အခန်း (၁၈၀-၁၈၁)

အခန်း ၁၈၀ - ပြင်းထန်သော ထိပ်တိုက်တွေ့ဆုံမှု။

"ဒီမှာတင် အဆုံးသတ်လိုက်တော့။"

ထန်ဟောက်က အေးစက်စွာ အော်ဟစ်လိုက်ပြီး သူ၏မျက်လုံးများတွင် ရုန်းရင်းဆန်ခတ်ဖြစ်နေသော အလင်းတန်းများ ဖြတ်ပြေးသွားသည်။

သူသည် ရှောင်ချန်ယွီ၏ ရှေ့တည့်တည့်သို့ တစ်ခဏချင်းပင် ရောက်ရှိလာသည်။

"ထန်ဟောက် မင်းရဲ့ အားထုတ်မှုတွေကို အလကားမဖြုန်းဖို့ ငါအကြံပေးမယ်။"

ရှောင်ချန်ယွီ၏ မျက်နှာမှာ လေးနက်နေပြီး သူ၏လက်ထဲမှ ပျက်သုဉ်းခြင်း စေတီတော်ကို ထန်ဟောက်၏ ရင်ဘတ်ဆီသို့ ချိန်ရွယ်လိုက်သည်။

နောက်တစ်ခဏတွင် ပျက်သုဉ်းခြင်း စေတီတော်မှာ ကောင်းကင်ကို ဖောက်ထွက်သွားကာ ထန်ဟောက်၏ ရင်ဘတ်ကို တည့်တည့်ချိန်၍ ထိုးနှက်လိုက်သည်။

"ဟက် အပိုတွေ။"

ထန်ဟောက်က လှောင်ပြုံး ပြုံးလိုက်သည်။

"ဘုန်း"

ထိုအချိန်တွင် သူ၏ရှေ့၌ ဧရာမအကာအကွယ်တစ်ခု ပေါ်လာသည်။

ရှောင်ချန်ယွီ၏ ပျက်သုဉ်းခြင်း စေတီတော်မှာ ထိုအကာအကွယ်ကို ချက်ချင်း ဖောက်ထွက်သွားသည်။

ထန်ဟောက်၏ အမူအရာမှာ ချက်ချင်း မှောင်ကျသွားသည်။ သူ၏ အဆင့် ၉၉ တုံ့လောစွမ်းအားမှာ ရှောင်ချန်ယွီရှေ့တွင် ပုရွက်ဆိတ်တစ်ကောင်ကဲ့သို့ အားနည်းနေသည်။

"ရှောင်ချန်ယွီ မင်းမှာ ဘာဝှက်ဖဲတွေကျန်သေးလဲဆိုတာ ကြည့်ရအောင်။"

ထန်ဟောက်၏ လက်ထဲမှ အနက်ရောင် ဟောက်ထျန်းတူကြီးမှာ လျှပ်တစ်ပြက်အတွင်း ရှောင်ချန်ယွီ၏ လည်ပင်းဆီသို့ ပြေးဝင်လာသည်။

"သေစမ်းးး"

လည်ပင်းဆီမှ အေးစက်သောအငွေ့အသက်ကို ခံစားလိုက်ရသဖြင့် ရှောင်ချန်ယွီ၏ မျက်ခုံးများ တွန့်ချိုးသွားသည်။ သို့သော် သူ မတုန်လှုပ်ဘဲ နောက်သို့ လျင်မြန်စွာ ဆုတ်ခွာလိုက်သည်။

"ရှောင်ချန်ယွီ မင်း ရှောင်နိုင်မယ်လို့ ထင်နေတာလား။"

ထန်ဟောက်သည် လက်ကောက်ဝတ်ကို လှည့်လိုက်ရာ သူ၏လက်ထဲမှ အနက်ရောင် အလင်းတန်းများ ပွင့်ထွက်လာသည်။

ထိုအလင်းတန်းအတွင်းမှ ဧရာမစက်လုံးတစ်ခု ပေါ်လာပြီး ရှောင်ချန်ယွီ၏ နှလုံးသားကို တုန်လှုပ်သွားစေသည်။

"ငါ့အတွက် ဝါးမြိုသွားလိုက်။"

ထန်ဟောက်၏ အော်ဟစ်သံနှင့်အတူ ဧရာမစက်လုံးမှာ လျင်မြန်စွာ လှည့်ပတ်သွားပြီး အနက်ရောင် ဝဲဂယက်တစ်ခု ဖြစ်ပေါ်ကာ ရှောင်ချန်ယွီကို လွှမ်းခြုံသွားသည်။

ဝဲဂယက်အတွင်းမှ ပြင်းထန်သော စုပ်ယူအားတစ်ခုကြောင့် ပတ်ဝန်းကျင်ရှိ လေထုများမှာ အနက်ရောင် စွမ်းအင်အဖြစ် ပြောင်းလဲသွားကာ ရှောင်ချန်ယွီဆီသို့ တိုးဝင်လာသည်။

ရှောင်ချန်ယွီမှာမူ အလွယ်တကူ အရှုံးပေးမည့်သူ မဟုတ်ပေ။ သူ၏ခန္ဓာကိုယ်မှာ လျှပ်တစ်ပြက် ပျောက်ကွယ်သွားပြီး အနက်ရောင် ဝဲဂယက်ထဲမှ လွတ်မြောက်သွားသည်။

သို့သော် ထန်ဟောက်၏ လက်ထဲတွင် အနက်ရောင်တူကြီး နောက်တစ်ချောင်း ပေါ်လာပြီး ရှောင်ချန်ယွီ၏ ကျောဘက်ကို ပစ်ပေါက်လိုက်သည်။

"ဖူးး"

ထန်ဟောက်၏ တူကြီးမှာ ရှောင်ချန်ယွီ၏ ပခုံးကို ဖောက်ထွက်သွားပြီး သွေးများ ပန်းထွက်သွားသည်။

"ဟမ့်။"

ရှောင်ချန်ယွီက သူ၏ဒဏ်ရာကို ကြည့်ပြီး မျက်မှောင်ကြုတ်လိုက်သည်။ ထန်ဟောက်၏ တိုက်ခိုက်မှုက ရှေးဟောင်းမြင့်မြတ်ခန္ဓာ၏ ခုခံမှုကို ဖောက်ထွက်နိုင်သည်အထိ အားကောင်းနေသည်။

"မဆိုးဘူး မင်းရဲ့ ရုပ်ပိုင်းဆိုင်ရာ ခန္ဓာကိုယ်က တော်တော်သန်မာတာပဲ။"

ထန်ဟောက်က ဟောက်ထျန်းတူကိုကိုင်၍ စနောက်သလို ကြည့်လိုက်သည်။

"မင်းရဲ့ အားက ကောင်းပါတယ် ဒါပေမဲ့ ဒီဒဏ်ရာက လက်သည်းအနည်းငယ် ကျိုးသွားသလောက်ပဲ ရှိတယ်ဆိုတာ မင်းမသိဘူး။"

ရှောင်ချန်ယွီက အေးဆေးစွာ ပြုံးပြောလိုက်သည်။

"ဘာ..."

ထန်ဟောက် အံ့အားသင့်သွားသည်။ သူ၏ ၉၀ ရာခိုင်နှုန်းသော စွမ်းအားမှာ အနည်းငယ်မျှသာ ဒဏ်ရာရစေသည်တဲ့လား။ ရှောင်ချန်ယွီ၏ ခန္ဓာကိုယ်မှာ မည်မျှတောင့်တင်းနေသနည်း။

ရှောင်ချန်ယွီက သူ့ပခုံးကို တစ်ချက်ကြည့်ပြီး "ထန်ဟောက် ဒါ ငါ့ရဲ့ နောက်ဆုံးသတိပေးချက်ပဲ။ မင်း ဆက်ပြီး မိုက်မဲနေဦးမယ်ဆိုရင် ငါ့ကို စော်ကားခြင်းရဲ့ အကျိုးဆက်ကို မင်းသိလာလိမ့်မယ်။"

ထို့နောက် ရှောင်ချန်ယွီ၏ မျက်လုံးများမှာ ရေခဲကဲ့သို့ အေးစက်သွားပြီး သူ၏ခန္ဓာကိုယ်မှ ကြီးမားသော ဝိဉာဉ်စွမ်းအားများ ထွက်ပေါ်လာကာ ထန်ဟောက်ကို လွှမ်းခြုံသွားသည်။

"ဝိဉာဉ်စွမ်းအား။"

ထန်ဟောက်မှာ အလွန်စိုးရိမ်သောက ရောက်သွားသည်။

"ထန်ဟောက် ဒါက ငါပေးတဲ့ နောက်ဆုံးအခွင့်အရေးပဲ။ ချက်ချင်းလက်လျှော့လိုက် မဟုတ်ရင်..."

"မဟုတ်ရင် ဘာဖြစ်မလဲ။"

ထန်ဟောက်က လှောင်ပြုံးဖြင့် မေးလိုက်သည်။

"မဟုတ်ရင် မင်းသေချင်စိတ် ပေါက်သွားအောင် ငါလုပ်မယ်။"

ရှောင်ချန်ယွီ၏ မျက်လုံးများတွင် လူသတ်လိုသော ရည်ရွယ်ချက်များ ပြည့်နှက်နေသည်။

"သေချင်စိတ်ပေါက်အောင်လား။ ဟားဟား... ရှောင်ချန်ယွီ မင်းကိုယ်မင်း ဘယ်သူလို့ ထင်နေတာလဲ။ အဆင့် ၃၀ အောက် အမှိုက်က ငါ့ကို ခြိမ်းခြောက်ရဲတာလား။"

ထန်ဟောက်က ရယ်မောလိုက်သည်။

(ယွီရှောင်ဂန်း: "ငါ့အကြောင်း ပြောနေသလိုပဲ။)

"ဟက် အသေခံချင်နေတာပဲ။ ဒါဆိုလည်း မင်းကို ဂူသွင်းပေးလိုက်မယ်။"

"ဝုန်းး"

ရှောင်ချန်ယွီ၏ အသိစိတ်ပင်လယ်ထဲမှ ပြင်းထန်သော ဝိဉာဉ်စွမ်းအားများ ပေါက်ကွဲထွက်လာပြီး ကြီးမားသော ဝိဉာဉ်လှိုင်းတစ်ခုအဖြစ် ထန်ဟောက်ဆီသို့ တိုးဝင်သွားသည်။

"ဝိဉာဉ်တိုက်ခိုက်မှု"

"ဝိဉာဉ်တိုက်ခိုက်မှု..."

ထန်ဟောက် အံ့အားသင့်သွားသည်။ ဝိဉာဥ် ကုန်းမြေ၏ ထိပ်သီးတစ်ယောက်ဖြစ်သည့် သူ့ကို ရှောင်ချန်ယွီက ဝိဉာဉ်ဖြင့် တိုက်ခိုက်လိမ့်မည်ဟု မည်သူမျှ မယုံကြည်နိုင်ပေ။

သို့သော် ထန်ဟောက်မှာ တွေးတောနေချိန်မရှိဘဲ သူ၏လက်ဝါးနှစ်ဖက်ဖြင့် တွန်းထုတ်လိုက်ရာ ၁၀ တောင်ရှည်သော အနက်ရောင် ဟောက်ထျန်းတူကြီးမှာ ရှောင်ချန်ယွီဆီသို့ ပြေးဝင်သွားသည်။

အနက်ရောင်တူကြီးနှင့် ဝိဉာဉ်လှိုင်းတို့ ထိတွေ့မိရာ သတ္တုချင်း ထိခိုက်သံကဲ့သို့ အသံထွက်ပေါ်လာပြီး စွမ်းအင်လှိုင်းများမှာ တောင်ထိပ်တစ်ခုလုံးကို ပျံ့နှံ့သွားတော့သည်။

အခန်း ၁၈၁ - ဟောက်ထျန်းတုံ့လောဆိုတာဒီလောက်ပဲလား။

"ဖူး"

စွမ်းအင်လှိုင်းများကြားတွင် ထန်ဟောက်၏ ခန္ဓာကိုယ်မှာ နောက်သို့ လွင့်စင်သွားသည်။

သူ၏ပါးစပ်မှ သွေးစိမ်းများ အန်ထုတ်လိုက်ရပြီး မျက်နှာမှာလည်း သိသိသာသာ ဖြူဖျော့သွားသည်။

ထန်ဟောက်၏ စွမ်းအားမှာ ရှောင်ချန်ယွီထက် လျော့နည်းနေပြီး ဝိဉာဉ်စွမ်းအားဖြင့် ကာကွယ်ထားသော်လည်း ပြင်းထန်စွာ ဒဏ်ရာရသွားသည်။

"သေစမ်း"

ထန်ဟောက်က ပါးစပ်မှသွေးကို သုတ်လိုက်ပြီး ရှောင်ချန်ယွီကို အငြိုးတကြီး ကြည့်လိုက်သည်။

'ဒီကောင်ကို အသက်ရှင်ခွင့်ပေးလို့ မဖြစ်တော့ဘူး။'

"အသေခံချင်နေတာပဲ။ ဒါဆိုရင် မင်းကို အရင်ဆုံး ငါဖျက်ဆီးပစ်မယ်။"

တစ်ကြိမ်မအောင်မြင်သော်လည်း ထန်ဟောက် ထပ်မံတိုက်ခိုက်သည်။

သူ၏ခန္ဓာကိုယ်မှာ အနက်ရောင် မြူခိုးတိမ်တိုက်အဖြစ် ပြောင်းလဲသွားကာ ရှောင်ချန်ယွီကို သတ်ဖြတ်ရန် ပြေးဝင်သွားသည်။

အနက်ရောင် ဟောက်ထျန်းတူကြီးမှာ ကြောက်မက်ဖွယ် အရှိန်အဝါဖြင့် ရှောင်ချန်ယွီ၏ ဦးခေါင်းကို ရွယ်ကာ ဆောင့်ချလိုက်သည်။

ထန်ဟောက်၏ တိုက်ခိုက်မှုကို ရင်ဆိုင်ရန် ရှောင်ချန်ယွီက အေးစက်စွာ နှာမှုတ်လိုက်သည်။ သူသည် လက်သီးနှစ်ဖက်စလုံးဖြင့် လေတိုးသံများ ထွက်ပေါ်လာစေကာ ထန်ဟောက်၏ တိုက်ခိုက်မှုနှင့် ပြင်းထန်စွာ ထိပ်တိုက်တွေ့ဆုံလိုက်သည်။

"ဘုန်း ဘုန်း ဘုန်း"

လက်သီးနှင့် တူတို့ ထိတွေ့မိရာ နှစ်ဦးစလုံး နောက်သို့ အဆင့်အနည်းငယ် ဆုတ်လိုက်ရသည်။ ရှောင်ချန်ယွီမှာမူ နောက်မဆုတ်ဘဲ ထန်ဟောက်ကို အေးစက်စက် ကြည့်နေသည်။ ရှောင်ချန်ယွီ၏ ခန္ဓာကိုယ်မှာ ရှေးဟောင်းမြင့်မြတ်ခန္ဓာအပြည့်အဝ အောင်မြင်ထားပြီးဖြစ်ရာ ထန်ဟောက်မှာ သူ့ကို မယှဉ်နိုင်ပေ။

"ရှောင်ချန်ယွီ ငါ မင်းကို ကြောက်နေတယ်လို့တော့ မထင်နဲ့။"

ထန်ဟောက်၏ စိတ်ထဲတွင် ဒေါသများ ပေါက်ကွဲလာသည်။

"မကြောက်ဘူးဆိုရင် ဒူးထောက်ပြီး အသက်ချမ်းသာပေးဖို့ တောင်းဆိုလိုက်လေ။ အဲဒါဆိုရင် မင်းကို အသက်ရှင်ခွင့် ပေးကောင်း ပေးနိုင်မယ်။"

ရှောင်ချန်ယွီက မထီမဲ့မြင်ပြုစွာ ပြုံးပြောလိုက်သည်။

"မင်း သေချင်နေတာပဲ။"

ထန်ဟောက်မှာ ဒေါသထွက်လွန်း၍ မျက်နှာမှာ ပြာနှမ်းသွားသည်။ သူသည် အနက်ရောင် ဟောက်ထျန်းတူကြီးကို လှည့်ပတ်ကာ ရှောင်ချန်ယွီဆီသို့ အလင်းတန်းများသဖွယ် ပစ်လွှတ်လိုက်သည်။

ရှောင်ချန်ယွီ လျင်မြန်စွာ ရှောင်တိမ်းလိုက်သော်လည်း လေတိုးသံပြင်းပြင်းနှင့်အတူ သူ၏အဝတ်အစားများ ပြဲထွက်သွားသည်။

"ကပ်သီးလေးပဲ။"

ရှောင်ချန်ယွီ အသက်ရှူမှားလုနီးပါး ဖြစ်သွားသည်။ ထန်ဟောက်၏ အရှိန်မှာ အလွန်လျင်မြန်ပြီး သူတုံ့ပြန်ရန်ပင် အချိန်မရလိုက်ပေ။

'ဒီကောင် တကယ့်ကို အန္တရာယ်များတာပဲ။ ဘယ်လိုနည်းနဲ့မဆို သူ့ကို သတ်မှဖြစ်မယ်။'

ထန်ဟောက်က ရပ်မနေဘဲ တူကိုလှည့်ပတ်ကာ ရှောင်ချန်ယွီ၏ လည်ပင်းကို တိုက်ရိုက် ရွယ်လိုက်သည်။

ရှောင်ချန်ယွီက မရှောင်ဘဲ ရှေ့သို့တိုးကာ ထန်ဟောက်၏ ရင်ဘတ်ကို ခြေဖြင့် ဆောင့်ကန်လိုက်သည်။

"ဘုန်းး"

ထန်ဟောက်မှာ တူဖြင့် ခုခံလိုက်သော်လည်း သူ၏မျက်နှာမှာ ဖြူဖျော့သွားပြီး သွေးအနည်းငယ် အန်ထုတ်လိုက်သည်။

သူကမူ ရှောင်ချန်ယွီ၏ ဝိဉာဉ်တိုက်ခိုက်မှုနှင့် ရုပ်ပိုင်းဆိုင်ရာတိုက်ခိုက်မှု ပေါင်းစပ်လိုက်လျှင် ရှောင်ချန်ယွီ၏ အားသာချက်များ ပျောက်ကွယ်သွားလိမ့်မည်ဟု ယုံကြည်နေသည်။

"ဝူး"

ရှောင်ချန်ယွီက လေဟာနယ်ပေါ်တွင် ခြေနင်းကာ အရှိန်အဟုန်ပြင်းစွာဖြင့် ထန်ဟောက်ဆီသို့ ထပ်မံချဉ်းကပ်လာသည်။ ထိုအရှိန်မှာ ယခင်ကထက် ၁၀ ဆ ပိုမိုမြန်ဆန်နေသည်။

"သေစမ်း ဒီကောင်ရဲ့ အရှိန်က ဘာလို့ ဒီလောက် ကြောက်စရာကောင်းရတာလဲ။"

ထန်ဟောက် အံ့အားသင့်ကာ ဘေးသို့ ရုတ်တရက် ရှောင်တိမ်းလိုက်ရသည်။ ရှောင်ချန်ယွီ၏ တိုက်ခိုက်မှုမှာ လေထဲသို့သာ ပေါက်ကွဲသွားပြီး ထန်ဟောက်မှာ ဝေးကွာသော တောင်တန်းတစ်ခုပေါ်သို့ ရောက်ရှိသွားသည်။

"ရှောင်ချန်ယွီ၊ မင်းမှာ တခြားလှည့်ကွက်တွေ ရှိသေးလား။ မရှိရင်တော့ မင်းသေဖို့သာ ပြင်ထားတော့။"

ထန်ဟောက်က လှောင်ပြုံးဖြင့် ပြောသည်။

ရှောင်ချန်ယွီက ဘာမျှပြန်မပြောဘဲ လက်ကိုယမ်းလိုက်ရာ အနက်ရောင်ဓားရှည်တစ်ချောင်း ပေါ်လာသည်။

"ဒါက ဘာလဲ။"

ထန်ဟောက်၏ မျက်မှောင်များ ကြုတ်သွားသည်။

"မင်း ခဏနေရင် သိလာလိမ့်မယ်။"

ရှောင်ချန်ယွီက ဓားကိုလက်နှစ်ဖက်ဖြင့် ကိုင်ကာ ပြင်းထန်စွာ ဝှေ့ယမ်းလိုက်သည်။

အနက်ရောင် ဓားကြီးမှာ လေထုကို ဖောက်ထွက်သွားကာ ဒေါသထွက်နေသော နဂါးကြီးတစ်ကောင်သဖွယ် ထန်ဟောက်ဆီသို့ ပြေးဝင်သွားသည်။

"ကောင်းကင်ကို ဖုံးလွှမ်းခြင်း လျှို့ဝှက်ချက်။"

"နဂါးဓားပညာ။"

"ကောင်းကင်ကို တုန်လှုပ်စေမယ့် နဂါးဟိန်းသံ။"

ဤမြင်ကွင်းကို မြင်လိုက်ရသောအခါ ထန်ဟောက်၏ အမူအရာ မှောင်ကျသွားသည်။

"အားကောင်းတဲ့ ဓားပညာပဲ ဒီတိုက်ခိုက်မှုက ငါ့ကိုတောင် စိုးရိမ်စိတ်ဝင်သွားစေတယ်။"

နှစ်ဦး၏ တိုက်ခိုက်မှုမှာ လေထဲတွင် ထိတွေ့မိပြီး ကြောက်မက်ဖွယ်ကောင်းသော ဖိအားများ ပေါက်ကွဲထွက်လာသည်။ ထန်ဟောက်သည် အနက်ရောင် ဟောက်ထျန်းတူကြီးကို ကိုင်ဆောင်ထားပြီး သူ၏ခန္ဓာကိုယ်မှာ မကောင်းဆိုးဝါး စွမ်းအားများဖြင့် လွှမ်းခြုံထားကာ အလွန်ပင် ခန့်ညားလှသည်။

တိုက်ခိုက်မှုနှစ်ခု ထိတွေ့မိရာ စွမ်းအင်လှိုင်းများမှာ မုန်တိုင်းတစ်ခုသဖွယ် ပတ်ဝန်းကျင်သို့ ပြန့်နှံ့သွားသည်။

မြေပြင်ပေါ်ရှိ ကျောက်တုံးများနှင့် သစ်ပင်များမှာ အပိုင်းပိုင်း ကွဲကြေသွားသည်။

"ရှောင်ချန်ယွီ မင်းမှာ တခြား တိုက်ကွက်တွေ ရှိသေးလား။ မရှိရင်တော့ ဒီနေ့ မင်းသေရမယ်။

ထန်ဟောက်က ရက်စက်စွာ ရယ်မောလိုက်သည်။ သူသည် ရှောင်ချန်ယွီကို အမြန်ဆုံး အဆုံးစီရင်လိုနေပြီဖြစ်သည်။

"ထန်ဟောက် မင်းကို ငါ့လက်နဲ့တင် သတ်ပစ်မယ်။"

ရှောင်ချန်ယွီကလည်း အေးစက်စွာ ပြန်ပြောလိုက်သည်။ သူ၏ဓားမှာ တုန်ခါသွားပြီး ကြောက်မက်ဖွယ်ကောင်းသော ဓားအရှိန်အဝါများ ပျံ့နှံ့သွားသည်။

"ဟမ့် မင်းရဲ့ ဓားပညာက မဆိုးပေမဲ့ အားနည်းနေသေးတယ်။"

ထန်ဟောက်က မျက်မှောင်ကြုတ်ကာ "ဒီနေ့တော့ မင်းနဲ့ငါ့ကြားက စွမ်းအားကွာဟချက်ကို မင်းသိလာလိမ့်မယ်။"

သူ၏ လက်ထဲမှ အနက်ရောင် ဟောက်ထျန်းတူကြီးပေါ်တွင် အနက်ရောင်နှင့် အနီရောင် ရောယှက်နေသော မီးတောက်များ ရုတ်တရက် တောက်လောင်လာတော့သည်။