အခန်း ၃၂၉

အခန်း (၃၂၉) ပေါင်းစည်းခြင်းနယ်ပယ်သို့ တက်လှမ်းခြင်း

[ဇနီးဖြစ်သူ လျိုကျင်းရှူးနှင့် အတူနေခြင်း အောင်မြင်ခဲ့သည့်အတွက် ဂုဏ်ယူပါသည်။ စနစ်မှ သင်၏ ကျင့်ကြံခြင်း နှစ်ပေါင်း (၂၀) ကို ဆုချီးမြှင့်လိုက်ပါသည်]

[ဇနီးဖြစ်သူ လျိုကျင်းရှူး ကိုယ်ဝန်ရရှိခြင်းအတွက် ဂုဏ်ယူပါသည်။ စနစ်မှ သင်အား မြေကမ္ဘာ၏ နက်နဲသော အဓိပ္ပာယ်ကျမ်းကို ဆုချီးမြှင့်လိုက်ပါသည်]

ကျောက်လင်သည် လျိုကျင်းရှူးနှင့် အိပ်စက်ပြီးနောက် စနစ်မျက်နှာပြင်ကို အလိုအလျောက် စစ်ဆေးကြည့်လိုက်ရာ ထိုစာတိုကို တွေ့လိုက်ရ၏။

[ကျင့်ကြံမှုအဆင့် +၁၁၅]

နောက်ဆုံးတွင် (၁၀၀) ကို ကျော်လွန်သွားခဲ့ပြီ ဖြစ်သည်။

တစ်ချိန်တည်းမှာပင် ကျောက်လင်၏ စိတ်ထဲသို့ သတင်းအချက်အလက်အမြောက်အမြား ရောက်ရှိလာ၏။ ၎င်းမှာ မြေကမ္ဘာ၏ နက်နဲသော အဓိပ္ပာယ်ကျမ်းဖြစ်သည်။

မြေကမ္ဘာ၏ နက်နဲသော အဓိပ္ပာယ်ကျမ်းမှာ ပေါင်းစည်းခြင်းနယ်ပယ်သို့ ရောက်ရှိနေသူများသာ နားလည်နိုင်သည့်အရာဖြစ်ပြီး ကောင်းကင်နှင့် မြေကြီး၏ နိယာမများ ပါဝင်နေသည်။

ကျောက်စိမ်းဗိမာန်နယ်ပယ်တွင်သာ ရှိနေသေးသည့် ကျောက်လင်အနေဖြင့် မြေကမ္ဘာ၏ နက်နဲသောအဓိပ္ပာယ်ကျမ်းကို ရရှိလိမ့်မည်ဟု လုံးဝမထင်ထားခဲ့ပေ။

လျိုကျင်းရှူး အိပ်ပျော်သွားသည်ကို မြင်သောအခါ ကျောက်လင်က အာကာသတဲမှ တိတ်တဆိတ် ထွက်လာခဲ့၏။

ထို့နောက် ကျောက်လင်သည် အဆင့်မြင့် အလှတရားပိုင်ရှင်များဖြစ်ကြသော ကုကျိဝေနှင့် ဝမ်နင်ယွီတို့၏ တဲများဆီသို့ သွားရောက်ကာ ပွေ့ဖက်မှုများ ပြုလုပ်လိုက်သည်။

ကျောက်လင်သည် စနစ်မှ ဆုလာဘ်များကို ဆက်တိုက် ရရှိခဲ့ပြန်သည်။

[ဇနီးဖြစ်သူ ကုကျိဝေနှင့် အတူနေခြင်း အောင်မြင်ခဲ့သည့်အတွက် ဂုဏ်ယူပါသည်။ စနစ်မှ သင်၏ ကျင့်ကြံခြင်း နှစ်ပေါင်း (၂၀) ကို ဆုချီးမြှင့်လိုက်ပါသည်]

[ဇနီးဖြစ်သူ ကုကျိဝေ ကိုယ်ဝန်ရရှိခြင်းအတွက် ဂုဏ်ယူပါသည်။ စနစ်မှ သင်အား သစ်ပင်များ၏ ညှိုးနွမ်းခြင်းနှင့် ဝေဆာခြင်းဆိုင်ရာ နက်နဲသောကျမ်းကို ဆုချီးမြှင့်လိုက်ပါသည်]

[ဇနီးဖြစ်သူ ဝမ်နင်ယွီနှင့် အတူနေခြင်း အောင်မြင်ခဲ့သည့်အတွက် ဂုဏ်ယူပါသည်။ စနစ်မှ သင်၏ ကျင့်ကြံခြင်း နှစ်ပေါင်း (၂၀) ကို ဆုချီးမြှင့်လိုက်ပါသည်]

[ဇနီးဖြစ်သူ ဝမ်နင်ယွီ ကိုယ်ဝန်ရရှိခြင်းအတွက် ဂုဏ်ယူပါသည်။ စနစ်မှ သင်အား မြေကြီး၏အလေးချိန်ကျမ်းကို ဆုချီးမြှင့်လိုက်ပါသည်]

ညနက်သည့်အခါ ကျောက်လင်သည် သူ၏ အာကာသတဲသို့ ပြန်ရောက်လာခဲ့၏။

ပုဂ္ဂိုလ်ရေး အချက်အလက်များ…

[ပိုင်ရှင် - ကျောက်လင်]

[ဇနီး - ၂၅ ဦး]

[ကျွမ်းကျင်မှုများ - အမဲလိုက်ခြင်း၊ ပန်းချီဆွဲခြင်း၊ ရှန်းနုန်ဆေးဖက်ဝင်အပင်မှတ်တမ်း]

[အထူးစွမ်းရည်များ - လင်းယုန်မျက်လုံး၊ ကံကြမ္မာနတ်ဘုရားအဆင့်စာရင်း]

[ကျင့်စဉ်များ - ဟောက်ယန်ကျင့်စဉ် (အဆင့် ၅)၊ မူလဝိညာဉ်ကျင့်စဉ် (အဆင့် ၅)၊ သွေးနတ်ဘုရားဓား (အဆင့် ၅)၊ မရဏကမ္ဘာ၏ ဆေးဖက်ဝင်လက် (အဆင့် ၅)၊ နတ်ဘုရားအမြန်နှုန်း အသွင်ပြောင်းခြင်း (မစတင်ရသေး)၊ အသူရာသစ်သား ထိုက်ယီကျင့်စဉ် (မစတင်ရသေး)]

[နယ်ပယ်အဆင့် - ကျောက်စိမ်းဗိမာန်နယ်ပယ် နောက်ဆုံးအဆင့်]

[ကျင့်ကြံမှု အဆင့် - +၁၅၅]

"ငါ့ရဲ့ ကျင့်ကြံမှု အဆင့်က ၁၀၀ ကျော်သွားပြီဆိုတော့ ပေါင်းစည်းခြင်းနယ်ပယ်ဆီ အရင်ဆုံး တက်လှမ်းလိုက်တော့မယ်..."

သူ၏ ပုဂ္ဂိုလ်ရေး အချက်အလက်များကိုကြည့်ရင်း ကျောက်လင်သည် ချက်ချင်း ဆုံးဖြတ်ချက် ချလိုက်သည်။

"စနစ်... ဟောက်ယန်ကျင့်စဉ်အတွက် ကျင့်ကြံမှု နှစ်ပေါင်း ၁၀၀ ကို ပေါင်းထည့်ပေး..."

သူက စိတ်ထဲမှ အမိန့်ပေးလိုက်သည်။

ကျောက်လင်သည် မြေပြင်ပေါ်တွင် ပုဆိန်ခွေ ထိုင်လိုက်ရာ သူ၏ ခန္ဓာကိုယ်အတွင်း အခြေခံကျသော ပြောင်းလဲမှုများ ဖြစ်ပေါ်လာ၏။

သူ၏ ကိုယ်တွင်းကလီစာများအားလုံး အပြည့်အဝ ပုံသွင်းခံရပြီး သူ၏ စိတ်အာရုံသည် ကောင်းကင်နှင့် မြေကြီးနှင့် စုံလင်စွာ ပေါင်းစပ်သွားကာ မီတာ ၁၀၀ ပတ်လည်ရှိ နေရာတစ်ခုကို အပြည့်အဝ ခံစားသိရှိသွားသည်။

ကျောက်လင်၏ စိတ်အာရုံသည် လောကရှိ စွမ်းအားမျိုးစုံ၏ လှိုင်းထန်မှုများကို ခံစားမိနေ၏။

ဤအခိုက်အတန့်တွင် ကျောက်လင်သည် ပေါင်းစည်းခြင်းနယ်ပယ်သို့ တက်လှမ်းနိုင်ပြီဖြစ်ကြောင်း သဘာဝအတိုင်း နားလည်သွားသည်။

ချက်ချင်းပင် ကျောက်လင်သည် သူ၏ ပုဂ္ဂိုလ်ရေး အချက်အလက်များကို ပြန်လည် စစ်ဆေးလိုက်၏။

[နယ်ပယ်အဆင့် - ပေါင်းစည်းခြင်းနယ်ပယ် အစောပိုင်းအဆင့်]

ကျောက်လင်က အလွန်အမင်း စိတ်လှုပ်ရှားနေ၏။ နောက်ဆုံးတွင် ပေါင်းစည်းခြင်းနယ်ပယ်သို့ တက်လှမ်းနိုင်ခဲ့ပြီ မဟုတ်ပါလား။

ထို့ပြင် ကျောက်လင်၏ ပေါင်းစည်းခြင်းနယ်ပယ်သည် အခြားသူများနှင့် မတူပေ။ ကျောက်လင်သည် အဆင့်တိုင်းတွင် စနစ်ကို အားကိုး၍ တက်လှမ်းခဲ့ပြီး သူ၏ ရုပ်ခန္ဓာကို အပြည့်အဝ ပုံသွင်းထားပြီး ဖြစ်သည်။

ထို့ကြောင့် ကျောက်လင်၏ ပေါင်းစည်းခြင်းနယ်ပယ်တွင် သူ၏ စိတ်အာရုံသည် ကောင်းကင်နှင့် မြေကြီးနှင့် စုံလင်စွာ ပေါင်းစပ်နေသည်။ သူသည် သူ၏ အာရုံခံနိုင်စွမ်းအတွင်းရှိ ကောင်းကင်နှင့် မြေကြီး၏ စွမ်းအား လှိုင်းထန်မှုများအားလုံးကို ခံစားဖမ်းဆုပ်နိုင်ပြီး ကောင်းကင်နှင့် မြေကြီး၏ နိယာမများကို အလွယ်တကူ နားလည်နိုင်စွမ်း ရှိနေသည်။

သူ့တွင် ကျင့်ကြံမှု နှစ်ပေါင်း ၅၅ နှစ် ကျန်ရှိနေသေးသည်။

ကျောက်လင်သည် ခဏတာ တွေးတောလိုက်၏။ သူ၏ ကျင့်ကြံမှု နှစ်ပေါင်း ၅၅ နှစ်သည် မူလဝိညာဉ်ကျင့်စဉ်ကို တက်လှမ်းရန် မလုံလောက်သော်လည်း မရဏကမ္ဘာ၏ ဆေးဖက်ဝင်လက်နှင့် သွေးနတ်ဘုရားဓားကျင့်စဉ်များကို နောက်တစ်ဆင့်သို့ တက်လှမ်းနိုင်စေရန် လုံလောက်သည်။

ထို့ကြောင့် ကျောက်လင်သည် သူ၏ စိတ်ထဲမှ အမိန့်တစ်ခု ထပ်ပေးလိုက်ပြန်သည်။

“စနစ်... သွေးနတ်ဘုရားဓားအတွက် ကျင့်ကြံမှု နှစ်ပေါင်း ၅၀ ကို ပေါင်းထည့်ပေး…”

မကြာမီမှာပင် ကျောက်လင်၏ စိတ်ထဲတွင် သတင်းအချက်အလက်အမြောက်အမြား ပေါ်လာ၏။ သွေးနတ်ဘုရားဓားကို ဆဋ္ဌမအဆင့်ဖြစ်သည့် သွေးအရိပ်သတ်ဖြတ်ခြင်းသို့ အဆင့်မြှင့်တင်လိုက်သည်။

သွေးအရိပ်သတ်ဖြတ်ခြင်းမှာ ကောင်းကင်နှင့် မြေကြီး၏ နက်နဲသော အဓိပ္ပာယ်များ ပေါင်းစပ်ထားသည့် ဓားသိုင်းတစ်ခု ဖြစ်သည်။

ကျောက်လင် နားလည်ထားပြီးဖြစ်သောကျမ်းများဖြစ်သည့် မြေကမ္ဘာ၏ နက်နဲသော အဓိပ္ပာယ်၊ သစ်ပင်များ၏ ညှိုးနွမ်းခြင်းနှင့် ဝေဆာခြင်း၊ မြေကြီး၏ အလေးချိန်တို့ကို သူ၏ ဓားသိုင်းတွင် အသုံးချကာ တိုက်ခိုက်မှုစွမ်းအားအဖြစ် ဖန်တီးနိုင်သည်။

ပုဂ္ဂိုလ်ရေး အချက်အလက်များတွင် ကျင့်ကြံမှု ၅ နှစ်သာ ကျန်တော့သည်။

"တစ်နေ့တာလုံး ပင်ပန်းခဲ့ရတာ..."

"ငါက ဆဋ္ဌမအဆင့် ပေါင်းစည်းခြင်းနယ်ပယ်ရဲ့ ကျင့်ကြံသူဖြစ်နေပေမဲ့ တစ်နေ့လုံး ဆက်တိုက် တိုက်ခိုက်ရင်တောင် မပင်ပန်းသလိုပဲ။ ဒါပေမဲ့ ငါ့ရဲ့ ကျန်ရှိနေတဲ့ ဇနီး ၉၀ ကတော့ တစ်နေ့လုံး လမ်းလျှောက်ထားရတာမို့ အခု ညဉ့်နက်နေပြီ... သူတို့ကို နှိုးလို့ မသင့်တော်ဘူး..."

"သူတို့အားလုံး အနားယူပြီးမှပဲ ငါ သူတို့ကို ဂရုစိုက်တော့မယ်..."

ကျောက်လင်သည် တိုးတိုးလေး ပြောလိုက်ပြီးနောက် နှစ်နှစ်ခြိုက်ခြိုက် အိပ်ပျော်သွားခဲ့၏။

နေသာသည့် နောက်တစ်နေ့ ဖြစ်သည်။

မနက်အစောပိုင်းတွင် ထျဲ့လင်ကျေးရွာ တစ်ရွာလုံး စည်ကားသိုက်မြိုက်နေသည်။

ဘိလပ်မြေလမ်းကို ခင်းပြီးနောက် ရေလောင်းပြီး ထိန်းသိမ်းရသည့် အဆင့်တွင် ရှိနေသေးသော်လည်း လူများကို လမ်းလျှောက်ခွင့် ပေးထားသည်။

ဤဘိလပ်မြေလမ်းကြောင့် ထျဲ့လင်ကျေးရွာနှင့် မင်ချွမ်မြို့အကြား ဆက်သွယ်မှုသည် အလွန်နီးကပ်ပြီး တက်ကြွလာခဲ့သည်။

မင်ချွမ်မြို့မှ ကုန်သည်အများအပြားသည် မိုးမလင်းမီကတည်းက ခြင်းတောင်းများ၊ သစ်သားလှည်းများ သို့မဟုတ် နွားလှည်းများကို တွန်းပြီး ထျဲ့လင်တောင်လမ်းတစ်လျှောက်တွင် ဈေးဆိုင်များ လာရောက်ဖွင့်လှစ်ကာ လမ်းတစ်ဝက်ကို သိမ်းပိုက်ထားကြသည်။

ထျဲ့လင်ကျေးရွာသို့ ပထမဆုံး ရောက်ရှိလာသည့် ဒုက္ခသည် တစ်ထောင်ကျော်သည် ဝိညာဉ်ဆေးပင်ဥယျာဉ်၊ လက်ဝတ်ရတနာအလုပ်ရုံ၊ ပရိဘောဂအလုပ်ရုံ၊ ရေမွှေးအလုပ်ရုံနှင့် တိရစ္ဆာန်စားကျက်များတွင် အလုပ်လုပ်ကာ လုပ်ခအချို့ ရရှိကြသည်။ သူတို့သည် တဲအမိုးကြီးတွင် မနက်စာ စားနိုင်ကြသလို ကုန်သည်များ၏ ဆိုင်များမှ ဝယ်ယူကာ သူတို့၏ စားသောက်မှုပုံစံကို တိုးတက်စေကြသည်။

အကယ်၍ ကုန်သည်များသည် မနက်စာများ မကုန်ပါက ရှန်ချင်းရွှယ်သည် အမြဲတမ်း လူလွှတ်ပြီး အကုန်ဝယ်ခိုင်းကာ နေ့လယ်စာအဖြစ် အဆာပြေ စားသုံးလေ့ ရှိသည်။

ထို့ကြောင့် မင်ချွမ်မြို့ရှိ ကုန်သည်များသည် ထိုသတင်းကို လျင်မြန်စွာ ပြန့်နှံ့စေခဲ့ပြီး ထျဲ့လင်ကျေးရွာနှင့် ကုန်သွယ်ခြင်းသည် အမြတ်အစွန်း သေချာပေါက် ရှိသည်ကို အားလုံး သိသွားကြသည်။

ထို့ကြောင့် မင်ချွမ်မြို့ရှိ ကုန်သည်တိုင်းသည် ထျဲ့လင်ကျေးရွာကို သူတို့၏ ပင်မကုန်သွယ်မှု ပန်းတိုင်အဖြစ် သတ်မှတ်ထားကြသည်။

အလားတူပင် ကုန်သည်အချို့သည် ကျောက်လင်၏ အလုပ်ရုံများမှ ထုတ်လုပ်သော ထုတ်ကုန်များကို ပြန်လည်ရောင်းချပြီး ယွီရွှေခရိုင်ရှိ မြို့များနှင့် မြို့ကြီးများသို့ ရောင်းချကြသည်။

ဤသည်မှာ နှစ်ဦးနှစ်ဖက် အကျိုးရှိသော ကုန်သွယ်မှုဖြစ်သည်။

ကျောက်လင်သည် ပေါင်းစည်းခြင်းနယ်ပယ်သို့ တက်လှမ်းပြီးနောက် သူ၏ ခွန်အားမှာ အလွန်တက်ကြွနေသည်။

ကျောက်လင်သည် မနက်အစောကြီး ထလိုက်၏။

ကောင်းကင်မှာ အလင်းမရသေးသော်လည်း ကျောက်လင်သည် ဘိလပ်မြေလမ်းပေါ်တွင် လျှောက်လာကြသည့် ကုန်သည် အများအပြားကို မြင်နေရပြီး နှစ်မိုင်ခန့် ရှည်လျားကာ ထျဲ့လင်တောင်သို့ စုရုံးလာကြသည်။

"ဒီကုန်သည်တွေက စီးပွားရေးအမြင် ထက်မြက်ကြတာပဲ..."

"ငါက မြို့အသီးသီးက ဒုက္ခသည်စခန်းတွေကနေ လူတွေကို ဝယ်ထားတာ သိထားတော့ ဒါဟာ လူဦးရေ သိန်းနဲ့ချီတဲ့ စားဝတ်နေရေးပဲ... ဒါက ကြီးမားတဲ့ ကံကြမ္မာတစ်ခုပဲ..."

"အရမ်းကောင်းတယ်။ ဒီကုန်သည်တွေ ငွေရှာနိုင်မှပဲ ငါ ထုတ်လုပ်တဲ့ ထုတ်ကုန်တွေကို ဝယ်ယူနိုင်တဲ့ ဘဏ္ဍာရေးအင်အားရှိမှာ..."

"ငါ့ထုတ်ကုန်တွေကို ကိုယ်စားလှယ်အဖြစ်လုပ်ပြီး လျန်ရှီးခရိုင်ရဲ့ အခြားခရိုင်တွေကို ခေါ်သွားမယ့် ရဲရင့်တဲ့ ကုန်သည်တွေလည်း ရှိသေးတယ်..."

"စီးပွားရေးက နောက်ဆုံးတော့ အပြုသဘောဆောင်တဲ့ လမ်းကြောင်းပေါ် ရောက်လာပြီ..."

ကုန်သည်များ စုရုံးနေသည်ကို မြင်ရ၍ ကျောက်လင်မှာ ပျော်ရွှင်နေ၏။ ဤသည်မှာ သူ မြင်တွေ့ရသည်ကို ဝမ်းမြောက်သည့် ကြီးကျယ်သော ပွဲတစ်ခုဖြစ်သည်။

ကျောက်လင် စိတ်ကူးယဉ်နေချိန်တွင် မိုချန်းချွမ်းသည် သူ၏ အာကာသတဲမှ ထွက်လာခဲ့သည်။

သူသည် ကျောက်လင်၏ မျက်လုံးများတွင် သတ်ဖြတ်လိုသော အငွေ့အသက်များ ပြည့်နှက်နေသည်ကို သတိပြုမိလိုက်သည်။

"မင်းလို ကောင်က ငါ့ရဲ့ မြေးမလေးကို ဖျက်ဆီးပစ်တာပေါ့လေ..ငါ မင်းကို သတ်ပစ်မယ်”

မိုချန်းချွမ်းသည် ဒေါသတကြီးဖြင့် ရှေ့သို့ တိုးလာပြီး သူ၏ လက်များကို ကုတ်ဆွဲဟန်ပြုလုပ်ကာ ကျောက်လင်၏ လည်ပင်းကို ညှစ်ရန် ကြိုးပမ်းလိုက်သည်။

ကျောက်လင်က ရုတ်တရက် ရှောင်တိမ်းလိုက်ရာ မိုချန်းချွမ်း၏ အပြစ်ပေးမှုကို လွတ်မြောက်သွား၏။

"ဆရာကြီး... စိတ်မပူပါနဲ့..."

"ကျွန်တော် မနေ့ညက မိတ်ဆွေတစ်ယောက်ကို ဆက်သွယ်ထားတယ်။ သူက ဘတ္ထရီနည်းပညာကို သင်ပေးဖို့ သဘောတူထားပြီး ဒီနေ့ ပစ္စည်းတွေ ပို့ပေးလိမ့်မယ်..."

ကျောက်လင်သည် မိုချန်းချွမ်း ရူးသွပ်သွားမည်ကို စိုးရိမ်သဖြင့် လုံခြုံသော အကွာအဝေးကို ထိန်းထားရင်း ဤအခိုက်အတန့်တွင် ကျယ်လောင်စွာ အော်ဟစ်လိုက်သည်။

ထိုစကားကို ကြားသောအခါ မိုချန်းချွမ်း၏ အမူအရာမှာ တကယ်ပင် တည်ငြိမ်သွား၏။

"မင်း ကိုယ်တိုင်ပြောလိုက်တာပဲ..."

"ဒီနေ့ ဘတ္ထရီနည်းပညာကိုသာ မရခဲ့ရင် ငါ မင်းကို သေချာပေါက် သတ်ပစ်မှာ..."

မိုချန်းချွမ်းသည် ပြင်းထန်သော သတိပေးချက်တစ်ခု ပေးလိုက်တော့သည်။