အခန်း ၈၉

အခန်း ၈၉ - မင်း ဘယ်သူ့ကို ရွေးမလဲ။

"အကြီးအကဲရှောင်။"

လူတိုင်း၏ ရှေ့မှောက်တွင် ပေါ်လာသူမှာ ရှောင်ချန်ယွီ၏ ဆင့်ခေါ်ထားသော ထိပ်တန်းတုံ့လောရုပ်သေးရုပ်ပင်ဖြစ်သည်။

ရဲ့လင်လင်သည် ဤရုပ်သေးရုပ်ကို သိရှိပြီးဖြစ်သောကြောင့် အံ့အားမသင့်ပေ။ ဤအဆင့် ၉၉ ရှိ ထိပ်တန်းတုံ့လောတစ်ဦး မှာ ရှောင်ချန်ယွီ၏ အစောင့်အရှောက် ဖြစ်ပြီး သူ့နောက်သို့ အမြဲလိုက်ပါနေသူဖြစ်သည်။

ရှောင်ချန်ယွီတွင် ဤမျှ အစွမ်းထက်သော အစောင့်အရှောက် ရှိနေမှတော့ သူ ဘာကိုများ ကြောက်ရွံ့နေစရာ လိုသေးသနည်း။ ရှီလိုင်ခဲကျောင်း၏ အင်အားကြီးဆုံးသူ ဖူလန်ဒါမှာ အဆင့် ၈၃ ဝိညာဉ်တုံ့လောသာ ဖြစ်သည်။

"သနားစရာကောင်းလိုက်တာ ရှီလိုင်ခဲကျောင်းက အစွမ်းထက်တယ်လို့ ထင်ပြီး မောက်မာနေတာ အခုတော့ တကယ့်သံပြားကို သွားခွေ့မိပြီ။"

ရှောင်ချန်ယွီက ရုပ်သေးရုပ်ကို အမိန့်ပေးကာ တိုက်မုပိုင်ကို ပါးရိုက်စေလိုက်ခြင်းမှာ ရှောင်ဝူအတွက်လည်း အလွန် ကျေနပ်စရာ ကောင်းနေသည်။

"အကြီးအကဲ ဒါက..."

ပိုင်ချန်ရှန်းမှာ သံသယများ ရှိနေသော်လည်း ထုတ်မပြောရဲပေ။ ဝိညာဉ်ကုန်းမြေပေါ်တွင် စံချိန်တင် မရှိသော အဆင့် ၉၉ ထိပ်တန်းတုံ့လောတစ်ဦး ကို တိုက်မုပိုင်တို့က မည်သို့ ရင်ဆိုင်မည်နည်း။

"အကြီးအကဲ ဒီလိုလုပ်ရတာ ဘာသဘောလဲ။"

တိုက်မုပိုင်သည် မြေပြင်မှ ထလာပြီး ဖောရောင်နေသော ပါးကို ကိုင်ကာ မကျေနပ်စွာ မေးလိုက်သည်။

"သခင်လေး"

အဘိုးရှောင်သည် တိုက်မုပိုင်ကို လုံးဝ ဂရုမစိုက်ဘဲ ရှောင်ချန်ယွီကို ဦးညွှတ်လိုက်သည်။ ဤမြင်ကွင်းကို မြင်လိုက်ရသော မာဟုန်ကျွင်းနှင့် တိုက်မုပိုင်တို့မှာ အသက်ရှူပင် မှားသွားတော့သည်။

"သခင်လေးလို့ ခေါ်တယ်။"

"ဒီရှောင်ချန်ယွီမှာ နောက်ခံအင်အားက ဘယ်လောက်တောင် ကြီးမားနေတာလဲ၊ အဆင့် ၉ ထိပ်တန်းတုံ့လောတစ်ဦး တောင် သူ့ကို သခင်လေးလို့ ခေါ်ပြီး ဦးညွှတ်နေရတယ်။"

မာဟုန်ကျွင်းမှာ တုန်လှုပ်စွာဖြင့် အော်ဟစ်လိုက်သည်။

တိုက်မုပိုင်မှာမူ သူ၏ ဘဝတစ်ခုလုံးကို ပြန်လည်မေးခွန်းထုတ်နေရသည်။ သူသည် ရှောင်ချန်ယွီရှေ့တွင် မိမိ၏ နောက်ခံကို ကြွားဝါခဲ့သော်လည်း အခုမူ အရှက်ကွဲရတော့သည်။

"ဒီရှောင်ချန်ယွီရဲ့ နောက်ကွယ်က အင်အားက ဘယ်လောက်တောင် ကြောက်စရာကောင်းလိုက်မလဲ။ သူက ဝိညာဉ်ကုန်းမြေ မှာ အင်အားကြီးမားဆုံး အဖွဲ့အစည်းကို တည်ထောင်မယ်လို့ ပြောတာ အလကားမဟုတ်ဘူးပဲ။"

ပိုင်ချန်ရှန်းသည် အသက်ကို ပြင်းပြင်းရှူလိုက်ရသည်။

ဝန်းကျင်ရှိ လူအများမှာလည်း ရှောင်ချန်ယွီ၏ မျက်နှာကိုသာမကသူ၏ နောက်ကွယ်မှ အင်အားကြီးမားမှုကို မြင်တွေ့လိုက်ရသဖြင့် ကြက်သေသေသွားကြသည်။

"ရှောင်ချန်ယွီက ချောမောတယ် စွမ်းရည်ရှိတယ် အခု နောက်ခံအင်အားကလည်း လျှို့ဝှက်ဆန်းကြယ်နေတယ်။ ဒီလို ပြီးပြည့်စုံတဲ့ လူသားမျိုး ဒီလောကမှာ တကယ် ရှိနေတာလား။"

ပရိသတ်များမှာ စိတ်လှုပ်ရှားစွာဖြင့် ဆွေးနွေးနေကြစဉ် ရှောင်ချန်ယွီကမူ တိုက်မုပိုင်ကို လုံးဝ ဂရုမစိုက်ဘဲ ကျူကျူချင်းကို စိုက်ကြည့်လိုက်သည်။

"မမကျူကျူချင်းကျွန်တော် နောက်ဆုံးတစ်ခါ ထပ်မေးမယ်။ ကျွန်တော့်အဖွဲ့အစည်းထဲကို ဝင်ဖို့ ဆန္ဒရှိလား။"

တိုက်မုပိုင်၏ စေ့စပ်ထားသူကို သူ့ရှေ့မှာပင် လူသိရှင်ကြား စည်းရုံးနေခြင်း ဖြစ်သည်။

"ကျွန်မ ဆန္ဒရှိပါတယ်။"

ဒီတစ်ခါတွင်တော့ ကျူကျူချင်းသည် မည်သူ့ထက်မဆို ပို၍ မြန်ဆန်စွာ ဖြေဆိုလိုက်သည်။ ကြယ်တာယာအင်ပါယာတစ်ခုလုံးတွင် အဆင့် ၉၉ ထိပ်တန်းတုံ့လောတစ်ဦးမျှ မရှိပေ။

ဤမျှအစွမ်းထက်သော သူနှင့် လက်တွဲရမည်ဆိုလျှင် သူမအတွက် မည်မျှ ကောင်းမွန်သည့် အခွင့်အရေး ဖြစ်မည်နည်း။

တိုက်မုပိုင်ကို ရွေးမလား ရှောင်ချန်ယွီကို ရွေးမလားဒီလိုမေးခွန်းမျိုးကို စဉ်းစားနေစရာပင် လိုတော့မည်မဟုတ်ပေ။