အခန်း ၈၃

အခန်း ၈၃ - ဗီလိန်တစ်ယောက်၏ လမ်းကြောင်း။

"ဟားးးး"

တိုက်မုပိုင် အကြီးအကျယ်အော်ဟစ်လိုက်သည်။ သူ၏ ခန္ဓာကိုယ်တစ်ခုလုံးရှိ အရိုးများမှာ တဖျပ်ဖျပ်မြည်လျက် ကြွက်သားများ ဖောင်းကားလာကာ ပြင်းထန်သော စွမ်းအားများဖြင့် ရှောင်ချန်ယွီဆီသို့ ထပ်မံ ဝင်တိုက်လိုက်ပြန်သည်။

ရှောင်ချန်ယွီ၏ မျက်ဝန်းများတွင်မူ အေးစက်သော အပြုံးတစ်ခု ပေါ်လာသည်။

"ကောင်လေး ဒါကို ခံစားကြည့်လိုက်။"

တိုက်မုပိုင်၏ လက်သီးများမှာ ဖျက်ဆီးနိုင်စွမ်း မြင့်မားစွာဖြင့် ရှောင်ချန်ယွီဆီသို့ ကျရောက်လာသော်လည်း ရှောင်ချန်ယွီက ခြေတစ်ဖက်ကို မြှောက်ကာ ကန်ထုတ်လိုက်သည်။

"ဘုန်းးးး"

နှစ်ဦးသား တိုက်ခိုက်မှုများ ပြုလုပ်ကြသော်လည်း ရလဒ်မှာ လုံးဝ ကွဲပြားခြားနားသည်။

တိုက်မုပိုင်၏ လက်သီးများမှာ ရှောင်ချန်ယွီ၏ ကန်ချက်ကြောင့် လွင့်စင်သွားပြီး သူကိုယ်တိုင်လည်း ကြိုးပြတ်သွားသော စွန်တစ်စင်းကဲ့သို့ မြေပြင်ပေါ်သို့ အရှိန်ပြင်းပြင်းဖြင့် ပစ်ပေါက်ခံလိုက်ရသည်။

တိုက်မုပိုင် မြေပြင်ပေါ်သို့ ပြင်းထန်စွာ ကျရောက်သွားပြန်သည်။ သူ၏ မျက်နှာမှာ ဖြူလျော့သွားပြီး သွေးများ အန်ထွက်လာကာ သူ၏ တက်ကြွမှုများမှာလည်း ပျောက်ကွယ်သွားသည်။

ဤသည်မှာ စွမ်းအားချင်း ကွာဟချက်ပင်။တိုက်မုပိုင်ကို ကန်ထုတ်ပြီးနောက် ရှောင်ချန်ယွီမှာ ချက်ချင်းပင် တိုက်မုပိုင်၏ ရှေ့သို့ ရောက်ရှိလာသည်။

"မင်း ရှုံးပြီ"

"ဘာ"

တိုက်မုပိုင်မှာ စိတ်ပျက်အားငယ်စွာဖြင့် ထရန် ကြိုးစားလိုက်သည်။ အဆင့် ၅၇ ဝိညာဉ်ဘုရင်တစ်ယောက်က အဆင့် ၁၉ ဝိညာဉ်သခင်ကို ရှုံးနိမ့်သွားခြင်းမှာ သူ၏ ဂုဏ်သိက္ခာကို အကြီးအကျယ် ထိခိုက်စေသည်။

"မင်းရဲ့ စွမ်းအားက ဘယ်လိုလုပ် ဒီလောက်ကြီးတာလဲ။ မင်းရဲ့ စွမ်းအားအစစ်အမှန်ကို ဖုံးကွယ်ထားတာပဲ။"

တိုက်မုပိုင်က သွားများကို ကြိတ်ကာ ရှောင်ချန်ယွီကို စိုက်ကြည့်လိုက်သည်။ သူ၏ အသက်အရွယ်မှာ ရှောင်ချန်ယွီထက် ငယ်ရွယ်သည်ဟု ထင်ရသော်လည်း အမှန်တကယ်တွင် ရှောင်ချန်ယွီမှာ ပို၍ ကြောက်စရာကောင်းနေသည်။

ရှောင်ချန်ယွီကမူ တိုက်မုပိုင်ကို အထင်သေးစွာ ကြည့်လိုက်ပြီးနောက် လေးမှ ပစ်လွှတ်လိုက်သော မြားတစ်စင်းကဲ့သို့ တိုက်မုပိုင်ဆီသို့ ခုန်ဝင်သွားသည်။

"ဘုန်း ဘုန်း ဘုန်း"

လေထဲတွင် နှစ်ဦးသား ပြင်းထန်စွာ တိုက်ခိုက်နေကြသည်။ တိုက်မုပိုင်၏ တိုက်ခိုက်မှုများမှာ အထွတ်အထိပ်ရောက် ဝိညာဉ်ဧကရာဇ်တစ်ယောက်နှင့် မခြားနားသော်လည်း ရှောင်ချန်ယွီမှာမူ တည်ငြိမ်စွာပင် ခံယူနေသည်။

တိုက်မုပိုင်သာ နောက်ထပ် အနည်းငယ် ပိုကောင်းမွန်ခဲ့လျှင် ရှောင်ချန်ယွီ၏ ရှေးဟောင်းမြင့်မြတ်ခန္ဓာ ကိုပင် ဖိအားပေးနိုင်ကောင်းပါရဲ့။

သို့သော် ကံမကောင်းစွာဖြင့် ထိုသို့သော အခွင့်အရေး မရှိတော့ပေ။

အပြန်အလှန် တိုက်ခိုက်မှုများအပြီး တိုက်မုပိုင်မှာ နောက်ဆုံး၌ မခံနိုင်တော့ဘဲ သွေးများ အန်ထုတ်ကာ နောက်သို့ လွင့်စင်သွားသည်။

[တိန် အိမ်ရှင်အနေဖြင့် တိုက်မုပိုင်ကို မျက်နှာရိုက်ချခြင်းအတွက် ဂုဏ်ယူပါသည်။ ကံကောင်းခြင်းအမှတ် +၁၀၀ရရှိပါသည်။]

[တိန် အိမ်ရှင်အနေဖြင့် တိုက်မုပိုင်ကို မျက်နှာရိုက်ချခြင်းအတွက် ဂုဏ်ယူပါသည်။ ကံကောင်းခြင်းအမှတ် +၁၀၀ရရှိပါသည်။]

[တိန် အိမ်ရှင်အနေဖြင့် ရှေးဟောင်းမြင့်မြတ်ခန္ဓာ အမြင့်ဆုံးအဆင့်သို့ ရောက်ရှိသွားပါပြီ။]

[တိန် မှတ်တမ်းတင်ကျောက်ပြားရရှိပါသည်။]

စနစ်၏ အသံများ ကြားလိုက်ရသောအခါ ရှောင်ချန်ယွီမှာ ပျော်ရွှင်စွာ ပြုံးမိလိုက်သည်။

သူ၏ ဝိညာဉ်စွမ်းရည်မှာ မကြီးမားသော်လည်း ဤခန္ဓာကို ပိုင်ဆိုင်ထားခြင်းဖြင့် သူသည် အလွန်အားကောင်းလာပြီဖြစ်သည်။

ယခုအခါ ရှေးဟောင်းမြင့်မြတ်ခန္ဓာမှာ အပြည့်အဝ စွမ်းဆောင်နိုင်ပြီဖြစ်ရာ ရှောင်ချန်ယွီသည် ဝိညာဉ်ကုန်းမြေတွင် အနိုင်မရှိသူ ဖြစ်လာတော့မည်။

"ငါ့မှာ လုံလောက်တဲ့ စွမ်းအားရှိပြီဆိုတော့ ငါ့ရဲ့ နောက်တစ်ဆင့်ကို စတင်ရတော့မယ်။ ဗီလိန်တစ်ယောက်အနေနဲ့ ကိုယ်ပိုင်အဖွဲ့အစည်း မရှိလို့ ဘယ်ဖြစ်မလဲ။"

ရှောင်ချန်ယွီ၏ မျက်လုံးများတွင် ရည်မှန်းချက်များ လောင်ကျွမ်းနေသည်။

ထန်စန်းတွင် ရှီလိုင်ခဲနှင့် ကောင်းကင်ဂိုဏ်း အဖွဲ့ ရှိသကဲ့သို့ သူလည်း ကိုယ်ပိုင်အင်အားစုတစ်ခု တည်ဆောက်ရမည်။

ထို့ပြင် ကျူကျူချင်း နင်ရုံရုံ ပိုင်ချန်ရှန်း ပီပီတုံ ဟူလီနာ့နှင့် လျိုအာလုံတို့နှင့်အတူ ရိုမန်းတစ်ဆန်သော အချစ်ဇာတ်လမ်းများကိုလည်း သူ ပိုင်ဆိုင်ချင်သေးသည်။

[တိန်အိမ်ရှင်၏ စိတ်ခံစားမှုများ စစ်ဆေးတွေ့ရှိရသည်။ ဝိညာဉ်ကုန်းမြေတွင် အဖွဲ့အစည်း တည်ထောင်ရန် လိုအပ်ချက် ပြည့်မီသွားပြီဖြစ်၍ မစ်ရှင်တစ်ခုကို ထုတ်ပြန်လိုက်သည်။]

[ဗီလိန်၏ တန်ပြန်တိုက်စစ် - ကျူကျူချင်းကို လိုက်လံပိုးပန်းရန်။]

[မစ်ရှင်ဆု - ကောင်းကင်ဘုံဖုံးလွှမ်းခြင်း၏ လျှို့ဝှက်ချက် ၉ ပါးမှ ခရီးသွားခြင်း နည်းလမ်း...]

စနစ်၏ အသံနှင့်အတူ ရှောင်ချန်ယွီမှာ ကျေနပ်စွာပင် ပြုံးလိုက်မိသည်။

"ဟားဟားဟား ဒီမစ်ရှင်က အချိန်ကိုက်ပဲ။"