အခန်း ၁၈၆၈

အခန်း(၁၈၆၈)နတ်ဆိုးဓားဂိုဏ်းခေါင်းဆောင်

တစ်စုံတစ်ယောက် အံ့အားသင့်စွာ အော်ဟစ်လိုက်ပြီးနောက် လူတိုင်းက ၎င်းတို့၏ နတ်စွမ်းအင်များကို မြန်မြန်ဆန်ဆန်ဖြန့်ကျက်လိုက်သည်။ မျှော်လင့်ထားသည့်အတိုင်း ကျန်းဖုန်း၏ လက်ဖဝါးက ဓားအလင်းကြောင့်ပွင့်ထွက်သွားကာ သွေးများနှင့်ရွှဲနေသည်ကိုမြင်လိုက်ရ၏။ ထို့နောက် ပြတ်ရှသွားသော ဒဏ်ရာက အလွန်နှေးကွေးစွာ ပျောက်ကင်းလာနေသည်ကို လူတိုင်းသတိထားမိကြသည်။

ဖန်ဆင်းရှင်အဆင့်များ၏ ပြန်လည်ကောင်းမွန်လာနိုင်စွမ်းနှင့်ဆိုပါက ၎င်းတို့၏ အူများ ပြတ်တောက်သွားလျှင်ပင် ပြန်လည်ကောင်းမွန်လာရန် မိနစ်အနည်းငယ်သာ ကြာမည်ဖြစ်သည်။

ဤအချိန်တွင် ချူးယွင်ဖန်း၏ ပေါ့ပေါ့တန်တန်တိုက်ခိုက်မှုသည် သူတို့ထင်သလောက် မရိုးရှင်းကြောင်း လူတိုင်းသဘောပေါက်လိုက်ကြသည်။ အရေးကြီးဆုံးမှာ သူသည် ဖန်ဆင်းရှင်တစ်ပါးကို ထိခိုက်စေနိုင်ကြောင်း ၎င်းတို့အားလုံး သိလိုက်ကြရသည်။

ကျန်းဖုန်း၏ ကြောက်မက်ဖွယ်အခြေအနေကို ၎င်းတို့ကြုံခဲ့ရခြင်းဖြစ်သည်။ လွှမ်းမိုးနိုင်စွမ်းပြင်းသော ဖိအားကြောင့် လူတိုင်း စိတ်ပျက်အားငယ်သွားကြသည်။ ပါးရိုက်သံမကြားခင်၌ပင် တိုက်ခိုက်မှု၏ အရှိန်အဝါက လူတိုင်းကို ပြင်းထန်စွာထိခိုက်သွားစေသည်။ အကယ်၍ ထိခိုက်မှုရှိခဲ့မည်ဆိုပါက အကျိုးဆက်များသည် မယုံနိုင်စဖွယ်ကောင်းလှပေလိမ့်မည်။

ဤအကြောင်းကြောင့်ပင် ထိုကြောက်မက်ဖွယ်ကောင်းသော တိုက်ခိုက်မှုကို အလွယ်တကူ ချိုးဖျက်၍ ကျန်းဖုန်းကို ဒဏ်ရာရစေနိုင်သော ချူးယွင်ဖန်းသည် ရုတ်တရက် လူတိုင်း၏ နှလုံးသားထဲတွင် လျှို့ဝှက်ဆန်းကြယ်သူ ဖြစ်လာခဲ့သည်။

ကျန်းဖုန်း၏ မျက်နှာသည် သူ့လက်ဖဝါးမှ စီးကျလာသော သွေးများကို ကြည့်၍ ပြာနှမ်းနေသည်။ ဓားအလင်းကို ဖျက်ဆီးရန် သူ၏ နတ်စွမ်းအားကို အသုံးချပြီးနောက် သူ့လက်ပေါ်ရှိ ဒဏ်ရာသည် အံ့မခန်းအမြန်နှုန်းဖြင့် ပြန်လည်ကောင်းမွန်လာသည်။ ချူးယွင်ဖန်း၏ တန်ပြန်တိုက်ခိုက်မှုသည် သူ၏တိုက်ခိုက်မှုကို ဖျက်ဆီးနိုင်မလိမ့်မည်ဟု သူမမျှော်လင့်ထားခဲ့ပေ။ ပို၍ မမျှော်လင့်ထားသည်မှာ ချူးယွင်ဖန်း၏ လက်ချက်ဖြင့် သူ ဒဏ်ရာရရှိခဲ့ခြင်း ဖြစ်သည်။

ကျန်းဖုန်းကဲ့သို့ မာနကြီးသူတစ်ဦးအတွက် ၎င်းသည် ကြီးမားသော အရှက်ကွဲမှုဖြစ်သည်။

သူက ချူးယွင်ဖန်းအတွက် သူစိမ်းတစ်ယောက်မဟုတ်ပေ။ လွန်ခဲ့သော တစ်နှစ်ကျော်က

ချူးယွင်ဖန်နး၏ အမည်က ရုတ်တရက် ပါရမီရှင်စာရင်းထဲခုန်တက်လာခဲ့ကာ သူသည် ကျန်းဖုန်းထက် များစွာသာလွန်သည့် ထိပ်တန်းသုံးဆယ်ထဲသို့ပင်ရောက်သွားခဲ့သည်။ ထိုသို့ဖြစ်သောအချိန်တွင် အခြားပါရမီရှင်များကြောင့်ဖြစ်ပေါ်လာခဲ့သော ရုန်းရင်းဆန်ခတ်ဖြစ်မှုက သာမန်လူများ၏ အတွေးထက် အဆမတန်ကျော်လွန်သွားသည်။

ပါရမီရှင်စာရင်းဝင်ပြီးနောက် အဆင့်တစ်ဆင့်တက်လှမ်းရန် ပေးဆပ်ရမည့်အဖိုးအခသည် မယုံနိုင်လောက်အောင် သို့မဟုတ် မဖြစ်နိုင်လောက်အောင်ဖြစ်ကြောင်း ကျန်းဖုန်းထက် မည်သူမျှ မသိပေ။ စာရင်းဝင်နိုင်သူများသည် ပါရမီရှိကြကာ ၎င်းတို့၏ရွယ်တူချင်းများကို အထင်သေးကြသည်။ ၎င်းတို့သည် ကံကောင်းမှုများစွာကြုံခဲ့ရကာ ၎င်းတို့၏ဂိုဏ်း၏ အပြည့်အဝပျိုးထောင်မှုကို ခံယူခဲ့ကြသည်။ ပါရမီရှင်စာရင်းဝင်သူတိုင်းတွင် အခြားသူများကို အထင်သေးရန် အရင်းအနှီးရှိ၍ ၎င်းတို့သည် သန်မာသူများဖြစ်ကြသည်။ ထိုကဲ့သို့သောအခြေအနေများတွင် ၎င်းတို့၏ မူလအားကိုးမှုကို ထည့်သွင်းစဥ်းစားရန်မလိုပေ။

ထိပ်ဆုံး ၁၀၀ မှ ၃၀ နေရာကို အပြေးအလွှားရောက်ရှိခဲ့သော ချူးယွင်ဖန်းသည် အမှန်တကယ်ထူးခြားသူဖြစ်သည်။ ဤသည်မှာ စိတ်လှုပ်ရှားဖွယ်ကောင်း၍ လူအများအပြားသည် ၎င်းတို့၏အစွမ်းသတ္တိအားလုံးဖြင့် အထီးကျန်စွာနေထိုင်ကြသည်။ ၎င်းတို့ထက် များစွာနိမ့်ကျသော ဂျူနီယာတစ်ဦး၏ ကျော်လွှားခံရခြင်းသည် ရိုးရိုးရှင်းရှင်း အရှက်ရစရာတစ်ခုဖြစ်သည်။

နောက်ပိုင်းတွင် ပါရမီရှင်အများအပြားသည် တစ်ဦးပြီးတစ်ဦး ဖန်ဆင်းရှင်အဆင့်သို့ ဝင်ရောက်လာသည်နှင့်အမျှ ချူးယွင်ဖန်း၏ အဆင့်က ကျဆင်းသွားခဲ့ရာ မကြာမီတွင် သူသည် ပါရမီရှင်စာရင်းမှ ပြုတ်ကျသွားတော့မည့်ပုံပေါ်သည်။

ကျန်းဖုန်းပင် ချူးယွင်ဖန်းက ကံကောင်းသူတစ်ဦးဟု ခံစားမိသည်။ စကြဝဠာအဆင့်သည် နောက်ဆုံး၌ စကြဝလာအဆင့်သာဖြစ်စသည်။ ၎င်းတို့နှစ်ဦးလုံးစာရင်းထဲ၌ပါနေသည့်တိုင် ကွာခြားချက်က ကောင်းကင်နှင့်မြေကြီးတမျှကြီးသည်။ ထို့ကြောင့် မဟာယုံကြည်မှုဂိုဏ်း၏ တပည့်များဆီမှ ထိုသတင်းများကိုကြားသောအခါ သူအလွန်ဒေါထွက်ခဲ့ရခြင်းဖြစ်သည်။ ချူးယွင်ဖန်းဆိုသည်ကား မည်သူနည်း။ မဟာယုံကြည်မှုဂိုဏ်းကို မည်သို့ အထင်သေးကာ တပည့်များကို ထိခိုက်စေခဲ့သနည်း။

ဤသည်က သူ၏ ဂုဏ်သတင်းကိုမြှင့်တင်ရန် အကောင်းဆုံးနည်းလမ်းတစ်ခုဖြစ်လိမ့်မည်။ ပါရမီရှင်စာရင်းထဲမှ တစ်ယောက်ယောက်၏ ပခုံးပေါ်သို့ တက်၍ ဂုဏ်သတင်းကိုမြှင့်ခြင်းက အကောင်းဆုံးဖြစ်သည်။ ကံမကောင်းစွာဖြင့် ယင်းက မကောင်းသော အစဖြစ်လိမ့်မည်ဟု မည်သူက သိမည်နည်း။ ချူးယွင်ဖန်းသည် သူထင်ထားသည်ထက် ပို၍ ကိုင်တွယ်ရခက်သည်။

"မင်းမှာ လှည့်ကွက်လေးတွေပဲ ရှိတယ်။ ယန်တန့်ရှန်လည်း အဲ့လိုပဲ။ မင်းကိုယ်မင်း ဘယ်သူလို့ ထင်နေတာလဲ" ကျန်းဖုန်းက အေးစက်စွာ ရယ်လိုက်သည်။ ထို့နောက် သူ စိတ်ပြောင်းသွားသည်။ ယခင်ကကဲ့သို့ ပေါ့ပေါ့ပါးပါး တိုက်ခိုက်ခြင်း မပြုတော့ပေ။ ယခုတစ်ကြိမ်တွင် သူ၏ နတ်စွမ်းအားးသည် အမှန်တကယ် အစွန်းရောက်သို့ မြင့်တက်လာခဲ့သည်။

ခဏတာအတွင်း၌ပင် ကြောက်မက်ဖွယ်ဖိအားတစ်ခု ကောင်းကင်မှ ပြန်လည်ဆင်းသက်လာကာ မြေကြီးတစ်ခုလုံးကို ဖုံးလွှမ်းသွားသည်။ ၎င်းက ယခင်ကထက် အဆပေါင်းများစွာ ပိုမိုပြင်းထန်လာသည်။ စားသောက်ဆိုင်ထဲက လူတိုင်း အသက်ရှူရခက်သကဲ့သို့ ခံစားလိုက်ရသည်။ တစ်ယောက်ယောက်က ၎င်းတို့၏လည်ပင်းကို လက်ကြီးတစ်ဖက်ဖြင့် ညှစ်ထားသကဲ့သို့ပင်ဖြစ်၏။

ထိုခံစားချက်က အမှန်တကယ်ပင်မသက်မသာဖြစ်စေသည်။

ချူးယွင်ဖန်းတစ်ယောက်တည်းသာ ထိခိုက်မှုမရှိခဲ့ပေ။ သူက လှောင်ရယ်၍ သူ့လက်ဖဝါးကို ဖြန့်ချလိုက်သောအခါ ဓားအလင်းတန်းတစ်ခုသည် သူ့လက်ဖဝါးပေါ်ရှိ လက်ဖဝါးအရွယ် ဓားငယ်လေးတစ်ခုအဖြစ် ပြောင်းလဲသွားခဲ့သည်။ ဓားငယ်လေးသည် ပြင်းထန်စွာ လည်သွားပြီး ၎င်းတွင်ပါရှိသော ဓားအလင်းတန်းသည် ပို၍ပို၍ ထိတ်လန့်ဖွယ်ကောင်းလာသည်။

"မင်းက အရမ်းဆူညံတာပဲ!"

ချူးယွင်ဖန်း တိုက်ခိုက်တော့မည့်ဟန်ပြုနေချိန်၌ ကြည်လင်ပြတ်သားသည့် အမျိုးသမီးအသံတစ်ခု ထွက်ပေါ်လာသည်။

"သခင်လေးတို့ ကျေးဇူးပြုပြီး ရပ်လိုက်ပါ!"

ထိုအသံနှင့်အတူ ထက်မြက်သောအရှိန်အဝါတစ်ခု လွှမ်းခြုံသွားသည်။ ကျန်းဖုန်းထုတ်လွှတ်လိုက်သည့် အရှိန်အဝါက ထိုထက်မြက်သောအရှိန်အဝါ၏ လွှမ်းမိုးမှုအောက်၌ ပျောက်ကွယ်သွားခဲ့သည်။

ချူးယွင်ဖန်းနှင့် ကျန်းဖုန်းတို့ ခေါင်းလှည့်လိုက်သောအခါ လေထဲတွင် ကျက်သရေရှိသော ပုံရိပ်တစ်ခုကို မြင်လိုက်ရသည်။ နှေးကွေးသည်ဟု ထင်ရသော်လည်း အမှန်တကယ်တွင် မြန်ဆန်သည်။ ခဏအတွင်းတွင် ထိုပုံရိပ်သည် ချူးယွင်ဖန်းရှေ့သို့ ရောက်ရှိလာခဲ့သည်။

အသက်သုံးဆယ်ကျော်အရွယ် အမျိုးသမီးတစ်ဦးဖြစ်သည်။ သူမသည် ချောမောလှပသော မျက်နှာနှင့် ကြော့ရှင်းသော ခန္ဓာကိုယ်ရှိသည်။ သို့သော် ချူးယွင်ဖန်း၏ အာရုံကို ဖမ်းစားနိုင်ခဲ့သည်မှာ ထိုအမျိုးသမီးသည် သူမ၏ကျောပေါ်တွင် ဓားရှည်တစ်ချောင်းကို သယ်ဆောင်ထားခြင်းဖြစ်သည်။

"ဖန်ဆင်းရှင်အဆင့်!"

ချူးယွင်ဖန်းနှင့် ကျန်းဖုန်းတို့က ချက်ချင်းပင် ကောက်ချက်ချလိုက်ကြသည်။ ဤအမျိုးသမီးသည် ဖန်ဆင်းရှင်တစ်ဦးဖြစ်သည်မှာ သေချာသည်။ မဟုတ်ပါက ကျန်းဖုန်း၏ အရှိန်အဝါကို အလွယ်တကူ ချိုးဖျက်နိုင်မည် မဟုတ်ပေ။

"မင်းက ဘယ်သူလဲ" ကျန်းဖုန်းနက မေးလိုက်သည်။

သူ့မျက်နှာ ဖြူဖျော့သွားသည်။ ဤအမျိုးသမီးသည် အလွန်သန်မာကာ သူ့နှင့် တန်းတူနီးပါး ရှိကြောင်း သူ မသိခဲ့ပါက ထိုအမျိုးသမီးက သူ၏ အရှိန်အဝါကို ဝင်ရောက်စွက်ဖက်ရဲခြင်းက သူ့ကို ပေါက်ကွဲစေလိမ့်မည်။

ဂိုဏ်းကြီးဆယ်ဂိုဏ်းအနက် တစ်ခုဖြစ်သည့် မဟာယုံကြည်မှုဂိုဏ်း၏ တပည့်စစ်တစ်ဦးအနေဖြင့် ကျန်းဖုန်းက အလွန်ဂုဏ်ယူဝင့်ကြွားခဲ့သည်။ သူသည် သာမန်လူများကိုပင် သူ့မျက်လုံးထဲတွင် မထည့်ခဲ့ပေ။

"ကျွန်မက မင်းသမီးယန်ရဲ့ ဓားသမား တားတီးယက်စ်ပါ” အမျိုးသမီးက အနည်းငယ်ခေါင်းညိတ်လိုက်သည်။

ကျန်းဖုန်းက ထိုနာမည်ကို ကြားသောအခါ မျက်မှောင်ကြုတ်လိုက်သည်။ ထို့နောက် ရုတ်တရက် တစ်စုံတစ်ခုကိုတွေးမိသွား၏။

"မဟုတ်ဘူး၊ မင်းနာမည်က တားတီးယက်စ်မဟုတ်ဘူး။ ငါ မင်းကို အရင်က မြင်ဖူးတယ်။ မင်းက အပြင်လောကရဲ့ နတ်ဆိုးဓားဂိုဏ်းရဲ့ ခေါင်းဆောင် လျို့ချင်းယင်မဟုတ်ဘူးလား"

ကျန်းဖုန်း၏ စကားများကြောင့် ရုတ်ရုတ်သဲသဲ ဖြစ်သွားသည်။

--