အခန်း (၆၁-၆၂)

အခန်း ၆၁: တချို့နေရာတွေမှာ ကျွန်မ ချိတ်မိနေသလိုတောင် ခံစားရတယ်...

ရုတ်တရက်စကားကြောင့် စူးချန်ကဲ လုံးဝကြောင်အမ်းသွားခဲ့လေ၏။

သူမကို လက်ခံရမည်လောဟု သူတွေးလိုက်လေသည်။

"ဆရာကြီး... ခင်ဗျား တကယ် ပြောနေတာလား..."

စူးချန်ကဲက ချင်းချိုးဘိုးဘေးကို ထူးဆန်းသော အမူအရာဖြင့် ကြည့်လိုက်သည်။

ချင်းချိုး၏ဘိုးဘေးက တည်ငြိမ်စွာ ပြုံးပြီး ပြောဆိုသည်။

"သေချာတာပေါ့..."

"သူက ကျွန်တော့်ရဲ့ ဂျူနီယာညီမလေး ဆိုတော့ ကျွန်တော် လုပ်သင့်တာက..."

စူးချန်ကဲက လွှတ်ခနဲ ပြောလိုက်သော်လည်း ထိုအရာက လက်တွေ့မကျကြောင်း သဘောပေါက်သွားပြီး တိတ်ဆိတ်သွားခဲ့လေ၏။

သို့ရာတွင် ချင်းချိုးဘိုးဘေး က လေးနက်သော အမူအရာကို နောက်တစ်ကြိမ် ပြသလိုက်ပြီး ပြောဆိုလိုက်သည်။

"တကယ်တော့... အစကတည်းက ငါ့မှာ ဒီအကြံအစည် ရှိခဲ့တာ... ဒါပေမဲ့ အဲ့ဒီတုန်းက သခင်လေးစူး ရဲ့ စစ်မှန်တဲ့ အထောက်အထားကို ငါ မသိခဲ့ဘူး... ပြီးတော့ သခင်လေး အတွက် နောက်ထပ် ကပ်ဘေးတစ်ခု ထပ်တိုးလာမှာကို ငါ စိုးရိမ်ခဲ့တယ်..."

"ယိုယို က ငါ မြင်ဖူးသမျှ မြေခွေး မျိုးနွယ်စုတွေထဲမှာ ကြောက်စရာအကောင်းဆုံး သွေးမျိုးဆက်ကို ပိုင်ဆိုင်ထားတယ်... ပြီးတော့ သူမမှာ ငါတို့ မျိုးနွယ်စုရဲ့ ဒဏ္ဍာရီတစ်ခုဖြစ်တဲ့ ကောင်းကင်ညှို့ဓာတ်ရုပ်ခန္ဓာကိုယ်တောင် ရှိသေးတယ်... ဒီရုပ်ခန္ဓာကိုယ် နိုးထလာတာနဲ့ မကောင်းဆိုးဝါးကျင့်ကြံသူတွေနဲ့ မကောင်းတဲ့ ရည်ရွယ်ချက် ရှိသူတွေက သူ့ကို သေချာပေါက် လိုချင်တပ်မက်ကြလိမ့်မယ်... ချင်းချိုးက ဒီအောက်ဘုံမှာ နေရာတစ်ခု ရှိပေမဲ့ စိတ်ဝိညာဉ်နယ်မြေနဲ့ ယှဉ်ရင် တတိယတန်းစား အင်အားစု တစ်ခုတောင် မဟုတ်ဘူး... မြေခွေးမျိုးနွယ်စုက သူ့ကို ကာကွယ်မပေးနိုင်ဘူး..."

"ပြီးတော့... ချင်းချိုး ရဲ့ လက်ရှိအခြေအနေက သိပ်ပြီးကောင်းနေမှာ မဟုတ်ဘူး..."

"ဒါပေမဲ့ အခု သခင်လေးရဲ့အထောက်အထားကို ငါ သိသွားပြီဆိုတော့... ဒီအဖိုးကြီးက အများကြီး တွေးနေခဲ့တာ ရှင်းနေတယ်..."

ထိုစကားကိုပြောဆိုပြီးနောက် ချင်းချိုဘိုးဘေးက အရာအားလုံးကို ထိုးထွင်းသိမြင်ပြီးသားဖြစ်သည့်အလား ဉာဏ်ပညာရှိသော အမူအရာတစ်ခုကို ပြသလိုက်၏။

ကောင်းကင်ညှို့ဓာတ်ရုပ်ခန္ဓာကိုယ်ဆိုသည်မှာ အလွန်ထူးခြားသော ရုပ်ခန္ဓာကိုယ်တစ်ခုပင်။ ထိုရုပ်ခန္ဓာကိုယ်ရှိသော အမျိုးသမီးများမှာ အလွန်မြန်ဆန်သော အမြန်နှုန်းဖြင့် ကျင့်ကြံနိုင်ရုံသာမက မွေးရာပါညှို့ဓာတ်များလည်း ရောယှက်နေသည်။ သူမတို့ စုစည်းထားသော နတ်ဘုရား ရုပ်ခန္ဓာကိုယ်၏ မူလစွမ်းအားများကို သူမတို့နှင့်နှစ်ကိုယ်တူကျင့်ကြံသူများထံသို့ အဆပေါင်းများစွာ ပြန်လည်ပေးစွမ်းနိုင်သည်။ ထို့ကြောင့် ထိုခန္ဓာကိုယ်ကို နှစ်ကိုယ်တူကျင့်ကြံခြင်း နတ်ဘုရား ရုပ်ခန္ဓာကိုယ်များထဲမှ တစ်ခုအဖြစ်လည်း လူသိများကျော်ကြားသည်။

ဤရုပ်ခန္ဓာကိုယ်သည် အားနည်းသော အင်အားစုတစ်ခုတွင် ထွက်ပေါ်လာခြင်းက ကောင်းမွန်သောကိစ္စတစ်ခု မဟုတ်ချေ။ ထုယိုယို၏နတ်ဘုရား ရုပ်ခန္ဓာကိုယ်က မနိုးထသေး၍သာ သူမက ထိုလူများ၏ အာရုံစိုက်မှုကို မရရှိသေးခြင်း ဖြစ်သည်။ ထိုအရာ ဖော်ထုတ်ခံလိုက်ရသည်နှင့် အောက်ဘုံတွင်ပင် သူမသည် သူတို့၏လက်ထဲမှ လွတ်မြောက်နိုင်မည် မဟုတ်ချေ။

သူမကို စူးချန်ကဲ လက်ခံရန် ချင်းချိုးဘိုးဘေးက အမှန်တကယ်ကို ဆန္ဒရှိခဲ့လေ၏။ စီနီယာနှင့် ဂျူနီယာညီမလေးကြားရှိ ဆက်ဆံရေးက မည်မျှပင် ကောင်းနေပါစေ သူမက သူ၏ အမျိုးသမီး ဖြစ်လာခြင်းထက် ပိုကောင်းနိုင်မည် မဟုတ်ချေ။

အရေးအကြီးဆုံးမှာ အကယ်၍ ထုယိုယိုသာ စူးချန်ကဲ၏အမျိုးသမီး အမှန်တကယ် ဖြစ်လာပါက သူမက စိတ်ဝိညာဉ်နယ်မြေ၏ အရှင်သခင်များ ဖြစ်သော စူးမိသားစုဝင်တစ်ယောက် ဖြစ်လာပေလိမ့်မည်။ ထိုအချိန်မျိုးတွင် မည်သူက သူမကို ထိရဲမည်နည်းဟု သူ တွေးတောလိုက်သည်။

ချင်းချိုးမျိုးနွယ်အတွက်မူ...

ထုယိုယို ပေါ်လာပြီး မကြာမီမှာပင် သူ အကြမ်းဖျင်း ခန့်မှန်းမိခဲ့လေ၏။ ထုယိုယိုသည် အရှေ့ပိုင်းနက်နဲသိမ်မွေ့နယ်မြေတွင် ကာကွယ်ပေးမည့်သူ မပါဘဲ တစ်ယောက်တည်း ရှိနေရန်ဆိုသည်မှာ ဖြစ်နိုင်ခြေ တစ်ခုတည်းသာ ရှိနေသည်။ ချင်းချိုးသည် ပစ်မှတ်ထားခံရပြီး ကိုယ့်ကိုယ်ကိုယ် မကာကွယ်နိုင်တော့သဖြင့် သူမကို မလွှဲမရှောင်သာ အဝေးသို့ ပို့လိုက်ရခြင်း ဖြစ်ပေမည်။

"ဆရာကြီး..."

စူးချန်ကဲ စကားပြောရန် ပြင်လိုက်စဉ် ပုံရိပ်တစ်ခု ထွက်ပေါ်လာမှုကြောင့် ကြားဖြတ်ခံလိုက်ရသည်။

ကောင်းကင်ပုစဥ်းနက်နဲသိမ်မွေ့ ဝတ်ရုံကို လဲလှယ်ဝတ်ဆင်ထားသော ထုယိုယိုက ထွက်လာခဲ့လေ၏။

ပုစဥ်းတောင်ပံများအလား ပါးလွှာသော အဖြူရောင် နက်နဲသိမ်မွေ့ ဝတ်ရုံက ထုယိုယို၏ ပြေပြစ်ပြီး အချိုးအစားကျသော ခန္ဓာကိုယ်နှင့် တင်းကြပ်စွာ ကပ်နေသည်။ ထိုဝတ်ရုံသည် ဖောက်ထွင်းမြင်နေရပုံပေါ်သော်လည်း အရေးကြီးသော နေရာများတွင်မူ မှုန်ဝါးသော အလင်းရောင်တစ်ခုဖြင့် လင်းလက်နေပေ၏။ ဤအရာက အကန့်အသတ်မဲ့ သွေးဆောင်ဖြားယောင်းမှုနှင့် မြင့်မြတ်သော ကာကွယ်မှုတို့ကို အံ့အားသင့်ဖွယ်ကောင်းလောက်အောင် ရောနှောထားသည်။

နက်နဲသိမ်မွေ့ ဝတ်ရုံက သူမ၏ မယုံနိုင်လောက်အောင် သေးသွယ်သော ခါးလေးကို ပုံဖော်ပေးထားပြီး အောက်ဘက်သို့ ဆန့်ထွက်ကာ အနားသားက သူမ၏ ပေါင်အထက်ပိုင်းအထိသာ ရောက်ရှိပြီး ဖြောင့်တန်းကာ ရှည်လျားပြီး ကျောက်စိမ်းအလား ဖြူဖွေးသော ခြေတံတစ်စုံကို ဖော်ပြနေသည်။

ဝတ်ရုံလည်ပင်းက ပို၍ပင်ပေါ်လွင်နေပြီး သူမ၏ သွယ်လျသော ညှပ်ရိုးများကို အပြည့်အဝ ဖော်ပြနေလေသည်။ အောက်ဘက်ရှိ အကောက်အကွေ့များက သဲ့သဲ့လေး မြင်နေရပြီး စီးဆင်းနေသော မှော်စာလုံး အလင်းရောင်ဖြင့် လိမ္မာပါးနပ်စွာ ဖုံးကွယ်ထားသည်။ တခြားသူ တစ်ဦးဦးသာဆိုလျှင် အဆင်ပြေနိုင်သော်လည်း ဤသူမှာ ထုယိုယို ဖြစ်နေသည်။ သူမ၏ ခမ်းနားပြီး ကြီးကျယ်သော မြင်ကွင်းက ရိုးရိုးရှင်းရှင်းကို ဆွဲဆောင်မှု ရှိလွန်းလှသည်။

သူမ၏မီးခိုးစိမ်းရောင် ဆံပင်များကိုလည်း ဖြန့်ချထားပြီး နှင်းအလား ဖြူဖွေးသော နက်နဲသိမ်မွေ့ ဝတ်ရုံနှင့် ပြတ်သားသော ခြားနားမှုကို ဖြစ်ပေါ်စေသည်။ သဘာဝအတိုင်း ညှို့ဓာတ်များ ပါဝင်နေသော သူမ၏မျက်လုံးများက ယခုအချိန်၌ ဆွဲဆောင်မှုမျိုးစုံကို ကိုင်စွဲထားပြီး တစ်ချက်ကြည့်ရုံဖြင့် နှလုံးသားထောင့်တစ်နေရာကို အမှန်တကယ်ပင် ဆွဲဆောင်နိုင်စွမ်း ရှိနေသည်။

"ဒီဓမ္မ ဝတ်စုံက... အဲ့ဒီ နှာဘူးအဖိုးကြီးက ဖန်တီးခဲ့တာတော့ မဟုတ်ဘူးမလား..."

စူးချန်ကဲ၏မျက်ခွံများ အနည်းငယ် တုန်ရီသွားသည်။ ဤဝတ်စုံသည် လွန်ကဲလွန်းနေပြီး သူ၏ ယခင်ဘဝက သူ မြင်တွေ့ခဲ့ရသော ဘီကီနီများထက်ပင် ပို၍စိတ်လှုပ်ရှားဖွယ် ကောင်းနေသည်။

သူက ချက်ချင်း လက်ဖက်ရည်တစ်ခွက်ကို ထုတ်ယူကာ သောက်လိုက်သည်။ ဤသည်မှာ အစောပိုင်းကတည်းက သူ ဖျော်ထားသော လက်ဖက်ရည်များပင်။

"ဒီအရာက တကယ်ပဲ ကျင့်ကြံဖို့အတွက် ရည်ရွယ်ထားတာလား..."

စူးချန်ကဲက ချင်းချိုးဘိုးဘေးကို မကြည့်ဘဲ မနေနိုင်အောင် ဖြစ်သွားခဲ့လေ၏။

"ငါ့ကို မကြည့်နဲ့... ငါ အဲ့ဒါကို မဖန်တီးခဲ့ဘူး..." ချင်းချိုးဘိုးဘေးက ခေါင်းယမ်းလိုက်သည်။

ဤအချိန်၌ ထုယိုယိုက စကားပြောလာပြီး သူမ၏ပခုံးများကို အလွန်ပွင့်ပွင့်လင်းလင်း တွန့်ကာ ပြောဆိုလိုက်သည်။

"ဘိုးဘေး... ဒီအဝတ်အစားက အရမ်းပေါ့ပါးလွန်းလို့ ကျွန်မ ဘာမှ မဝတ်ထားရသလို ခံစားရတယ်... ပြီးတော့ အဲ့ဒါက အရမ်းတင်းကြပ်နေလို့ ကျွန်မ တစ်ကိုယ်လုံး အနေရခက်နေတယ်... တချို့နေရာတွေမှာ ကျွန်မ ချိတ်မိနေသလိုတောင် ခံစားရတယ်..."

"ဖူး..."

စူးချန်ကဲက လက်ဖက်ရည်တစ်ငုံကို ပန်းထုတ်လိုက်သည်။

ဝှစ်...

ထိုအချိန်လေးမှာပင် ချင်းချိုးဘိုးဘေး၏ အမူအရာက ရုတ်တရက် အကြီးအကျယ် ပြောင်းလဲသွားပြီး သူက ချက်ချင်း ကျယ်လောင်သောအသံဖြင့် ကြားဖြတ်ပြောလိုက်သည်။

"ကောင်းပြီ... စကားမပြောနဲ့တော့... နဂါးအသွင်ပြောင်းခြင်း ရေကန် ထဲကို အခု ဝင်တော့..."

"အဟမ်း အဟမ်း... သွားကြစို့..."

စူးချန်ကဲက ချောင်းအနည်းငယ် ဟန့်လိုက်ပြီးနောက် နဂါးအသွင်ပြောင်းခြင်း ရေကန်၏ ရွှေရောင်အရည်ထဲသို့ ပထမဆုံး ဝင်ရောက်သွားခဲ့သည်။

ရေကန်ရေသည် အေးစက်ခြင်းမရှိဘဲ ထူးခြားသော နွေးထွေးမှုတစ်ခု ရှိနေသည်။ သူ ဝင်ရောက်သွားသည်နှင့် တပြိုင်နက် ကျယ်ပြောသော သမုဒ္ဒရာအလား သန့်စင်သော စွမ်းအားများက သူ၏ချွေးပေါက်များထဲသို့ ရူးသွပ်စွာ ဝင်ရောက်လာပြီး သူ၏ခြေလက်များနှင့် အရိုးများကို သန့်စင်ပေးနေသည်။

မူလက သူ့ကို ရစ်ပတ်ထားခဲ့သော ရွှေရောင် နဂါးငယ် ပုံရိပ်ယောင်များက ယခုအချိန်၌ ရေကန်ရေထဲသို့ ပျော်ရွှင်စွာ ပေါင်းစပ်သွားပြီး စူးချန်ကဲ၏ခန္ဓာကိုယ်ထဲသို့ တိုးဝင်ရန် သူတို့၏ စွမ်းအားများအားလုံးကို အသုံးပြုနေကြသည်။

သူ၏ အမြင့်ဆုံးအဆင့် အထွတ်အထိပ် အရိုး နှင့် မူလဘူတဘိုးဘေးနဂါး၏ ဖိနှိပ်မှုအောက်တွင် စူးချန်ကဲသည် အနည်းငယ်မျှ နေရခက်မှုကို မခံစားရဘဲ ရေပူစမ်းတွင် စိမ်နေရသကဲ့သို့ အမှန်တကယ်ကို အနားရပြီး သက်တောင့်သက်သာ ရှိနေခဲ့သည်။

"ဟုတ်ကဲ့..."

ထုယိုယိုက အနည်းငယ် နောက်ကျပြီးမှ ပြန်ဖြေလိုက်သည်။

ချက်ချင်းပင် သူမက သူမ၏ဝတ်စုံကို ရက်ရက်ရောရောမကာ နဂါးအသွင်ပြောင်းခြင်း ရေကန် ထဲသို့ ဝင်ရောက်သွားခဲ့သည်။ ကောင်းကင်ပုစဥ်းနက်နဲသိမ်မွေ့ ဝတ်ရုံက ညင်သာသော အလင်းရောင်တစ်ခုကို ချက်ချင်းထုတ်လွှတ်ကာ သူမကို ပြီးပြည့်စုံစွာ ကာကွယ်ပေးလိုက်ပြီး နဂါးစွမ်းအားဆီမှ သူမအား မည်သည့်ဖိအားကိုမျှ မခံစားရချေ။

သူမ၏နံဘေးပတ်လည်တွင် ရွှေရောင်နဂါးငယ် ပုံရိပ်ယောင်တစ်ခုက တစ်ခါတစ်ရံ ကူးခတ်သွားလေ့ရှိရာ သူမက အလွန် ရယ်စရာကောင်းသည်ဟု တွေးထင်မိသည်။ ထိုကြောင့် သူမ၏ ကျောက်စိမ်းကဲ့သို့ နူးညံ့ချောမွတ်လက်လေးဖြင့် နောက်ပြောင်ကာ ထိုးကြည့်လိုက်သည်။

"နဂါး စွမ်းအားကို သန့်စင်ဖို့ အာရုံစိုက်ပါ..." ချင်းချိုးဘိုးဘေး၏ သတိပေးသံက သူမ၏ နားထဲတွင် မြည်ဟီးလာခဲ့သည်။

ထို့နောက် ထုယိုယိုက သူမ၏ဆော့ကစားချင်စိတ်ကို မလွှဲမရှောင်သာ ဖယ်ရှားလိုက်ပြီး စူးချန်ကဲကို အတုယူကာ သူ့ထံမှ တစ်မီတာခန့် အကွာတွင် ပလ္လင်ခွေ ထိုင်လိုက်သည်။ သူမက ကြီးမားကျယ်ပြန့်သော နဂါးအသွင်ပြောင်းခြင်း စွမ်းအားကို စတင်၍လမ်းညွှန်ရန် ကြိုးစားကြတော့သည်။

သူတို့နှစ်ဦးမှာ သူတို့၏ သက်ဆိုင်ရာ ကျင့်ကြံခြင်းတွင် နစ်မြုပ်နေကြသည်။

နဂါးအသွင်ပြောင်းခြင်း ရေကန်ရေမှာ မှုန်ဝါးနေပြီး လင်းလက်နေသော အလင်းရောင်များဖြင့် အလှဆင်ထားကာ ရွှေရောင်နဂါးချီများက သူတို့၏နံဘေးပတ်လည်တွင် သက်ရှိများအလား စီးဆင်းပြီး လှည့်ပတ်နေသည်။

သို့ရာတွင် စူးချန်ကဲ၏နံဘေးပတ်လည်တွင် ရွှေရောင်နဂါးငယ် အကောင်တစ်ရာခန့် ရှိနေသော်လည်း ထုယိုယို၏နံဘေးတွင်မူ တစ်ခါတစ်ရံ လမ်းပျောက်နေသော အကောင် အနည်းငယ်သာရှိသည်။ ထိုအကောင်များကပင် လမ်းပျောက်နေကာ နောက်ဆုံးတွင် စူးချန်ကဲ၏ ဦးတည်ရာဆီသို့ သွားနေကြသည်။

ဤမြင်ကွင်းက ချင်းချိုးဘိုးဘေး၏ မျက်ခွံများကို တဆတ်ဆတ်တုန်ရီသွားစေခဲ့သည်။

"အိုး... မကောင်းတော့ဘူး..."

"ဒီနဂါးအသွင်ပြောင်းခြင်းရေကန်က သခင် တစ်ယောက်ကို အသိအမှတ်ပြုလိုက်ပြီ ထင်တယ်..."

"ငါ ဘာလုပ်ရမလဲ..."

ကံကောင်းထောက်မစွာဖြင့် စူးချန်ကဲကလည်း တစ်ခုခုကို အာရုံခံမိပြီး ခေါင်းအနည်းငယ်မော့ကာ ပြောလိုက်သည်။

"ဒီကို လာခဲ့..."

"ဟုတ်ကဲ့ပါ စီနီယာအစ်ကို..."

ထုယိုယိုက စူးချန်ကဲ၏အနားသို့ ညင်သာစွာ တိုးကပ်သွားပြီး မျက်လုံးမှိတ်ကာ စတင်ကျင့်ကြံတော့သည်။

အမှန်တကယ်ကိုပင် အကျိုးသက်ရောက်မှုက များစွာပို၍ ကောင်းမွန်သွားခဲ့သည်။

အလိုအလျောက် သိစိတ်ကြောင့် ဖြစ်နိုင်သော်လည်း ထုယိုယိုက ရုပ်ပိုင်းဆိုင်ရာ အထိအတွေ့ ရှိလာသည်အထိ စူးချန်ကဲဆီသို့ သတိမထားမိဘဲ ပို၍ပို၍တိုးကပ်သွားခဲ့သည်။

"အို..."

ထုယိုယို၏ ပါးပြင်များ ချက်ချင်းနီရဲသွားပြီး သူမ၏ရင်ဘတ်ကို လက်ဖြင့် အလိုအလျောက် ဖုံးကွယ်လိုက်သည်။ သူမ၏ လှပသော မျက်နှာလေးတွင် ရင့်မှည့်နေသော ချယ်ရီသီးများအလား နီရဲမှုနှစ်ခု ချက်ချင်း ပွင့်လန်းလာပြီး သူမ၏နားရွက်အထိ ပျံ့နှံ့သွားခဲ့သည်။

သူမ၏မီးခိုးပြာရောင် မျက်လုံးများက အရည်လဲ့နေပြီး ရှက်ရွံ့မှုနှင့် ကြောင်အမ်းမှု အရိပ်အယောင်တစ်ခု ပါဝင်နေသည်။ သူမ၏ ကိုယ်ရည်ကိုယ်သွေးက မည်မျှထိ လွတ်လပ်ပေါ့ပါးနေပါစေ သူမက မိန်းကလေး တစ်ဦးသာ ဖြစ်သဖြင့် ဆန့်ကျင်ဘက်လိင်တစ်ဦးနှင့် ပထမဆုံး အနီးကပ်ထိတွေ့မှုက သူမကို ရှောင်လွှဲ၍မရနိုင်အောင် ရှက်ရွံ့သွားစေခဲ့သည်။

"အသက်ရှူတာကို ထိန်းထား... မင်းရဲ့ စိတ်ကို အာရုံစိုက်... အတွေးတွေကို လွင့်မသွားစေနဲ့..."

စူးချန်ကဲက အနည်းငယ် မျက်မှောင်ကြုတ်ကာ ပြောလိုက်သည်။

သို့ရာတွင် ထုယိုယိုက ရှက်ရွံနေရင်း စူးချန်ကဲကို အနီးကပ် အကဲခတ်နေခဲ့သည်။ သူမ၏ လှပသော မျက်လုံးများထဲတွင် လေးစားအားကျမှု အရိပ်အယောင်တစ်ခု ပါဝင်နေပြီး သူမက ပြောဆိုလိုက်သည်။

"စီနီယာအစ်ကို... အစ်ကိုက အရမ်းချောတာပဲ..."

အခန်း ၆၂ :သူက ရုပ်ခန္ဓာကိုယ်နဲ့ နတ်ဘုရားအဖြစ် ပြောင်းလဲသွားတယ်...

"..."

စူးချန်ကဲ၏ပါးစပ်က အနည်းငယ် တွန့်ကွေးသွားခဲ့သည်။ ဤကောင်မလေးက သူ၏စိတ်စွမ်းအားကို ကျင့်ကြံရန် ကူညီပေးဖို့ ဤနေရာသို့ ရောက်နေခြင်း ဖြစ်သလောဟု သူ တွေးလိုက်မိသည်။

မလှမ်းမကမ်းတွင် ချင်းချိုးဘိုးဘေးက ရုတ်တရက် သူ၏နဖူးကို သူ ရိုက်လိုက်သည်။

ဤကြားဖြတ်အဖြစ်အပျက်လေး ပြီးဆုံးသွားသည့်နောက် အခြေအနေမှာ အနည်းငယ် သိမ်မွေ့သွားခဲ့သည်။

စူးချန်ကဲက သူ၏စိတ်ကို ပြန်လည်၍ စုစည်းလိုက်ပြီး ဆက်လက်ကျင့်ကြံလိုက်သည်။

သို့ရာတွင် ထုယိုယို၏တိုးတက်မှုက ချောမွေ့ပုံမရသည်အား သူ တွေ့ရှိလိုက်ရသည်။

သန့်စင်သော နဂါးချီ များက သူမကို ဝန်းရံထားသော်လည်း ထိုအရာများက သူမ၏ မြေခွေး မျိုးနွယ်စု သွေးမျိုးဆက်ကို တွန်းကန်နေပုံရပြီး သူမ၏ခန္ဓာကိုယ်ထဲသို့ အမှန်တကယ် ပေါင်းစပ်ရန် ခက်ခဲနေစေသည်။ သူမ၏မျက်နှာလေး နီရဲနေပြီး နဖူးတွင် ချွေးသီးများ သီးနေကာ ထိုစွမ်းအားကို သန့်စင်ရန် အလွန်အမင်း ကြိုးစားအားထုတ်နေရကြောင်း ရှင်းလင်းစွာ ညွှန်ပြနေသည်။

"စီနီယာအစ်ကို... ကျွန်မ အဲ့ဒါကို သန့်စင်လို့ မရဘူး..."

နောက်ဆုံးတွင် ထုယိုယိုက မတရားခံရသော အမူအရာဖြင့် ပြောလိုက်သည်။

"ပါးစပ် ဟလိုက်..."

စူးချန်ကဲက ပြောဆိုသည်။

"အာ..."

ထုယိုယိုသည် တခဏမျှ ကြောင်အမ်းသွားခဲ့သော်လည်း သူမ၏ပါးစပ်လေးကို လိမ်လိမ်မာမာဖြင့် ဖြည်းညှင်းစွာ ဟလိုက်သည်။

နောက်တစ်စက္ကန့်တွင်...

စူးချန်ကဲက သန့်စင်ပြီး အသိစိတ်ကို ဖယ်ရှားလိုက်ပြီဖြစ်သော ရွှေရောင်နဂါးငယ်တစ်ကောင်က သူ၏လက်ချောင်းထိပ်မှ ပျံသန်းထွက်လာပြီး ထုယိုယို၏ပါးစပ်ထဲသို့ ဝင်ရောက်သွားခဲ့သည်။

"ပြင်းပြင်း စုပ်..."

စူးချန်ကဲက တခဏမျှ တွေးလိုက်ပြီးနောက် ထပ်ဖြည့်ပြောလိုက်သည်။

"အင်း..."

ထုယိုယို၏ မျက်လုံးများ ပြူးကျယ်သွားခဲ့လေ၏။ ကြောက်မက်ဖွယ်ကောင်းသော စွမ်းအားတစ်ခုက သူမ၏ ခန္ဓာကိုယ်ထဲသို့ ပေါင်းစပ်သွားသည်ကို ချက်ချင်းခံစားလိုက်ရသည်။ သူမ၏ကျင့်ကြံဆင့်နယ်ပယ် လျှင်မြန်စွာ ချိုးဖျက်ဝင်ရောက်သွားပြီး မျက်တောင်တစ်ခတ်စာ အချိန်အတွင်းမှာပင် ကောင်းကင်လှိုဏ်ဂူနယ်ပယ်၏ အလယ်အလတ်အဆင့်သို့ ရောက်ရှိသွားခဲ့လေသည်။ သူမ၏အမြှီးကိုးချောင်း ကောင်းကင်မြေခွေး သွေးမျိုးဆက်သည်လည်း အသက်ဝင်လာပုံ ရပေ၏။

ထုယိုယို တည်ငြိမ်သွားပြီး စတင်၍သန့်စင်နေသည်ကို ခံစားရသောအခါ စူးချန်ကဲကလည်း သူ၏ စိတ်ကို နစ်မြုပ်လိုက်ပြီး စနစ်ကို ပြောလိုက်သည်။

"စနစ်... ဖရိုဖရဲ နတ်ဘုရားမီးတောက်ကို ပေါင်းစပ်လိုက်စမ်း..."

ဝုန်း...

စကြဝဠာဖန်တီးမှု၏ ပထမဆုံး ကြီးမားသော အသံကြီးက စူးချန်ကဲ၏စိတ်ဝိညာဉ် နက်ရှိုင်းသောနေရာတွင် ပေါက်ကွဲသွားသည့်အလားပင်။

မလှမ်းမကမ်းတွင်....

"စကားလုံးတွေက နည်းနည်းရိုင်းစိုင်းပေမဲ့ အကျိုးသက်ရောက်မှုက ကောင်းပုံရတယ်..."

ချင်းချိုးဘိုးဘေးက ဤမြင်ကွင်းကို ကြည့်ရင်း ရေရွတ်လိုက်ပြီးနောက် သူ၏အကြည့်က စူးချန်ကဲပေါ်သို့ ကျရောက်သွားခဲ့သည်။

မွန်းစတားဆန်သော ပါရမီနှင့် ကြီးမားသော ကံတရား ရှိသူများမှာ နဂါးအသွင်ပြောင်းခြင်း ရေကန်ထဲတွင် နတ်ဘုရားမီးတောက်ကို စုစည်းရန် အခွင့်အရေးတစ်ခုကို ရရှိနိုင်သည်ဟု ဒဏ္ဍာရီများက ဆိုကြသည်။

သူ ထိုအရာကို လုပ်နိုင်မည်လောဟု သူ မသိချေ။ ဖြစ်နိုင်ခြေကမူ နည်းပါးလှသည်။ ထိုသို့မဟုတ်ပါက ဝင်္ကပါဖွဲ့စည်းခြင်းနယ်ပယ်တွင် နတ်ဘုရားမီးတောက်ကို ထွန်းညှိခြင်းက ကြားရသည်မှာ အလွန်ထိတ်လန့်စရာ ကောင်းနေပေလိမ့်မည်။

သို့ရာတွင် ထိုအချိန်မှာပင်...

"ဒါက..."

ချင်းချိုးဘိုးဘေး၏ မျက်လုံးသူငယ်အိမ်များ ရုတ်တရက် ကျုံ့သွားခဲ့သည်။ အရာအားလုံးကို ပြောင်းလဲစေနိုင်ပြီး ပြာအဖြစ် လောင်ကျွမ်းသွားစေနိုင်သည့်အလား စကားလုံးများဖြင့် ဖော်ပြ၍မရနိုင်သော ကြောက်မက်ဖွယ်ကောင်းသည့် အရှိန်အဝါတစ်ခုက ကောင်းကင်ယံသို့ ထိုးတက်သွားခဲ့သည်။

တစ်စုံတစ်ယောက်က ထိုအရာကို မြင်တွေ့နိုင်သည်။

စူးချန်ကဲ၏ နံဘေးပတ်လည်ရှိ အနက်ရောင် ရွှေရောင်နဂါးအသွင်ပြောင်းခြင်း ရေကန်ရေမှာ အပူကြောင့်မဟုတ်ဘဲ ထိုအမြင့်မြတ်ဆုံး ဖရိုဖရဲ တာအိုစည်းချက်၏ ဆွဲငင်မှုကြောင့် ချက်ချင်းပွက်ပွက်ဆူလာပြီး ဖရိုဖရဲချီများ ရစ်ပတ်နေသော နဂါးငယ်များအဖြစ် ပြောင်းလဲသွားကာ သူ့ကို အထူးဥပဒေသတစ်ခုအလား လှည့်ပတ်နေကြသည်။

တစ်ချိန်တည်းမှာပင်...

အပျက်အစီးနယ်မြေ၏ ကောင်းကင်ယံအထက်တွင် လေနှင့်တိမ်များက အရောင်ပြောင်းသွားပြီး နေနှင့်လတို့က အလင်းရောင်များ ဆုံးရှုံးသွားခဲ့သည်။

မရေမတွက်နိုင်သော မဟာတာအို မှော်စာလုံးများက လေဟာနယ်ထဲမှ ထွက်ပေါ်လာပြီး ဖရိုဖရဲ သမုဒ္ဒရာတစ်ခုအဖြစ် ပေါင်းစပ်သွားသည်။

ဟင်းလင်းပြင်ထဲတွင် ဖရိုဖရဲ နတ်ဘုရားမီးတောက်မှ စုစည်းထားသော နတ်ဘုရားများနှင့်နတ်ဆိုးများ၏ မှုန်ဝါးနေသော ပုံရိပ်ယောင်များက ဟိန်းဟောက်နေသည်။ တစ်ခါတစ်ရံ၌ ကောင်းကင်ဘုံ ဖန်တီးမှုနှင့် ကြယ်တာရာ ကောင်းကင်ယံ မွေးဖွားမှု၏ ခမ်းနားသော ပုံရိပ်ယောင်များ ထွက်ပေါ်လာခဲ့သည်။

အပျက်အစီးနယ်မြေထဲတွင် အလုပ်များနေသော ကျင့်ကြံသူများအားလုံးက အံ့အားသင့်စွာ မော့ကြည့်လိုက်ကြကာ သူတို့၏မျက်နှာများ သွေးဆုတ်ဖြူရော်သွားကြ၏။

"လောကကြီးရဲ့ အဆုံးသတ်လား... ဒါက ဘယ်လိုတောင် ကြောက်စရာကောင်းတဲ့ သဘာဝလွန်ဖြစ်စဉ်မျိုးလဲ..."

"ဒါက နတ်ဘုရားမီးတောက်ရဲ့ စွမ်းအားလိုပဲ... တစ်ယောက်ယောက်က ဒီအပျက်အစီးနယ်မြေထဲမှာ နတ်ဘုရားမီးတောက်ကို ထွန်းညှိလိုက်တာလား..."

"အာ... ဒါက ဘယ်လိုလုပ် ဖြစ်နိုင်မှာလဲ... မြင့်မြတ်အရှင်တွေတောင် ဒီနေရာကို ဝင်လို့မရဘူး မဟုတ်လား... နတ်ဘုရားမီးတောက်က ဘယ်လိုလုပ်ပြီး ထွက်ပေါ်လာနိုင်မှာလဲ..."

"ဒီဦးတည်ချက်က... သခင်လေးစူး ထွက်သွားတဲ့ ဦးတည်ချက်လိုပဲ... ဖြစ်နိုင်တာက..."

"မဖြစ်နိုင်ဘူး... ဒါက လုံးဝမဖြစ်နိုင်ဘူးမဟုတ်လား..."

ဤအချိန်၌ ပြန်လည်ကုသနေသော ရွှီယွီက ကောင်းကင်ယံမှ ထူးခြားချက်ကို မော့ကြည့်ပြီး အချိန်ကြာမြင့်စွာ ကြောင်အမ်းနေခဲ့သည်။

နဂါးအသွင်ပြောင်းခြင်း ရေကန်နံဘေးတွင်...

"ဒါ... ဒါက... ဖရိုဖရဲစွမ်းအားရဲ့ အရှိန်အဝါလား..."

"နတ်ဘုရားမီးတောက်..."

"သူက နတ်ဘုရားမီးတောက်ကို ထွန်းညှိနေတာလား..."

"ဒါက ဘယ်အဆင့်ရှိတဲ့ နတ်ဘုရားမီးတောက် လဲ..."

ချင်းချိုးဘိုးဘေး၏ အမူအရာက အနည်းငယ် တွေဝေသွားခဲ့လေသည်။ သူသည် တစ်ချိန်က သူတော်စင်နယ်ပယ်တွင် ရှိခဲ့ဖူးသော်လည်း ဤကဲ့သို့ ကြောက်မက်ဖွယ်ကောင်းသော နတ်ဘုရားမီးတောက် ထွန်းညှိသည့် သဘာဝလွန်ဖြစ်စဉ်မျိုးကို သူ တစ်ခါမှ မကြုံဖူးခဲ့ချေ။

နတ်ဘုရားမီးတောက်နယ်ပယ်ဟု ခေါ်သော အတုအယောင်နတ်ဘုရားနယ်ပယ်မှာ ဤအဆင့်တွင်ရှိသော ကျင့်ကြံသူများကို ပြင်ပ 'မီးတောက် မျိုးစေ့' တစ်ခုအား ထွန်းညှိစေခြင်းပင်။ ဤသည်က ထူးခြားသော ဆန်းကြယ်မီးတောက် အစွမ်းထက်သော သန့်စင်ထားသည့် နတ်ဘုရားမီးတောက် သို့မဟုတ် အမွေအနှစ် မီးတောက်တစ်ခု ဖြစ်နိုင်သည်။ ထိုအရာကို ရှာဖွေပြီး သူတို့၏ခန္ဓာကိုယ်အတွင်း၌ ထွန်းညှိကာ နတ်ဘုရားတာအိုအတွက် အခြေခံအုတ်မြစ် ချပေးရန် လိုအပ်သည်။

နတ်ဘုရားမီးတောက်များတွင်လည်း အဆင့်အမျိုးမျိုးရှိသည်။ ထွန်းညှိထားသော နတ်ဘုရားမီးတောက်သည် ပို၍အစွမ်းထက်လေလေ ဤနယ်ပယ်တွင်ရှိသော ကျင့်ကြံသူ၏စွမ်းအားက ပို၍အစွမ်းထက်လေလေပင်။

'ဖရိုဖရဲ' ဟူသော စကားလုံးက သူ့အတွက် အလွန်ဝေးကွာလွန်းလှသည်။ သူသည် ရှေးဟောင်းဒဏ္ဍာရီများမှ အပိုင်းအစလေးများလောက်သာ ကြားဖူးသော်လည်း နတ်ဘုရားမီးတောက်နယ်ပယ်၏ ထူးခြားသော ဤအရှိန်အဝါက မယုံနိုင်လောက်အောင် ကြောက်စရာကောင်းလှသည်။

ထိုအရာက သူ့ကို တုန်လှုပ်မှုကိုပင် ခံစားရစေခဲ့သည်။

ဤသည်က စူးချန်ကဲ၏နတ်ဘုရားမီးတောက် သည် သူ၏နားလည်နိုင်စွမ်းထက် ကျော်လွန်သော အဆင့်တစ်ခုသို့ ရောက်ရှိသွားပြီဖြစ်ကြောင်း ဆိုလိုနေသည်မှာ သေချာပေါက်ပင်။

ချင်းချိုးဘိုးဘေးက ဤဟင်းလင်းပြင်ကို တည်ငြိမ်စေရန်နှင့် ကြောက်မက်ဖွယ်ကောင်းသော သဘာဝလွန်ဖြစ်စဉ်၏ သက်ရောက်မှုကို မခံရစေရန် သူ၏ကျန်ရှိနေသော စွမ်းအားများအားလုံးကို စုစည်းခဲ့ရသည်။

ဤအချိန်၌...

စူးချန်ကဲ၏ ခန္ဓာကိုယ်ထဲတွင် လောကကြီးကို တုန်လှုပ်စေသော ပြောင်းလဲမှုတစ်ခု ဖြစ်ပေါ်နေခဲ့သည်။

နဂါးအသွင်ပြောင်းခြင်းရေကန်၏ အဆုံးမရှိသော အနှစ်သာရနှင့် မရေမတွက်နိုင်သော နဂါးချီ များ၏ အာဟာရဖြည့်တင်းမှုကြောင့် မူလက နတ်ဘုရားအလင်းရောင်များကို ထုတ်လွှတ်နေသော ငွေဖြူရောင်မီးတောက်လေးမှာ တောမီးအလား ရုတ်တရက် ကြီးထွားလာခဲ့သည်။

ထိုအရာက မီးတောက် မျိုးစေ့တစ်ခု မဟုတ်တော့ဘဲပုံသဏ္ဍာန် အဆက်မပြတ် ပြောင်းလဲနေပြီး အရောင်အသွေး ဖရိုဖရဲဖြစ်ကာ အဆုံးမရှိသော ကမ္ဘာများ၏ မွေးဖွားမှုနှင့် ပျက်စီးမှုများ ပါဝင်နေသည့်အလား ထာဝရ မီးတောက် အစုအဝေးတစ်ခုအဖြစ် ပြောင်းလဲသွားခဲ့သည်။

ကောင်းကင်ဆန့်ကျင် နားလည်သဘောပေါက်နိုင်စွမ်း...

【ဖရိုဖရဲ နတ်ဘုရားမီးတောက်ကို သင် ထွန်းညှိပြီး သန့်စင်လိုက်သော အခိုက်အတန့်တွင် ပြင်ပ မီးတောက်မျိုးစေ့များကို အားကိုးပြီး ကိုယ်ပိုင်အခြေခံအုတ်မြစ်ကို ရရှိရန် တခြား လမ်းစဉ်များကို ငှားရမ်းခြင်းက မတည်ငြိမ်ကြောင်း....မဟာတာအိုတွင် အပြစ်အနာအဆာများ ရှိနေပြီး ထိုအရာက ပြိုင်ဘက်ကင်းသော လမ်းစဉ် မဟုတ်ကြောင်းကို နက်ရှိုင်းစွာ နားလည်သဘောပေါက်ပြီး ဤနယ်ပယ်၏ အနှစ်သာရကို သင် နားလည်သဘောပေါက်သွားသည်...ဤမှတစ်ဆင့် မရေမတွက်နိုင်သော နတ်ဘုရားမီးတောက် များနှင့် သင်၏ခန္ဓာကိုယ်ကို လောင်ကျွမ်းစေပြီး ကိုယ့်ကိုယ်ကိုယ် မီးတောက်မျိုးစေ့အဖြစ် အသုံးပြုသော လမ်းစဉ်ကို သင် နားလည်သဘောပေါက်သွားသည်... သို့ရာတွင် ဖရိုဖရဲ နတ်ဘုရားမီးတောက်သည် ကွဲပြားခြားနားပေ၏... ဖရိုဖရဲ လမ်းစဉ်တွင် မရေမတွက်နိုင်သော လမ်းစဉ်များ သဘာဝအတိုင်း ပါဝင်နေသည်...ထိုအရာကို အသုံးပြုပြီး ကိုယ့်ကိုယ်ကိုယ် ကြံ့ခိုင်အောင် လုပ်ခြင်းက မီးတောက်များစွာဖြင့် ခန္ဓာကိုယ်ကို လောင်ကျွမ်းစေသော လမ်းစဉ်နှင့် ကွဲပြားခြားနားခြင်း မရှိချေ...သင်သည် ယခု သင်၏ ကိုယ်ပိုင် ပြိုင်ဘက်ကင်းသော လမ်းစဉ်ကို လျှောက်လှမ်းနေလေပြီ...】

"ဒီလိုလည်း ဖြစ်နိုင်တာလား..."

စူးချန်ကဲက သူ၏စိတ်နှလုံးသားထဲတွင် အံ့အားသင့်သွားခဲ့သည်။

ဤသည်မှာ သူ မမျှော်လင့်ထားသော အရာတစ်ခုပင်။

သို့ရာတွင် သူ နားလည်သဘောပေါက်သွားပြီဖြစ်ရာ အစွမ်းထက်ဆုံးကိုသာ သူ သေချာပေါက် လိုချင်မိသည်။

နောက်တစ်စက္ကန့်တွင်...

သူ၏ခန္ဓာကိုယ်ထဲမှ ဖရိုဖရဲ နတ်ဘုရားမီးတောက်၏ အရှိန်အဝါ ချက်ချင်း ပြောင်းလဲသွားပြီး သူ၏သွေးကြောများကို စတင် လောင်ကျွမ်းစေကာ သူ၏သွေးနှင့်အရိုးများကို မီးဖုတ်ပြီး သူ၏ နတ်ဘုရား စိတ်ဝိညာဉ်ကို ကြံ့ခိုင်အောင် လုပ်ဆောင်နေသည်။

မျက်တောင်တစ်ခတ်စာ အချိန်အတွင်းမှာပင်...

သူ၏ခန္ဓာကိုယ်တစ်ခုလုံးကို ဖရိုဖရဲ နတ်ဘုရားမီးတောက်က ဖုံးလွှမ်းသွားခဲ့သည်။

ဤအချိန်၌ ကောင်းကင်နှင့်မြေကြီးက ရုတ်တရက် ဆူပူအုံကြွလာခဲ့သည်။ မီး၊ မိုးကြိုး၊ လေပြင်း၊ ယင်နှင့်ယန်၊ ဟင်းလင်းပြင်နှင့် အချိန် အစရှိသော ကောင်းကင်တာအိုအားလုံး၏ စွမ်းအားများကို ကိုယ်စားပြုသည့် မရေမတွက်နိုင်သော အစီအစဉ်ကွင်းဆက်များမှာ ဖရိုဖရဲ နတ်ဘုရားမီးတောက်ထဲတွင် ပြောင်းလဲသွားခဲ့သည်။ ထိုအရာများသည် အခြေခံအကျဆုံး မှော်စာလုံး မီးတောက်များအဖြစ် ပြောင်းလဲသွားပြီး စူးချန်ကဲကို လုံးလုံးလျားလျား ဝါးမျိုသွားခဲ့သည်။

"သောက်ကျိုးနည်း..."

"ဒီလောက်တောင် နာကျင်ရတာလား..."

"ငါ သည်းခံရမယ်..."

စူးချန်ကဲက မျက်မှောင်ကြုတ်ထားပြီး သူ၏ မျက်နှာပေါ်တွင် ချွေးများ ယိုစီးကျနေသည်။

မဟာတာအိုများမှ ခန္ဓာကိုယ်ကို လောင်ကျွမ်းခြင်းမှာ သူ၏ရုပ်ခန္ဓာကိုယ်အား လောင်ကျွမ်းရုံ သက်သက် မဟုတ်ချေ။ ထိုအရာက သူ၏ အသက်အရင်းအမြစ်မှ သူ၏နတ်ဘုရား စိတ်ဝိညာဉ် အရင်းအမြစ်အထိ အရာအားလုံး ဖြစ်ပြီး သူ ကျင့်ကြံထားသော ကျင့်ကြံနည်းစနစ်များနှင့် နတ်ဘုရားစွမ်းရည်များအားလုံးအပြင် သူ၏ကောင်းကင်လှိုဏ်ဂူပင်လျှင် လောင်ကျွမ်းနေခြင်း ဖြစ်ပေ၏။

မလှမ်းမကမ်းတွင်...

"..."

ချင်းချိုးဘိုးဘေးက ဤမြင်ကွင်းကို မြင်လိုက်ရသောအခါ တစ်ကိုယ်လုံး တုန်ရီသွားပြီး အတိတ်က အစွမ်းထက်သော နတ်ဘုရားမျိုးနွယ်စုကို မြင်ခဲ့ရချိန်ကထက်ပင် ပို၍အံ့အားသင့်သွားပုံရသည်။

စူးချန်ကဲ ဘာလုပ်နေသည်ကို သူ နားမလည်နိုင်ခဲ့ချေ။

သူက ဘာလို့ သူ့ကိုယ်သူ လောင်ကျွမ်းဖို့ နတ်ဘုရားမီးတောက်ကို ဆင့်ခေါ်နေရတာလဲ...

သို့ရာတွင် သူ သေဆုံးသွားသည်မှာ နှစ်ပေါင်းများစွာ ကြာခဲ့ပြီး ဤကမ္ဘာကြီးနှင့် ပေါင်းစပ်သွားခဲ့သည်မှာ ကြာပြီဖြစ်၍ စူးချန်ကဲ၏ လမ်းစဉ်က မှန်ကန်သောလမ်းစဉ်နှင့် စစ်မှန်သော တာအို ဖြစ်သည်ဟု သူ ရှင်းပြ၍မရနိုင်အောင် ခံစားနေရသည်။

"မဟာတာအိုတွေက ခန္ဓာကိုယ်ကို လောင်ကျွမ်းခြင်း... ကောင်းကင်နဲ့မြေကြီးက ဘယ်နတ်ဘုရားမီးတောက်ကိုမှ အားမကိုးတဲ့ လမ်းစဉ်ပဲ..."

"စူးမိသားစုက ဘယ်လို မွန်းစတားမျိုးကို မွေးထုတ်လိုက်တာလဲ..."

"ဒီအောက်ဘုံမှာ သူ တစ်ယောက်တည်း ကြံ့ခိုင်အောင်လုပ်ဖို့ သူတို့က ဘယ်လိုလုပ်ပြီး ခွင့်ပြုရက်တာလဲ..."

ချင်းချိုးဘိုးဘေးက စူးချန်ကဲကို အံ့အားသင့်မှုများဖြင့် စိုက်ကြည့်နေပြီးနောက် မဟာတာအို မီးတောက်က သူ၏ခန္ဓာကိုယ်ကို လုံးဝ လောင်ကျွမ်းသွားသည်အား မြင်လိုက်ရသည်။ ပျက်စီးခြင်း ပြာများထဲမှ သန့်စင်ပြီး အပြစ်အနာအဆာမရှိကာ ဖော်ပြ၍မရနိုင်သော နတ်ဘုရားမီးတောက်တစ်ခု တိတ်တဆိတ် ထွန်းညှိလာခဲ့သည်။

"သူက ရုပ်ခန္ဓာကိုယ်နဲ့ နတ်ဘုရားအဖြစ် ပြောင်းလဲသွားတာပဲ..."

"ဒီအဖိုးကြီးက ရှက်မိပါတယ်... သေဆုံးပြီးနောက်မှာ ဒီလိုမွန်းစတားဆန်တဲ့ မြင့်တက်လာမှုကို မြင်တွေ့ရတာ ဒီဘဝက အလဟဿ မဖြစ်ပါဘူး... တကယ်လို့ သူသာ စောစောစီးစီး မသေဆုံးဘူးဆိုရင် သူက ကမ္ဘာအသင်္ချေရဲ့ သမိုင်းကို ပြန်ပြီးရေးသားနိုင်လိမ့်မယ်..."