အခန်း ၁၉၉

အခန်း (၁၉၉) မြေအောက်ကမ္ဘာကိုးထပ်ဆီသို့ ဆင်းသက်ပြီး စနစ်ပုံစံကို ချည်နှောင်ထားသူ

"နတ်ဘုရားသားတော်အရှင်..."ခုံးဝူတောက်သည် အချိန်လေဟာနယ် ပင်မခန်းမမှ ထွက်လာပြီးနောက်...အပြင်ဘက်တွင် စောင့်ဆိုင်းနေသော ခုံးကျန်းယွဲ့နှင့် တခြား ဧကရာဇ်သားတော်များ သမီးတော်များသည် သူ့ကို နှုတ်ဆက်ရန် ချက်ချင်း ရှေ့သို့ထွက်လာခဲ့ကြ၏။ထိုအဖွဲ့ကို ဦးဆောင်လာသော ခုံးကျန်းယွဲ့က သူမ၏ လက်များကို ပူးဆုပ်ကာ ဦးညွှတ်အရိုအသေပြုပြီး ပြောလိုက်သည်။"နတ်ဘုရားသားတော်အရှင်...သခင်က လေ့ကျင့်ရေးအတွက် နယ်နိမိတ် ပင်လယ်ဒေသကို သွားမယ်လို့ ကျွန်မ ကြားတယ်""ကျန်းယွဲ့က သခင့်ရဲ့နောက်ကို လိုက်ခဲ့လို့ ရမလား""ရွှမ်ယန်လည်း နတ်ဘုရားသားတော်အရှင်ရဲ့နောက်ကနေ နယ်နိမိတ် ပင်လယ်ဒေသဆီ လိုက်ချင်တယ်""ကျွန်တော်တို့လည်း နတ်ဘုရားသားတော်အရှင်ရဲ့နောက်ကို လိုက်ချင်တယ်"တခြားဧကရာဇ် သားတော်များနှင့် သမီးတော်များသည်လည်း သူတို့၏လက်များကို ပူးဆုပ်ကာ တောင်းဆိုလိုက်ကြ၏။လက်ရှိတွင် ခုံးဝူတောက်သည် သူတို့ အချိန်လေဟာနယ် တားမြစ်နယ်မြေ၏ မျက်နှာစာပင်။သူတို့၏ အစပိုင်းမောက်မာမှုများကို အချိန်အတော်ကြာကတည်းက စွန့်လွှတ်ခဲ့ပြီး ဖြစ်ပေ၏။ထိုအစား သူတို့သည် ခုံးဝူတောက်ကို သူတို့၏ အမာခွံကျောရိုးအဖြစ် သတ်မှတ်ထားကြသည်။မကြာသေးမီက ရှေးဟောင်းအင်အားစု အများအပြားသည် တစ်ခုပြီးတစ်ခု နိုးထလာခဲ့ကြပြီး ရှေးဟောင်း ပါရမီရှင်များသည်လည်း လူသားမျိုးနွယ်တွင် ပြန်လည်၍ ပေါ်ပေါက်လာသည်။သူတို့၏ နတ်ဘုရားသားတော်အရှင်က သူတို့ကို ဦးဆောင်ကာ အရပ်မျက်နှာအဘက်ဘက်ကို တံမြက်လှည်းသကဲ့သို့ ရှင်းလင်းပြီး မရေမတွက်နိုင်သော ပါရမီရှင်များကို ဖိနှိပ်နိုင်လိမ့်မည်ဟု သူတို့ မျှော်လင့်နေကြသည်။ခုံးဝူတောက်က ရယ်မောပြီး ခေါင်းခါယမ်းလိုက်၏။"အခု ကောင်းကင်ဘုံများ နိုးထခြင်းခေတ်က အဆင့်သစ်တစ်ခုကို ရောက်သွားပြီ...မရေမတွက်နိုင်တဲ့ ရှေးဟောင်း ပါရမီရှင်တွေ ထွက်ပေါ်လာတယ်""ဒီပါရမီရှင်တွေကြားက ယှဉ်ပြိုင်မှုမှာ အခွင့်အရေးတွေ ပိုရဖို့အတွက် ပထမ ဦးစားပေးက ကိုယ့်ရဲ့ ကျင့်ကြံခြင်းကို အလျှင်အမြန် မြှင့်တင်ဖို့ပဲ"ဤစကားများကို ကြားလိုက်ရသောအခါ ခုံးကျန်းယွဲ့နှင့် တခြားသူများ၏ မျက်လုံးများသည် သိသိသာသာ မှေးမှိန်သွားခဲ့၏။နတ်ဘုရားသားတော်အရှင် ခုံးဝူတောက်သည် သူတို့ကို တိုက်ရိုက်ငြင်းပယ်ခြင်း မရှိသော်လည်း...သူ၏ စကားများထဲရှိအဓိပ္ပာယ်မှာ သိသာရှင်းလင်းနေသည်။ထိုအချက်က သူတို့၏ ကျင့်ကြံခြင်းသည် နှိုင်းယှဉ်ချက်အားဖြင့် အားနည်းနေဆဲဖြစ်ပြီး သူတို့၏ ကျင့်ကြံခြင်းကို ဦးစွာမြှင့်တင်ရန် လိုအပ်ကြောင်း ဆိုလိုခြင်းပင်။သူတို့သည် ဤနယ်နိမိတ် ပင်လယ်ဒေသ ခရီးစဉ်တွင် နတ်ဘုရားသားတော်အရှင် ခုံးဝူတောက်၏နောက်သို့ လိုက်နိုင်မည် မဟုတ်လောက်ချေ။"ဒါပေမယ့် သင့်လျော်တဲ့ လေ့ကျင့်ရေးနဲ့ တံခါးပိတ် ကျင့်ကြံခြင်းပေါင်းစပ်မှုက များသောအားဖြင့် ကျင့်ကြံခြင်းစွမ်းအားကို ပိုပြီးမြန်မြန် တိုးတက်စေတယ်"ခုံးဝူတောက်က အကြောင်းအရာကို နောက်တစ်ကြိမ် ပြောင်းလိုက်သည်။ "ဒီတစ်ကြိမ်တော့ မင်းတို့က ငါ့ရဲ့နောက်ကို လိုက်ပြီး နယ်နိမိတ် ပင်လယ်ဒေသဆီ လေ့ကျင့်ရေး ဆင်းရမယ်... ပြီးတော့ မင်းတို့က နတ်ဘုရားဘုရင်နယ်ပယ် ဒါမှမဟုတ် သူတော်စင်နယ်ပယ်အထိတောင် ချိုးဖျက်ဝင်ရောက်ရမယ်""ဘာပဲဖြစ်ဖြစ် မင်းတို့က ငါတို့အချိန်လေဟာနယ် တားမြစ်နယ်မြေရဲ့ ဧကရာဇ် သားတော်တွေနဲ့ သမီးတော်တွေလေ...တခြားသူတွေရဲ့ ရှေ့မှာ မင်းတို့ နောက်ကျကျန်ခဲ့လို့ မရဘူး"ခုံးကျန်းယွဲ့နှင့်တခြားသူများသည် အစပိုင်းတွင် အနည်းငယ် မှင်သက်သွားကြပြီး သူတို့၏ မှေးမှိန်နေသောမျက်လုံးများသည် အံ့အားသင့်ဖွယ်အရှိန်ဖြင့် သိသိသာသာ တောက်ပလာသည်။ဤသည်မှာ နတ်ဘုရားသားတော်အရှင် ခုံးဝူတောက်က သူတို့ကို သူ့နောက်သို့လိုက်ပြီး နယ်နိမိတ် ပင်လယ်ဒေသဆီသွားရန် သဘောတူလိုက်ခြင်းပင်။"နတ်ဘုရားသားတော်အရှင်...သခင် စိတ်မပူပါနဲ့ လေ့ကျင့်ရေး ကာလအတွင်းမှာ ကျွန်တော်တို့က အဆတစ်ရာ ပိုကြိုးစားပြီး သေချာပေါက် ကျင့်ကြံပါ့မယ်""အမှန်ပဲ... ကျွန်တော်တို့က နတ်ဘုရားသားတော်အရှင် ဒါမှမဟုတ် ကျွန်တော်တို့ရဲ့ အချိန်လေဟာနယ် တားမြစ်နယ်မြေကို လုံးဝအရှက်ရစေမှာ မဟုတ်ပါဘူး"သူ၏နောက်မှ ခုံးကျန်းယွဲ့နှင့် တခြားသူများ၏ ဝမ်းသာအားရ အော်ဟစ်သံများကို နားထောင်ရင်း...ခုံးဝူတောက်သည် ရယ်မောပြီး ခေါင်းခါယမ်းလိုက်၏။သူတို့၏ကျင့်ကြံခြင်းသည် ထိုထိပ်တန်းရှေးဟောင်း ပါရမီရှင်များကို မယှဉ်နိုင်လျှင်ပင် ကိစ္စမရှိချေ။မည်သို့ပင်ဆိုစေကာမူ သူသည် ဤလူများကို ကာကွယ်ပေးရပေလိမ့်မည်။အကယ်၍ ထိုရှေးဟောင်း ပါရမီရှင်များက သူ၏ပတ်ဝန်းကျင်ရှိ လူများကို အန္တရာယ်ပြုရန် ရဲတင်းခဲ့ပါက...မည်သူမည်ဝါ ဖြစ်နေပါစေ..သူတို့၏ နတ်ဘုရားစိတ်ဝိညာဉ်ကို သူ သေချာပေါက် ခြေမွှဖျက်ဆီးပစ်ပေမည်။.........ရက်အနည်းငယ်သည် မျက်စိတစ်မှိတ်အတွင်း ကုန်ဆုံးသွားခဲ့၏။ယနေ့တွင် ကောင်းကင်အလင်းမိုးပြာနဂါးကို စီးနင်းလာသည့် ခုံးဝူတောက်သည် အချိန်လေဟာနယ် တားမြစ်နယ်မြေမှ ဧကရာဇ် သားတော်များနှင့် သမီးတော်များအဖွဲ့ကို ဦးဆောင်ပြီး အချိန်လေဟာနယ် တားမြစ်နယ်မြေမှ ထွက်ခွာလာခဲ့သည်။အမှောင်ထဲတွင် ပုန်းကွယ်နေသော တာအို အစောင့်အရှောက်များမှလွဲ၍...ခုံးဝူတောက်သည် ဤခရီးစဉ်တွင် သူ၏ကိုယ်ပိုင် တာအို အစောင့်အရှောက်များကိုသာ ခေါ်ဆောင်လာခဲ့၏။သူတို့၏ အရေအတွက် နည်းပါးသော်လည်း သူတို့တစ်ဦးစီသည် ပြိုင်ဘက်ကင်း ပါရမီရှင်တစ်ဦး ဖြစ်ကြသည်။အချိန်လေဟာနယ် တားမြစ်နယ်မြေ၏ သွားလာလှုပ်ရှားမှုများကို ဂရုတစိုက် အာရုံစိုက်နေကြပြီဖြစ်သော အင်အားစုအများအပြားသည်...ခုံးဝူတောက် အချိန်လေဟာနယ် တားမြစ်နယ်မြေမှ ထွက်ခွာသွားပြီဖြစ်ကြောင်းကို ချက်ချင်းသိရှိသွားသည်။"တစ်လကျော်လောက် ငြိမ်သက်နေခဲ့တဲ့ ခုံးဝူတောက်က နောက်ဆုံးတော့ လှုပ်ရှားလိုက်ပြီလား... သူက ကောင်းကင်ဘုံတွေရဲ့ နယ်မြေအသီးသီးကို ဆက်ပြီး ခရီးသွားလာဖို့ ရည်ရွယ်ထားတာလား""ခုံးဝူတောက် ကောင်းကင်ဘုံတွေရဲ့ နယ်မြေအသီးသီးကို ခရီးသွားတဲ့ အချိန်တိုင်း သူက တော်တော်လေး ကသောင်းကနင်း ဖြစ်စေတယ်... ဒီတစ်ကြိမ် သူ ဘယ် တာအိုနယ်မြေကို သွားဖို့ ရည်ရွယ်ထားသလဲ ဆိုတာ ငါ သိချင်လိုက်တာ..."တစ်စုံတစ်ယောက်က လှောင်ပြောင်လိုက်သည်။"အဲ့ဒါက လွန်ခဲ့တဲ့ တစ်လက ကောင်းကင်ဘုံတွေရဲ့ နယ်မြေအသီးသီးလို့ မင်း ထင်နေတုန်းပဲလား""ကောင်းကင်ဘုံတွေရဲ့ နယ်မြေအသီးသီးက ပြောင်းပြန်လှန်ခံလိုက်ရသလို ပြောင်းလဲသွားပြီးတော့ ရှေးဟောင်း ပါရမီရှင်တွေနဲ့ ရှေးဟောင်း အင်အားစုတွေအများကြီးက တစ်ခုပြီးတစ်ခု နိုးထလာကြတယ်""ခုံးဝူတောက်က လူငယ်မျိုးဆက်တွေကြားမှာ လွှမ်းမိုးနိုင်ကောင်း လွှမ်းမိုးနိုင်လိမ့်မယ်....ဒါပေမယ့် ဒါက ထိပ်တန်း ရှေးဟောင်း ပါရမီရှင်တွေကြားမှာတော့ သေချာပေါက် မဖြစ်နိုင်ဘူး"ဤလူ၏ပြောဆိုချက်ကို လူအများအပြားကလည်း အလွန်အမင်း သဘောတူညီခဲ့ကြသည်။မည်သို့ပင်ဆိုစေကာမူ ခုံးဝူတောက် တံခါးပိတ် ကျင့်ကြံနေခဲ့သည့် တစ်လကျော် ကာလအတွင်းတွင်...ကောင်းကင်ဘုံများ၏ နယ်မြေအသီးသီးတွင် ကြီးကျယ်ကြီးကျယ်သော ပုံမှန်မဟုတ်မှုများ အဆက်မပြတ် ထွက်ပေါ်လာခဲ့၏။စွမ်းအားကြီးမားသော မရေမတွက်နိုင်သည့် လူငယ်ပါရမီရှင်များသည် သူတို့၏ကျင့်ကြံခြင်းကို ချိုးဖျက်ခဲ့ကြပြီး ဥပဒေသနိုးထခြင်း သဘာဝလွန်ဖြစ်စဉ် အမျိုးမျိုးကို ဖြစ်ပေါ်စေခဲ့သည်။ထို့ပြင် ကြီးမားသော ကံကြမ္မာနှင့် ကောင်းကင်ကို အန်တုနိုင်သော စွမ်းရည်များ သို့မဟုတ် ရှေးဟောင်းအမွေအနှစ်များရှိသော လူအမြောက်အများ ထွက်ပေါ်လာပြီး မရေမတွက်နိုင်သော သက်ရှိများ၏ အာရုံစိုက်မှုနှင့်ရူးသွပ်မှုတို့ကို ဆွဲဆောင်နိုင်ခဲ့သည်။အဆင့်သစ်တစ်ခုသို့ လုံးလုံးလျားလျား ရောက်ရှိသွားခဲ့သော ကောင်းကင်ဘုံများ နိုးထခြင်းခေတ်ကို ကောင်းကင်ဘုံများ၏ နယ်မြေအသီးသီးရှိ မရေမတွက်နိုင်သော သက်ရှိများက ဒုတိယမြောက် ကောင်းကင်ဘုံများ ဂုဏ်ကျက်သရေရှိသော ခေတ် အဖြစ်ပင် ယူဆခဲ့ကြ၏။ဤ ဒုတိယမြောက် ကောင်းကင်ဘုံများ ဂုဏ်ကျက်သရေရှိသော ခေတ်တွင် ကောင်းကင်ဘုံများကို ကယ်တင်နိုင်စွမ်းရှိသော ပြိုင်ဘက်ကင်း ပါရမီရှင်များ မရေမတွက်နိုင်အောင် ထွက်ပေါ်လာပေလိမ့်မည်။လူအများ၏အမြင်တွင် ခုံးဝူတောက်သည် တောက်ပပြီး စွမ်းအားကြီးမားသော်လည်း တောက်ပသော ကြယ်အမြောက်အများသည် လူသားမျိုးနွယ်တွင် တစ်ခုပြီးတစ်ခု ပေါ်ထွက်လာနေသည့် ဤခေတ်ကာလတွင်....သူသည် လူအများမှ ဦးမော့ကြည့်ရမည့် ထာဝရတည်ရှိသည့် တစ်စင်းတည်းသော နေမင်းကြီး လုံးဝမဖြစ်နိုင်ပေ။သေချာသည်မှာ အနာဂတ်ရောက်မှသာ ကောင်းကင်ဘုံများ၏ နယ်မြေအသီးသီး၏ သက်ရှိများ ရှာဖွေတွေ့ရှိလိမ့်မည်မှာ...သူတို့၏ လက်ရှိ အတွေးများသည် အဓိပ္ပာယ်မရှိသည့်အပြင် ရယ်စရာလည်း ကောင်းသည်ဟူ၍ပင်။........အချိန်လေဟာနယ် တားမြစ်နယ်မြေသည် ကောင်းကင်ဘုံများ၏ အဆုံးတွင် တည်ရှိသောကြောင့်....နယ်နိမိတ် ပင်လယ်ဒေသနှင့် နှိုင်းယှဉ်ပါက ထိုနေရာ၏ တည်နေရာသည် အတော်လေး နီးကပ်နေသည်။နှစ်ရက်ကြာ ခရီးသွားပြီးနောက် သူတို့သည် နယ်နိမိတ် ပင်လယ်ဒေသနှင့် နီးကပ်သော မြေအောက်ကမ္ဘာကိုးထပ်သို့ လျှင်မြန်စွာ ရောက်ရှိလာခဲ့ကြ၏။မြေအောက်ကမ္ဘာကိုးထပ်သည် အထူးတာအိုနယ်မြေ တစ်ခုပင်။ထိုနေရာ၏ ပထဝီဝင်တည်နေရာက အထူးဖြစ်ရုံသာမက ကောင်းကင်ဘုံများ၏နယ်မြေအသီးသီးရှိ အရှေးအကျဆုံး တာအိုနယ်မြေဆယ်ခုအနက်မှ တစ်ခုလည်း ဖြစ်သည်။ကောင်းကင်ဘုံများ၏ နယ်မြေအသီးသီးကို စတင် မွေးဖွားလာချိန်ကတည်းက....မြေအောက်ကမ္ဘာကိုးထပ်တွင် စွမ်းအားကြီးမားသောသက်ရှိများ မရေမတွက်နိုင်အောင် ရှိနေပြီဖြစ်ကြောင်း ဆိုကြ၏။ဤသက်ရှိများ၏ သွေးမျိုးဆက်သည် အလွန် ရှေးကျပြီး သူတို့၏ဘိုးဘေးများသည် အင်မော်တယ် နယ်မြေ၏သက်ရှိများနှင့်ပင် ဆက်စပ်နေသည်ဟုလည်း ကောလဟာလများ ရှိနေသည်။မြေအောက်ကမ္ဘာကိုးထပ်သည် အလွန်ကျယ်ပြန့်ပြီး သာမန်တာအိုနယ်မြေ ဆယ်ခုကျော်နှင့် ညီမျှသော အရွယ်အစားရှိသည်။ထိုနေရာ၏နယ်မြေ အလွန်အမင်း ကျယ်ပြန့်မှုကြောင့်...မြေအောက်ကမ္ဘာကိုးထပ်တွင် မျိုးနွယ်စုတစ်သောင်းရှိကာ သက်ရှိအမျိုးအစား အများအပြား ရှိနေကြ၏။လူသားမျိုးနွယ်၊ နတ်မိစ္ဆာ မျိုးနွယ်စု၊ ရှေးဟောင်း မျိုးနွယ်စုများနှင့် ရှေးအကျဆုံး မွေးရာပါ သက်ရှိများပင် ဤနေရာတွင် သဲလွန်စများ ချန်ထားခဲ့ကြသည်။ဖော်ပြသင့်သည့်အချက်မှာ အကယ်၍ တစ်စုံတစ်ယောက်၏ ပေါက်ပြားလွှဲယမ်းမှု ကောင်းမွန်ပါက...ထိုလူသည် မြေအောက်ကမ္ဘာကိုးထပ်၏ မြေဆီလွှာမှ ကောင်းကင်ကို အန်တုနိုင်သော အထွတ်အမြတ် ရတနာတချို့ သို့မဟုတ် ရှေးဟောင်း အမွေအနှစ် တစ်ခုကိုပင် တူးဖော်နိုင်ကောင်း တူးဖော်နိုင်လိမ့်မည်။မရေမတွက်နိုင်သော ခေတ်ကာလတလျှောက်၌ အတိတ်က နယ်နိမိတ် ပင်လယ်ဒေသ မဖြစ်ပေါ်လာမီ အချိန်တွင် ပြင်ပနယ်မြေနှင့် ကောင်းကင်ဘုံများ၏ နယ်မြေအသီးသီးမှ အားကောင်းသော ပုဂ္ဂိုလ်များသည် ဤနေရာတွင် ပြင်းထန်သော တိုက်ပွဲတစ်ခုကို ဆင်နွှဲခဲ့ကြသည်။ရလဒ်အနေဖြင့် မျိုးနွယ်စုတစ်သောင်းမှ အစွမ်းထက်ပုဂ္ဂိုလ် အမြောက်အများ ဤနေရာတွင် ကြွေလွင့်သွားခဲ့သည်။ထိပ်တန်း မဟာဧကရာဇ် အများအပြားပင်လျှင် ဤနေရာတွင် သေဆုံးသွားပေ၏။ထို့ကြောင့် မြေအောက်ကမ္ဘာကိုးထပ်ကို ဧကရာဇ်များကို မြှုပ်နှံ့သည့် ကမ္ဘာဟုလည်း ခေါ်ဆိုကြသည်။ဤတာအိုနယ်မြေသည် မရေမတွက်နိုင်သော မဟာဧကရာဇ်များ၏ သင်္ချိုင်းမြေပင်။ဤရှေးဟောင်းမြေကြီးအောက်တွင် ရှေးဟောင်း အပျက်အစီး အများအပြား ပုန်းအောင်းနေပြီး ဧကရာဇ် အလောင်းများ၊ဧကရာဇ် အရိုးများ သို့မဟုတ် မဟာဧကရာဇ် အမွေအနှစ်များပင် ရှိနေနိုင်သည်။.........တစ်ချိန်တည်းမှာပင်။မြေအောက်ကမ္ဘာကိုးထပ်နှင့် မဝေးလှသော ကြယ်တာရာ ကောင်းကင်ယံသည် ရုတ်တရက် မြည်ဟီးသွားခဲ့၏။တောက်ပမှုများ ဖြာထွက်လာပြီး ကြီးမားသောနဂါးအရှိန်အဝါတစ်ရပ် ပျံ့နှံ့သွားသည်။ကောင်းကင်အလင်းမိုးပြာနဂါးကို စီးနင်းလာသော ခုံးဝူတောက်သည် အချိန်လေဟာနယ် တားမြစ်နယ်မြေမှ ဧကရာဇ်သားတော်များနှင့် သမီးတော်များ အဖွဲ့ကို ဦးဆောင်လာကာ ဧရာမ ဟင်းလင်းပြင် အက်ကွဲကြောင်းကြီးတစ်ခုမှ ထွက်ပေါ်လာခဲ့သည်။"ဒါက မြေအောက်ကမ္ဘာကိုးထပ်လား"သူ၏ရှေ့ရှိ အဆုံးအစမရှိသော ကြယ်တာရာ နယ်မြေကို သူ သေချာ မလေ့လာနိုင်မီမှာပင် စနစ်၏ အသံ ရုတ်တရက် ထွက်ပေါ်လာခဲ့သည်။"ဒင်...အထူး ကောင်းကင်ကံကြမ္မာ အတက်အကျ တစ်ခုကို ထောက်လှမ်းတွေ့ရှိရပါတယ်""စနစ်ရဲ့ ခွဲခြမ်းစိတ်ဖြာမှုနှင့် ထောက်လှမ်းမှုအပြီးမှာအဲ့ဒီလူကလည်း စနစ်ပုံစံတစ်ခုနဲ့ ချည်နှောင်ထားပုံရတယ်"