အခန်း ၁၈၉၆

အခန်း(၁၈၉၆) ချူးယွင်ဖန်း သေပြီလား

ကောင်းကင်မှ ကြောက်မက်ဖွယ်တိုက်ခိုက်မှုဆင်းသက်လာသည်။ လက်ဝါးတစ်ချက်တည်းဖြင့် တိုက်ပွဲတစ်ခုလုံးကို ပြိုလဲသွားစေနိုင်သည်ဟု ထင်ရ၏။ သို့သော ်ယခင်က အလားတူတိုက်ခိုက်မှုမျိုးကို တစ်စုံတစ်ဦးက ဖြေရှင်းပြီးဖြစ်သည်။ ဤတစ်ကြိမ်၌ ထိုတိုက်ခိုက်မှုက ထပ်မံပေါ်လာပြန်၍ ချူးယွင်ဖန်း၏ ဆံပင်များ ချက်ချင်းထောင်လာသည်။ သူချက်ချင်းပင် ထိုလက်ကြီးက သူ့ဆီသို့လာနေခြင်းဖြစ်ကြောင်း သဘောပေါက်လိုက်သည်။ မဟုတ်ပါက ယင်းနှင့် ထိပ်တိုက်တွေ့ရလောက်သည်အထိ တိုက်ဆိုင်ရန်မဖြစ်နိုင်ပေ။

ထို့နောက် ထိုလက်ကြီး၏ ပိုင်ရှင်က နတ်ဆိုးမျိုးနွယ်စု၏ အလွန်မြင့်မားသော ဖြစ်တည်မှုတစ်ခုဖြစ်လိမ့်မည်ဟူသော ကြောက်မက်ဖွယ်ဖြစ်နိုင်ခြေကို သူတွေးလိုက်မိသည်။

နတ်ဆိုး-လူသားတိုက်ပွဲတွင် သူ့ကို မသတ်နိုင်ခဲ့သောကြောင့် နတ်ဆိုးနတ်ဘုရားဂိုဏ်းကို အသုံးပြုကာ သူ့အား ချုံခိုတိုက်စေခဲ့ခြင်းဖြစ်သည်။ နတ်ဆိုးနတ်ဘုရားဂိုဏ်းက ချူးယွင်ဖန်းကို မသတ်နိုင်လိမ့်မည်ဟု မည်သူက သိမည်နည်း။ ထို့ကြောင့် ဤပုဂ္ဂိုလ်ကိုယ်တိုင် တိုက်ခိုက်ရခြင်းဖြစ်မည်။

ချက်ချင်းပင် ချူးယွင်ဖန်း ကျောရိုးတစ်လျှောက် အေးစက်သွားရသည်။ အကယ်၍ ထိုသို့သာဖြစ်ပါက အလွန် ကြောက်မက်ဖွယ်ကောင်း၍ မြင့်မြတ်သော ဖြစ်တည်မှုတစ်ခုက သူ့ကို စောင့်ကြည့်နေသည်ဟု ဆိုလိုသည်။ ၎င်းတို့က နတ်ဆိုး-လူသားတိုက်ပွဲတစ်လျှောက်သွားကာ ကျန်းယောင်မြို့၏ တားမြစ်ချက်များကိုကျော်၍ပင် သူ့ကို သတ်ချင်နေကြသည်။

ချူးယွင်ဖန်းက ကောင်းကင်မှဆင်းသက်လာသည့် လက်ဝါးကြီးကို ကြည့်လိုက်သည်။ ၎င်းက မမြန်လှသော်လည်း သူ့တွင် လွတ်မြောက်ရန် နည်းလမ်းမရှိပေ။ သူ ထိုဖိနှိပ်မှုကို မကျော်လွှားနိုင်ခဲ့ပေ။

“သေစမ်း သေစမ်း” ချူးယွင်ဖန်းက အံကြိတ်၍သာဆဲဆိုနိုင်တော့သည်။ သူလှုပ်ရှားချင်နေသည့်တိုင် နောက်ဆက်တွဲအနေဖြင့် ပြင်းထန်သော နာကျင်မှုနှင့် ခန္ဓာကိုယ်ရှိ အရိုးများက ကြီးမားသော ဖိအားကို ခံစားနေရသကဲ့သို့ အက်ကွဲနေသည်။ သူ့ခန္ဓာကိုယ်ထဲမှ ခွန်အားကို မစုစည်းနိုင်ခဲ့ပေ။

ချူးယွင်ဖန်းသာ သူ၏ အမြင့်ဆုံးအခြေအနေ၌ ရှိနေခဲ့လျှင်ပင် သူ၏ အစွမ်းအစဖြင့် အဆင့်ဖြတ်ကျော်နိုင်သေးသည်။ သို့သော် ယခုအချိန်၌ သူ မလှုပ်ရှားနိုင်တော့ပေ။

သူ၏ ခွန်အားအဆင့်ဖြင့် ဖန်ဆင်းရှင်အဆင့် အထွတ်အထိပ်ရှိ ကျွမ်းကျင်သူတစ်ဦးပင် သူ့ကို ဤမျှ ကြောက်မက်ဖွယ်ကောင်းသော ဖိနှိပ်မှုမျိုးလုပ်နိုင်မည်မဟုတ်ပေ။ တစ်ခုတည်းသော ဖြစ်နိုင်ခြေက တိုက်ခိုက်သူမှာ ဖန်ဆင်းရှင်အဆင့်ကို ကျော်သွားသည့် ကြောက်မက်ဖွယ် ကျွမ်းကျင်သူတစ်ဦးဖြစ်နိုင်သည်။ သူသည် နင်ယန်တုထက်ပင် ပို၍ ခွန်အားကြီးမား၏။

“ငါအစွမ်းကုန်ခုခံရမယ်။ မဟုတ်ရင် နောက်ထပ် အခွင့်အရေးမရနိုင်တော့ဘူး” ချူးယွင်ဖန်းက ကြုံးဝါးပြီးနောက် ရှေးဟောင်းမန္တန်တစ်ခုကို ရွတ်လိုက်သည်။

ယင်းသည်ကား ရှေးဟောင်းလျို့ဝှက်နည်းပညာတစ်ခုဖြစ်၍ ခဏတာအတွင်း၌ သူ့ခန္ဓာကိုယ်ထဲမှ သွေးများ ပြန်လည် မွေးဖွားလာသည့်အလား လောင်ကျွမ်းသွားကာ မမြင်ရသော အတားအဆီးကို ချက်ချင်းဖျက်ဆီးလိုက်သည်။

သို့သော် ချူးယွင်ဖန်းက ယင်းက မလုံလောက်ကြောင်း သိသည်။ ထိုတိုက်ခိုက်မှူမှ လွတ်မြောက်လိုပါက သူ့သက်တမ်း၏ နောက်ထပ် ဆယ်နှစ်ကို လောင်ကျွမ်းစေခြင်းကပင် မလုံလောက်ပေ။

“အား.. ချိုးဖျက်” ချူးယွင်ဖန်း ကြုံးဝါးပြန်သည်။

သူ့အသက်ကို လောင်ကျွမ်းစေသည့် ရှေးဟောင်းလျို့ဝှက်ပညာကို အသုံးပြုခဲ့သည်။ ချက်ချင်းပင် သူ့ဘဝ၏ ရာနှင့်ချီသောသက်တမ်းကို လောင်ကျွမ်းစေခဲ့ရာ ထိုအချိန်၌ သူ၏ အစဦးရှိ အထွတ်အထိပ်အခြေအနေသို့ရောက်၍ အင်အားကြီးမားသော ရန်သူအားလုံးကို သုတ်သင်ရှင်းလင်းနိုင်ခဲ့သည်။

“ ဟမ်” အဆုံးမဲ့လေဟာနယ်ထဲမှ လူတစ်ဦး၏ အသံထွက်ပေါ်လာသည်။

ချူးယွင်ဖန်းက ဤအဆင့်တွင် ထိုမျှလောက် တိုက်ခိုက်နိုင်စွမ်းရှိနေသေးပုံရသဖြင့် အနည်းငယ် အံ့သြသွားရ၏။ ရုတ်တရက် ချူးယွင်ဖန်းက လက်ဖြင့် စည်းချိပ်တစ်ခုကို ရေးဆွဲလိုက်သည်။

“သွေးလွတ်မြောက်ခြင်း”

ချူးယွင်ဖန်း၏ ခန္ဓာကိုယ်တစ်ခုလုံးက အနီရောင်စွမ်းအင်နှင့်သွေးတို့ဖြင့် လောင်ကျွမ်းလျက်ရှိကာ ရုတ်တရက် အသက်အရွယ်အိုမင်းလာသကဲ့သို့ ထင်ရသည်။ သူ့ခန္ဓာကိုယ်က တဖြည်းဖြည်းချင်း ပျောက်ကွယ်စပြုလာကာ အတားအဆီးကို လက်ဗလာဖြင့် စတင်၍ စုတ်ဖြဲပစ်တော့သည်။

“ထွက်ပြေးဖို့ ကြိုးစားနေတာလား”

ဧရာမလက်ကြီးကို ဝှေ့ယမ်းလိုက်သော်လည်း တစ်ချိန်တည်း၌ပင် ချူးယွင်ဖန်းက သူရှိနေသည့် နေရာမှ ပျောက်ကွယ်သွားသည်။ ရုတ်တရက် ကောင်းကင်မှ နောက်ထပ်ကျယ်လောင်သော ကြုံးဝါးသံတစ်ခုထွက်ပေါ်လာသည်။

“မင်းက ဘယ်လိုလုပ် ငါ့နယ်မြေထဲဝင်ပြီး ငါ့လူတွေကို သတ်ရဲတာလဲ။ ညီလေးကုန်းယန် မင်းကြည့်ရတာ ငါ့ကို နည်းနည်းမှ လေးစားမှုရှိပုံမပေါ်ဘူး”

ထိုကျယ်လောင်သော ကြုံးဝါးသံနှင့်အတူ ကောင်းကင်ယံ၌ ပျံသန်းနေသည့် ထိတ်လန့်ဖွယ်ဓားအလင်းတစ်ခု ထွက်ပေါ်လာသည်။ ကောင်းကင်ရှိ ပထမလူက ဓားဖြင့် ထိမှန်ကာ သွေးများ ပန်းထွက်လာသော်လည်း ထူးဆန်းသော အပြုံးတစ်ခုကို ပြုံး၍ လေထုထဲ၌ ပျောက်ကွယ်သွားသည်။

မကြာခင်၌ ဒုတိယလူက ထိုနေရာသို့ရောက်လာ၍ ရှုပ်ထွေးနေသော တိုက်ပွဲမြေပြင်ကို မြင်သောအခါ သူ့အမူအရာက မယုံနိုင်လောက်အောင် ဒေါသထွက်နေ၏။ ယင်းက တရှစစ်တပ်၌ နံပါတ်တစ်ပုဂ္ဂိုလ်ဖြစ်သော တရှ၏ စစ်ဦးစီးချုပ်မှတပါး အခြားသူမဟုတ်ပေ။

စစ်ဦးစီးချုပ်က မျက်မှောင်ကြုတ်၍ မျက်နှာ၌ ဒေါသများပြည့်နေသည်။

သူအလွန်ပေါ့ဆမိသောကြောင့် သူမသိလိုက်ခင်၌ နတ်ဆိုးနတ်ဘုရားဂိုဏ်းမှ ကျွမ်းကျင်သူများရောက်လာသည်ကို မသိလိုက်ဘဲ သူ့နိုင်ငံသားများစွာကို သတ်ဖြတ်စေခဲ့ခြင်းဖြစ်သည်။ စစ်ဦးစီးချုပ်က ကျန်းယောင်မြို့ကို တစ်နှစ်ပတ်လုံး စောင့်ကြည့်နေခဲ့ကာ နတ်ဆိုးစခန်း၏ ဦးတည်ရာကို အမြဲအာရုံစိုက်နေခဲ့၏။ တကယ်တမ်း၌ သူ ထိုသို့သော လှုပ်ရှားမှုများ မပြုလုပ်နမိစေရန် လုပ်ဆောင်နေခြင်းဖြစ်သည်။ ထိုအဆင့်ရှိသော ကျွမ်းကျင်သူတစ်ဦး၏ ဖျက်ဆီးနိုင်စွမ်းက ၎င်းတို့ တိုက်ခိုက်ပြီးသည်နှင့် မည်မျှ ကြောက်စရာကောင်းမည်ကို သူသိသည်။

သို့သော် သူ၏ပြိုင်ဘက်ဟောင်းသည် သူ့နှာခေါင်းအောက်၌ပင် သူအလွန်လေးစားသော ချူးယွင်ဖန်းကိုပင် သတ်ပစ်လိမ့်မည်ဟု မည်သူသိမည်နည်း။ ကြီးကျယ်သော စစ်ဦးစီးချုပ်အတွက် ဤသည်မှာ ရိုးရှင်းစွာပင် ကြီးမားသော အရှက်ခွဲမှုတစ်ခုဖြစ်၍ တစ်စုံတစ်ယောက်က သူ့မျက်နှာကို ပါးရိုက်လိုက်သကဲ့သို့ပင်ထင်ရသည်။

ကြယ်ကြွေကောင်းကင်ဂိုဏ်းမှ တပည့်စစ်တစ်ဦးဖြစ်သူ ချူးယွင်ဖန်းက ကြီးမားသော စစ်မှန်သော တပည့်တစ်ဦးဖြစ်သူ ချူးယွင်ဖန်းသည် အသံတစ်ချက်မျှ မကြားရဘဲ သေဆုံးသွားခဲ့လျှင် ကြယ်ကြွေကောင်းကင်ဂိုဏ်းအကြီးအကဲများအားလုံး သူ့ထံရောက်လာမည်မှာသေချာသည်။

စစ်ဦးစီးချုပ်ဟူသည် မည်သို့နည်း။ အလောင်းပင်မရှိသော စစ်မြေပြင်ကို ကြည့်လိုက်ရုံဖြင့် တိုက်ပွဲတစ်ခုလုံးကို သူခန့်မှန်းနိုင်သည်။ အရာအားလုံးကို သူ့မျက်စိဖြင့် မြင်တွေ့ခဲ့ရသကဲ့သို့ သိနိုင်သည်။

သူမရှေ့၌ ချူးယွင်ဖန်းက ဤကျွမ်းကျင်သူများနှင့်တိုက်ခိုက်နေသည့် ပုံရိပ်များပေါ်လာသကဲ့သို့ပင် အကုန်လုံးကို သိနိုင်ခဲ့သည်ဖြစ်၍ မျက်နှာ၌ အံ့သြမှုအရိပ်အမြွက်များ ပေါ်လွင်လာသည်။ ချူးယွင်ဖန်းက မည်သို့ လုပ်ဆောင်ခဲ့သည်ကို သူမသိပေ။

ဤတိုက်ပွဲများပြင်းထန်ခဲ့ပုံရသော်လည်း ၎င်းသည် ရှည်လျားသောတိုက်ပွဲတစ်ခု မဟုတ်ကြောင်း သံသယဝင်ရန်မလိုတော့ပေ။ သူ၏တုံ့ပြန်မှုအမြန်နှုန်းဖြင့် ဤနေရာ ဤအခြေအနေသို့မရောက်ခင်၌ သူရောက်လာနိုင်ပေသည်။

ရန်သူအားလုံး တစ်ချက်တည်းဖြင့်သေဆုံဂသွားခဲ့ခြင်းဖြစ်ကာ နေရာ၌ ကျန်ခဲ့သည့် သွေးအိုင်များ၌ ဖန်ဆင်းရှင်အဆင့်မည်မျှ သတ်ခံခဲ့ရသည်ကို မသိနိုင်ပေ။

"ချူးယွင်ဖန်းက တကယ်ပဲ ဒီအဆင့်ကို ရောက်နေပြီလား" စစ်ဦးစီးချုပ်က သူ့အဆင့်ကို တွေး၍ ကျေနပ်အားရသွားသည်။

ချူးယွင်ဖန်းအပေါ် သူ၏ ဆုံးဖြတ်ချက် မမှားခဲ့ပေ။ ချူးယွင်ဖန်းက အလားအလာအလွန်ရှိ၍ လီချန်းယွမ်နှင့်နှိုင်းယှဥ်နိုင်သည်။ ပို၍ ကောင်းနေခြင်းမျိုးလည်းဖြစ်နိုင်သည်။ သို့သော် ဤမျှ ပြိုင်ဘက်ကင်းကျွမ်းကျင်သူ ပါရမီရှင်တစ်ဦးအသတ်ခံရခြင်းအတွက် သူ အလွန် ကြေကွဲမိ၏။

သူ၏ ပြိုင်ဘက်ဟောင်း၏ ချူးယွင်ဖန်းအပေါ် သတ်ဖြတ်လိုစိတ်က ဤမျှအဆင့်ထိရောက်လာလိမ့်မည်ဟု မထင်ထားခဲ့သကဲ့မိပေ။ လူတစ်ဦးက ရက်တစ်ထောင်တိုင်တိုင် သူခိုးတစ်ဦးဖြစ်နိုင်သော်လည်း သူခိုးများကို ရက်တစ်ထောင်သတိထား ရန် အကြောင်းပြချက်မရှိပေ။

ယခုမူ စစ်ဦးစီးချုပ်၏ ပေါ့လျော့မှုကြောင့် ချူးယွင်ဖန်း သေဆုံးသွားခဲ့ခြင်းဖြစ်၍ ဆုံးရှုံးမှုများမှာ တိုင်းတာ၍ပင် မရနိုင်ပေ။

--