အခန်း ၇၇

အခန်း ၇၇ - ပြင်းထန်သော စကားလုံးများဖြင့် ထိုးနှက်ခြင်း။

"ဒီကောင်လေးက တကယ်ကို ချောမောတာပဲ ဒါပေမဲ့ ရန်ငြိုးရှိနေပြီဆိုတော့ ဘယ်သူက ပိုစွမ်းတယ်ဆိုတာ တိုက်ပွဲမှာပဲ ကြည့်ရတော့မှာပေါ့။"

ကျူကျူချင်း၏ အေးစက်သော မျက်ဝန်းများဖြင့် ရှောင်ချန်ယွီကို ကြည့်လိုက်သောအခါ အံ့အားသင့်သည့် အရိပ်အယောင်တစ်ခု ဖြတ်သန်းသွားသည်။

သို့သော် ကျူကျူချင်းသည် ထိုခံစားချက်ကို ချက်ချင်းပင် ဖျောက်ဖျက်လိုက်သည်။ သူမ၏ စေ့စပ်ထားသူ တိုက်မုပိုင်က ဘေးနားတွင် ရှိနေသည်မဟုတ်ပါလား။ ထို့ပြင် ကျူကျူချင်းမှာ အေးစက်ပြီး စကားနည်းသူဖြစ်သော်လည်း သူမ၏ လေ့လာစူးစမ်းနိုင်စွမ်းမှာ အလွန်အားကောင်းသည်။

ရှောင်ဝူ ရဲ့လင်လင်နှင့် ရှောင်ချန်ယွီတို့ သုံးဦးကြားတွင် ရှောင်ချန်ယွီသည် ခေါင်းဆောင်ဖြစ်ကြောင်း သူမ မြင်နိုင်သည်။ ရှောင်ဝူနှင့် ရဲ့လင်လင်တို့က ရှောင်ချန်ယွီအပေါ် ရိုသေလေးစားမှု ရှိနေသည်မှာလည်း ထင်ရှားသည်။

ဒါတင်မကသေးပေ။ ပိုင်ချန်ရှန်းမှာလည်း သူတို့ဘက်က ဖြစ်သင့်သော်လည်း ရှောင်ချန်ယွီအပေါ် အတော်လေး စိတ်ဝင်စားနေပုံရသည်ကို ကျူကျူချင်း သတိပြုမိလိုက်သည်။ ပိုင်ချန်ရှန်းက အတတ်နိုင်ဆုံး ဖုံးကွယ်ထားသော်လည်း ကျူကျူချင်း၏ စူးရှသော မျက်ဝန်းများမှ မလွတ်မြောက်နိုင်ပေ။ ဤရှောင်ချန်ယွီဆိုသည့် လူငယ်လေးတွင် ပိုင်ချန်ရှန်းကိုပင် စွဲဆောင်နိုင်သည့် မည်သို့သော မှော်အတတ်မျိုး ရှိနေပါသနည်း။

'တိုက်မုပိုင်နဲ့ ကျူကျူချင်းထန်စန်းက မူရင်းဇာတ်လမ်းအတိုင်းပဲ အစွမ်းထက်တဲ့ အသင်းဖော်တွေနဲ့ တွေ့တော့မှာပေါ့။'

ရှောင်ချန်ယွီလည်း ဤအချိန်တွင် အတွေးနက်သွားသည်။ ဗီလိန်တစ်ယောက်အနေဖြင့် ပြောရလျှင် သူ၏ ကံကြမ္မာမှာ ထန်စန်းလောက် မကောင်းသေးပေ။

သူသည် တုကူယန်း ရဲ့လင်လင်နှင့် ထန်စန်း၏ အနာဂတ်အကူအညီများကို ကြားဖြတ်လုယူခဲ့သော်လည်း ဇာတ်လမ်းအတိုင်းပင် တိုက်မုပိုင်နှင့် ကျူကျူချင်းတို့သည် ထန်စန်း၏ အသင်းဖော်များ ဖြစ်လာကြသည်။

တိုက်မုပိုင်နှင့် ကျူကျူချင်းတို့ ပေါ်လာသောအခါ အခြားသူများက သူတို့ကို သာမန် ရှီလိုင်ခဲကျောင်းသားများဟု ထင်ကောင်းထင်ကြလိမ့်မည်။

သို့သော် မူရင်းဇာတ်လမ်းကို ဖတ်ဖူးသည့် ရှောင်ချန်ယွီမှာမူ သူတို့နှစ်ဦးမှာ လုံးဝ သာမန်မဟုတ်ကြောင်း သိသည်။

ကျားဖြူဝိညာဉ်ပိုင်ရှင် တိုက်မုပိုင်သည် နောင်တွင် ထန်စန်းနှင့်အတူ ပင်လယ်နတ်ဘုရား စမ်းသပ်ချက် ကို ဖြေဆိုပြီး စစ်နတ်ဘုရား အဖြစ် ရောက်ရှိသွားမည်ဖြစ်သည်။ ထို့ကြောင့် တိုက်မုပိုင်၏ အကူအညီမှာ ထန်စန်းအတွက် ကြီးမားလှသည်။

ကျူကျူချင်းမှာလည်း ငရဲကြောင်မျိုးနွယ် ဝိညာဉ်ဖြင့် နောင်တွင် အမြန်နှုန်း၏ နတ်ဘုရား အဖြစ် ရောက်ရှိသွားမည်ဖြစ်သည်။

သူမမှာ အပြင်ပန်းတွင် အေးစက်လှပသော်လည်း အတွင်းစိတ်မှာ အလွန်တည်ငြိမ်သည်။ ၁၂ နှစ်၊ ၁၃ နှစ် အရွယ်ကတည်းက သူမသည် မိမိ၏ အနာဂတ်ကို ကြိုတင်စီစဉ်တတ်ပြီး သာမန်လူတို့ မခံနိုင်သော ဝေဒနာများကို သည်းခံနိုင်သည်။

ရှီလိုင်ခဲတွင် ရှောင်ဝူနှင့် နင်ရုံရုံတို့ပင် ခက်ခဲနေချိန်တွင် သူမမှာ တစ်ခွန်းမျှ မညည်းညူဘဲ ကြိတ်မှိတ်ကြိုးစားခဲ့သူ ဖြစ်သည်။

သူတို့နှစ်ဦး၏ ဝိညာဉ်ပေါင်းစပ်မှု ငရဲကျားဖြူမှာ အဆင့်ကျော်၍ တိုက်ခိုက်နိုင်စွမ်းရှိသည်။ အဆင့် ၄၀ ဝန်းကျင်တွင်ပင် အဆင့် ၆၀ ၏ စွမ်းအားကို ထုတ်ပြနိုင်သည်။

ထန်စန်း၏ ကံကြမ္မာမှာ တကယ်ကို ကြောက်ခမန်းလိမ့်မည် ဖြစ်သည်။ သူ၏ ဇာတ်ကောင်စရိုက်အရ သူတို့ကဲ့သို့ အစွမ်းထက်သူများမှာ အခြားသူများကို အလွယ်တကူ လက်ခံလေ့မရှိသော်လည်း ထန်စန်းကိုမူ ခေါင်းဆောင်အဖြစ် အလိုလို လိုက်ပါသွားကြသည်။

ဒါကပဲ ဇာတ်လိုက်၏ ကံကြမ္မာပင် ဖြစ်သည်။ အကယ်၍ ရှောင်ချန်ယွီသာ သူတို့နှင့် အပေါင်းအသင်းလုပ်ရန် ကြိုးစားလျှင်လည်း သူတို့က ဂရုစိုက်မည် မဟုတ်ပေ။ အဘယ်ကြောင့်ဆိုသော် ရှောင်ချန်ယွီမှာ ဗီလိန် ဖြစ်နေ၍ပင်။

"မင်းက တိုက်မုပိုင်လား ကြယ်တာယာအင်ပါယာရဲ့ တတိယမင်းသား။ အစ်ကိုဖြစ်ရဲ့ အရိုက်ကိုခံရပြီး အမြီးကုတ်ကာ ထျန်းတိုအင်ပါယာကို ထွက်ပြေးလာခဲ့ရတဲ့ သူမဟုတ်လား။"

ရှောင်ချန်ယွီက ရယ်မောရင်း တည်ငြိမ်စွာ ပြောလိုက်သည်။ သို့သော် ထိုစကားမှာ တိုက်မုပိုင်၏ နာကျင်နေသော အနာကို တည့်တည့်ကြီး ထိမှန်သွားသည်။

"ခွေးကောင် မင်းက ဘယ်သူလဲ။ မင်း ဘယ်လိုလုပ်ပြီး သိနေတာလဲ။"

တိုက်မုပိုင်၏ မျက်လုံးများ ပြူးကျယ်သွားပြီး ခန္ဓာကိုယ်မှ ပြင်းထန်သော အရှိန်အဝါများ ထွက်ပေါ်လာသည်။ ရှောင်ချန်ယွီကို ဝါးမြိုပစ်မတတ် ဒေါသတကြီး စိုက်ကြည့်လိုက်သည်။ သူ၏ ပထမဆုံး အမြင်မှာပင် ရှောင်ချန်ယွီကို အလွန်ရွံရှာနေမိသည်။

ရှောင်ချန်ယွီက ချောမောနေသော်လည်း တိုက်မုပိုင်အတွက်မူ အမြင်ကတ်စရာကောင်းလှသည်။

တိုက်မုပိုင်သည် ရှီလိုင်ခဲတွင် အဘယ်ကြောင့် ရောက်နေသနည်းး။ သူသည် ကြယ်တာယာနန်းတော်တွင် ဇိမ်ကျကျ နေနိုင်သူ ဖြစ်သော်လည်း အစ်ကိုဖြစ်သူ တိုက်ဝေကို မယှဉ်နိုင်တော့မည်ကို ကြောက်၍ ထိုသူ၏ လက်ချက်ဖြင့် သေဆုံးရမည်ကို ကြောက်၍ လက်တွေ့ဘဝမှ ထွက်ပြေးလာခဲ့ခြင်း ဖြစ်သည်။

သူသည် ထျန်းတိုအင်ပါယာ၏ တောင်ဘက်ရှီလိုင်ခဲကျောင်းသို့ ရောက်ရှိလာပြီး နှစ်အတော်ကြာ ပျော်ပါးနေခဲ့သည်။

ထန်စန်း ရောက်လာမှသာ သူ ပြန်လည် နိုးကြားလာခဲ့ခြင်း ဖြစ်သည်။ ဤအမှောင်မိုက်ဆုံး သမိုင်းကြောင်းမှာ တိုက်မုပိုင်အတွက် မည်သူမှ မပြောရဲသော အနာဖြစ်သည်။

"မင်း ငါတို့ကို သိတာလား။ ရှောင်ချန်ယွီ... ကြယ်တာယာအင်ပါယာမှာ ရှောင် ဆိုတဲ့ နာမည်နဲ့ မျိုးနွယ်စု မရှိဘူးလေ။"

ကျူကျူချင်းမှာလည်း သတိထားသော မျက်လုံးများဖြင့် ရှောင်ချန်ယွီကို ကြည့်လိုက်သည်။ ရှီလိုင်ခဲကျောင်းမှာ အင်ပါယာနှစ်ခုကြားရှိ နယ်စပ်တွင် ရှိနေပြီး နှစ်ဦးစလုံး၏ လက်လှမ်းမမီသော နေရာဖြစ်သည်။

ထိုနေရာမှာ တိုက်မုပိုင်အတွက် လုံခြုံသော်လည်း ယခုမူ အားလုံး ပေါ်ပေါက်သွားပြီဖြစ်သည်။

"ဒီကောင်ကမရိုးဘူး ငါတို့ ရှီလိုင်ခဲအကြောင်းကို ဒီလောက်ထိ သိနေတာပဲ။"

မာဟုန်ကျွင်းလည်း လည်ပင်းကို ရှုံ့လိုက်မိသည်။ တိုက်မုပိုင်၏ အကြောင်းကို ရင်းနှီးသူများမှလွဲ၍ မည်သူမျှ မသိကြပေ။

သို့သော် ရှောင်ချန်ယွီမှာ သူ၏ မိသားစုရာဇဝင်ကို ပြောပြနေသကဲ့သို့ အသေးစိတ် သိရှိနေသည်မှာ တကယ်ကို ထူးဆန်းလှသည်။