အခန်း ၇၀၇

အခန်း (၇၀၇) - အင်မော်တယ် လက်နက်တုလော... ယွဲ့ အင်မော်တယ် မျှော်စင် (အပိုင်း ၄)

စုယွီ ထိုင်လိုက်ပြီးနောက် ဝိညာဉ်ခွဲထွက် အဆင့် အကြီးအကဲ နှစ်ပါးနှင့် မူလဝိဉာဉ် နယ်ပယ် အထွတ်အထိပ် အဆင့် အရှင်သခင်ကြီး အချို့က သူ့ကို စိတ်ဝင်တစား လေ့လာ အကဲခတ်နေကြတော့၏။

စုယွီသည် စံ‌အိမ်တော် သခင်ကြီး ဟုန်ယွဲ့အား ရိုသေစွာ ကြည့်လိုက်ပြီး လေသံတိုးတိုးဖြင့် မေးလိုက်သည်။

“အစ်ကိုကြီး... ကျွန်တော့်ကို တွေ့ချင်လို့ဆို”

စံ‌အိမ်တော် သခင်ကြီး ဟုန်ယွဲ့က လေးနက်သော အမူအရာဖြင့် ခေါင်းညိတ်ပြလိုက်၏။

“အရိုင်းနယ်မြေက ပြန်ရောက်လာတဲ့ သတင်းအရ အရိုင်းနယ်မြေ နက်ရှိုင်းတဲ့ နေရာမှာ လျှို့ဝှက် အပျက်အစီး တစ်ခုကို ရှာတွေ့ခဲ့တယ်တဲ့... အဲဒီထဲမှာ ရှေးဟောင်း တာအို မျှော်စင် တစ်ခု ပေါ်လာတယ်လို့ ဆိုတယ်...

“အဲဒီအချိန်က အင်မော်တယ် တစ်သောင်း အင်မော်တယ် နန်းတော်ရဲ့ အစွမ်းအထက်ဆုံး တိုက်ခိုက်ရေး တပ်ဖွဲ့က အနီးအနားမှာ ရှိနေပြီး ဒီ တာအို မျှော်စင်ကို အရင်ဆုံး ရှာတွေ့ခဲ့တာ...

“ဒါပေမဲ့ အင်မော်တယ် တစ်သောင်း နန်းတော် အပြင် တာ့ချန် ကျင့်ကြံခြင်း ကမ္ဘာ က အခြား အင်အားစုတွေရော မရေမတွက်နိုင်တဲ့ မိစ္ဆာတွေနဲ့ သားရဲတွေကပါ တာအို မျှော်စင် ဆီကို အပြေးအလွှား ရောက်လာကြတယ်...

“ရှုပ်ထွေးတဲ့ တိုက်ပွဲ အပြီးမှာ လူသားမျိုးနွယ် အင်အားစုတွေက မိစ္ဆာတွေနဲ့ သားရဲတွေကို ယာယီ မောင်းထုတ်နိုင်ခဲ့တယ်...

“ဒါပေမဲ့ တာအို မျှော်စင်က ပေးတဲ့ အခွင့်အရေးကို လက်လွတ် မခံဖို့ ဆိုတာက လွယ်ကူတဲ့ ကိစ္စတော့ မဟုတ်ဘူး... အရိုင်းနယ်မြေထဲက မိစ္ဆာတွေက အဲဒီ နေရာကို စတင် စုဝေးနေကြပြီ...

“အင်မော်တယ် တစ်သောင်း နန်းတော်က လူတွေ ပြန်လာပြီး ဒီသတင်းကို ဖြန့်လိုက်တယ်... ငါတို့နဲ့ အခြား တာအို ကျင့်ကြံရေး ဂိုဏ်းတွေကိုလည်း လူတွေ စေလွှတ်ဖို့ တောင်းဆိုထားတယ်”

သည်သတင်းအား ကြားလိုက်ရသောအခါ စုယွီ၏ မျက်နှာ အနည်းငယ် ပြောင်းလဲသွား၏။

“တာအို မျှော်စင်လား”

သူသည် ရှေးဟောင်း မှတ်တမ်းများတွင် တာအို မျှော်စင်များ အကြောင်းကို ဖတ်ဖူးခဲ့ပုံ ရသည်။

စံ‌အိမ်တော် သခင်ကြီး ဟုန်ယွဲ့က အလေးအနက် ခေါင်းညိတ်ပြလိုက်ပြီး သူ၏ အမူအရာမှာ တည်ကြည် လေးနက်နေ၏။

“တာအို မျှော်စင် ဆိုတာ မူလဝိဉာဉ် နယ်ပယ်ရဲ့ တာအို လမ်းစဉ်တွေ အတွက် လျှို့ဝှက် နယ်မြေ တစ်ခုပဲ... ရှေးခေတ် အစွမ်းထက် တာအို ဂိုဏ်းတွေက အထူး ဖန်တီးထားတာ...

“ရှေးခေတ်ကတောင် ဒီလို တာအို မျှော်စင်တွေက ရှားပါးတယ်... အဆင့်မြင့်အဆင့် မှော်ရတနာတွေထက်ကို ပိုပြီး ရှားပါးသေးတယ်...

“လက်ရှိမှာတော့ ငါတို့ မြေကမ္ဘာ အင်မော်တယ် နန်းတော်မှာပဲ ဖြစ်ဖြစ် တာ့ချန် ကျင့်ကြံခြင်း ကမ္ဘာ တစ်ခုလုံးမှာပဲ ဖြစ်ဖြစ် တာအို မျှော်စင် တစ်ခုမှ မရှိသေးဘူး”

စံ‌အိမ်တော် သခင်ကြီး ဟုန်ယွဲ့ ခေတ္တ ရပ်တန့်လိုက်၏။

ထို့နောက် ဆက်လက် ရှင်းပြသည်။

“ဒါပေမဲ့ ချန်းကျိုးရဲ့ ဗဟိုနယ်မြေမှာ တာအို မျှော်စင် တစ်ခု ရှိတယ်လို့ ကောလာဟလတွေ ကြားဖူးတယ်... ကိုယ်တိုင်တော့ မမြင်ဖူးသေးဘူး”

စုယွီသည် စံ‌အိမ်တော် သခင်ကြီး ဟုန်ယွဲ့ကို ကြည့်ကာ မျက်မှောင်ကုတ်ရင်း တွေးတောလိုက်ပြီးနောက် မေးလိုက်သည်။

“အစ်ကိုကြီးရဲ့ အဆိုအရ တာအို မျှော်စင် နေရာ တစ်ဝိုက်က အခု လုံးဝ ရှုပ်ထွေးနေတယ် မဟုတ်လား...

“အကယ်၍ ကျွန်တော်တို့ မြေကမ္ဘာ အင်မော်တယ် နန်းတော်က ကိုယ်စားလှယ် အဖွဲ့ တစ်ဖွဲ့ စေလွှတ်မယ် ဆိုရင် တာအို မျှော်စင်ကို သိမ်းပိုက်နိုင်မယ့် အခွင့်အရေး ဘယ်လောက် ရှိမယ် ထင်လဲ”

စံ‌အိမ်တော် သခင်ကြီး ဟုန်ယွဲ့က သူ့ကို ကြည့်ကာ ပြုံးလိုက်သည်။

“အကယ်၍ ငါ.. တစ်ယောက်တည်း ဦးဆောင်မယ် ဆိုရင်တော့ အခွင့်အရေးက မများဘူး... ဒါပေမဲ့ ညီလေးသာ ပါဝင်မယ် ဆိုရင်တော့ ငါတို့ မြေကမ္ဘာ အင်မော်တယ် နန်းတော် အနေနဲ့ တာအို မျှော်စင်ကို သိမ်းပိုက်နိုင်ဖို့ ရာခိုင်နှုန်း သုံးဆယ်လောက် အခွင့်အရေး ရှိနိုင်တယ်”

အင်မော်တယ် တစ်သောင်း အင်မော်တယ် နန်းတော်သည် တာအို မျှော်စင် ပေါ်ထွက်လာသည့် သတင်းကို ရည်ရွယ်ချက် ကောင်းဖြင့် ဖြန့်ဝေခဲ့ခြင်း မဟုတ်ပေ။

သူတို့သည် အရိုင်းနယ်မြေရှိ မိစ္ဆာများ၊ သားရဲများနှင့် ကျင့်ကြံခြင်း ကမ္ဘာ၏ အခြားသော အင်အားစုများကို ရင်ဆိုင်ရာတွင် အားနည်းချက် တစ်ခုနှင့် ရင်ဆိုင်နေရပုံ ပေါ်သည်။ ထို့ကြောင့် တာ့ချန် ကျင့်ကြံခြင်း ကမ္ဘာမှ အခြား တာအို ကျင့်ကြံရေး ဂိုဏ်းများကို ပါဝင်လာစေရန် အကြံအစည် ရှိနေခြင်း ဖြစ်၏။

အင်မော်တယ် တစ်သောင်း အင်မော်တယ် နန်းတော် အတွက် မိစ္ဆာများ၊ သားရဲများနှင့် အခြားသော ကျင့်ကြံသူများကို ဟန့်တားပေးရန် သူတို့ကို အသုံးချလိုခြင်းပင်။

ဤ ရှုပ်ထွေးသော တိုက်ပွဲကြီးသည် တွေးကြည့်၍ မရနိုင်လောက်အောင် အန္တရာယ် များပေလိမ့်မည်။

သို့သော် မြေကမ္ဘာ အင်မော်တယ် နန်းတော်သည်လည်း တာအို မျှော်စင်မှ ပေးမည့် အခွင့်အရေးကို လက်လွတ် မခံနိုင်ပါချေ။

ထို့ကြောင့်ပင် စံ‌အိမ်တော် သခင်ကြီး ဟုန်ယွဲ့က စုယွီအား ခေါ်ယူခဲ့ခြင်း ဖြစ်သည်။

'ရာခိုင်နှုန်း သုံးဆယ်...'

စုယွီ ကိုယ့်ဘာသာ တီးတိုး ရေရွတ်လိုက်၏။ ၎င်းသည် သေမင်းကို ဖိတ်ခေါ်ခြင်းနှင့် များစွာ ကွာခြားမှု မရှိသလိုပင်။

တာအို မျှော်စင် တစ်ခုသည် မူလဝိဉာဉ် နယ်ပယ်ရှိ အရှင်သခင်ကြီး တစ်ပါး၏ တာအို နယ်ပယ်ကို သွေးသန့်စင်ပေးနိုင်၏။ သို့သော် စုယွီ ဖတ်ရှုခဲ့သော ရှေးဟောင်း မှတ်တမ်းများ အရ ဤတာအို မျှော်စင်သည် သာမန် အရှင်သခင်ကြီးများ၏ တာအို နယ်ပယ်များကိုသာ အများဆုံး သွေးသန့်စင် ပေးနိုင်စွမ်း ရှိသည်။

အကယ်၍ ၎င်းသည် သေးငယ်သော တာအို နယ်ပယ် တစ်ခုနှင့် ပါရမီရှင် တစ်ဦးကို လေ့ကျင့်ပေးနိုင်မည် ဆိုပါက ထိုအရာက အတော်လေး အထင်ကြီးစရာ ကောင်းပေလိမ့်မည်။

ကြီးမားသော တာအို နယ်ပယ် တစ်ခုကို ဖန်တီးနိုင်မည့် အခွင့်အရေးမှာ အလွန်တရာ နည်းပါးလှသည်။

ထို့ကြောင့် စုယွီသည် တာအို မျှော်စင်ကို သိပ်ပြီး စိတ်ဝင်စားမှု မရှိလှပေ။ သို့သော် စံ‌အိမ်တော် သခင်ကြီး ဟုန်ယွဲ့ ပြောသည်က မှန်ပေ၏။ အင်အားစု တိုင်းက တာအို မျှော်စင်ကို အဖိုးမဖြတ်နိုင်သော ရတနာ တစ်ပါး အဖြစ် သတ်မှတ်ကာ မဖြစ်မနေ တိုက်ခိုက် လုယူကြပေလိမ့်မည်။

သူတို့ ရယူ၍ မရနိုင်လျှင်တောင်မှ အခြား တာအို ကျင့်ကြံရေး ဂိုဏ်းများ၏ လက်ထဲသို့ အထူးသဖြင့် အင်မော်တယ် နန်းတော်၏ လက်ထဲသို့ အလွယ်တကူ ကျရောက်သွားရန် သေချာပေါက် ခွင့်ပြုမည် မဟုတ်ပါချေ။

စံ‌အိမ်တော် သခင်ကြီး ဟုန်ယွဲ့ နှင့် ဝိညာဉ်ခွဲထွက် အဆင့် အကြီးအကဲ နှစ်ပါးတို့ ဆွေးနွေးပြီးနောက် စုယွီသည် နောက်ဆုံးတွင် သူ၏ တာအို ရုပ်သေးကို တင်ပြရန် ဆုံးဖြတ်လိုက်သည်။

သူ၏ တာအို ရုပ်သေးကို စံ‌အိမ်တော် သခင်ကြီး ဟုန်ယွဲ့၊ အကြီးအကဲ နှစ်ပါးတို့နှင့် အတူ အရိုင်းနယ်မြေသို့ လိုက်ပါခွင့်ပြုကာ တာအို မျှော်စင်ကို လုယူရန် စီစဉ်လိုက်၏။

စံ‌အိမ်တော် သခင်ကြီး ဟုန်ယွဲ့ နှင့် အကြီးအကဲ နှစ်ပါးတို့သည် ရုပ်ခန္ဓာဖြင့် သွားရောက်ခြင်း မဟုတ်ဘဲ သူတို့၏ ကိုယ်ပိုင် ဝိညာဉ်ခွဲထွက် ကိုယ်ပွားများကိုသာ စေလွှတ်လိုက်ခြင်း ဖြစ်သည်။

တပ်မတော်နှင့် ပတ်သက်၍လည်း စံ‌အိမ်တော် သခင်ကြီး ဟုန်ယွဲ့က မြေကမ္ဘာ အင်မော်တယ် တပ်မတော်ကို လှုပ်ရှားစေခြင်း မရှိပါချေ။

အကြီးအကဲ နှစ်ပါး၏ ဝိညာဉ်ခွဲထွက် ကိုယ်ပွား များနှင့် စုယွီ၏ တာအို ရုပ်သေး တို့နှင့် အတူ တိတ်တဆိတ် သွားရောက်ရန်သာ သူမ ရွေးချယ်ခဲ့၏။ ဤနည်းဖြင့် သူတို့သည် အာရုံစိုက်မှုကို အနည်းဆုံး ဖြစ်စေပြီး လျှို့ဝှက်စွာ တုံ့ပြန်နိုင်မည် ဖြစ်သည်။

ဤ မသေချာ မရေရာသော အခြေအနေ အောက်တွင် စုယွီ၏ တာအို ရုပ်သေး ပါဝင်နေသဖြင့် တာအို မျှော်စင်ကို သိမ်းပိုက်နိုင်မည့် အခွင့်အရေးမှာ အနည်းငယ်မျှ မဟုတ်တော့ပေ။

သူ၏ တာအို ရုပ်သေး ဤစွန့်စားခန်းတွင် ပါဝင်သွားခြင်းနှင့် ပတ်သက်၍ စုယွီ ကိုယ်တိုင်ကတော့ စိုးရိမ်ပူပန်ခြင်း မရှိပါချေ။

အကယ်၍ ၎င်း ဖျက်ဆီးခံရလျှင်တောင်မှ အခြား ရုပ်သေး တစ်ရုပ်ကို ပြန်လည် ဖန်တီးပြီး ၎င်း၏ ဝိညာဉ်ကို ပြုစုပျိုးထောင်ဖို့သာ လိုပါသည်။

တာ့ယွီ တောင်ထွတ်သို့ ပြန်ရောက်သောအခါ စုယွီသည် သူ၏ နေ့စဉ် ကျင့်ကြံခြင်းကို ပုံမှန် အတိုင်း ဆက်လက် လုပ်ဆောင်ခဲ့၏။ သူ၏ ဓာတ်ကြီးငါးပါး ကျင့်စဉ်ဖြင့် ဓာတ်ကြီးငါးပါး ကျင့်စဉ်၏ အခြေခံ အုတ်မြစ်ကို မြှင့်တင်ရန် အခြားသော မူလဝိဉာဉ် နယ်ပယ် ကျင့်စဉ်များကို ပေါင်းစပ်နေဆဲပင် ဖြစ်သည်။

သူ၏ ချီစွမ်းအား ကျင့်ကြံခြင်းနှင့် ပတ်သက်၍ နေ့စဉ် ဇွဲလုံ့လ ရှိရှိ လေ့ကျင့်မှုကြောင့် သူ၏ ကျွမ်းကျင်မှုမှာ တည်ငြိမ်စွာ တိုးတက်လာခဲ့၏။ မူလဝိဉာဉ် နယ်ပယ် စတုတ္ထအဆင့်နှင့် သိပ်မဝေးတော့ပါချေ။

သူ၏ တာအို ရုပ်သေးသည် တာအို မျှော်စင်က ပေးစွမ်းမည့် အခွင့်အရေးကို လုယူရန် ထွက်ခွာသွားခဲ့သော်ငြား တာအို မျှော်စင်နှင့် နှိုင်းယှဉ်ပါက ဤတစ်ကြိမ်တွင် အခြားသော ကျင့်ကြံခြင်း ကမ္ဘာ ဒေသများမှ ကျင့်ကြံသူများနှင့် ကျွမ်းကျင်သူများကို လေ့လာ စောင့်ကြည့်ရန် စုယွီက ပို၍ စိတ်ဝင်စားနေခဲ့သည်။

အနာဂတ်တွင် အခွင့်အရေး ရပါက သူ၏ တာအို ရုပ်သေးကို ချန်းကျိုး၏ ဗဟိုနယ်မြေသို့ စေလွှတ်ကာ ထိုနေရာရှိ ကျင့်ကြံခြင်း ကမ္ဘာနှင့် တာအို အမွေအနှစ်များကို လေ့လာ စောင့်ကြည့်ရန် သူ စီစဉ်ကောင်း စီစဉ်လာနိုင်သည်။

'ဝိညာဉ် ဟင်းလင်းပြင် တာအို အရှင်သခင်... ပေါင်းစည်းခြင်း တာအို အရှင်သခင်... ဒီနယ်ပယ်ရဲ့ အစွန်းလေးကို ထိတွေ့ဖို့ ငါ နှစ်ဘယ်လောက်တောင် အချိန်ယူရမလဲ မသိဘူး'

စုယွီက တိတ်ဆိတ်စွာ တွေးတောလိုက်၏။

ထို့နောက် ထိုအတွေးများကို ဖိနှိပ်လိုက်ပြီး ဓာတ်ကြီးငါးပါး ကျင့်စဉ်ကို ဆက်လက် ကျင့်ကြံလိုက်တော့သည်။

စုယွီသည် ကျွမ်းကျင်မှု အဆင့် ဇယားကို တစ်ချက် ကြည့်လိုက်၏။ သူသည် မူလဝိဉာဉ် နယ်ပယ် စတုတ္ထအဆင့်နှင့် အမှန်တကယ် နီးကပ်နေခဲ့ချေပြီ။

[ကျင့်စဉ် - ဓာတ်ကြီးငါးပါး ကျင့်စဉ် (မူလဝိဉာဉ် နယ်ပယ် တတိယအဆင့်... ကျွမ်းကျင်မှု အဆင့် - ၉၇.၆၈%)]

နောက်ထပ် ကျင့်ကြံခြင်း အဆင့် တစ်ခုသို့ အဆင့်ချိုးဖြတ်ရန် တစ်နှစ်ခန့်သာ အချိန်ယူရတော့မည် ဖြစ်သည်။

သူသည် စိတ်ကို တည်ငြိမ်အောင် ထားလိုက်ပြီး ပြင်ပ ကိစ္စရပ်များကို အာရုံစိုက်ခြင်းမှ ရပ်တန့်လိုက်ကာ သူ၏ တာအို ရုပ်သေး နှင့် ချိတ်ဆက်ထားသော ဝိညာဉ် ချိတ်ဆက်မှုကိုပင် ယာယီ ပိတ်ဆို့လိုက်တော့၏။ ဓာတ်ကြီးငါးပါး ကျင့်စဉ် ကျင့်ကြံခြင်း အပေါ်၌သာ အပြည့်အဝ အာရုံစိုက်လိုက်တော့သည်။

နှစ်ဝက် အကြာတွင် စုယွီ ကျင့်ကြံနေသော အာရုံလှည့်စားမှု နှလုံးသား ကျောက်တုံး တားမြစ် နယ်မြေ အတွင်း၌ သူ၏ အရှိန်အဝါသည် သိသိသာသာ စတင် ပြောင်းလဲလာခဲ့သည်။

သူ၏ ကျင့်ကြံခြင်း အဆင့်သည် မူလဝိဉာဉ် နယ်ပယ် တတိယအဆင့်မှ စတုတ္ထအဆင့်သို့ ချိုးဖြတ် ဝင်ရောက်သွားခဲ့ချေပြီ။