အခန်း ၁၈၅၆

အခန်း(၁၈၅၆) တစ်နှစ်တာအတွင်းပြောင်းလဲမှုများ

ချူးယွင်ဖန်းသည် ဤအရာကို သဘာဝအတိုင်း သတိပြုမိခဲ့သည်။

တကယ်တမ်းတွင် ချူးဟုန်ချိုင်က ထိုသတင်းကို ချူးယွင်ဖန်းအား ချက်ချင်းပြောပြခဲ့သည်။ ထိုလှိုင်းက ကြယ်ကြွေကောင်းကင်ဂိုဏ်းမှ ကြားနေအုပ်စုများအပေါ်သို့ များစွာအကျိုးသက်ရောက်မှုရရှိခဲ့သည်။ သို့သော် ကြယ်ကြွေကောင်းကင်ဂိုဏ်းသားများအတွက်မူ အခြားကိစ္စတစ်ခုဖြစ်သည်။

၎င်းတို့ ပြောသကဲ့ဆိုလျှင်ပင် ချူးယွင်ဖန်းက အသက်အရွယ်နှင့်ကျင့်ကြံမှုအရ ပါရမီရှင်စာရင်းထဲမှ အခြားသူများနောက်ကျကျန်ခဲ့မမည်ဖြစ်သော်လည်း သူ့အနာဂတ်က အကန့်အသတ်မရှိပေ။

ချူးယွင်ဖန်း၏ နောက်လိုက်ဖြစ်လာရန် ရွေးချယ်ခြင်းသည် လက်တလောအတွက် မဟုတ်ဘဲ အနာဂတ်အတွက် ရရင်းနှီးမြှုပ်နှံမှုတစ်ခုဖြစ်သည်။ ထို့ကြောင့် ထိုလမ်းကြောင်းကို စတင်ပြီးနောက်

လူများစွာက ထူးဆန်းသော စကားများပြောကြသော်လည်း အခြေနေတစ်ခုလုံးအပေါ် အကျိုးသက်ရောက်မှုမရှိလှပေ။

ချူးယွင်ဖန်းရုတ်တရက်သေဆုံးသွားခြင်းမရှိပါက ထိုထူးဆန်းသောစကားများသည် သူ၏အာဏာကို လှုပ်ခါရန် မလုံလောက်ပေ။ ဂိုဏ်း၏အကြီးအကဲများသည် ထိုအဓိပ္ပါယ်မရှိသောစကားများကို မယုံကြဘဲ အဆုံးစွန်အားဖြင့် အားလုံးက အနာဂတ်အတွက် ရင်းနှီးမြှုပ်နှံထားကြသည်။ ချူးယွင်ဖန်းသည် လက်ရှိပါရမီရှင်များထက် အနည်းငယ်နောက်ကျနေသော်လည်း ကြယ်ကြွေကောင်းကင်ဂိုဏ်းသားများအတွက် အလွန်အရေးကြီးသည်။

ထိုကျွမ်းကျင်သူများသည် အဆုံးမရှိ တိုးတက်နိုင်ကြမည်မဟုတ်ပေ။ ၎င်းတို့က အဆုံးထိ ရောက်အောင်သွားရမည်ဖြစ်ကာ ထိုအချိန်၌ပင် ချူးယွင်ဖန်းက သူ၏ အစွမ်းသတ္တိကို ပြသခဲ့သည်။

သို့သော်၊ ထိုအရာသည် လူတိုင်းထင်သည့်အရာဖြစ်သည်။ ချူးယွင်ဖန်းသည် ဤအကြောင်းကို ဘယ်သောအခါမှ မတွေးခဲ့ပေ။ နှစ်ပေါင်း ၁၀၀၀၀ သည် အလွန်ရှည်လျားကာ သူ မိနစ်တိုင်းကို ဆုပ်ကိုင်ထားရသည်။ အခြားသူများက ချူးယွင်ဖန်း ဖန်ဆင်းရှင်အဆင့်သို့ရောက်ရန် မည်မျှ ကြိုးစားအားထုတ်ခဲ့ကြောင်း မသိကြပေ။

သူသည် ဖန်ဆင်းခြင်းအဆင့်၏ ဉာဏ်အလင်းပွင့်ခြင်းအကြောင်း မှတ်စုများနှင့် စာအုပ်အမျိုးမျိုးကို မှတ်မိခဲ့သည်။ သူသည် ဖန်ဆင်းရှင်များစွာထက် ပိုမိုသိသည်။

သူ၏ တိုက်ခိုက်ရေးအစွမ်းကို အဆင့်တက်စေချင်ပါက များစွာ ကြိုးစားရန်လိုသည်။ အလွန်ခက်ခဲသော်လည်း မဖြစ်နိုင်ခြင်းမျိုးမဟုတ်ပေ။ တစ်ခါအောင်မြင်သွားပါက ချောမွေ့သော လမ်းခရီးတစ်ခုဖြစ်လာလိမ့်မည်။ လီချန်းယွမ်ကို အမြန်အဆန် အမှီလိုက်နိုင်မည်ဖြစ်ကာ ကျင့်ကြံမှုအဆင့်၏ ချည်နှောင်မှုကို ခံရတော့မည်မဟုတ်ပေ။

နောက်ပိုင်းကာလသည် ချူးယွင်ဖန်းအတွက် အညီအမျှအရေးကြီးသည်။ ပါရမီရှင်စာရင်းတွင်ပါဝင်သော ထိုပါရမီရှင်များသည် ၎င်းတို့ စွမ်းအားရှိသည်ဟု ထင်မြင်ကြကာ သူ့အတွက်ကြောင့် အသက်ကို မစတေးချင်ကြပေ။ ချူးယွင်ဖန်းသည်လည်း သူတို့အပေါ်တွင် အချိန်မဖြုန်းတီးလိုကြပေ။

နှစ်ဖက်လုံဂ တိတ်ဆိတ်သွားသည်နှင့် ချူးယွင်ဖန်းခုန်တက်လာခဲ့သည်။ သူသည် ပါရမီရှင်စာရင်းတွင် ၃၀ မြောက်နေရာရရှိခြင်းကိစ္စကို လူတိုင်းက မြန်မြန်ဆန်ဆန် မေ့လျော့သွားခဲ့ကြသည်။ ပါရမီရှင်စာရင်းရှိ အမည်စာရင်းပြောင်းလဲမှုများသည် ခဏတာ နာမည်ကြီးခဲ့သော်လည်း နောက်ဆုံးတွင်မူ လူငယ်မျိုးဆက်အကြား ထိပ်တိုက်ရင်ဆိုင်မှုတစ်ခုသာ ဖြစ်သွားခဲ့သည်။ ကမ္ဘာ့ထိပ်တန်းပုဂ္ဂိုလ်များအပေါ် အမှန်တကယ် သက်ရောက်မှုရှိသော ပါရမီရှင်များသည် မပြောင်းလဲခဲ့ပေ။

ထိုလေထုထဲ၌ အချိန်များ လျင်မြန်စွာကုန်ဆုံးသွားခဲ့ရာ မျက်စိတစ်မှိတ်အတွင်း၌ တစ်နှစ်ကုန်သွားသည်။ ထိုတစ်နှစ်အတွင်း တစ်ကမ္ဘာလုံးက ကြီးမားသော ပြောင်းလဲမှုများဖြစ်ခဲ့ရာ အကြီးမားဆုံးပြောင်းလဲမှုက ပါရမီရှင်စာရင်းပင်ဖြစ်သည်။

တစ်နှစ်ကျော်က ပါရမီရှင်စာရင်းတွင် မူလပါရမီရှင်စာရင်း၏ ထိပ်ဆုံးရှိ လီချန်းယွမ်သည် ဖန်ဆင်းရှင်အဆင့်ကို အောင်မြင်စွာဝင်ရောက်နိုင်ခဲ့သည်ဟု ကြေညာခဲ့သည်။ တစ်နှစ်ကျော်အတွင်း၌ ပါရမီရှင်စာရင်းထဲက လူတစ်ဝက်ကျော်က ဖန်ဆင်းရှင်အဆင့်ကို ရောက်ခဲ့သည်။

တစ်ခါတစ်ရံတွင် ပါရမီရှင်စာရင်း ပြောင်းလဲလေ့ရှိသည်။ မူလက ကျင့်ကြံမှုအဆင့်တူညီသော ပါရမီရှင်အများအပြားကို ခွဲထုတ်ခဲ့သည်။

လီချန်ယွမ်ပြီးနောက် ပါရမီရှင်များစွာသည် အချိန်တိုအတွင်း အောင်မြင်လာပုံရသည်။ ကျန်ရှိနေသောလူများအတွက်မူ အောင်မြင်ရန် မကြိုးစားရသေးသော်လည်း နီးကပ်လာပြီဖြစ်သည်။ ဤသည်မှာ ကြီးမားသောဂိုဏ်းအမျိုးမျိုး၏ အထက်လူကြီးများ မြင်တွေ့လိုသော အခြေအနေဖြစ်သည်။ အဆုံးစွန်အားဖြင့် ပါရမီရှင်အမျိုးမျိုး၏ ဆက်ဆံရေးသည် အချင်းချင်း ရန်လိုနေရုံဖြင့် မပြီးပေ။ ၎င်းသည် ယှဉ်ပြိုင်မှုနှင့် အပြန်အလှန် တိုးတက်လာမှုဖြစ်သည်။

တစ်နည်းအားဖြင့် ပါရမီရှင်စာရင်းရှိနေခြင်းက ဤပါရမီရှင်များ၏ မာနကို လှုံ့ဆော်ပေးခဲ့သည်။ မည်သူမျှ အခြားသူများထက် နောက်ကျကျန်လိုခြင်းမရှိပေ။ လွန်ခဲ့သော ခြောက်လခန့်ကပင် ဖန်ဆင်းရှင်အဆင့်သို့ ပထမဆုံးဝင်ရောက်ခဲ့သူ လီချန်းယွမ်သည် သူ၏အချက်အလက်များတွင် ပြောင်းလဲမှုတစ်ခုရှိခဲ့သည်။ သူသည် ယခုအခါ ဖန်ဆင်းရှင်အဆင့် ဒုတိယအဆင့်တွင် ရှိနေခဲ့သည်။

ဖန်ဆင်းရှင်ပထမအဆင့်သို့ ဝင်ရောက်ပြီးနောက် လီချန်းယွမ်သည် ဖန်ဆင်းရှင် ဒုတိယအဆင့်သို့ ဝင်ရောက်ရာတွင် ဦးဆောင်ခဲ့သည်။ ဤပြောင်းလဲမှုသည် လူများစွာကို တစ်ညတည်းဖြင့် သီးသန့်လေ့ကျင့်မှုသို့ ဝင်ရောက်ရန်နှင့် ၎င်းတို့၏အစွမ်းသတ္တိကို ရူးသွပ်စွာ မြှင့်တင်ရန် လှုံ့ဆော်ပေးခဲ့သည်။

ပါရမီရှင်စာရင်းရှိ ကျွမ်းကျင်သူထက်ဝက်ကျော်သည် ဖန်ဆင်းခြင်းအဆင့်သို့ ရောက်ရှိနေပြီဖြစ်သောကြောင့် ကျန်တစ်ဝက်သည် အနည်းဆုံး ခြောက်လ သို့မဟုတ် အများဆုံး တစ်နှစ်အတွင်း ဖန်ဆင်းရှင်အဆင့်သို့ ရောက်ရှိနိုင်လိမ့်မည်ဟု လူအများက ထင်ကြေးပေးကြသည်။ ထိုအချိန်တွင် ပါရမီရှင်စာရင်းသည် ကမ္ဘာကို တုန်လှုပ်စေသော ပြောင်းလဲမှုတစ်ခုကို ကြိုဆိုကြမည်ဖြစ်သည်။

ဤပါရမီရှင်များသည် ဖန်ဆင်းရှင်အဆင့်သို့ စုပေါင်းဝင်ရောက်သွားသည်နှင့် ၎င်းတို့ကို အလွန်တန်ဖိုးထားခံရသော ဂျူနီယာများဟုသာ ဆိုနိုင်မည်ဖြစ်သည်။ ပါရမီရှင်များနှင့် ပါရမီရှင်များစွာသည် ယခုအခါ ကမ္ဘာကြီးကို လွှမ်းမိုးနိုင်သည့် အစွမ်းသတ္တိကို ပိုင်ဆိုင်ထားကြသည်။ မည်သို့ပင်ကြည့်ကြည့် ဖန်ဆင်းရှင်အဆင့်ရှိသူကို ဂျူနီယာတစ်ဦးအဖြစ် ဆက်ဆံနိုင်မည်မဟုတ်ပေ။ ၎င်းတို့သည် ဒုတိယတန်းစားဂိုဏ်းတစ်ခု ဂိုဏ်းခေါင်းဆောင်အဆင့်တွင် ကြီးကျယ်သောပုဂ္ဂိုလ်များ ဖြစ်လာလိမ့်မည်။

ဤသို့မကြာခဏပြော်းလဲနေသည့် အခြေအနေကို ကိုင်တွယ်ဖြေရှင်းရန် အံ့ဖွယ်နန်းဆောင်က ယခုအချိန်မှစ၍ ပါရမီရှင်စာရင်း၏ အဆင့်သတ်မှတ်ချက်များကို ပုံမှန်မဟုတ်ဘဲ အချိန်နှင့်တပြေးညီ အဆင့်မြှင့်ပြောင်းလဲပေးမည်ဟု ကြေညာခဲ့သည်။ စာရင်းထဲမှ လူများ၏ အစွမ်းသတ္တိ ပြောင်းလဲမှုရှိနေသရွေ့ ချက်ချင်းပြပေးသွားပေလိမ့်မည်ဖြစ်၏။

ထိုသတင်းထွက်လာသောအခါ အကြီးအကျယ်ရုန်းရင်းဆန်ခတ်ဖြစ်ခဲ့သည်။ အံ့ဖွယ်နန်းဆောင်က ထိုသို့လုပ်ခဲ့သည်က ဤသည်မှာ ပထမဆုံးအကြိမ်ဖြစ်သည်။ ယခင်က ၎င်းတို့၏ ပါရမီရှင်စာရင်းအသစ်ကို တစ်ခါတစ်ရံထုတ်ပြန်လေ့ရှိသည်။ ပုံမှန်အားဖြင့် စာရင်းတွင်အချိန်အတန်ကြာ မည်သည့်ပြောင်းလဲမှုများမရှိပေ။ သို့သော် ချူးယွင်ဖန်းက စာရင်းထဲပါလာပြီးကတည်းက အခြေအနေက ရှုပ်ထွေးလာခဲ့သည်။

ထို့နောက် ပါရမီရှင်များ၏ ခွန်အားက နေ့စဥ်နှင့်အမျှ ပြောင်းလဲလာကာ တိုးတက်လာခဲ့သည်။

"လက်ရှိ ပါရမီရှင်တွေရဲ့ အစွမ်းသတ္တိတိုးလာတာနဲ့ ပါရမီရှင်စာရင်းရဲ့ မူလယန္တရားက လိုက်လျောညီထွေဖြစ်အောင် မလုပ်နိုင်တော့တဲ့အတွက်၊ ပါရမီရှင်စာရင်းကို အချိန်နဲ့တပြေးညီ ပြောင်းပေးလိုက်တဲ့ပုံစံကို ပြောင်းလိုက်တယ်"

ယင်းက အံ့ဖွယ်နန်းဆောင်က ပေးသော တစ်ခုတည်းသော ရှင်းပြချက်ဖြစ်ကာ နောက်ပိုင်းတွင်လည်း ၎င်းတို့ ပြန်ပေါ်မလာကြတော့ပေ။ သို့သော် ကြီးမားသော ရုန်းရင်းဆန်ခတ်ဖြစ်မှုက ပါရမီရှင်စာရင်းက ပါရမီရှင်များအားလုံးကို သက်ရောက်မှုရှိခဲ့သကဲ့သို့ ပါရမီရှင်စာရင်းနှင့် နီးစပ်နှင့်ပြီး ထိပ်တန်းပါရမီရှင်များကိုလည်း သက်ရောက်မှုရှိသည်။

ပါရမီရှင်စာရင်း၌ လူတစ်ရာသာပါသော်လည်း ပါရမီရှင်စာရင်းထဲ ဝင်ရန် အနည်းငယ်သာ လိုတော့သောလူများစွာရှိသည်။ ထိုအရေအတွက်က ဆယ်ဆ သို့မဟုတ် ဆယ်ဆထက်ပင် ပိုနိုင်သည်ဖြစ်ရာ ထိုလူများသည် ပါရမီရှင်စာရင်း၏ အချိန်နှင့်တပြေးညီပြောင်းလဲမှုများကိုပါ အာရုံစိုက်နေကြသည်။

အထူးသဖြင့် စာရင်းကို အချိန်နှင့်တပြေးညီ ပြောင်းပေးနေသဖြင့် ပါရမီရှင်စာရင်း၏ နောက်ဆုံးအပြောင်းအလဲကို စောင့်ဆိုင်းရန် မလိုအပ်တော့ပေ။ ၎င်းက ဤပါရမီရှင်များကို အပြင်းအထန် လေ့ကျင့်ရန် လှုံ့ဆော်ပေးခဲ့သည်။ အဆင့်သတ်မှတ်ချက်တွင် ပါဝင်သူများက ၎င်းတို့၏နေရာကို ထိန်းသိမ်းထားလိုကြကာ စာရင်းတွင် မပါဝင်သူများက စာရင်းတွင် ပါဝင်လိုကြသည်။

ဤပါရမီရှင်များအားလုံး သီးသန့်ကျင့်ကြံကြပြီးနောက် နေရာအနှံ့အပြားရှိ အခြေအနေများသည် ပါရမီရှင်များ အကြောင်းမကြားရတော့ဘဲ ငြိမ်သက်သွားခဲ့သည်။ ပြီးခဲ့သည့်နှစ်အတွင်း ကမ္ဘာကြီးသည် ရှားရှားပါးပါး ငြိမ်းချမ်းရေးကာလကို ကြိုဆိုခဲ့သည်။ ပွင့်လင်းမြင်သာသောနှင့် လျှို့ဝှက်သော ရုန်းကန်မှုအမျိုးမျိုးသည် ပို၍ သေးငယ်လာကာ ၎င်းတို့ထဲမှ တစ်ခုမျှ ကမ္ဘာကြီးကို လှုပ်ခါနိုင်ခြင်းမရှိပေ။

--