အခန်း ၁၈၅၁

အခန်း(၁၈၅၁) ပါရမီရှင်စာရင်းတိုက်ပွဲ

တစ်နည်းအားဖြင့်ဆိုရသော် ၎င်းတို့လေးဦးက အလွန်ဆိုးရွားစွာ ရှုံးနိမ့်သွားသောကြောင့် ချူးယွင်ဖန်းအား သူ၏ အစွမ်းသတ္တိအပြည့်အဝကို အသုံးပြုရန် အတင်းအကျပ် မလုပ်နိုင်ခဲ့ပေ။ အားလုံးက တစ်ချက်တည်းဖြင့် သေဆုံးသွားခဲ့ပြီး ချူးယွင်ဖန်း၏ အစွမ်းသတ္တိနှင့်ပတ်သက်၍ လူအများက ထိတ်လန့်တုန်လှုပ်စွာ ခန့်မှန်းခဲ့ကြသည်။

ထိုတိုက်ပွဲ၏ ရလဒ်များ ပျံ့နှံ့သွားသည်နှင့် ချူးယွင်ဖန်းက ပါရမီရှင်စာရင်းတွင် အဘယ်ကြောင့်ပါနေရသည်ကို မည်သူမျှ သံသယဝင်တော့မည်မဟုတ်ပေ။

ပါရမီရှင်စာရင်း၏ နောက်ဆုံးနေရာရှိ ချူးယွင်ဖန်းက ပါရမီရှင်စာရင်းပြီးနောက် အဖွဲ့ထဲမှ ပါရမီရှင်များကို အနိုင်ယူနိုင်သည့် ခွန်အားရှိသည်။ ပါရမီရှင်စာရင်းထဲက ထိပ်တန်းပါရမီရှင်များသာ စတင်လှုပ်ရှားခဲ့ပါက မည်သို့သော မြင်ကွင်းမျိုးဖြစ်လာနိုင်မည်နည်း။

လူငယ်မျိုးဆက် လက်ရွေးစင်အများအပြားက ထိုရလဒ်ကို တွေးမိကြသောအခါ အားလုံး စိတ်ပျက်ကုန်ကြသည်။ ဥပမာအားဖြင့် လူအများ၏အမြင်၌ ချူးယွင်ဖန်းက သားရဲကြီးတစ်ကောင်ဖြစ်ကာ ပုရွက်ဆိတ်များကို ဖယ်နေသကဲ့သို့ သာမန်ပါရမီရှင်များကိုဖယ်ရှားခဲ့သည်။

ထို့အပြင် ထိုသို့သော သားရဲမျိုးက အဆင့်တစ်ရာ၌ ရှိနေသည်။ ထို့ကြောင့် ဤလောကတွင် ထိုသားရဲများ များစွာများလွန်းသည်ဟု ၎င်းတို့ ခံစားမိကြသည်။ စိန်ခေါ်မှုပြီးသွားပြီဟု အားလုံး ထင်နေကြချိန်တွင်

ချူးယွင်ဖန်း၏ အကြည့်က လင်တင်းထျန်ဆီရောက်သွားသည်ကို အားလုံးမြင်လိုက်ကြသည်။

"မင်း ငါ့ခေါင်းကို ဖြတ်မယ်လို့ ပြောထားတာမလား။ လာဖြတ်လေ။ မင်းရဲ့ ဓားဘယ်လောက်မြန်လဲကြည့်ရအောင်”

ချူးယွင်ဖန်း၏ စကားများသည် ချက်ချင်းပင် လူအုပ်ကြားထဲ၌ အကြီးအကျယ်ရုတ်ရုတ်သဲသဲဖြစ်သွားစေခဲ့သည်။ သူက ပညာရှင်လေးယောက်ကို ဆက်တိုက်အနိုင်ယူပြီးနောက် လင်းတင်းထျန်းကို အမှန်တကယ် စိန်ခေါ်ခဲ့သည်။

"ပါရမီရှင်စာရင်းအတွက် တိုက်ပွဲ!"

ထိုစကားလုံးများသည် လူများစွာ၏ စိတ်ထဲ၌ ပေါ်လာသည်။ လင်းတင်းထျန်က ဟွမ်ရွှမ်ဖေးနှင့် အခြားသူများကို လုံးဝ မယှဥ်နိုင်ပေ။ ဟွမ်ရွှမ်ဖေးနှင့်အခြားသူများပင် ပါရမီရှင်စာရင်းတွင် မပါနိုင်သော်လည်း လင်တင်းထျန်ကမူ ပါရမီရှင်စာရင်းဝင်ပုဂ္ဂိုလ်ဖြစ်ကာ သူ့အဆင့်က ချူးယွင်ဖန်းထက်ပင်မြင့်သည်။

ထို့ကြောင့် လူအများ စိတ်လှုပ်ရှားသွားကြသည်။ လင်တင်းထျန်ကချူးယွင်ဖန်းထက် အဆင့်မြင့်သည့်တိုင် ချူးယွင်ဖန်းထက် အဆင့်အနည်းငယ်သာ မြင့်သည်။

ထို့ကြောင့် ၎င်းက ပြင်းထန်သည့် တိုက်ပွဲတစ်ခု ဖြစ်လာမည်ကို သံသယဖြစ်ရန်မလိုပေ။

ပါရမီရှင်စာရင်းထဲမှ ပါရမီရှင်များတွင် ရာထူးနှင့်သြဇာ အဆင့်အတန်းမြင့်မားသဖြင့် အလွယ်တကူ တိုက်ခိုက်နိုင်မည်မဟုတ်ပေ။ ထို ပါရမီရှင်စာရင်းထဲမှ အဆင့်သတ်မှတ်ချက်များသည် ၎င်းတို့၏

ဘုန်းအသရေကိုသာမက ၎င်းတို့ဂိုဏ်း၏ ဘုန်းအသရေကိုပါ ကိုယ်စားပြုသည်။

ထို့ကြောင့် ၎င်းတို့က အလွယ်တကူ လှုပ်ရှားမှုတစ်ခု ပြုလုပ်လိုခြင်း မရှိပေ။ တစ်ခါ တိုက်ခိုက်ပြီးသည်နှင့် အနိုင်ရသူ ရှိလာမည်မှာ သေချာသည်။ သူတို့ အနိုင်ရလျှင် ကောင်းမည်ဖြစ်သော်လည်း တစ်ခါ ရှုံးနိမ့်သွားပါက အကျိုးဆက်များသည် မယုံနိုင်လောက်အောင် များပြားလိမ့်မည်။ သို့ဖြစ်၍ လူများစွာက ၎င်းတို့၏ ဘဝတစ်လျှောက်လုံးတွင် ပါရမီရှင်တိုက်ပွဲကို ဘယ်သောအခါကမျှ မမြင်ခဲ့ကြပေ။

"ဟမ်?" လင်တင်းထျန်က ချူးယွင်ဖန်းကို အေးစက်စွာကြည့်လိုက်သည်။

"မင်းက ငါ့ကို စိန်ခေါ်ရဲတဲ့သတ္တိရှိလို့လား။ ဘယ်လောက်တောင် မာနကြီးလိုက်လဲ။ ငါက သူတို့နဲ့ အတူတူပဲလို့ မင်းထင်နေတာလား"

လင်တင်းထျန်က သူ့ဒေါသကို ဖိနှိပ်ထားလိုက်သည်။ သူ့အမြင်အရ ချူးယွင်ဖန်းသည် ကောင်းကင်နှင့် မြေကြီး၏ ကြီးမားသော ပမာဏကို မသိပေ။ ချူးယွင်ဖန်းသည် အခြားစိန်ခေါ်သူများကို အနိုင်ယူခဲ့သော်လည်း သူ့အမြင်တွင် ၎င်းသည် သဘာဝကျသည်။ ပါရမီရှင်စာရင်းတွင် ပါဝင်သောလူများသည် ထိုကဲ့သို့သော လွှမ်းမိုးမှုရှိသင့်သော်လည်း ယခုအခါ ချူးယွင်ဖန်းသည် သူ့ကို တကယ်ပင် လှည့်ကြည့်လာခဲ့၏။

သို့သော်လည်း လင်တင်းထျန်က ဤနေရာသို့ မကောင်းသော ရည်ရွယ်ချက်ဖြင့် ရောက်လာသောကြောင့် ငြင်းဆန်ရန် မရည်ရွယ်ခဲ့ပေ။ ချူးယွင်ဖန်း၏ အကြံပြုချက်သည် သူလိုချင်သည့်အရာပင်ဖြစ်၏။

"ငါ့ရဲ့ ဓားရှည်က မြန်လားဆိုတာ သိချင်ရင် မင်းခေါင်းနဲ့ စမ်းသပ်ကြည့်ရအောင်"

ချူးယွင်ဖန်းသည် လင်တင်းထျန်၏ စကားများတွင် သတ်ဖြတ်လိုသော ရည်ရွယ်ချက်ကို ရှင်းရှင်းလင်းလင်း ခံစားမိနိုင်သည်။ ချူးယွင်ဖန်းကို စိန်ခေါ်ကာ ပါရမီရှင်စာရင်းတွင် အဆင့်တစ်ခု ရယူလိုသော အခြားသူများနှင့်မတူပေ။ လင်တင်းထျန်၏ စကားများသည် သတ်ဖြတ်ချင်စိတ်များနှင့်ပြည့်နေသည်။

"မင်းကိုယ်တိုင် ဒီကိုရောက်လာတာ မင်းသေချင်နေတယ်ဆိုရင် မင်းရဲ့ဆန္ဒကို ငါဖြည့်ဆည်းပေးမယ်။" ချူးယွင်ဖန်းက လှောင်ရယ်လိုက်သည်။

လင်တင်းထျန်လည်း ပြုံးလိုက်သည်။ ခဏအတွင်းမှာပင် ကြောက်မက်ဖွယ်ကောင်းသော ဓားအလင်းတန်းတစ်ခု ကောင်းကင်သို့ ထိုးတက်သွားပြီး သူ့ခန္ဓာကိုယ်တစ်ခုလုံးကို ဖုံးလွှမ်းသွားသည်။ ထို့နောက် မကြာမီ၌ပင် သူသည် ဓားနှင့် တစ်သားတည်းဖြစ်သော အခြေအနေသို့ ရောက်ရှိသွားသည်။

"စကြဝဠာအဆင့် အထွတ်အထိပ်!"

ကျန်းထိုင်ရွှမ်၏ မျက်လုံးများက တစ်စက္ကန့်လေးပင် မလွတ်သွားချင်သည့်အလား ပြူးကျယ်သွားသည်။ ယင်းက ပါရမီရှင်စာရင်း၏ နောက်ဆုံးအဆင့်၌ရှိသော လူတစ်ဦး၏ အစွမ်းဖြစ်ကာ သူမနှင့်ပါရမီရှင်စာရင်းက လက်ရွေးစင်များကြား မည်မျှ ထိကွာဟချက်ကြီးသည်ကို သူမသိချင်ခဲ့သည်။

လင်တင်းထျန်၏ ရုတ်တရက် ပေါက်ကွဲသံက လူတိုင်း၏ အာရုံကို ဖမ်းစားသွားခဲ့သည်။

ကြယ်ကြွေကောင်းကင်ဂိုဏ်းအကြီးအကဲများ၏ မျက်လုံးများလည်း ပြူးကျယ်သွားသည်။ သူ၏ ခွန်အားက စကြဝဠာအဆင့် အထွတ်အထိပ်သို့ရောက်နေပြီဖြစ်သည်။ ထိုခွန်အားနှင့် သူသည် ချူးယွင်ဖန်းကဲ့သို့ အခြေအနေမျိုး၌ပင် ဟွမ်ရွှမ်ဖေးနှင့် အခြားသူများကို အလွယ်တကူ အနိုင်ယူနိုင်သည်။

၎င်းတို့ပင် လင်တင်းထျန်၏ ပြိုင်ဘက်ဖြစ်ရန် မထိုက်တန်ပေ။

ထိုကဲ့သို့ ပါရမီရှင်တစ်ဦးက အဆင့်တစ်ခုကို ရောက်ရှိသွားပါက သူတို့အတွက် တူညီသောအဆင့်ရှိ ပြိုင်ဘက်တစ်ယောက်နှင့်တွေ့ဆုံရန် ခက်ခဲသွားလိမ့်မည်။ ၎င်းတို့က အင်အားကြီးရန်သူများကို နှိမ်နင်းနိုင်သည်။

"ချူးယွင်ဖန်း၊ မင်းသူတို့ကို အနိုင်ယူနိုင်ရုံနဲ့ ငါ့ကို အနိုင်ယူနိုင်တယ်လို့ မင်းထင်နေတာလား။ မင်း အရမ်းမှားနေပြီ။ အခု မင်းဟာ ပါရမီရှင်စာရင်းမှာ ပါသည်ဖြစ်စေ မပါသည်ဖြစ်စေ ဒီကိစ္စတွေက အများကြီးကွာတဲ့အကြောင်း ငါမင်းကို ပြပေးမယ်”

လင်တင်းထျန်၏ ခန္ဓာကိုယ်ပေါ်ရှိ ဓားအလင်းက ပို၍ သိပ်သည်းလာသည်။

၎င်းသည် အချိန်မရွေး ပြိုကျလာနိုင်ကာ ကျလာသည်နှင့် အရာအားလုံး ပျက်စီးသွားမည့်အချိန် ဖြစ်လိမ့်မည်။

ဘမ်း

လင်တင်းထျန်သည် နောက်ဆုံးတွင် သူ၏ ဓားအလင်းကို အဆုံးစွန်အထိ မြှောက်လိုက်ပြီး တိုက်ခိုက်လိုက်သည်။ သူ့မျက်လုံးများတွင် မာနတစ်စွန်းတစ်စ ပေါ်လာသည်။ သူ ချူးယွင်ဖန်းနှင့် ယခုစကားပြောရခြင်း၏ အကြောင်းရင်းမှာ အချိန်ဆွဲ၍ သူ၏ ဓားအလင်းကို အမြင့်ဆုံးအဆင့်ထိ လင်းလာစေရန်ဖြစ်သည်။

ဘမ်း

ဓားအလင်းတန်းက အောက်သို့ သက်ဆင်းလာကာ ကောင်းကင်ကို နှစ်ခြမ်းခွဲလိုက်သည်။ ပေထောင်ပေါင်းများစွာ မြင့်မားသော ဓားအလင်းတန်းက ဖြန့်ကျက်လျက် ချူးယွင်ဖန်း၏ မျက်နှာသို့ ချက်ချင်းရောက်ရှိသွားသည်။

ထိုအမြန်နှုန်းက ကြောက်မက်ဖွယ်ကောင်းလွန်းလှ၍ ဖော်ပြရန်ပင် မလွယ်လှပေ။

--