အခန်း ၄၂၅

အခန်း (၄၂၅) - စစ်ပွဲမတိုင်မီ ပြင်ဆင်မှုများ၊ သေမင်းမီးတောက်ဝိညာဉ်ကန်(၂)

သူတို့က အချိန် အနည်းငယ်အတွင်း ကျင့်ကြံခြင်းအဆင့်ကို ချိုးဖျက်ဝင်ရောက်ရန်မှာ ခက်ခဲပေလိမ့်မည်။

“ငါ စတေးမှု တစ်ခု လုပ်မယ်၊ မင်းတို့ နှစ်ယောက်အတွက် လက်ဆောင် တစ်ခုလို့ သဘောထားလိုက်ပါ”

မိုလော့က နှုတ်ခမ်းကို ကိုက်ကာ မေးလိုက်သည်

“မင်းတို့ သေမင်းမီးတောက် ဝိညာဉ်ကန်အကြောင်း ကြားဖူးလား”

“မီးနတ်ဘုရားနန်းတော်ရဲ့ သေမင်းမီးတောက် ဝိညာဉ်ကန်လား၊ ဘယ်လိုလုပ် မကြားဖူးဘဲ နေမှာလဲ၊ ဒါပေမယ့် စီနီယာက တစ်နှစ်ကို တစ်ကြိမ်ပဲ ဖွင့်တာ မဟုတ်ဘူးလား၊ ပြီးတော့ ဂိုဏ်းအတွက် ကြီးမားတဲ့ ပံ့ပိုးမှုတွေ လုပ်ခဲ့တဲ့ အဓိက အဖွဲ့ဝင်တွေပဲ ခံစားခွင့်ရှိတာမဟုတ်လား” ဝူယွမ်၏ မျက်လုံးများ တောက်ပသွားသည်။

ကစဉ်ကလျားမိစ္ဆာပင်လယ်သို့ သူ ရောက်ရှိကတည်းက အရင်းအမြစ်များနှင့် ရတနာ အမျိုးမျိုးအကြောင်း စုံစမ်းမေးမြန်းခြင်းကို မည်သည့်အခါမျှ မရပ်တန့်ခဲ့ပေ။

သေမင်းမီးတောက် ဝိညာဉ်ကန်အကြောင်းကို သူ အတွင်းကျကျ သိရှိထားသည်။

ဤအရာမှာ မီးနတ်ဘုရားနန်းတော် ပိုင်ဆိုင်သော အလွန်တရာ အဖိုးတန်သည့် ရတနာကန်တစ်ခု ဖြစ်၏။ သေမင်းမီးတောက် ဝိညာဉ်ကန်အတွင်း၌ အလွန် သန့်စင်သော သေမင်း စွမ်းအင် ရှိကြောင်း ပြောကြ၏။

ဤသေမင်း စွမ်းအင်မှာ လူလုပ် ဖန်တီးထားခြင်း မဟုတ်ဘဲ မြေကြီး၏ နက်ရှိုင်းရာမှ တိုက်ရိုက် ထုတ်ယူထားခြင်းဖြစ်ရာ အလွန် ရှားပါးပြီး ဆန်းကြယ်သေခြင်းအဆင့် အစွမ်းထက်ပုဂ္ဂိုလ်များအတွက် ကြီးမားသော အကျိုးကျေးဇူး ရှိစေသည်။

“ငါတို့ ယွမ်ဂိုဏ်းကို တိုက်ခိုက်ဖို့ ပြင်ဆင်တော့မှာလေ၊ မင်းတို့ နှစ်ယောက် ပိုအစွမ်းထက်လာလေလေ၊ အောင်ပွဲခံနိုင်ဖို့ ရာခိုင်နှုန်း ပိုများလေပဲ”

မိုလော့သည် ဝူယွမ်နှင့် လင်းတုန်တို့ကို သေမင်းမီးတောက် ဝိညာဉ်ကန် အသုံးပြုခွင့်ပေးရန် ဆုံးဖြတ်ထားလေ၏။

သေမင်းမီးတောက် ဝိညာဉ်ကန်မှာ အဖိုးတန်သော်လည်း ကမ္ဘာခြားနတ်ဆိုးများကို အမဲလိုက်ခြင်းနှင့် နှိုင်းယှဉ်ပါက မပြောပလောက်ပေ။

ဝူယွမ်က ပြောလိုက်သည်

“နန်းတော်သခင် မိုလော့က ကျတော်တို့ ညီအစ်ကိုတွေကို သေမင်းမီးတောက် ဝိညာဉ်ကန် သုံးခွင့်ပေးဖို့ ဆန္ဒရှိမှတော့ စီနီယာ ရဲ့ ကြင်နာမှုကို ကျတော်တို့ အလကား လက်မခံနိုင်ပါဘူး”

“ကျ‌နော်လည်း စီနီယာကို ပစ္စည်းကောင်းတစ်ခု ပေးမယ်”

“စီနီယာရဲ့ မီးနတ်ဘုရား အစောင့်အရှောက်တွေက မအားနည်းဘူးဆိုတာ ကျနော် မြင်ပါတယ်၊ ဆန်းကြယ်ရှင်ခြင်းအဆင့်အထက် စွမ်းအားရှိကြတဲ့အပြင် သူတို့က ဝိညာဉ်စွမ်းအင်ကိုလည်း ကောင်းကောင်း ကျင့်ကြံထားကြပြီး အများအပြားက ကောင်းကင် အက္ခရာသခင် အဆင့်ကိုတောင် ရောက်နေကြတယ်”

“သာမန် ရုပ်သေးရုပ်တွေကို ထိန်းချုပ်ဖို့ ပြဿနာ မရှိပါဘူး”

ဤသို့ပြောရင်း ဝူယွမ်က သိုလှောင်အိတ် တစ်လုံးကို ထုတ်ယူကာ မိုလော့ထံသို့ ပစ်ပေးလိုက်သည်။

“ဒါက ဘာလဲ”

မိုလော့ တွေဝေသွားသည်။

ထို့နောက် သူက သူ၏ နတ်ဘုရားအာရုံကို ၎င်းအတွင်းသို့ ထိုးသွင်းကာ စူးစမ်းကြည့်လိုက်သည်။

“မိစ္ဆာအလောင်းကောင်တွေလား” သိုလှောင်အိတ်အတွင်း၌ အမည်းရောင် မိစ္ဆာအလောင်းကောင် တစ်ထောင်ကျော် အမှန်တကယ် ပါရှိနေသည်ကို မြင်သောအခါ သူ၏ မျက်နှာအမူအရာ ပြောင်းလဲသွားသည်။

ဝူယွမ်က ပြောလိုက်သည်။

“ဒါတွေ အားလုံးက မိစ္ဆာအလောင်းကောင်တွေပဲ၊ ဒါပေမယ့် ကျ‌တော် သူတို့ကို သန့်စင်ထားတယ်၊ သူတို့ဆီမှာ ကမ္ဘာခြားနတ်ဆိုး စွမ်းအင် မရှိတော့ဘူး၊ ဒါပေမယ့် သူတို့ရဲ့ ရုပ်ပိုင်းဆိုင်ရာ ကြံ့ခိုင်မှုက ဆန်းကြယ်ရှင်ခြင်းအဆင့် မဟာပြည့်စုံခြင်းအဆင့် အစွမ်းထက်ပုဂ္ဂိုလ်တစ်ယောက်နဲ့ နှိုင်းယှဉ်နိုင်တယ်”

“ပီးတော့ သူတို့အပေါ်မှာ အစွမ်းထက်တဲ့ ရူန်းသင်္ကေတ အများအပြားကိုလည်း ကျတော် ထွင်းထုထားတယ်၊ ကောင်းကောင်း အသုံးချမယ်ဆိုရင် မိစ္ဆာအလောင်းကောင် ရုပ်သေးရုပ် တစ်ခုတည်းနဲ့တင် ဆန်းကြယ်ရှင်ခြင်းအဆင့် မဟာပြည့်စုံခြင်းအဆင့်နဲ့ ယှဉ်တိုက်ခိုက်ဖို့ ပြဿနာ မရှိပါဘူး”

“စီနီယာရဲ့ မီးနတ်ဘုရား အစောင့်အရှောက် တစ်ယောက်စီတိုင်းကို ဒီလို မိစ္ဆာအလောင်းကောင် တစ်ခုစီ တပ်ဆင်ပေးမယ်ဆိုရင် သူတို့ရဲ့ စွမ်းအားက အများကြီး တိုးလာရုံတင်မကဘူး၊ သူတို့ကို အသက်တစ်ချောင်း ပိုရသွားသလိုလည်း ဖြစ်စေလိမ့်မယ်”

ဤမိစ္ဆာအလောင်းကောင်များကို သူ၏ ကိုယ်ပိုင် စစ်တပ်အတွက် မူလက ပြင်ဆင်ထားခဲ့ခြင်းဖြစ်သော်လည်း လက်ရှိအချိန်တွင် ထိုကဲ့သို့သော စစ်တပ်တစ်ခု တည်ဆောက်ရန် ဆယ်စုနှစ်များစွာ သို့မဟုတ် ရာစုနှစ်တစ်ခုပင် ကြာမြင့်ပေလိမ့်မည်။

ရှေးဟောင်းကျောက်တိုင် ကကမ္ဘာအတွက်

မီးနတ်ဘုရား အစောင့်အရှောက်များကဲ့သို့ အစွမ်းထက်သော စစ်တပ်တစ်ခု တည်ထောင်ရန်မှာ ခက်ခဲလှသည်။

ထိုကဲ့သို့သော စစ်တပ်တစ်ခု တည်ဆောက်ရန် ဆယ်စုနှစ်များစွာ သို့မဟုတ် ရာစုနှစ်တစ်ခုပင် ကြာမြင့်ပေလိမ့်မည်။

တိုက်ပွဲတွင် အနိုင်ရရန် ဆန်းကြယ်ရှင်ခြင်းအဆင့် အစွမ်းထက်ပုဂ္ဂိုလ်များ၏ အရေအတွက်နှင့်သာမက အတူတကွစည်းလုံးညီညာစွာ ပူးပေါင်းဆောင်ရွက်မှုကလည်း အရေးပါလှ၏။

ယခင် တိုက်ပွဲများတွင် ထန်ရှင်းလျန် ဦး‌ဆောင်သော မီးနတ်ဘုရား အစောင့်အရှောက်များကို သူ ကိုယ်တိုင် မြင်တွေ့ခဲ့ရသည်။

စစ်တပ်တစ်ခုမှာ အစွမ်းထက်သားရဲကြီးတစ်ကောင်ကဲ့သို့ သူတို့၏ စွမ်းအားအားလုံးကို အတူတကွ စုစည်းကာ ဝင်စားခြင်းအဆင့် အစွမ်းထက်ပုဂ္ဂိုလ်တစ်ဦးကို ပြင်းပြင်းထန်ထန် ဒဏ်ရာရစေနိုင်ခြင်း သို့မဟုတ် သတ်ဖြတ်နိုင်စွမ်းရှိသည့် စွမ်းအားများကို ထုတ်လွှတ်နိုင်၏။

ဤသူများမှာ ဆန်းကြယ်ရှင်ခြင်းအဆင့်ရှိ စစ်သားများသာ ဖြစ်ပြီး ဝင်စားခြင်းအဆင့်နှင့် အဓိက နယ်ပယ်တစ်ခု ကွာဝေးသေးကြောင်း သိထားရမည်ဖြစ်သည်။

၎င်းမှာ အတော်လေး အံ့မခန်းဖြစ်သည်ဟု ဆိုနိုင်ပေသည်။

“ဒါ... ဒါက ငါ့ရဲ့ သေမင်းမီးတောက် ဝိညာဉ်ကန်ထက် အများကြီး ပိုပြီး တန်ဖိုးရှိတယ်” မိုလော့ တံတွေးတစ်ချက် မျိုချလိုက်မိပြီး ဝူယွမ်၏ ရက်ရောမှုက သူ၏ရက်ရောမှုထက်ပင် ပိုနေခြင်းကြောင့်ပင်

အံဩသွားရ၏။

“ဘာမှမဟုတ်ပါဘူး၊ ငါတို့ ကမ္ဘာခြားနတ်ဆိုးတွေကို ကိုင်တွယ်ဖြေရှင်းနေသရွေ့ ငါတို့ အားလုံးက မိသားစု တစ်ခုတည်းပါပဲ” ဝူယွမ်က သာမန်ကဲ့သို့ အပြုံးဖြင့် ပြောလိုက်သည်။

ရှေးဟောင်းကျောက်တိုင် ကမ္ဘာ စတင် ဖွံ့ဖြိုးတိုးတက်လာကတည်းက ဝူယွမ်သည် သူ မြင်သမျှ အရာအားလုံးကို သူ၏ ကိုယ်ပိုင် ရှေးဟောင်းကျောက်တိုင် ကမ္ဘာအတွင်းသို့ ပြောင်းရွှေ့လိုခဲ့သည်။

မီးနတ်ဘုရားနန်းတော်၊ မိုလော့၊ မီးနတ်ဘုရား အစောင့်အရှောက်များ၊ မမလေး ထန်နှင့် အခြားသူများသည်လည်း ချွင်းချက် မဟုတ်ပေ။

ဝူယွမ်သည် သူတို့အားလုံးကို ရှေးဟောင်းကျောက်တိုင် ကမ္ဘာအတွင်းသို့ ခေါ်ဆောင်လာပြီး သူ၏ ကမ္ဘာရှိ နိုင်ငံသားများ ဖြစ်စေလိုသည်။

စစ်တပ်တစ်ခု တည်ဆောက်ခြင်းက လက်တွေ့မှာ

စိတ်ကူးထားသလောက် မလွယ်ကူပေ။

ယခု သူသည် ကနဦး ရင်းနှီးမြှုပ်နှံမှုတစ်ခုသာ ပြုလုပ်နေခြင်းဖြစ်၏။

ရှေးဟောင်းကျောက်တိုင် ကမ္ဘာ၏ ဖွံ့ဖြိုးတိုးတက်မှုနှင့်အတူ အနာဂတ်တွင် မီးနတ်ဘုရားနန်းတော်ကို သိမ်းသွင်းရန်မှာ ပြဿနာ မဟုတ်ကြောင်း ဝူယွမ်က ယုံကြည်ထားသည်။

မိုလော့သည် ချက်ချင်းပင် အရှုံးပေါ်သည်ဟု မခံစားရတော့ဘဲ သူ၏ စိတ်နှလုံးထဲတွင် ဝမ်းသာမှုများဖြင့် ပြည့်နှက်သွားလေသည်။

ဤမိစ္ဆာအလောင်းကောင် ရုပ်သေးရုပ်များသည် မီးနတ်ဘုရား အစောင့်အရှောက်များကို ဆင့်တစ်ခု မြှင့်တင်ပေးခဲ့သည်ဟု ဆိုနိုင်ပေသည်။

မိုလော့က သူ၏ တပည့်မလေး ထန်ကို ချက်ချင်း ခေါ်ကာ ဤမိစ္ဆာအလောင်းကောင် ရုပ်သေးရုပ်များကို ပေးအပ်လိုက်ပြီး မီးနတ်ဘုရား အစောင့်အရှောက်များ အမြန်ဆုံး ကျွမ်းကျင်ပိုင်နိုင်စေရန် ၎င်းတို့ကို အလျင်အမြန် အသုံးပြုရန် တိုက်တွန်းလိုက်သည်။

ဝူယွမ်က ဤရုပ်သေးရုပ်များကို ပေးအပ်ခဲ့ကြောင်း သိရှိသောအခါ မိန်းမလှလေးထန်၏ လှပသော မျက်လုံးများ တောက်ပသွား၏။ မီးနတ်ဘုရား အစောင့်အရှောက်များမှာ သူမ၏ စွမ်းရည်များကို ပြသရန် အရေးကြီးဆုံး စင်မြင့်ဖြစ်သည်။

ဝူယွမ် ပေးအပ်သော မိစ္ဆာအလောင်းကောင် ရုပ်သေးရုပ်များမှာ အလွန် အရေးပါပီး မီးနတ်ဘုရား အစောင့်အရှောက်များ၏ စွမ်းအားကို နှစ်ဆ တိုးလာစေသည်။

၎င်းမှာ သူမ၏ ကိုယ်ပိုင် စွမ်းအား တိုးတက်လာနိုင်စေ၏။

“ဒီလောက် တန်ဖိုးရှိတဲ့ ပစ္စည်းတွေကို သခင်‌လေး က ကျမတို့ကို တကယ် ပေးချင်တာလား” မိန်းမလှလေး ထန်က မျက်တောင်ခတ်ကာ ဝူယွမ်ကို ကြည့်ရင်း မေးလိုက်သည်။

ဝူယွမ်က ပြုံးကာ ပြောလိုက်သည် “မိန်းခလေးထန်ရဲ့ မီးနတ်ဘုရား အစောင့်အရှောက်တွေက အထူးသဖြင့် အစွမ်းထက်ပြီး အရေးကြီးတဲ့ အခန်းကဏ္ဍကနေ ပါဝင်နိုင်ပါတယ်၊ပီးတော့ မိန်းခလေးထန်တို့ အားလုံး ပိုပြီး အစွမ်းထက်လာတာကိုလည်း ကျတော် မြင်ချင်ပါတယ်”

“ဒီမိစ္ဆာအလောင်းကောင်တွေကို တစ်ခုချင်းစီ ထုတ်လွှတ်လိုက်မယ်ဆိုရင် သိပ်ပြီး ထိရောက်မှု ရှိမှာ မဟုတ်ဘူး၊ဒါပေမယ့် မိန်းခ‌လေး ထန်ရဲ့ မီးနတ်ဘုရား အစောင့်အရှောက်တွေရဲ့ ကွပ်ကဲမှုအောက်မှာမှ သူတို့က တကယ်ကို တောက်ပလာနိုင်ပြီး သူတို့ရဲ့ ပင်ကိုယ် စွမ်းရည်ထက် ကျော်လွန်တဲ့ စွမ်းအားတွေကို ထုတ်လွှတ်နိုင်မှာပါ”

မိန်းခလေး ထန်က လေးနက်စွာဖြင့် လက်နှစ်ဖက်ကိုစုပ်က လေးနက်စွာ ပြောလိုက်သည်။

“ဒါဆိုရင် ကျေးဇူးတင်ပါတယ်၊ သခင်လေးကို ကျမ စိတ်ပျက်အောင် လုပ်မှာ မဟုတ်ပါဘူး”

စစ်တပ်တစ်ခု၏ စွမ်းအားကို မည်သို့ ထုတ်လွှတ်ရမည်ကို သူမလောက် နားလည်သူ မရှိပေ။ ဤမိစ္ဆာအလောင်းကောင် ရုပ်သေးရုပ်များဖြင့် သူမသည် စစ်နည်းဗျူဟာများကို ပိုမို အသုံးပြုလာနိုင်မည်ဖြစ်၏။

မမလေး ထန်က ဝူယွမ်ကို ကျေးဇူးတင်စွာဖြင့် တစ်ချက်ကြည့်လိုက်ပြီးနောက် သူမ၏ မီးနတ်ဘုရား အစောင့်အရှောက်များကို လေ့ကျင့်ပေးရန် မိစ္ဆာအလောင်းကောင် ရုပ်သေးရုပ်များကို ယူဆောင်သွားလေသည်။

ဝူယွမ်နှင့် လင်းတုန်တို့သည် မိုလော့နောက်သို့ လိုက်ကာ မီးနတ်ဘုရားနန်းတော်၏ နက်ရှိုင်းရာသို့ သွားရောက်ခဲ့ပြီး ကြေးဝါ ခန်းမတံခါးကြီးတစ်ခုရှေ့သို့ ရောက်ရှိလာကြသည်။

ဧရာမ ခန်းမတံခါးကြီးကို တွန်းဖွင့်လိုက်သောအခါ ဝူယွမ်၏ မျက်လုံးများထဲတွင် ပထမဆုံး မြင်လိုက်ရသည်မှာ အောက်သို့ တိုက်ရိုက် ကျဆင်းနေသော အမည်းရောင် ရေတံခွန်ကြီးတစ်ခု ဖြစ်သည်။

ဤရေတံခွန်မှာဤရေတံခွန်မှာ အလွန်တရာ ထူးဆန်းလှသည်။ ၎င်း၏ နောက်ကွယ်တွင် အဆုံးအစမရှိသော ချောက်ကမ်းပါးကြီးတစ်ခု ရှိပြီး မည်သည့်နေရာသို့ သွားသည်ကို မသိရပေ။ ရေတံခွန်မှာ ပြောင်းပြန် စီးဆင်းနေပြီး အမည်းရောင် ရေများက ချောက်ကမ်းပါး၏ အဆုံးစွန်မှ ဆူပွက်လာကာ ရေတံခွန်၏ ထိပ်မှ ကျဆင်းလာပြီး နောက်ဆုံးတွင် အောက်ဘက်ရှိ ဧရာမ အမည်းရောင် ကန်ကြီးထဲသို့ ကျရောက်သွားလေ၏။

ပြီးတော့ အထူးဆန်းဆုံးအရာမှာ ဤမျှ ကြီးမားသော ရေတံခွန်ကြီး ကျဆင်းလာခြင်းက အောက်ဘက်ရှိ အမည်းရောင် ကန်ကြီးထဲတွင် လှိုင်းဂယက် အနည်းငယ်မျှပင် မဖြစ်ပေါ်စေခြင်းပင်ဖြစ်သည်။

ကန်တစ်ခုလုံးမှာ လုံးဝ ငြိမ်သက်နေပြီး ကြောက်မက်ဖွယ်ကောင်းလောက်အောင် တိတ်ဆိတ်နေသော သေနေသည့် ရေကန်တစ်ခု ဖြစ်နေသည်။

သူတို့သုံးဦး အမည်းရောင် ကန်ကြီးအနီးသို့ ချဉ်းကပ်သွားကြသည်။ ကန်ရေပြင်ပေါ်တွင် အမည်းရောင် မီးတောက်များ ထွက်ပေါ်နေပြီး အလွန်တရာ သန့်စင်ကာ ကြောက်မက်ဖွယ်ကောင်းသော သေမင်း စွမ်းအင်လှိုင်းတစ်ခုက အမည်းရောင် မြူခိုးများအဖြစ် ပြောင်းလဲသွားကာ အပေါ်သို့ လွင့်တက်နေသည်ကို ဝူယွမ် သတိပြုမိလိုက်၏။

မိုလော့က အမည်းရောင် ကန်ကြီးကို ညွှန်ပြကာ ပြောလိုက်သည်

“အထဲက အမည်းရောင် မီးတောက်တွေကို မင်းတို့ မြင်လား၊ သူတို့ အားလုံးက အလွန်တရာ သန့်စင်တဲ့ သေမင်း စွမ်းအင်တွေကနေ စုစည်းထားတာပဲ၊ ခဏနေရင် မင်းတို့ နှစ်ယောက် ကန်ထဲက ကျောက်စင်မြင့်တွေပေါ်မှာ ထိုင်လိုက်၊ မင်းတို့အတွက် သေမင်းမီးတောက် ဝိညာဉ်ကန်ကို ငါ ဖွင့်ပေးမယ်၊ အဲဒီအခါကျရင် ဒီသေမင်း စွမ်းအင်တွေကို မင်းတို့ ခန္ဓာကိုယ်ထဲက အသက်စွမ်းအင်တွေက ဆွဲယူလာပြီး မင်းတို့ရဲ့ ရုပ်ပိုင်းဆိုင်ရာ ခန္ဓာကိုယ်တွေကို သန့်စင်ဖို့ စုစည်းသွားလိမ့်မယ်”

“ဒါပေမယ့် မင်းတို့ နှစ်ယောက်ရဲ့ ခန္ဓာကိုယ် ကြံ့ခိုင်မှုနဲ့ဆိုရင် ဒီသေမင်း စွမ်းအင်ရဲ့ သန့်စင်ဖို့ လုံးဝ ပြဿနာ မဟုတ်ပါဘူး၊ မင်းတို့ ဘယ်လောက် စုပ်ယူနိုင်မလဲဆိုတာက မင်းတို့အပေါ်မှာပဲ မူတည်တယ်၊ အားလုံးကို စုပ်ယူရင်တောင် ပြဿနာ မရှိပါဘူး”

ဝူယွမ် ပေးထားသော မိစ္ဆာအလောင်းကောင် ရုပ်သေးရုပ် တစ်ထောင်ကြောင့် ဤနေရာရှိ စွမ်းအင်များကို သူတို့ နှစ်ယောက် စုပ်ယူသွားမည်ကို မိုလော့ နှမြောနေမည် မဟုတ်ပေ။

ထို့အပြင် ဤနေရာတွင် စွမ်းအင်များ အရမ်းများလွန်းလှသဖြင့် သူပင်လျှင် ၎င်းတို့ အားလုံးကို ခံနိုင်ရည်ရှိရန် ခက်ခဲမည်ဖြစ်ပြီး အပြည့်အဝ မစုပ်ယူနိုင်ပေ။

ထို့ကြောင့် သူတို့ နှစ်ယောက်က အားလုံး စုပ်ယူသွားနိုင်မည်ကို စိုးရိမ်ပူပန်မနေခြင်း ဖြစ်သည်။

ဝူယွမ်နှင့် လင်းတုန်တို့ ကျောက်စင်မြင့်များပေါ်သို့ ပျံတက်သွားကြပြီး ကန်အတွင်းရှိ လျှို့ဝှက်ရေစီးကြောင်းများ ဆူပွက်နေသည်ကို ခံစားလိုက်ရသည်။ ကြီးမားလှသော သေမင်း စွမ်းအင်မှာ ပုန်းအောင်းနေသော မီးတောင်တစ်ခုပမာ အောက်တွင် ပုန်းအောင်းနေပြီး အချိန်မရွေး ပေါက်ကွဲထွက်ရန် အသင့်ဖြစ်နေသည်။

“စီနီယာ မိုလော့၊ ခင်ဗျား အခု ဖွင့်လို့ ရပါပြီ” မိုလော့က ထိုစကားကို ကြားသောအခါ ခေါင်းညိတ်လိုက်ပြီးနောက် သူ၏ လက်ဖဝါးကို ဆန့်ထုတ်ကာ အမည်းရောင် ကန်ကြီးဆီသို့ ရုတ်တရက် ဆုပ်ကိုင်လိုက်သည်။

ဝီ ဝီ ဝီ... မိုလော့၏ လက်ဖဝါးဖြင့် ဆုပ်ကိုင်လိုက်သည်နှင့်အမျှ ပုံမှန်မဟုတ်လောက်အောင် တိတ်ဆိတ်နေသော ဤသေမင်းမီးတောက် ဝိညာဉ်ကန်မှာ နောက်ဆုံးတွင် ပြင်းထန်စွာ တုန်ခါသွားလေသည်။

ထို့နောက် အမည်းရောင် မီးတောက်များပါရှိသည့် အမည်းရောင် ကန်ထဲရှိရေများက အပေါ်သို့တက်လာပီး အလွှာလိုက် ဆူပွက်လာ၏။ ၎င်းအတွင်းသို့ ကြည့်လိုက်လျှင် အလွန်တရာ ကျယ်ပြောလှသော အမည်းရောင် အစီအရင်တစ်ခု နက်ရှိုင်းရာတွင် လည်ပတ်နေသည်ကို ဝေဝါးစွာ မြင်တွေ့နိုင်သည်။

ဝူယွမ်နှင့် လင်းတုန်တို့ နှစ်ဦးစလုံးက ၎င်းကို လက်ခံရယူရန် ပြင်ဆင်ရင်း သူတို့၏ ခန္ဓာကိုယ်ဖွဲ့စည်းပုံ စွမ်းအားများကို ထုတ်လွှတ်လိုက်ကြသည်။

အသက်စွမ်းအင်များက သူတို့၏ ခန္ဓာကိုယ်များအတွင်း ဆူပွက်နေနှင့်ပြီဖြစ်သော အမည်းရောင် မီးတောက် ကန်ကြီးကို စုပ်ယူလိုက်သည်။

သေမင်းမီးတောက် ဝိညာဉ်ကန်အတွင်း၌ အမည်းရောင် မီးတောက်များဖြင့် လွှမ်းခြုံထားသော ကန်ရေများက အလွှာလိုက် ဆူပွက်လာပြီးနောက် ဧရာမ အမည်းရောင် မီးတောက် နဂါးများအဖြစ် ပြောင်းလဲကာ သူတို့၏ ခန္ဓာကိုယ်အတွင်းသို့ ပြေးဝင်လာကြ၏။