အခန်း (၄၂၄)

"ကောင်းတယ်၊ ကောင်းတယ်၊ ကောင်းတယ်"

ဝမ်ကျိီသည် အလွန်စိတ်အားထက်သန်နေပြီး ဦးထုပ်ကို ကောက်ယူကာ ဖန်

ချင်းယွမ်၏ ဦးခေါင်းပေါ်သို့ ဆောင်းပေးလိုက်သည်။

"ကဲ... ပြင်ဆင်ကြစို့"

သွေးသောက်ညီအစ်ကို သုံးဦးစလုံး ဝတ်စုံပြည့် သေသပ်စွာ ဝတ်ဆင်ထားကြသည်။

ဇီဝေတောင်ထိပ်တွင်...

ရက်အနည်းငယ်ကြာ ပြုပြင်ထိန်းသိမ်းမှုများ ပြုလုပ်ပြီးနောက် နေရာအတော်များများတွင် တိုက်ပွဲဖြစ်ပွားခဲ့သည့် အမှတ်အသားများ မရှိတော့ပေ။

ဒီနေ့မှာတော့...

ခေါင်းလောင်းသံများနှင့် တေးဂီတသံများ တပြိုင်နက် ထွက်ပေါ်လာပြီး လူအုပ်ကြီးမှာ လှိုင်းလုံးကြီးများသဖွယ် တိုးဝှေ့လာကြသည်။ အရာရှိအားလုံးသည် ဧကရာဇ်မင်းမြတ် နန်းတက်ပွဲသို့ တက်လှမ်းလာစဉ် တညီတညွတ်

တည်း ဦးညွှတ် အလေးပြုကြသည်။

ငွေစင်သန်းပေါင်းများစွာ၊ မရေမတွက်နိုင်သော နွား၊ သိုးများနှင့် လူအင်အား၊ ပစ္စည်းအင်အား အမြောက်အမြား အသုံးပြုထားသည့် ကြီးကျယ်ခမ်းနားသော ယဇ်ပူဇော်ပွဲကြီးကို ကျင်းပခဲ့ရာ အင်ပါယာကြီး၏ စည်ပင်ဝပြောမှုကို ဖော်ပြနေသကဲ့သို့ ရှိသည်။ ထိုယဇ်ပူဇော်ပွဲမှာ ရက်ပေါင်းများစွာ ကြာမြင့်ခဲ့သည်။

အခမ်းအနားများ ပြီးဆုံးသွားသည့်တိုင်အောင် နန်းတွင်းညီလာခံကို ဆက်လက်ကျင်းပခဲ့သည်။

ရန်ရှင်းနန်းဆောင်အတွင်း၌...

အမတ်ကြီးများမှာ မိမိတို့နေရာနှင့်မိမိ အစီအစဉ်တကျ ရှိနေကြသည်။ အရပ်ဘက်အရာရှိများက အရှေ့ဘက်၊ စစ်ဘက်အရာရှိများက အနောက်ဘက်တွင် နေရာယူထားကြသည်။ ဧကရာဇ်မင်းမြတ် ကိုယ်တိုင် နေရာယူလိုက်သည့် အခါမှသာ နှစ်ဖက်စလုံးမှ လေးနက်သော နုတ်ဆက်သံများ ထွက်ပေါ်လာသည်။

ဤခမ်းနားသော အခမ်းအနားကြီးတွင် ဧကရာဇ်မင်းမြတ်သည် နဂါးဝတ်ရုံတော်ကို ဝတ်ဆင်ထားသည်။ အမတ်မင်းများကလည်း ကြမ်းပြင်ပေါ်၌ ဒူးထောက်ကာ ဂါရဝပြုကြသည်။ အခြေအမြစ်မရှိသော စကားများ ပြောဆိုပြီးနောက် ထုံးတမ်းစဉ်လာ ကြီးကြပ်ရေးအဖွဲ့မှ မိန်းမစိုးတစ်ဦးက ထူးချွန်သူများ၏ ဘွဲ့ထူးဂုဏ်ထူးစာရင်းကို စတင်ဖတ်ကြားတော့သည်။

"စစ်ဘက်ဆိုင်ရာ နယ်စားလူကျိီသည် စစ်မြေပြင်တွင် သူရဲကောင်းပီသစွာ အကြိမ်ကြိမ် သက်သေပြခဲ့ပြီး မြက်ခင်းပြင် လူရိုင်းများ၏ နှလုံးသားထဲသို့ ကြောက်ရွံ့မှုများ သွတ်သွင်းပေးခဲ့သည်။ မြောက်ဘက်နယ်မြေကို ခြောက်နှစ်တိုင်တိုင် ထူးချွန်စွာ စောင့်ရှောက်ခဲ့သည်။ လုံချင် (၇၂) နှစ်မြောက် မင်ပြည်နယ်ပုန်ကန်မှုအတွင်း အနောက်ချီ မှ ကျန်းဝူရှင်း၏ တပ်ဖွဲ့များကို အောင်မြင်စွာ တိုက်ခိုက်ခဲ့ကာ ရန်သူ လေးသောင်းကို သတ်ဖြတ်ပြီး နှစ်သောင်းကို ဖမ်းဆီးနိုင်ခဲ့သည်။ ပုန်ကန်မှုကို နှိမ်နင်းကာ နယ်စပ်ဒေသကို တည်ငြိမ်အောင် စွမ်းဆောင်ခဲ့သည့်အတွက် အထူးကောင်းမွန်သော အောင်မြင်မှု့ကို ရရှိခဲ့သည်။ မကြာသေးမီက ဇီဝေတောင် မိစ္ဆာနတ်ဘုရား ဆူပူမှုအတွင်း မိမိအသက်ကို ပဓာနမထားဘဲ သစ္စာဖောက်မှုကို ဖော်ထုတ်နိုင်ခဲ့ပြီး နောင်တွင်လည်း ဧကရာဇ်ကို အရေးပါစွာ ကာကွယ်ပေးခဲ့သည်။ ထို့ကြောင့် ဒါရှန့် နိုင်ငံ၏ အားကိုးရသော အမတ်ကောင်းတစ်ဦးဖြစ်ကြောင်း သက်သေပြနိုင်ခဲ့သည်။ ဤအကြောင်းများကြောင့် လူကျိီကို ပထမအဆင့် အထူးဂုဏ်ထူးဆောင်ဘွဲ့ နှင့် နိုင်ငံတော် အခမ်းအနားဆိုင်ရာအကြီးကဲဘွဲ့ကို အပ်နှင်းပြီး တပ်စခန်းသုံးခု ကို ကွပ်ကဲခွင့် ပေးအပ်လိုက်သည်။"

တပ်စခန်းသုံးခု..

အမတ်များမှာ စိတ်ထဲမှ တွက်ချက်နေကြသည်။ ဤခန့်အပ်မှုအရ မြောက်

ပိုင်လျန် ၏ တပ်ဖွဲ့များမှာ တပ်စခန်း ၁၂ ခုအထိ တိုးချဲ့လိုက်လျှင်ပင် လူကျိီတစ်ဦးတည်းက လေးပုံတစ်ပုံကို ထိန်းချုပ်ထားနိုင်မည် ဖြစ်သည်။

မိန်းမစိုးသည် အခြားဗိုလ်ချုပ်များ၏ ဆုလာဘ်များကို ဆက်လက်ဖတ်ကြားသွားသည်။

ထို့နောက်တွင်...

"ယခင် ရွှမ်ဝူစခန်းတပ်မှူး ထန်ရိုရှန်သည် လင်ချွမ်းတိုက်ပွဲအပြီးတွင် ဒဏ်ရာအပြင်းအထန် ရရှိခဲ့သော်လည်း ဖော်ထုတ်ခြင်းမပြုဘဲ ပိုယန်တွင် လူယုံအဖွဲ့ဝင်အဖြစ် တာဝန်များကို မမောမပန်း ထမ်းဆောင်ခဲ့သည်။ ဟူလောင်တောင်ကြားတိုက်ပွဲအတွင်း ရန်သူ့စခန်းအတွင်းသို့ ရဲရဲဝံ့ဝံ့ ထိုးဖောက်ဝင်ရောက်ကာ တပ်မှူးအား အောင်ပွဲရရှိအောင် ကူညီပေးခဲ့သည်။ သူ၏ အမှားနှင့် အမှန်ကို ချိန်ညှိကာ ဒုတိယအဆင့် စစ်ဘက်ဆိုင်ရာအောင်မြင်မှု့ကို ပြန်လည်အပ်နှင်းပြီး စတုတ္ထအဆင့် စစ်ရေးစွမ်းရည်ပြ ဗိုလ်ချုပ် အဖြစ် ခန့်အပ်လိုက်သည်။"

ထန်ရိုရှန်...

အမတ်များ၏ စိတ်ထဲတွင် လှုပ်ခတ်သွားပြန်သည်။ သူ အသက်ရှင်နေသေးတာလားစစ်ဘက်ဂုဏ်ထူးမှာ မြင့်မားသော်လည်း ရာထူးမှာ စတုတ္ထအဆင့်သာ ဖြစ်သဖြင့် သူသည် မျက်နှာသာပေးခံရမှုမှ လျော့ကျသွားပုံရသည်။

"အရန်တပ်စခန်း လက်ဝဲတပ်ဖွဲ့၏ လက်ထောက်ဗိုလ်ချုပ် ချန်ဆန်းရှီ"

ဤအမည်ကို ဖတ်လိုက်သည့်အခါတွင်...

ညီလာခံတွင် ရှိနေသူအားလုံး နားစွင့်လိုက်ကြသည်။ "ချန်ဆန်းရှီ" ဟူသော စာလုံးသုံးလုံးသည် နန်းတွင်း၌ နှစ်နှစ်ခန့်သာ ပေါ်ထွက်ခဲ့သော်လည်း အကြိမ်တိုင်းတွင် မိုးကြိုးပစ်သကဲ့သို့ ကျော်ကြားမှုနှင့်အတူ ပေါ်ထွက်လာခြင်းဖြစ်သည်။ အရှေ့ဘက်စစ်ဆင်ရေးသို့ သူရောက်ရှိလာခြင်းက သူ့အမည်အတွက် ကြီးမားသော စွမ်းဆောင်ချက်များကို တစ်ခုပြီးတစ်ခု တိုးပွားစေခဲ့သည်။ သူတို့၏ အမြင်တွင် သူသည် နိုင်ငံတော်၏ အဓိကမဏ္ဍိုင်ကြီးဖြစ်ရန် ငြင်းချက်ထုတ်စရာ မရှိပေ။

ခမ်းနားလှသော ဟွမ်ဟုန်၏ အသံမှာ ခန်းမအတွင်း၌ ဟိန်းထွက်နေသည်။

"မင်ပြည်နယ်ပုန်ကန်မှုအတွင်း ဗိုလ်ချုပ်ဟိုင်ယွမ် ချန်ဆန်းရှီ သည် ဟုန်ကျဲမြစ်ကို လေးကြိမ်တိုင်တိုင် ဖြတ်ကျော်ကာ မေရှန်းခရိုင်ကို တိုက်ရိုက်

တိုက်ခိုက်ခဲ့ပြီး ပုန်ကန်သူဗိုလ်ချုပ်တုန်အန်း ကို သေဆုံးသည်အထိ ပြုလုပ်နိုင်ခဲ့သည်။ ၎င်းမှာ မင်ပြည်နယ် စစ်ဆင်ရေး၏ အဓိက အောင်မြင်မှုတစ်ခုဖြစ်သည်။"

"အရှေ့ဘက်စစ်ဆင်ရေးတွင် ဝတ်ရုံဖြူ၊ မြင်းဖြူနှင့်အတူ လိုက်ပါခဲ့ရာ သူဖြတ်သန်းသွားသော နေရာတိုင်းတွင် အောင်ပွဲခံတေးသံများ ထွက်ပေါ်ခဲ့ပြီး ရန်သူများမှာ သူ့ကိုမြင်ရုံနှင့်ပင် လက်နက်ချခဲ့ကြသည်။ ၎င်းမှာ ဒါရှန်

နိုင်ငံရှိ နောက်လိုက်များ၏ နှလုံးသားကို ရရှိစေခဲ့သည်။"

"ဟူလောင်တောင်ကြားတိုက်ပွဲတွင် တပ်သားသုံးထောင်ဖြင့် ရန်သူတစ်သိန်းကို အောင်နိုင်ခဲ့ကာ တိုက်ပွဲတစ်ခုတည်းတွင် မင်းသားနှစ်ပါးကို ဖမ်းဆီးနိုင်ခဲ့သည်။ ၎င်းမှာ မကြုံစဖူးသော ကြီးကျယ်လှသည့် စစ်ရေးစွမ်းဆောင်မှု ဖြစ်သည်။ သူ၏ တိုက်ပွဲဗျူဟာများကို ကမ္ဘာပေါ်ရှိ စစ်ဘက်ဆိုင်ရာ မိသားစုအားလုံး လေ့လာနိုင်ရန် စစ်သေနင်္ဂဗျူဟာ စာအုပ်များတွင် အပြည့်အစုံ မှတ်တမ်းတင်ထားပြီး ဖြစ်သည်။"

"ဤကဲ့သို့သော ကောင်းကင်ဘုံမှ ပေးအပ်သည့်အောင်မြင်မှု့သုံးမျိုးမှာ ထာဝရဂုဏ်ယူဖွယ်ရာဖြစ်ပြီး ခေတ်အဆက်ဆက် အမည်တွင်ကျန်ရစ်ပေလိမ့်မည်။"

"အမွေးတိုင်နတ်ဘုရားဂိုဏ်း၏ ပုန်ကန်မှုအတွင်း ချန်ဆန်းရှီသည် မိမိအသက်ကို ရင်း၍ ဧကရာဇ်ကို ကာကွယ်ပေးခဲ့သည်။"

"ဤစွမ်းဆောင်ချက်များကြောင့် သူသည် ဒါရှန်နိုင်ငံ၏ အုတ်မြစ်ဖြစ်ပြီး အနှိုင်းမဲ့သော သစ္စာရှိအမတ်၊ စစ်သူရဲကောင်းကောင်း တစ်ဦးဖြစ်သည်။"

"ထို့ကြောင့် သူ့ကို နယ်စားဝူယီဘွဲ့ကို အပ်နှင်းလိုက်သည်။"

နယ်စားဘွဲ့လား...

သူ့ကို ပထမအဆင့် နိုင်ငံတော်မဏ္ဍိုင်ဘွဲ့ ပေးမည်ဟု သတင်းများ ထွက်ပေါ်နေသည်မဟုတ်ပါလား အဘယ်ကြောင့် ယခု နယ်စားဘွဲ့သာ ဖြစ်နေရသနည်း။

သူသည် အသက် ၂၀ သာ ရှိသေးသည်။ တစ်လောကလုံးရှိ ပြည်နယ်ငါးခုတွင် ဤမျှ ငယ်ရွယ်သော နယ်စားကို ဘယ်မှာ ရှာတွေ့နိုင်ပါဦးမည်နည်း။

"ပြီးတော့..."

ဟွမ်ဟုန်၏ အသံမှာ ဆက်လက်ထွက်ပေါ်လာသည်။

"သူ့ကို ဒုတိယအဆင့် နိုင်ငံတော်စောင့်ရှောက်ရေး ဗိုလ်ချုပ်အဖြစ် ခန့်အပ်လိုက်ပြီး၊ အထူးတပ်စခန်း၏ အဓိက ဗိုလ်ချုပ်ကြီးအဖြစ် တာဝန်ယူကာ ဟုန်ကျဲစခန်းကို တည်ထောင်စေမည်။"

အဓိက ဗိုလ်ချုပ်ကြီး...

ဟုန်ကျဲစခန်းကို တည်ထောင်ရန်..

ယခုအချိန်မှစ၍ အသစ်တည်ထောင်ထားသော မြောက် ပိုင်လျန်၏ စခန်းလေးခုအတွင်းတွင် အမည်တစ်ခုမှာ တွင်ကျန်ရစ်ပေတော့မည်။ ၎င်းမှာ "ဟုန်ကျဲစခန်း" ပင် ဖြစ်သည်။

"ဆုလာဘ်အဖြစ် ရွှေစင်တစ်သောင်း၊ ငွေစင်တစ်သိန်း၊ ပိုးထည်ရှစ်ထောင်

နှင့် နယ်စားဝူယီ ကမ္ပည်းစာတန်းကို ချီးမြှင့်လိုက်သည်။"

"..."

ထို့နောက်တွင်လည်း အခြားဗိုလ်ချုပ်များစွာမှာ သူတို့၏ ဆုလာဘ်များနှင့် ဘွဲ့ထူးများကို အသီးသီး ရရှိခဲ့ကြသည်။ သို့သော် အဆင့်မြင့်သူများသာ ကြေညာခြင်းခံရပြီး ကျန်ရှိသော အရာရှိများမှာမူ ညီလာခံအပြီးတွင် ဆုလာဘ်များ ရရှိကြမည်ဖြစ်သည်။

၎င်းတို့အထဲတွင် ပုံစံကောင်းတစ်ခု ပြသနိုင်ရန်အတွက် ချင်ပြည်နယ်မှ လက်နက်ချလာသော ဗိုလ်ချုပ် တိန့်ဖုန်းကို သူ၏ မူလနိုင်ငံမှ နယ်စားဘွဲ့နှင့် ပထမအဆင့် စစ်ဘက်ရာထူးကို ဆက်လက်ထိန်းသိမ်းပေးထားပြီး မြို့တော်သို့ ခေါ်ယူကာ နောင်တွင် မြောက်ဘက်နယ်မြေ သို့မဟုတ် အခြားပြည်နယ် ၃၆ ခုအနက် တစ်ခုခုသို့ ပြောင်းရွှေ့တာဝန်ပေးရန် စီစဉ်ထားသည်။

နောက်ဆုံးတွင် ပုန်ကန်သူများအား အရေးယူမှုများ ပြုလုပ်ခဲ့သည်။ အများစုမှာ မိသားစုနှင့်တကွ ကွပ်မျက်ခြင်းခံရပြီး အရင်က အောင်မြင်မှု့ရှိခဲ့သူ အနည်းငယ်ကိုသာ မိသားစုအား ချမ်းသာခွင့်ပေးခဲ့သည်။ ဧကရာဇ်သည် သူ၏ သဘောထားကြီးမှုကို ပြသသည့်အနေဖြင့် ပုန်ကန်မှုတွင် ပါဝင်ခဲ့သော တပ်စခန်းသုံးခုမှ တပ်သားများကို ရှေ့တန်းစစ်မျက်နှာတွင် အပြစ်ပေးဆပ်ရန် အခွင့်အရေး ပေးခဲ့သည်။

မုန်ချူကျီသည် အရှေ့ဘက်စစ်ဆင်ရေးတွင် အဓိက စွမ်းဆောင်ရှင်တစ်ဦး ဖြစ်ခဲ့သည်။ အဆုံးသတ်တွင် သူ့ကို ဝရမ်းထုတ်ခံရပြီး သူ၏ ပိုင်ဆိုင်မှုများကို သိမ်းဆည်းကာ မိသားစုအား ပြည်နှင်ဒဏ် ပေးခဲ့သည်။

ဤသို့ဖြင့်...

အရှေ့ဘက်စစ်ဆင်ရေးမှာ လုံးဝပြီးဆုံးသွားခဲ့သည်။

နန်းတွင်းညီလာခံ ပြီးဆုံးသွားသည်။ ရန်ရှင်းနန်းဆောင်၏ နောက်ကွယ်တွင် သီးသန့်အနားယူရာ နေရာတစ်ခု ရှိသည်။

"ကျွန်တော်မျိုး အရှင်မင်းကြီးကို ဂါရဝပြုပါတယ်"

လူကျိီက ဦးညွှတ် အလေးပြုလိုက်သည်။

"လူကျိီ... မင်း ဒီတစ်ခါ တကယ်ကောင်းကောင်း လုပ်နိုင်ခဲ့တယ်"

ဧကရာဇ် လုံချင်က ချီးကျူးလိုက်သည်။

"မင်းသာ ငါ့ကို အရင်ဆုံး လာမပြောခဲ့ရင် ငါတို့တွေ အမှောင်ထဲမှာ ရှိနေဦးမှာပဲ။ ကြိုတင်ပြီး ဒီလောက်အထိ သေချာပြင်ဆင်နိုင်မှာ မဟုတ်ဘူး"

"ဒါဟာ အရှင်မင်းကြီးရဲ့ ထက်မြက်ပြီး ပြတ်သားတဲ့ ဆုံးဖြတ်ချက်ကြောင့်ပါ"

လူကျိီက ရိုသေစွာ ပြန်ပြောသည်။

"ကျွန်တော်မျိုးကတော့ ကျွန်တော့်ရဲ့ ဝတ္တရားကို ထမ်းဆောင်ခဲ့တာရုံပါပဲ"

"မင်းဟာ ဒီနေရာမှာတော့ မင်းရဲ့ ဆရာထက်တောင် သာသေးတယ်"

ဧကရာဇ် လုံချင်က ကျေနပ်စွာ ပြောလိုက်သည်။

"ပြီးတော့ မင်းဟာ အကြီးဆုံး စီနီယာအစ်ကိုလည်း ဖြစ်တယ်၊ နောင်တစ်

ချိန်မှာ တပ်စခန်းရှစ်ခုကို လွှဲယူဖို့ မင်းထက် သင့်တော်တဲ့သူ မရှိပါဘူး။ ငါလည်း မင်းကို ယုံကြည်တယ်။ ပြောစမ်း... မင်း ဘာဆုလာဘ်များ လိုချင်

သလဲ"