အခန်း ၂၀၄

အခန်း (၂၀၄) ယခင်ဘဝက မှတ်ဉာဏ်များ...ချိတ်ပိတ်ထားသော အချုပ်အနှောင်များ

ဤစကားများကို ပြောလိုက်သည်နှင့် တပြိုင်နက် မြေအောက်ကမ္ဘာကိုးထပ်မြို့တော် တစ်ခုလုံးတွင် ပို၍ပင် ကြီးမားသော ရုန်းရင်းဆန်ခတ်မှုကြီးကို ဖြစ်ပေါ်စေခဲ့သည်။မြေအောက်ကမ္ဘာကိုးထပ် လျှို့ဝှက်နယ်မြေ ထွက်ပေါ်လာတော့မည်ဖြစ်သောကြောင့် ရှေးဟောင်း အင်အားစုများမှ ဆက်ခံသူ အမြောက်အများသည် မြို့ထဲသို့ ရောက်ရှိလာခဲ့ကြ၏။သို့သော် မြေအောက်ကမ္ဘာကိုးထပ် မြို့စားစံအိမ်သည် ဤကိစ္စကို အမြဲတစေ မျက်ကွယ်ပြုထားခဲ့သည်။ဤရှေးဟောင်း အင်အားစုများကို ချဉ်းကပ်ရန်ပင် သူတို့ စိတ်မဝင်စားခဲ့ကြချေ။အစောပိုင်းက ခုံးဝူတောက်သည် မြေအောက်ကမ္ဘာကိုးထပ်မြို့တော်တစ်ခုလုံး ကြီးမားသော ကသောင်းကနင်းနိုင်မှုကြီးကို ဖြစ်စေကာ လုံယန်ကို သတ်ရန် သူ၏လူများကို အမိန့်ပေးခဲ့သည့် အချိန်တွင်ပင်....မြေအောက်ကမ္ဘာကိုးထပ် မြို့စားစံအိမ်သည် စုံစမ်းစစ်ဆေးရန်အတွက် အစောင့်တစ်ယောက်ကိုမျှ စေလွှတ်ခဲ့ခြင်း မရှိချေ။ယခု ထိုကိစ္စ အဆုံးသတ်သွားချိန်၌မူ မြေအောက်ကမ္ဘာကိုးထပ် မြို့စားစံအိမ်တွင် အမြင့်မြတ်ဆုံး ပုဂ္ဂိုလ် ဖြစ်သော မြို့စားဟောင်းသည် ကိုယ်တိုင်ကိုယ်ကျ ထွက်ပေါ်လာခဲ့လေပြီ။လူတိုင်းကို ပို၍ပင် အံ့အားသင့်စေခဲ့သောအရာမှာ သူသည် ခုံးဝူတောက်ကို ကြိုဆိုရန် အထူးရောက်လာခြင်းဖြစ်ကြောင်း ပြောဆိုခဲ့ခြင်းပင်။ဤအထူးအခွင့်အရေးပေးခြင်းသည် အနည်းငယ် တရားလွန်နေခြင်း မဟုတ်လော..."ဒါက... မြို့စားဟောင်းက ပိုပြီးမြင့်မားတဲ့ မဟာဧကရာဇ်နယ်ပယ်ကို ချိုးဖျက်ဝင်ရောက်ဖို့အတွက် သီးသန့်အာရုံစိုက်ဖို့ လွန်ခဲ့တဲ့ နှစ်ပေါင်းများစွာကတည်းက လောကီရေးရာ ကိစ္စတွေကို ဝင်မစွက်ဖက်တော့ဘူး မဟုတ်လား...""မြေအောက်ကမ္ဘာကိုးထပ်မြို့တော်ကို နယ်နိမိတ် ပင်လယ်ဒီရေ ရိုက်ခတ်ပြီးတော့ မြို့တော်တစ်ခုလုံး အန္တရာယ် ကျရောက်နေချိန်မှာတောင် မြို့စားဟောင်းက ပေါ်မလာခဲ့ဘူး...""အခု ဘာဖြစ်နေတာလဲ... သူက ခုံးဝူတောက်ကို ကြိုဆိုဖို့ ဘယ်လိုလုပ်ပြီး သူကိုယ်တိုင် ရောက်လာတာလဲ..."သူတို့ ပို၍ဆွေးနွေးလေလေ ကျင့်ကြံသူများသည် သူတို့၏စိတ်နှလုံးသားထဲရှိ အံ့အားသင့်မှုကို ဖိနှိပ်ရန် ပို၍ခက်ခဲလေလေပင်။ဤဖြစ်စဉ်သည် သူတို့၏လောကအမြင်ကို အမှန်တကယ်ပင် လုံးလုံးလျားလျား ပြောင်းပြန်လှန်ပစ်လိုက်သည်။သို့သော် မြို့စားဟောင်းသည် အောက်ဘက်ရှိ ကျင့်ကြံသူများ၏ ဆွေးနွေးမှုများကို ဂရုမစိုက်ခဲ့ချေ။ယနေ့ မြေအောက်ကမ္ဘာကိုးထပ်မြို့တော်တွင် သက်တမ်းအရှည်ကြာဆုံး တည်ရှိမှုဖြစ်ပြီး အတိတ်မှ အဖြစ်အပျက်၏ အစနှင့်အဆုံးကို နားလည်သော လူအနည်းငယ်ထဲမှ တစ်ဦးအနေဖြင့်....အချိန်လေဟာနယ် တားမြစ်နယ်မြေ၏စွမ်းအား မည်မျှထိ ကြောက်မက်ဖွယ်ကောင်းကြောင်းကို သူ သဘာဝကျကျ သိထားသည်။ထို့ပြင် အချိန်လေဟာနယ် တားမြစ်နယ်မြေမှ တန်ဖိုးအထားဆုံး နတ်ဘုရားသားတော်အရှင် ခုံးဝူတောက်ကို သူ ကိုယ်တိုင်ကိုယ်ကျ ထွက်လာပြီး ကြိုဆိုရန် အလွန်အမင်း လိုအပ်ပေ၏။ကောင်းကင်အလင်းမိုးပြာနဂါး၏ အထက်တွင် ထိုင်နေသော ခုံးဝူတောက်က ခပ်ဖျော့ဖျော့ ပြုံးလိုက်သည်။"စီနီယာ... ဒီလောက်ထိ ယဥ်ကျေးနေဖို့ မလိုပါဘူး..."ဖျက်ဆီးခြင်းခေတ်အတွင်းတွင် သူသည် လေ့ကျင့်ရန်အတွက် နယ်နိမိတ်ပင်လယ်၏ အစွန်းသို့ ရောက်လာခဲ့ပြီး မြေအောက်ကမ္ဘာကိုးထပ်မြို့တော်တွင်လည်း တည်းခိုခဲ့ဖူးသည်။ဤမြို့စားဟောင်းသည် ထိုအချိန်တုန်းကလည်း သူ့ကို ကြိုဆိုခဲ့ဖူးပေ၏။တစ်ဖက်လူသည် သူ၏အချိန်လေဟာနယ် တားမြစ်နယ်မြေကို ကိစ္စရပ်တော်တော်များများတွင် ကူညီပေးခဲ့ဖူးသည်။"နတ်ဘုရားသားတော်အရှင် ခုံးဝူတောက်က နှစ်သန်းပေါင်းများစွာကြာအောင် အိပ်စက်ပြီးတဲ့နောက်မှာ... သူက ပိုပြီးတော့တောင် ခန့်မှန်းရခက်နေပြီပဲ..."မြို့စားဟောင်းသည် ယခုအချိန်၌ ခုံးဝူတောက်၏ အရှိန်အဝါ ပို၍ပင် သာလွန်ထူးကဲလာသည်ကို မြင်တွေ့လိုက်ရပြီး သူ၏မျက်နှာအမူအရာသည် သူ၏ လေးစားအားကျမှုကို ဖုံးကွယ်မထားနိုင်တော့ချေ။သူ့ကို ပို၍ပင် အံ့အားသင့်စေခဲ့သောအရာမှာ ယခုအချိန်၌ သူသည် အဆင့်ငါး မဟာဧကရာဇ်တစ်ပါး ဖြစ်နေသော်လည်း...ခုံးဝူတောက်၏ အစစ်အမှန် ခွန်အားကို အတည်ပြုရန် သူ ခက်ခဲနေဆဲပင်။သူ၏ခန္ဓာကိုယ်အတွင်းတွင် ပုန်းကွယ်နေသော တားမြစ်အဆင့် စွမ်းအားအများအပြား ရှိနေသည်။ခုံးဝူတောက်သည် ထိုအရာများကို မဖော်ပြချင်သရွေ့ သူ၏အစစ်အမှန်ခွန်အားကို မည်သူမျှ မသိမြင်နိုင်သလောက်နီးပါးပင်။"နတ်ဘုရားသားတော်အရှင် ခုံးဝူတောက်... မင်း ခရီးသွားရတာ ပင်ပန်းနေလောက်ပြီ... မင်းအတွက် နန်းတော်ကို စီစဉ်ပေးပြီးပါပြီ...""မြေအောက်ကမ္ဘာကိုးထပ် လျှို့ဝှက်နယ်မြေ မဖွင့်ခင် အချိန်တစ်ခု စောင့်ရဦးမယ်... ဒီကာလအတွင်း နတ်ဘုရားသားတော်အရှင် ခုံးဝူတောက်က စိတ်ချလက်ချနဲ့ ငါ့ရဲ့ မြို့စားစံအိမ်မှာ တည်းခိုနိုင်ပါတယ်..."သူ၏စကားများ အဆုံးတွင် မြို့စားဟောင်းသည် သူကိုယ်တိုင်ကိုယ်ကျ ခုံးဝူတောက်အတွက် လမ်းပြပေးလေသည်။ခုံးဝူတောက် ဆင်းသက်လာသည့် အခိုက်အတန့်တွင် ဤရောက်ရှိလာမှုကို သူ အမှန်တကယ် အာရုံခံမိပြီး ဖြစ်သည်။သို့သော် ခုံးဝူတောက်သည် အစစ်အမှန်နဂါး ရှေးဟောင်းမျိုးနွယ်စုမှ လုံယန်နှင့် ပဋိပက္ခ ဖြစ်ပွားခဲ့သောကြောင့်....သူသည် ပေါ့ပေါ့ပါးပါး ဝင်ရောက်စွက်ဖက်၍ မရနိုင်ဘဲ ကိစ္စရပ် ပြီးဆုံးရန်သာ စောင့်ဆိုင်းနိုင်ခဲ့သည်။မည်သို့ပင်ဆိုစေကာမူ ဤခေတ်ကာလသည် ယခုအချိန်၌ လုံးလုံးလျားလျား ကွဲပြားသွားလေပြီ။မရေမတွက်နိုင်သော ရှေးဟောင်းအင်အားစုများ တစ်ခုပြီးတစ်ခု နိုးထလာခဲ့ကြ၏။သူတို့၏ မြေအောက်ကမ္ဘာကိုးထပ်မြို့တော်သည် မရေမတွက်နိုင်သော ခေတ်ကာလများကြာမြင့်စွာ အမွေဆက်ခံခဲ့သော်လည်း...ဤ စွမ်းအားကြီးမားသော ရှေးဟောင်းအင်အားစုများနှင့် နှိုင်းယှဉ်ပါက သူတို့၏ မြေအောက်ကမ္ဘာကိုးထပ်မြို့တော်သည် မည်သို့မျှ ယှဉ်ပြိုင်နိုင်စွမ်း မရှိချေ။အစစ်အမှန်နဂါး ရှေးဟောင်းမျိုးနွယ်စုကဲ့သို့ ရှေးဟောင်းအင်အားစုများကို သူတို့ မစော်ကားရဲကြချေ။ထို့ပြင် သူတို့သည် အချိန်လေဟာနယ် တားမြစ်နယ်မြေကို ပို၍ပင် မစော်ကားရဲပေ။ရှေးဟောင်း အင်အားစုများ၏ ပဋိပက္ခတွင် ကြားညပ်နေခြင်းက သူတို့၏ မြေအောက်ကမ္ဘာကိုးထပ်မြို့တော်အတွက် အကျိုးရှိမည် မဟုတ်ပေ။"ကျေးဇူးတင်ပါတယ် စီနီယာ..."ခုံးဝူတောက်က ခေါင်းအနည်းငယ် ညိတ်ပြလိုက်ပြီး ဤကိစ္စကို လုံးဝဂရုမစိုက်ခဲ့ချေ။ခုံးဝူတောက်သည် မြို့စားဟောင်း၏နောက်သို့ လိုက်ကာ မြေအောက်ကမ္ဘာကိုးထပ် မြို့စားစံအိမ်ဆီသို့ သွားနေစဉ်မှာပင်...စနစ်၏အသံ ရုတ်တရက် ပဲ့တင်ထပ်လာသည်။[ဒင်....စနစ်ပုံစံနဲ့ ချည်နှောင်ထားတယ်လို့ သံသယရှိရတဲ့ အထူးကောင်းကင်ကံကြမ္မာ ရွေးချယ်ခံတစ်ယောက်က မြေအောက်ကမ္ဘာကိုးထပ်မြို့တော်ရဲ့ နယ်မြေ အနီးအနားကို ဝင်ရောက်လာတာ ထောက်လှမ်းတွေ့ရှိရပါတယ်... စနစ်က သခင့် အတွက် သူ့ကို အမှတ်အသား လုပ်ထားပြီးပါပြီ]ဤအရာကို ကြားလိုက်ရသောအခါ ခုံးဝူတောက်သည် သူ၏အသိစိတ်ကို အနည်းငယ် လှုပ်ရှားပြီး စနစ်မျက်နှာပြင်ကို ဖွင့်လိုက်၏။[ကောင်းကင်ကံကြမ္မာ ရွေးချယ်ခံ၏ လက်ရှိ တည်နေရာ....မြေအောက်ကမ္ဘာကိုးထပ် တောင်တန်း][အမည် ..မော့ရှဲ့][အထောက်အထား...ကူးပြောင်းလာသူ..မြေအောက်ကမ္ဘာ ခန်းမ သူတော်စင်][တိကျသော ချည်နှောင်ထားသည့် စနစ် ပုံစံကို နောက်ထပ်ခွဲခြမ်းစိတ်ဖြာရန် လိုအပ်သည်]ကူးပြောင်းလာသူတစ်ယောက် ဖြစ်နေသလော....ဤအရာက ခုံးဝူတောက်၏ စပ်စုချင်စိတ်ကို လှုံ့ဆော်သွားခဲ့သည်။ထိုအကြောင်းကို ပြောရလျှင်င် သူကိုယ်တိုင်လည်း ကူးပြောင်းလာသူ တစ်ယောက်ဟု သတ်မှတ်၍ ရနိုင်သည်။အချိန်တွေအလွန် ကြာမြင့်သွားခြင်းကြောင့်သာ သူ၏ ယခင်ဘဝက မှတ်ဉာဏ်များကို သူ မေ့ပျောက်သွားခဲ့ခြင်း ဖြစ်ပေ၏။မှတ်ဉာဏ် မကောင်းခြင်းအတွက် သူ့ကို အပြစ်တင်၍ မရနိုင်ချေ။အဘယ်ကြောင့်ဆိုသော် သူ ကူးပြောင်းခြင်း ဖြစ်စဉ်တွင် သန္ဓေသားအဆင့်သာ ရှိသေးသောကြောင့်ပင်။ထို့ပြင် သူ၏ အသိစိတ်ပင်လယ်တွင် အထူးချိတ်ပိတ်ထားခြင်းတစ်ခု ရှိပြီး သူ၏မူလမှတ်ဉာဏ်များကို ချိတ်ပိတ်ထားသည်။သူ၏ ယခင်ဘဝ အကြောင်းကို တွေးတောရန် ကြိုးစားသရွေ့ သူ၏အသိစိတ်ပင်လယ်သည် ထိန်းချုပ်၍မရနိုင်အောင် နာကျင်လာပေလိမ့်မည်။အကယ်၍ စနစ်သာ သူ့ကို ရုတ်တရက် ရှာမတွေ့ခဲ့လျှင် သူ့ထံ၌ ယခင်ဘဝ ရှိခဲ့ဖူးသည်ကိုပင် သူ မေ့သွားလောက်လေပြီ။"တခြား ကမ္ဘာက ကူးပြောင်းလာသူ တစ်ယောက်... ပြီးတော့ စနစ်တစ်ခုနဲ့လည်း ချည်နှောင်ထားတာလား...""ငါ့ရဲ့အရင်ဘဝက မှတ်ဉာဏ်တွေကို ပြန်ရဖို့အတွက် ကြိုးစားဖို့ သူ့ကို ငါ အသုံးပြုလို့ ရမလား မသိဘူး..."လူများတွင် စပ်စုချင်စိတ် ရှိခြင်းမှာ သဘာဝပင်။သူ၏ အတိတ်ဘဝ အတွေ့အကြုံများကို သူ အစွဲအလမ်း မကြီးသော်လည်း သူ၏ ယခင်ဘဝတွင် မည်သည့် ကမ္ဘာမှ လာခဲ့သည်ကို သူ သိချင်နေဆဲပင်။သူသည် စနစ်တစ်ခုနှင့် တစ်ကြိမ်တစ်ခါမှ မကြုံဖူးသော်လည်း 'စနစ်' ဆိုသော စကားလုံး နှစ်လုံး၏ အဓိပ္ပာယ်ကို သူ မည်သည်ကြောင့် သိနေရသနည်း...ဤလက်တွေ့နှင့် စိတ်ကူးယဉ်တို့၏ ပေါင်းစပ်မှု...အမှန်တရားကို ရောက်ရှိရန် တားဆီးနေသော ဤရှုပ်ထွေးနေသည့် လျှို့ဝှက်ချက်က ခုံးဝူတောက်ကို ထိုကိစ္စ၏အမှန်တရားကို နားလည်ရန် ပို၍ပင် စိတ်အားထက်သန်စေခဲ့သည်။..........မြေအောက်ကမ္ဘာကိုးထပ်မြို့တော်ရှိ ရှေးဟောင်းဆန်ပြီး ခမ်းနားကြီးကျယ်သော စားသောက်ဆိုင်တစ်ဆိုင်၏ အပေါ်ထပ်တွင် စွမ်းအားကြီးမားသော အရှိန်အဝါများ ရှိသည့် လူငယ်ပါရမီရှင် အများအပြား ရှိနေသည်။သို့သော် သူတို့သည် တူညီသော အင်အားစုမှ မဟုတ်ကြောင်း သိသာရှင်းလင်းနေပြီး သူတို့အချင်းချင်း မျက်နှာချင်းဆိုင်ထိုင်ကာ ခုံးဝူတောက်က လုံယန်ကို သတ်ဖြတ်ရန်ပေးခဲ့သော အမိန့်ကို ဆွေးနွေးနေခဲ့ကြ၏။"အချိန်လေဟာနယ် တားမြစ်နယ်မြေက ဒီခရီးစဉ်မှာ ငါတို့ရဲ့ အကြီးမားဆုံး ပြိုင်ဘက် ဖြစ်ပုံရတယ်...""ခုံးဝူတောက်က မယုံကြည်နိုင်လောက်အောင် သန်မာအားကောင်းတယ်... အခု အချိန်လေဟာနယ် တားမြစ်နယ်မြေရဲ့ ဧကရာဇ် သားတော်တွေကလည်း အားကောင်းကြပြီးတော့ တစ်ယောက်စီမှာ သူတို့ရဲ့ ကိုယ်ပိုင်အားသာချက်တွေ ရှိတယ်...""တကယ်လို့ ငါတို့က အခွင့်အရေးတွေ ပိုရချင်တယ်ဆိုရင်... အချိန်လေဟာနယ် တားမြစ်နယ်မြေရဲ့ ဖိအားကို ရင်ဆိုင်ဖို့ နည်းလမ်းတစ်ခုကို အရင် ရှာရမယ်..."အားကောင်းသော အရှိန်အဝါ ရှိသည့် ရွှေရောင် သံချပ်ကာ ဝတ်ဆင်ထားသော အမျိုးသားတစ်ဦးက ပထမဆုံး စကားပြောလိုက်သည်။သူ၏ နာမည်မှာ ကျွင်းမော့ယွီပင်။သူသည် နတ်မိစ္ဆာတစ်သောင်းဂိုဏ်း၏ သူတော်စင်သားတော်ဖြစ်ပြီး ဟင်းလင်းပြင်နတ်ဘုရားနယ်ပယ် နဝမအဆင့် ကျင့်ကြံခြင်းနှင့် ကြီးမားသော ခွန်အားကို ပိုင်ဆိုင်ထားသည်။"ဟုတ်တယ်... ခုံးဝူတောက်ရဲ့ ခွန်အားက အရမ်း ကြောက်စရာ ကောင်းလွန်းတယ်...သူက နတ်ဘုရားဘုရင်နယ်ပယ်ကို ချိုးဖျက်ဝင်ရောက်ခဲ့တာ အချိန်အတော်ကြာနေလောက်ပြီ..""ကျင့်ကြံခြင်း ရှုထောင့်ကနေ ကြည့်ရင်... သူက ဒီခေတ်ကာလက ပါရမီရှင်တွေရဲ့ ရှေ့ဆုံးမှာ ရှိနေပြီ..." စွမ်းအားကြီးမားသော အမျိုးသမီးကျင့်ကြံသူတစ်ဦးက ခါးသီးသော အပြုံးဖြင့် ပြောလိုက်၏။"ဟမ့်... ခုံးဝူတောက် တစ်ယောက်တည်းကပဲ နတ်ဘုရားဘုရင်နယ်ပယ်ကို ချိုးဖျက်ဝင်ရောက်နိုင်ခဲ့တယ်လို့ ဘယ်သူက ပြောနိုင်လဲ..."မကြာမီ တခြားပါရမီရှင်တစ်ဦးက ချေပလေသည်။"ရှေးဟောင်းကချေသည်မိသားစုရဲ့ ဝူရှန်း ကောင်းကင်ကိုးထပ် နတ်ဘုရားခန်းမရဲ့ ချူကျင်းရှန်းနဲ့ အစစ်အမှန်နဂါး ရှေးဟောင်းမျိုးနွယ်စုရဲ့ လုံအောင်းယွီတို့ကလည်း နတ်ဘုရားဘုရင်နယ်ပယ်ကို ချိုးဖျက်ဝင်ရောက်သွားကြပြီလို့ ငါ ကြားတယ်""ဒါ့ပြင်... မြေအောက်ကမ္ဘာကိုးထပ် လျှို့ဝှက်နယ်မြေ ထွက်ပေါ်လာဖို့ အချိန်တော်တော်လေး လိုနေသေးတယ်... အဲ့ဒါက ဒီကာလအတွင်းမှာ စွမ်းအားကြီးမားတဲ့ ရှေးဟောင်းပါရမီရှင်တွေ အများကြီး နတ်ဘုရားဘုရင်နယ်ပယ်ကို ချိုးဖျက်ဝင်ရောက်ဖို့ လုံလောက်တယ်...""ပြီးတော့... ခုံးဝူတောက်ရဲ့ ဂုဏ်သတင်းက အခုလက်ရှိမှာ အရမ်းကို ထင်ရှားနေတယ်... အဲ့ဒါက ဒီ စွမ်းအားကြီးမားတဲ့ ရှေးဟောင်းပါရမီရှင်တွေရဲ့ အာရုံစိုက်မှုကို သေချာပေါက် ရရှိလိမ့်မယ်...""ဒီမြေအောက်ကမ္ဘာကိုးထပ် လျှို့ဝှက်နယ်မြေ ခရီးစဉ်မှာ... ခုံးဝူတောက်အတွက် ငြိမ်းငြိမ်းချမ်းချမ်း ဖြတ်ကျော်ဖို့ဆိုတာ ဖြစ်နိုင်မှာ မဟုတ်ဘူး..."ဤစကားများကို ပြောလိုက်သည်နှင့် လက်ရှိနေရာရှိ တခြားသူများ၏ မျက်လုံးများတွင် သဘောတူညီမှု အရိပ်အယောင်တစ်ခု ထင်ဟပ်လာသည်။ယခုလက်ရှိ ကောင်းကင်ဘုံများ၏ နယ်မြေအသီးသီး ရှိ လူငယ်မျိုးဆက်များကို ကြည့်မည်ဆိုပါက...ခုံးဝူတောက်သည် နာမည်အကြီးဆုံး ဖြစ်သည်မှာ သံသယဖြစ်ဖွယ် မရှိချေ။သို့သော် အိပ်မောကျခြင်းမှ နိုးထလာပြီး သူတို့၏ ဂုဏ်သတင်းကို အမြင့်မားဆုံး ဖြစ်စေချင်သော ရှေးဟောင်း ပါရမီရှင်များအတွက်မူ....ခုံးဝူတောက်ကို အနိုင်ယူပြီး သူ့ကို ခြေနင်းတုံး တစ်ခုအဖြစ် အသုံးပြုခြင်းက အရိုးရှင်းဆုံးနှင့် တိုက်ရိုက်အကျဆုံး နည်းလမ်းပင်။မြေအောက်ကမ္ဘာကိုးထပ် လျှို့ဝှက်နယ်မြေသည် ထူးခြားပေ၏။ထိုနယ်မြေတွင် နယ်နိမိတ် ပင်လယ်နှင့် ပတ်သက်သည့် လျှို့ဝှက်ချက်များလည်း ပါဝင်နေသည်ဟု ဆိုကြသည်။မြေအောက်ကမ္ဘာကိုးထပ် လျှို့ဝှက်နယ်မြေသို့ ဝင်ရောက်မည့် ပါရမီရှင်များသည် ထိုအရာကို လွယ်လင့်တကူ လက်လွတ်မခံချင်ကြချေ။သူတို့၏နှလုံးသားထဲရှိ သိချင်စိတ်ကိုလည်း သူတို့ ဖုံးကွယ်မထားနိုင်ကြပေ။ကြောက်မက်ဖွယ်ကောင်းသော ပါရမီရှင်များသည် ခုံးဝူတောက်နှင့် မည်ကဲ့သို့ ထိပ်တိုက်တွေ့ဆုံမှုမျိုး ရှိလာမည်ကိုလည်း သူတို့ သိချင်နေကြသည်။