အခန်း ၈၂

အခန်း ၈၂ - စိတ်ဓာတ်ကျနေသော တိုက်မုပိုင်။

"ရှောင်ချန်ယွီက အစောပိုင်းမှာ အသာစီးရနေတာ သူ တိုက်မုပိုင်ကို နောက်ဆုံးနည်းလမ်းအထိ သုံးဖို့ တွန်းအားပေးလိမ့်မယ်လို့ မထင်ထားခဲ့မိဘူး။"

"ကျားဖြူ အသွင်ပြောင်းခြင်းကို သုံးပြီးတဲ့နောက်မှာ တိုက်မုပိုင်ရဲ့ အရှိန်အဝါက ပိုပြီး ပြင်းထန်လာတယ်။"

"ကျားဖြူအသွင်ပြောင်းခြင်းက တိုက်မုပိုင်ရဲ့ ဝိညာဉ်တိုက်ခိုက်နိုင်စွမ်းကို နှစ်ဆတိုးပေးနိုင်တယ်။"

"မူလကတည်းက ထိပ်တန်းဝိညာဉ်ဖြစ်တဲ့ ကျားဖြူနဲ့ ပေါင်းစပ်လိုက်ရင် ဒီစွမ်းအားက တကယ်ကို ကြောက်စရာကောင်းတယ်။"

"အဆင့် ၅၇ သာ ရှိသေးပေမဲ့ တိုက်မုပိုင်က အဆင့် ၆၀ ကျော် ဝိညာဉ် တုံ့လောကိုတောင် ယှဉ်နိုင်လိမ့်မယ်။"

ပရိသတ်များမှာ ရှောင်ချန်ယွီအတွက် စိုးရိမ်နေကြသည်။ သူတို့အတွက် ရှောင်ချန်ယွီမှာ လူစိမ်းတစ်ယောက်သာ ဖြစ်ပြီး တိုက်မုပိုင်မှာမူ ထင်ရှားကျော်ကြားသူ ဖြစ်နေ၍ပင်။

"ကျားဖြူ အသွင်ပြောင်းခြင်းဝိညာဉ်ပိုင်ဆိုင်ခြင်း။"

တိုက်မုပိုင်၏ ဒေါသတကြီး အော်ဟစ်သံနှင့်အတူ သူ၏ခန္ဓာကိုယ်မှာ အဖြူရောင်အလင်းတန်းအဖြစ် ပြောင်းလဲသွားကာ ရှောင်ချန်ယွီဆီသို့ ဝင်တိုက်လိုက်သည်။

ရှောင်ချန်ယွီမှာမူ တည်ငြိမ်စွာပင် ခြေလှမ်းများကို ရွှေ့၍ တိုက်မုပိုင်၏ တိုက်ခိုက်မှုများကို ရှောင်ရှားနေသည်။

"ဘုန်း ဘုန်း ဘုန်း"

နှစ်ဦးသား အပြန်အလှန် တိုက်ခိုက်နေကြပြီး တိုက်မုပိုင်၏ အချက်များမှာ ရှောင်ချန်ယွီကို မထိမိပေ။ ထို့နောက် တိုက်မုပိုင် ရပ်တန့်လိုက်ပြီး လက်နှစ်ဖက်ကို ယမ်းလိုက်ရာ အလင်းတိုင်ကြီးတစ်ခု ရှောင်ချန်ယွီဆီသို့ ပြေးသွားသည်။

"ဘုန်း"

ရှောင်ချန်ယွီက လက်နှစ်ဖက်ဖြင့် ကာကွယ်လိုက်သည်။

"ဟွန်း ဒီအဆင့်က တော်တော်လေး စွမ်းအားရှိတာပဲ။"

သူ၏ ရှေးဟောင်းမြင့်မြတ်ခန္ဓာ ကို အနည်းငယ်ပင် ထိခိုက်သွားစေနိုင်သည်။

ရှောင်ချန်ယွီ ထိခိုက်သွားသည်ကို မြင်သောအခါ တိုက်မုပိုင်မှာ သဘောကျစွာ ပြုံးလိုက်သည်။

သူသည် ရှောင်ချန်ယွီကို အင်အားကုန်ဆုံးနေပြီဟု ယူဆလိုက်သည်။ သို့သော် တကယ်တမ်းတွင် ရှောင်ချန်ယွီမှာ ရုပ်ပျက်ဆင်းပျက် ဟန်ဆောင်နေခြင်းသာ ဖြစ်သည်။

"ဟားဟား ကောင်လေး မင်းက တော်တော်

နုသေးတာပဲ။"

"ကျားဖြူ ခန္ဓာထွက်ပေါ်လာစမ်း။"

တိုက်မုပိုင် အော်ဟစ်လိုက်ပြီးနောက် သူ၏ ခန္ဓာကိုယ်မှာ လေးမီတာအထိ ကြီးမားလာသည်။

ရှောင်ချန်ယွီမှာ တိုက်မုပိုင်၏ စွမ်းအားကို အနည်းငယ် အံ့အားသင့်မိသည်။ တိုက်မုပိုင်မှာ လက်သီးကို တင်းတင်းဆုပ်ကာ ရှောင်ချန်ယွီဆီသို့ ထိုးနှက်လိုက်သည်။

ထိုလက်သီးချက်မှာ ရှောင်ချန်ယွီ၏ ရင်ဘတ်ကို ဖောက်ထွက်သွားမည့်အတိုင်း ပြင်းထန်သည်။

"သေလိုက်တော့။"

တိုက်မုပိုင်၏ မျက်လုံးများမှာ သွေးရောင်လွှမ်းနေသည်။ သူ၏ ကြီးမားသော လက်သီးချက်မှာ ရှောင်ချန်ယွီဆီသို့ အရှိန်အဟုန်ဖြင့် ကျရောက်လာသည်။

"စိတ်ဝင်စားဖို့ ကောင်းတယ်။"

ရှောင်ချန်ယွီ၏ မျက်လုံးများတွင် အံ့ဩမှုတစ်ခု ဖြတ်သန်းသွားသည်။ သာမန်ဝိညာဉ်သခင်ဆိုလျှင် ဤလက်သီးချက်ကို ရှောင်လွှဲနိုင်မည် မဟုတ်ပေ။

သို့သော်...

ရှောင်ချန်ယွီကမူ ဘာမျှမလုပ်ဘဲ လက်ဝဲလက်ဖြင့် ထိုလက်သီးချက်ကို အေးဆေးပင် ဖမ်းဆုပ်လိုက်သည်။

"ဒါ..."

အောက်တွင် ရှိနေသူအားလုံးမှာ မျက်လုံးပြူးကာ ထိတ်လန့်သွားကြသည်။ တိုက်မုပိုင်၏ လက်သီးကို ဖမ်းဆုပ်လိုက်သည်မှာ သေတွင်းထဲ တိုးဝင်နေခြင်းနှင့် တူသည်။

ထို့နောက် ရှောင်ချန်ယွီက တိုက်မုပိုင်၏ ခန္ဓာကိုယ်ကို လက်ဝါးဖြင့် ရိုက်ချလိုက်သည်။

"အွတ်"

တိုက်မုပိုင်မှာ သွေးများ အန်ထွက်လာပြီး နောက်သို့ လွင့်စင်သွားသည်။ တိုက်မုပိုင်မှာ မယုံနိုင်သော အကြည့်များဖြင့် ကြည့်နေသည်။

ဒီကောင်လေးက ဘယ်လိုလုပ်ပြီး ငါရဲ့တိုက်ခိုက်မှုကို တားဆီးနိုင်တာလဲ။

"ဒါလောက်ပဲလား။"

ရှောင်ချန်ယွီက ပျင်းရိစွာ သက်ပြင်းချလိုက်သည်။ ရှေးဟောင်းမြင့်မြတ်ခန္ဓာကို ပိုင်ဆိုင်ထားပြီး အဆင့်ဆင့် အဆင့်မြှင့်တင်ထားသော ရှောင်ချန်ယွီအတွက် တိုက်မုပိုင်မှာ သုံးချက် လေးချက်ပင် မခံနိုင်ပေ။

တိုက်မုပိုင်မှာ သွေးများကို သုတ်လိုက်ပြီး ရှောင်ချန်ယွီကို သတိကြီးစွာဖြင့် စိုက်ကြည့်နေသည်။

"ပဉ္စမဝိညာဉ်စွမ်းရည် - ကျားဖြူ အသွင်ပြောင်းခြင်း။"

"ဘုန်းးး"

တိုက်မုပိုင်၏ ခန္ဓာကိုယ်မှာ ထပ်မံကြီးမားလာပြီး လက်သီးချက်များမှာ ၁၂ မီတာအထိ ကြီးမားသွားကာ ကြောက်မက်ဖွယ် အရှိန်အဝါများ ထွက်ပေါ်လာသည်။

နှစ်ဦးသား တိုက်ခိုက်နေကြစဉ် မြေပြင်မှာ အပိုင်းပိုင်း ကွဲထွက်သွားသည်။ ထိုမြင်ကွင်းကြောင့် ကျောင်းသားများမှာ စုရုံးရောက်ရှိလာကြသည်။

"ဘာဖြစ်တာလဲ။ ဟိုကောင်က ဘယ်သူလဲ။တိုက်မုပိုင်ကိုတောင် ယှဉ်တိုက်နေနိုင်တာပဲ။"

"သူ့ကိုကြည့်ရတာ အသက် ၂၀ လောက်ပဲ ရှိဦးမယ်။ ဒီလောက် စွမ်းအားကြီးတာလား။"

ကျောင်းသားများ၏ ဆွေးနွေးသံကို ကြားရသောအခါ တိုက်မုပိုင်မှာ စိတ်အနှောင့်အယှက် ဖြစ်လာသည်။

မင်းတို့တွေက ငါ အနိုင်ကျင့်ခံနေရတာကို မမြင်ကြဘူးလား ဟု အော်ပြောချင်နေသည်။

"တိုက်မုပိုင် ဒီလောက် လူတွေ စုလာပြီဆိုတော့ မင်းရဲ့ စွမ်းရည်တွေကို အကောင်းဆုံး ပြသလိုက်ပါ။"

ရှောင်ချန်ယွီက ပြုံးလျက် ပြောလိုက်သည်။

"ကောင်လေး မင်း သေချင်နေတာပဲ။"

တိုက်မုပိုင်မှာ ဒေါသထွက်လွန်း၍ သူ၏ မျက်လုံးများမှာ သွေးရောင်လွှမ်းနေသည်။

"မင်းရဲ့ ကျားဖြူဝိညာဉ်က ဒီလောက်ပဲလား။ ငါ့ကို သတ်မယ်ဆိုတာ အိပ်မက်မက်နေတာပဲ။"

ရှောင်ချန်ယွီက အထင်သေးစွာ ပြောလိုက်သည်။

"မောက်မာတဲ့ ကောင် ဒီနေ့ ငါက တကယ့် စွမ်းအားရှင်ဆိုတာ ဘာလဲဆိုတာကို မင်းကို ပြသပေးမယ်။"

တိုက်မုပိုင်မှာ ဒေါသအရှိန်ကြောင့် သွေးရောင် တောက်နေသော မျက်လုံးများဖြင့် အော်ဟစ်လိုက်တော့သည်။