အခန်း ၁၄၃

အခန်း ၁၄၃ - အစီအရင်၏ လျှို့ဝှက်ချက်။

ဝိဉာဥ်တုံ့လော နှင့်ထိပ်တန်းတုံ့လော တို့၏ အဆင့်ချင်း ကွာခြားမှုမှာ အလွန်ကြီးမားသည်။ ထူးခြားသော နည်းလမ်းများ မရှိပါက တုံ့လောအဆင့်ကို အနိုင်ယူရန် မလွယ်ကူပေ။ သို့သော် ဖျက်ဆီးရေးမျိုးနွယ်စု ၏ ခေါင်းဆောင် ယန်ဝူဒီမှာမူ ချွင်းချက်ဖြစ်သည်။

သူသည် အဆင့် ၈၂ သာ ရှိသော်လည်း သူ၏ တိုက်ခိုက်မှုစွမ်းအားမှာ ထိပ်တန်တုံ့လောအဆင့်ကိုပင် ယှဉ်ပြိုင်

နိုင်စွမ်း ရှိသည်။

သူ၏လှံတံသည် ကာကွယ်ရေးများကို ချိုးဖျက်ရာတွင် အထူးကျွမ်းကျင်ပြီး အတိတ်က ဝိဉာဥ်နန်းတော်၏ တုံ့လောတစ်ဦးကိုပင် ပြင်းထန်စွာ ဒဏ်ရာရစေခဲ့ဖူးသည်။

"ယန်မျိုးနွယ်စုခေါင်းဆောင် ထိုက်တန်အတွက် လက်စားချေဖို့ ရှေ့ထွက်လာတော့မှာလား။"

ထန်စန်း၏ မျက်ဝန်းများတွင် စိတ်လှုပ်ရှားမှုများ ပေါ်လာသည်။ ထိုက်တန် ရှုံးနိမ့်သွားသော်လည်း ယန်ဝူဒီမှာ ပိုမိုပြင်းထန်ကြောင်း သူ သိရှိသည်။

ပင်လယ်နတ်ဘုရား၏ အကူအညီဖြင့် ယန်ဝူဒီ၏ ဝိဉာဥ်စွမ်းအားကို မြှင့်တင်ပေးလိုက်ပါက ရှောင်ချန်ယွီကို အနိုင်ယူနိုင်လိမ့်မည်ဟု သူ ယုံကြည်နေသည်။

ထိုအချိန်တွင် ရှောင်ချန်ယွီ၏ စနစ်ထံမှ အချက်ပေးသံများ ထွက်ပေါ်လာသည်။

[တိန် ထိုက်တန်ကို သတ်ဖြတ်ခြင်းအတွက် အောင်မြင်သည်။ ကံကောင်းမှုအမှတ် တိုးသည်။]

[တိန် ကောင်းကင်ကိုဖုံးလွှမ်းခြင်း လျို့ဝှက်ချက် ၉ပါးထဲမှာအစီအရင်လျှို့ဝှက်ချက် ကို ရရှိသည်။]

အစီအရင်လျှို့ဝှက်ချက် သည် အစီအရင်နှင့် အခင်းအကျင်းများကို လေ့လာရာတွင် အထွတ်အထိပ် နည်းစနစ်ဖြစ်သည်။

ဤလျှို့ဝှက်ချက်ကြောင့် အဆင့်နိမ့်သူများပင်လျှင် အဆင့်မြင့် အစီအရင်များကို နားလည်နိုင်စွမ်း ရှိလာသည်။ ဝိဉာဥ်ကုန်းမြေတွင် ထန်စန်းသုံးနေသော အစီအရင်များသည် ရှောင်ချန်ယွီ၏ အစီအရင်လျှို့ဝှက်ချက်နှင့် နှိုင်းယှဉ်ပါက အလွန်ပင် နိမ့်ကျလှသည်။

ရှောင်ချန်ယွီအတွက်မူ အစီအရင်များ မလိုဘဲပင် အနိုင်ရနိုင်သော်လည်း ဤနည်းစနစ်သစ်မှာ သူ၏ စွမ်းအားကို ပိုမိုမြင့်မားစေခဲ့သည်။

တစ်ဖက်တွင်လည်း ပင်လယ်နတ်ဘုရားမှာ အလွန်ပင် စိုးရိမ်နေသည်။ ရှောင်ချန်ယွီ အသုံးပြုနေသော လက်စွမ်းလက်စများသည် ဝိဉာဥ်ကုန်းမြေတွင် မရှိဖူးသော နည်းစနစ်များ ဖြစ်နေသည်။

"ဒီကောင် ရှောင်ချန်ယွီရဲ့ နောက်ကွယ်မှာလည်း နတ်ဘုရားတစ်ပါး ပါဝင်ပတ်သက်နေတာ ဖြစ်ရမယ်။"

ပင်လယ်နတ်ဘုရားသည် ထန်စန်းကို ရွေးချယ်ခဲ့ခြင်းမှာ ထန်စန်း၏ ထူးချွန်မှုနှင့် သူရရှိထားသော အခြားကမ္ဘာမှ လျှို့ဝှက်ကျင့်စဉ်များကြောင့်ဖြစ်သည်။

ထန်စန်းသည် ပင်လယ်နတ်ဘုရား၏ ငယ်စဉ်ကထက်ပင် ပိုမိုထူးချွန်နေသည်။

သို့သော် ယခုအခါ ရှောင်ချန်ယွီ၏ရှေးဟောင်းမြင့်မြတ်ခန္ဓာ နှင့် ထန်စန်း၏ အခြားကမ္ဘာမှ နည်းစနစ်များမှာ ထိပ်တိုက်ရင်ဆိုင်ရတော့မည် ဖြစ်သည်။

မည်သူက ပိုမိုအစွမ်းထက်မည်ကိုတော့ စောင့်ကြည့်ရဦးမည် ဖြစ်သည်။