အခန်း ၁၈၄

အခန်း (၁၈၄) မဟာသူတော်စင်ဂိုဏ်းက ဘယ်မှာလဲ... ငါ့ကို လမ်းပြစမ်း

ဝုန်း...မဟာကျိုးဧကရာဇ်၏ မေးခွန်းထုတ်သံ အဆုံးသတ်သွားသည့် အခိုက်အတန့်မှာပင် ကောင်းကင်နှင့်မြေကြီးသည် မြည်ဟီးကာ တုန်ယင်သွားသည်။ဖော်ပြ၍မရနိုင်သော ဖျက်ဆီးလိုသည့် စွမ်းအားတစ် ရပ်သည် လေထဲမှ ရုတ်တရက် ထွက်ပေါ်လာပြီး ခုံးဝူတောက်၏ခေါင်းပေါ်တွင် စုစည်းလာသည်။ အဆုံးမဲ့ ဥပဒေသ စွမ်းအားများသည် အဆက်မပြတ် စုစည်းပြီး ဆူပွက်လာကာ နောက်ဆုံးတွင် အောက်ဘက်ရှိ ခုံးဝူတောက်ကို ခိုင်မာစွာ ချိတ်ပိတ်ထားသည့် ကမ္ဘာဖျက် ကြိတ်ဆုံကျောက်တစ်ခုအလား အနက်ရောင် တိမ်တိုက်လေဝဲကြီးတစ်ခုအဖြစ် အသွင်ပြောင်းသွားတော့သည်။မဟာကျိုးဧကရာဇ်သည် အနည်းငယ် မှင်သက်သွားပြီးနောက် သူ၏မျက်နှာတွင် အလွန်အမင်း ဝမ်းသာသည့် အမူအရာတစ်ခု ထွက်ပေါ်လာသည်။ ခုံးဝူတောက်သည် တာအို၏တန်ပြန်သက်ရောက်မှုကို ခံရခြင်းမရှိဟု သူ တွေးထင်ထားသလိုမျိုး မဟုတ်ပေ။ ထိုအစား တာအို၏တန်ပြန်သက်ရောက်မှု ဆင်းသက်လာရန် အချိန်လိုအပ်ခြင်းသာ ဖြစ်ပေ၏။ယခုချိန်၌ တာအို၏တန်ပြန်သက်ရောက်မှုက လုံးလုံးလျားလျား ကျဆင်းလာပြီဖြစ်ရာ တစ်ဖက်လူ၏ သေဆုံးချိန်သို့ ရောက်လာလေပြီ။ သူတို့၏ အင်ပါယာကိုးခု မဟာမိတ်တပ်များ ရှုံးနိမ့်သွားခဲ့သော်လည်း ဤတရားခံ ပြစ်ဒဏ် ခံရသည်ကို သူ မြင်တွေ့ရမည်ဆိုလျှင် သူ၏နှလုံးသားထဲမှ အမုန်းတရားများလည်း ပြေပျောက်သွားပေမည်။"ဒီလူက ကောင်းကင်ဘုံ မဟာမိတ်စည်းမျဥ်းကို ချိုးဖောက်ခဲ့တယ်... သူ ဒုက္ခ ကြီးကြီးမားမား ရောက်နေပြီ...""ကောင်းကင်ဘုံ မဟာမိတ်စည်းမျဥ်းက ဧကရာဇ်တွေအတွက်တောင် ကြောက်ဖို့ကောင်းတဲ့ ကန့်သတ်နိုင်စွမ်း ရှိတယ်...ခု​ဏက သူ သေမျိုးစစ်သား သုံးသန်းကို တိုက်ခိုက်မှုတစ်ခုတည်းနဲ့ ရှင်းလင်းပစ်လိုက်တဲ့ ပုံစံက အရမ်းအထင်ကြီးစရာ ကောင်းပေမယ့် သူ ခံစားနေရတဲ့ တာအိုရဲ့ တန်ပြန်သက်ရောက်မှုကလည်း အရမ်းကြောက်ဖို့ကောင်းမှာ သေချာတယ်...""ကြွားဝါရတာ ခဏတာ ကောင်းပေမယ့် တန်ပြန်သက်ရောက်မှုက မျက်ရည်တွေကို ယူဆောင်လာလိမ့်မယ်... ဒီလူမှာ ကျောထောက်နောက်ခံ ရှိရင်တောင်မှ ဒီတာအိုရဲ့ တန်ပြန်သက်ရောက်မှုကနေ သူ ဘယ်လိုမှ လွတ်မြောက်နိုင်မှာ မဟုတ်ဘူး..."ဤအဖြစ်အပျက်ကို မျက်မြင်တွေ့ရှိခဲ့ကြသော တခြား ဂိုဏ်းများမှ ကျင့်ကြံသူ အများအပြားသည် တက်ကြွစွာ ဆွေးနွေးနေကြပြီး သူတို့အားလုံးက ခုံးဝူတောက်သည် ကြီးမားသော ဘေးဒုက္ခနှင့် ကြုံတွေ့ရတော့မည်ဟု ယုံကြည်နေကြ၏။သို့သော် နောက်ဆက်တွဲ အဖြစ်အပျက်များသည် လူတိုင်း၏ မျှော်မှန်းထားမှုများကို နောက်တစ်ကြိမ် ကျော်လွန်သွားခဲ့သည်။ ခုံးဝူတောက်အား ချိတ်ပိတ်ထားသော ကြောက်မက်ဖွယ် ဖျက်ဆီးခြင်း စွမ်းအားသည် ဤအခိုက်အတန့်တွင် သူ့ကို လုံးလုံးလျားလျား မြေမြှုပ်ပစ်ချင်နေသည့်အလား ပို၍ပင် စုစည်းလာခဲ့၏။ ထိုအရာထဲတွင် ဖြစ်တည်နေသော ကြောက်မက်ဖွယ် ဥပဒေသသည် တစ်ခုခုကို အာရုံခံမိပုံရပြီး အဆက်မပြတ် လိမ့်ဆင်းကာ ပေါက်ကွဲနေသော ကပ်ဘေးမိုးကြိုးများသည်ပင် ချက်ချင်းအေးခဲတောင့်တင်းသွားတော့သည်။ထို့နောက် ချက်ချင်းဆိုသလိုပင် မရေမတွက်နိုင်သောလူများ​၏ တွေဝေအံ့အားသင့်နေသော အကြည့်များအောက်တွင် တလိမ့်လိမ့်ကျဆင်းလာသော မိုးကြိုးများသည် မြင်သာသောအရှိန်ဖြင့် ကျုံ့သွားကာ ပျောက်ကွယ်သွားတော့သည်။ကောင်းကင်နှင့်မြေကြီး တစ်ခုလုံးကို ဖုံးလွှမ်းထားသော တာအိုလေဝဲကြီးသည်ပင်လျှင် တစ်ချိန်တည်းမှာပင် သဲလွန်စမရှိ ပျောက်ကွယ်သွားသည်။ ယခင်က ဖြစ်ပျက်ခဲ့သမျှ အရာအားလုံးသည် အချိန်တခဏကြာ ထွက်ပေါ်လာသော ပုံရိပ်ယောင်တစ်ခုမျှသာ ဖြစ်နေသည့်အလားပင်။ လူတိုင်းမျက်စိပြာသွား၍ ဖြစ်လာသော ပုံရိပ်ယောင်တစ်ခုနှင့်သာ တူညီနေပေ၏။"ဒါက..."မရေမတွက်နိုင်သော လူများ၏မျက်လုံးသူငယ်အိမ်များသည် အပ်များကဲ့သို့ ကျဉ်းမြောင်းသွားပြီး ပါးစပ်အဟောင်းသားဖြစ်ကာ စိတ်အာရုံများ ဗလာဟင်းလင်းဖြစ်သွားတော့သည်။ သူတို့၏ အသိဉာဏ်ကို မည်မျှပင် ကြိုးစား၍ လှုံ့ဆော်စေကာမူ သူတို့၏ရှေ့ရှိ ဤမယုံကြည်နိုင်စရာကောင်းသော မြင်ကွင်းကို သူတို့ နားမလည်နိုင်ခဲ့ချေ။ အကယ်၍ လူအများသည် အရာအားလုံးကို အစောပိုင်းက မျက်မြင်ကိုယ်တွေ့ မမြင်တွေ့ခဲ့ရလျှင် အစောပိုင်းက သူတို့သည် နေ့ခင်းကြောင်တောင် အိပ်မက်မက်နေပြီး ခဏတာ ပုံရိပ်ယောင်တစ်ခုကို ကြုံတွေ့ခဲ့ရခြင်းဟုပင် သံသယရှိမိကြလိမ့်မည်။တခြားသူများ မသိနိုင်ပေ။ သို့သော် ကြောက်မက်ဖွယ်ကောင်းသော တန်ပြန်သက်ရောက်မှုဖြင့် ဆင်းသက်လာသော ဥပဒေသသည် ခုံးဝူတောက်၏ ခန္ဓာကိုယ်အတွင်းရှိ သွေးမျိုးဆက်အရှိန်အဝါကို အာရုံခံမိပြီး ဖြစ်ပေ၏။ထို​​ဥပဒေသမှ ပိုင်ဆိုင်ထားသော သွေးမျိုးဆက်သည် ထိုအရာကို ဖန်တီးခဲ့သော အချိန်လေဟာနယ် တားမြစ်နယ်မြေမှ ဖြစ်နေသည်။ ရိုးရိုးရှင်းရှင်း ပြောရလျှင် ခုံးဝူတောက်ကိုယ်တိုင်သည် စည်းမျဉ်းဖန်တီးသူ၏ နယ်ပယ်အတွင်းတွင် ရှိနေသည်။ သူကိုယ်တိုင် သတ်မှတ်ထားသော စည်းမျဉ်းတစ်ခုအနေဖြင့် ထိုအရာက အရှင်သခင်အပေါ် တန်ပြန်သက်ရောက်မှုကို ထုတ်လွှတ်ရန် မည်သို့ ရဲတင်းမည်နည်း။"ဘယ်လို... ဘယ်လိုလုပ်ပြီး ဒီလို ဖြစ်နိုင်မှာလဲ..."အချိန်အတော်ကြာပြီးနောက် တွေဝေမှုမှ အသိပြန်ဝင်လာသော မဟာကျိုးဧကရာဇ်က အော်ဟစ်လိုက်၏။"ဘာလို့... ဘာလို့ မင်းက တာအိုရဲ့ တန်ပြန်သက်ရောက်မှုကို မခံရတာလဲ...""မင်းက ကောင်းကင်ဘုံ မဟာမိတ်စည်းမျဥ်းကို ချိုးဖောက်ခဲ့တာ အသိသာကြီးလေ... ဒါက မဖြစ်နိုင်ဘူး..."မဟာကျိုးဧကရာဇ်၏ စိတ်ပိုင်းဆိုင်ရာ အခြေအနေ လုံးလုံးလျားလျား ပြိုကျသွားတော့၏။ ဤတရားခံသည် ပြစ်ဒဏ်ခံရမည်ဟု သူ တွေးထင်ခဲ့သည်။အခြေအနေများက သူ၏မျှော်လင့်ချက်များကို နောက်တစ်ကြိမ် ကျော်လွန်သွားလိမ့်မည်ဟု သူ မျှော်လင့်မထားခဲ့ချေ။ ထိုအရာက သူ့ကို လုံးလုံးလျားလျား လက်မခံနိုင်အောင် ဖြစ်စေခဲ့သည်။ သူ နောက်တစ်ကြိမ် ကျိန်ဆဲရန် ပြင်လိုက်စဉ်မှာပင် ခုံးဝူတောက်၏ ခန္ဓာကိုယ်မှ ထွက်ပေါ်လာသော ကြောက်မက်ဖွယ် စွမ်းအားက သူ့ကို ခိုင်မာစွာ ချိတ်ပိတ်ထားပြီး နောက်ထပ်စကားတစ်ခွန်းမှ မပြောနိုင်အောင် လုပ်ဆောင်လိုက်၏။ကြောက်မက်ဖွယ်ကောင်းသော အရှိန်အဝါများ အဆက်မပြတ် ကျဆင်းလာပြီး မဟာကျိုးဧကရာဇ်သည် ကြောက်မက်ဖွယ် စွမ်းအားတစ်ခုကြောင့် သူ၏ ခန္ဓာကိုယ် ခြေမွှဖျက်ဆီးခံရကာ တဖြည်းဖြည်း ပြိုကွဲပျက်စီးသွားသည်ကိုသာ ခံစားလိုက်ရသည်။"မဖြစ်နိုင်ဘူး... မင်း ငါ့ကို သတ်လို့ မရဘူး..."မျှော်လင့်ချက်မဲ့မှုနှင့် ကြောက်ရွံ့မှုများကြားတွင် မဟာကျိုးဧကရာဇ်သည် သူ၏ အကြီးမားဆုံးဝှက်ဖဲကို အသုံးပြုရန် ရွေးချယ်လိုက်၏။"ငါက မဟာသူတော်စင်ဂိုဏ်းရဲ့ အမည်ခံတပည့်ပဲ.."မဟာသူတော်စင်ဂိုဏ်း... ထျန်းဟောက်တာအိုနယ်မြေရှိ မရေမတွက်နိုင်သောသေမျိုးများ၏အမြင်တွင် ဤသည်မှာ ထိပ်တန်း အင်အားစုတစ်ခုပင်။ သူတို့၏ဂိုဏ်းတွင် သူတော်စင်နယ်ပယ် ကျွမ်းကျင်သူများကို ပိုင်ဆိုင်ထားသည်။ ဧကရာဇ်ဆိုသည်မှာ မည်သည့်အရာဖြစ်ကြောင်း သူတို့ မသိကြချေ။ သို့သော် သူတို့၏အမြင်တွင် သူတော်စင်နယ်ပယ် ကျွမ်းကျင်သူ ဆိုသည်မှာ ကောင်းကင်ကို လောင်ကျွမ်းစေပြီး ပင်လယ်များကို ဆူပွက်စေကာ ကြယ်များကို ခူးယူပြီး နေကို ပြိုကျစေနိုင်သည့် ကြောက်မက်ဖွယ်ကောင်းသော တည်ရှိမှု တစ်ခုပင်။မဟာကျိုးဧကရာဇ်၏ အမြင်အရ တစ်ဖက်လူ မည်မျှပင် သန်မာအားကောင်းစေကာမူ မဟာသူတော်စင်ဂိုဏ်း၏သူတော်စင်ကို မျက်နှာသာ ပေးရမည် မဟုတ်လော..."မဟာသူတော်စင်ဂိုဏ်းလား..."ခုံးဝူတောက်က လှောင်ပြောင်လိုက်၏။"အဲ့ဒါက ဘယ်လို အမှိုက်အင်အားစုမျိုးလဲ...""မင်း..."မဟာကျိုးဧကရာဇ်၏ မျက်နှာတွင် အံ့အားသင့်မှုများ ပြည့်နှက်သွားတော့သည်။ တစ်ဖက်လူသည် သူတော်စင်နယ်ပယ် ကျွမ်းကျင်သူကိုပင် မျက်နှာသာ မပေးသလော။ သူ စကားမပြောနိုင်မီမှာပင် ခုံးဝူတောက်သည် ပုရွက်ဆိတ် တစ်ကောင်အတွက် နောက်ထပ်စကားများစွာ မပြောချင်တော့ချေ။ သူက လက်ချောင်း တစ်ချောင်းကို ဆန့်ထုတ်ပြီး မဟာကျိုး ဧကရာဇ်၏ ဦးတည်ရာသို့ ညင်သာစွာ ဖိနှိပ်လိုက်၏။ဘုန်း....မိုင်ရာနှင့်ချီ ကွာဝေးနေလျှင်ပင် ထိုနေရာရှိ ကောင်းကင်နှင့်မြေကြီး အစိတ်အပိုင်းနှင့်အတူ မဟာကျိုး ဧကရာဇ်သည် ခုံးဝူတောက်၏ ခြေမွှဖျက်ဆီးခြင်းကို ခံလိုက်ရပြီး သွေးမြူနှင့်ဟင်းလင်းပြင်နယ်ပယ်အဖြစ် ပြောင်းလဲသွားတော့သည်။"အရှင်..."ထိုအချိန်မှာပင် မဟာရှားဧကရာဇ်၏အသံက ရုတ်တရက် ပဲ့တင်ထပ်လာသည်။"မဟာသူတော်စင်ဂိုဏ်းက ယိုကျိုးနယ်မြေမှာ နံပါတ်တစ် ဂိုဏ်းပါ... အဲ့ဒီဂိုဏ်းမှာ ထိပ်တန်း သူတော်စင်နယ်ပယ် ကျွမ်းကျင်သူတစ်ယောက် ရှိတယ်လို့ ကျွန်တော် ကြားဖူးတယ်...""ဒီ မဟာကျိုး ဧကရာဇ်က မဟာသူတော်စင်ဂိုဏ်းက ရှေးဟောင်းကျောက်စိမ်းသူတော်စင်ရဲ့ အမည်ခံတပည့်ပါ...""ဒီရှေးဟောင်းကျောက်စိမ်းသူတော်စင်က အရမ်း ရန်ငြိုးဖွဲ့တတ်တယ်လို့ ကျွန်တော် ကြားဖူးတယ်... အခု အရှင်က သူ့ရဲ့ တပည့်ကို သတ်လိုက်ပြီဆိုတော့... သူက သေချာပေါက် အရှင့်ကို ရန်ငြိုးဖွဲ့ထားမှာပဲ..."ဤစကားများကို ကြားချိန်​၌ ခုံးဝူတောက်က မျက်ခုံးတစ်ဖက် ပင့်လိုက်၏။သူတော်စင်နယ်ပယ်လော...သူ့ကို ရန်ငြိုးဖွဲ့ထားမည်လော...တစ်ဖက်လူသည် သေမည်ကို မကြောက်ဘဲ သူ့ကို အမှန်တကယ် လာရှာခြင်းရှိမရှိ ဆိုသည်မှာ အရေးမကြီးပေ။ အခြေအနေများက ဤအထိ ရောက်လာပြီဖြစ်ရာ သူ လက်ဦးမှုယူ၍ တိုက်ခိုက်လိုက်ခြင်းက ပိုကောင်းပေမည်။ခုံးဝူတောက်က သူ၏လက်ချောင်းကို ကွေးလိုက်၏။မဟာရှားဧကရာဇ်သည် သူ၏ခန္ဓာကိုယ်တစ်ခုလုံး ကြောက်မက်ဖွယ် စွမ်းအားတစ်ခုဖြင့် လွှမ်းခြုံခံလိုက်ရသည်ကိုသာ ခံစားလိုက်ရပြီး သူ၏ရှေ့ရှိ ဟင်းလင်းပြင် ချက်ချင်းချာချာလည်သွားတော့သည်။ သူ၏အမြင်အာရုံ နောက်တစ်ကြိမ် ရှင်းလင်းသွားချိန်၌ သူသည် တိမ်များအထက်တွင် ရောက်ရှိနေပြီဖြစ်ပြီး ခုံးဝူတောက်၏နံဘေးတွင် ထွက်ပေါ်လာခဲ့သည်။မဟာရှားဧကရာဇ်၏စိတ်နှလုံးသားထဲတွင် အလွန်အမင်း ထိတ်လန့်သွားတော့သည်။ ထိုကဲ့သို့သော ဟင်းလင်းပြင် နေရာရွှေ့ပြောင်းခြင်းနည်းလမ်းသည် မယုံကြည်နိုင်စရာ ကောင်းလောက်အောင် သန်မာအားကောင်းလွန်းလှသည်။"မဟာသူတော်စင်ဂိုဏ်းက ဘယ်မှာလဲ..."မဟာရှားဧကရာဇ်၏ အံ့အားသင့်မှုကို လျစ်လျူရှုပြီး ခုံးဝူတောက်၏ အေးစက်သောအသံက ပဲ့တင်ထပ်လာပေ၏။"တည်နေရာကို ပြပါ..."ဤစကားကို ကြားလိုက်ရသောအခါ မဟာရှားဧကရာဇ်သည် အနည်းငယ် ဇဝေဇဝါဖြစ်သွားပြီး ခုံးဝူတောက် မည်သည့်အရာကို ဆိုလိုကြောင်း နားမလည်ခဲ့ချေ။ သို့သော် သူသည် သူ၏လက်ကို မသိစိတ်အရ မြှောက်လိုက်ပြီး မဟာသူတော်စင်ဂိုဏ်း၏ တည်နေရာကို ညွှန်ပြလိုက်သည်။ခုံးဝူတောက်က သူ၏ခေါင်းကို အနည်းငယ် ညိတ်လိုက်ပြီး သူ၏နောက်ရှိ ကောင်းကင်အလင်း မိုးပြာနဂါးကို ကြည့်လိုက်သည်။"မင်းအလှည့်ပဲ..."ကောင်းကင်အလင်း မိုးပြာနဂါးသည် သူ၏သခင် မည်သည့်အရာကို ဆိုလိုကြောင်း သဘာဝကျကျ နားလည်သွားသည်။ သူ၏ ဧရာမ နဂါးခန္ဓာကိုယ်သည် ကောင်းကင်ယံသို့ ပျံသန်းသွားပြီးနောက် သူ၏ ရွှေရောင်နဂါးမျက်လုံးများသည် အဆုံးမဲ့ဒေသများကို ထိုးဖောက်ကာ အဝေးရှိ မဟာသူတော်စင်ဂိုဏ်း၏ နယ်မြေကို တိုက်ရိုက်ချိတ်ပိတ်လိုက်တော့သည်။ဝုန်း...ကောင်းကင်အလင်း မိုးပြာနဂါးသည် သူ၏နဂါး ပါးစပ်ကို ကျယ်လောင်စွာ ဖွင့်ဟပြီး သူ၏တစ်ကိုယ်လုံးရှိ ချီစွမ်းအင်များ ဆူပွက်လာသည်။ ဟင်းလင်းပြင်တွင် လွင့်မျောနေသော အဆုံးမဲ့ တာအိုဥပဒေသများသည် ကြောက်မက်ဖွယ်ကောင်းသော စွမ်းအားတစ်ခု၏ ဆွဲငင်ခြင်းကို ခံလိုက်ရပြီး ကောင်းကင်အလင်း မိုးပြာနဂါး၏ ပါးစပ်ထဲသို့ အဆက်မပြတ် စုစည်းလာပေ၏။အချိန်တခဏအတွင်းမှာပင် ကြောက်မက်ဖွယ်ကောင်းသော တာအိုဥပဒေသ အလင်းတန်းများသည် အဆုံးစွန်ဆုံးသို့ ဖိသိပ်ထားသော စွမ်းအင်အလင်းလုံး တစ်လုံးအဖြစ် အသွင်ပြောင်းသွားပြီး ကောင်းကင်အလင်း မိုးပြာနဂါး၏ပါးစပ်ထဲတွင် ရှိနေတော့သည်။ဝေါင်း....ကောင်းကင်အလင်း မိုးပြာနဂါးသည် လောကကြီးကို တုန်ခါစေသော နဂါးဟိန်းသံကို ထုတ်လွှတ်လိုက်သည်နှင့် ဖိသိပ်ထားသော စွမ်းအင်အလင်းလုံးသည် ကြေမွှသွားပြီး နေ၊ လနှင့် ကြယ်များကို ထိုးဖောက်နိုင်သော ဖျက်ဆီးလိုသည့် အလင်းတန်းတစ်ခုအဖြစ် အသွင်ပြောင်းသွားကာ ဟင်းလင်းပြင်ကို ဖြတ်သန်း၍ ချက်ချင်းပျံ့လွင့်သွားတော့သည်။ဝုန်း...သန့်စင်သော အဖြူရောင်နဂါး ချီစွမ်းအင်များ ဆူပွက်လာပြီး ဟင်းလင်းပြင်၏ ကျယ်ပြန့်သော အစိတ်အပိုင်းများကို ခြေမွှဖျက်ဆီးကာ မဟာသူတော်စင်ဂိုဏ်း တည်ရှိရာနေရာဆီသို့ ပြင်းထန်စွာ ရိုက်ခတ်သွားတော့သည်။....တစ်ချိန်တည်းမှာပင်...မဟာသူတော်စင်ဂိုဏ်း၏ အနက်ရှိုင်းဆုံးနေရာတွင် မဟာကျိုးဧကရာဇ်သည် ခုံးဝူတောက်၏ သတ်ဖြတ်ခြင်းကို ခံလိုက်ရသည့် အချိန်နှင့် တပြိုင်နက်တည်းမှာပင် ရှေးဟောင်းကျောက်စိမ်း သူတော်စင်တွင် အာရုံခံစားမှုတစ်ခု ရရှိသွားပေ၏။"ဒီ သူတော်စင်ရဲ့ အမည်ခံတပည့်ကို သတ်ဖို့ ရဲတင်းတဲ့သူ တကယ်ကြီး ရှိနေတာလား...""ဟမ့်... ဘယ်သူက ဒီလောက်ထိ သတ္တိရှိလဲဆိုတာ ငါ ကြည့်ချင်သေးတယ်..."ရှေးဟောင်းကျောက်စိမ်း သူတော်စင်သည် တွက်ချက်ရန် ဟန်ပြင်လိုက်စဉ်မှာပင် မကောင်းသော ကြိုတင် ခံစားမှုတစ်ခုက သူ၏တစ်ကိုယ်လုံးကို ရှင်းပြ၍မရနိုင်လောက်အောင် ရုတ်တရက် လွှမ်းခြုံသွားသည်။"အမ်... ဘယ်လိုလုပ် ဖြစ်နိုင်မှာလဲ...""သတ်ဖြတ်လိုခြင်း စိတ်ဆန္ဒ..."ထိုနောက်ဆုံး စကားလုံးများကို ရှေးဟောင်းကျောက်စိမ်း သူတော်စင် မပြောနိုင်မီမှာပင်...ဝုန်း...ကောင်းကင်အလင်း မိုးပြာနဂါးက ထုတ်လွှတ်လိုက်သော လောကဖျက်ဆီးခြင်း နဂါးချီစွမ်းအင်သည် ကောင်းကင်ယံကို ဖြတ်ကျော်ကာ ရောက်ရှိလာခဲ့လေပြီ။ သူတော်စင်နယ်ပယ် အဆင့်ခုနစ်၏ ကျင့်ကြံခြင်းကို သယ်ဆောင်လာသော ဧရာမနဂါးချီစွမ်းအင်သည် ဖျက်ဆီးလိုသည့်စွမ်းအားဖြင့် အရာအားလုံးကို တံမြက်စည်းလှည်းသကဲ့သို့ ရှင်းလင်းလိုက်ပြီး ထိုအရာ၏ လမ်းကြောင်းရှိ အရာအားလုံးကို ခြေမွှဖျက်ဆီးလိုက်သည်။တွေဝေပြီး စိတ်ရှုပ်ထွေးနေသော အခြေအနေတွင် ရှိနေသည့် မဟာသူတော်စင်ဂိုဏ်း၏ မရေမတွက်နိုင်သော ကျွမ်းကျင်သူများသည် သူတို့​၏မျက်စိရှေ့မှ လောကကြီးသည် ကြောက်မက်ဖွယ်ကောင်းသော သန့်စင်သည့် အဖြူရောင်နှင့် ချက်ချင်း အစားထိုးခံလိုက်ရသည်ဟုသာ ခံစားလိုက်ရသည်။ထိုကဲ့သို့ ကြောက်မက်ဖွယ်ကောင်းသော စွမ်းအား၏ ရှေ့တွင် သူတို့သည် ခုခံရန် စွမ်းအားမဲ့နေပြီး သူတို့၏ အသိစိတ်များနှင့် ခန္ဓာကိုယ်များသည် ထိန်းချုပ်မရနိုင်အောင် စတင်ပျောက်ကွယ်သွားတော့သည်။မျိုးဆက်ရှစ်ဆက်တိတိ ကံမကောင်းခဲ့သော မဟာသူတော်စင်ဂိုဏ်းမှလူများသည် မည်သည့်အရာများ ဖြစ်ပျက်နေသည်ကိုပင် နားမလည်ခဲ့ချေ။ လူများအပြင် ဂိုဏ်းတစ်ခုလုံးလည်း လေထဲတွင် လုံးလုံးလျားလျား ပျောက်ကွယ်သွားတော့သည်။