အခန်း ၅၄၉၉

Chapter 5499

ထိုအေးစက်စက်အသံက ဆူညံသံများအားလုံးကို ချက်ချင်းဖုံးလွှမ်းသွားသည်။

လုယွီသည် ယန်မိသားစုခြံဝန်း၏ အနောက်ဘက်တောင်မှ လျှောက်လှမ်းထွက်လာပြီး သူ၏ခြေလှမ်းများ တည်ငြိမ်နေကာ လေဟာနယ်ကို နင်းဖြတ်လာသည်။

လုယွီ ရောက်လာသည်ကို မြင်တွေ့ချိန်၌ လူအများသည် တိတ်ဆိတ်သွားကြ၏။ အစွမ်းထက်သော ဧကရာဇ်စွမ်းအားသည် မိုးကောင်းကင်ယံသို့ ပျံ့လွင့်သွားပြီး လူများအားလုံးကို ဖိနှိပ်ထားသည်။

"မင်းက ငါ့ကို ရှာနေတာလား..."

လုယွီက သရဲဘုရင်၏ရှေ့သို့ ရောက်လာသည်။

"မင်း..."

သရဲဘုရင်သည် သူ၏မောက်မာထောင်လွှားသော ကိုယ်ဟန်အမူအရာကို ရုတ်သိမ်းလိုက်ပြီး သူ၏ မျက်လုံးများတွင် သတိထားမှု အရိပ်အယောင်တစ်ရပ် ဖြတ်ပြေးသွားသည်။

"အရှင်ဧကရာဇ်..."

ချင်စစ်တပ်မှ စစ်ဗိုလ်ချုပ်များသည် အလွန်ဝမ်းသာသွားကြပြီး ကျယ်လောင်သောအသံဖြင့် အော်ဟစ်လိုက်ကြ၏။

သူတို့၏ဧကရာဇ်သည် သူတို့ကို စွန့်ပစ်မသွားခဲ့ဘဲ ဤအရေးကြီးသော အချိန်အခိုက်အတန့်တွင် ရှေ့သို့ ထွက်လာခဲ့သည်။

လုယွီက သူ၏လက်ချောင်းကို တော​က်လိုက်ရာ ရွှေရောင်အလင်းတန်းတချို့ သူ၏လက်ညှိုးထိပ်မှ စီးဆင်းလာပြီး အောက်သို့ပြန့်ကျဲသွားသည်။

ဤသည်မှာ မိုးကောင်းကင်ယံမှ ရွှေရောင်မိုးစက်များ ရွာသွန်းနေသကဲ့သို့ဖြစ်ပြီး တစ်စက်ချင်းစီက သူတို့၏ ခန္ဓာကိုယ်ပေါ်သို့ ကျဆင်းသွားသည်။ ချင်စစ်တပ်မှ စစ်ဗိုလ်ချုပ်များကို ရွှေရောင်အလင်းတန်းများက ချက်ချင်းဖုံးလွှမ်းသွားပြီး သူတို့၏ ဒဏ်ရာများသည် မျက်တောင်တစ်ခတ်စာ အချိန်အတွင်း သက်သာလာကာ သူတို့ကို အထွတ်အထိပ် အခြေအနေသို့ ပြန်လည်ရောက်ရှိစေခဲ့သည်။

လုယိုသည်လည်း အပြည့်အဝ ပြန်လည်ကောင်းမွန်လာပေ၏။ အစောပိုင်းက သူသည် သရဲဘုရင်ကြောင့် ဒဏ်ရာရခဲ့သော်လည်း ယခုအချိန်၌ လုံးလုံးလျားလျား ပြန်လည်ကောင်းမွန်လာပြီး သူ၏ကျင့်ကြံခြင်းပင်လျှင် အဆင့်ငယ်တစ်ဆင့် မြင့်တက်သွားသည်။

သူ၏စိတ်နှလုံးသားထဲတွင် စိတ်ခံစားမှုများ ပြည့်နှက်နေကာ သက်ပြင်းချလိုက်သည်။ လုယွီ ယခု ပိုင်ဆိုင်ထားသော စွမ်းအားကို သူ လုံးလုံးလျားလျား ခန့်မှန်း၍မရနိုင်တော့ချေ။

ဤနတ်ဘုရားဆန်သော နည်းစနစ်ကို ပြသလိုက်သည်နှင့်အမျှ မျက်နှာချင်းဆိုင်ရှိ သရဲဘုရင်၏မျက်နှာပေါ်တွင် စိုးရိမ်ပူပန်သော အမူအရာတစ်ရပ် ချက်ချင်းထွက်ပေါ်လာသည်။

"ချင်ဧကရာဇ်... ယန်မိသားစုက ပျက်စီးသွားပြီဆိုပေမဲ့ ဒီပိုင်ဆိုင်မှုတွေက မင်းတို့ မဟာချင်တစ်ခုတည်း ဝါးမျိုနိုင်တဲ့ အရာမျိုး မဟုတ်ဘူး..."

သရဲဘုရင်သည် ခြေလှမ်းကျဲကြီးများဖြင့် ရှေ့သို့ လျှောက်လှမ်းလာပြီး သူ၏စွမ်းအားများကို အထွတ်အထိပ်သို့ စုစည်းလိုက်၏။ သရဲတစ္ဆေတစ်သောင်း၏ပုံရိပ်ယောင်များက သူ၏နံဘေးတွင် ဝိုင်းရံနေကာ ထူးဆန်းသော သဘာဝလွန်ပုံရိပ်များပေါ်လာပြီး ငရဲချီအရှိန်အဝါသည် ထူထပ်သိပ်သည်းကာ လူအများကို ကျောရိုးတလျှောက် ချမ်းစိမ့်သွားစေသည်။

လုယွီကို မတွေ့မြင်ရပါက သူသည် ရိုင်းစိုင်းစွာ စကားပြောနိုင်ကောင်း ပြောနိုင်ပေလိမ့်မည်။ သို့သော် လုယွီသည် ယခုအချိန်၌ လုံးဝအထိအခိုက်မရှိဘဲ သူ၏ရှေ့တွင် ထွက်ပေါ်လာသဖြင့် သူ့ကို သတိထားနေရသည်။

အပြန်အလှန်တိုက်ခိုက်မှု တစ်ကြိမ်တည်းဖြင့် သရဲဘုရင်က သူ၏အစွမ်းထက်ဆုံး နည်းစနစ်ကို ထုတ်ဖော်လိုက်သည်။ ရက်စက်ကြမ်းတမ်းသော ငရဲချီ အရှိန်အဝါသည် မြူခိုးများအလား ပတ်ဝန်းကျင်ကို ဖုံးလွှမ်းသွားပြီး အရိုးစုမျက်နှာတချို့ တဖြည်းဖြည်း ထွက်ပေါ်လာကာ နောက်ဆုံးတွင် ဧရာမအရိုးစုပလ္လင်ကြီးတစ်ခုအဖြစ် စုစည်းသွားသည်။

သရဲဘုရင်သည် ထိုအရိုးစုပလ္လင်ပေါ်တွင် ထိုင်လိုက်ပြီး မျက်တောင်တစ်ခတ်စာအချိန်အတွင်း၌ အလွန်ကျယ်လောင်သော တုန်ခါသံတစ်သံ ပွင့်အံ့ထွက်လာသည်။

လေထုအတွင်း၌ သရဲတစ္ဆေများ ငိုကြွေးကာ ဝံပုလွေများ အူနေသည့် အသံများဖြင့် ပြည့်နှက်နေသကဲ့သို့ ဆူညံ့နေပြီး အသူရာငရဲနယ်မြေတစ်ခုအလားပင်။

ဤသည်မှာ အလွန်နက်နဲသိမ်မွေ့သော တာအိုသခင်အဆင့် ကျွမ်းကျင်သူတစ်ဦး။ ဤအချိန်၌ သူသည် သူ၏စွမ်းအားကို အပြည့်အဝ ထုတ်ဖော်လိုက်ပြီး သူ၏အရှိန်အဝါမှာ လောကကြီးကို ဖျက်ဆီးနိုင်စွမ်း ရှိပုံရသည်။

"အရမ်းသန်မာတာပဲ... ဒီကျွမ်းကျင်သူရဲ့ မူရင်းဇစ်မြစ်က ဘာလဲ..."

"ဒီစွမ်းအားက ယန်မိသားစုရဲ့ ကောင်းကင်အဆင့် မဟာအကြီးအကဲတွေထက် ကျော်လွန်တယ်... အဲ့ဒါက ယန်မိသားစုက မွန်းစတားအိုကြီးတွေနဲ့ ယှဉ်နိုင်လောက်တယ်... သူက ဘယ်က လာတာလဲ..."

"ချင်ဧကရာဇ် ဘယ်လို တုံ့ပြန်မလဲဆိုတာ ကြည့်ရအောင်... သူက ယန်မိသားစု ကျွမ်းကျင်သူတွေ အများကြီးနဲ့ ပြင်းပြင်းထန်ထန် တိုက်ခိုက်ခဲ့ရတာဆိုတော့ အခု အားနည်းတဲ့ အခြေအနေမှာ ရှိနေမှာ သေချာတယ်..."

လူအများသည် အနီးအနားတွင် ပုန်းအောင်းနေပြီး အေးစက်သော မျက်လုံးများဖြင့် ထိုတိုက်ပွဲကို စောင့်ကြည့်နေကြ၏။

သရဲဘုရင်၏စကားများသည် သူတို့၏စိတ်နှလုံးသားထဲရှိ လောဘကို လှုံ့ဆော်ပေးခဲ့ပြီး လူအများအပြားသည် လှုပ်ရှားရန်အတွက် မအောင့်အည်းနိုင် ဖြစ်နေသည်။

"ဆက်ပြီးဟန်ဆောင်နေစရာ မလိုတော့ဘူး... မင်းက ယန်မိသားစုကို ဖျက်ဆီးလိုက်တာဆိုတော့ မင်းရဲ့ မှော်စွမ်းအားတွေ ကုန်ခန်းသွားလောက်ပြီ... မင်းက အတင်းအကျပ် တောင့်ခံထားရုံပဲ မဟုတ်လား..."

သရဲဘုရင်က ဒေါသတကြီး အော်ငေါက်လိုက်သည်။ လုယွီသည် သူ တွေးထင်ထားသည်ထက် ငယ်ရွယ်နေသဖြင့် သူ၏စိတ်ထဲရှိ အထင်သေးမှုမှာ ပို၍အားကောင်းလာသည်။

"ဆူညံလိုက်တာ..."

လုယွီက အေးစက်စက်နှာမှုတ်ပြီး သူ၏လက်ကို မြှောက်ကာ လက်ဝါးတစ်ချက် ရိုက်နှက်လိုက်သည်။

ရုတ်ချည်းဆိုသလိုပင် ရွှေရောင်လက်ဝါးပုံရိပ်ယောင်ကြီးတစ်ခု ထွက်ပေါ်လာပြီး လေဟာနယ်ကို ဆုတ်ဖြဲသွားပေ၏။ ထိုလက်ဝါးပုံရိပ်ယောင်ကြီးသည် ထိုက်တောင်ကြီး ကျဆင်းလာသကဲ့သို့ တုန်ခါသံတစ်သံနှင့်အတူ ကျရောက်လာပြီး လောကကြီးအတွင်းရှိ အရာအားလုံးကို ခြေမွှဖျက်ဆီးတော့မည့်အလားပင်။

ပြင်းထန်သော တုန်ခါသံတစ်သံနှင့်အတူ လုယွီ ထုတ်လွှတ်လိုက်သော ရွှေရောင်လက်ဝါးပုံရိပ်ယောင်ကြီးကျဆင်းလာပြီး အရိုးစုပလ္လင်ကို ခြေမွှဖျက်​ဆီးလိုက်သည်။

"ဘန်း..."

သရဲဘုရင်၏ခန္ဓာကိုယ်ပေါ်ရှိ သံချပ်ကာ ချက်ချင်းအက်ကွဲသွား၏။ သူ၏ဧရာမရုပ်ခန္ဓာကိုယ်ကြီးသည် ရွှေရောင်လက်ဝါးပုံရိပ်ယောင်၏အောက်တွင် ကျိုးပဲ့နေသော ဖန်ခွက်တစ်ခုအလား ဗလာနတ္တိအဖြစ်သို့ ပြောင်းလဲသွားသည်။

လုယွီက လက်ညှိုးညွှန်လိုက်ရာ ရွှေရောင်အလင်းတန်းတစ်တန်းသည် ဓားတစ်လက်အလား သရဲဘုရင်၏ စိတ်ဝိညာဉ်ကို ပြင်းထန်စွာ ထိုးဖောက်သွားပေ၏။

"မဟုတ်ဘူး..."

သရဲဘုရင်သည် နောက်ဆုံးတွင် ထိတ်လန့်သွားပြီး စူးရှသော အော်ဟစ်သံတစ်ခုကို ထုတ်လွှတ်လိုက်သည်။

သို့သော် ယခုချိန်၌ သူ၏ထိတ်လန့်နေခြင်းမှာ အလွန်နောက်ကျသွားလေပြီ။

ရွှေရောင်အလင်းတန်း လွှမ်းခြုံသွားသော သူ၏ စိတ်ဝိညာဉ်သည် လေထုထဲသို့ ချက်ချင်းပျောက်ကွယ်သွားပြီး အရိပ်အယောင်မျှပင် မကျန်ရှိတော့ချေ။

wunzinnosp