အခန်း ၂၄၁

အခန်း ၂၄၁: စူးမိသားစုက ဖြစ်နေတာပဲ...ကောင်းတယ်

"စူးမိသားစုက ဖြစ်နေတာပဲ...ကောင်းတယ်..."

ပြင်းထန်သော ဖိနှိပ်မှုအပြီးတွင် အေးစက်သော အပြုံးတစ်ခုကို သယ်ဆောင်လာသည့် ရွှီဝူဖာ၏အသံက ပုံပျက်နေသော ဟင်းလင်းပြင်ကန့်လန့်ကာ နောက်မှ ထွက်ပေါ်လာသည်။"အဲ့ဒီ အသုံးမကျတဲ့ ရှင်းချန်ယောင်က မင်းရဲ့လက်ထဲမှာ သေသွားတာ အံ့အားသင့်စရာ မရှိတော့ဘူး...""ဒါပေမဲ့ မီးတောက် နတ်ဘုရား မျိုးနွယ်စုရဲ့ အဆင်အခြင်မဲ့တဲ့ အရူးတစ်ယောက်ကို သတ်လိုက်ရုံနဲ့ မင်းက ဒီအရှင်နဲ့ နှိုင်းယှဉ်လို့ရမယ်လို့ ထင်နေတာလား"သူ၏စကားသံ မဆုံးမီမှာပင် ရွှီဝူဖာကို ဝန်းရံထားသော အရှိန်အဝါက ရုတ်တရက် ပြောင်းလဲသွားတော့သည်။သူ့ကို ဖုံးလွှမ်းထားသော ပုံပျက်နေသည့် ဟင်းလင်းပြင်ကန့်လန့်ကာသ​ည် သက်ရှိတစ်ကောင်အလား ကျယ်ပြန့်လာပြီး သူ နေရာယူထားသော ပေတစ်ရာဧရိယာကို ထူးဆန်းပြီး ကြောက်မက်ဖွယ်ကောင်းသည့် ဟင်းလင်းပြင်ဝင်္ကပါတစ်ခုအဖြစ် ချက်ချင်းပြောင်းလဲသွားစေသည်။အလင်းတန်းများသည် အလင်းယိုင်သွားပြီး ဟင်းလင်းပြင်သည် မရေမတွက်နိုင်သော ကျိုးပဲ့နေသည့် မှန်များ ဖြစ်ကတတ်ဆန်း ဆက်စပ်ထားသည့်အလား တစ်ခုပေါ်တစ်ခု ထပ်နေကာ အပိုင်းအစတိုင်းတွင် ရွှီဝူဖာ၏ဝေဝါးပြီး ထူးဆန်းသောပုံရိပ် ထင်ဟပ်နေသည်။ဤသည်မှာ ဟင်းလင်းပြင်နတ်ဘုရား တော်ဝင် မျိုးနွယ်စု၏ မွေးရာပါနတ်ဘုရားစွမ်းရည်ဖြစ်သော ကမ္ဘာအသင်္ချေ ပုံရိပ်ယောင်များပင်။ထိုအရာမှာ ပုံရိပ်ယောင်တစ်ခု မဟုတ်ဘဲ အစစ်အမှန် ဟင်းလင်းပြင်၏ အခြေခံအုတ်မြစ်ပေါ်သို့ မရေမတွက်နိုင်သော ယာယီဟင်းလင်းပြင် အလွှာများကို ထပ်တင်ကာ ပုံပျက်သွားစေရန် အမြင့်မားဆုံး ဟင်းလင်းပြင်စွမ်းအားကို အသုံးပြုထားခြင်းပင်။ထိုအထဲတွင် ပြိုင်ဘက်တစ်ဦး၏ အာရုံငါးပါး၊ နတ်ဘုရား စိတ်အာရုံနှင့် ဟင်းလင်းပြင်အပေါ် သူတို့၏ ခံစားသိမြင်မှုပင်လျှင် အနှောင့်အယှက် ဖြစ်သွားပေမည်။ တစ်ဖက်လူသည် စွမ်းရည်သုံးစွဲသူ၏ စစ်မှန်သော ရုပ်ခန္ဓာကိုယ်ကို ချိတ်ပိတ်ရန် မဆိုထားနှင့် အမှန်နှင့်အမှားကို ခွဲခြားရန်ပင် မဖြစ်နိုင်ချေ။"ဒီအရှင်က ငါ့ရဲ့ ကမ္ဘာအသင်္ချေ ပုံရိပ်ယောင်တွေကို မင်း ဘယ်လို ချိုးဖျက်မလဲဆိုတာ ကြည့်ချင်သေးတယ်" ရွှီဝူဖာ၏ အေးစက်စက်အသံက အရပ်မျက်နှာ အားလုံးမှ ထွက်ပေါ်လာပြီး လူထောင်ပေါင်းများစွာ တပြိုင်နက်တည်း စကားပြောနေသည့်အလား သံပြိုင်ထွက်ပေါ်လာသည်။စူးချန်ကဲသည် ထိုပုံပျက်နေသော ဟင်းလင်းပြင် ဝင်္ကပါ၏ အရှေ့တွင် ရပ်နေပြီး သူ၏ အမူအရာက တည်ငြိမ်နေဆဲ ဖြစ်ကာ အနည်းငယ်မျှ စိတ်ဝင်စားမှု မရှိသည့်အလားပင်။သူက မော့ကြည့်လိုက်ရာ သူ၏အကြည့်က ထပ်နေပြီး ခန့်မှန်း၍မရနိုင်သော ဟင်းလင်းပြင် အလွှာများကို ထွင်းဖောက်သွားပုံရကာ တိကျသော အစစ်အမှန် အမှတ်တစ်ခုပေါ်သို့ တိုက်ရိုက်ကျရောက်သွားခဲ့သည်။"အပေါ်ယံ ကောင်းပြီး အသုံးမကျဘူး..."ဖျော့တော့သော စကားလုံးတချို့သာပါသည့် အကဲဖြတ်မှုတစ်ခုပြီးနောက် တခဏအကြာတွင် စူးချန်ကဲက လှုပ်ရှားလိုက်သည်။သူသည် မည်သည့် လျှို့ဝှက်ဆန်းကြယ်သော လှုပ်ရှားမှု နည်းစနစ်များကိုမျှ အသုံးခဲ့သည့်အပြင် လောကကြီးကို တုန်လှုပ်စေမည့် နတ်ဘုရားစွမ်းရည် များကိုလည်း ထုတ်ဖော်ခြင်းမပြုခဲ့ပေ။သူက ရိုးရိုးရှင်းရှင်းပင် သူ၏ ညာခြေကို မြှောက်လိုက်ပြီး ထိုထူးဆန်းသော ဟင်းလင်းပြင် ဝင်္ကပါဆီသို့ ညင်သာစွာ ခြေချလိုက်၏။ဘုန်း...လောကကြီး၏ဗဟိုချက်မှ မြည်ဟီးလာသည့်အလား ခပ်အုပ်အုပ်အသံတစ်သံက သူ၏ခြေထောက် မြေကြီးနှင့် ထိတွေ့သွားသည်နှင့် ဟိန်းဟောက်ကာ ပျံ့နှံ့သွားသည်။ဤနေရာ၌ စွမ်းအင်မုန်တိုင်း မရှိသည့်အပြင် ဟင်းလင်းပြင် ဆုတ်ဖြဲခြင်းလည်း မရှိခဲ့ပေ။သို့သော် စူးချန်ကဲ ခြေချလိုက်သော နေရာကို ဗဟိုပြု၍ မြင်နိုင်စွမ်းရှိသော မီးခိုးရောင်လှိုင်းဂယက် အလွှာတစ်ခုက ရေလှိုင်းများအလား တိတ်တဆိတ် လှိုင်းထန်သွားသည်။ထိုလှိုင်းဂယက်များသည် နှေးကွေးပုံ ရသော်လည်း အမှန်အားဖြင့် ထိုအရာများသည် ဟင်းလင်းပြင် ဝင်္ကပါ တစ်ခုလုံးကို မျက်တောင်တစ်ခတ်အတွင်း တိုက်ခတ်သွားလေ၏။ထို့နောက် ရွှီဝူဖာ၏မျက်လုံးသူငယ်အိမ်များကို ကျဥ်းမြောင်းသွားစေပြီး သူ၏ စိတ်ကို ပြင်းထန်စွာ တုန်ခါသွားစေသည့် မြင်ကွင်းတစ်ခု ဖြစ်ပေါ်လာသည်။တစ်ခုနှင့်တစ်ခု ထပ်နေပြီး ပုံပျက်နေကာ ပြောင်းလဲနေသော ဟင်းလင်းပြင်အလွှာများသည် မီးခိုးရောင် လှိုင်းဂယက်များ၏တိုက်ခတ်ခြင်းကို ခံလိုက်ရသည့် အချိန်အခိုက်အတန့်တွင် မြင်နိုင်စွမ်းမရှိသော ဧရာမ လက်ကြီးတစ်ဖက်ကြောင့် ချောမွေ့သွားသည့်အလား သာမန်မျက်စိဖြင့် မြင်နိုင်သော အရှိန်ဖြင့် ပုံမှန် အခြေအနေသို့ စတင်၍ ပြန်လည်ရောက်ရှိလာခဲ့သည်။အလင်းပုံပျက်ခြင်း သို့မဟုတ် အလင်းယိုင်ခြင်း မရှိတော့ဘဲ ဟင်းလင်းပြင်သည်လည်း ထပ်နေခြင်း သို့မဟုတ် ခေါက်ချိုးနေခြင်း မရှိတော့ဘဲ ရွှီဝူဖာ၏ ပုံရိပ်ကို ထင်ဟပ်နေသော ထိုမှန်အပိုင်းအစများက နေရောင်အောက်ရှိ ဆပ်ပြာပူဖောင်းများအလား တစ်ခုပြီးတစ်ခု ပေါက်ကွဲသွားသည်။အသက်တစ်ရှိုက်စာ အချိန်လေးအတွင်းမှာပင်...ပါရမီရှင်များအားလုံးကို ပိတ်လှောင်သတ်ဖြတ်ရန် လုံလောက်ပြီး တာအိုဖြတ်တောက်ခြင်း ဘုရင်များကိုပင် ခေါင်းကိုက်သွားစေနိုင်သော ကမ္ဘာအသင်္ချေပုံရိပ်ယောင်များသည် စူးချန်ကဲ၏ ပေါ့ပေါ့ပါးပါး ခြေလှမ်း အောက်တွင် လေထုထဲသို့ ပျောက်ကွယ်သွားတော့သည်။ရွှီဝူဖာ၏ အစစ်အမှန် ရုပ်ခန္ဓာကိုယ်သည် သူ၏မူလ နေရာတွင် အနည်းငယ် ဖရိုဖရဲ ဖြစ်နေပုံရကာ သူ၏နံဘေးပတ်လည်ရှိ ဟင်းလင်းပြင် လှိုင်းဂယက်များ လှိုင်းထနေသည်။ သူ၏ မည်းနက်သော မျက်လုံးများက လုံးဝမပျောက်ကွယ်သေးသော စူးချန်ကဲ၏ ခြေထောက်အောက်ရှိ မီးခိုးရောင်လှိုင်းဂယက်များကို စိုက်ကြည့်နေပြီး သူ၏မျက်နှာပေါ်တွင် ထိတ်လန့်မှုနှင့် စိတ်ရှုပ်ထွေးမှု အရိပ်အယောင်တစ်ရပ်ဖြင့် ပြည့်နှက်နေသည်။"မင်း... မင်း ဘာလုပ်လိုက်တာလဲ"ရွှီဝူဖာ၏အသံက မသိမသာ တုန်ယင်နေပေ၏။သူ နားမလည်နိုင်ခဲ့ပေ။ထိုအရာသည် ဟင်းလင်းပြင် ဥပဒေသ၏ ဆင့်ကဲပြောင်းလဲမှု ဖြစ်ပြီး ဟင်းလင်းပြင်ဖွဲ့စည်းပုံ၏ ပုံပျက်ယွင်းမှုတစ်ခုပင်။တစ်စုံတစ်ယောက်က ထိုအရာကို ဖုန်မှုန့်များကို ဖယ်ရှားပစ်လိုက်သည့်အလား မည်သို့ ချောမွေ့သွားအောင် လုပ်နိုင်မည်နည်း...စူးချန်ကဲသည် တုံ့ပြန်အဖြေမပေးခဲ့ချေ။သူသည် ရှေ့သို့ ခြေတစ်လှမ်းလှမ်းလိုက်ရာ သူ၏ ပုံရိပ်က သရဲတစ္ဆေတစ်ကောင်အလား ရွှီဝူဖာ၏ရှေ့တွင် ထွက်ပေါ်လာသည်။ သူတို့၏ကြားရှိ အကွာအဝေးမှာ သုံးပေထက် မပိုတော့ချေ။ထို့နောက် သူက လက်ကို မြှောက်ကာ လက်ဝါး တစ်ချက် ရိုက်ထုတ်လိုက်သည်။ထိုလက်ဝါးရိုက်ချက်မှာ သာမန်ဖြစ်ပြီး မြန်လည်း မမြန်သလို နှေးကွေးခြင်းလည်းမရှိသည့်အပြင် အံ့အားသင့်ဖွယ်ကောင်းသော အရှိန်အဝါမျိုးလည်း မရှိခဲ့ပေ။သို့သော် ရွှီဝူဖာ၏ မျက်လုံးများထဲတွင် ဤလက်ဝါး ရိုက်ချက်က သူ၏နံဘေးပတ်လည်ရှိ ဟင်းလင်းပြင် အားလုံးကို ပိတ်ဆို့ထားသည့်အလား ဖြစ်နေသည်။ သူ မည်သည့်ဘက်သို့ ရှောင်တိမ်းသည်ဖြစ်စေ သူ သေချာပေါက် ရိုက်နှက်ခံရပေမည်။ထို့ထက်ပို၍ ကြောက်မက်ဖွယ်ကောင်းသောအရာမှာ သူ၏နံဘေးပတ်လည်ရှိ ဟင်းလင်းပြင်မှ ထူးဆန်းသော ခံစားချက်တစ်ခုကို သူ ခံစားလိုက်ရခြင်းပင်။ဤဟင်းလင်းပြင်သည် ဟင်းလင်းပြင် နတ်ဘုရားသားတော်ဖြစ်သော သူ၏အမိန့်များကို နာခံခြင်း မရှိတော့သည့်အလားပင်။"ဟင်းလင်းပြင် အတားအဆီး"ရွှီဝူဖာက ကျယ်လောင်စွာ အော်ဟစ်လိုက်ပြီး သူ၏ လက်များကို သူ့ရှေ့တွင် ရုတ်တရက် ပြင်းပြင်းထန်ထန် ဝှေ့ယမ်းလိုက်သည်။ မည်းနက်သော ဟင်းလင်းပြင် အက်ကွဲကြောင်းများ တစ်ခုပြီးတစ်ခု ချက်ချင်း ဖြစ်ပေါ်လာကာ လေလုံသော ဟင်းလင်းပြင် အကာအကွယ်နံရံတစ်ခုအဖြစ် ယှက်နွယ်သွားနေသည်။ အကာအကွယ်နံရံ၏ အနောက်တွင် သူ၏ပုံရိပ်က လျှင်မြန်စွာ နောက်ဆုတ်သွားပြီး အကွာအဝေးကို ဆွဲဆန့်ရန် ကြိုးစားနေပေ၏။သို့ရာတွင်...စူးချန်ကဲ၏လက်ဝါးက အလောတကြီး မဟုတ်သည့်အပြင် နှေးကွေးခြင်းလည်းမရှိဘဲ ရှေ့သို့ဆက်လက်၍ ဖိနှိပ်နေဆဲပင်။ထိုလက်ဝါးသည် သူတော်စင်ဘုရင်တစ်ပါး၏ အစွမ်းကုန် တိုက်ခိုက်မှုကို ခံနိုင်ရည်ရှိရန် လုံလောက်သော ထိုဟင်းလင်းပြင်အကာအကွယ်နံရံနှင့် ထိတွေ့လိုက်သည့် အခိုက်အတန့်တွင် လောကကြီးကို တုန်လှုပ်စေမည့် ပေါက်ကွဲမှု မရှိခဲ့ချေ။သူတော်စင်လက်နက်များကိုပင် ဖြတ်တောက်နိုင်စွမ်းရှိသည့် ထိုအလွန်ထက်ရှသော ဟင်းလင်းပြင် အက်ကွဲကြောင်းများမှာ စူးချန်ကဲ၏ လက်ဝါးအစွန်းရှိ မသိသာလုနီးပါး ဖြစ်သော မီးခိုးရောင်အလင်းတန်းနှင့် ထိတွေ့မိချိန်၌ ရဲရဲတောက် ပူနေသည့် သံနှင့် ရေခဲ တွေ့ဆုံသည့်အလား တရှဲရှဲအသံများကို အမှန်တကယ် ထုတ်လွှတ်လိုက်သည်။ ထို့နောက် ထိုအက်ကွဲကြောင်းများသည် တိတ်တဆိတ် ပြန်စေ့သွားပြီး ပျောက်ကွယ်သွားတော့သည်။ထိုလက်ဝါးချီစွမ်းအားသည် ဟင်းလင်းပြင်အကာအကွယ်နံရံကို မည်သည့်ခုခံမှုမျှ မရှိဘဲ ဖောက်ထွင်းသွားသည်။ ဤသည်မှာ ထိုအကာအကွယ်နံရံသည် နေရောင်အောက်ရှိ ပုံရိပ်ယောင်တစ်ခုသက်သက် ဖြစ်နေသည့်အလားပင်။နောက်ခဏတွင် ထိုအရာက ရွှီဝူဖာ အလျင်စလို မြှောက်ထားသော လက်များပေါ်သို့ ပြင်းထန်စွာ ကျရောက်သွားပေ၏။ဂျွတ်...အရိုးကျိုးသွားသော ရှင်းလင်းသည့် အသံတစ်သံ မြည်ဟီးလာသည်။ရွှီဝူဖာက တိုးညင်းစွာ ညည်းတွားလိုက်ပြီး သူ၏ ခန္ဓာကိုယ်သည် ကြိုးပြတ်သွားသော စွန်တစ်ခုအလား နောက်သို့လွင့်စင်သွားတော့သည်။ သူ၏လက်နှစ်ဖက်လုံးသည် ပုံမှန်မဟုတ်ဘဲ ကွေးကောက်နေပြီး ရွှေရောင်နတ်ဘုရားသွေးများက သူ၏ စုတ်ပြဲနေသော အင်္ကျီလက်များမှ ပန်းထွက်နေသည်။ဟင်းလင်းပြင်တွင် သူ့ကိုယ်သူ မနည်းတည်ငြိမ်အောင် မလုပ်နိုင်မီ သူသည် ပေရာပေါင်းများစွာ နောက်သို့လွင့်စင်သွားပေ၏။ တွန့်လိမ်နေသော သူ၏ လက်များကို ငုံ့ကြည့်ပြီး သူ၏ခန္ဓာကိုယ်ထဲသို့ ကျူးကျော်ဝင်ရောက်လာကာ သူ၏ သွေးကြောများနှင့် နတ်ဘုရားသွေးကို ရူးသွပ်စွာ ဖျက်ဆီးနေသော ထူးဆန်းသည့် မီးခိုးရောင်ချီများကို သူ ခံစားလိုက်ရသည်။ နောက်ဆုံးတွင် ရွှီဝူဖာ၏မျက်လုံးများအတွင်း၌ ဖုံးကွယ်၍မရသော ထိတ်လန့်မှုများ ထွက်ပေါ်လာခဲ့သည်။'ငါ့ရဲ့ ဟင်းလင်းပြင် အကာအကွယ်က တကယ်ပဲ ဒီလောက်ထိ လွယ်လွယ်ကူကူ ထိုးဖောက်ခံလိုက်ရတာလား''အဲ့ဒီ မီးခိုးရောင်လေစီးကြောင်းက အတိအကျ ဘာဖြစ်နိုင်လဲ''အဲ့ဒီအရာက ဟင်းလင်းပြင် အက်ကွဲကြောင်းတွေကိုတောင် တိုက်ရိုက်ချောမွေ့သွားအောင် လုပ်နိုင်တာလား'"မဖြစ်နိုင်ဘူး... ဒါက မဖြစ်နိုင်ဘူး"ရွှီဝူဖာ၏အသံက အက်ကွဲနေပြီး ရူးသွပ်မှု အရိပ်အယောင်တစ်ခု ပါဝင်နေသည်။"ဟင်းလင်းပြင်ရဲ့ စွမ်းအားက ဥပဒေသတွေ အားလုံးရဲ့ အထက်မှာ ရှိနေပြီးတော့ အဆင့်အမြင့်ဆုံးပဲ...မင်းက ဘယ်လိုလုပ်ပြီး..."စူးချန်ကဲသည် စကားမပြောခဲ့ချေ။ သူက လက်ဝါးကို ပြန်ရုပ်သိမ်းကာ သူ၏လက်များကို နောက်ပစ်၍ မတ်တတ်ရပ်နေပြီး သူ၏ဝတ်ရုံက လူးလွန့်နေသည်။ရွှီဝူဖာ၏မျက်လုံးများထဲရှိ ရူးသွပ်မှုက ပို၍နက်ရှိုင်းပြီး အေးစက်သော ဆုံးဖြတ်ချက်တစ်ခုဖြင့် တဖြည်းဖြည်း အစားထိုးခံလိုက်ရသည်။သူက ဖြည်းညှင်းစွာ မတ်တတ်ပြန်ရပ်လိုက်သည်။ သူ၏လက်မောင်း ပြင်းထန်စွာ နာကျင်နေပြီး သူ၏ အရှိန်အဝါ ဖရိုဖရဲ ဖြစ်နေသော်လည်း နတ်ဘုရား မျိုးနွယ်စုမှ နံပါတ်တစ် နတ်ဘုရားသားတော်၏ မာနနှင့် ရက်စက်ကြမ်းကြုတ်မှုတို့က ဒဏ်ရာရနေသော သားရဲ တစ်ကောင်အလား လုံးဝလှုံ့ဆော်ခံလိုက်ရသည်။"ကောင်းတယ်... အရမ်းကောင်းတယ်"ရွှီဝူဖာက အော်ဟစ်ရယ်မောလိုက်ရာ သူ၏ ရယ်မောသံတွင် အဆုံးမရှိသော အေးစက်မှုနှင့် သတ်ဖြတ်လိုသည့် စိတ်ဆန္ဒတို့ဖြင့် ပြည့်နှက်နေသည်။"ဒီအရှင်က မင်းကို အလေးအနက်ထားဖို့ မင်းမှာ တကယ်ပဲ အရည်အချင်းရှိတယ်""ဒါပေမဲ့ ဒီနေရာမှာတင် အဆုံးသတ်ပြီ"ဤစကားလုံးများ ကျဆင်းသွားသည့် အချိန်အခိုက်အတန့်တွင် ရွှီဝူဖာက သူ၏ခေါင်းကို ရုတ်တရက် နောက်သို့လှန်ကာ အသံရှည်ကြီးဖြင့် ဟိန်းဟောက်လိုက်သည်။အား....ထိုဟိန်းဟောက်သံမှာ စူးရှပြီး တိမ်များကို ထိုးဖောက်သွားကာ ကျောက်တုံးများကို ကွဲအက်သွားစေသည်။သူ၏နံဘေးပတ်လည်တွင် အင်မော်တယ် ရှေးဟောင်းကမ္ဘာ၏ စည်းမျဉ်းများကြောင် သူတော်စင်နယ်ပယ်၏ အထွတ်အထိပ်တွင် ဖိနှိပ်ခံထားရသော အရှိန်အဝါက မီးတောင် ပေါက်ကွဲမှု တစ်ခုအလား ရူးသွပ်စွာ စတင်၍ မြင့်တက်လာသည်။ဘုန်း....ယခင်ကထက် ပို၍အစွမ်းထက်ကာ ပို၍ခိုင်မာပြီး ဆယ်ဆ ပို၍ကြောက်မက်ဖွယ်ကောင်းသော ဖိအား တစ်ရပ် ကျဆင်းလာသည်။ရွှီဝူဖာ၏မျက်ခုံးနှစ်ခုကြားအလယ်ဗဟိုတွင် မူလက ပုန်းအောင်းနေသော ဟင်းလင်းပြင် နတ်ဘုရား မှော်စာလုံးက အပြည့်အဝ ထွက်ပေါ်လာပြီး စူးရှသည့် အနက်ရောင် နတ်ဘုရားအလင်းတန်းများ ဖြာထွက်နေသည်။ထိုနတ်ဘုရားအလင်းတန်ူအတွင်းတွင် မရေမတွက်နိုင်သော သေးငယ်သည့် ဟင်းလင်းပြင်မှော်စာလုံးများ လည်ပတ်နေပြီး ပေါ်လာလိုက် ပျောက်သွားလိုက် ဖြစ်နေသည်ကို ဝေဝါးစွာ မြင်တွေ့နိုင်သည်။သူ၏ခန္ဓာကိုယ်အတွင်းရှိ ဟင်းလင်းပြင် နတ်ဘုရား သွေးများ ရူးသွပ်စွာ လောင်ကျွမ်းနေပြီး စီးဆင်းနေသော မြစ်တစ်စင်းအလား ဟိန်းဟောက်သံတစ်သံကို ဖြစ်ပေါ်စေသည်။ကြီးမားကျယ်ပြန့်သော ဟင်းလင်းပြင် နတ်ဘုရား စွမ်းအားလှိုင်းများက အချုပ်အနှောင်များကို ချိုးဖျက်ပြီး ထွက်ပေါ်လာသော ရက်စက်ကြမ်းကြုတ်သားရဲများအလား သူ၏ခန္ဓာကိုယ်ရှိ ချွေးပေါက်တိုင်းမှ ဖြာထွက်လာသည်။သူသည် နယ်ပယ်အတားအဆီးကို အတင်းအကြပ် ရိုက်ခတ်နေခြင်းပင်။ရွှီဝူဖာသည် သူ၏ မူလအစ နတ်ဘုရားသွေးကို လောင်ကျွမ်းစေပြီး သူ၏ အနာဂတ် အခြေခံအုတ်မြစ်ကို ထိခိုက်စေမည့် တန်ကြေးပေးဆပ်ကာ အင်မော်တယ် ရှေးဟောင်းကမ္ဘာ၏ ဖိနှိပ်မှုကို ယာယီချိုးဖျက်၍ သူ၏ကျင့်ကြံခြင်းကို ဟင်းလင်းပြင် တာအိုနယ်ပယ်သို့ အတင်းအကျပ် တွန်းပို့နေခြင်းပင်။ပတ်ဝန်းကျင်ရှိ ဟင်းလင်းပြင်သည် သူ့ထံမှ ထွက်ပေါ်လာသော ကြောက်မက်ဖွယ်ကောင်းသည့် ဖိအားကို တောင့်မခံနိုင်တော့ဘဲ ကျိုးပဲ့လွယ်သော ဖန်ခွက်အလား ပင့်ကူအိမ်ကဲ့သို့ အက်ကွဲကြောင်းများ ထွက်ပေါ်လာသည်။"စူးချန်ကဲ...."ရွှီဝူဖာ၏အသံက ဟင်းလင်းပြင်ပဲ့တင်သံတစ်သံကို သယ်ဆောင်လာသည့်အလား ကြီးကျယ်ခမ်းနားနေသည်။"ဒီအရှင်ကို ဟင်းလင်းပြင်တာအို နယ်ပယ်ထဲကို အချိန်မတိုင်မီ ဝင်ရောက်ဖို့အတွက် အခြေခံအုတ်မြစ်ကို ဖျက်ဆီးအောင် ဖိအားပေးနိုင်တဲ့အတွက်... မင်း ဂုဏ်ယူဖို့ လုံလောက်တယ်""ဒါပေမဲ့ အခုတော့..."သူက အသစ်တဖန် ပြန်လည်ပြုပြင်ထားသော သူ၏ လက်ကို ဖြည်းညင်းစွာ မြှောက်ကာ သူ၏လက်ချောင်းများကို ဖြန့်ကားပြီး စူးချန်ကဲရှိရာ အရပ်ဆီသို့ ဦးတည်၍ ရုတ်တရက် ဖမ်းဆုပ်လိုက်သည်။"ဒီအရှင်ရဲ့ဟင်းလင်းပြင် နတ်ဘုရား နယ်ပယ်ထဲကို ကြိုဆိုပါတယ်..."