အခန်း ၁၈၈၅

အခန်း(၁၈၈၅) ပါရမီရှင်ပေါ်လာခြင်း

လူတစ်စုသည် ဧရာမအတားအဆီးကြီးတစ်ခု၏ အပြင်ဘက်ရှိ တောင်ထိပ်တစ်ခုပေါ်တွင် ရပ်နေကြကာ ပြင်ပတပ်၏ အကြွင်းအကျန်များကို ကြည့်နေကြသည်။ မူလက စစ်သားတစ်ထောင်ကျော်ရှိသော အင်အားကြီးမားသော တပ်မတော်သည် ယခုအခါ ချိုင့်ဝှမ်းထဲတွင် ပုန်းအောင်းနေသော စစ်သားသုံးရာကျော်သာရှိတော့သည်။ ဧရာမအတားအဆီးကြီး၏ အပြင်ဘက်တွင် တစ်စုံတစ်ခုကို စောင့်မျှော်နေသကဲ့သို့ ချုံခိုတိုက်ခိုက်နေသော လူအများအပြားလည်းရှိ၏။

ဤလူအုပ်စုထဲတွင် သွေးနီရောင်ဝတ်ရုံကို ဝတ်ဆင်ထားသော အသက်လတ်ပိုင်းအရွယ် အမျိုးသားတစ်ဦးက ရက်စက်ကြမ်းကြုတ်သော အမူအရာဖြင့် ချိုင့်ဝှမ်းရှိ ကျန်နေသော တပ်သားများကိုကြည့်နေသည်။

"ချူးယွင်ဖန်း ပြန်လာပြီလား" သွေးနီရောင်ဝတ်ရုံဝတ်ဆင်ထားသော အသက်လတ်ပိုင်းလူသည် သူ့လက်အောက်ငယ်သား၏ အစီရင်ခံစာကို နားထောင်၍ မျက်မှောင်ကြုတ်လိုက်သည်။

"ဒါပေမယ့် သူ ထွက်မလာဘူးပေါ့"

"ဟုတ် သူမထွက်လာဘူး ဆရာ" လက်အောက်ငယ်သားတစ်ဦးက ခပ်တိုးတိုးဖြေသည်။

"ပြင်ပတပ်စခန်းကို အနီးကပ်စောင့်ကြည့်ပါ။ ပတ်ဝန်းကျင်တပ်စခန်းတွေကိုလည်း အနီးကပ်စောင့်ကြည့်ဖို့ တစ်ယောက်ယောက်ကို လွှတ်ထားလိုက်။ ချူးယွင်ဖန်း ထွက်လာမလာဘူးဆိုရင်၊ ဒါမှမဟုတ် တခြားတပ်တွေနဲ့ ဆက်သွယ်မိရင် ချိုင့်ဝှမ်းထဲက ကျန်တဲ့ဒီလူတွေကို ချက်ချင်းသတ်ပစ်လိုက်"

"ဟုတ်ကဲ့ပါ ဆရာ" လက်အောက်ငယ်သားက ထိုလူ၏ ညွှန်ကြားချက်များကို လိုက်နာရန် ထွက်သွားခဲ့သည်။

သွေးနီရောင်ဝတ်ရုံဝတ်ဆင်ထားသော အသက်လတ်ပိုင်းလူသည် ရေခဲဂူထဲမှ ရေခဲကဲ့သို့ အလွန်အေးစက်သော အမူအရာရှိသည်။ သူ့မျက်လုံးထဲတွင် ချိုင့်ဝှမ်းရှိ ကျန်ရှိနေသော စစ်သားများသည် ဝက်များကဲ့သို့ဖြစ်သည်။ ချူးယွင်ဖန်းကို မျှားခေါ်ရန် ကြိုးစားနေခြင်းကြောင့်သာမဟုတ်ပါက ၎င်းတို့ကို သတ်ပြီးသည်မှာ ကြာနှင့်ပေလိမ့်မည်။

ချိုင့်ဝှမ်းအတွင်း၌ ပြင်ပတပ်မတော်၏ အကြွင်းအကျန်များသည် ချူးဟုန်ချိုင်နှင့် ယုချူးယွင်တို့ကို ဝိုင်းရံထားကြသည်။ လူတိုင်း စိတ်ဓာတ်ကျနေပုံရသည်။ တစ်နှစ်ကျော်ကြာ ပြင်ပတပ်မတော်သည် ပေါင်းထိုင်အနီးရှိ ဒေသများကို ဖြတ်ကျော်ဝင်ရောက်ကာ နတ်ဆိုးများနှင့် မွန်းစတားများကို သုတ်သင်ရှင်းလင်းခဲ့သည်။ ချုံခိုတိုက်ခိုက်ခံရပြီးနောက် တပ်တစ်ခုလုံး ချက်ချင်းရှုံးနိမ့်သွားလိမ့်မည်ဟု မည်သူထင်ခဲ့မည်နည်း။ တစ်ဖက်လူက ဆန္ဒရှိပါက မိနစ်ပိုင်းအတွင်းပင် ၎င်းတို့ကို ချေမှုန်းပစ်နိုင်သည်။

အချိန်အတော်ကြာ ပိတ်မိနေပြီးနောက် ၎င်းတို့ တုံးအလျှင်ပင် တစ်ဖက်သူ၌ အခြားရည်ရွယ်ချက်များရှိနေသည်ကို သိနိုင်သည်။ တစ်နည်းအားဖြင့် ၎င်းတို့က သူတို့အတွက် ဤနေရာ၌ရှိနေကြခြင်းမဟုတ်ကြပေ။

၎င်းတို့သည် ဓားစာခံများသာဖြစ်ကြသည်။

ဤလူများသည် ၎င်းတို့၏တပ်မတော်၏ အဓိကအချက်အချာနှင့် ပစ်မှတ်ထားရမည့် တစ်ဦးတည်းသောတန်ဖိုးရှိသူဖြစ်သည့် ပြင်ပတပ်မတော်၏ ဗိုလ်ချုပ်ကြီး ချူးယွင်ဖန်းကို ပစ်မှတ်ထားနေကြောင်း သူတို့ခန့်မှန်းရန် မခက်ခဲပေ။

အထူးသဖြင့် ချူးဟုန်ချိုင်က ထိုအချက်ကို သတိထားမိသည်။ သို့သော်လည်း သူသည် ချူးယွင်ဖန်း၏ အားနည်းချက်ဖြစ်လာကြောင်းကိုလည်း သတိပြုမိသဖြင့် သူ့ကိုယ်သူလည်း အပြစ်တင်နေမိ၏။ သူ၏ စိတ်ပိုင်းဖြတ်ထားသော အကြည့်အောက်တွင် ဆုံးဖြတ်ချက်တစ်ခု ချပြီးပြီဖြစ်ကြောင်း သူသာလျှင်သိသည်။

တစ်ခုခု မှားယွင်းသွားခဲ့ပါက ဤလူများလက်ထဲသို့ ကျရောက်မည့်အစား မိမိကိုယ်ကိုယ် အဆုံးစီရင်လိုက်မည်ဟုတ်ဆုံးဖြတ်ထား၏။ မဟုတ်ပါက ချူးယွင်ဖန်းကို ကိုင်တွယ်ဖြေရှင်းရန် သုံးမည့် ကိရိယာတစ်ခုသာ ဖြစ်သွားလိမ့်မည်။

ရုတ်တရက် ပြင်ပတပ်မှ ကျန်ရှိနေသော စစ်သားများသည် အဝေးမှ ဆူညံသံတစ်ခုကို ကြားလိုက်ရသဖြင့် ကြည့်လိုက်သောအခါ သူတို့ဆီသို့ လျှောက်လာသော ပုံရိပ်တစ်ခုကို မြင်လိုက်ရသည်။ ၎င်းသည် ၎င်းတို့၏ အထောက်အပံ့တစ်ဖြစ်လဲ ပြင်ပတပ်၏ စစ်ဗိုလ်ချုပ်ကြီး ချူးယွင်ဖန်း ဖြစ်သည်။

ချက်ချင်းပင် လူတိုင်း၏ စိတ်ဓာတ်များ တုန်လှုပ်သွားကြသည်။

"ဒါက ဗိုလ်ချုပ်ကြီးပဲ!"

"ဗိုလ်ချုပ်ကြီး ရောက်လာပြီ။ ကျွန်တော်တို့ ကယ်တင်ခံရပြီ!"

"ကျွန်တော်တို့အတွက် မျှော်လင့်ချက်ရှိပါသေးတယ်!"

ထိုအချိန်၌ လူတိုင်း ရှင်သန်ရမည့်မျှော်လင့်ချက်ကို မြင်လိုက်ကြရသဖြင့် စိတ်လှုပ်ရှားနေကြသည်။

"အားလုံးသတိထားကြ သတိကပ်ထားကြစမ်း” ယုချူးယွင် အော်ပြောလိုက်သောအခါ လူတိုင်း သတိပြန်ဝင်လာကြသည်။

ချူးယွင်ဖန်း၏ ပေါ်လာခြင်းသည် သူတို့အတွက် ကောင်းသောအရာတစ်ခု မဟုတ်နိုင်ပေ။ ချူးယွင်ဖန်း ပေါ်လာပါက ၎င်းတို့ဆက်လက်တည်ရှိရန် အသုံးမဝင်တော့သောကြောင့် ရန်သူက သူတို့ကို ယခု သတ်ပစ်နိုင်သည်ဟု ထင်လျှင် သတ်ပစ်လိုက်လိမ့်မည်။

ကံကောင်းထောက်မစွာဖြင့် အဆိုးရွားဆုံးအခြေအနေ မဖြစ်လာခဲ့ပေ။ တစ်ဖက်လူက ချူးယွင်ဖန်းကိုသာ စိတ်ဝင်စား၍ ၎င်းတို့ကို သတ်ပစ်ရန် လုံးဝ မစဥ်းစားမိသေးပေ။

"ချူးယွင်ဖန်း နောက်ဆုံးတော့ ရောက်လာပြီ။ စိတ်ဝင်စားစရာပဲ။ ဒါကို မြန်မြန်အဆုံးသတ်လိုက်ရအောင်။ ဘာပဲဖြစ်ဖြစ် ဒါက နတ်ဆိုးနယ်မြေ မဟုတ်ဘူး" သွေးနီရောင်ဝတ်ရုံဝတ်ဆင်ထားသော အသက်လတ်ပိုင်းလူက အမိန့်ပေးလိုက်သည်။

ထို့နောက် ခဏအကြာ၌ မောက်မာသောအငွေ့အသက်များရှိသည့် လူရိပ်များပေါ်လာကြကာ မျက်စိတစ်မှိတ်အတွင်း ကမ္ဘာတစ်ခုလုံး အရောင်ပြောင်း၍ မရေမတွက်နိုင်သော ရက်စက်ကြမ်းကြုတ်သော အရှိန်အဝါများ ကောင်းကင်တွင် ပေါ်လာသည်။ ၎င်းတို့သည် မိုးကြိုးအလျင်ဖြင့် လေထဲတွင် ကြီးမားသော အစုအဝေးတစ်ခု ဖွဲ့စည်းကာ ချူးယွင်ဖန်းကို ဝန်းရံထား၏။

ချူးယွင်ဖန်းက သူ့ကို ရုတ်တရက် ဝန်းရံထားသော ပုံရိပ်များစွာကို ကြည့်လိုက်သည်။ ၎င်းတို့၏ ပေါင်းစပ်ထားသော နတ်ဆိုးရောင်ဝါက ကြောက်မက်ဖွယ်ကောင်းလှသဖြင့် မည်သူကိုမဆို ကြောက်၍ သေစေနိုင်သည်။ ဤလူများထဲတွင် လူသားများနှင့်တူသူအချို့ရှိသကဲ့သို့ ပြိုင်ဘက်ကင်းသော မွန်းစတားများလည်း ရှိသည်။

၎င်းတို့၏ ခန္ဓာကိုယ်များက တောင်ငယ်များကဲ့သို့ ကြီးမားလှ၏။

"နတ်ဆိုးတွေ။ မင်းက နတ်ဆိုးနတ်ဘုရားဂိုဏ်းကပဲ"

ချူးယွင်ဖန်းသည် ဤချုံခိုတိုက်ခိုက်မှုကို မည်သူစီစဉ်ခဲ့သည်ကို နောက်ဆုံးတွင် နားလည်သွားခဲ့သည်။ မူလက လီချန်းယွမ်ဟု သူထင်ခဲ့သော်လည်း ဤသည်ကား နတ်ဆိုးများဖြစ်နေသည်။

တရှနှင့် နှိုင်းယှဥ်နိုင်သည့် ဧရာမနတ်ဆိုးဂိုဏ်းကြီးတစ်ခုအနေဖြင့် နတ်ဆိုးများ၏ အစွမ်းသတ္တိကို သံသယဖြစ်ရန်မလိုပေ။ နတ်ဆိုးများထဲ၌ ကျွမ်းကျင်သူများမရေမတွက်နိုင်အောင်များပြားသည်။

နတ်ဆိုးနတ်ဘုရားဂိုဏ်းသည်မူ တရှကို နှောက်ယှက်ရန် နတ်ဆိုးများ အထူးပြုစုပျိုးထောင်ထားသည့် ဂိုဏ်းတစ်ခုဖြစ်သည်။ ထိုဂိုဏ်းက တရှ၌ သွေးချောင်းစီးပွဲများ တစ်ချိန်က ဖြစ်ပွားခဲ့ဖူးသည်ဖြစ်ရာ

မိုးတိမ်များတမျှ ကျွမ်းကျင်သူများများပြား၍ ၎င်းတို့၏ သြဇာလွှမ်းမိုးမှုက အလယ်ပိုင်းလွင်ပြင်တစ်လျှောက် ပျံ့နှံ့သွားသည်ဟု ပြော၍ ရ၏။

နတ်ဆိုးနတ်ဘုရားဂိုဏ်းကို ကိုင်တွယ်ဖြေရှင်းရန် အလွန်ခက်ခဲသည်။

--