရောက်လာသော စကားလုံးက ကို ဟူသည့် လေးစားဖွယ် အခေါ်အဝေါ်အဖြစ်သို့ ပြောင်းလဲသွားခဲ့ရသည်။

လင်းယွမ်က ကျွမ်းရှုယွမ်၏ စိတ်နေသဘောထားကို သဘာဝကျစွာပင် သိရှိထားသည်၊ သူမက အစွမ်းထက်သူများကို ကြည်ညိုလေးစားတတ်သည့် စရိုက်လက္ခဏာမျိုး ရှိပြီး အာဏာကို ပြင်းပြစွာ တပ်မက်သူ ဖြစ်သည်။

ထို့အပြင် သူမက လူတို့၏ စိတ်ကို နားလည်ပြီး လှည့်ကွက်များကိုပါ အသုံးပြုတတ်သေးသည်။

သူ၏ သည်းခံနိုင်စွမ်းကို အမြဲတမ်း စမ်းသပ်နေတတ်ပြီး သူ့အား တန်းတူရည်တူ စကားပြောဆိုနိုင်ရန် အချည်းနှီး ကြိုးစားနေခဲ့ခြင်း ဖြစ်သည်။

ထို့ကြောင့်သာ ဤတစ်ကြိမ် အခေါ်အဝေါ် ပြောင်းလဲသွားခြင်း ဖြစ်လေသည်။

နှမြောစရာကောင်းသည်မှာ လင်းယွမ်က သူမ ဆန္ဒပြည့်ဝသွားစေရန် မည်သို့ ခွင့်ပြုနိုင်မည်နည်း။

ဤမိန်းမကို အလိုလိုက်ထား၍ မရပေ။

သူမရှေ့တွင် လုံးဝ ကြီးစိုးနိုင်စွမ်းနှင့် နက်နဲမှုကို ထိန်းသိမ်းထားနိုင်မှသာ သူမက သင့်အပေါ် ကြောက်ရွံ့လေးစားကာ ဒူးထောက် အညံ့ခံလာပေလိမ့်မည်။

လင်းယွမ်က တည်ငြိမ်စွာ ပြန်ပြောလိုက်သည်။ "ငါက ဟင်းလင်းပြင်အမျိုးအစား အစွမ်းပိုင်ရှင်ဆိုတာကို မင်း မသိဘူးလား"

"ဒီနေရာက ငါ ဖန်တီးထားတဲ့ ဟင်းလင်းပြင်ပဲ"

ကျွမ်းရှုယွမ်၏ လှပသော မျက်ဝန်းအစုံက ချက်ချင်းပင် အံ့သြချီးကျူးသွားသည့် အရိပ်အယောင်များ ပေါ်လွင်လာခဲ့သည်။

"ဘာ... ရှင်... ရှင် ဖန်တီးထားတဲ့ ဟင်းလင်းပြင် ဟုတ်လား"

သူမက ပတ်ဝန်းကျင်ကို လှည့်ပတ်ကြည့်ရှုလိုက်ပြီး ရင်တွင်း၌ တုန်လှုပ်သွားကာ မနေနိုင်ဘဲ မေးလိုက်သည်။ "ဒီ ဟင်းလင်းပြင်က ဘယ်လောက်တောင် ကြီးတာလဲ... လူနေလို့ရလား"

"တကယ်လို့ လူနေလို့ရတယ်ဆိုရင်... ဒီထဲမှာပဲ အမြဲတမ်း ပုန်းနေလို့ရပြီပေါ့... အပြင်ဘက်က မုန်တိုင်းတွေ၊ ရေကြီးရေလျှံမှုတွေကို ဂရုစိုက်စရာ မလိုတော့ဘူး မဟုတ်လား"

လင်းယွမ်က ကြောင်အမ်းသွားခဲ့သည်၊ သူက ဤမေးခွန်းကို မတွေးမိခဲ့ပေ။

သို့သော် သူက ချက်ချင်းပင် ခေါင်းယမ်းလိုက်ပြီး ပြောလိုက်သည်။ "မဖြစ်နိုင်ဘူး... ဟင်းလင်းပြင်ကို ထိန်းသိမ်းဖို့ သန္ဓေပြောင်းစွမ်းအင် လိုအပ်တယ်"

လင်းယွမ်၏ လက်ရှိ ဤဟင်းလင်းပြင်က သွေးသလင်းကျောက်မှ ထုတ်ပေးသော စွမ်းအင်ကို မှီခိုနေရခြင်း ဖြစ်သည်။

ဟင်းလင်းပြင် ကြီးမားလေလေ ဟင်းလင်းပြင် လည်ပတ်မှုကို ထောက်ပံ့ပေးရန် စွမ်းအင် ပိုမို လိုအပ်လေလေ ဖြစ်သည်။

ပုံရိပ်ယောင်မြွေ သွေးသလင်းကျောက်၏ စွမ်းအင်က နှိုင်းယှဉ်ချက်အရ သန့်စင်သော အရည်အသွေးမြင့် စွမ်းအင်ဟု သတ်မှတ်၍ရပြီး ကုဗပေ တစ်သောင်းလေးထောင်ခန့်ရှိသော ဟင်းလင်းပြင်ကို ထိန်းသိမ်းရန်မှာ ပြဿနာ မရှိလှပေ။

တိတိကျကျ မည်မျှကြာအောင် ထိန်းသိမ်းထားနိုင်မည်ကိုတော့ လင်းယွမ် တွက်ချက်ကြည့်ရခြင်း မရှိသေးပေ။

စမ်းသပ်ရန် အချိန်အတိုင်းအတာ တစ်ခုအထိ လိုအပ်နေသေးသည်။

"ဝတ်လို့ပြီးပြီလား... အပြင်ထွက်ကြစို့"

ကျွမ်းရှုယွမ်၏ မျက်လုံးများက လှုပ်ရှားသွားပြီး လင်းယွမ်အနီးသို့ ချဉ်းကပ်လာကာ သူ၏ လက်မောင်းကို ညင်သာစွာ ဆွဲကိုင်လိုက်ရင်း ဆွဲဆောင်မှုရှိသော လေသံဖြင့် ပြောလိုက်သည်။ "ရှင် တစ်ခါထွက်သွားရင် ရက်တော်တော်ကြာတာပဲ... ပြီးခဲ့တဲ့တစ်ခေါက် လင်းယွီကျွန်းကနေ ပြန်ရောက်လာတုန်းကလည်း ခြေမအား လက်မအား အလုပ်ရှုပ်နေတာ... ရှင် ကျွန်မကို မလွမ်းဘူးလား"

"ကျွန်မကို မလွမ်းရင်တောင်... သူတို့ကိုရော မလွမ်းဘူးလား"

သူမက ရင်ဘက်ကို ကော့လိုက်ကာ အဆင့်မြင့် ဆွဲဆောင်မှု အစွမ်းကို ထုတ်ဖော်ပြသလိုက်လေသည်။

လင်းယွမ်က မျက်ခုံးပင့်လိုက်မိပြီး ပြောလိုက်သည်။ "ဘာလဲ... မင်း မဝသေးဘူးလား"

ကျွမ်းရှုယွမ်၏ မျက်ဝန်းများထဲတွင် ရေကန်ငယ်တစ်ခုရှိနေသကဲ့သို့ လင်းယွမ်ကို နစ်မြုပ်သွားစေလိုဟန်ဖြင့် ပြောလိုက်သည်။ "ဟင့်အင်း... လိုသေးတယ်"

လင်းယွမ်က လုံးဝ အားနာမနေတော့ဘဲ လှည့်ကာ သူမကို ရင်ခွင်ထဲသို့ ဆွဲသွင်းလိုက်တော့သည်။

"ဗြိ"

မူလကတည်းက ဟနေသော ရင်ဖုံးအင်္ကျီရှည်မှာ ချက်ချင်း ဆွဲဖြဲခံလိုက်ရပြီး ဖြူဖွေးသွယ်လျသော ပေါင်တံနှစ်ချောင်းက ချက်ချင်း ပေါ်ထွက်လာခဲ့သည်။

ကျွမ်းရှုယွမ်က ရုတ်တရက် အလန့်တကြား အော်ဟစ်လိုက်ပြီး စကတ်စကို အလျင်အမြန် ဖုံးအုပ်ကာ ခြေထောက်နှစ်ဖက်ကို စေ့ထားလိုက်သည်။

လင်းယွမ်က ဟားဟားဟားဟု ရယ်မောလိုက်ပြီး စစ်ပွဲကြီးကို ထပ်မံ စတင်လိုက်တော့သည်။

အချိန်အတော်ကြာပြီးနောက် ခေါင်းဆောင်စံအိမ်၏ အိပ်ခန်းထဲတွင် ပုံရိပ်နှစ်ခု လေဟာပြင်ထဲမှ ထွက်ပေါ်လာခဲ့သည်။

ကျွမ်းရှုယွမ်က အမျိုးသမီး ဂါဝန်ရှည်တစ်ထည်ကို လဲလှယ်ဝတ်ဆင်ထားပြီး ခြေထောက်များက သိသိသာသာ ရပ်တည်ရန် ခက်ခဲနေကာ မျက်နှာကလည်း အနည်းငယ် ဖြူရော်နေလေသည်။

လင်းယွမ်၏ မျက်နှာပေါ်တွင် မည်သည့် သနားကြင်နာမှုမျှ ပေါ်လွင်မနေခဲ့ပေ။

သူ့ကို ရန်စဝံ့သူများအပေါ် သူက ဘယ်သောအခါမျှ ညှာတာလေ့မရှိချေ။

"ဒီမှာ ခဏလောက် အနားယူနေလိုက်... ငါ အရင်သွားနှင့်ပြီ"

လင်းယွမ်က ဤစကားတစ်ခွန်းကိုသာ ချန်ထားခဲ့ပြီး သူ၏ပုံရိပ်က တစ်ချက် လက်ခနဲဖြစ်သွားကာ အခန်းထဲမှ ထွက်ခွာသွားတော့သည်။

ကျွမ်းရှုယွမ်က ချက်ချင်းပင် ဆက်လက် တောင့်ခံနိုင်စွမ်း မရှိတော့ဘဲ ကုတင်ပေါ်သို့ ခွေခွေလေး ကျသွားတော့သည်။

သူမ၏ ဦးနှောက်က ထူပူနေပြီး ခွန်အားများ လွန်ကဲစွာ ကုန်ဆုံးသွားခဲ့ရသဖြင့် စိတ်ထဲတွင် တစ်စုံတစ်ရာကိုသာ ထပ်တလဲလဲ ရေရွတ်နေမိလေသည်။

"သူက ငါ့ကို ခဏလောက် အနားယူဖို့ ပြောသွားတယ်... သူ့ရင်ထဲမှာ ငါ ရှိနေတုန်းပဲ... ကျွမ်းရှုယွမ်... နင် ထိုက်ယန်တောင်ရဲ့ ပထမကတော် နေရာနဲ့ ပိုပြီး နီးစပ်သွားပြန်ပြီပဲ"

မကြာမီမှာပင် တိုးညင်းသော ဟောက်သံလေး ထွက်ပေါ်လာခဲ့ပြီး သူမက အလွန်အမင်း ပင်ပန်းနွမ်းနယ်နေသဖြင့် အိပ်မောကျသွားတော့သည်။

အခြားသူများ ရိပ်မိသွားမည်ကို ရှောင်ရှားရန်အတွက် လင်းယွမ်က ခေါင်းဆောင်စံအိမ်မှ ထွက်ခွာရာတွင် ဟင်းလင်းပြင် ရွှေ့ပြောင်းခြင်းကို တိုက်ရိုက် အသုံးပြုခဲ့သည်။

သူက ဟင်းလင်းပြင်လမ်းကြောင်းထဲမှ ပြန်လည် ထွက်ပေါ်လာချိန်တွင် အိမ်သို့ ရောက်ရှိနေပြီ ဖြစ်သည်။

တံခါးထဲသို့ ဝင်ဝင်ချင်းမှာပင် ငွေခေါင်းလောင်းလေးများကဲ့သို့ ကြည်လင်သော ရယ်သံများကို ကြားလိုက်ရသည်။

ထိုအသံမှာ တုံယန်၏ ရယ်သံပင် ဖြစ်သည်။

လင်းယွမ်က အိမ်ထဲသို့ လှမ်းကြည့်လိုက်ရာ တုံယန်၊ ဆုန့်ဝမ်၊ ရန်မေ တို့အားလုံး ရှိနေကြပြီး အလယ်တွင် ဝိုင်းရံခံထားရသူမှာ စောစောစီးစီး ပြန်ရောက်နေသော တင်းယန်ပင် ဖြစ်သည်။

"ဘာတွေ ပြောနေကြတာလဲ... ဒီလောက်တောင် ပျော်နေကြတာ" လင်းယွမ်က ပြုံးလျက် နှုတ်ဆက်လိုက်သည်။

အမျိုးသမီးများအားလုံးက ချက်ချင်း လှည့်ကြည့်လာကြပြီး လင်းယွမ်ကို မြင်သောအခါ အားလုံး၏ မျက်နှာပေါ်တွင် အံ့သြဝမ်းသာသည့် အရိပ်အယောင်များ ပေါ်လွင်သွားခဲ့သည်။

"အစ်ကိုလင်း... ပြန်ရောက်လာပြီပဲ"

"မောင်လေး... ဘယ်တုန်းက ပြန်ရောက်တာလဲ"

"အစ်ကိုလင်းယွမ်... မြန်မြန်လာပါဦး... အစ်မတင်းယန် မျိုးရိုးဗီဇမျိုးစေ့ အဆင့်တက်သွားပြီ"

တုံယန်က အသွက်လက်ဆုံး ဖြစ်သဖြင့် ချက်ချင်းပင် လှမ်းအော်ပြောလိုက်ခြင်း ဖြစ်သည်။

လင်းယွမ်က ထိုစကားကို ကြားသောအခါ ရုတ်တရက် ကြောင်အမ်းသွားခဲ့ပြီး တင်းယန်ဘက်သို့ ချက်ချင်း လှည့်ကြည့်လိုက်လေသည်။

ထိုအခါမှ တင်းယန်၏ ကိုယ်ဟန်အမူအရာက တကယ်ကို ကြီးမားသော အပြောင်းအလဲတစ်ခု ဖြစ်ပေါ်နေကြောင်း သတိပြုမိလိုက်တော့သည်။

ဆက်ရန်...