အခန်း ၁၈၈၇

အခန်း(၁၈၈၇) နတ်ဆိုးနတ်ဘုရား

ဤလူများကို သုတ်သင်ရန် ချူးယွင်ဖန်း အသက်အနည်းငယ်သာ ရှုလိုက်ရခြင်းက နှစ်ဦးကြားရှိ အင်အားကွာခြားမှုကိုလုံးဝ ထင်ဟပ်စေသည်။ ချိုင့်ဝှမ်းထဲ၌ ချူးယွင်ဖန်းအပေါ် အယုံကြည်ရဆုံးဖြစ်သည့် ပြင်ပတပ်ကပင် အံ့သြသွားသည်။ ၎င်းတို့၏ မျက်လုံးထဲတွင် ချူးယွင်ဖန်းကိုဝိုင်းထားကြသည့် ပုံရိပ်များအားလုံးက နတ်ဆိုးများကဲ့သို့ ကြောက်မက်ဖွယ်ကောင်းလောက်အောင်အစွမ်းထက်ကြသည်။

စကြဝဠာအဆင့် တပည့်အစစ်များပင် ၎င်းတို့ကို ခုခံနိုင်ကြလိမ့်မည်မဟုတ်ပေ။ ယုချူးယွင်က ယင်းကို အကောင်းဆုံးသိထားသည်။ သူ စကြဝဠာအဆင့် တပည့်မဟုတ်သော်လည်း ခြေလှမ်းတစ်ဝက်မျှသာ လိုတော့သည်။ သို့ထိတိုင် ထိုအဆင့်သို့ရောက်လျှင်ပင် ထိုသူများကို ရင်ဆိုင်ရန် ခက်ခဲလိမ့်မည်ဟု ထင်မိသည်။ ထိုကျွမ်းကျင်သူများအဆင့်တွင် အရေအတွက်က အဓိပ္ပါယ်မရှိပေ။ ၎င်းတို့ တစ်ရာရှိလျှင်ပင်

ချက်ချင်းသေဆုံးသွားကြရပေလိမ့်မည်။ အသက်ရှင်ကျန်ရစ်ရန် အလားအလာလုံးဝမရှိနိုင်ပေ။

သို့သော်လည်း ထိုကဲ့သို့ ကြောက်မက်ဖွယ်ကောင်းသော ကျွမ်းကျင်သူများကို ချူးယွင်ဖန်းက ခဏတာအတွင်း သတ်ပစ်လိုက်သည်။

ယုချူးယွင်အတွက် ဤသည်က သူ၏ လောကအမြင်ကို လုံးဝ ဖျက်ဆီးပစ်လိုက်ခြင်းနှင့်ပင်ညီမျှသည်။

ချူးဟုန်ချိုင်တစ်ယောက်တည်းသာ တည်ငြိမ်နေပုံရ၏။ သူ့အတွက် ချူးယွင်ဖန်းသည် ယခင်က အံ့ဖွယ်ကိစ္စများစွာ ပြုလုပ်ခဲ့ဖူးသဖြင့် နောက်ထပ် တစ်ခု သို့မဟုတ် နှစ်ခုသည် အရေးမကြီးပေ။ သဘာဝအတိုင်းပင်၊ သူ ဤအရာအားလုံးကို မျှော်လင့်ထားခဲ့ပြီးဖြစ်၍ ချူးယွင်ဖန်း ရှိနေသရွေ့ သူ မလုပ်နိုင်သောအရာ မရှိပေ။

နတ်ဆိုးနတ်ဘုရားဂိုဏ်းက ပညာရှင်များပင် ချူးယွင်ဖန်းက ထိုမျှ ကြောက်မက်ဖွယ်ကောင်းလိမ့်မည်ဟု မမျှော်လင့်ထားကြပေ။ ၎င်းတို့ စီစဥ်ထားသည့် ပညာရှင်များအားလုံးကို သူ အလွယ်တကူ သတ်ပစ်ခဲ့၏။

ချူးယွင်ဖန်း၏ အစွမ်းသတ္တိကို ၎င်းတို့ ထည့်သွင်းစဥ်းစားထားခဲ့ကြပြီးဖြစ်ကာ ချူးယွင်ဖန်းတွင် အတောင်ပံများရှိလျှင်ပင် သူ လွတ်မြောက်ရန် ခက်ခဲလိမ့်မည်။

သို့သော် ချူးယွင်ဖန်းတွင် တောင်ပံများရှိလျှင်ပင် ထွက်ပြေးရန် မတတ်နိုင်လောက်အောင်ပင် လုံလောက်သည့် ဤလူအရေအတွက်က ချူးယွင်ဖန်းကို လုံးဝ မယှဥ်နိုင်ပေ။ လှုပ်ရှားမှုအနည်းငယ်အတွင်း ၎င်းတို့အားလုံးကို သူ သတ်ပစ်လိုက်သည်။

ထိုလူအရေအတွက်က ချူးယွင်ဖန်းကို အမှန်တကယ် ရှုံးနိမ့်လိမ့်မည်ဟု ၎င်းတို့ ဘယ်သောအခါကမျှ မထင်ထားခဲ့ကြပေ။ ပို၍ ကြောက်စရာကောင်းသည်က ထိုလူအရေအတွက်က ချူးယွင်ဖန်းကို ခဏလေးပင် မတားဆီးနိုင်ခြင်းဖြစ်၏။ ပေါ့ပေါ့ပါးပါးလမ်းလျှောက်ရုံဖြင့် သူ လူအားလုံးကို သတ်ပြီးဖြစ်ပေသည်။ ထိုကဲ့သို့ တပ်စုသည် တပ်သားထောင်ပေါင်းများစွာကို တိုက်ခိုက်လျှင်ပင် ကျရှုံးမည်မဟုတ်ပေ။ ၎င်းတို့က တပ်သား တစ်သိန်းကို ဖြန့်ကျက်နိုင်သော်လည်း ချူးယွင်ဖန်းရှေ့၌ အလွန်အားနည်းသည်။

၎င်းတို့က အလွန်အားနည်းနေခြင်းလော… သို့မဟုတ် ချူးယွင်ဖန်းက အလွန်သန်မာနေခြင်းလော။

၎င်းတို့တွေးနေချိန်၌ ချူးယွင်ဖန်းသည် လျှပ်စီးများပေါ်၌ ကမ္ဘာအနှံ့သို့ လျှပ်စီးအလင်းကို ဖြန့်ကျက်ပေးနေသော လျှပ်စီးနတ်ဘုရားတပါးနှယ် လမ်‌လျှောက်လာလျက်ရှိသည်။

"ဒါပဲလား။ သတ်ဖို့တောင် မလုံလောက်သေးဘူး" ချူးယွင်ဖန်းက ဂရုမစိုက်ဟန်ဖြင့် ပြောလိုက်၏။

သူ ကောင်းကင်အလွန် လေဟာနယ်၏ အနက်ရှိုင်းဆုံးနေရာသို့ ကြည့်လိုက်သောအခါ ထိုနေရာ၌ ပုန်းနေသူများ သူ့ကို စူးစိုက်ကြည့်နေသည်ကို ခံစားမိသည်။ သူ့ကို ကိုင်တွယ်ဖြေရှင်းရန် နတ်ဆိုးနတ်ဘုရားဂိုဏ်းက များစွာ ကြိုးစားအားထုတ်ခဲ့ကာ ကျွမ်းကျင်သူများစွာကို ရှာဖွေခဲ့သည်။

မှန်သည်။ ထိုလူအရေအတွက်တစ်ခုတည်းမဟုတ်ပေ။

"ကျွတ် ကျွတ် မင်း ဒီလူပမာဏကို ကျော်နိုင်မယ်မထင်ထားမိဘူး”

ရုတ်တရက် မာနထောင်လွှားသော ရယ်သံတစ်ခု ထွက်ပေါ်လာပြီးနောက် နယ်မြေတစ်ခုလုံး တုန်ခါသွားစေသည်။ သွေးနီရောင်ဝတ်ရုံဝတ်ဆင်ထားသော လူငယ်တစ်ဦး ဖြည်းဖြည်းချင်း လျှောက်လာကာ ချူးယွင်ဖန်းရှေ့တွင် ရပ်လိုက်၏။ ထိုလူငယ်က နတ်ဆိုးအငွေ့အသက်များ ဖုံးလွှမ်းနေသော်လည်း ခန့်ညားသော မျက်နှာလည်းရှိသည်။ သူ့ခန္ဓာကိုယ်ပေါ်၌ နတ်ဆိုးစွမ်းအင်များ တောက်ပနေသည့်တိုင် သူသည် လူသားစစ်စစ်တစ်ဦးဖြစ်သည်။ သို့သော် မျက်လုံးများကမူ လူသားမျက်လုံးများနှင့်မတူဘဲ ကြောင်နတ်ဆိုးတစ်ကောင်နှင့်တူသည်။

ချူးယွင်ဖန်းက လူငယ်ကို ကြည့်ပြီးနောက် ချက်ချင်းပင် ထိုလူငယ်က နတ်ဆိုးနတ်ဘုရားဂိုဏ်းမှဖြစ်ကြောင်း ကောက်ချက်ချလိုက်နိုင်ခဲ့သည်။ ထိုလူသည် နတ်ဆိုးလုံးလုံးမဟုတ်သည့်တိုင် နတ်ဆိုးအငွေ့အသက်များ အလွန်ပြင်းနေသဖြင့် လူသားပုံပင်မပေါ်တော့ပေ။ လူသားပုံစံရှိသည်မှန်သော်လည်း ချူးယွင်ဖန်း၏ အမြင်၌ သူသည် လူ့အရေခွံခြုံထားသော သားရဲတစ်ကောင်ကဲ့သို့ သွေးဆာကာ သတ်ဖြတ်ချင်စိတ်များပြည့်နေသည်။

ထိုလူငယ်၏ ခွန်အားက အလွန်ကြောက်မက်ဖွယ်ကောင်းသည်။ စိမ့်ထွက်လာသည့် နတ်ဆိုးစွမ်းအင်က ချူးယွင်ဖန်းကို အနိုင်ယူခဲ့သော ပညာရှင်များထက်ပင် သာလွန်နေသည်။ ထို့ကြောင့် ဖန်ဆင်းရှင်အဆင့်သို့ရောက်နေပြီဖြစ်သော ကြောက်မက်ဖွယ်သတ္တဝါတစ်ကောင်ဖြစ်ကြောင်း ထင်ရှား၏။

"အနည်းဆုံးတော့ မင်းမှာ အရည်အချင်းတစ်ခုခုတော့ ရှိတယ်။ မင်းကို သတ်ပစ်ဖို့ သခင်ကိုယ်တိုင် အမိန့်ပေးခဲ့တာ အလကားတော့မဟုတ်ဘူးပဲ။ မဟုတ်ရင် မင်းကိုယ်မင်း ဘာကောင်ထင်နေတာလဲ။ ငါတို့ကိုယ်တိုင် ကိုင်တွယ်ဖို့ မင်းအဆင့်မှီလို့လား”

ကြောက်မက်ဖွယ် နတ်ဆိုးစွမ်းအင်များ ထွက်နေသော ထိုလူငယ်က ဤသို့ပြောလာသည့်အခါ မျက်လုံးထဲ၌ မနာလိုမှုအငွေ့အသက်တချို့ ဖြတ်ပြေးသွားသည်။

"ဒါပေမယ့် မင်းကိုယ်မင်း ဘယ်သူလို့ ထင်လဲ။ မင်းက သာမန်လူသားတစ်ယောက်ပဲ။ မင်းက သခင့်ဆီမှာ အထူးအာရုံစိုက်ခံရဖို့မတန်ဘူးကွ”

"နိမ့်ကျတဲ့လူသားဟုတ်လား”

ချူးယွင်ဖန်း မျက်မှောင်ကြုတ်လိုက်သည်။ နတ်ဆိုးနတ်ဘုရားဂိုဏ်းမှ ကျွမ်းကျင်သူအားလုံး ဦးနှောက်ဆေးကြောခံခဲ့ရမည်ကို သူသိသည်။ ထိုကြီးကျယ်သော ကျွမ်းကျင်သူများပင် တစ်ခါတစ်ရံ ဦးနှောက်ဆေးကြောခံရလေ့ရှိသည်။ လူတစ်ယောက် မည်မျှပင် စွမ်းအားကြီးစေကာမူ ခွေးပေါက်စလေးသာ ဖြစ်သွားလိမ့်မည်။

သို့သော် ဤစကားများကို ကြားသောအခါ သူ ဒေါသထွက်လာသည်။ ထိုသို့သော လူမျိုးတွင် ရှင်းလင်းသော အမည်ရှိ၏။

‘သစ္စာဖောက်တွေ’

"ဟုတ်တယ်။ မင်းကိုယ်မင်း ဘယ်သူလို့ထင်လဲ။ မင်းက ပါရမီရှင်စာရင်းမှာ ကံကောင်းလို့ပါခဲ့တာ။ ငါတို့အားလုံး ဖန်ဆင်းရှင်အဆင့်ရောက်နေပြီလေ မင်းကိုယ်မင်းလည်းပြန်ကြည့်ဦး” လူငယ်က လှောင်ရယ်လိုက်ကာ မျက်လုံးထဲ၌ မာနထောင်လွှားသော အရိပ်အယောင်တချို့ ဖြတ်ပြေးသွားသည်။

"မင်းက ဘယ်သူလဲ" ချူးယွင်ဖန်း နောက်ဆုံး၌ သူ့ရှေ့မှ လူငယ်ကို စိတ်ဝင်စားသွားသည်။

“နတ်ဆိုးနတ်ဘုရားဂိုဏ်း သခင်လေးနင်ယောင်ရှန်း”

နောက်ဆုံး၌ သူ့ရှေ့ကလူက မည်သူဖြစ်သည်ကို မှတ်မိသွားသည်။ “ကမ္ဘာ” စာအုပ်၌ သူ့အကြောင်း မှတ်တမ်းပါရှိပေ၏။

နင်ယောင်ရှန်းသည် နတ်ဆိုးနတ်ဘုရားဂိုဏ်း၏ လူငယ်မျိုးဆက်တွင် ထိပ်တန်းကျွမ်းကျင်သူဖြစ်သည်။ သူသည် နတ်ဆိုးနတ်ဘုရားဂိုဏ်း၏ ဆက်ခံသူနှင့် အနာဂတ်ခေါင်းဆောင်လည်းဖြစ်သည်။ သူ၏ခွန်အားမှာ မယုံနိုင်လောက်အောင် ကြီးမားကာ ပါရမီရှင်စာရင်းတွင် ၃၀ မြောက်နေရာတွင် ရပ်တည်နိုင်၏။ နင်ယောင်ရှန်းက အလွန်သန်မာကာ တစ်ချိန်တည်း၌ပင် နတ်ဆိုးနတ်ဘုရားဂိုဏ်းနှင့် နတ်ဆိုးများအပေါ် အလွန်သစ္စာရှိကြောင်း ပါရမီရှင်စာရင်း၌ မှတ်တမ်းတင်ထားသည်။ သူသည် တရှ၏ ပါရမီရှင်များကို လိုက်လံရှာဖွေရန် ကြိုးပမ်းမှုများစွာကို စီစဥ်ခဲ့ကာ တူညီသော မျိုးဆက်၏ ဘုရင်အဆင့် သိုင်းပညာရှင်တစ်ဦးကိုပင် သတ်ခဲ့၏။

"မင်းငါ့နာမည်ကို သိနေတယ်ဆိုမှတော့ မင်းရဲ့အလောင်းကို မပျက်စီးအောင်ထားပြီး မင်းရဲ့သေဆုံးမှုကို နာကျင်မှုနည်းအောင် ငါလုပ်ပေးမယ်!" နင်ယောင်ရှန်းက ကြောက်မက်ဖွယ်ကောင်းအောင် ရယ်လိုက်သည်။

"မင်းက နတ်ဆိုးတွေရဲ့ ခွေးတစ်ကောင်ပဲ။ မင်းရဲ့ခေါင်းဆောင်တောင် ထွက်လာရဲတာမဟုတ်ဘူး။ မင်းလိုခွေးက ငါ့ကို ဘယ်လိုဟောင်ရဲတာလဲ။ အသက်ရှင်နေရတာ ငြီးငွေ့နေပြီထင်တယ်"

ချူးယွင်ဖန်းက အေးစက်စက်ရယ်မောလိုက်သည်။ သူ ကောင်းကင်ကိုဝေ့ဝိုက်ကြည့်ပြီးသားဖြစ်ကာ ၎င်း၌ ပုန်းနေသူများသည် အစောပိုင်းက သူသတ်ခဲ့သူများနှင့်မတူဘဲ ဖန်ဆင်းရှင်အဆင့်ရှိ စစ်မှန်သော ကျွမ်းကျင်သူများဖြစ်ကြသည်။ သူ့ကို သတ်ရန်အတွက် နတ်ဘုရားဂိုဏ်းက ၎င်းတို့ကိူ ဦးနှောက်ဆေးထားခြင်းပင်ဖြစ်၏။

--