အခန်း (၁၂၉-၁၃၀)

အခန်း (၁၂၉) ခရမ်းရောင်အဆင့် ပါရမီ "အကန့်အသတ်မဲ့ တာအို သိုလှောင်ရုံ"၊ တောင်ကြားအတွင်း ကျန်း သုံးရာ ဝင်ရောက်ခြင်း

တောင်ကြားအဝင်ဝတွင်၊ လေအေးများက ပြင်းထန်စွာ တိုက်ခတ်နေလေသည်။

နင်းဖန်က ဧရာမ ကျောက်တိုင်ကြီးရှေ့တွင် ရပ်ကာ ၎င်းအပေါ်တွင် မှတ်တမ်းတင်ထားသော အမည် များကို ကြည့်ရင်း သူ၏ နှလုံးသားထဲတွင် လှိုင်းထန်နေ၏။ ဤသူများမှာ ခေတ်အဆက်ဆက် ထိုက်ရီ အစစ်အမှန်ဂိုဏ်း၏ ပါရမီရှင် တပည့်များ ဖြစ်ကြပြီး၊ သူတို့တစ်ဦးစီတိုင်းက သူတို့၏ ခေတ်တွင် တောက်ပစွာ ထွန်းလင်းခဲ့ကြဖူးလေသည်။

သူတို့က မတူညီသော ကာလများမှ ဖြစ်ကြသောကြောင့် သူတို့၏ အဆင့်အတန်းများမှာလည်း အလွန် ကွာခြားပေသည်။ ဥပမာအားဖြင့် စာရင်း၏ ထိပ်ဆုံးရှိ လင်းယွင် ဖြစ်၏။

ထိုအချိန်က ကမ္ဘာကြီးမှာ ကမောက်ကမ ဖြစ်နေပြီး၊ ဂိုဏ်းက အမွေဆက်ခံသူ နည်းလမ်းကို အကောင် အထည်ဖော်နေခဲ့ရာ၊ သူက အမွေဆက်ခံသူ တပည့်တစ်ဦးအနေဖြင့် စာရင်းဝင်ခဲ့ခြင်း ဖြစ်လေသည်။

နင်းဖန်က တွေးတောလိုက်လေသည်။

"ဂိုဏ်းရဲ့ အမွေဆက်ခံသူဆိုတာ အလွန် မြင့်မားတဲ့ အဆင့်အတန်းရှိပြီး၊ ဂိုဏ်းတစ်ခုလုံးက တပည့်တွေ အားလုံးရဲ့ ခေါင်းဆောင်ပဲ။ အခုခေတ်မှာတော့ အဲဒါကို အသုံးမပြုတော့ဘူး…။"

နင်းဖန်က ထိုက်ရီဂိုဏ်း၏ သမိုင်းအကြောင်းကို ကျမ်းစာဆောင်တွင် ဖတ်ရှုခဲ့ဖူးသဖြင့် 'အမွေဆက်ခံ သူ' ၏ အဓိပ္ပါယ်ကို သူ သိရှိပေသည်။ သူက ရှေးခေတ်ကာလများ၏ ဂိုဏ်း အမွေဆက်ခံသူအတွက် မတောင့်တဘဲ မနေနိုင်တော့ချေ။ ၎င်းမှာ မည်မျှ ဘုန်းကျက်သရေရှိခဲ့မည်ကို တွေးတောမိ၏။

ကံမကောင်းစွာဖြင့် ဂိုဏ်းတစ်ခုလုံး ပျောက်ကွယ်သွားသည့် ထူးဆန်းသော အဖြစ်အပျက်နှင့် ကြုံတွေ့ ခဲ့ရသော သာမန် အပြင်စည်း အရန်တပည့် တစ်ယောက်အနေဖြင့်၊ ဤဘဝတွင် သူ တစ်ယောက် ဖြစ် လာမည်မဟုတ်ကြောင်းကို သူ စိုးရိမ်မိလေသည်။

ဤစာရင်းတွင်၊ ထိပ်ဆုံး အနည်းငယ်ကြားရှိ အဆင့်အတန်း ကွာဟချက်မှာ ကြီးမားလှပြီး၊ သူတို့ ပိုင်ဆိုင် သော ခေတ်များမှာလည်း အလွန် ကွာဝေးပေသည်။ ဒုတိယနေရာရှိ ယဲ့ဖန်ဟု အမည်ရသော တပည့်မှာ တကယ်တော့ အစစ်အမှန်တပည့် တစ်ဦးသာ ဖြစ်လေသည်။

နင်းဖန်က သူ့ဘာသာသူ တွေးတောလိုက်လေသည်။

"သူ့မှာ ဝိညာဉ်ကျင့်ကြံခြင်းနဲ့ ပတ်သက်ပြီး ထူးခြားတဲ့ အမြင်တချို့ ဒါမှမဟုတ် အထူး ရုပ်ခန္ဓာကိုယ် တစ်ခုခု ရှိခဲ့တာ ဖြစ်မယ်…။"

ဤသူမှာ သူတော်စင် သို့မဟုတ် အမွေဆက်ခံသူ တစ်ဦး မဖြစ်လာခြင်းက သူ၏ ကျင့်ကြံခြင်း ပါရမီ မလုံလောက်ကြောင်း အကြံပြုနေလေသည်။ သို့ရာတွင် လူတိုင်းတွင် သူတို့၏ အားသာချက်များ ရှိကြ၏။ ဝိညာဉ်၏ လမ်းစဉ်မှာ သူ ထူးချွန်သော နေရာဖြစ်နိုင်ပေသည်။

ထို့ကြောင့် အစစ်အမှန်တပည့် တစ်ဦး၏ အဆင့်အတန်းဖြင့်ပင် သူက သမိုင်းတွင် သူ၏ အမည်ကို ချန်ရစ်ခဲ့ပြီး၊ ဂိုဏ်း၏ နှစ်သန်းပေါင်း ကိုးဆယ် သမိုင်းတစ်လျှောက် ထိပ်ဆုံး သုံးယောက်စာရင်းတွင် ဝင်ခဲ့လေသည်။

အောက်ဘက်တွင် သူတို့၏ အမည်များကို ချန်ရစ်ခဲ့သော အမျိုးသမီး ကျင့်ကြံသူများလည်း ရှိပေသည်။ ဥပမာအားဖြင့် မျက်မှောက်ခေတ် သူတော်စင်မိန်းမပျို ကျန်းချင်းဟန်မှာ သုံးဆယ့်သုံးခုမြောက် နေရာ တွင် ရှိလေသည်။

ဤအဆင့်မှာ အလွန် မြင့်မားနေပြီ ဖြစ်၏။ မည်သို့ပင်ဆိုစေ စာရင်းအရဆိုလျှင် ထိုက်ရီအစစ်အမှန် ဂိုဏ်းတွင် ယခုအချိန်အထိ မျိုးဆက် သုံးရာ့ခြောက်ဆက် အမွေအနှစ် ရှိခဲ့လေသည်။

မျိုးဆက်တစ်ခုစီ၏ သူတော်စင်နှင့် သူတော်စင်မိန်းမပျိုကိုသာ ရေတွက်မည်ဆိုလျှင်ပင်၊ စုစုပေါင်း ပါရမီရှင် ခြောက်ရာ့ခြောက်ဦး ရှိမည် ဖြစ်ပေသည်။ ကျန်းချင်းဟန်က ထိပ်ဆုံး သုံးဆယ့်ငါးယောက်စာရင်းတွင် ဝင်ရန်အတွက်၊ သူမတွင် ဘုရားသခင်ပေးသော ပါရမီ မရှိဟု မည်သူက ပြောနိုင်မည်နည်း။

နင်းဖန်က စဉ်းစားမိလေသည်။

"ဒါပေမယ့် ဒီစာရင်းမှာ သူတော်စင်ရဲ့ နာမည်ကို ဘာလို့ မတွေ့ရတာလဲ…။"

ကျောက်တိုင်တွင် ထိပ်ဆုံး အမည် တစ်ရာကိုသာ မှတ်တမ်းတင်ထား၏။ နင်းဖန်က အထက်အောက် သေချာဖတ်ကြည့်သော်ငြား၊ မျက်မှောက်ခေတ် သူတော်စင်၏ ဘွဲ့အမည်ကို မတွေ့ရချေ။

ကောလာဟာလများမှာ မှန်ကန်ပုံရလေသည်။ သူတော်စင်မှာ သူတော်စင်မိန်းမပျိုထက် အများကြီး နိမ့်ကျနေ၏။

ထို့နောက် နင်းဖန်က အောက်ဘက်ရှိ ဝိညာဉ်ချောက်ကမ်းပါး တောင်ကြားကို ကြည့်လိုက်ရာ၊ ယှဉ်ပြိုင် လိုစိတ် အရိပ်အယောင်တစ်ခုက သူ၏ နှလုံးသားထဲတွင် အလိုအလျောက် ပေါ်ထွက်လာကာ တွေး တောလိုက်လေသည်။

"ငါကရော ဘယ်အဆင့် ရနိုင်မလဲ မသိဘူး…။"

သူက အထွတ်အထိပ်အခြေခံအုတ်မြစ်တစ်ခုကို ပိုင်ဆိုင်ထားပြီး အကန့်အသတ်မဲ့ တာအို သိုလှောင်ရုံမှ နည်းလမ်းများဖြင့် ကျင့်ကြံခဲ့၏။ ဝိညာဉ်သန့်စင်ခြင်းနယ်ပယ်၏ အလယ်အလတ်အဆင့်သို့ ယခုလေး တင် ဝင်ရောက်ခဲ့သော်ငြား၊ သူတွင် ဝိညာဉ်အလေးချိန် ဂျင် တစ်သိန်း ရှိနေပြီ ဖြစ်လေသည်။

သံမဏိလေး သူ့ကိုပေးသော စာလိပ်ထဲရှိ ဖော်ပြချက်အရဆိုလျှင်၊ ကျန်း တစ်ရာ ကျဆင်းရန်အတွက်၊ အနည်းဆုံး ဝိညာဉ်အလေးချိန် ဂျင် သုံးသောင်း လိုအပ်ပေသည်။ ထို့ကြောင့် ဂျင် တစ်သိန်းမှာ နင်းဖန် က အနက် ကျန်း သုံးရာသို့ တိုက်ရိုက် နစ်မြုပ်နိုင်ခြင်းနှင့် ညီမျှလေသည်။

ဤဂဏန်းမှာ ကျောက်တိုင်ပေါ်ရှိ ရာခုမြောက် နေရာသို့ ရောက်ရန် အလှမ်းဝေးနေဆဲ ဖြစ်၏။ သို့ရာ တွင် ဤဝိညာဉ်ချောက်ကမ်းပါး တောင်ကြားမှာ ကျင့်ကြံရန် နေရာတစ်ခု ဖြစ်ကြောင်း မမေ့သင့်ပေ။

တစ်စုံတစ်ယောက် ကျဆင်းသွားသည်နှင့်အမျှ၊ ဝိညာဉ်မှာ စဉ်ဆက်မပြတ် သန့်စင်ခံရပြီး ခိုင်မာလာ မည် ဖြစ်လေသည်။ မည်သူမျှ ကျန်း တစ်ထောင်အထိ တိုက်ရိုက် မနစ်မြုပ်နိုင်ချေ။ သူတို့ အားလုံးက ကျင့်ကြံခြင်းမှတစ်ဆင့် သူတို့၏ အနက်ကို တဖြည်းဖြည်း တိုးမြှင့်သွားကြခြင်း ဖြစ်၏။

စာရင်း၏ ထိပ်ဆုံးတွင်ရှိသော ဂိုဏ်းစီနီယာများပင်လျှင်၊ တောင်ကြားထဲသို့ ရောက်သော သူတို့၏ ပထမဆုံးနေ့တွင် နင်းဖန်၏ ကျန်း သုံးရာ ရလဒ်သို့ မရောက်နိုင်ခဲ့ခြင်းလည်း ဖြစ်နိုင်ပေသည်။

ထို့ကြောင့် နင်းဖန်က သူတို့၏ ကျန်း တစ်ထောင် အောင်မြင်မှုများကို ကြည့်ပြီး အားနည်းသည်ဟု မခံစားရချေ။ သူ့တွင် သူတို့ကို ကျော်လွန်နိုင်မည့် ယုံကြည်မှု ရှိလေသည်။

[ဒင်... လက်ခံသူက ဝိညာဉ်ချောက်ကမ်းပါး တောင်ကြားသို့ ရောက်ရှိနေပြီဖြစ်ပြီး ထာဝရ အဆင့်သတ် မှတ်ချက်များကို ကြည့်ရှုပြီးနောက် စိတ်ဓာတ်ကျမသွားကြောင်း တွေ့ရှိရပါတယ်။ ]

[အထူးဆုလာဘ် - ခရမ်းရောင်အဆင့် ပါရမီ "ဝိညာဉ်ဖိနှိပ်ခြင်း ကောင်းကင်တိုင်"။]

[ဝိညာဉ်ဖိနှိပ်ခြင်း ကောင်းကင်တိုင် - သင်၏ဝိညာဉ်မှာ ကောင်းကင်ကို ထောက်ပံ့ပေးသော တိုင်တစ်ခု ကဲ့သို့ ဖြစ်ပါသည်။ ၎င်းက ဝိညာဉ်လေများကို လျစ်လျူရှုနိုင်ပြီး၊ ခိုင်မာစွာ မတုန်မလှုပ် ရပ်တည်နိုင် ကာ၊ အရာအားလုံးကို ဖိနှိပ်နိုင်ပါသည်။]

နင်းဖန်က တောင်ကြားထဲသို့ ခုန်ချရန် ဝိညာဉ်ခွဲထွက်ခြင်းအတွက် ပြင်ဆင်နေချိန်မှာပင် စနစ်၏ အသိပေးသံက ရုတ်တရက် ထွက်ပေါ်လာလေသည်။

ဤသည်က နင်းဖန်၏ မျက်နှာထားကို ပျော်ရွှင်မှုဖြင့် တစ်ဖန် ပြန်လည် တောက်ပသွားစေ၏။ ဝိညာဉ် သန့်စင်ခြင်းနယ်ပယ်သို့ သူ ထိုးဖောက်ဝင်ရောက်ပြီးနောက် စနစ်က အဘယ်ကြောင့် တိတ်ဆိတ်သွား သနည်းဟု သူ တွေးတောနေခဲ့သော်ငြား၊ ၎င်းက သူ့ကို ဤနေရာတွင် စောင့်နေလိမ့်မည်ဟု သူ မမျှော် လင့်ထားခဲ့ချေ။

ဤပါရမီမှာ ခရမ်းရောင်အဆင့်တွင်သာ ရှိသော်ငြား၊ ၎င်းက ဝိညာဉ်ချောက်ကမ်းပါး တောင်ကြားထဲသို့ ဝင်ရောက်ရန်အတွက် သီးသန့် ဖန်တီးထားကြောင်း သိသာထင်ရှားလှပေသည်။

ဝိညာဉ်လေများမှာ အစွန်းရောက် ယင်နယ်မြေများမှ လေလွင့်နေသော ဝိညာဉ်စွမ်းအားများမှနေ၍ စုစည်းထားခြင်း ဖြစ်၏။ နက်ရှိုင်းစွာ ကျဆင်းလေလေ၊ အန္တရာယ် ပိုများလေလေ ဖြစ်လေသည်။

ဤသည်က ခေတ်အဆက်ဆက် ဂိုဏ်း၏ ပါရမီရှင်များ၏ တိုးတက်မှုကို ပိတ်ဆို့ထားရခြင်း၏ အကြောင်းရင်းလည်း ဖြစ်ချေပေသည်။ ဝိညာဉ်လေများက ပြင်းထန်လွန်းသောကြောင့် လူအများ အပြားမှာ ဆက်လက်၍ မကျဆင်းနိုင်တော့ချေ။ အတင်းအကြပ် ဝင်ရောက်ခြင်းက ဝိညာဉ်လွင့်ပျံ သွားပြီး စိတ်ဝိညာဉ် ပြန့်ကျဲသွားနိုင်သည့် အန္တရာယ် ရှိလေသည်။

ယခုအခါ နင်းဖန်တွင် ဤခရမ်းရောင် သွင်းအားစု၏ အကူအညီ ရှိနေပြီဖြစ်ရာ၊ သူ၏ ဝိညာဉ်က ဝိညာဉ်လေများကို ခုခံနိုင်ပြီး ခိုင်မာစွာ ရပ်တည်နိုင်ပြီ ဖြစ်၏။ ဤသည်က တောင်ကြားထဲတွင် သူ မည်သည့် စိုးရိမ်ပူပန်မှုမျှ မရှိတော့ကြောင်း ဆိုလိုလေသည်။

သူက ကျင့်ကြံခြင်းနှင့် သူ၏ ဝိညာဉ်အလေးချိန်ကို တိုးမြှင့်ခြင်းအပေါ်တွင်သာ အာရုံစိုက်ရန် လိုအပ် ပေသည်။

ဤအချက်ကို တွေးမိသောအခါ၊ နင်းဖန်က ဆက်လက်၍ မတွေဝေတော့ချေ။ သူက တောင်ကြားအဝင် ဝတွင် တင်ပျဉ်ခွေထိုင်ကာ ဝိညာဉ်ခွဲထွက်ခြင်းကို စတင် လုပ်ဆောင်လိုက်တော့၏...။

ထိုက်ရီ အကြွင်းအကျန်နယ်မြေ အတွင်း၌။

တပည့်များစွာကလည်း ဤမြင်ကွင်းကို ကြည့်ရင်း ဆွေးနွေးမှုများဖြင့် ဆူညံနေကြလေသည်။

"ဒါက နာမည်ကြီး ဝိညာဉ်ချောက်ကမ်းပါး တောင်ကြားပဲ…။"

"အောက်ခြေအဆင့် အပြင်စည်း အဖွဲ့ဝင်တွေအနေနဲ့၊ ဒီနေ့ နင်းဖန်က လမ်းမပြပေးဘူးဆိုရင်၊ ဂိုဏ်းရဲ့ ဒီလို အရေးကြီးတဲ့ နေရာမျိုးကို ငါတို့ ဘယ်နေရာမှာများ မြင်ရမှာလဲ…။"

"တကယ်ပါပဲ။ နင်းဖန် ကျင့်ကြံတာကို ကြည့်ရတာ တစ်ယောက်ယောက်ရဲ့ အမြင်ကို တကယ် ကျယ်ပြန့်စေတယ်လို့ ပြောရမယ်…။"

"ဒီကျောက်တိုင်က တကယ်ကို ကြီးမားတာပဲ။ အဲ့အပေါ်မှာ မှတ်တမ်းတင်ထားတဲ့ အတိတ်က ပါရမီရှင်တချို့ကို ရင်းနှီးပေမယ့်၊ တချို့ကတော့ တစ်ခါမှ မကြားဖူးဘူး…။"

"ပထမနေရာမှာရှိတဲ့ လင်းယွင်က...၊ ဂိုဏ်း မှတ်တမ်းတွေထဲမှာ ဖော်ပြထားပုံရတယ်။ သူက ဘိုးဘေးကြီး ကိုယ်တိုင် သင်ကြားပေးခဲ့တဲ့ ငါတို့ဂိုဏ်းရဲ့ ပြိုင်ဘက်ကင်း ပါရမီရှင်တစ်ယောက်လို့ ပြောကြတယ်…။"

"ဟင်...၊ စတုတ္ထနေရာမှာရှိတဲ့ စုန့်ထျန်းရှင်းဆိုတာ သန့်ရှင်းသော တောင်ကြီးငါးလုံး စစ်မှန်သော ပုံစံ လက်သီးကို ကျင့်ကြံခဲ့တဲ့ ငါတို့ဂိုဏ်းရဲ့ ပြိုင်ဘက်ကင်း ရုပ်ပိုင်းဆိုင်ရာ ကျင့်ကြံသူ မဟုတ်ဘူးလား..။"

"ဂိုဏ်းချုပ်စုန့် ငယ်ငယ်တုန်းက ဝိညာဉ်လမ်းစဉ်မှာလည်း ဒီလို ကြောက်မက်ဖွယ်ကောင်းတဲ့ ပါရမီ ရှိခဲ့လိမ့်မယ်လို့ ငါ မမျှော်လင့်ထားခဲ့ဘူး…။"

"သူတော်စင်မိန်းမပျို အရှင်သခင်မရဲ့ နာမည်ကို ငါ မြင်တယ်၊ သုံးဆယ့်သုံးခုမြောက် နေရာမှာပဲ…။"

"ရွှေခေတ်တစ်ခု တကယ် ရောက်လာပြီ။ စာရင်းကို ကြည့်မှပဲ သူတော်စင်မိန်းမပျို ကျန်းရဲ့ တန်ဖိုးကို နားလည်နိုင်မယ်…။"

"သူတော်စင်က ဘယ်မှာလဲ။ သူတော်စင်ရဲ့ နာမည်ကို ဘာလို့ မမြင်ရတာလဲ…။"

"အခု ငါ အသိချင်ဆုံးက သမိုင်းမှာ အားအကောင်းဆုံး အခြေခံအုတ်မြစ်ရှိတဲ့ နင်းဖန်က ကျန်း ဘယ်လောက်အထိ ငုပ်လျှိုးနိုင်မလဲ၊ ပြီးတော့ ဘယ်အဆင့်ကို ရနိုင်မလဲ ဆိုတာပဲ…။"

အပြင်စည်း တပည့်များအဖွဲ့မှာ စိတ်အားထက်သန်စွာ ဆွေးနွေးနေကြလေသည်။ အတွင်းစည်းမှ ဂုဏ်ထူးဆောင်တပည့်များစွာနှင့် အစစ်အမှန်တပည့်များပင်လျှင် မျှော်လင့်ချက်များဖြင့် ပြည့်နှက် နေခဲ့ကြလေ၏။

ဝိညာဉ်ချောက်ကမ်းပါး တောင်ကြား၏ ကျောက်တိုင်ပေါ်ရှိ မှတ်တမ်းများမှာ နှစ်သန်းပေါင်း ကိုးဆယ် နှင့် မရေမတွက်နိုင်သော တပည့်များကို လွှမ်းခြုံထားပေသည်။

သူတို့၏ မျိုးဆက်တွင်၊ ဂိုဏ်းတစ်ခုလုံးမှ သူတော်စင်မိန်းမပျိုသာလျှင် စာရင်းဝင်ခဲ့လေသည်။ သူတော်စင် အပါအဝင် အခြား မည်သူကမျှ စာရင်းဝင်ရန် အခွင့်အရေး မရှိခဲ့ချေ။

သို့ရာတွင် ယခုအခါ တစ်ယောက် ပိုလာနိုင်ပြီ ဖြစ်၏။ လူတိုင်း၏ အမြင်တွင်၊ နင်းဖန် စာရင်းဝင်မည်မှာ သံသယဖြစ်စရာ မလိုပေ။

တစ်ခုတည်းသော မသေချာမှုမှာ သူ မည်သည့်အဆင့် ရနိုင်မည်နည်း ဆိုသည်ပင်။ ထိပ်ဆုံး ဆယ် ယောက်လား။ ထိပ်ဆုံး ငါးယောက်လား။ ဒါမှမဟုတ် ပထမနေရာလား။

မည်သူကမျှ သေချာ မပြောနိုင်ချေ။

လူအုပ်ထဲတွင်၊ သူတော်စင်၏ မျက်နှာထားက သူ၏ ပတ်ဝန်းကျင်ရှိ ဆွေးနွေးမှုများကို ကြားသော်ငြား ပြောင်းလဲခြင်း မရှိခဲ့ချေ။ အနီးအနားရှိ လူများက သူတော်စင် အဘယ်ကြောင့် စာရင်းတွင် မပါသနည်း ဟု တီးတိုးပြောဆိုနေချိန်တွင်ပင်၊ သူက ယခင်ကဲ့သို့ တည်ငြိမ်နေဆဲ ဖြစ်လေသည်။

တကယ်တမ်းတွင် အကယ်၍ ယခင်ကသာ ဖြစ်ခဲ့လျှင်၊ ဤကဲ့သို့သော ခနဲ့တဲ့တဲ့ မှတ်ချက်များကို ဗြောင်ကျကျဖြစ်စေ၊ သွယ်ဝိုက်၍ဖြစ်စေ ကြားရပါက၊ သူ၏ တာအိုနှလုံးသားမှာ သေချာပေါက် တုန်လှုပ်သွားမည်ဖြစ်ပြီး၊ သူက အရှက်ရကာ ဒေါသထွက်နေမည် ဖြစ်ပေသည်။

သို့ရာတွင် ယခုအခါ သူက အရာအားလုံးကို အလွန် ရှင်းလင်းစွာ မြင်တွေ့နေရပြီ ဖြစ်၏။ သူ စာရင်း တွင် မပါတော့ရော ဘာဖြစ်လဲ။ မည်သို့ပင်ဆိုစေ သူသည် လက်ရှိတွင် ဂိုဏ်း၏ အမျိုးသား တပည့်များ ၏ ခေါင်းဆောင် မဟုတ်ချေ။

သူက သူတော်စင် အငယ်စားလေးတစ်ယောက်သာ ဖြစ်ပြီး၊ သူ၏ အထက်တွင် ခံတပ်ကို ထိန်းသိမ်း ထားသော ပြိုင်ဘက်ကင်း အမွေဆက်ခံသူ တစ်ဦး ရှိနေလေသည်။

သူက ဤမျိုးဆက်၏ အမျိုးသား တပည့်များကို ကိုယ်စားပြု၍ စာရင်းဝင်နိုင်သရွေ့ လုံလောက်ပြီ ဖြစ်ပေသည်။ သူတော်စင်မှာ သဘောထားကြီးရုံသာမက၊ နင်းဖန်က ဤစာရင်း၏ ထိပ်ဆုံးသို့ ရောက်ရှိမည်ကိုလည်း အတော်လေး သေချာနေလေသည်။

သူတော်စင်အပြင်၊ အခြား အကြီးအကဲများကလည်း နင်းဖန်အပေါ် ယုံကြည်မှု အပြည့် ရှိနေကြလေ ၏။ အနည်းဆုံးတော့ နင်းဖန်က ထိပ်ဆုံး သုံးယောက်စာရင်းထဲ ဝင်နိုင်မည်ဟု လူတိုင်းနီးပါး ယုံကြည် နေကြလေသည်။

ပထမနေရာ ရနိုင်မလား ဆိုသည်မှာမူ အနည်းငယ် ခက်ခဲပေလိမ့်မည်။ အဘယ်ကြောင့်ဆိုသော် ပထမ နေရာမှာ အပြည့်အဝ ကျန်း တစ်ထောင့်လေးရာအထိ ငုပ်လျှိုးခဲ့ပြီး၊ ဒုတိယနေရာမှစ၍ ကျန်သူများ အားလုံးမှာ ကျန်း တစ်ထောင့်နှစ်ရာ ဝန်းကျင်တွင်သာ ရှိကြောင်း စာရင်းမှ လွယ်ကူစွာ မြင်တွေ့နိုင် သောကြောင့် ဖြစ်၏။

ကွာဟချက်မှာ လုံးဝ ပြတ်တောက်သွားသလောက် နီးပါး ဖြစ်နေလေသည်။

ဂိုဏ်းချုပ် ဖေ့ချင်းယွီက လက်များကို နောက်ပစ်ကာ ရပ်နေပြီး ကြီးမားသော စိတ်ခံစားမှုများဖြင့် ပြောလိုက်လေသည်။

"ဘိုးဘေးကြီး လင်းယွင်က ဘိုးဘေးကြီးရဲ့ နှောင်းပိုင်းနှစ်တွေမှာ လက်ခံခဲ့တဲ့ တပည့်တစ်ယောက်ဖြစ် ပြီး၊ သူ့ရဲ့ အမွေအနှစ်တစ်ခုလုံးကို သူ့ဆီ လက်ဆင့်ကမ်းပေးခဲ့တာ။ သူက စိတ်ပျက်မစေခဲ့ဘဲ ခေတ်တစ်ခေတ်လုံးမှာ ပြိုင်ဘက်ကင်း ဖြစ်ခဲ့တယ်။"

သူ ငယ်စဉ်ကလည်း ကျင့်ကြံရန်အတွက် ဝိညာဉ်ချောက်ကမ်းပါး တောင်ကြားသို့ လာခဲ့ဖူးလေသည်။ ထိုအချိန်က ထိုစာရင်းကို ကြည့်ပြီး သူ အချိန်အတော်ကြာ အံ့အားသင့်နေခဲ့၏။

ကံမကောင်းစွာဖြင့် သူ၏ ခွန်အား အားလုံးကို အသုံးပြုပြီးသည့်တိုင်အောင်၊ သူက တောင်ကြားထဲသို့ ကျန်း လေးရာကျော်သာ ငုပ်လျှိုးနိုင်ခဲ့ပြီး၊ ထိပ်ဆုံး ရာဂဏန်းထဲသို့ပင် မဝင်နိုင်ခဲ့ချေ။

ကံကောင်းထောက်မစွာဖြင့် နင်းဖန်၏ ရုတ်တရက် ထွက်ပေါ်လာမှုက အတိတ်က လူများကို ကျော်လွန် နိုင်မည့် မျှော်လင့်ချက်ကို သူ့အား ယခုအခါ ပေးစွမ်းနေလေသည်။

အောက်ဘက်တွင်မူ။

နင်းဖန်က တင်ပျဉ်ခွေထိုင်နေပြီး၊ သူ၏ အတွေးများ မြင့်တက်လာသည်နှင့်အမျှ သူ၏ ဝိညာဉ်က ဝိညာဉ်ခွဲထွက်ခြင်းကို ရုတ်တရက် လုပ်ဆောင်လိုက်လေသည်။

ပထမဦးစွာ သူက ၎င်းကို ခံစားရန် တောင်ကြားအဝင်ဝသို့ ပျံသန်းသွား၏။ ထိုဝိညာဉ်လေများ တိုက် ခတ်လာသည်နှင့်အမျှ၊ ၎င်းတို့က သူ၏ ဝိညာဉ်ကို တဖြည်းဖြည်း ခိုင်မာလာစေကြောင်း သူ အမှန် တကယ် ခံစားလိုက်ရသော်ငြား၊ အာနိသင်မှာ သိသာထင်ရှားမှု မရှိချေ။

ဝိညာဉ်လေများက ပြင်းထန်စွာ တိုက်ခတ်နေသဖြင့် သူက သူ့ဘာသာသူ တွေးတောလိုက်လေသည်။

"တကယ်လို့ ပိုမို ပေါ့ပါးတဲ့ ဝိညာဉ်တစ်ခုရှိတဲ့ ကျင့်ကြံသူတစ်ယောက်သာ ဆိုရင်၊ သူတို့က တကယ်ပဲ အောက်ကို မဆင်းနိုင်ဘဲ တောင်ကြားအဝင်ဝမှာပဲ ပေါ်လောပေါ်နေနိုင်လိမ့်မယ်…။"

ထို့နောက် နောက်ထပ် တွေဝေခြင်းမရှိဘဲ၊ သူ၏ ဆန္ဒက အားစိုက်လိုက်ပြီး၊ သူ၏ ဝိညာဉ်ခန္ဓာကိုယ် တစ်ခုလုံး လျင်မြန်စွာ နစ်မြုပ်သွားသည်နှင့်အမျှ သူ၏ ဂျင် တစ်သိန်းရှိသော ဝိညာဉ်အလေးချိန်ကို ပြသလိုက်၏။

ကျန်း ငါးဆယ်၊ ကျန်း တစ်ရာ၊ ကျန်း တစ်ရာ့ခြောက်ဆယ်၊ ကျန်း နှစ်ရာ့တစ်ဆယ်...။ နင်းဖန်၏ အရှိန် မှာ အလွန် မြန်ဆန်ပြီး၊ ဝိညာဉ်လေများက သူ့ကို လုံးဝ မရွေ့လျားစေနိုင်ချေ။

တောင်ကြားအဝင်ဝရှိ ကျောက်တိုင်၏ အခြားတစ်ဖက်တွင်၊ အနက်ကို ပြသသော ဝိညာဉ်ပေတံတစ်ခု ရှိလေသည်။ ဤအချိန်တွင် နင်းဖန် ကျဆင်းသွားသည်နှင့်အမျှ၊ ၎င်းအပေါ်ရှိ အလင်းရောင်က ရူးသွပ် စွာ တောက်ပနေပြီး၊ ၎င်းအပေါ်ရှိ ညွှန်တံက ရူးသွပ်စွာ ခုန်တက်နေ၏။

အမွှေးတိုင် တစ်တိုင်စာလောက် အချိန်ကြာပြီးနောက်၊ ၎င်းက ကျန်း သုံးရာ တွင် ရပ်တန့်သွားတော့ သည်။

အခန်း (၁၃၀) ခန္ဓာကိုယ်နှင့် ဝိညာဉ်ကိုပါ ကျင့်ကြံခြင်း၊ နှောင်းပိုင်းအဆင့်သို့ ထိုးဖောက်ဝင်ရောက်ကာ ကျန်းတစ်ထောင်အမြင့်သို့ ရောက်ရှိခြင်း

ကျန်း သုံးရာ။

ဤသည်မှာ နင်းဖန်၏ ဂျင် တစ်သိန်းရှိသော ဝိညာဉ်အလေးချိန်အတွက် ကန့်သတ်ချက် ဖြစ်လေသည်။

ပတ်ဝန်းကျင်မှာ မှောင်မိုက်နေပြီး၊ အောက်ဘက်ရှိ ဝိညာဉ်လေများက သူ၏ ဝိညာဉ်ခန္ဓာကိုယ်ကို ဆုတ်ဖြဲပစ်တော့မည့်အလား ပြင်းထန်စွာ တိုက်ခတ်နေ၏။ အကယ်၍ အခြား ကျင့်ကြံသူတစ်ဦးသာ ဤနေရာတွင် ရှိနေပါက၊ သူတို့က သေချာပေါက် ထိတ်လန့်သွားမည်ဖြစ်ပြီး ဤဝိညာဉ်လေကို ခုခံရန် သူတို့၏ ခွန်အား အားလုံးကို အသုံးပြုကြမည် ဖြစ်ပေသည်။

သို့ရာတွင် နင်းဖန်တွင် 'ဝိညာဉ်ဖိနှိပ်ခြင်း ကောင်းကင်တိုင်' ပါရမီ သွင်းအားစု ရှိနေသဖြင့်၊ ဝိညာဉ်လေ ၏ ခြိမ်းခြောက်မှုကို သူ လျစ်လျူရှုနိုင်လေသည်။ သူ၏ ဝိညာဉ်ခန္ဓာကိုယ်မှာ ဤကြောက်မက်ဖွယ် မုန်တိုင်းကြားတွင် တုန်လှုပ်ခြင်း မရှိဘဲ ကျန်ရှိနေ၏။

သူက လေထဲတွင် တင်ပျဉ်ခွေထိုင်လိုက်ပြီး၊ အကန့်အသတ်မဲ့ တာအို သိုလှောင်ရုံမှ ကျင့်ကြံခြင်း နည်းစနစ် လည်ပတ်လာသည်နှင့်အမျှ၊ သူက သူ့ကိုယ်သူ သန့်စင်ရန် ရေကို မျိုချနေသော ဝေလငါး တစ်ကောင်ကဲ့သို့ ဝိညာဉ်လေထဲတွင် ပါရှိသော ဝိညာဉ်စွမ်းအားများကို စတင် စုပ်ယူလိုက်လေသည်။

မကြာမီ ထိုဂျင် တစ်သိန်းရှိသော ဝိညာဉ်အလေးချိန်မှာ ဆက်လက် တိုးလာတော့၏။ သူ၏ ဝိညာဉ် ခန္ဓာကိုယ် လေးလံလာသည်နှင့်အမျှ၊ အနက်ကို ပြသသော အပြင်ဘက်ရှိ ဝိညာဉ်ပေတံပေါ်မှ ညွှန်တံက တစ်ဖန် စတင် တောက်ပလာလေသည်။

ကျန်း သုံးရာ့ငါးခု၊ ကျန်း သုံးရာ့ခုနစ်ခု၊ ကျန်း သုံးရာ့ဆယ်ခု...။ အရှိန်မှာ နှေးကွေးသော်ငြား၊ ၎င်းက ဘယ်သောအခါမျှ မရပ်တန့်ဘဲ စဉ်ဆက်မပြတ် ပြောင်းလဲနေ၏။

ဤသည်ကား အံ့မခန်း စွမ်းဆောင်ရည်တစ်ခု ဖြစ်ပေသည်။ ပါရမီရှင် အများစုမှာ သူတို့၏ ကိုယ်ပိုင် ကန့်သတ်ချက်သို့ နစ်မြုပ်သွားပြီးနောက်၊ သူတို့ ကျင့်ကြံနေစဉ် ဝိညာဉ်လေကို ခုခံရန် အလုပ်များစွာကို တစ်ပြိုင်နက်တည်း လုပ်ဆောင်ရမည် ဖြစ်လေသည်။

ဤသည်က သူတို့၏ ဝိညာဉ်ပေတံများပေါ်ရှိ ညွှန်တံများကို ရွေ့လျားလိုက်၊ ရပ်တန့်လိုက် ဖြစ်စေ၏။ နင်းဖန်ကဲ့သို့ ကြားထဲတွင် ရပ်တန့်မှု မရှိဘဲ တစ်ခုပြီးတစ်ခု တောက်ပနေအောင် သူတို့ မည်သို့ လုပ်နိုင် ပါမည်နည်း။

ဤမြင်ကွင်းက ထိုက်ရီ အကြွင်းအကျန်နယ်မြေ အတွင်းရှိ အကြီးအကဲများစွာကိုလည်း အံ့အားသင့်စေ ခဲ့လေသည်။

အကြီးအကဲများက အချင်းချင်း ဆွေးနွေးလိုက်ကြလေသည်။

"နင်းဖန်က ဝိညာဉ်တာအိုမှာ တကယ်ပဲ ဒီလို ပါရမီ ရှိနေတာလား…။"

"သူ့ရဲ့ ဝိညာဉ်ခန္ဓာကိုယ်က စဉ်ဆက်မပြတ် နစ်မြုပ်နေတယ်ဆိုတော့၊ ကျင့်ကြံခြင်း အာနိသင်က အလွန် ကောင်းမွန်တယ်လို့ ဆိုလိုတာပေါ့…။"

"ဒါပေမယ့် ကျန်း သုံးရာ အနက်ဆိုတာ တိမ်တာမဟုတ်ဘူး။ ယုတ္တိတန်တန် စဉ်းစားကြည့်ရင်၊ ဝိညာဉ် လေက အခုဆို သူ့ရဲ့ အစစ်အမှန် စွမ်းအားကို ပြသနေလောက်ပြီ။ အဲဒါက သူ့အတွက် အနည်းဆုံး ခြိမ်းခြောက်မှုတောင် တကယ်ပဲ မဖြစ်စေဘူးလား…။"

"နင်းဖန်ရဲ့ ဝိညာဉ်က ငါတို့ ထင်ထားတာထက်တောင် ပိုခိုင်မာနေပုံရတယ်…။"

အကြီးအကဲများစွာ ဆွေးနွေးနေကြလေသည်။ ဂိုဏ်း၏ မဏ္ဍိုင်များအနေဖြင့်၊ သူတို့က သဘာဝကျကျ ပင် သူတို့၏ လူငယ်ဘဝက ပါရမီရှင်များ ဖြစ်ခဲ့ကြပြီး ဝိညာဉ်ချောက်ကမ်းပါး တောင်ကြားသို့ ဝင် ရောက်ခဲ့ကြဖူး၏。 သို့ရာတွင် သူတို့၏ ရလဒ်များမှာ အလယ်အလတ်သာ ဖြစ်ပြီး၊ အများစုမှာ ကျန်း သုံးရာကျော် အဆင့် ဝန်းကျင်တွင်သာ ရှိကြလေသည်။

ထိုအနက်ရှိ ဝိညာဉ်လေ၏ စွမ်းအားကို ယခု ပြန်လည် အမှတ်ရလာသောအခါ၊ သူတို့၏ နှလုံးသားများ အလွန်အမင်း တုန်လှုပ်သွားကြ၏။ သူတို့၏ မှတ်ဉာဏ်များအရ၊ သူတို့က ကျန်း သုံးရာကျော်တွင် ရှိနေ ချိန်က၊ ဝိညာဉ်လေကို ခုခံရုံဖြင့်ပင် လွှမ်းမိုးခံနေရပြီ ဖြစ်လေသည်။

ကျင့်ကြံရန် ကြိုးစားခြင်းနှင့် ဆက်လက် နစ်မြုပ်နိုင်ရန် ဝိညာဉ်ခန္ဓာကိုယ်ကို ပိုမို လေးလံလာစေခြင်းမှာ ပို၍ပင် အချိန်ကုန်ပြီး ပင်ပန်းလှပေသည်။ များသောအားဖြင့် ကျန်း ဆယ်ခု သို့မဟုတ် နှစ်ဆယ်ခန့် ငုပ်လျှိုးနိုင်ရန် ရက်အတော်ကြာ အချိန်ယူရလေ့ရှိပေ၏။

နင်းဖန်ကဲ့သို့ မရပ်မနားဘဲ တောင်ကြားအောက်ခြေဆီသို့ မည်သို့ ကျဆင်းနိုင်မည်နည်း။ ဤသည်မှာ တကယ်ကို အစွန်းရောက်သည်အထိ အံ့မခန်း ဖြစ်လှပေသည်။ လူတစ်ဦးက မချီးကျူးဘဲ မနေနိုင် တော့ချေ။ သမိုင်းတွင် အားအကောင်းဆုံး အခြေခံအုတ်မြစ်ဟူသော အမည်နှင့် တကယ်ကို ထိုက်တန် လှပေသည်။

ထို့အပြင် အောက်ဘက်တွင်။

နင်းဖန်၏ ဝိညာဉ်ခန္ဓာကိုယ် ကျင့်ကြံနေချိန်တွင်။ တောင်ကြားအဝင်ဝ၌ တင်ပျဉ်ခွေ ထိုင်နေသော သူ၏ ရုပ်ခန္ဓာကိုယ်မှာလည်း အမှန်တကယ်ပင် ဝိညာဉ်စွမ်းအင်များကို ရှူသွင်းနေလေသည်။

ဤသည်ကား အကန့်အသတ်မဲ့ တာအို သိုလှောင်ရုံ၏ အံ့မခန်းဖွယ်ရာ အသွင်အပြင်ပင် ဖြစ်ပေသည်။ ဤကျင့်ကြံခြင်း နည်းစနစ်က ခန္ဓာကိုယ်အတွင်း အလိုအလျောက် လည်ပတ်နိုင်၏။ နတ်ဘုရားဝိညာဉ် ၏ လမ်းညွှန်မှု မပါဘဲ၊ အခွံလွတ်တစ်ခုမျှသာ ဖြစ်နေခြင်းက ၎င်းအပေါ် အနည်းငယ်မျှ သက်ရောက်မှု မရှိချေ။

ထို့ကြောင့် ဤထူးဆန်းသော မြင်ကွင်း ဖန်တီးခံလိုက်ရခြင်း ဖြစ်လေသည်။

နင်းဖန်၏ ဝိညာဉ်က အားကောင်းလာနေပြီး၊ သူ၏ ရုပ်ခန္ဓာကိုယ် ကျင့်ကြံမှုကလည်း ကြီးထွားလာနေ ၏။ နှစ်ခုစလုံးက အချိန် တစ်ခဏမျှ မဖြုန်းတီးဘဲ ယှဉ်တွဲ၍ တိုးတက်နေကြပေသည်။

ကျန်း သုံးရာ့နှစ်ဆယ်၊ ကျန်း သုံးရာ့သုံးဆယ်၊ ကျန်း သုံးရာ့လေးဆယ်...။ 'ဝိညာဉ်ဖိနှိပ်ခြင်း ကောင်းကင် တိုင်' ၏ ကာကွယ်မှုအောက်တွင်၊ နင်းဖန်က ဝိညာဉ်လေ၏ ခြိမ်းခြောက်မှုကို စိုးရိမ်စရာမလိုဘဲ၊ သူ၏ ဝိညာဉ်ကို သန့်စင်ရန်သာ အပြည့်အဝ မြှုပ်နှံထားနိုင်လေသည်။

သူ၏ ဝိညာဉ်ခန္ဓာကိုယ်မှာ ပို၍ပို၍ လေးလံလာပြီး၊ ကျဆင်းသည့် အနက်က ကျန်း လေးရာဆီသို့ တွန်း ပို့နေလေ၏။ ၎င်းက မည်မျှ ချောမွေ့စွာ သွားနေသည်ကို မြင်သောအခါ၊ တပည့်များစွာက နင်းဖန်၏ နောက်ဆုံး ရလဒ်ကို ပို၍ပင် မျှော်လင့်လာကြတော့သည်။

တပည့်များက ဆက်တိုက် ရေရွတ်လိုက်ကြလေသည်။

"ဝိညာဉ်ခန္ဓာကိုယ် ကျင့်ကြံခြင်းက အမြဲတမ်း အချိန်အများကြီး လိုအပ်တယ်လို့ ငါ ကြားဖူးတယ်၊ မကြာခင်တော့ ပြီးဦးမှာ မဟုတ်ဘူး…။"

"တကယ်ပါပဲ၊ အဲဒီတုန်းက အစစ်အမှန်တပည့် စီနီယာအစ်ကိုလျူက ကျန်း နှစ်ရာ့ခုနစ်ဆယ် ကနေ သုံးရာ့ခြောက်ဆယ် ကို နစ်မြုပ်ဖို့ (၄၉) ရက်တိတိ အချိန်ယူခဲ့ရတာ….။"

"အဲဒီလိုဆိုရင်၊ နင်းဖန်ရဲ့ အခြေခံအုတ်မြစ်က အားကောင်းရင်တောင် အချိန်အတော်ကြာဦးမှာပဲ…။"

"ဟင်း...၊ အမွေဆက်ခံသူနင်း ဒီလောက် ကြိုးစားနေတာကို မြင်တော့၊ ငါလည်း ခဏလောက် ကျင့်ကြံ သင့်ပြီ…။"

"ငါ့ကိုလည်း ထည့်တွက်လိုက်။ နင်းဖန် စာရင်းဝင်သွားရင်၊ စီနီယာအစ်ကို တစ်ယောက်ယောက်က ငါ့ကို ခြေကန်ပြီး နှိုးပေးပါလား…။ "

တပည့်များ စကားပြောနေကြစဉ်၊ ဝိညာဉ်ပေတံ၏ အနက်က တိုးလာနေသော်ငြား အရှိန်က နှေးကွေး ကြောင်း သူတို့ သတိထားမိလိုက်ကြလေသည်။ ထို့ကြောင့် သူတို့က သူတို့၏ မျှော်လင့်ချက်များကို ဖိနှိပ်ထားပြီး လုပ်စရာများကို စတင် ရှာဖွေလိုက်ကြတော့၏။

လူများစွာက နင်းဖန်၏ ရုပ်ခန္ဓာကိုယ်နှင့် ဝိညာဉ် အတူတကွ ကျင့်ကြံနေသည်ကို မြင်သောအခါ၊ သူ၏ အားထုတ်မှုကြောင့် စိတ်လှုပ်ရှားသွားပြီး အတုယူကာ ကျင့်ကြံလာကြလေသည်။ ဤအပြုအမူက ကွင်းဆက်တုံ့ပြန်မှု တစ်ခုကဲ့သို့ လျင်မြန်စွာ ပျံ့နှံ့သွားခဲ့ပေ၏။

ပိုများပြားသော တပည့်များ ပါဝင်လာကြလေသည်။ မကြာမီတွင် ထိုက်ရီ အကြွင်းအကျန်နယ်မြေ အတွင်း၌ ထူးဆန်းသော မြင်ကွင်းတစ်ခု ပေါ်လာတော့သည်။

တပည့် တစ်သိန်းကျော်မှာ အမှန်တကယ်ပင် တင်ပျဉ်ခွေ ထိုင်ကာ အသက်ရှူသွင်း ရှူထုတ် လုပ်နေ ကြ၏။ လူတိုင်း ကျင့်ကြံနေသည့် ဤမြင်ကွင်းက အကြီးအကဲများစွာကို ကျေနပ်အားရစွာ ခေါင်းညိတ် သွားစေခဲ့လေသည်။

သူတို့က ဤလျှို့ဝှက်နယ်မြေထဲတွင် ပိတ်မိနေသော်ငြား၊ သူတို့၏ ကိုယ်ပိုင် ကျင့်ကြံမှုကို လစ်လျူမရှု နိုင်ကြောင်း အမှန်တကယ်ပင် ဖြစ်ပေသည်။

နင်းဖန်၏ ကြိုးစားအားထုတ်မှုက စံပြအခန်းကဏ္ဍတစ်ခုအဖြစ် ဆောင်ရွက်ပေးခဲ့၏။ ကွင်းဆက်တုံ့ပြန် မှုအောက်တွင်၊ သင်းထောက်အချို့နှင့် အောက်ခြေအဆင့် အကြီးအကဲများပင်လျှင် မကျင့်ကြံဘဲ မနေ နိုင်တော့ချေ။

တစ်ခဏတာမျှ၊ ကောင်းကင်တွင်ဖြစ်စေ မြေကြီးပေါ်တွင်ဖြစ်စေ အရာအားလုံးက တိတ်ဆိတ်သွား ခဲ့လေတော့သည်။

အချိန်တွေ ကုန်လွန်သွားသည်နှင့်အမျှ နေထွက်လာပြီး လဝင်သွား၏။ မသိမသာပင် ငါးရက် ကုန်လွန် သွားခဲ့လေသည်။

နင်းဖန်၏ ဝိညာဉ်ခန္ဓာကိုယ်မှာ ကျန်း ခုနစ်ရာ အနက်သို့ ရောက်ရှိနေပြီ ဖြစ်၏။ တစ်လျှောက်လုံးတွင် မည်သည့် ခုခံမှုမျှ မရှိခဲ့ချေ။ ဤအနက်သို့ ရောက်သောအခါ၊ အပြင်ဘက်ရှိ ကျောက်တိုင်ပေါ်တွင် သူ၏ အမည်က ရုတ်တရက် ပေါ်လာလေသည်။

မူလက ရာခုမြောက် နေရာတွင် ရှိနေသော ဂိုဏ်းစီနီယာကို သူက အောက်သို့ တွန်းချလိုက်ခြင်း ဖြစ်၏။

ယင်းက 'ရာခုမြောက် နေရာ - နင်းဖန်၊ ထိုက်ရီအစစ်အမှန်ဂိုဏ်း၏ (၃၀၆) ဆက်မြောက် အပြင်စည်း အရန်တပည့်' ဟူသော စကားလုံးများ ဖြစ်လာလေသည်။

ယင်း၏ အကြောင်းရင်းမှာ... ဝိညာဉ်ချောက်ကမ်းပါး တောင်ကြား အတွင်း၌၊ ဝင်ရောက်လာသော တပည့်များ၏ ကိုယ်ပိုင်လက္ခဏာ တိုကင် သတင်းအချက်အလက်များကို အလိုအလျောက် ဖတ်ရှုမည့် ဝင်္ကပါတစ်ခု ရှိနေသောကြောင့်ပင် ဖြစ်ပေသည်။

ထို့နောက် ဝိညာဉ်ပေတံ၏ ညွှန်တံ ပြောင်းလဲမှုများအပေါ် အခြေခံ၍ ၎င်းက ကျောက်တိုင်ပေါ်ရှိ အကြောင်းအရာများကို အချိန်နှင့်တစ်ပြေးညီ အပ်ဒိတ်လုပ်ပေးမည် ဖြစ်လေသည်။ နင်းဖန်၏ ကိုယ်ပိုင်လက္ခဏာ တိုကင်တွင်၊ သူ့ကို အပြင်စည်း အရန်တပည့် တစ်ယောက်အဖြစ် သဘာဝကျကျ သတ်မှတ်ထားခြင်း ဖြစ်လေ၏...။

ကျောက်တိုင်ပေါ်ရှိ အဆင့်များ ပြောင်းလဲသွားသည်နှင့်အမျှ၊ ထိုက်ရီ အကြွင်းအကျန်နယ်မြေ အတွင်း ရှိ လူများစွာလည်း နိုးလာကြလေသည်။ တပည့်များစွာက မြင်ကွင်းကို ကြည့်ရင်း စိတ်လှုပ်ရှားစွာ ရေရွတ်လိုက်ကြ၏။

"နင်းဖန် စာရင်းဝင်သွားပြီ…။"

"ရာခုမြောက် နေရာ၊ ကျန်း ခုနစ်ရာ အနက်…။"

"ဒီအရှိန်နဲ့ ကြည့်ရတာ၊ သူက မကြာခင်မှာ သူတော်စင်မိန်းမပျို အရှင်သခင်မကို မီတော့မှာပဲ…။"

"အံ့ဩစရာပဲ။ ငါးရက်ပဲ ရှိသေးတယ်၊ သူက နောက်ထပ် ကျန်း လေးရာ နစ်မြုပ်သွားပြန်ပြီ…။"

"အစစ်အမှန်တပည့် ပါရမီရှင်တစ်ယောက်အတွက်တောင်မှ၊ အဲဒီ ကျန်း လေးရာကို ဖြည်းဖြည်းချင်း ဖြတ်ကျော်ဖို့ သုံးလ ကနေ ငါးလလောက် အချိန်ယူရလောက်တယ် မဟုတ်လား…။"

"ငါ ပြောနိုင်တာကတော့ လူတွေကြားက ကွာဟချက်က တကယ်ကို ကြီးမားလွန်းတယ် ဆိုတာပဲ…။"

"ဒါပေမယ့် သူ့အတွက် မှတ်တမ်းတင်ထားတဲ့ အချက်အလက်တွေက... နည်းနည်း ယုတ္တိမတန်ဘူး မဟုတ်လား။ သူက အပြင်စည်း အရန်တပည့် အနေနဲ့ စာရင်းဝင်သွားတာလေ…။"

"ဟားဟား၊ ငါလည်း သတိထားမိတယ်။ အဲဒီ သူတော်စင်တွေနဲ့ အစစ်အမှန်တပည့်တွေ အားလုံးကြား မှာ၊ အဲဒါက တကယ်ကို ထင်ရှားနေတာပဲ…။"

"ငါတို့ လုပ်နိုင်တာ ဘာမှမရှိပါဘူး။ ငါတို့ရဲ့ မဟာအမွေဆက်ခံသူနင်းက တရားဝင် ဘွဲ့မနှင်းအပ်ရသေး ဘူးလို့ ဘယ်သူက ပြောလဲ…။"

တပည့်များစွာက ပထမဦးစွာ အံ့အားသင့်သွားကြလေသည်။ ထို့နောက် ကျောက်တိုင်ပေါ်ရှိ နင်းဖန်၏ အမည်ရှေ့မှ ကိုယ်ပိုင်လက္ခဏာ အခေါ်အဝေါ်ကို ကြည့်ပြီး၊ သူတို့ အားလုံး မရယ်ဘဲ မနေနိုင်တော့ချေ။

အဆင့်သတ်မှတ်ချက် စာရင်းတွင်၊ အခြားသူများ အားလုံးမှာ သူတော်စင် သို့မဟုတ် အမွေဆက်ခံသူ တစ်ဦး ဖြစ်ကြ၏။ သို့ရာတွင် သူ့အတွက်ကတော့ ရိုးရှင်းစွာပင် 'အပြင်စည်း အရန်တပည့်' ဖြစ်နေပြီး တရားဝင် တပည့်တစ်ယောက်ပင် မဟုတ်ချေ။ ယင်းက တကယ်ကို အတော်လေး ရယ်စရာကောင်း လှပေသည်။

ဤသည်ကို မြင်သောအခါ အကြီးအကဲများ အားလုံးက ကူကယ်ရာမဲ့ပြီး ခါးသက်သော အပြုံးများကို ပေးလိုက်ကြလေသည်။ သူတို့က ဤလျှို့ဝှက်နယ်မြေထဲတွင် ပိတ်မိနေပြီး လုံးဝ ထွက်၍မရနိုင်ချေ။ နင်းဖန်၏ တပည့်တိုကင်ကို အစားထိုးပြီး သူက ဂိုဏ်း အမွေဆက်ခံသူ တစ်ဦး ဖြစ်နေပြီဆိုသည်ကို သူ့အား မည်သို့ အသိပေးနိုင်မည်နည်း။

ယခုအခါ နင်းဖန်က အရန်တပည့် တစ်ယောက်၏ ကိုယ်ပိုင်လက္ခဏာဖြင့် ဤထာဝရ အဆင့်သတ် မှတ်ချက် စာရင်းသို့ တက်လှမ်းနေသည်ကို ကူကယ်ရာမဲ့စွာ ကြည့်နေရုံသာ တတ်နိုင်တော့၏...။

ထိုသို့ဖြင့် နောက်ထပ် ဆယ်ရက် ကုန်လွန်သွားခဲ့လေသည်။

နင်းဖန် နစ်မြုပ်သွားသော အနက်မှာ ကျန်း ကိုးရာသို့ ရောက်ရှိသွားပြီး၊ သူတော်စင်မိန်းမပျို ကျန်းချင်းဟန်ကို ကျော်လွန်ကာ အဆင့်သတ်မှတ်ချက် စာရင်းတွင် (၂၅) ခုမြောက် နေရာ၌ ရှိနေပြီ ဖြစ်၏。 သူ၏ ဝိညာဉ်အလေးချိန်မှာ ယခုအခါ ယခင်ကထက် အဆပေါင်းများစွာ ပိုများနေပြီ ဖြစ်လေ သည်။ ၎င်းက ဂျင် တစ်သန်းသို့ပင် ရောက်ရှိနေပြီ ဖြစ်နိုင်ပေသည်။

သို့ရာတွင် တောင်ကြားအောက်ခြေသို့ ပိုမို ရောက်ရှိလာလေလေ၊ ဝိညာဉ်လေက ပိုမို ကြမ်းတမ်းလာ လေလေ ဖြစ်သောကြောင့် နစ်မြုပ်သည့် အရှိန်က နှေးကွေးသွားခဲ့၏။ ၎င်းက သူ့ကို လွင့်မသွားစေနိုင် သော်ငြား၊ ခုခံမှုက ရှိနေဆဲ ဖြစ်လေသည်။

ထို့အပြင် ဤဝိညာဉ်အလေးချိန် အဆင့်တွင်၊ ၎င်းကို ထပ်မံ တိုးမြှင့်ရန် ခက်ခဲလာပေသည်။ နင်းဖန်တွင် စိတ်ရှည်ရှည်ဖြင့် ဆက်လက် ကျင့်ကြံခြင်းမှလွဲ၍ ပိုကောင်းသော နည်းလမ်း မရှိတော့ချေ။

ဤနည်းဖြင့် နောက်ထပ် သုံးရက် ကုန်လွန်သွားခဲ့လေသည်။

တောင်ကြားအဝင်ဝတွင် တင်ပျဉ်ခွေထိုင်နေသော သူ၏ ရုပ်ခန္ဓာကိုယ်က အဆုံးအစမဲ့ ဝိညာဉ်စွမ်းအင် များ စီးဝင်လာသည်နှင့်အမျှ ရုတ်တရက် တုန်ခါသွားခဲ့တော့လေ၏။ သူ၏ နယ်ပယ်က အမှန်တကယ် ပင် ထိုးဖောက်ဝင်ရောက်သွားခဲ့ပြီ ဖြစ်လေသည်။

သူ၏ ဝိညာဉ်စွမ်းအား အဆင့်က ဝိညာဉ်သန့်စင်ခြင်းနယ်ပယ်၏ နှောင်းပိုင်းအဆင့်သို့ ဝင်ရောက်သွား သည်နှင့်အမျှ၊ ၎င်းက ထိုနယ်ပယ်၏ ဝိညာဉ်စွမ်းအားအတွက် နှစ်ဆတိုးခြင်း ယန္တရားကို ချက်ချင်း အစပျိုးလိုက်၏။

တောင်ကြားအတွင်းရှိ နင်းဖန်၏ ဝိညာဉ်ခန္ဓာကိုယ်မှာ တစ်ခဏအတွင်း ပိုမို ခိုင်မာလာတော့သည်။ အလေးချိန်က ဂျင် တစ်သန်းကျော်မှ ဂျင် နှစ်သန်းကျော်သို့ တိုက်ရိုက် ခုန်တက်သွားလေသည်။

သူ၏ နစ်မြုပ်သည့် အရှိန်ကလည်း ချက်ချင်း တိုးလာ၏။ အပြင်ဘက်ရှိ ဝိညာဉ်ပေတံ၏ ညွှန်တံက ရူးသွပ်စွာ တောက်ပနေပြီး၊ အမွှေးတိုင် တစ်ဝက်စာ အချိန်လေးအတွင်းမှာပင် အနက်က ကျန်း ကိုးရာ ကျော် မှ ကျန်း တစ်ထောင့်တစ်ရာသို့ ရောက်ရှိသွားလေသည်။

အဆင့်သတ်မှတ်ချက် စာရင်းပေါ်ရှိ သူ၏ အမည်မှာလည်း ဒုံးပျံတစ်စင်း စီးနေသည့်အလား လျင်မြန် စွာ တက်လာ၏။ မျက်တောင်အနည်းငယ် ခတ်လိုက်ချိန်အတွင်းမှာပင် သူက ထိပ်ဆုံး ဆယ်ယောက် စာရင်းသို့ ဝင်ရောက်သွားခဲ့လေသည်။

ထိုက်ရီ အကြွင်းအကျန်နယ်မြေ တစ်ခုလုံး အတွင်း၌ အဆုံးအစမဲ့သော ဟိန်းဟောက်သံများ ပေါက်ကွဲ ထွက်လာလေတော့သည်။