အခန်း ၉၅

အခန်း ၉၅ - နောင်တ။

"နောက်ထပ် နတ်ဘုရားလက်နက်တစ်ခု... ပြီးတော့ တိုက်ခိုက်မှုအမျိုးအစား... ဒါ့အပြင် အနည်းဆုံး ဆယ်လက်လောက် ရှိနေတာ... ရှောင်ချန်ယွီရဲ့ မိသားစုက နတ်ဘုရားလက်နက်တွေကို လက်ကားရောင်းတဲ့သူတွေလား။"

မာဟုန်ကျွင်း၏ မောက်မာနေသော မျက်နှာမှာ တစ်ခဏချင်းမှာပင် အေးခဲသွားပြီး လှုပ်ရှားနိုင်စွမ်း မရှိတော့ပေ။

သူသည် ရှောင်ချန်ယွီအနေဖြင့် နတ်ဘုရားလက်နက်များ နောက်ထပ် မထုတ်နိုင်တော့ဟု ယုံကြည်ချက်ရှိရှိ ပြောခဲ့သော်လည်း ယခုမူ ရှောင်ချန်ယွီက နတ်ဘုရားလက်နက်ပုံကြီးကို ထုတ်ပြလိုက်ခြင်းဖြင့် သူ၏မျက်နှာကို အားရပါးရ ရိုက်ချလိုက်သကဲ့သို့ ဖြစ်သွားသည်။

ဤဓားများမှာ စနစ်မှ ပေးအပ်လိုက်သော ရှင်သန်ခြင်းနတ်ဘုရားဓားများ ဖြစ်သည်။ ၎င်းဓားများမှာ ပုံမှန်နတ်ဘုရားလက်နက်များထက် အဆပေါင်းများစွာ ပိုမိုမြင့်မြတ်ပြီး နတ်ဘုရားတစ်ပါးကိုပင် သတ်ဖြတ်နိုင်သည့် စွမ်းအားရှိသည်။

"မဖြစ်နိုင်တာ ဒီကောင်က ဘယ်သူလဲငါတို့ ဘယ်လိုလူမျိုးကို သွားပြီး စော်ကားမိလိုက်တာလဲ။"

တိုက်မုပိုင်၏ မျက်နှာမှာလည်း နီရဲလျက် ဘာပြောရမှန်းမသိ ဖြစ်နေသည်။ ယခင်က ရှောင်ချန်ယွီကို နယ်စွန်နယ်ဖျားမှ လူမိုက်ဟု ထင်ခဲ့မိသော်လည်း ယခုမူ သူ၏ နားလည်မှုများမှာ အကြိမ်ကြိမ် မှားယွင်းနေခဲ့ပြီ ဖြစ်သည်။

အဆင့် ၉၉ ထိပ်တန်းတုံ့လောတစ်ဦး အစောင့်အရှောက်ရှိခြင်းမှာ တစ်မျိုးယခုကဲ့သို့ နတ်ဘုရားလက်နက်များကို အလွယ်တကူ ထုတ်ပေးနိုင်ခြင်းမှာ နောက်ထပ် တစ်မျိုး သူ၏ နောက်ခံအင်အားမှာ မည်မျှ ကြီးမားမည်ကို တွေးကြည့်ရုံဖြင့်ပင် တိုက်မုပိုင်၏ ရင်ထဲတွင် မနာလိုမှုများဖြင့် ပူလောင်နေသည်။

"နတ်ဘုရားလက်နက်... အစ်ကိုချန်ယွီဒါတွေက ကျွန်မတို့အတွက်လား။"

ရှောင်ဝူမှာ သူမ၏ မျက်စိရှေ့မှ ဓားများ၏ အရှိန်အဝါကို ကြည့်ရင်း အသက်ပင် မရှူဝံ့တော့ပေ။ ဤဓားများ၏ အရှိန်အဝါမှာ နတ်ဘုရားများထက်ပင် ပိုမိုအားကောင်းနေသကဲ့သို့ ခံစားရသည်။

ရှောင်ချန်ယွီက ဤမျှ အဖိုးတန်သော အရာများကို မည်သို့လုပ်၍ ဤမျှ လွယ်လွယ်ကူကူ ထုတ်ပေးနိုင်သနည်း။

"ဒါတွေက သိပ်ပြီး တန်ဖိုးမရှိပါဘူး။ ယူပြီး သုံးကြပါ။"

ရှောင်ချန်ယွီက တည်ငြိမ်စွာပင် ပြောလိုက်သည်။ သူ့အတွက်မူ ဤလက်နက်များမှာ အသုံးအဆောင်များသာ ဖြစ်ပြီး သူ၏ မိန်းကလေးများအတွက် ပေးအပ်ခြင်းမှာ မိသားစုအတွင်း အကျိုးရှိစေရန်သာ ဖြစ်သည်။

"အစ်ကိုချန်ယွီ အစ်ကိုက တကယ်ကို အံ့ဩဖို့ကောင်းတာပဲ။"

ပိုင်ချန်ရှန်း၏ မျက်ဝန်းများထဲတွင် စိတ်လှုပ်ရှားမှုများ ပြည့်နှက်နေသည်။ သူမသည် အနာဂတ်အတွက်သာ ရည်ရွယ်ပြီး ဝင်ရောက်လာခဲ့သော်လည်း ရှောင်ချန်ယွီ၏ ရက်ရောမှုကြောင့် သူ၏ နောက်သို့ တစ်သက်လုံး လိုက်ပါရန် ဆုံးဖြတ်လိုက်သည်။ ပိုင်ချန်ရှန်း၏ မျိုးနွယ်စုတွင် နတ်ဘုရားလက်နက်တစ်လက်ကိုပင် တစ်သက်လုံး မမြင်ဖူးနိုင်သော်လည်းရှောင်ချန်ယွီ၏ ဘေးတွင်မူ ၎င်းတို့ကို အလွယ်တကူ လက်ခံရရှိနေသည်။

မာဟုန်ကျွင်းကို ပြန်ကြည့်လိုက်သောအခါ သူမ၏ ရွေးချယ်မှုမှာ အမှန်ဆုံးဖြစ်ကြောင်း သူမ သဘောပေါက်လိုက်သည်။

"ငါ မှားသွားပြီ ငါ တကယ် မှားသွားပြီ! ငါတော့ သေပြီ... ဒီတစ်ခါတော့ သံမဏိပြားကို သွားကန်မိပြီ။"

မာဟုန်ကျွင်း၏ မျက်နှာမှာ လူသေကဲ့သို့ ဖြူဖျော့သွားသည်။ သူသည် ရှောင်ချန်ယွီကို အရှက်ခွဲရန် ကြိုးစားခဲ့သော်လည်း ယခုမူ သူကိုယ်တိုင်ပင် ဟာသဖြစ်သွားခဲ့သည်။

ရှီလိုင်ခဲကျောင်း၏ မူဝါဒအရ အားနည်းသူကိုသာ ဖိနှိပ်လေ့ရှိသော်လည်း ယခုကြုံတွေ့နေရသည့် ရှောင်ချန်ယွီမှာမူ မည်သူမျှ မဆန့်ကျင်နိုင်သည့် သံမဏိတံတိုင်းကြီး ဖြစ်နေသည်။

"သေစမ်း... ရှောင်ချန်ယွီက နတ်ဘုရားလက်နက်တွေကို ဒီလို ပုံအောပေးနိုင်တယ်ဆိုရင်... သူက ယောကျာ်းတွေကိုရော လက်ခံသေးလား။"

တိုက်မုပိုင်မှာ ရှောင်ချန်ယွီ၏ စည်းစိမ်ကို ကြည့်ပြီး မနာလိုမှုများဖြင့် ရူးမတတ် ဖြစ်နေသည်။

သူသာ ရှောင်ချန်ယွီ၏ နောက်ခံကို ကြိုသိခဲ့လျှင် မည်သည့်အခါမျှ စော်ကားမိမည် မဟုတ်ပေ။

သို့သော် ယခုမူ နောက်ကျသွားခဲ့ပြီဖြစ်သည်။

"သွားစမ်း"

ကျူကျူချင်းမှာမူ မခံနိုင်တော့ဘဲ အော်ဟစ်လိုက်သည်။ သူမ ရှောင်ချန်ယွီကို ရရှိဖို့အတွက် အခြားအမျိုးသမီးများနှင့် ယှဉ်ပြိုင်နေရသည်မှာပင် အဆင်မပြေဖြစ်နေချိန်တွင် ယောကျာ်းတစ်ယောက်ကပါ ထပ်ဝင်လာသည်ကို သူမ လက်မခံနိုင်တော့ပေ။