အခန်း ၁၉၆

အခန်း (၁၉၆) ရှေးခေတ်က နတ်မိစ္ဆာအင်အားစုတွေ တစ်ခုပြီးတစ်ခု နိုးထလာပြီး ခေတ်ကာလကြီးတစ်ခုကို ရောက်လာတော့မယ်

ခုံးဝူတောက်သည် ဆက်လက်၍ကျင့်ကြံပြီး ချိုးဖျက်မှုများ ပြုလုပ်နေစဉ် ကောင်းကင်ဘုံများ၏ နယ်မြေအသီးသီးတွင် ထူထပ်သိပ်သည်းသော မဟာတာအို ဥပဒေသများဖြင့် လုံးလုံးလျားလျား ဖုံးလွှမ်းခံထားရလေပြီ။မရေမတွက်နိုင်သော မဟာတာအို သဘာဝလွန်ဖြစ်စဉ်များ ထွက်ပေါ်လာပြီး နတ်ဘုရား အလင်းတန်းများ လှိုင်းထသွားပေ၏။ဟွမ်ကျိုး တာအိုနယ်မြေ...ဤသည်မှာ ကောင်းကင်ဘုံများ၏ နယ်မြေအသီးသီးတွင် ယေဘုယျအင်အားအရ ထိပ်တန်းတာအိုနယ်မြေတစ်ရာအနက်မှ တစ်ခုပင်။ရှေးဟောင်းကချေသည်မိသားစု...ကြီးမားသော ရှေးဟောင်းမိသားစုတစ်ခုအနေဖြင့်...ထို့ပြင် ကောင်းကင်ဘုံများ၏ နယ်မြေအသီးသီးတွင်ရှိသော ထိပ်တန်းရှေးဟောင်းမိသားစုများအနက်မှ တစ်ခုအနေဖြင့်... ရှေးဟောင်းကချေသည်မိသားစု၏ အမွေအနှစ်သည် မရေမတွက်နိုင်သော ခေတ်ကာလများတလျှောက် ကြီးမားကျယ်ပြန့်ခဲ့သည်။အတိတ်တွင် ရှေးဟောင်းကချေသည်မိသားစုသည် ဝူရှန်းဟုခေါ်သော ထူးကဲသည့် ကောင်းကင်ကံကြမ္မာ မဟာဧကရာဇ်တစ်ပါးကို မွေးထုတ်ပေးခဲ့လေ၏။ထိုရှေးဟောင်းခေတ်တွင် သူသည် သူ၏ အားကောင်းသော ပါရမီဖြင့် ကောင်းကင်ကံကြမ္မာ မဟာဧကရာဇ် အဆင့်အတန်းကို ရရှိခဲ့ရုံသာမက ကောင်းကင်ဧကရာဇ်ဟူသော ဘွဲ့ကိုလည်း အောင်မြင်စွာ ရရှိခဲ့သည်။ကောင်းကင်ဧကရာဇ် ဝူရှန်း၏ ခေါင်းဆောင်မှု အောက်တွင် ရှေးဟောင်းကချေသည်မိသားစုသည် ထိပ်တန်း ဧကရာဇ်ခုနစ်ပါးဂိုဏ်းတစ်ခုပင် ဖြစ်လာသည်။နောက်ပိုင်းမျိုးဆက်များသည်လည်း ကောင်းကင်ကံကြမ္မာ မဟာဧကရာဇ် နှစ်ပါးကို မွေးထုတ်ပေးခဲ့သည်။ရှေးဟောင်းကချေသည်မိသားစု၏ မရေမတွက်နိုင်သော နန်းတော်များနှင့် ခန်းမဆောင်များကို ဖြတ်သန်းသွားပြီးနောက် ဗဟိုချက်နေရာ၌...နတ်ဘုရားစမ်းရေများ ကောင်းကင်ကိုးထပ်မှ စီးကျလာပြီး မိုင်သောင်းနှင့်ချီသော ဟင်းလင်းပြင်နယ်ပယ်ကို ဖြတ်သန်း၍ ပျံ့နှံ့သွားသည်။ဤသည်မှာ ဝူရှန်းနန်းတော်ဖြစ်ပြီး ရှေးဟောင်းကချေသည်မိသားစု၏ အဓိကကျင့်ကြံခြင်း ဧရိယာပင်။ထိုနယ်မြေထဲတွင် လွင့်မျောနေသော တာအိုချီစွမ်းအင်သည် ဟွမ်ကျိုးတာအိုနယ်မြေ တစ်ခုလုံး၏ တာအိုချီစွမ်းအင်များ ဤနေရာတွင် စုစည်းနေသည့်အလား အစိုင်အခဲအဖြစ်သို့ပင် ရောက်ရှိလုဆဲဆဲ ဖြစ်နေလေပြီ။ဝူရှန်းနန်းတော်၏ အနက်ရှိုင်းဆုံး နေရာတွင် စွမ်းအားကြီးမားသော နတ်ဘုရားအလင်းတန်းများ တောက်ပနေပြီး အလွန်အမင်း ချောမောခန့်ညားသော အမျိုးသားတစ်ဦးသည် ပလ္လင်ခွေထိုင်၍ ကျင့်ကြံနေကာ ဤနေရာရှိ မဟာတာအိုဥပဒေသစွမ်းအားများကို ရူးသွပ်စွာ စုပ်ယူနေခဲ့သည်။ဤလူသည် ဝူမိသားစု၏တိုက်ရိုက်သွေးမျိုးဆက်မှ ဆက်ခံသူ ဝူဟွမ်ဖြစ်ပြီး ဝူရှန်း၏မြစ်လည်းဖြစ်သည်။သူသည် လမ်းကြောင်းခြောက်ခု အင်မော်တယ်အရိုးများ၊ မွေးရာပါ မြင့်မြတ်ခန္ဓာကိုယ် တာအိုသန္ဓေသား နှင့် ကောင်းကင်ဧကရာဇ် သွေးမျိုးဆက်တို့ကို ပိုင်ဆိုင်ထားပေ၏။ဝူဟွမ်သည် ရှေးခေတ်ကာလတစ်ခုတွင် အထွတ်အထိပ်၌ ရပ်တည်ခဲ့သော ပြိုင်ဘက်ကင်း ပါရမီရှင်တစ်ဦးလည်း ဖြစ်သည်။သူသည် သူ၏အိပ်မောကျနေခြင်းမှ မကြာသေးမီက နိုးထလာခဲ့သည်။သူသည် ခုံးဝူတောက်ကဲ့သို့ နှစ်သန်းပေါင်းများစွာ မအိပ်စက်ခဲ့သော်လည်း နှစ်ပေါင်းရှစ်သိန်းနီးပါး အိပ်စက်နေခဲ့ပေ၏။ဖော်ပြသင့်သည့်အချက်မှာ ကောင်းကင်ဘုံများ၏ နယ်မြေအသီးသီးရှိ အိပ်မောကျနေသော မရေမတွက်နိုင်သော ပါရမီရှင်များထဲတွင် ခုံးဝူတောက်သည် အသက်အငယ်ဆုံးဖြစ်ပြီး ကျင့်ကြံချိန် အတိုတောင်းဆုံးပင်။ထိုဖျက်ဆီးခြင်းခေတ်ကာလတွင် ခရမ်းစံအိမ်နယ်ပယ် အဆင့်ခုနစ် ကျင့်ကြံခြင်းရှိသော ခုံးဝူတောက်သည် မရေမတွက်နိုင်သော ဟင်းလင်းပြင်နတ်ဘုရားနယ်ပယ်နှင့် နတ်ဘုရားဘုရင်နယ်ပယ် ကျွမ်းကျင်သူများကို လုံးလုံးလျားလျား ကူကယ်ရာမဲ့ ဖြစ်သွားစေသည်။ထိုအချိန်မှာပင် နတ်ဘုရားစိတ်အာရုံတစ်ခုသည် ဟင်းလင်းပြင်ကို ရုတ်တရက် ချိုးဖျက်လာပြီး ဝူဟွမ်၏စိတ်ထဲသို့ ဝင်ရောက်သွားပေ၏။ဝူဟွမ်က ရုတ်တရက် မျက်လုံးဖွင့်လိုက်ရာ သူ၏မျက်လုံးများထဲတွင် မီးတောက်များ တလိမ့်လိမ့်ထနေပြီး သူ့မျက်လုံးသူငယ်အိမ်များ၏ အနက်ရှိုင်းဆုံး နေရာတွင် စိတ်ဝင်စားမှု အရိပ်အယောင်တစ်ခု ထွက်ပေါ်လာသည်။"အချိန်လေဟာနယ် တားမြစ်နယ်မြေ... ခုံးဝူတောက်...""နတ်ဘုရားဘုရင် ဓမ္မပုံရိပ်ယောင် ဆယ့်သုံးခုကို စုစည်းခဲ့တဲ့သူ... အခု ကောင်းကင်ဘုံတွေရဲ့ နယ်မြေအသီးသီးမှာ အတောက်ပဆုံး လူငယ်တားမြစ်ပါရမီရှင်...""စိတ်ဝင်စားစရာပဲ... ငါ့ရဲ့ ကျင့်ကြံခြင်းကို နတ်ဘုရားဘုရင်နယ်ပယ်အထိ မြှင့်တင်ပြီးတာနဲ့... ငါ မင်းကို သွားတွေ့ရမယ်..."သူတို့ကဲ့သို့ ရှေးဟောင်း ပါရမီရှင်များသည် ကျင့်ကြံခြင်း အရင်းအမြစ်များ ရှိနေသရွေ့ သူတို့၏ ကျင့်ကြံခြင်းကို အလွန်လျှင်မြန်စွာ မြှင့်တင်နိုင်သည်။သူ၏ကျင့်ကြံခြင်းကို အောင်မြင်စွာ မြှင့်တင်ပြီးနောက် ရှေးဟောင်းကချေသည်မိသားစု၏ ရှေးဟောင်းဘိုးဘေး အများအပြားက အလွန်အမင်း ချီးကျူးထားသော ခုံးဝူတောက်ကို သူ သေချာပေါက် သွားတွေ့ရပေလိမ့်မည်။ဘုရင်များသည် တခြားဘုရင်များနှင့် တွေ့ဆုံလေ့မရှိပေ။ သူတို့ တွေ့ဆုံချိန်၌ တစ်ယောက်ကမူ သေဆုံးရပေမည်။တစ်ချိန်တည်းမှာပင် တခြားထိပ်တန်းတာအိုနယ်မြေ အများအပြားသည်လည်း ရှေးဟောင်း မိသားစုများနှင့် ရှေးဟောင်းတာအိုနယ်မြေများ တစ်ခုပြီးတစ်ခု နိုးထလာသည်ကို မြင်တွေ့ခဲ့ရ၏။ရှန်ဟွမ် တာအိုနယ်မြေ...ကောင်းကင်ကိုးထပ် နတ်ဘုရားခန်းမ...ဤသည်မှာ စွမ်းအားကြီးမားသော ဧကရာဇ်ခုနစ်ပါးဂိုဏ်းတစ်ဂိုဏ်းပင်။ရှေးဟောင်းခေတ်များတွင် ထိုဂိုဏ်းသည် အင်မော်တယ်စစ်ပွဲ အများအပြားကို စတင်ခဲ့ပြီး စွမ်းအားကြီးမားသော မရေမတွက်နိုင်သည့် တာအိုနယ်မြေများကို အမြစ်ပြတ်သုတ်သင်ခဲ့သည်။အချိန်များ ကုန်ဆုံးသွားသော်လည်း ထိုဂိုဏ်းသည် အရှုံးမပေးဘဲ မားမားမတ်မတ် ရပ်တည်နေဆဲပင်။ယခုအချိန်တွင် ဂိုဏ်းအတွင်း၌ ထူထပ်သိပ်သည်းသော မဟာတာအို ဥပဒေသများ တလိမ့်လိမ့်ထပြီး ပျံ့နှံ့နေသည်။မရေမတွက်နိုင်သော ကောင်းကင်ကိုးထပ် နတ်ဘုရားခန်းမ ကျွမ်းကျင်သူများ၏ မျှော်လင့်တကြီး အကြည့်အောက်တွင် တံခါးပိတ် ကျင့်ကြံနေခဲ့သော ရှေးဟောင်း ပါရမီရှင်များသည် တစ်ယောက်ပြီးတစ်ယောက် နိုးထလာခဲ့ကြ၏။ဝုန်း....ကောင်းချီမြေနေရာတစ်ခုမှ အမြင့်မြတ်ဆုံး နတ်ဘုရား အလင်းတန်းများဖြင့် ဝန်းရံထားသော လူငယ်အင်မော်တယ် တစ်ပါးကဲ့သို့ ပုံရိပ်တစ်ခုသည် ကောင်းကင်ယံသို့ ပျံသန်းသွားခဲ့သည်။သူ၏အရှိန်အဝါသည် လူငယ်နတ်ဘုရားတစ်ပါးအလား အလွန်အားကောင်းလှ၏။အမှန်အားဖြင့် သူသည် နှစ်တစ်သိန်းလေးသောင်းခန့်သာ အိပ်စက်ခဲ့ပြီး သူ၏လက်ရှိအသက်သည် နှစ်ဆယ့်နှစ်နှစ်သို့ ရောက်ရှိနေလေပြီ။သို့သော် ထိုသို့ဆိုလျှင်ပင် သူ့ထံမှ ထွက်ပေါ်လာသော ကြီးမားကျယ်ပြန့်သည့် အရှိန်အဝါသည် သူ၏ ကြောက်မက်ဖွယ်ကောင်းသော စွမ်းအားကို အပြည့်အဝ ထုတ်ဖော်ပြသနေသည်။ချူကျင်းရှန်း....သူသည် ကောင်းကင်ကိုးထပ် နတ်ဘုရားခန်းမ၏ ထိပ်တန်း ရှေးဟောင်းပါရမီရှင်ပင်။သူသည် မသေမျိုးနတ်ဘုရားဘုရင်အရိုးကို ပိုင်ဆိုင်ထားရုံသာမက အချုပ်အနှောင်များကို ချိုးဖျက်နိုင်သော မွေးရာပါ အထီးကျန် ရှေးဟောင်းမြင့်မြတ်ရုပ်ခန္ဓာကိုယ်ကိုလည်း ပိုင်ဆိုင်ထားပေ၏။မွေးရာပါ အထီးကျန် ရှေးဟောင်းမြင့်မြတ်ရုပ်ခန္ဓာကိုယ်သည် တာအို ရုပ်ခန္ဓာကိုယ်များကြားတွင် အဆင့်မြင့်ဆုံး ရုပ်ခန္ဓာကိုယ်တစ်ခု ဖြစ်နေလေပြီ။ထိုအရာ၏စွမ်းအား တစ်ခုတည်းက ဥပဒေသ အားလုံးကို ချိုးဖျက်နိုင်ပြီး ကောင်းကင်နှင့်မြေကြီး၏ ဟင်းလင်းပြင်ကို ခြေမွှဖျက်ဆီးနိုင်သည်။အချုပ်အနှောင်များကို ချိုးဖျက်နိုင်သော မွေးရာပါ အထီးကျန် ရှေးဟောင်းမြင့်မြတ်ရုပ်ခန္ဓာကိုယ်ပိုင်ရှင်သည် ပြိုင်ဘက်ကင်းဘုရင်တစ်ပါးဖြစ်ကာ သူသည် မွေးဖွားလာစဥ်ကတည်းက ပြိုင်ဘက်ကင်းနေသည်။ သူသည် မဟာတာအို၏အထွတ်အထိပ်တွင် ရပ်တည်ရန် မွေးဖွားလာခြင်းပင်။"တာအိုသားတော်... နှုတ်ခွန်းဆက်သပါတယ်"ကောင်းကင်ကိုးထပ် နတ်ဘုရားခန်းမမှ မရေမတွက်နိုင်သော ကျွမ်းကျင်သူများက ကောင်းကင်ကို တုန်ခါသွားစေသော အသံများဖြင့် အော်ဟစ်ကာ သူတို့၏ လက်များကို ပူးဆုပ်လိုက်ကြ၏။ကောင်းကင်ယံ အထက်တွင် ချူကျင်းရှန်းသည် သူ၏ လက်များကို နောက်ပစ်ပြီး မတ်တတ်ရပ်နေသည်။သူ​၏မျက်လုံးများတွင် အလင်းရောင်များဖြင့် တောက်ပနေကာ မိုင်သောင်းနှင့်ချီသော ဟင်းလင်းပြင်ကို ထိုးဖောက်ကာ မိုးကုတ်စက်ဝိုင်းကို ကြည့်နေသည်။"ဒီကောင်းကင်ဘုံတွေ နိုးထခြင်း ခေတ်မှာ... ကောင်းကင်ဘုံ အုပ်စိုးသူ ရုပ်ခန္ဓာကိုယ်ရဲ့ အုပ်စိုးသူအရှင်၊ အထွတ်အမြတ် မျက်လုံးသူငယ်အိမ်တွေကြားက အထွတ်အမြတ် ဘုရင်နဲ့ ရုပ်ခန္ဓာကိုယ် ဘုရင်တွေကို ပိုင်ဆိုင်ထားတဲ့ တခြားသူတွေ ထွက်ပေါ်လာမလားလို့ ငါ တွေးမိတယ်...""ဘာပဲဖြစ်ဖြစ်... ဒီကောင်းကင်ဘုံတွေ နိုးထခြင်း ခေတ်မှာတောင်... ငါ ချူကျင်းရှန်း တစ်ယောက်တည်းကပဲ တခြားပါရမီရှင်တွေအားလုံးကို ဖိနှိပ်ပြီး ကောင်းကင်ဧကရာဇ် အဆင့်အတန်းကို ရရှိနိုင်မယ်..."ရှေးဟောင်း နတ်မိစ္ဆာမျိုးနွယ်စု တာအိုနယ်မြေ...အစစ်အမှန်နဂါး ရှေးဟောင်းမျိုးနွယ်စု...ဤသည်မှာ နတ်မိစ္ဆာမျိုးနွယ်စု၏ နဂါး မျိုးနွယ်စု အများအပြားအတွက် စုစည်းရာနေရာပင်။သူတို့၏စွမ်းအားမှာ ကြောက်မက်ဖွယ်ကောင်းပြီး သူတို့သည်လည်း ဧကရာဇ်ခုနစ်ပါးဂိုဏ်းအဆင့်တွင် ပါဝင်ပေ၏။သူတို့၏စွမ်းအားသည် ရှေးဟောင်းဖီးနစ်မျိုးနွယ်စု၏ စွမ်းအားနှင့် ယှဉ်ပြိုင်နိုင်သည်။အစစ်အမှန်နဂါး ရှေးဟောင်းမျိုးနွယ်စု တစ်ခုလုံးကို အစစ်အမှန် နဂါးသွေးမျိုးဆက်ရှိသည့် ထိပ်တန်း နဂါးမျိုးနွယ်စုများဖြင့် ဖွဲ့စည်းထားပေသည်။သူတို့ထဲတွင် အားအကောင်းဆုံး နဂါးမျိုးနွယ်စုမှာ ခြေသည်းကိုးချောင်း ရွှေနဂါးမျိုးနွယ်စု ဖြစ်သည်ဟု ဆိုကြ၏။သူတို့သည် နဂါးမျိုးနွယ်စုများကြားတွင် ဘုရင်များအနက်မှ ဘုရင်များဖြစ်ပြီး သူတို့၏သွေးမျိုးဆက်မှ ရှေးဟောင်းသမိုင်းကြောင်းသည် ကမ္ဘာဦးခေတ်အထိပင် ပြန်လည်​၍ ခြေရာခံနိုင်သည်။ဝေါင်း...ထိုအချိန်မှာပင် လောကကြီးကို တုန်ခါစေသော နဂါး ဟိန်းသံကြီးတစ်သံက ကောင်းကင်နှင့်မြေကြီးတခွင်လုံး၌ ရုတ်တရက် ပဲ့တင်ထပ်သွားသည်။ကြီးမားကျယ်ပြန့်သော နဂါးအရှိန်အဝါသည် အစစ်အမှန်နဂါး ရှေးဟောင်းမျိုးနွယ်စု၏ အနက်ရှိုင်းဆုံးနေရာမှ တလိမ့်လိမ့်ထလာပြီး ကောင်းကင်ယံတွင် စုစည်းကာ အရပ်မျက်နှာအဘက်ဘက်ကို လွှမ်းခြုံသွားသည်။​ဤသည်က မရေမတွက်နိုင်သော နတ်မိစ္ဆာ မျိုးနွယ်စုဝင်များကို တုန်ယင်သွားစေပြီး သူတို့က အစစ်အမှန်နဂါး ရှေးဟောင်းမျိုးနွယ်စုထံသို့ ဦးညွှတ်လိုက်ကြ၏။"ဒီနေ့... ငါတို့ အစစ်အမှန်နဂါး ရှေးဟောင်းမျိုးနွယ်စုက လောကကြီးထဲကို ဝင်ရောက်လာပြီလို့ တရားဝင် ကြေညာလိုက်တယ်...""ဒီခေတ်ရဲ့ ကံကြမ္မာက ငါတို့အစစ်အမှန်နဂါး ရှေးဟောင်းမျိုးနွယ်စုနဲ့ သက်ဆိုင်တယ်..."လျှို့ဝှက်ကြယ်တာရာ ကောင်းကင်ယံတစ်ခုတွင် တောက်ပသော အလင်းရောင်များ စီးဆင်းနေပြီး တာအိုညှို့ဓာတ်များ ပျံ့နှံ့နေသည်။စွမ်းအားကြီးမားသော အဘိုးအိုတစ်ဦးသည် ဟင်းလင်းပြင် အက်ကွဲကြောင်း တစ်ခုကို စောင့်ကြပ်နေခဲ့သည်။သူက သူ၏လက်များကို ပူးဆုပ်ကာ အရိုအသေပြုပြီး ထိုအက်ကွဲကြောင်းထဲသို့ တစ်စုံတစ်ခုကို သတင်းပို့နေပုံရသည်။"နန်ကုန်းရှင်းယွဲ့...""ကောင်းကင်ဘုံတွေရဲ့ နယ်မြေအသီးသီး နိုးထခြင်း ခေတ်က အဆင့်သစ်တစ်ခုကို ရောက်ရှိသွားပြီ...မရေမတွက်နိုင်တဲ့ ရှေးဟောင်းအင်အားစုတွေက တစ်ခုပြီးတစ်ခု နိုးထလာကြပြီ..."ဤသည်မှာ ထျန်းကွမ်တားမြစ်နယ်မြေမှ မဟာဧကရာဇ် ကျွမ်းကျင်သူတစ်ဦးပင်။နန်ကုန်းရှင်းယွဲ့သည် သူမ၏ကျင့်ကြံခြင်းကို မြှင့်တင်ရန်အတွက် ထျန်းကွမ် တားမြစ်နယ်မြေ၏ အမွေအနှစ် နယ်မြေ အတွင်းသို့ ဝင်ရောက်နေစဉ် သူက သတင်းအချက်အလက်များကို လက်ဆင့်ကမ်းပေးရန် တာဝန်ရှိသည်။"နတ်ဘုရားသားတော်အရှင် ခုံးဝူတောက်ဆီက ဘာလှုပ်ရှားမှုမှ မရှိသေးဘူး... သူ မကြာသေးခင်က တံခါးပိတ် ကျင့်ကြံနေလောက်တယ်...""နားလည်ပြီ..."လောကီနှင့်ကင်းကွာသော အမျိုးသမီးအသံတစ်သံ ထိုအထဲမှ ထွက်ပေါ်လာခဲ့သည်။ "ခုံးဝူတောက်ရဲ့ သွားလာလှုပ်ရှားမှုတွေကို အချိန်တိုင်း ငါ့ကို သတင်းပို့ပါ...""ငါ တံခါးပိတ် ကျင့်ကြံခြင်းကနေ ထွက်လာပြီးတဲ့နောက်မှာ... သူ့ကို ငါ တွေ့ချင်တယ်...""ဟုတ်ကဲ့ပါ...သခင်မလေးနန်ကုန်း.."ထျန်းကွမ် တားမြစ်နယ်မြေမှ ဤမဟာဧကရာဇ် ကျွမ်းကျင်သူသည် ကူကယ်ရာမဲ့မှု အရိပ်အယောင်တစ်ခုကို ခံစားလိုက်ရ၏။သူတို့၏သခင်မလေးဖြစ်သော နန်ကုန်းရှင်းယွဲ့က ခုံးဝူတောက်အကြောင်းကို အမှန်တကယ်ပင် အလွန် ဂရုစိုက်ကြောင်း သူ ဝန်ခံရပေမည်။သူမသည် တစ်ချိန်လုံး တံခါးပိတ် ကျင့်ကြံနေသော်လည်း သူ့အား ခုံးဝူတောက်၏ လှုပ်ရှားမှုများကို အမြဲတစေ စောင့်ကြည့်နေခိုင်းဆဲပင်။သူမ တံခါးပိတ် ကျင့်ကြံခြင်းမှ ထွက်လာသောအခါ ခုံးဝူတောက်၏ သဲလွန်စကို မရှာတွေ့နိုင်မည်အား သူမ ကြောက်ရွံနေခြင်းဖြစ်သည်။သူတို့၏သခင်မလေး နန်ကုန်းရှင်းယွဲ့က ဤမျှထိ သိသာနေသည်ကို ထိုကောင်လေး ခုံးဝူတောက်က ဂရုမစိုက်သကဲ့သို့ နေနေခြင်းမှာ အမှန်တကယ်ကို နှမြောစရာပင်။ကောင်းကင်ဘုံများ၏ နယ်မြေအသီးသီးသည် ကျယ်ပြောပြီး အဆုံးအစမရှိပေ။ဤမြင်ကွင်း အနည်းငယ်သည် မရေမတွက်နိုင်သော ရှေးဟောင်းအင်အားစုများ၏ လှုပ်ရှားမှုများမှ အရိပ်အမြွက် အနည်းငယ်သာ ဖြစ်ပေ၏။အလားတူ မြင်ကွင်းများ မည်မျှထိ ရှိနေမည်ကို မည်သူ သိနိုင်မည်နည်း...ခေတ်အဆက်ဆက် အိပ်မောကျနေခဲ့သော ထိပ်တန်း ပါရမီရှင်များ ရှေးဟောင်း ပါရမီရှင်များ မည်မျှထိ ပြန်လည်၍ ထွ​က်ပေါ်လာမည်ကို မည်သူ သိနိုင်မည်နည်း...သူတို့တစ်ဦးစီသည် ထိပ်တန်းရုပ်ခန္ဓာကိုယ်များနှင့် ကောင်းကင်ကို အန်တုနိုင်သော နားလည်နိုင်စွမ်းတို့ကို ပိုင်ဆိုင်ထားကြသည်။သူတို့သည် ခုံးဝူတောက်လောက် အချိန်ကြာမြင့်စွာ မအိပ်စက်ခဲ့လျှင်ပင် ဤခေတ်တွင် လုံလောက်အောင် တောက်ပနေဆဲဖြစ်ပြီး အရာအားလုံးကို ဖယ်ရှားကာ မျိုးနွယ်စုအားလုံးကို ခြေမွှဖျက်ဆီးနိုင်လောက်အောင် သန်မာအားကောင်းနေသည်။ဖော်ပြသင့်သည့်အချက်မှာ ကောင်းကင်ဘုံများ၏ နယ်မြေအသီးသီးသည်လည်း အံ့အားသင့်ဖွယ် အသွင်ပြောင်းမှုတချို့ကို ကြုံတွေ့ခဲ့ရခြင်းပင်။နိုးထခြင်းခေတ်သည် အဆင့်သစ်တစ်ခုသို့ ရောက်ရှိလာသည်နှင့်အမျှ ကောင်းကင်ဘုံများမှ နယ်မြေအသီးသီး၏ ကောင်းကင်ကံကြမ္မာ မဟာတာအိုသည် ကောင်းကင်ဘုံများရှိ မရေမတွက်နိုင်သော သက်ရှိများထံသို့ သေးငယ်သော လက်ဆောင်တချို့ကိုလည်း ယူဆောင်လာပေးခဲ့၏။ဥပမာအနေဖြင့်... တခြားကမ္ဘာများမှ ကူးပြောင်းလာသူများ သို့မဟုတ် စနစ်ဟုခေါ်သော အရာတစ်ခုကို ပိုင်ဆိုင်ထားသူများပင်။ဤနိုးထခြင်းခေတ်တွင် တခြားအချိန်လေဟာနယ်များမှ ဤသက်ရှိများသည် စွမ်းအားကြီးမားသော မရေမတွက်နိုင်သည့် ပါရမီရှင်များ ရှေးဟောင်း ပါရမီရှင်များနှင့်အတူ ကံကြမ္မာအတွက် ယှဉ်ပြိုင်ကြပေလိမ့်မည်။သို့သော် ဤလူများအတွက် ကံမကောင်းစွာဖြင့် ဤခေတ်ကာလတွင် လောကရှိ အရာအားလုံးကို အမဲလိုက်နိုင်သော မုဆိုးတစ်ဦး ပေါ်ပေါက်လာခဲ့လေပြီ။