အခန်း ၁၃၃

အခန်း ၁၃၃ -အသဲကွဲသွားသော ယွီရှောင်ကန်း။

"အစ်ကိုကြီး ဖူလန်ဒါက သန်မာပါတယ်။ သူ ဘယ်လိုပြဿနာမှ ဖြစ်မလာနိုင်ပါဘူး။ ရှောင်ကန်း နင်အလကားနေရင်း ပူပန်နေတာပါ။"

ယွီရှောင်ကန်းဘေးတွင် လျူအာလုံ ပေါ်လာသည်။ သူမသည် အရိုးရှင်းဆုံး အပြာရောင်အဝတ်အစားကို ဝတ်ဆင်ထားပြီး ဆံပင်ကို ပဝါဖြင့် စည်းနှောင်ထားသည်။ သူမ၏ ဖြူလျော့လျော့ မျက်နှာတွင် ပန်းချီကားတစ်ချပ်ပမာ လှပသော မျက်နှာသွင်ပြင်များ ရှိသည်။ သူမ၏ မျက်ဝန်းနက်ကြီးများမှာ စူးရှပြတ်သားပြီး စွမ်းအားများပြည့်ဝနေသည်။

အဝတ်အစားများ၏ အောက်တွင်မူ သာမန်မိန်းကလေးများ မမီနိုင်သော ကျစ်လျစ်ပြီး ဆွဲဆောင်မှုရှိသည့် ခန္ဓာကိုယ်ကို ပိုင်ဆိုင်ထားသည်။

လျူအာလုံသည် သူမနှင့် ယွီရှောင်ကန်းကို ပေါင်းစပ်ပေးခဲ့သော ဖူလန်ဒါကို အလွန် ကျေးဇူးတင်သည်။ တစ်ချိန်က ကံကြမ္မာ၏ စမ်းသပ်မှုများကြောင့် ယွီရှောင်ကန်းသည် ထွက်ပြေးပုန်းအောင်းခဲ့သော်လည်း ကံကြမ္မာကပင် သူတို့နှစ်ဦးကို ပြန်လည် ဆုံစည်းပေးခဲ့သည်။

ယွီရှောင်ကန်း ရှောင်ဖယ်နေချိန်တွင် ဖူလန်ဒါက အဓိကအခန်းမှ ပါဝင်ခဲ့သည်။ ဖူလန်ဒါသည် လျူအာလုံကို ချစ်သော်လည်း သူ ချစ်ရသူက သူ့ကို ပြန်မချစ်သည့်အခါ သူမ ချစ်ရသူမှာလည်း သူ၏ အကောင်းဆုံးညီအစ်ကို ဖြစ်နေသည့်အတွက် ဖူလန်ဒါသည် နေရာဖယ်ပေးရုံမှလွဲ၍ မတတ်နိုင်ခဲ့ပေ။

သုံးဦးထဲတွင် အဆိုးရွားဆုံးမှာ ဖူလန်ဒါပင် ဖြစ်သည်။ ယခုထိ တစ်ကိုယ်တည်း ကျန်ရစ်နေသူမှာ လျူအာလုံကို မမေ့နိုင်သေး၍လား။ ထို့ကြောင့် လျူအာလုံသည်လည်း ဖူလန်ဒါအပေါ် အလွန် အပြစ်ရှိသလို ခံစားရသည်။

ဤတစ်ကြိမ်တွင် ပင်လယ်နတ်ဘုရား ဆင်းသက်လာခြင်းက ရှောင်ချန်ယွီကို သတ်နိုင်ပါက ဖူလန်ဒါကို ထိပ်တန်းတုံ့လောအဆင့်အထိ ရောက်ရှိအောင် ကူညီပေးနိုင်လိမ့်မည်။ ဤသည်မှာ ဖူလန်ဒါကို လျော်ကြေးပေးခြင်း ဖြစ်မည် မဟုတ်လော။

သို့သော် အခြေအနေမှာ ထူးဆန်းလာသည်။ ရှေ့ဘက်မှ ဖူလန်ဒါ၏ သတင်းအစအနမျှပင် မရှိတော့ပေ။ လျူအာလုံနှင့် ယွီရှောင်ကန်းတို့ စိုးရိမ်နေချိန်တွင် တိုက်မုပိုင်နှင့် အဖွဲ့သားများက ရှေ့ဘက်မှ အသည်းအသန် ပြေးလာကြသည်။

"ဆရာ ယွီရှောင်ကန်း ဆရာမ လျူအာလုံ၊ မကောင်းတော့ဘူး။"

"ကျောင်းအုပ်ကြီး သေသွားပြီသူ ရှောင်ချန်ယွီရဲ့ လက်ချက်နဲ့ သေသွားတာ။ ရှောင်ချန်ယွီဆိုတာ တကယ့်မိစ္ဆာတစ်ကောင်ပဲ။"

ထိုအသံကို ကြားလိုက်ရသောအခါ လျူအာလုံနှင့် ယွီရှောင်ကန်းမှာ ကြက်သေသေသွားသည်။

"ဘာ ဒါ ဘယ်လိုလုပ် ဖြစ်နိုင်မှာလဲ။"

ယွီရှောင်ကန်းမှာ ကမ္ဘာကြီး ပျိုလဲသွားသလို ခံစားလိုက်ရသည်။ ဖူလန်ဒါမှာ သူ၏ အချစ်ပြိုင်ဘက် ဖြစ်သော်လည်း သူ၏ အရင်းနှီးဆုံး သူငယ်ချင်း ဖြစ်သည်။

အမှန်တကယ်တွင် ယွီရှောင်ကန်းမှာ ဖူလန်ဒါ သေဆုံးသည်ကို မလိုလားပေ။

သို့သော် ဖူလန်ဒါမှာ ရှောင်ချန်ယွီ၏ လက်ချက်ဖြင့် တကယ်ပင် သေဆုံးသွားခဲ့ပြီဖြစ်၏။

ရှောင်ချန်ယွီ၏ စွမ်းအားမှာ တကယ်ပင် ကြောက်စရာကောင်းလွန်းသလော။

"ရှောင်ချန်ယွီ နင်မသေမချင်း ငါတို့ ရပ်တန့်မှာ မဟုတ်ဘူး။"

လျူအာလုံလည်း အံကို တင်းတင်းကြိတ်လိုက်သည်။ ပင်လယ်နတ်ဘုရား၏ အကူအညီကို ရထားသော ဖူလန်ဒါသည် ရှောင်ချန်ယွီကို မနိုင်ရသလော။

ဖူလန်ဒါ၏ သေဆုံးမှုမှာ ရှီလိုင်ခဲအကယ်ဒမီအတွက် ကြီးမားသော ထိုးနှက်ချက် ဖြစ်သည်။

အောင်မြင်နေသော ရှီလိုင်ခဲအကယ်ဒမီသည် ကျူကျူချင်း၊ ပိုင်ချန်ရှန်တို့ကဲ့သို့ ထူးချွန်သော ကျောင်းသားများကို ဆုံးရှုံးခဲ့ရပြီးနောက် ယခု ဖူလန်ဒါပါ ထပ်မံ ဆုံးရှုံးလိုက်ရပြီဖြစ်၏။

သူတို့မှာ အဆင့်မြင့် ဝိဉာဥ်သခင်အကယ်ဒမီ ပြိုင်ပွဲကြီးတွင်ပင် ပါဝင်နိုင်တော့မည် မဟုတ်ပေ။ ထိုပြိုင်ပွဲ မရှိပါက ထန်စန်းသည် နှစ်ပေါင်း တစ်သိန်းသက်တမ်းရှိ ဝိဉာဥ်အရိုးကို ဆုအဖြစ် ရရှိနိုင်မည် မဟုတ်ဘဲ သူ၏ အနာဂတ်မှာလည်း ကြီးစွာ ထိခိုက်သွားပေလိမ့်မည်။

"ရှောင်ချန်ယွီ... မင်းကို ငါ သတ်မယ်။"

ရှီလိုင်ခဲအကယ်ဒမီတွင် ယွီရှောင်ကန်းနှင့် လျူအာလုံသာမက ထန်စန်းမှာလည်း အကြီးအကျယ် စိတ်ဓာတ်ကျနေသည်။ တကယ်တမ်းတွင် ထန်စန်းနှင့် ဖူလန်ဒါမှာ တစ်မျိုးတည်း ဖြစ်သည်။

ထန်စန်းမှာ ကောင်းသူမဟုတ်ကြောင်း သိကြပြီး ဖူလန်ဒါကိုမူ ကျောင်းသားများအတွက်သာ အသက်ပေး တည်ထောင်ခဲ့သူဟု ထင်မှတ်နေကြသည်။ အမှန်တကယ်တွင် ဖူလန်ဒါမှာလည်း အမည်ခံကျော်ကြားမှုအတွက်သာ ကျောင်းကို တည်ထောင်ခဲ့ခြင်း ဖြစ်သည်။

သူသည် စစ်မှန်သော ကျင့်ကြံရေးနည်းလမ်းများကို ဘယ်တော့မှ မသင်ပေးခဲ့ဘဲ ကျောင်းသားများကို ဝိဉာဥ်ကွင်းပြင် သို့ လွှတ်ကာ ကိုယ့်ဘာသာ ကျင့်ခိုင်းသည်။

သေသွားလျှင် သူတို့ အရည်အချင်းမရှိ၍ ဖြစ်ပြီး အောင်မြင်သွားလျှင် သူ့၏ သင်ကြားမှုကောင်း ဖြစ်သည်ဟု အကြောင်းပြသည်။

တိုက်မုပိုင်နှင့် ချင်မင်တို့ကဲ့သို့သော သူများမှာ ဖူလန်ဒါကို နတ်ဘုရားတစ်ပါးလို ကိုးကွယ်နေကြသည်။ ထန်စန်းမှာ အတွေ့အကြုံမရှိသော ကျေးလက်လူငယ်လေး ဖြစ်သဖြင့် အလွယ်တကူ အလိမ်ခံခဲ့ရခြင်း ဖြစ်သည်။

ထန်စန်းသည် ဖူလန်ဒါကို အသုံးချပြီး ဖူလန်ဒါကလည်း ထန်စန်း၏ နတ်ဘုရားနာမည်ကို အသုံးချသည်။

"ဒါ ဘယ်လိုလုပ် ဖြစ်နိုင်မှာလဲ။ပင်လယ်နတ်ဘုရားက ဖူလန်ဒါကို ကူညီမယ်လို့ ကတိပေးထားတာမဟုတ်လား... ဘာလို့ ဖူလန်ဒါပဲ သေရတာလဲ။ ပင်လယ်နတ်ဘုရားက ကတိဖျက်လိုက်တာလား။"

ထန်စန်း၏ မျက်နှာမှာ အလွန် အကျည်းတန်နေတော့သည်။