အခန်း (၂၃၃-၂၃၄)

အခန်း (၂၃၃) - မျက်နှာဖုံးနောက်ကွယ်မှ တွေ့ဆုံခြင်း

"ထူးဆန်းတယ်... ဘာလို့ ကောင်းကင်နှင့်မြေကြီး ရတနာ တွေ တစ်ခုမှ မကျန်တော့တာလဲ..."

ရွှေအင်မော်တယ် ကနဦးအဆင့်ရှိ မိစ္ဆာသားရဲ တစ်ကောင်ကို ဓားတစ်ချက်တည်းဖြင့် သတ်ဖြတ်ပြီးနောက် စူးချောင်ရန်က လေးနက်သော အမူအရာဖြင့် ပြောဆိုလိုက်၏။

သူမ၏ဘေးတွင် ရပ်နေသော ဝူကျန်းအဲ့က ခေါင်းခါယမ်းလိုက်သည်။

"ဘေးဘွား... ကျွန်တော်လည်း ဘာဖြစ်နေတာလဲဆိုတာ မသိဘူး... ကျွန်တော် ဒီကနေ ဖြတ်သွားတုန်းက ဒီမှာ အဆင့် ၅ လင်းဇီးမှို တစ်ခု ရှိနေတယ်ဆိုတာကို ရှင်းရှင်းလင်းလင်း ခံစားမိတယ်...”

" မင်း အာရုံခံမိတာ မှားတာ ဖြစ်နိုင်ပါတယ်... ဘယ်လိုပဲဖြစ်ဖြစ် လျှို့ဝှက်နယ်မြေ ထဲကို အရင် လိုက်ကြည့်ကြတာပေါ့... ပြီးတော့ ဒီ မိစ္ဆာသားရဲ တွေရဲ့ အလောင်းကလည်း အတော်လေး တန်ဖိုးရှိတယ်... အဲဒါကို ယူပြီး ရောင်းလိုက်ရင် အင်မော်တယ် ဝိညာဉ်ကျောက်တုံး တွေ ရနိုင်တယ်..."

စူးချောင်ရန်က နှစ်သိမ့်ပြောဆိုလိုက်ရာ ဝူကျန်းအဲ့သည် ခေါင်းညိတ်သဘောတူလိုက်၏။ မိစ္ဆာသားရဲ ၏ အလောင်းကို သိမ်းဆည်းပြီးနောက် သူတို့နှစ်ဦးသည် လျှို့ဝှက်နယ်မြေ ၏ အတွင်းပိုင်းသို့ ဦးတည်သွားကြလေသည်။

တောက်ရန် လျှို့ဝှက်နယ်မြေ ၏ ဟင်းလင်းပြင်တံခါး သည် ကျပန်း နေရာရွှေ့ပြောင်းခြင်း စနစ်တစ်ခု ဖြစ်သည်။ ဆိုလိုသည်မှာ သင် ဝင်ရောက်သွားသည်နှင့် တောက်ရန် လျှို့ဝှက်နယ်မြေ အတွင်းရှိ မည်သည့်နေရာသို့မဆို ကျပန်း နေရာရွှေ့ပြောင်းခံရမည်ဖြစ်ပြီး ဝူဟောက်သည်လည်း ခြွင်းချက် မရှိပေ။

ဝူဟောက်၏ ကျင့်ကြံခြင်းအဆင့်ဖြင့် သူသည် တောက်ရန် လျှို့ဝှက်နယ်မြေ အတွင်းရှိ မည်သည့်နေရာသို့မဆို မျက်တောင်တစ်ခတ်အတွင်း ရောက်ရှိနိုင်ပေသည်။

ဤအချိန်တွင် ဝူဟောက်သည် တောက်ရန် လျှို့ဝှက်နယ်မြေ ၏ ဗဟို၌ ရပ်နေပြီး တောက်ရန် လျှို့ဝှက်နယ်မြေ တစ်ခုလုံးကို ငုံ့ကြည့်ကာ အရာအားလုံးကို မြင်တွေ့နေရသည်။

"ရှာတွေ့ပြီ... ထျန်းရှန်း အင်မော်တယ် မဟာဧကရာဇ် နဲ့ သော့မော အင်မော်တယ် မဟာဧကရာဇ် ရဲ့ အမွေအနှစ် ..."

မကြာမီ ဝူဟောက်၏ နတ်ဘုရား အာရုံ ၏ လွှမ်းမိုးမှုအောက်တွင် ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့၏ အမွေအနှစ်များကို ရှာတွေ့သွားခဲ့သည်။ သို့သော် ဝူဟောက်သည် ထိုနေရာသို့ အလျင်စလို မသွားရောက်ခဲ့ပေ။ မည်သို့ပင်ဆိုစေ သူလိုချင်သောအရာမှာ အင်မော်တယ် မဟာဧကရာဇ် နှစ်ပါး၏ အမွေအနှစ် များကို ဝူရှန်းနီနှင့် ဝူမိုဝူတို့ ရရှိရန်အတွက် လမ်းညွှန်ပေးရန်သာ ဖြစ်သည်။

သို့သော် ဝူရှန်းနီနှင့် ဝူမိုဝူတို့၏ အသွင်ယူမှုများကို စိုက်ကြည့်ကာ ဝူဟောက်တစ်ယောက် နက်နက်နဲနဲ စဉ်းစားနေမိသည်။

ဒါက အလွန်အမင်း သတိထားလွန်းနေတာ မဟုတ်ဘူးလား... သေးငယ်တဲ့ လျှို့ဝှက်နယ်မြေ ထဲ ဝင်ရုံလေးအတွက်နဲ့ ဒီလောက်ထိ အသွင်ယူဖို့ လိုအပ်လို့လား...

သို့သော် ဝူဟောက် စိတ်ထဲမထားချေ။ ကံကြမ္မာရွေးချယ်ခံရသူ များအနေဖြင့် အနည်းငယ် သတိထားခြင်းက ကျိုးကြောင်းဆီလျော်ပေသည်။

"အခု အရေးအကြီးဆုံးက သူတို့နှစ်ယောက်ကို ထျန်းရှန်း အင်မော်တယ် မဟာဧကရာဇ် နဲ့ သော့မော အင်မော်တယ် မဟာဧကရာဇ် ရဲ့ အမွေအနှစ် တွေဆီ လမ်းညွှန်ပေးဖို့ပဲ..."

တောက်ရန် လျှို့ဝှက်နယ်မြေ ၏ တောင်ဘက်စွန်းတွင် တစ်ခု၊ မြောက်ဘက်စွန်းတွင် တစ်ခု ရှိနေသော ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့၏ အမွေအနှစ် များဆီသို့ ဝူရှန်းနီနှင့် ဝူမိုဝူတို့ကို မည်သို့ လမ်းညွှန်ပေးရမည်ကို ဝူဟောက် စဉ်းစားနေစဉ် သူသည် အခြားတစ်စုံတစ်ရာကို အာရုံခံမိသွားပြီး သူ၏ အမူအရာသည် အနည်းငယ် ကြည့်ရ‌ဆိုးသွားသည်။

သူ၏ အာရုံခံနိုင်စွမ်းတွင် ဝူရှန်းနီနှင့် ဝူမိုဝူတို့ တိုက်ခိုက်နေကြသည်။

အချိန်ကို အနည်းငယ် နောက်ပြန်ဆုတ်ကြည့်လိုက်လျှင်ဖြင့်။

"ထူးဆန်းတယ်... ဘာလို့ ကောင်းကင်နှင့်မြေကြီး ရတနာ တွေ မရှိဘဲ အဆင့်နိမ့် အမွေအနှစ် တွေနဲ့ မိစ္ဆာသားရဲ တွေပဲ ရှိနေတာလဲ...”

ဝူရှန်းနီသည် တောက်ရန် လျှို့ဝှက်နယ်မြေ ကို လျင်မြန်စွာ ဖြတ်သန်းသွားခဲ့သော်လည်း သူဖြတ်သန်းသွားသော မည်သည့်နေရာတွင်မျှ ကောင်းကင်နှင့်မြေကြီး ရတနာ များကို မတွေ့ရှိခဲ့ရဘဲ ရက်စက်သော မိစ္ဆာသားရဲ များနှင့် ရွှေအင်မော်တယ် သို့မဟုတ် လျိုထျန်းရွှေအင်မော်တယ်အဆင့်ရှိ အမွေအနှစ် များကိုသာ တွေ့ရှိခဲ့ရသည်။

ယခင်က အင်မော်တယ် ဧကရာဇ် တစ်ဦး ဖြစ်ခဲ့ဖူးသောကြောင့် ဝူရှန်းနီသည် ထိုအရာများကို မျက်စိထဲ မထည့်ချေ။ သို့သော် သူ့အနေဖြင့် အမှန်တကယ် အသုံးပြုနိုင်သော ကောင်းကင်နှင့်မြေကြီး ရတနာ များကဲ့သို့သော အရာများသာဆိုလျှင်ဖြင့် တစ်မျိုးတစ်မည် ကွဲပြားသွားနိုင်သည်။

"ကောင်းပြီလေ... ငါ့ရဲ့ ရည်မှန်းချက်က ထျန်းရှန်း အင်မော်တယ် မဟာဧကရာဇ် ရဲ့ အမွေအနှစ် ကို ရဖို့ပဲဆိုတော့ ဒီအရာတွေအပေါ် အချိန်မဖြုန်းသင့်ဘူး..."

ထိုအတွေးဖြင့် ဝူရှန်းနီသည် အချိန်ဆွဲမနေတော့ဘဲ တောက်ရန် လျှို့ဝှက်နယ်မြေ အတွင်း၌ ထျန်းရှန်း အင်မော်တယ် မဟာဧကရာဇ် ၏ အမွေအနှစ် ကို လျင်မြန်စွာ စတင်ရှာဖွေလေတော့သည်။ သို့သော် မကြာမီ သူ၏ ခြေလှမ်းများ ရပ်တန့်သွားခဲ့၏။

သူ၏ရှေ့တွင် မျက်နှာဖုံးတပ်ထားသော ဝူမိုဝူ က ရပ်နေခဲ့သည်။ မျက်နှာဖုံးအောက်တွင် ဝူရှန်းနီ၏ အမူအရာမှာ အလွန် ကြည့်ရဆိုးနေသည်။ အဘယ်ကြောင့်ဆိုသော် တစ်ဖက်လူ တပ်ဆင်ထားသော မျက်နှာဖုံးမှာ ယခင်ဘဝက ထွင်းရှစ်ဧကရာဇ် ၏ အထင်ကရ မျက်နှာဖုံးအဖြစ် သူ မှတ်မိနေသောကြောင့်ဖြစ်သည်။

"သောက်ကျိုးနည်း... ထွင်းရှစ်ဧကရာဇ် က မသေသေးဘူးလား... ဒါပေမဲ့ လက်ရှိအခြေအနေအရ ကြည့်ရင် သူမက ပြန်လည်ဝင်စားတာပဲ ဖြစ်ရမယ်..."

"ပြန်လည်မွေးဖွားလာပြီ ဆိုမှတော့... ဒါဆိုရင်လည်း ဘယ်သူက ပိုသန်မာလဲဆိုတာ ကြည့်ကြတာပေါ့..."

ဤသည်ကို တွေးမိချိန်တွင် ဝူရှန်းနီသည် ဆက်လက် တွေဝေမနေတော့ဘဲ ဝူမိုဝူထံသို့ ပြေးဝင်သွားလေ၏။ မည်သို့ပင်ဖြစ်စေ ထွင်းရှစ်ဧကရာဇ် မကြီးထွားလာမီ သူ သတ်ပစ်နိုင်သေးသည်။ အကယ်၍ သူမသာ ကြီးထွားလာပါက ထွင်းရှစ်ဧကရာဇ် သည် မည်မျှအထိ ကြီးထွားလာမည်ကို မည်သူကများ ကြိုသိနိုင်မည်နည်း။

တစ်ချိန်တည်းမှာပင် ဝူမိုဝူသည် နေရာတွင်ပင် အေးခဲသွားခဲ့သည်။ တစ်ဖက်လူ၏ မျက်နှာဖုံးသည် ချူယန် အင်မော်တယ်ဧကရာဇ် ၏ အထင်ကရ မျက်နှာဖုံးဖြစ်သည်ကို သူမ မမှတ်မိပုံရသည်။

ထို့နောက် မျက်နှာဖုံးတပ်ထားသော ဝူရှန်းနီသည် သူမထံသို့ ပြေးဝင်လာသည်ကို မြင်တွေ့လိုက်ရသည်။

"သောက်ကျိုးနည်း... ဘာတွေဖြစ်နေတာလဲ..."

ဝူမိုဝူ၏ အမူအရာမှာ ကြည့်ရဆိုးနေပြီး အခြေအနေအရ သူမတွင် ရွေးချယ်စရာ မရှိချေ။ နောက်တစ်စက္ကန့်တွင် ဝူမိုဝူသည် သူမ၏ လှံရှည် ကို ဆင့်ခေါ်လိုက်ပြီး ပြေးဝင်လာသော ဝူရှန်းနီနှင့် စတင်တိုက်ခိုက်လေတော့သည်။

သူတို့၏ မျက်နှာများကို ဖုံးအုပ်ထားသော မျက်နှာဖုံးများက အငွေ့အသက်များကို ဖုံးကွယ်ထားနိုင်သည့်အပြင် ၊ သူတို့၏ ဝတ်စားဆင်ယင်မှုများမှာလည်း သိသိသာသာ ပြောင်းလဲသွားခဲ့သည်။ ထို့အပြင် သူတို့၏ လက်နက်များကိုလည်း အဆင့်မြှင့်တင်ထားသဖြင့် သူတို့နှစ်ဦးစလုံးသည် တစ်ယောက်ကိုတစ်ယောက် မမှတ်မိခဲ့ကြချေ။

"သောက်ကျိုးနည်း... ငါ မင်းအပေါ် ဘာရန်ငြိုးမှ မရှိပါဘဲနဲ့ ဘာလို့ ငါ့ကို တိုက်ခိုက်ရတာလဲ..."

ဝူရှန်းနီနှင့် တိုက်ခိုက်နေစဉ် ဝူမိုဝူသည် အခွင့်အရေးတစ်ခုကို ရယူကာ ဝူရှန်းနီကို လှံတစ်ချက်တည်းဖြင့် နောက်ဆုတ်သွားစေခဲ့သည်။

ဝူမိုဝူ၏ အသံကို ကြားချိန်တွင် ဝူရှန်းနီသည် ရင်းနှီးနေသလို ခံစားလိုက်ရသော်လည်း ၊ ၎င်းသည် သူ့ ညီမလေး၏ အသံဖြစ်ကြောင်း မမှတ်မိခဲ့ချေ။ ထို့အပြင် အထက်ကမ္ဘာ သည် အလွန်ကျယ်ပြောလှသဖြင့် အသံတူသူများ အများအပြား ရှိနိုင်ပေသည်။

ဝူမိုဝူ၏ စကားကို ကြားချိန်တွင် ဝူရှန်းနီက အေးစက်စွာ နှာမှုတ်လိုက်ပြီး ပြောဆိုလိုက်၏။

"ထွင်းရှစ်ဧကရာဇ်... ငါက ကောင်းကင်ဘုံကိုယ်စား လုပ်ဆောင်နေတာပဲ... မင်းကို ငါ တစ်ခါသတ်နိုင်ရင် ဒုတိယအကြိမ်လည်း သေချာပေါက် သတ်နိုင်တယ်..."

ဝူရှန်းနီ၏ စကားကို ကြားချိန်တွင် ဝူမိုဝူ၏ အမူအရာ မှောင်မိုက်သွားခဲ့သည်။ တစ်ဖက်လူ၏ သရုပ်မှန်ကို သူမ မှတ်မိသွားပြီဖြစ်ပြီး သူမ၏ နှလုံးသားထဲတွင် သတ်ဖြတ်လိုသော အကြံအစည်များ ချက်ချင်း ထွက်ပေါ်လာခဲ့သည်။

"ကျစ်... ချူယန် အင်မော်တယ်ဧကရာဇ်... သေလိုက်တော့..."

ဝူရှန်းနီ မလှုပ်ရှားနိုင်မီ ဝူမိုဝူက အရင်ဆုံး တိုက်ခိုက်လိုက်သည်။ သူမ၏ လှံရှည် သည် လျှပ်စီးလက်သကဲ့သို့ အလျင်အမြန် ပြေးဝင်လာကာ တစ်ဖက်လူကို ထိုးစိုက်လိုက်။ ဝူရှန်းနီသည် သူ၏ ဓားရှည် ဖြင့် ခုခံနိုင်သော်လည်း သို့သော် ဤသည်မှာ ဖြေရှင်းနည်း မဟုတ်ချေ။ ပို၍ ကောင်းမွန်သော နည်းလမ်းတစ်ခုကို သူ စဉ်းစားရန် လိုအပ်ပေသည်။

ဝူရှန်းနီသည် စိတ်ထဲတွင် တွေးတောလိုက်ပြီး မကြာမီ အကြံတစ်ခု ရလာခဲ့သည်။

နောက်တစ်စက္ကန့်တွင် ဝူရှန်းနီသည် သူ၏ဓားရှည်ကို ဝူမိုဝူက နောက်သို့ ရိုက်ထုတ်လိုက်သည့်အလား ဟန်ဆောင်လိုက်လေသည်။ ဤသည်ကို မြင်လိုက်ရသောအခါ ဝူမိုဝူ၏ မျက်လုံးများမှာ အရောင်တစ်ချက် ဝင်းလက်သွားခဲ့သည်။

ဒါ အခွင့်ကောင်းပဲ...

ဒုတိယအကြိမ် စဉ်းစားမနေတော့ဘဲ သူမ၏ လှံကို ဝူရှန်းနီ၏ ရင်ဘတ်ဆီသို့ ထိုးစိုက်လိုက်သည်။ သို့သော် ထိုအချိန်တွင် ဝူမိုဝူသည် တစ်စုံတစ်ခုကို အာရုံခံမိသွားပြီး မျက်နှာဖုံးအောက်ရှိ သူမ၏ အမူအရာ မှာ အနည်းငယ် ပြောင်းလဲသွားခဲ့၏။

"မကောင်းတော့ဘူး..."

ဝူမိုဝူသည် သူမ၏လှံရှည်ကို အနောက်ဘက်သို့ အားကုန်လွှဲ၍ ရိုက်ချလိုက်ရာ၊ ဝူရှန်းနီ၏ဓားရှည်နှင့် တိုက်ရိုက်ထိမှန်ပြီး ကျယ်လောင်လှသော သတ္တုချင်းရိုက်ခတ်သံကြီး ထွက်ပေါ်လာသည်။ ထိုရိုက်ခတ်မှုမှတစ်ဆင့် ကြောက်မက်ဖွယ်ကောင်းသော စွမ်းအင်ဂယက်များမှာ ပတ်ဝန်းကျင်သို့ လွင့်စဉ်ရိုက်ခတ်သွားသည်။

"တကယ်ကို ကြောက်စရာကောင်းတဲ့ စွမ်းအားပြသမှုပဲ... ဒီမှာ ဘယ်သူတွေ တိုက်ခိုက်နေကြတာလဲ... သွားကြည့်ကြရအောင်..."

"ဟမ်... ဒီလောက်ထိ ကြောက်စရာကောင်းတဲ့ တိုက်ပွဲအတတ်အကျ ... မဟုတ်မှလွဲရော သူတို့ အဆင့်မြင့် ကောင်းကင်နှင့်မြေကြီး ရတနာ တစ်ခုခုကိုများ ရှာတွေ့သွားလို့လား..."

"ကျင့်ကြံဖော် တို့... ကျွန်တော် အရင် သွားနှင့်တော့မယ်..."

မျက်တောင်တစ်ခတ်အတွင်း စစ်မှန်အင်မော်တယ် အဆင့်ရှိ ကျင့်ကြံသူ အများအပြားသည် ဝူရှန်းနီနှင့် ဝူမိုဝူတို့ တိုက်ခိုက်နေသည့် နေရာသို့ ပြေးသွားကြရာ ၊ ၎င်းတို့ထဲတွင် စူးချောင်ရန်နှင့် ဝူကျန်းအဲ့တို့လည်း ပါဝင်ပေသည်။

တစ်ချိန်တည်းမှာပင် အခြားတစ်ဖက်၌ ဝူရှန်းနီနှင့် ဝူမိုဝူတို့သည် တိုက်ပွဲဝင်နေကြသည်။

ဝူမိုဝူသည် သူမ၏လှံကို ဝှေ့ယမ်းကာ နောက်ဘက်မှ ချဉ်းကပ်လာသည့် ဝူရှန်းနီ၏ဓားကို ရိုက်ထုတ်လိုက်စဉ်၊ ဝူရှန်းနီက လက်ထဲတွင် ဓားအသစ်တစ်လက်ကို ရုတ်တရက် ထုတ်ယူကာ ထပ်မံတိုက်ခိုက်လိုက်ပြန်သည်။

ဓားဦးဖျားသည် ဝူမိုဝူ၏ကိုယ်နှင့် ဆယ်စင်တီမီတာခန့်သာ လိုတော့သည့် အနေအထားတွင် ဝူမိုဝူသည် အနောက်ဘက်ရှိဓားကို အရှိန်ပြင်းပြင်းဖြင့် ရိုက်ထုတ်ပစ်လိုက်ပြီး၊ သူမ၏လှံကို လျှပ်တစ်ပြက် ပြန်လှည့်ကာ ဝူရှန်းနီ၏ အနီးကပ်ဓားချက်ကို အချိန်မီ ခုခံကာကွယ်လိုက်လေသည်။

သို့သော် အင်အားအပြည့် တိုက်ခိုက်လာသော ဝူရှန်းနီ၏ ဓားချက်သည်လည်း အလွန်အမင်း စွမ်းအားကြီးမားပြီး ဝူမိုဝူကို တိုက်ရိုက် လွင့်စဉ်သွားစေခဲ့သည်။

ဝူမိုဝူ လွင့်စဉ်သွားသည့် အခိုက်အတန့်တွင် ၊ ဝူရှန်းနီသည် သူ၏ နှလုံးသားထဲတွင် နာကျင်မှု တစ်စွန်းတစ်စကို ခံစားလိုက်ရသည်။ ဤသည်မှာ သူ့အတွက် အလွန်အရေးပါသော လူတစ်ယောက်က ထိခိုက်ဒဏ်ရာရသွားသည့် ခံစားချက်နှင့် တူပေသည်။

အခန်း (၂၃၄) - တခြားတစ်နေ့မှ တိုက်ကြတာပေါ့

"ချူယန် အင်မော်တယ်ဧကရာဇ်... အခု ငါ လုပ်စရာ အရေးကြီးကိစ္စ ရှိသေးလို့ မင်းကို ဆက်ပြီး အဖော်မလုပ်ပေးနိုင်တော့ဘူး... တခြားတစ်နေ့မှ တိုက်ကြတာပေါ့..."

ဝူမိုဝူသည် တစ်ခုခုကို အာရုံခံမိသွားပြီး အေးစက်စွာ နှာမှုတ်လိုက်ကာ နေရာမှ ပျောက်ကွယ်သွားလေ၏။ ဤသည်ကို မြင်လိုက်ရချိန်တွင် ဝူရှန်းနီသည် နောက်မှလိုက်ရန် ပြင်လိုက်သော်လည်း သူသည်လည်း တစ်ခုခုကို အာရုံခံမိသွားပြီး သူ၏ အမူအရာမှာ ကြည့်ရဆိုးသွားသည်။

သူသည် အနည်းငယ် ရှုပ်ထွေးသွားသော်လည်း နောက်ဆုံးတွင် သက်ပြင်းသာ ချလိုက်ရတော့သည်။

"အခု အရေးအကြီးဆုံးက ထျန်းရှန်း အင်မော်တယ် မဟာဧကရာဇ် ရဲ့ အမွေအနှစ် ကို ရှာဖို့ပဲ... ထျန်းရှန်း အင်မော်တယ် မဟာဧကရာဇ် ရဲ့ အမွေအနှစ် ကို ရှာတွေ့နိုင်သရွေ့ ငါ အမြန်ဆုံး သန်မာလာပြီး ထွင်းရှစ်ဧကရာဇ် ကို ကျော်လွန်နိုင်မယ်... ထွင်းရှစ်ဧကရာဇ်... စောင့်နေလိုက်... နောက်တစ်ခါ ငါတို့ တွေ့ရင် မင်းရဲ့ သေနေ့ပဲ..."

ကျင့်ကြံသူ အများအပြားသည် ဤနေရာသို့ လျင်မြန်စွာ ချဉ်းကပ်လာနေသည်ကို သူ အာရုံခံမိလိုက်သည်။ သူသည် ပြဿနာရှာရသည်ကို နှစ်သက်သူ မဟုတ်သဖြင့် အလျင်အမြန် ထွက်ခွာသွားပြီး လျှို့ဝှက်နယ်မြေ ၏ မြောက်ဘက်စွန်းသို့ ဦးတည်သွားလေ၏။

ဝူမိုဝူက တောက်ရန် လျှို့ဝှက်နယ်မြေ ၏ တောင်ဘက်စွန်းသို့ ထွက်ခွာသွားခဲ့သည်။

"ဒီကောင်နှစ်ယောက် အရင်ဘဝကများ ရန်ဖြစ်ရင်း သေသွားကြတာလား..."

မှောင်ရိပ်ထဲမှ ဤမြင်ကွင်းကို စောင့်ကြည့်နေသော ဝူဟောက်က အနည်းငယ် အံ့အားသင့်စွာဖြင့် ပြောဆိုလိုက်၏။

"လက်ရှိအခြေအနေအရ ကြည့်ရရင် ဝူရှန်းနီနဲ့ ဝူမိုဝူတို့က ယခင်ဘဝက တစ်ယောက်ကိုတစ်ယောက် သိခဲ့ကြပြီး ကျိန်ဆိုထားတဲ့ ရန်သူတွေတောင် ဖြစ်နိုင်တယ်..."

သို့သော် မည်သို့ပင်ဖြစ်စေ ယခုအခါ သူတို့သည် သူ၏ မြစ် များဖြစ်ကြရာ ဝူဟောက်သည် သူတို့ အချင်းချင်း သတ်ဖြတ်ခွင့် ပြုမည်မဟုတ်ပေ။ ထို့အပြင် သူတို့နှစ်ဦးစလုံးသည် ကံကြမ္မာရွေးချယ်ခံရသူ များ ဖြစ်ကြသဖြင့် သူတို့သည် ရန်ဖြစ် ကစားရုံသာဖြစ်ပြီး တစ်ယောက်နှင့်တစ်ယောက် အသက်အန္တရာယ် ပေးနိုင်မည် မဟုတ်ချေ။

"သူတို့နှစ်ယောက်က တစ်ယောက်ကိုတစ်ယောက် မမှတ်မိကြလို့သာ... မဟုတ်ရင် အိမ်မှာကတည်းက တိုက်ခိုက်နေကြလောက်ပြီ..."

ဝူရှန်းနီနှင့် ဝူမိုဝူတို့ သည် ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့၏ အမွေအနှစ် များဆီသို့ ဦးတည်သွားကြသည်ကို ကြည့်ရင်း ၊ ဝူဟောက် သူ့ကိုယ်သူ တွေးတောလိုက်ပြီးနောက် ထိုနေရာမှ ထွက်ခွာရန် ဆုံးဖြတ်လိုက်သည်။

ထိုအချိန်တွင် သူ၏ ဇနီး စူးချောင်ရန်နှင့် မြစ်ဖြစ်သူ ဝူကျန်းအဲ့တို့က ‌ဤနေရာသို့ ရောက်ရှိလာကြသည်ကို သတိပြုမိလိုက်သည်။

"ဒီမှာ အင်မော်တယ် ဧကရာဇ် တွေရဲ့ အမွေအနှစ် တွေလည်း အများကြီး ရှိသေးတယ်... ငါ့ဇနီးနဲ့ ဝူကျန်းအဲ့တို့ သွားယူလို့ရတာပဲ..."

ဝူဟောက်၏ အာရုံခံနိုင်စွမ်းတွင် တောက်ရန် လျှို့ဝှက်နယ်မြေ အတွင်း၌ အင်မော်တယ် ဧကရာဇ် ၏ အမွေအနှစ် အချို့ ကျန်ရှိနေသေးသော်လည်း ၎င်းတို့၏ ကျင့်ကြံခြင်းအဆင့်များသည် အင်မော်တယ် မဟာဧကရာဇ် နှောင်းပိုင်းအဆင့် ရှိ ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့ထက် နိမ့်ကျပေသည်။ ၎င်းတို့သည် အင်မော်တယ် ဧကရာဇ် အလယ်အလတ်အဆင့် နှင့် ကနဦးအဆင့်များသာ ဖြစ်ပေသည်။

သို့သော် ၎င်းသည် သူ၏ ဇနီးနှင့် မြစ် အတွက် အထောက်အကူ ဖြစ်စေနိုင်သည်။ ထိုအတွေးဖြင့် ဝူဟောက်သည် စူးချောင်ရန်နှင့် ဝူကျန်းအဲ့တို့၏ ရှေ့မှောက်သို့ ရောက်ရှိလာခဲ့သည်။

တစ်ချိန်တည်းမှာပင် တိုက်ပွဲမြေပြင်မှ ထွက်ခွာလာပြီး မကြာမီ ဝူမိုဝူ၏ အငွေ့အသက်များ အားနည်းသွားကာ သွေးတစ်လုတ် အန်ထုတ်လိုက်သည်။

"သောက်ကျိုးနည်း... ဒီ ချူယန် အင်မော်တယ်ဧကရာဇ် က တကယ်ကို အတော်လေး စွမ်းဆောင်နိုင်တာပဲ... သူ့ကို အမြန်ဆုံး ရှင်းပစ်နိုင်ဖို့ ငါ မြန်မြန် ပိုသန်မာလာဖို့ လိုနေပြီ..."

ချူယန် အင်မော်တယ်ဧကရာဇ် သည် ကိုယ့်ကိုယ်ကိုယ် ဖောက်ခွဲဖျက်ဆီးမှုမှ အသက်ရှင်ကျန်ရစ်ပြီး သူမကဲ့သို့ပင် ပြန်လည်မွေးဖွားခြင်း ကို အောင်မြင်စွာ ရရှိလိမ့်မည်ဟု ထင်မှတ်မထားခဲ့ချေ။

အခြားတစ်ဖက်တွင် ဝူရှန်းနီ၏ အသက်ရှူနှုန်းမှာ မြန်ဆန်လာပြီး သူ၏ အမူအရာသည် အနည်းငယ် ကြည့်ရဆိုးသွားသည်။

"ငါ ကိုယ့်ကိုယ်ကိုယ် ဖောက်ခွဲဖျက်ဆီးလိုက်တဲ့အချိန်တုန်းက ထွင်းရှစ်ဧကရာဇ် ကို ငါနဲ့အတူ မခေါ်သွားနိုင်ခဲ့ဘူးပဲ... ကြည့်ရတာ ထွင်းရှစ်ဧကရာဇ် မှာ တကယ်ကို စွမ်းအားတချို့ ရှိနေတာပဲ... ဒါပေမဲ့ ဘယ်လိုပဲဖြစ်ဖြစ် ထျန်းရှန်း အင်မော်တယ် မဟာဧကရာဇ် ရဲ့ အမွေအနှစ် ကို ရနိုင်သရွေ့ ငါ အမြန်ဆုံး ထွင်းရှစ်ဧကရာဇ် ကို ကျော်လွန်ပြီး သူမကို သတ်နိုင်မှာပဲ..."

သူတို့နှစ်ဦးသည် တစ်ယောက်ကိုတစ်ယောက် မည်သူမည်ဝါဖြစ်ကြောင်း သိသွားသည့်နေ့တွင် မည်သို့သော အမူအရာများ ရှိနေမည်ကိုတော့ မသိနိုင်ချေ။

တစ်ချိန်တည်းမှာပင် စူးချောင်ရန်နှင့် ဝူကျန်းအဲ့တို့လည်း အခင်းဖြစ်ပွားရာသို့ ရောက်ရှိလာကြသည်။ ထိုနေရာတွင် မည်သူမှမရှိသည်ကို သတိပြုမိလိုက်ရာ၊ သူတို့၏ အမူအရာများသည် တည်ကြည်လေးနက်သွားကြ၏။

"ဘေးဘွား... ခုနက ဒီမှာ စွမ်းအားကြီးမားတဲ့ ပုဂ္ဂိုလ်နှစ်ယောက် တိုက်ခိုက်နေတာ ဖြစ်ရမယ်... ပြီးတော့ ငါတို့ မရောက်ခင် သူတို့ ထွက်သွားကြပြီ..."

ဘေးတွင် ရပ်နေသော စူးချောင်ရန်က ခေါင်းကို ညင်သာစွာ ခါယမ်းပြလိုက်သည်။

"ဘာလို့လဲတော့ မသိဘူး... ဒီနေရာမှာ ရင်းနှီးတဲ့ အငွေ့အသက်ရှိသလို ခံစားရတယ်... ကောင်းပြီလေ... သူတို့ အားလုံး ထွက်သွားကြပြီဆိုတော့ ငါတို့လည်း သွားကြတာပေါ့... ထျန်းရှန်းဂိုဏ်း နဲ့ သော့မောတောင်ကြား က စွမ်းအားကြီးမားတဲ့ ပုဂ္ဂိုလ်တွေရဲ့ အမွေအနှစ် တွေကို ငါတို့ ရှာတွေ့နိုင်ကောင်း ရှာတွေ့နိုင်မှာပါ..."

စူးချောင်ရန်နှင့် ဝူကျန်းအဲ့တို့ ထွက်ခွာရန် ပြင်လိုက်စဉ် သူတို့၏ အနောက်ဘက်မှ အလွန် ရင်းနှီးသော အငွေ့အသက် တစ်ခုကို ခံစားလိုက်ရသဖြင့် နှစ်ဦးစလုံး အံ့အားသင့်စွာဖြင့် လှည့်ကြည့်လိုက်ကြသည်။

ဝူဟောက် ဖြစ်နေသည်ကို မြင်တွေ့ရချိန်တွင် စူးချောင်ရန် မှာ နေရာတွင်ပင် မှင်တက်သွားပြီး မယုံနိုင်စွာဖြင့် ပြောဆိုလိုက်၏။

"ယောကျ်ား... တကယ်ပဲ ရှင်လား..."

"အင်း... ငါပါ..."

ဝူဟောက် သည် ပြုံးရွှင်စွာဖြင့် ခေါင်းညိတ်ပြလိုက်သည်။ မည်သို့ပင်ဆိုစေ သူ၏ စွမ်းအားသည် အထက်ကမ္ဘာ ၏ ပြဿနာအားလုံးကို ဖြေရှင်းရန် လုံလောက်ပေသည်။ အကယ်၍ သူသာ သူ၏ လျှို့ဝှက်ဖဲချပ် အားလုံးကို အသုံးပြုပါက ၊ နတ်ဘုရား ဧကရာဇ် ကိုပင် စိန်ခေါ်နိုင်ပေသည်။ ထို့ကြောင့် ဖုံးကွယ်ထားစရာ အကြောင်းမရှိချေ။

ဝူဟောက်၏ စကားကို ကြားပြီးနောက် စူးချောင်ရန်သည် ဝူဟောက်ကို မေးခွန်းထုတ်မနေဘဲ ပြေးဖက်လိုက်သည် ။ မည်သို့ပင်ဆိုစေကာမူ၊ သူမ၏ အမြင်တွင် သူမ၏ ခင်ပွန်း လုပ်သမျှ၊ မဖြစ်နိုင်သောအရာများပင်လျှင် ပုံမှန်သာ ဖြစ်သည်ဟု လက်ခံထားသည်။

ဤအမျိုးသားသည် သူမ မျက်စိကျခဲ့ရသော ချစ်ရသူပင် မဟုတ်လော။

"ဘိုးဘေး... အထဲဝင်လာဖို့ လိုအပ်လောက်တဲ့ အရေးကြီးကိစ္စ တစ်ခုခု ရှိလို့လား..."

ဝူဟောက်နှင့် စူးချောင်ရန်တို့၏ ဖက်တွယ်မှုမှာ အချိန်သိပ်မကြာလိုက်ဘဲ ဝူကျန်းအဲ့ စကားပြောလိုက်ချိန်တွင် အလျင်အမြန် ခွာလိုက်ကြသည်။

စူးချောင်ရန်၏ မျက်နှာပေါ်တွင်လည်း စပ်စုချင်စိတ် အနည်းငယ် ပေါ်ထွက်လာခဲ့၏။

ဤသည်ကို ကြားချိန်တွင် ဝူဟောက် က ခေါင်းညိတ်လိုက်ပြီး ပြန်ဖြေလိုက်သည်။

"မှန်တယ်... ဖြေရှင်းစရာ ကိစ္စတချို့ ရှိလို့ ဝင်လာခဲ့တာ.. ဒါပေမဲ့ မင်းတို့ကို ဒီက အင်မော်တယ် ဧကရာဇ် တွေရဲ့ အမွေအနှစ် သွားယူဖို့လည်း ခေါ်သွားဖို့ စီစဉ်ထားတယ်..."

"ဒါဆို ဘိုးဘေး... ကျွန်တော်နဲ့ ဘေးဘွား ကို ထျန်းရှန်း အင်မော်တယ် မဟာဧကရာဇ် နဲ့ သော့မော အင်မော်တယ် မဟာဧကရာဇ် တို့ရဲ့ အမွေအနှစ် တွေ သွားယူဖို့ ခေါ်သွားမလို့လား..."

ဝူကျန်းအဲ့ ခမျာ အတော်လေး စိတ်လှုပ်ရှားသွားပြီး စမ်းသပ်ကြည့်ချင်စိတ်များဖြင့် ပြည့်နှက်နေသည်။ စူးချောင်ရန်သည်လည်း ထိုနည်းတူပင် ဖြစ်သည်။

သူမနှင့် ဝူဟောက်ကြားတွင် ကွာဟချက် မည်မျှကြီးမားကြောင်းကို သူမ မသိသေးသော်လည်း ဝူဟောက် လိုအပ်ချိန်တွင် သူ၏ အနောက်၌ ပုန်းအောင်းနေရမည့်အစား ဝူဟောက်နှင့် ပိုမိုနီးကပ်လာစေရန် သူမ ကြိုးစားအားထုတ်လိုပေသည်။

သို့သော် ဝူဟောက်က ခေါင်းခါယမ်းလိုက်၏။

"မဟုတ်ဘူး... ထျန်းရှန်း အင်မော်တယ် ဧကရာဇ် နဲ့ သော့မော အင်မော်တယ် ဧကရာဇ် တို့ရဲ့ အမွေအနှစ် တွေကို ယူသွားကြပြီ... မင်းတို့ကို အင်မော်တယ် ဧကရာဇ် အလယ်အလတ်အဆင့် တွေရဲ့ အမွေအနှစ် တွေဆီ ငါ ခေါ်သွားပေးမယ်..."

ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့၏ အမွေအနှစ် များကို ရယူသွားပြီဖြစ်ကြောင်း ကြားလိုက်ရချိန်တွင် စူးချောင်ရန်နှင့် ဝူကျန်းအဲ့တို့၏ မျက်နှာပေါ်၌ ဝမ်းနည်းမှု အရိပ်အယောင် အနည်းငယ် ပေါ်လာသော်လည်း သို့သော် အနည်းငယ်မျှသာ ဖြစ်ပေသည်။

မည်သို့ပင်ဆိုစေကာမူ သူတို့ထံ၌ အင်မော်တယ် ဧကရာဇ်ကနဦးအဆင့်ရှိ အမွေအနှစ် များ ရှိပြီးသားဖြစ်ကာ၊ လောလောဆယ်တွင် အင်မော်တယ် ဧကရာဇ် နှောင်းပိုင်းအဆင့် ၏ အမွေအနှစ်များကို မလိုအပ်သေးချေ။ ထိုအရာကို သူတို့ ရယူလိုသည့် အကြောင်းရင်းမှာ ကွဲပြားသော အင်မော်တယ် ဧကရာဇ် အဆင့်ရှိ အမွေအနှစ် များ၏ အကူအညီဖြင့် သူတို့၏ ကိုယ်ပိုင် တာအို သည် ပို၍ပြည့်စုံလာပြီး သန်မာလာနိုင်သောကြောင့်သာ ဖြစ်ပေသည်။

ထျန်းရှန်း အင်မော်တယ် မဟာဧကရာဇ် နှင့် သော့မော အင်မော်တယ် မဟာဧကရာဇ် တို့၏ အမွေအနှစ် များကို မည်သူ ရယူသွားသနည်း ဆိုသည်နှင့် ပတ်သက်၍မူ ဝူဟောက်က မပြောသဖြင့် သူတို့လည်း မမေးမြန်းတော့ချေ။

အခြား စစ်မှန်အင်မော်တယ် အဆင့် ကျင့်ကြံသူ များ မရောက်လာသေးမီ ဝူဟောက်သည် စူးချောင်ရန်နှင့် ဝူကျန်းအဲ့တို့နှင့်အတူ ထွက်ခွာသွားပြီဖြစ်သည်။ သူတို့ ထွက်သွားပြီးနောက် များမကြာမီ သူတို့သုံးဦးသည် တောင်ကြီးတစ်တောင်၏ အခြေရှိ လိုဏ်ဂူတစ်ခုသို့ ရောက်ရှိလာကြသည်။

"အထဲဝင်သွား... အထဲမှာ အင်မော်တယ် ဧကရာဇ် အလယ်အလတ်အဆင့် နှစ်ယောက်ရဲ့ အမွေအနှစ် တွေ ရှိတယ်..."

ဝူဟောက်က စူးချောင်ရန်နှင့် ဝူကျန်းအဲ့တို့ကို ကြည့်ကာ ပြောဆိုလိုက်၏။ မည်သည့် တုံ့ဆိုင်းမှုမျှ မရှိဘဲ သူတို့နှစ်ဦးသည် ဝူဟောက်ကို တစ်ချက်ကြည့်လိုက်ပြီး လိုဏ်ဂူအတွင်းသို့ တိုက်ရိုက် ဝင်ရောက်သွားကြလေသည်။

ဝူဟောက်၏ စကားကို သူတို့ ဘယ်သောအခါကမျှ သံသယဝင်မည် မဟုတ်။

သူတို့နှစ်ဦး ဝင်သွားပြီးနောက် ဝူဟောက်သည် လျှို့ဝှက်နယ်မြေ ၏ တောင်ဘက်နှင့် မြောက်ဘက်စွန်းရှိ စွမ်းအားကြီးမားသော အင်မော်တယ် မဟာဧကရာဇ် နှောင်းပိုင်းအဆင့်များ၏ အမွေအနှစ် နေရာ နှစ်ခုဆီသို့ လှမ်းကြည့်လိုက်၏။ ဝူရှန်းနီနှင့် ဝူမိုဝူတို့သည် အမွေအနှစ် နေရာများ အနီးသို့ ရောက်ရှိနေကြပြီဖြစ်သည်။