အခန်း (၁၄၂)

အခန်း (၁၄၂) ကျန်းထန်၏ နောက်ခံ

သူတော်စင်မိန်းမပျို၏ နောက်ခံမှာ အမြဲတမ်း လျှို့ဝှက်ချက်တစ်ခု ဖြစ်ခဲ့သည်။ သူမကို လွန်ခဲ့သော နှစ်လေးဆယ်ခန့်က မဟာအကြီးအကဲမှ ဂိုဏ်းသို့ ခေါ်ဆောင်လာခဲ့ကြောင်းကိုသာ အားလုံး သိထားကြသည်။ သူမသည် အသက် ဆယ့်သုံးနှစ်အရွယ်တွင် ဂိုဏ်းသို့ ရောက်ရှိလာပြီး မကြာမီမှာပင် သူတော်စင်မိန်းမပျိုအဖြစ် ခန့်အပ်ခံခဲ့ရသည်။ သူမ၏ မိသားစု သို့မဟုတ် နောက်ခံနှင့် ပတ်သက်၍မူ မည်သူမျှ ရှာမတွေ့နိုင်ခဲ့ချေ။

ကျန်းချင်းဟန်ကိုယ်တိုင်ကလည်း လူမြင်ကွင်းတွင် ထွက်လေ့မရှိမဟုတ်‌ ပေ။ သူမသည်ကျင့်ကြံချင်း ဖြစ်သာ အချိန်ကုန်လေ့ရှိသည်။ ထိုက်ရီအစစ်အမှန်ဂိုဏ်း၏ တပည့်များပင်လျှင် သူမအကြောင်းကို အနည်းငယ်သာ သိရှိကြသည်။

ထိုသို့ဖြင့် ကျန်းချင်းဟန်သည် မာနကြီးပြီး အေးစက်သော 'ရေခဲအလှတရား' ဖြစ်သည်ဟူသော ကောလာဟလများ ပျံ့နှံ့လာခဲ့သည်။ သို့သော် ထိုဂုဏ်သတင်းများကြောင့်ပင် သူမ၏ နာမည်ကြီးမှုသည် ပိုမိုမြင့်တက်လာခဲ့ပြီး အလယ်ပိုင်းကုန်းမြေ၏ အလှပဆုံးစာရင်းတွင် ထိပ်ဆုံးသို့ ရောက်ရှိသွားခဲ့သည်။ ကျန်းချင်းဟန်အတွက်မူ ထိုဂုဏ်သတင်းများသည် စိတ်ဝင်စားစရာ မဟုတ်ပေ။ သူမသည် နေ့စဉ်မပြတ် အပြင်းအထန် ကျင့်ကြံနေဆဲပင်။

ဆယ်စုနှစ်များစွာ ကုန်လွန်သွားခဲ့သော်လည်း သူမ၏ ဂုဏ်သတင်းမှာ မှေးမှိန်မသွားဘဲ အေးစက်သော နတ်သမီးလေးအဖြစ်သာ လူသိများနေဆဲ ဖြစ်သည်။

ထိုစဉ် ဖေ့ချင်းယွီသည် စတင်ပြောကြားလိုက်သည်။

"ငါတို့ ဂိုဏ်းရဲ့ သူတော်စင်မိန်းမပျို ကျန်းချင်းဟန်ဟာ တကယ်တော့ တောင်ပိုင်းအထွတ်အထိပ် အသင်္ချေနယ်မြေမှာ ရှိတဲ့ တစ်ခုတည်းသော ရှေးဟောင်းမိသားစုဖြစ်တဲ့ 'ကျန်းမိသားစု' ရဲ့ တိုက်ရိုက်သွေးမျိုးဆက် တစ်ယောက်ပဲ"

ဤစကားကို ကြားလိုက်ရသည်နှင့် အားလုံး ရုတ်ရုတ်သဲသဲ ဖြစ်သွားလေသည်။

"ဘာ… ကျန်းမိသားစု ဟုတ်လား"

"ရှေ့ဟောင်း မိသားစုအင်အားစုအားလုံးရဲ့ ခေါင်းဆောင် ကျန်းမိသားစုလား"

"ချင်းဟန်က ရှေးဟောင်းမိသားစုရဲ့ သွေးမျိုးဆက် ဖြစ်နေတာလား"

အကြီးအကဲများအားလုံး အံ့အားသင့်ကာ မှင်တက်သွားကြသည်။

အဘယ်ကြောင့်ဆိုသော် ရှေးဟောင်းမိသားစုဆိုသည်မှာ နှစ်သန်းပေါင်း တစ်ထောင်ကျော် သမိုင်းအမွေအနှစ်နှင့် နက်ရှိုင်းသော အခြေခံအုတ်မြစ် ရှိသည့် အင်အားစုကြီးများ ဖြစ်သည်။ လက်ရှိ လောကတွင် ရှေးဟောင်းမိသားစု ငါးခုသာ ကျန်ရှိတော့သည့်အနက် "ကျန်းမိသားစု" မှာ အားအကောင်းဆုံး ဖြစ်သည်။

၎င်းတို့သည် တောင်ပိုင်း၏ အထွတ်အထိပ် အသင်္ချေနယ်မြေများကို လွှမ်းမိုးထားသည့်အပြင် မျိုးနွယ်စုအတွင်း၌ "သူတော်စင်ဘုရင်" အဆင့်ရှိ ထိပ်သီးကျွမ်းကျင်သူပင် ရှိသည်။

ဤမျှ တောင့်တင်းခိုင်မာသော နောက်ခံ ရှိပါလျက်နှင့် သူမသည် "ထိုက်ရီအစစ်အမှန်ဂိုဏ်း" သို့ အဘယ်ကြောင့် လာရောက်ခဲ့သနည်းဟူသော မေးခွန်းမှာ လူတိုင်း၏ စိတ်တွင် ပေါ်ပေါက်လာခဲ့သည်။

ထိုအခိုက်အတန့်တွင် ကျုံးတင်းက မေးလိုက်သည်။

"သူတော်စင်မိန်းမပျိုရဲ့ နောက်ခံက လွန်ခဲ့တဲ့ နှစ်လေးဆယ်က ကျန်းမိသားစုမှာ ဖြစ်ခဲ့တဲ့ ဖြစ်ရပ်နဲ့ ပတ်သက်နေတာလား..."

ရှောင်ချာကလည်း သူ၏ မေးစေ့ကို ပွတ်သပ်ရင်း ပြောဆိုသည်။

"ဂျူနီယာညီလေး ပြောတာက... အဲဒီတုန်းက ကျန်းမိသားစုမှာ ဖြစ်ခဲ့တဲ့ 'သူတော်စင်ဘုရင် သွေးထွက်သံယိုဖြစ်ရပ်' ကို ပြောတာလား... ဒါပေမယ့် အဲဒါက ကောလာဟလ တစ်ခုပဲလို့ သိထားတာလေ..."

ကျုံးတင်းက ခေါင်းကို ညိတ်ပြလိုက်သည်။ သူသည် တောင်ပိုင်းဒေသသို့ မကြာခဏ သွားရောက်လေ့ရှိသဖြင့် အချို့သော လျှို့ဝှက်ချက်များကို သိရှိထားခြင်း ဖြစ်သည်။

လွန်ခဲ့သော နှစ်ပေါင်းလေးဆယ်ခန့်က ကျန်းမိသားစု၏ ခေါင်းဆောင် ကျန်းဝမ်ချွမ်းသည် လျှို့ဝှက်နယ်မြေတစ်ခုကို စူးစမ်းရှာဖွေရင်း မတော်တဆ သေဆုံးသွားခဲ့သည်။ ထိုစဉ်က သူ၏ ဝမ်းကွဲညီဖြစ်သူသာ အမွေအနှစ်များကို ယူဆောင်ကာ အသက်ဘေးမှ လွတ်မြောက်လာခဲ့သည်။

နောက်ပိုင်းတွင် ထိုဝမ်းကွဲညီသည် မျိုးနွယ်စု၏ ခေါင်းဆောင်အသစ် ဖြစ်လာခဲ့ပြီး ကျင့်ကြံဆင့်မှာလည်း "သူတော်စင်ဘုရင်" နယ်ပယ်သို့ ရောက်ရှိသွားခဲ့သည်။ ဤဖြစ်ရပ်မှာ တိတ်တဆိတ်သာ ပြီးဆုံးသွားခဲ့သဖြင့် လောကကြီးက မေ့လျော့နေခဲ့ခြင်း ဖြစ်သည်။

ယခုအခါ တစ်ခုခု မှားယွင်းနေပြီဖြစ်ကြောင်း အားလုံးက သဘောပေါက်သွားကြပြီး လီချန်မင်က အံ့ဩတကြီးဖြင့် မေးလိုက်သည်။

"သူတော်စင်မိန်းမပျိုက ကွယ်လွန်သွားတဲ့ ကျန်းမျိုးနွယ်စုခေါင်းဆောင်နဲ့ ဆွေမျိုးတော်စပ်တာလား"

ဖေ့ချင်းယွီက သက်ပြင်း ချလိုက်ကာပြောလေသည်။

"တိတိကျကျ ပြောရရင်... အဲဒီ သူတော်စင်ဘုရင် ကျန်းဟာ ချင်းဟန်ရဲ့ ဖခင်ပဲ ပြီးတော့ သူ့ရဲ့ သေဆုံးမှုက မတော်တဆ မဟုတ်ဘူး... သူ့ရဲ့ ဝမ်းကွဲဖြစ်သူက လုပ်ကြံသတ်ဖြတ်ခဲ့တာ"

ဤအမှန်တရားကြောင့် ထိုနေရာရှိ လူအားလုံး တိတ်ဆိတ်သွားကြသည်။ ဝမ်းကွဲညီဖြစ်သူက အစ်ကိုဖြစ်သူကို လုပ်ကြံခြင်းမှာ အလွန်ပင် ရက်စက်လွန်းလှသည်။ လီချန်မင်က ဆက်လက်၍ မေးမြန်းသည်။

"ဒါဆိုရင် အဲဒီ လျှို့ဝှက်နယ်မြေက အတုကြီးလား..."

ဒြပ်စင်ငါးပါး ကောင်းကင်အရှင်သခင်က ဝင်ရောက်ပြောဆိုသည်။

"မဟုတ်ဘူး၊ လျှို့ဝှက်နယ်မြေက အစစ်ပဲ"

သူ၏ မျက်လုံးများတွင် လွမ်းဆွတ်မှုနှင့် မုန်းတီးမှုများ အရိပ်အယောင် ပေါ်လာပြီး ဆက်လက် ပြောပြသည်။

"အဲဒီအချိန်တုန်းကူသူတို့ ညီအစ်ကို နှစ်ယောက်တည်း ရှိနေခဲ့တာ မဟုတ်ဘူး... ကျန်းမျိုးနွယ်စုဝင် အချို့၊ သန့်ရှင်းသောဂိုဏ်း အကြီးအကဲ သုံးယောက်နဲ့ အမှောင်ထဲမှာ ပုန်းနေတဲ့ အရွယ်ရောက်ပြီးသား 'မကောင်းဆိုးဝါးကြေးမုံ ယင်ဖီးနစ်' တစ်ကောင်လည်း ပါတယ်... သူတို့ အားလုံး ပူးပေါင်းပြီး ကျန်းဝမ်ချွမ်းကို သတ်ခဲ့ကြတာပဲ"

ယင်ဖီးနစ်မှာ အဋ္ဌမအဆင့် နတ်ဆိုးသားရဲဖြစ်ပြီး သူတော်စင်ဘုရင်နယ်ပယ်၏ အလယ်အလတ်အဆင့်နှင့် ညီမျှသော စွမ်းအားရှိလေသည်။ ချုံခိုတိုက်ခိုက်ခံရခြင်းကြောင့် ကျန်းဝမ်ချွမ်းမှာ အသက်မရှင် နိုင်ခဲ့ပေ။

ဒြပ်စင်ငါးပါး ကောင်းကင်အရှင်သခင်က ကိုယ့်ကိုကိုယ် အပြစ်တင်မှုများဖြင့် ဆက်ပြောသည်။

"ငါနဲ့ သူတော်စင်ဘုရင် ကျန်းက ရင်းနှီးတဲ့ သူငယ်ချင်းတွေပါ... အဲဒီအချိန်က တစ်ခုခု မှားနေပြီဆိုတာ သူ သိလို့ ငါ့ကို အကူညီတောင်းခဲ့ဖူးတယ်... ဒါပေမယ့် ငါက မယုံကြည်ခဲ့ဘူး... အကယ်၍ ငါသာ သူနဲ့ ပူးပေါင်းခဲ့ရင် ဒီလိုဖြစ်လာမှာမဟုတ်ဘူး... သူ့ရဲ့ ဝမ်းကွဲက နတ်ဆိုးသားရဲနဲ့ ပူးပေါင်းလိမ့်မယ်လို့ ဘယ်သူက ထင်မှာလဲ..."

"အဲဒီ ဝမ်းကွဲက အစ်ကိုဖြစ်သူရဲ့ မိသားစု လုံးဝ မျိုးသုဉ်းသွားအောင် စီစဉ်ခဲ့တာ... တိုက်ပွဲက အလွန် ရှုပ်ထွေးခဲ့ပြီး ကျန်းဝမ်ချွမ်းရဲ့ မိသားစုဝင်တွေ တစ်ယောက်ပြီးတစ်ယောက် သေဆုံးခဲ့ကြတယ်... နောက်ဆုံးမှာတော့ သူက ချင်းဟန်ကို ငါ့ရင်ခွင်ထဲ ရောက်အောင် ပို့ပေးဖို့ သူ့အစွမ်းကုန် ကြိုးစားခဲ့ရတယ်... ငါတို့ ဂိုဏ်းရဲ့ အထွတ်အထိပ် သူတော်စင်သခင်က ဝင်မစွက်ဖက်ခဲ့ရင် ငါတောင်မှ အဲဒီကနေ အသက်ရှင်လျက် ထွက်လာနိုင်မှာ မဟုတ်ဘူး"

မဟာအကြီးအကဲ၏ မျက်လုံးများတွင် ဒေါသနှင့် သတ်ဖြတ်လိုသည့် ရည်ရွယ်ချက်များ ပေါ်လာသည်။ ထိုအခါမှသာ အားလုံးသည် ကျန်းချင်းဟန်၏ ဘဝဇာတ်ကြောင်းကို နားလည်သွားကြသည်။ သူမသည် အသက် ဆယ့်သုံးနှစ်အရွယ်တွင် မိဘများ သေဆုံးမှုကို မျက်မြင်တွေ့ခဲ့ရပြီး သွေးရန်ငြိုးကို ထမ်းထားရသူ ဖြစ်သည်။ သူမ၏ ပြိုင်ဘက်မှာလည်း သူတော်စင်ဘုရင်အဆင့် ရှိသူ ဖြစ်နေပေသည်။

သူမသည် မိမိကိုယ်မိမိ ကာကွယ်ရန်အတွက် အေးစက်သော အပြင်ပန်းသဏ္ဌာန်ကို လက်နက်သဖွယ် အသုံးပြုခဲ့ပြီး လူများကို အနားမကပ်စေခဲ့ခြင်း ဖြစ်သည်။ သူမ၏ ရည်မှန်းချက်မှာ မဟာတာအို၏ အထွတ်အထိပ်သို့ တက်လှမ်းကာ မိဘများအတွက် တရားမျှတမှုကို ပြန်လည်ရှာဖွေရန်ပင် ဖြစ်သည်။

သို့သော် လျှို့ဝှက်နယ်မြေတွင် ပိတ်မိသွားခြင်းနှင့် နင်းဖန်၏ ဆေးဖော်စပ်မှုတို့ကြောင့် မှတ်ဉာဏ်များ ဆုံးရှုံးသွားသောအခါ သူမ၏ မူလသဘာဝစစ်စစ်ဖြစ်သော ကျန်းထန်အဖြစ်သို့ ရောက်ရှိသွားခဲ့သည်။

မုန်းတီးမှုများနှင့် ဖိအားများ မရှိတော့သည့်အခါတွင်မူ သူမသည် ဖြူစင်ပြီး ချစ်စရာကောင်းသော၊ အနည်းငယ် အူကြောင်ကြောင်နိုင်သော ပုံစံအဖြစ် ပြန်လည်ပေါ်ထွက်လာခဲ့ခြင်းပင် ဖြစ်ပေတော့သည်။