အခန်း (၁၀၉-၁၁၀)

🍋 Chapter 109

ချန်ကွမ်ချီ၏ စကားကို ကြားပြီးနောက် ကျိုးထျန်း မျက်ခုံးများ အထပ်ထပ် တွန့်သွားရသည်။

"ဒါက ကပ်ဘေးတစ်ခုပဲ!"

ရာထူးရပ်နားခြင်း၊ စာရင်းစစ်ကုမ္ပဏီ ငှားခြင်း၊ ဥပဒေအဖွဲ့ ငှားခြင်း... ဒါတွေက စနစ်တကျ လုပ်ဆောင်တဲ့ တိုက်ခိုက်မှုတွေပဲ။ တစ်ဖက်နဲ့တစ်ဖက် အသေအကြေ တိုက်ကြတော့မယ့် သဘောပဲ။

ဒါက အပြင်ပန်း လုပ်ဆောင်ချက်တွေပဲ ရှိသေးတယ်၊ ကွယ်ရာမှာ ဘာတွေဖြစ်နေမလဲဆိုတာ ဘယ်သူသိနိုင်မလဲ။

Dalong မှာ သစ္စာဖောက် ရှိနေတာ သေချာသလို အဲဒါက လျိုချန်အန်း ဖြစ်နေဖို့ကလည်း ရာခိုင်နှုန်း တော်တော်များနေတယ်။

CEO တစ်ယောက်အနေနဲ့ ကုမ္ပဏီမှာ လုပ်ပိုင်ခွင့် အမြင့်ဆုံး ရှိတာကြောင့် အခုလို အချက်အလက်တွေ အကြီးအကျယ် ပေါက်ကြားသွားတဲ့အခါ သူက ပထမဆုံး စစ်ဆေးခံရမယ့်သူပဲ။

Dalong က စာရင်းစစ်အဖွဲ့ ငှားတာက CEO ဖြစ်သူ သူ့ကို တိုက်ရိုက်ပစ်မှတ်ထားတာ သိသာတယ်။

အောက်ခြေ ဝန်ထမ်းတွေရဲ့ စာရင်းကို စစ်နေလို့ ဘာထူးမှာလဲ၊ အဆင့်မြင့် အရာရှိကြီးတွေရဲ့ စာရင်းတွေကိုပဲ စစ်ကြမှာ။

ကုမ္ပဏီပြင်ပက ဘဏ်အကောင့်တွေနဲ့ ဝင်ငွေ အသေးစိတ်တွေကိုလည်း Dalong ရဲ့ ဒါရိုက်တာတွေက ဝင်ရောက် စွက်ဖက်နိုင်စွမ်း ရှိကြတယ်။

ဘဏ်ဝန်ထမ်းတွေဆိုတာ ပုဂ္ဂိုလ်ရေး အချက်အလက်တွေကို ကြည့်လို့ရတာပဲ။ ရာထူးကလည်း မြင့်တယ်၊ လျှို့ဝှက်ချက် ထိန်းသိမ်းရမယ့် အဆင့်မှာလည်း မရှိဘူးဆိုရင် အကုန်လုံးကို အထင်အရှား ရှာတွေ့နိုင်တယ်။

လွန်ခဲ့တဲ့ ရက်ပိုင်းကတည်းက နာမည်ကျော် အနုပညာရှင်လေး တစ်ယောက်ဟာ သူ့ကုမ္ပဏီနဲ့ စကားများပြီး စာချုပ်ဖျက်ချင်တာကို ကုမ္ပဏီက သူ့ရဲ့ ဘဏ်စာရင်းတွေကို တိုက်ရိုက် ဆွဲထုတ်ပြလိုက်တာပဲ မဟုတ်လား။

အဲဒီကုမ္ပဏီက တာဝန်ရှိသူကလည်း အတော်လေး ဦးနှောက်မရှိတာပဲ၊ ဒါကို အတိအလင်း ထုတ်ပြောရလား။ ဒါက လူတွေကို ထောင်ချောက်ဆင်တာပဲ။ သူ့ကို ကူညီတဲ့လူတွေပါ အပြစ်ပေးခံရတဲ့အထိ ဖြစ်သွားတယ်။

ဒါပေမဲ့ ဒါက ဘာကို ပြနေသလဲဆိုရင် ဒီလို အရှိန်အဝါရှိတဲ့သူတွေ ရှေ့မှာ မင်းရဲ့ ဘဏ်အကောင့်က လုံးဝကို အလင်းပွင့်နေတာပဲ။

ဒီလို "အကောင့်စစ်ဆေးတာ" မျိုးက အတော်လေး အဖြစ်များပြီး အမှုမကြီးသရွေ့တော့ လက်ဖျားလေး ခါပြရုံလောက်ပဲ။

'တကယ်လို့ လျိုချန်အန်းသာ ဒါကို လုပ်ခဲ့တာဆိုရင် သူ မကြာခင် ထောင်ထဲ ရောက်တော့မှာပဲ။ Dalong ကတော့ အတည်ကြီး လုပ်နေတာ'

'ငါသာ သူတို့နေရာမှာဆိုရင် ဒီထက်တောင် ပိုပြီး ပြင်းပြင်းထန်ထန် လုပ်ဦးမှာ။ Dalong မို့လို့ပေါ့၊ တခြား ကုမ္ပဏီ အသေးလေးတွေသာဆိုရင် တစ်ခါတည်း အမြစ်ပြတ်အောင် လုပ်ပစ်ကြမှာ။ အဓိက စီမံကိန်းကြီးကို ခိုးရောင်းခံလိုက်ရတာ ဘယ်သူက တောင့်ခံနိုင်မှာလဲ'

ပစ္စည်းကို အပြင်မထုတ်ရသေးခင်မှာပဲ ပုံတူကူးတဲ့လူက အရင် ဖြန့်ချလိုက်တာကို ဘယ်သူက လက်ခံနိုင်မှာလဲ။ ဘယ်သူက ဒီအရှက်ခွဲမှုကို မျိုသိပ်ထားနိုင်မှာလဲ။

သူ Infinite Technology ရဲ့ ဂိမ်းတွေကို မကစားဖူးသော်လည်း ထိုကုမ္ပဏီ၏ နာမည်ဆိုးကိုတော့ ကြားဖူးသည်။

သူတို့မှာ ဝါရင့် ပုံတူကူးသူများ ဖြစ်ပြီး တစ်ခါမက နှစ်ခါမက ခိုးချခဲ့ဖူးသူများ ဖြစ်သည်။

Red Mountain ကအစ အကုန်လုံးကို လိုက်ကူးပြီး ဝေဖန်ခံရသော်လည်း ပိုက်ဆံတော့ ရအောင် ရှာနိုင်ကြသည်။

ထို့အပြင် တရားစွဲခံရမှုများမှာလည်း သူတို့အတွက် ပြဿနာမဟုတ်ပေ၊ သူတို့မှာ ရှေ့နေအဖွဲ့ကြီးကိုတောင် မွေးထားနိုင်သေးသည်။

ယင်းချိုင် နဲ့ Infinite တို့က နယ်ပယ် သိပ်မတူကြသေးပေ။ အဘယ်ကြောင့်ဆိုသော် ယင်းချိုင်မှာ အခုမှ တက်သစ်စဖြစ်ပြီး Infinite ရဲ့ မျက်စိထဲ မဝင်သေးလို့ပင်။

"Despair World" ရဲ့ ကုန်ကျစရိတ်ကလည်း အတော်လေး မြင့်မားလှရာ တစ်ယောက်ယောက်က ပုံတူကူးချင်လျှင်ပင် သုံးရလွယ်ကူသော Version ကိုသာ ကူးကြလိမ့်မည်။

"မန်နေဂျာချန်... ဒီကိစ္စကို ဆက်ပြီး စောင့်ကြည့်ပေးပါ။ ထူးခြားတာရှိရင် ငါ့ကို ချက်ချင်း အစီရင်ခံပါ"

"နားလည်ပါပြီ၊ ကျွန်တော် စောင့်ကြည့်နေပါတယ်။ Dalong မှာ အခုလို ရှုပ်ထွေးနေတာက တကယ်တော့ ကျွန်တော်တို့အတွက် အခွင့်ကောင်းပါပဲ"

"ဟုတ်တယ်၊ ခင်ဗျားတို့လည်း 'Despair World' ကို သေသေချာချာ စောင့်ကြည့်ကြဦး။ ဘာမှ အမှားအယွင်း မရှိစေနဲ့"

"စိတ်ချပါ ဥက္ကဋ္ဌ၊ ကျွန်တော်တို့ တာဝန်ယူပါတယ်"

ဖုန်းချပြီးနောက် ကျိုးထျန်းသည် ဂျက်ဆီ ထံသို့ ချက်ချင်း ဖုန်းပြန်ဆက်လိုက်သည်။ ဤဖြစ်ရပ်က သူ့ကို သတိပေးလိုက်သလို ဖြစ်သွားသည်။

အကယ်လို့ ထျန်းချိုင်ကလည်း Dalong လို အခြေအနေမျိုး ကြုံလာရင်ကော။ ဘယ်သူက ကိုယ်ကျိုးအတွက် သစ္စာဖောက်မလဲဆိုတာ ဘယ်သူသိမှာလဲ။

သူသည် ဂျက်ဆီ ကို ထျန်းချိုင် နည်းပညာရှိ စီမံခန့်ခွဲမှု ဝန်ထမ်းအားလုံးနှင့် အဓိက အချက်အလက်များကို ကိုင်တွယ်နိုင်သူအားလုံးကို စောင့်ကြည့်ရန်နှင့် ပြဿနာတစ်စုံတစ်ရာ ရှိပါက သူတို့၏ Access ကို ချက်ချင်း ပိတ်ပစ်ရန် ညွှန်ကြားလိုက်သည်။

အစီအစဉ်များ ချမှတ်ပြီးနောက် သူသည် ကုတင်ပေါ်တွင် လှဲရင်း စဉ်းစားခန်း ဝင်နေမိသည်။

'ဒါက အရမ်း ထူးဆန်းနေတယ်။ လျိုမိသားစုက လူနှစ်ယောက်လုံး တစ်ပြိုင်တည်း ပြဿနာ တက်နေတာ'

'ဒါက တိုက်ဆိုင်မှုလား၊ ဒါမှမဟုတ် တကယ်ပဲ ကံဆိုးတာလား'

'ဒီလို တိုက်ဆိုင်မှုမျိုးက ထပ်ဖြစ်နိုင်ပါ့မလား။ ဘေးအန္တရာယ်က တကယ်ပဲ တစ်ခုတည်း မလာတာလား'

'ငါ့စိတ်ထဲမှာတော့ ဒီနှစ်ခုက တိုက်ဆိုင်လွန်းနေတယ်လို့ ခံစားရတယ်'

ဖြစ်နိုင်သည်မှာ သူ့ ဘဝက အတော်လေး အဆင်ပြေချောမွေ့ခဲ့ပြီး ဤကဲ့သို့ ကြီးမားသော ဖြစ်ရပ်မျိုးကို တစ်ခါမျှ မကြုံဖူးခဲ့သောကြောင့် တိုက်ဆိုင်မှုဆိုသည်ကို သူ မယုံကြည်ခြင်း ဖြစ်နိုင်သည်။

'ရဲတွေဆီက ရလဒ်တစ်ခုခု ထွက်လာမလားဆိုတာ သိချင်မိတယ်'

သူ တစ်ညလုံး ကောင်းကောင်းအိပ်မပျော်ခဲ့ပေ။ စိတ်ထဲတွင် အတွေးများ လေးလံနေပြီး တည်ငြိမ်အောင် ထိန်းမထားနိုင်ခဲ့ပေ။

ရက်အတော်ကြာအောင် သူသည် Dalong ၏ သတင်းများကို စောင့်ကြည့်နေခဲ့သည်။

လျိုမုယန်မှာလည်း ဆေးရုံက မထွက်နိုင်ဘဲ မိခင်ဖြစ်သူအနားတွင် အမြဲရှိနေရသည်။

ကံကောင်းသည်မှာ သူမ၏ မိခင်သည် ICU ထဲမှ ထွက်လာနိုင်ခြင်းပင်။ သို့သော် အသက်ရှူနှုန်းနှင့် သွေးခုန်နှုန်းများ တည်ငြိမ်နေသော်လည်း လုံးဝ သတိမရသေးပေ။

သူမ၏ အဆုတ်မှာ ချွန်ထက်သောအရာဖြင့် အထိုးခံခဲ့ရခြင်းကြောင့် သွေးလန့်ကာ ဆေးရုံရောက်ချိန်တွင် သေလုနီးပါး ဖြစ်ခဲ့ရသည်။

အကယ်၍ မိနစ်အနည်းငယ်မျှ နောက်ကျခဲ့လျှင် နာရေးကိစ္စပင် ပြီးသွားလောက်ပြီ ဖြစ်သည်။

ယခုကဲ့သို့ အခြေအနေမှာပင် ကံကောင်းလှပြီဟု ဆိုရမည်။ သို့သော် သတိရလာလျှင်ပင် နှစ်အတော်ကြာ ပြန်လည် ထူထောင်ရန် လိုအပ်မည်ဖြစ်သလို နောက်ဆက်တွဲ ကျန်းမာရေး ပြဿနာများ ရှိ၊ မရှိကိုလည်း မသိနိုင်သေးပေ။

ဤဘက်တွင် အခြေအနေများ ငြိမ်သက်နေသော်လည်း ကျောက်ရှင်းက နောက်ထပ် ပြဿနာတစ်ခု ရှိနေသဖြင့် သူ့ကို အလျင်အမြန် ဖုန်းဆက်လာသည်။

"ဥက္ကဋ္ဌကျိုး... အခြေအနေ မကောင်းတော့ဘူး။ တစ်ယောက်ယောက်က ကျွန်မတို့ကို ပစ်မှတ်ထားနေပြီ!"

"နင်က တစ်ခုခုဖြစ်မှပဲ ငါ့ကို ဥက္ကဋ္ဌကျိုးလို့ ခေါ်တာလား။ ဒါကိုတော့ ငါ တကယ် သဘောမကျဘူးနော်"

"နောက်မနေနဲ့ဦး၊ ဒါက တကယ် အရေးကြီးလို့"

သူမ၏ အသံထဲတွင် တင်းမာမှုကို မြင်လိုက်ရသဖြင့် ကျိုးထျန်းလည်း အလုပ်ဘက်သို့ အာရုံပြန်သွင်းလိုက်သည်။

"ဘာဖြစ်လို့လဲ။ ပြောပါဦး၊ ဘယ်သူက နင့်ကို ပစ်မှတ်ထားနေတာလဲ"

"နင့်ကို ပစ်မှတ်ထားနေတာ!"

ကျောက်ရှင်းက ဒေါသတကြီး အော်ပြောလိုက်သည်။

ငါက အရေးကြီးတာ ပြောနေတာကို နင်က လာပြီး ဆင်ခြေပေးနေတယ်

စက္ကန့်အနည်းငယ် ကြာပြီးနောက် သူမ စိတ်ကို ပြန်ထိန်းကာ စကားပြောလိုက်သည်။

" 'Planetary House' ထဲက ဇာတ်ပို့မင်းသားက ဝါရင့်သရုပ်ဆောင် တစ်ယောက်လေ။ သူ့ရဲ့ အရင်က အရှုပ်တော်ပုံတွေက ပြန်ပေါ်လာပြီး Trending ဖြစ်နေတယ်။ တစ်ယောက်ယောက်က ငါတို့ အောင်မြင်နေတာကို မနာလိုဖြစ်ပြီး နာမည်ဖျက်ဖို့ ကြိုးစားနေတာ သေချာတယ်"

"ဒီလို အဆင့်နိမ့်တဲ့ နည်းလမ်းမျိုးက သိပ်ပြီး ထိရောက်မှာ မဟုတ်ပါဘူး"

"အဲ... ပုံမှန်ပါပဲ"

"ဒါဆို နင် ဘာကို စိတ်ပူနေတာလဲ။ ဒါက သဘာဝပဲလေ။ ဖျော်ဖြေရေး လောကမှာ မနာလိုတဲ့သူတွေ အများကြီး ရှိတာပဲ"

"နင် ဘာကို ဆိုလိုတာလဲ"

"သူတို့တွေက မနာလိုဖြစ်နေကြတာပဲ။ အခု ငါတို့ နာမည်ကြီးနေတဲ့ အချိန်မှာ တစ်ယောက်ယောက်က လာပြီး ပုပ်ခတ်တာမျိုး မရှိရင်မှ ထူးဆန်းနေဦးမယ်"

ကျိုးထျန်းက ပြုံး၍ ပြောလိုက်သည်။

"ပြီးတော့ ငါ သေချာ ပြောနိုင်တာက ဒါက အစပဲ ရှိသေးတယ်ဆိုတာပဲ။ ငါတို့ကို ဝိုင်းပြီး ဝေဖန်မယ့်သူတွေ အများကြီးပေါ်လာဦးမှာ။ ဒါက နောက်လာမယ့် အရာတွေနဲ့ ယှဉ်ရင် ဘာမှ မဟုတ်သေးဘူး"

"ဒါဆို နင့်မှာ အဖြေရှိလို့လား"

"မရှိသေးဘူး"

ကျောက်ရှင်းသည် ဖုန်းထဲသို့ သက်ပြင်းတစ်ချက် မှုတ်ထုတ်လိုက်ပြီး 'ဒါဆို ဘာလို့ ဒါတွေကို ပြောနေရတာလဲ' ဟု တွေးနေမိသည်။

"အဖြေ မရှိသေးဘူး ဆိုပေမဲ့ ဒီအတိုင်း ထိုင်ပြီး အသေခံနေမယ်လို့ မဆိုလိုဘူး။ နင် အခုချက်ချင်း Huanxi Films က နင့်ရဲ့ အဆက်အသွယ်တွေကို သုံးပြီး ဘယ်သူက ဒါကို လုပ်နေတာလဲဆိုတာ စုံစမ်းလိုက်။ ဘယ်သူလဲဆိုတာ သိမှ ငါ ဖြေရှင်းလို့ ရမှာ"

"အိုကေ... ငါ အခုပဲ သွားမေးလိုက်မယ်။ ငါ့မိသားစုမှာလည်း မိတ်ဆွေဟောင်းတွေ ရှိပါသေးတယ်"

အမှန်စင်စစ် ကျောက်ရှင်းသည် စကားတစ်ဝက်သာ ပြောခဲ့ခြင်း ဖြစ်သည်။

သူမ မိသားစုတွင် မိတ်ဆွေဟောင်းများစွာ ရှိခဲ့သော်လည်း ယခင်က အခက်အခဲ ကြုံရစဉ်အတွင်း အနည်းငယ်သာ ကျန်ရှိတော့သည်။

ယခုအခါ "Planetary House" က နာမည်ကြီးနေသဖြင့် ထို "မိတ်ဆွေဟောင်း" များမှာ ဘာမှမဖြစ်ခဲ့သလိုမျိုး ပြန်လည် ရင်းနှီးလာကြသည်။ လူ့သဘာဝက ထိုသို့ပင် ဖြစ်သည်။

ဤအရာက ကျောက်ရှင်းကို အများကြီး ရင့်ကျက်စေခဲ့သည်။ ထို့ကြောင့်ပင် သူမသည် လျိုမုယန်ကို သူငယ်ချင်းကောင်း တစ်ယောက်အနေဖြင့် ပိုတန်ဖိုးထားခြင်း ဖြစ်သည်။

ကျိုးထျန်းကိုမူ လောလောဆယ်တွင် သူငယ်ချင်း တစ်ယောက်အဖြစ် သတ်မှတ်ထားသော်လည်း အဆင်ပြေပြေ ဆက်ဆံရမည့်သူဟုတော့ မထင်ပေ။

ကျောက်ရှင်း ခဏစဉ်းစားပြီး "ငါ့အထင်တော့ ငါတို့နဲ့ တစ်ချိန်တည်း ထွက်တဲ့ ရုပ်ရှင်တွေရဲ့ နောက်ကွယ်က လူတွေပဲ ဖြစ်မှာ မဟုတ်လား" ဟု မေးလိုက်သည်။

"ဂုဏ်ယူပါတယ်၊ နင် အဖြေကို အရင်ဆုံး သိသွားပြီပဲ!"

ကျိုးထျန်း လက်ခုပ်တီးပြီး ပြောလိုက်သည်။

ဒါက သိသာနေတာပဲ မဟုတ်လား။ ဘယ်သူ အကျိုးအမြတ် ရသလဲဆိုတာ ကြည့်လိုက်ရင် ဘယ်သူ လုပ်တယ်ဆိုတာ သိနိုင်တာပဲ။ ငါတို့က လူကြီးတွေပဲ၊ ဘယ်သူက အလကားသက်သက် လာပြီး နှောင့်ယှက်နေမှာလဲ။

"ဟွန့်!"

ကျောက်ရှင်းသည် နှာမှုတ်ရုံမှအပ ဘာမှ မပြောနိုင်တော့ပေ။

"အမြန်ဆုံး စုံစမ်းလိုက်ပါ၊ စောစောသိလေ ပိုကောင်းလေပဲ။ ဒါက စုံစမ်းရ သိပ်မခက်ဘူးလို့ ငါ ထင်တယ်"

ဤမျှ သိသာသော ကိစ္စမှာ စုံစမ်းရ လွယ်ကူလိမ့်မည်။ သူသည် ဤကိစ္စကို လုပ်ဆောင်သော လူများကိုပင် အထင်သေးမိသည်။ သူတို့၏ နည်းလမ်းများမှာ အလွန် အဆင့်နိမ့်လှသည်။

အချက်အလက် အသစ်အဆန်းတွေမရှိဘဲ အဟောင်းတွေကိုပဲ ပြန်သုံးနေတာက ပြိုင်ဘက်ကောင်း တစ်ယောက် မဟုတ်မှန်း ပြနေသည်။

"ဒါနဲ့... နင် မကြာခင်မှာ ရှန်ဟိုင်းကို လာပြီး 'Despair World' အတွက် ပရိုမိုးရှင်း ဗီဒီယိုလေး တစ်ခုလောက် ရိုက်ပေးနိုင်မလား"

"ဘာလို့ ငါက ရိုက်ပေးရမှာလဲ!"

"ဘာလို့လဲ ဟုတ်လား? ငါ့ရဲ့ ယွမ် သန်း ၁၀၀ နီးပါး ရင်းနှီးမြှုပ်နှံမှုတွေ အလကား မဖြစ်စေချင်လို့ပေါ့!"

"ငါ့စာချုပ်ထဲမှာ 'Despair World' အတွက် ပရိုမိုးရှင်းလုပ်ပေးရမယ်လို့ မပါဘူးနော်။ ငါ့ရဲ့ ဂိမ်းကြော်ငြာခက အခု ဘယ်လောက်ပေါက်နေလဲဆိုတာ နင် သိရဲ့လား"

"ရင်းနှီးမြှုပ်နှံသူဖြစ်တဲ့ ငါက အချိန်မရွေး ရင်းနှီးမြှုပ်နှံမှုကို ပြန်ရုပ်သိမ်းနိုင်တယ်ဆိုတာကော နင် သိလား။ စာချုပ်ထဲမှာ ရင်းနှီးမြှုပ်နှံသူရဲ့ လိုအပ်ချက်အရ ဒုတိယအဖွဲ့က ပရိုမိုးရှင်းလုပ်ငန်းတွေမှာ မပါဝင်ဘူးဆိုရင် ပထမအဖွဲ့က ရင်းနှီးမြှုပ်နှံမှုကို ပြန်ရုပ်သိမ်းပိုင်ခွင့် ရှိတယ်လို့ ရေးထားတယ်"

" 'Despair World' က ရုပ်ရှင်မဟုတ်ဘူးလေ၊ ငါ ငြင်းလို့ ရပါတယ်"

"ဒါပေမဲ့ 'Despair World' က 'Planetary House' နဲ့ ပူးပေါင်းဆောင်ရွက်ဖို့ စာချုပ်ချုပ်ထားပြီးပြီ။

ပြီးတော့ အဲဒီစာချုပ်မှာ ပထမအဖွဲ့ရော ဒုတိယအဖွဲ့ရောက ငါပဲ ဖြစ်နေတာ။ ငါ ကြိုက်သလို ရေးလို့ရတာပေါ့"

"နင်... နင် ငါ့ကို အနိုင်ကျင့်နေတာပဲ! နင်က အလကား ရချင်တာ မဟုတ်လား"

"ငါသာ အလကား ရချင်ရင် အရင်ကတည်းက လုပ်ပြီးသား ဖြစ်မှာပါ။ ကဲ... ပြောဦး၊ နင် လုပ်မှာလား မလုပ်ဘူးလား"

🍋 Chapter 110

ကျိုးထျန်းမှ အရင်အကြောင်း ပြောလိုက်သည်နှင့် သူမသည် ထိုညကအကြောင်းကို ပြန်တွေးမိသွားကာ ရှက်လည်းရှက်၊ ဒေါသလည်း ထွက်သွားရသည်။

"မရဘူး! အလကားတော့ မလုပ်ပေးနိုင်ဘူး၊ အခကြေးငွေ ပေးရမယ်!"

"ကောင်းပြီလေ၊ နင်မလုပ်ဘူးဆိုရင် ငါ့ရဲ့ ရင်းနှီးမြှုပ်နှံမှုကို ပြန်ရုပ်သိမ်းလိုက်မယ်။ တခြားရင်းနှီးမြှုပ်နှံမယ့်သူကိုသာ သွားရှာလိုက်တော့"

"ဟူး... ဟူး... ဟူး..."

ကျောက်ရှင်းသည် ဒေါသတကြီးဖြင့် ဖုန်းကို ချပစ်လိုက်သည်။ သူမ၏ လက်ထောက်ဖြစ်သူ ရှောင်မုန့်မှာ အခန်းထဲသို့ အမှတ်မထင် ဝင်လာရာ သူမ အခြေအနေကို ကြည့်ပြီး မေးလိုက်သည်။

"ရှင်းရှင်း... ဘာလို့ စိတ်တိုနေတာလဲ။ ဘယ်သူက နင့်ကို ဒီလောက် စိတ်ဆိုးအောင် လုပ်လိုက်တာလဲ"

"ငါ့ရဲ့ ရင်းနှီးမြှုပ်နှံသူ၊ ငါ့ရဲ့ ဘဝဟောင်းက ရန်သူတော်ကြီး ကျိုးထျန်း မဟုတ်ရင် ဘယ်သူရှိဦးမှာလဲ"

သူမသည် ခေါင်းအုံးကို ကောက်ကိုင်ကာ ကျိုးထျန်းဟု သဘောထားပြီး အားရပါးရ ထုရိုက်တော့သည်။

ခဏကြာအောင် ဒေါသဖြေပြီးမှ လက်ကာပြကာ စိတ်ကို ပြန်ထိန်းလိုက်သည်။

"ရှောင်မုန့်... ငါ့ရဲ့ အချိန်ဇယားကို ပြန်စစ်ပေးဦး။ ရှန်ဟိုင်းကို သွားဖို့အတွက် တစ်ရက်လောက် အချိန်ဖယ်ပေးပါ"

"အိုကေ... အခုပဲ စစ်ပေးမယ်နော်"

ရှောင်မုန့်မှာ အခန်းထဲမှ ထွက်ခွာတော့မည့်ဆဲဆဲတွင် ရပ်လိုက်ပြီး စကားအချို့ ပြောခဲ့သေးသည်။

"ရှင်းရှင်း... တကယ်တော့ ဥက္ကဋ္ဌကျိုးက အတော်လေးကောင်းပါတယ်။ အရပ်ရှည်တယ်၊ ရုပ်ချောတယ်၊ ငယ်လည်းငယ်သေးတယ်၊ ပြီးတော့ ငါတို့ကို ပိုက်ဆံတွေ အများကြီးပေးထားတာလေ။ သူ့ကို အမြဲ စိတ်မဆိုးပါနဲ့"

"တခြား အမျိုးသမီးအနုပညာရှင်သာဆိုရင် သူ့ကို အပိုင်ဖမ်းထားကြမှာကြာပြီ"

သူမ ခုနကမှ ထိန်းထားသည့် ဒေါသမီးမှာ ပြန်လည်တောက်လောင်လာပြန်သည်။ ကျောက်ရှင်း၏ မျက်ခုံးများမှာ မီးတောက်တော့မည့်အတိုင်းပင်။

"နင်ပါ သူ့ဘက်က ပါနေတာလား နင်တော့ ရူးနေပြီ၊ နင်က သစ္စာဖောက်ပဲ!"

သူမသည် ခေါင်းအုံးဖြင့် ရှောင်မုန့်ကို လှမ်းထုလိုက်ပြီး ထိုင်ကာ စူပုတ်နေတော့သည်။

ရှောင်မုန့်က ခေါင်းအုံးကို ပြန်ကောက်ကာ ဆိုဖာပေါ် တင်ပေးလိုက်သည်။

"ဘယ်သူက ရူးနေတာလဲ မသိဘူး။ ကျိုးထျန်းနဲ့ တွေ့ပြီးကတည်းက ဒီလိုတွေ ဖြစ်နေတာ၊ အရင်က ဒီလို မဟုတ်ပါဘူး"

...

ကျိုးထျန်းသည် ပျောက်ဆုံးနေသော နာရီ၏သတင်းကို သိလိုသဖြင့် လျိုပေါင်ချင်းထံသို့ နောက်တစ်ကြိမ် ဖုန်းဆက်လိုက်သည်။ ကံမကောင်းစွာဖြင့် ယခုထက်ထိ ဘာသတင်းမှ မရသေးပေ။

'ဒီလူက တန်ဖိုးကြီးတာကို ယူသွားပြီး ဘာလို့ မရောင်းသေးတာလဲ'

'သူ အပြစ်လုပ်ထားလို့ တစ်ယောက်ယောက် သိသွားမှာ ကြောက်ပြီး အခွင့်အရေးကို စောင့်နေတာများလား'

သူ့အမြင်အရ ဤမျှ ကြီးမားသော ပြစ်မှုကို ကျူးလွန်ထားသူမှာ ငွေအရေးတကြီး လိုအပ်နေမည်မှာ သေချာသည်။

ငွေလိုနေလျှင် ဤပစ္စည်းကို မရောင်းဘဲ မည်သို့ အောင့်ထားနိုင်မည်နည်း။

"ခဏလောက် ထပ်စောင့်ကြည့်ကြတာပေါ့၊ အခုတော့ သိပ်မလောတော့ဘူး"

လွန်ခဲ့သော ရက်အနည်းငယ်အတွင်း သူသည် တစ်နေ့တစ်ကြိမ် ဟိုတယ်သို့သွားကာ လျိုမုယန်နှင့် ထမင်းစားသည်မှအပ အားလပ်ချိန်များစွာရှိနေသည်။

ကျောင်းဖွင့်ရန် နှစ်ပတ်ကျော်ကျော်မျှ လိုသေးသည်။ ထို့အပြင် ဖူတန့်တက္ကသိုလ်မှာ ရှန်ဟိုင်းမှာပင် ရှိသဖြင့် ခရီးဝေး သွားစရာမလိုသလို ကြိုတင်ပြီး သွားကြည့်စရာလည်း မလိုပေ။

တကယ်သွားချင်လျှင်ပင် မိနစ် ၄၀ သာ မောင်းရသည်။

အားလပ်ချိန်ကို အသုံးချကာ သူသည် အချိန်အတော်ကြာ မဝင်ဖြစ်သော အတန်းဂရု(ပ်) ကို ဝင်ကြည့်လိုက်သည်။ ထိုအခါမှ လူတိုင်းက သူ့ကို နေ့တိုင်းခေါ်နေကြသည်ကို သတိထားမိတော့သည်။

သူတို့သည် သူ့ကို ထမင်းကျွေးခိုင်းခြင်း သို့မဟုတ် ဗီလာဟောင်းကြီးဆီသို့ လာလည်ချင်ကြောင်း ပြောနေကြခြင်းzjစ်သည်။

သူh အတန်းဖော်များ ဤမျှ တက်ကြွနေသည်ကို မြင်ရသဖြင့် ပြန်မဖြေလျှင်လည်း မကောင်းပေ။

"@လူတိုင်း"

"ချစ်ရပါသော အတန်းဖော်တို့... မင်းတို့ရဲ့ အကိုထျန်း ပြန်လာပြီဟေ့!"

၁၀ စက္ကန့်အတွင်းမှာပင် ဂရု(ပ်)ထဲ၌ လူ ၂၀ ကျော် ထွက်ပေါ်လာသည်။

"ဟာ... အကိုထျန်း၊ ငါက နင် ဂရု(ပ်)ထဲက ထွက်သွားပြီ ထင်နေတာ"

"လောင်ထျန်း... မင်းကတော့ မတရားဘူးကွာ! ငါတို့ ဂရု(ပ်)ထဲမှာ နေ့တိုင်း ခေါ်နေတာကို တစ်ခါမှ ပြန်မဖြေဘူး။ ငါတို့ ထမင်းကျွေးခိုင်းမှာ ကြောက်လို့ ပုန်းနေတာလား"

ချန်ကျန့်ဝေသည် ထုံးစံအတိုင်း သူ့ကို စနောက်ရန် အခွင့်အရေးကို လက်လွတ်မခံပေ။

"ငါ အခုတလော နည်းနည်း အလုပ်ရှုပ်နေလို့ပါ။ နောက်အပတ်တွေမှာလည်း အားလပ်ချိန် သိပ်ရှိမှာ မဟုတ်ဘူး။ နောက်မှပဲ အားလုံး ဆုံကြတာပေါ့"

ကျိုးထျန်းမှာ အမှန်တကယ်ပင် လူစုလူဝေးလုပ်ရန် စိတ်မပါသေးပေ။

လျိုမုယန်၏ ကိစ္စမှာလည်း မပြေလည်သေးသဖြင့် သူ စိတ်ပူနေရဆဲ ဖြစ်သည်။ အတန်းဂရု(ပ်)ထဲသို့ ဝင်ခြင်းမှာ စိတ်အပန်းဖြေရန် သက်သက်သာ ဖြစ်သည်။

"နင် သေသေချာချာ ပြောနော်၊ မဟုတ်ရင် ငါတို့ လူအုပ်ကြီးနဲ့ နင့်အိမ်ကို လာခဲ့မှာ"

"စိတ်ချပါ၊ ငါက ပြောရင် ပြောတဲ့အတိုင်းပဲ"

ချန်ကျန့်ဝေ ခဏစောင့်ပြီးမှ နောက်ထပ် စာတစ်စောင် ပို့လိုက်သည်။

"လောင်ထျန်း... နင် ဘာလို့ အခုတလော WeChat Moments မှာ ဘာမှ မတင်တာလဲ။ ငါတို့အားလုံး နင့်ဆီက အသစ်အဆန်းတွေကို စောင့်ကြည့်နေကြတာလေ"

ကျိုးထျန်း ခေါင်းခါလိုက်သည်။

"ကြည့်စမ်း... ဒီ 'လီမွန်' တွေက ကိုယ့်ဘက်ကနေ စပြီး လှုပ်ရှားလာကြပြီ။ သူတို့က ရင့်မှည့်နေကြပြီဆိုတော့ ငါ့ကို လာခူးခိုင်းနေကြတာပဲ"

စတော့ဟုမ်း ဆင်ဒရုန်း (Stockholm Syndrome) လိုမျိုးများလား။ သူက အမြဲတမ်း စိတ်အနှောင့်အယှက် ပေးခံရတာကို ကျင့်သားရနေပြီး ရက်အနည်းငယ်လောက် မနာလိုမဖြစ်ရရင် တစ်မျိုးကြီး ခံစားနေရပုံရသည်။

သူကပင် အားနာသလို ခံစားလိုက်ရသေးသည်။

‘ငါ ပိုပြီး ကြိုးစားရဦးမယ် ထင်တယ်။ အတန်းဖော်တွေရဲ့ ပျော်ရွှင်မှုအတွက် ငါ အစွမ်းကုန် ကြိုးစားပေးရမှာပေါ့!’

သူ ပြန်စဉ်းစားကြည့်ရာ မကြာသေးမီက သူတို့ မနာလိုဖြစ်စရာ အကြီးအကျယ် ဘာမှ မလုပ်ဖြစ်ခဲ့သည်မှာ အမှန်ပင်။ သူ စဉ်းစားနေစဉ်မှာပင် ကျောက်ရှင်းက ဖုန်းဆက်လာသည်။

"မနက်ဖြန် မွန်းလွဲပိုင်းလောက် ရှန်ဟိုင်းကို ငါ လာနိုင်မယ်။ နင် ရှုတင်အဖွဲ့ကို ကြိုပြီး ပြင်ဆင်ထားလိုက်တော့"

"အိုကေ... မနက်ဖြန် ငါ လာကြိုမယ်"

တီ တီ တီ...

ကျောက်ရှင်းမှာ နှုတ်ဆက်စကားပင် မပြောဘဲ ဖုန်းချသွားသည်။

ကျိုးထျန်း နှာခေါင်းကို ပွတ်လိုက်ရင်း

‘ငါက ရင်းနှီးမြှုပ်နှံသူ မဟုတ်ဘဲ သူမက ငါ့ဆီက ကြွေးတောင်းနေတဲ့သူနဲ့ ပိုတူနေသလားပဲ’

‘ဒါပေမဲ့ ရပါတယ်၊ သူမ မနက်ဖြန် လာမှာဆိုတော့ လျိုမုယန်နဲ့ အဖော်လုပ်ပေးလို့ ရတာပေါ့။ ဒါမှ လျိုမုယန် စိတ်ပြေလက်ပျောက် ဖြစ်သွားမှာ’

‘ဟူး... ကျောက်ရှင်းက တကယ်ပဲ အဲဒီလောက် နာမည်ကြီးတာလား။ သူမကို အသုံးချပြီး ဒီလူတွေကို တကယ်ပဲ မနာလိုဖြစ်အောင် လုပ်နိုင်ပါ့မလား’

သူ တွေးလေလေ ဖြစ်နိုင်ခြေရှိလေလေ ဖြစ်နေသည်။ သူမက ရောက်လာမှာဆိုတော့ တစ်ခုမဟုတ် နှစ်ခု ခိုင်းရမည်။

သူမကို အလုပ်များများ မခိုင်းရလျှင် သူ အရှုံးပေါ်လိမ့်မည်။

သူ ဂရု(ပ်)ထဲမှာ ချက်ချင်း ကြိုတင် ကြေညာလိုက်သည်။

"အတန်းဖော်တို့... ငါ အခုတလော အလုပ်ရှုပ်နေလို့ WeChat Moments မှာ ဘာမှ မတင်ဖြစ်တာပါ။ အားလုံးရဲ့ စိုးရိမ်မှုကို ကျေးဇူးတင်ပါတယ်။"

"မနက်ဖြန်မှာ မင်းတို့အတွက် အံ့ဩစရာတစ်ခု ရှိမယ်၊ ဒါကြောင့် ဖုန်းကို အမြဲ စောင့်ကြည့်ထားကြနော်"

"ဟေ့လူ... နင် နောက်ထပ် ဇိမ်ခံကား အသစ်တစ်စီး ထပ်ဝယ်လိုက်တာလား"

"ဗီလာ အသစ် ထပ်ဝယ်တာလား"

"ငါ့အထင်တော့ အဲဒါတွေက ရိုးအီနေပြီ။ နင် နောက်ထပ် တန်ဖိုးကြီး နာရီ Richard Mille တစ်လုံး ထပ်ဝယ်တာ မဟုတ်လား"

အတန်းဖော်များက ဈေးကြီးသည့်အရာများကို ဝိုင်းဝန်း ခန့်မှန်းနေကြသည်။

"ငါက အလွယ်တကူ ခန့်မှန်းခိုင်းပါ့မလား"

သူက သူတို့ကို ဆက်လက် ဆွေးနွေးခိုင်းထားပြီး ဂရု(ပ်)ထဲက ထွက်လိုက်သည်။ ယခုအခါ သူသည် "Despair World" ရဲ့ အချက်အလက်များကို နေ့စဉ် ပုံမှန် စစ်ဆေးနေသည်။

အသေးစိတ် နားမလည်သော်လည်း အရာအားလုံး ကောင်းမွန်စွာ တိုးတက်နေသည်ကိုတော့ သူ သိသည်။

သူ ရေချိုးပြီး အနားယူတော့မည့်ဆဲဆဲတွင် ဖုန်းထဲသို့ သတင်းတစ်ခု တက်လာသည်။

"မြောက်အာဖရိက၊ ကင်ညာနိုင်ငံရဲ့ ဒေသတစ်ခုမှာ အကြီးစား တိုက်ပွဲတစ်ခု ဖြစ်ပွား!"

"ကင်ညာ?"

"လောင်ဆန်းက အဲဒီမှာ မဟုတ်လား"

သတင်း ဗီဒီယိုကို ကြည့်လိုက်ချိန်တွင် ကျိုးထျန်း၏မျက်နှာမှာ တွန့်သွားရသည်။

"ငါ့ပိုက်ဆံတွေက မီးရှူးမီးပန်းတွေ ဖြစ်သွားတာလား"

ဗီဒီယိုထဲတွင် သတင်းထောက်၏ကင်မရာမှာ သံချပ်ကာယာဉ် တစ်စီးဆီသို့ ဦးတည်နေသည်။

ထိုယာဉ်၏နောက်ပိုင်းမှ တိုင်လုံးကြီး ၁၂ လုံး ထွက်ပေါ်လာပြီး စက္ကန့်အနည်းငယ်အကြာတွင် ပြင်းထန်သော မီးတောက်များနှင့်အတူ ကင်မရာမှာ ဝေးလံသော တောင်တန်းဒေသသို့ လှည့်သွားသည်။

ဝုန်း!

ကီလိုမီတာ အနည်းငယ် ဝေးသော နေရာမှာ ချက်ချင်းပင် မီးပင်လယ် ဖြစ်သွားတော့သည်။

သတင်းစာသားထဲတွင် "ဒေသစံတော်ချိန် မွန်းလွဲ ၂ နာရီ ၄၀ ခန့်တွင် အမည်မသိ လက်နက်ကိုင် အဖွဲ့နှစ်ဖွဲ့ တောင်တန်းဒေသတွင် တိုက်ပွဲဖြစ်ပွားခဲ့ရာ တစ်ဖက်မှာ အကျအဆုံး များပြားခဲ့သော်လည်း အရပ်သား ထိခိုက်မှုမရှိကြောင်း သိရသည်" ဟု ဖော်ပြထားသည်။

ကျိုးထျန်း လျှာသပ်လိုက်ရင်း "ဒါက နည်းနည်းတော့ မတရားဘူး မဟုတ်လား"

သို့သော် လောင်ဆန်းမှာ သူ့လက်အောက်ငယ်သား ဖြစ်သည်ကို သတိရပြီး သူ စိတ်အေးသွားသည်။

"ဘာပဲဖြစ်ဖြစ် သူ သိမ်းပိုက်လိုက်တဲ့ နယ်မြေနဲ့ ပစ္စည်းတွေက ငါ့ဟာတွေပဲ"

"ငါရှိနေသရွေ့တော့ ဒီဒေသက အရပ်သားတွေဟာ အရင် စစ်ဘုရင်တွေ လက်အောက်မှာထက် ပိုပြီး ကောင်းမွန်တဲ့ ဘဝကို ရရှိမှာပါ။ အင်အားကြီးမားတဲ့ အဖွဲ့အစည်းတစ်ခုကပဲ ဒီရှုပ်ထွေးမှုတွေကို အဆုံးသတ်နိုင်မှာ"

ရှေးခေတ် တရုတ်ပြည် စစ်မက်ဖြစ်ပွားရာ ကာလများကဲ့သို့ပင် တစ်စုံတစ်ယောက်က နိုင်ငံကို ပြန်လည် စည်းလုံးပေးရမည် ဖြစ်သည်။

ထိုသူမှာ လူကောင်းဖြစ်စေ၊ လူဆိုးဖြစ်စေ စစ်ပွဲကို အဆုံးသတ်ပေးနိုင်ပြီး ပြည်သူများအား အနားရစေနိုင်လျှင် သူသည် လူကောင်းတစ်ယောက်ပင် ဖြစ်သည်။

ရှုပ်ထွေးသော ကာလတွင် လူတို့၏ဘဝမှာ ခွေးထက်ပင် နိမ့်ကျလှသည်။ လောင်ဆန်းအနေဖြင့် ပြဿနာများကို အမြန်ဆုံး ဖြေရှင်းနိုင်လိမ့်မည်ဟု သူ မျှော်လင့်သည်။

သူ၏ ငွေကြေးထောက်ပံ့မှုနှင့် ဂျက်ဆီ၏ သတင်းအချက်အလက် အကူအညီများ ရှိနေသရွေ့ ဆန်းတို့စ် အနေဖြင့် ထိုပစ်မှတ်ကို မမှန်အောင်ပစ်နေသည့် ရွာသားများကို ရှုံးနိမ့်လိမ့်မည်ဟု သူ လုံးဝ မယုံကြည်ပေ။

အမြဲတမ်း ဦးဆောင်နိုင်သူမှာ သူတို့သာ ဖြစ်လိမ့်မည်။