အခန်း ၃၃၀

အခန်း (၃၃၀) အလုပ်ရုံတည်နေရာကို အတည်ပြုခြင်းနှင့် လမ်းစဉ်မေးမြန်းခြင်းကျောက်စာတိုင်များ

"ငါ ဇနီးသည် (၂၅) ဦးနဲ့ ပေါင်းသင်းပြီးပြီ... ပြီးတော့ နေ့တိုင်းလည်း ဝယ်ယူမှု (၂၅)ခု ပြုလုပ်ခဲ့ပြီးပြီ..."

"အရင်က စနစ်ဈေးဆိုင်ကနေ နည်းပညာပစ္စည်း အမျိုးပေါင်း (၁၀၀)လောက် ဝယ်ထားခဲ့တယ်... အဓိကကတော့ အဆာပြေမုန့်တွေ လုပ်တဲ့နည်းပညာတွေပေါ့..."

"အခုတော့ အလုပ်လုပ်ဖို့ အချိန်ရှိပြီဆိုတော့ တောင်ကုန်းတွေပေါ်မှာ အလုပ်ရုံတွေ ဆောက်ဖို့ နေရာရွေးပြီး မြေပြင်တွေကို ရှင်းလင်းလိုက်တော့မယ်..."

မိုချန်းချွမ်း၏ လိုက်လံဖမ်းဆီးမှုမှ လွတ်မြောက်ပြီးနောက် ကျောက်လင်သည် လေထဲသို့ ပျံသန်းတက်လှမ်းလိုက်၏။

ပေါင်းစည်းခြင်းနယ်ပယ်သို့ တက်လှမ်းပြီးသည့်နောက် ကျောက်လင်၏ ဝိညာဉ်စွမ်းအားမှာ အလွန်ပင် ကြီးမားလာပြီး သူ၏ ရုပ်ခန္ဓာက ပတ်ဝန်းကျင်ရှိ ဝိညာဉ်စွမ်းအင်များကို တက်ကြွစွာ စုပ်ယူကာ ကုန်ဆုံးသွားသည့် ဝိညာဉ်စွမ်းအားများကို ပြန်လည်ဖြည့်တင်းပေးနိုင်၏။

ထို့ကြောင့် ကျောက်လင်မှာ အသံထက်မြန်သော ကျောပိုးအိတ်မလိုတော့ဘဲ လေထဲတွင် ပျံသန်းနိုင်ပြီ ဖြစ်သည်။

မကြာမီပင် ကျောက်လင်သည် ပထမဆုံး တောင်ကုန်းထိပ်သို့ ရောက်ရှိသွား၏။

"ကြက်တချို့ကို ဒီတောင်ကုန်းပေါ်ကို ရွှေ့ပြောင်းထားပြီးပြီ... အခုဆိုရင် ဒီမှာ ကြက်မွေးမြူရေးခြံ ရှိနေပြီ..."

"ဒီတောင်ကုန်းကို ကြက်သားအဆာပြေမုန့် စက်ရုံအဖြစ် ပြောင်းလဲလိုက်မယ်..."

ကျောက်လင်သည် အပြုံးလေးတစ်ခုဖြင့် တောင်ခြေတွင် ဆင်းသက်လိုက်၏။

ကမ္ဘာမြေသို့ ပြန်ရောက်သောအခါ ကျောက်လင်သည် သူငယ်ချင်းများနှင့် အပြင်သွားလျှင် သူတို့၏ ယာယီဆာလောင်မှုကို ဖြေရှင်းရန်အတွက် စူပါမားကတ်များမှ ကြက်ပေါင်၊ ကြက်တောင်ပံ စသည့် လေလုံပိတ်ထုတ်ပိုးထားသော အဆာပြေမုန့်များကို ဝယ်လေ့ရှိကြသည်။

ကျောက်လင် အရင်က ဝယ်ယူထားသည့် အဆာပြေမုန့် လုပ်နည်းပေါင်း (၁၀၀)ထဲတွင် ကြက်သား၊ ကြက်ရင်ပုံနှင့် ကြက်တောင်ပံများ ပြုလုပ်သည့် နည်းလမ်းများ ပါဝင်သည်။

ဤအဆာပြေမုန့်များသည် ရောင်းကောင်းလိမ့်မည်ဟု ကျောက်လင် ယုံကြည်နေသဖြင့် အမြန်သုံးစွဲကုန်ပစ္စည်း လုပ်ငန်းကို အင်တိုက်အားတိုက် ဖွံ့ဖြိုးတိုးတက်စေချင်သည်မှာ သဘာဝပင် ဖြစ်၏။

ဆင်းသက်ပြီးနောက် ကျောက်လင်သည် လေထဲမှ မြေပြင်နှင့် ကပ်လျက် ပျံသန်းသွားပြီး မြေဆီလွှာများကို စနစ်နေရာလွတ်ထဲသို့ စုဆောင်းရန် လက်နှစ်ဖက်ဖြင့် မြေပြင်ကို တစ်ပြိုင်နက် ထိတွေ့လိုက်၏။

ကျောက်လင်၏ လက်ရှိ ပျံသန်းနှုန်းဖြင့် စတုရန်းမီတာ (၂၀၀၀)ကျော်ရှိသော မြေနေရာကို ညီညာအောင် ပြုလုပ်ရန် မိနစ်အနည်းငယ်သာ ကြာမြင့်သည်။

၎င်းသည် ထုတ်လုပ်မှုလိုင်း ငါးခုအတွက် လုံလောက်ပေသည်။

ချက်ချင်းဆိုသလိုပင် ကျောက်လင်သည် သတ္တုစပ်ထန်ဓားကို အသုံးပြု၍ ကျောက်တုံးပေါ်တွင် စာလုံးလေးလုံး ထွင်းလိုက်၏။

ကြက်သားအလုပ်ရုံ…

အခြားသူများအား မြေနေရာ၏ ရည်ရွယ်ချက်ကို ပြောပြပြီးနောက် ကျောက်လင်သည် ချက်ချင်း ပျံသန်းတက်လှမ်းကာ အနီးအနားရှိ တောင်ကုန်းတစ်ခုသို့ သွားရောက်လိုက်၏။

"ဒီတောင်ကုန်းက အစိုဓာတ် ပြည့်ဝပြီး နေရောင်ခြည် အလွန်ကောင်းမွန်တာမို့လို့ လာဗင်ဒါစိုက်ခင်းကြီး စိုက်ဖို့ အကောင်းဆုံးနေရာပဲ..."

"ရေမွှေးအလုပ်ရုံအတွက် ပန်းအမျိုးမျိုး အများအပြား လိုအပ်တယ်... လာဗင်ဒါရေမွှေးက အနံ့မွှေးပြီး ရောင်းကောင်းမှာ သေချာတယ်... တစ်ခြားသူတွေဆီက လာဗင်ဒါကို မှီခိုနေလို့မဖြစ်ဘူး... ကိုယ်ပိုင် လာဗင်ဒါခြံ ရှိရမယ်..."

လေထဲမှနေ၍ တောင်ကုန်းကို ခဏတာ စစ်ဆေးပြီးနောက် ကျောက်လင်သည် ၎င်း၏ ရည်ရွယ်ချက်ကို ဆုံးဖြတ်လိုက်သည်။

ထို့နောက် ကျောက်လင်သည် ဆင်းသက်လိုက်ပြီး တောင်ခြေရှိ ကျောက်တုံးကြီးတစ်ခုပေါ်တွင် သတ္တုစပ်ထန်ဓားဖြင့် စာလုံးငါးလုံး ထွင်းလိုက်၏။

လာဗင်ဒါအခြေစိုက်စခန်း…

ကျောက်လင်သည် ဤတောင်ပေါ်တွင် သစ်ပင်များကို ကိုယ်တိုင် ခုတ်ထွင်ရှင်းလင်းပြီး မြေယာဖော်ထုတ်တော့မည် မဟုတ်ပေ။

မည်သို့ပင်ဆိုစေ နယ်မြေအတွင်း လူဦးရေ ၅ သိန်း ရှိနေပြီဖြစ်ရာ လုပ်သားအင်အား ပေါများနေပြီး ကျောက်လင်သည် အလုပ်ရုံအခြေစိုက်စခန်းတိုင်းကို ကိုယ်တိုင် ကိုင်တွယ်နေချင်သည် မဟုတ်ပေ။

ကျောက်လင်က စာလုံးများ ထွင်းပြီးနောက် သူသည် ချက်ချင်း လေထဲသို့ ပျံသန်းတက်လှမ်းကာ အနီးအနားရှိ တောင်ကုန်းတစ်ခုသို့ သွားရောက်လိုက်၏။

"ဒီတောင်ကုန်းမှာ ရေပန်းကောင်းတဲ့ သဘာဝစမ်းရေတွင်းတွေ ရှိနေတာမို့လို့ ကိုလာစက်ရုံ ဆောက်ဖို့ အကောင်းဆုံးပဲ..."

"ဒီတောင်ခြေမှာ သဘာဝ ရေလှောင်ကန်တစ်ခု

ရှိတယ်... ငါးကလေးတွေကို အများကြီး မွေးမယ်ဆိုရင် ငါးအဆာပြေမုန့် အလုပ်ရုံငယ်လေးတစ်ခု ဖွင့်လို့ရတယ်..."

"ဒီတောင်တွေက မမြင့်သလို မင်ချွမ်မြစ်နဲ့လည်း နီးတယ်... အားလုံးကို ညီညာအောင် လုပ်လိုက်မယ်ဆိုရင် စတုရန်းမီတာ သိန်းဂဏန်းလောက် ရှိတဲ့ ပြန့်ပြူးတဲ့နေရာ ဖန်တီးလို့ရမယ်... ဒါက သံရည်ကျိုအလုပ်ရုံ ဆောက်ဖို့အတွက် အကောင်းဆုံးပဲ..."

"..."

ကျောက်လင်သည် ပျံသန်းရင်း တောင်ထိပ်တစ်ခုစီသို့ ရောက်တိုင်း ၎င်း၏ ရည်ရွယ်ချက်နှင့် မည်သည့် အလုပ်ရုံမျိုး ဆောက်ရမည်ကို ဆုံးဖြတ်နေ၏။

မနက်ပိုင်း ပျံသန်းစဉ်အတွင်း ကျောက်လင်သည် တောင်ပေါင်း (၂၀၀၀) ကျော်၏ အသုံးပြုပုံကို ဆုံးဖြတ်ခဲ့ပြီး တောင်ခြေရှိ ကျောက်တုံးများပေါ်တွင် အလုပ်ရုံအမည်များကို ထွင်းထုခဲ့သည်။

ဤအချိန်တွင် ကျောက်လင်သည် ထျဲ့လင်တောင်ထိပ်ပေါ်သို့ ဆင်းသက်လိုက်၏။

ထျဲ့လင်တောင်သည် မင်ချွမ်မြို့ရှိ အမြင့်ဆုံး တောင်ထိပ်ဖြစ်ပြီး ထျဲ့လင်ကျေးရွာသည် တောင်ခြေတွင် တည်ရှိသည်။

ထျဲ့လင်ကျေးရွာမှ အမဲလိုက်အဖွဲ့များသည် ကျောက်လင်ကို အရင်က ချုံခိုတိုက်ခိုက်ခဲ့ဖူးသော်လည်း ကျောက်လင်က သူတို့ကို အကုန် သတ်ပစ်ခဲ့သည်။ ထျဲ့လင်ကျေးရွာနှင့် ဟေးဆောင်ကျေးရွာတို့မှာ သွေးကြွေးရှိသည်ဟု ဆိုနိုင်ပေသည်။

သို့သော် ကျောက်လင်သည် ယခု ထျဲ့လင်တောင်သို့ ရောက်ရှိလာသော်လည်း ထျဲ့လင်ကျေးရွာကို ကိုင်တွယ်ရန် ရည်ရွယ်ချက် မရှိပေ။

"ငါရရှိထားတဲ့ လမ်းစဉ်မေးမြန်းခြင်းကျောက်စာတိုင် ငါးခုက ပေါင်းစည်းခြင်းနယ်ပယ်ရှိ ကျင့်ကြံသူတွေရဲ့ ကျင့်ကြံမှုအပေါ် အလွန်ကြီးမားတဲ့ သက်ရောက်မှုရှိတယ်..."

"ဒါပေမဲ့ ဒီ လမ်းစဉ်မေးမြန်းခြင်းကျောက်စာတိုင် ငါးခုကို လူသိရှင်ကြား ပြသလို့ မရဘူး..."

"သဘာဝကျကျပဲ ဒီကျောက်စာတိုင်ငါးခုကို လျှို့ဝှက်တဲ့နေရာမှာ ထားရမယ်..."

"ဒီထျဲ့လင်တောင်က မီတာ (၂၀၀၀) ကျော်မြင့်ပြီး မြေမျက်နှာသွင်ပြင်က ခမ်းနားထည်ဝါပြီး မတ်စောက်တယ်... လေ့ကျင့်ခန်း ဆောက်ဖို့အတွက် အကောင်းဆုံးနေရာပဲ..."

ကျောက်လင်သည် အပြုံးလေးတစ်ခုဖြင့် ပြောလိုက်ပြီး သူ၏ မျက်လုံးများက ပတ်ဝန်းကျင်ကို အကဲခတ်လိုက်၏။

မကြာမီပင် ကျောက်လင်သည် ကျောက်တုံးများကြားတွင် သဘာဝအက်ကြောင်းတစ်ခု ရှိနေသည့် မတ်စောက်သော ချောက်ကမ်းပါးတစ်ခုကို မြင်လိုက်ရသည်။

တောင်ခြေမှ အပေါ်ကို မော့ကြည့်မည်ဆိုပါက ဤအက်ကြောင်းကို မမြင်နိုင်ဘဲ လေထဲမှသာ မြင်နိုင်ပေသည်။

ထို့ကြောင့် ကျောက်လင်သည် အက်ကြောင်းဆီသို့ ပျံသန်းဆင်းသက်လိုက်ပြီး အက်ကြောင်းတစ်ဖက်ကို ညာလက်ဖြင့် ချက်ချင်း ထိတွေ့လိုက်၏။

တစ်စတုရန်းမီတာရှိသော ကျောက်တုံးများ ပျောက်ကွယ်သွားသည်။

နောက်တစ်ခုအနေဖြင့် ကျောက်လင်သည် အက်ကြောင်းအပြင်ဘက်ကို မထိခိုက်စေဘဲ ကျောက်ဂူထဲသို့ တူးဆွလိုက်ရာ လူတို့၏ လက်ဖြင့် တူးဖော်ထားသည့် ကျောက်ဂူတစ်ခု ဖြစ်လာသည်ဟု ပြောရန် မဖြစ်နိုင်ပေ။

အကျယ်တစ်မီတာ၊ အမြင့်နှစ်မီတာရှိသော ကျောက်လမ်းမြှောင်သည် အောက်ဘက်သို့ တိုးထွက်သွားပြီး ထျဲ့လင်တောင်ခြေသို့ ရောက်ရှိသွားသည်။

တိုက်ဆိုင်စွာပင် တောင်ခြေတွင် ကျယ်ဝန်းသော သဘာဝဂူတစ်ခု ရှိနေပြီး စတုရန်းမီတာ (၅၀၀)ကျော်ရှိသော နေရာဖြစ်သည်။

ကျောက်လင်သည် ချက်ချင်း လှုပ်ရှားလိုက်ပြီး ဂူတစ်ဂူလုံး၏ ကြမ်းပြင်ကို ညီညာအောင် လုပ်လိုက်ရာ ကျယ်ပြန့်သော နေရာလွတ်တစ်ခု ဖြစ်လာ၏။

ဤအချိန်တွင် ကျောက်လင်သည် စနစ်နေရာလွတ်ထဲမှ လမ်းစဉ်မေးမြန်းခြင်းကျောက်စာတိုင် ငါးခုကို ထုတ်လိုက်၏။

"ပေါင်းစည်းခြင်းနယ်ပယ်ရှိ ကျင့်ကြံသူဆိုတာ သူတို့ရဲ့ အသိစိတ်က ကောင်းကင်နဲ့ မြေကြီးနဲ့ ဟန်ချက်ညီနေပြီး ကောင်းကင်နဲ့ မြေကြီးရဲ့ စည်းမျဉ်းတွေကို နားလည်သဘောပေါက်ကာ စွမ်းအားအမျိုးမျိုးရဲ့ နက်နဲတဲ့ လျှို့ဝှက်ချက်တွေကို နားလည်သူတွေပဲ..."

"စွမ်းအားရဲ့ နက်နဲတဲ့ အဓိပ္ပာယ်ကို နားလည်သွားပြီဆိုရင် ကိုယ်ပိုင်ကျင့်စဉ်ထဲကို ပေါင်းစပ်နိုင်ပြီး ကိုယ့်စွမ်းအားက ကောင်းကင်နဲ့ မြေကြီးရဲ့ ဆန္ဒကို ပိုင်ဆိုင်လာမှာ..."

ကျောက်လင်က အနည်းငယ် ပြုံးလိုက်သည်။

ကျောက်စိမ်းမှန်ကဲ့သို့သော ကျောက်စာတိုင် ငါးခုကို ချလိုက်သည့်အခါ မျက်နှာပြင်ပေါ်တွင် လှိုင်းတွန့်ပုံစံများ ပေါ်လာပြီး ထူးခြားသည့် ဝိညာဉ်စွမ်းအားများကို ပြသလာ၏။

ဤလမ်းစဉ်မေးမြန်းခြင်းကျောက်စာတိုင်မှာ ကောင်းကင်အဆင့် ဝိညာဉ်ရတနာဖြစ်သည်။

အပြင်ဘက်တွင် ရှိနေသမျှ ကာလပတ်လုံး ကျောက်စာတိုင်သည် ကောင်းကင်နှင့် မြေကြီး၏ စွမ်းအားကို အလိုအလျောက် စုစည်းပေးပြီး ကောင်းကင်နှင့် မြေကြီး၏ စွမ်းအားအမျိုးမျိုးသည် ကျောက်စာတိုင်အတွင်းရှိ နေရာလွတ်တွင် ရှင်းလင်းသော လည်ပတ်မှု လမ်းကြောင်းများ ရှိနေသည်။

ပေါင်းစည်းခြင်းနယ်ပယ်ရှိ ကျင့်ကြံသူတစ်ယောက်သည် ဤကျောက်စာတိုင်အတွင်းသို့ ဝင်ရောက်လာသည်နှင့် ကောင်းကင်နှင့် မြေကြီး၏ စွမ်းအား လည်ပတ်မှုကို အဏုကြည့်မှန်ပြောင်းဖြင့် စောင့်ကြည့်နေသကဲ့သို့ ဖြစ်ပြီး ၎င်းတို့၏ နက်နဲသော လျှို့ဝှက်ချက်များကို ရှာဖွေတွေ့ရှိနိုင်မည် ဖြစ်သည်။

"ငါ့ရဲ့ ကျင့်ကြံမှုက ဒီမှာ နေ့တိုင်းထိုင်ပြီး လမ်းစဉ်မေးမြန်းခြင်း ကျောက်စာတိုင်ကို နားလည်ဖို့ မလိုဘူး..."

"ဇနီးသည် အလုံအလောက် လက်ထပ်နိုင်သမျှ စနစ်က ဒီနက်နဲတဲ့ စွမ်းအားတွေကို ဆုချီးမြှင့်မှာပဲ..."

"ငါ့သာ လမ်းစဉ်မေးမြန်းခြင်း ကျောက်စာတိုင်ကို ကိုယ်တိုင်နားလည်ဖို့ ကြိုးစားမယ်ဆိုရင် စွမ်းအားရဲ့ နက်နဲတဲ့ အဓိပ္ပာယ်တစ်ခုတောင် နားလည်ဖို့ တစ်နှစ် ဒါမှမဟုတ် နှစ်နှစ်လောက် ကြာနိုင်တယ်... အဲဒီအချိန်အတွင်းမှာ မဟာချင်မင်းဆက် တစ်ခုလုံးကို လှည့်လည်သွားလာပြီး စနစ်ရဲ့ လိုအပ်ချက်နဲ့ ကိုက်ညီတဲ့ အမျိုးသမီးအားလုံးကို သိမ်းပိုက်တာက ပိုကောင်းဦးမယ်..."

ကျောက်လင်က တည်ငြိမ်စွာ ပြောလိုက်သည်။

ချက်ချင်းဆိုသလိုပင် ကျောက်လင်၏ အသိစိတ်က စနစ်၏ အွန်လိုင်းဈေးဆိုင် မျက်နှာပြင်သို့ ရောက်ရှိသွား၏။

[စိတ်စွမ်းအား အစီအရင်: ၂၀,၀၀၀,၀၀၀ အမှတ်]

ဤအစီအရင်သည် ကျင့်ကြံသူများ သီးသန့်ကျင့်ကြံရန်အတွက် အထူးဒီဇိုင်းထုတ်ထားခြင်း ဖြစ်သည်။

ကျောက်လင်သည် သူ၏ ကိုယ်ပိုင်စွမ်းအားကို ကျင့်ကြံချင်သဖြင့် သူ၏ ပေါင်းစည်းခြင်းနယ်ပယ်ရှိ လက်အောက်ငယ်သားများအားလုံးကို ဤဂူထဲတွင် နေထိုင်စေပြီး လမ်းစဉ်မေးမြန်းခြင်း ကျောက်စာတိုင်ကို နေ့ရောညပါ လေ့လာစေရန် စီစဉ်လိုက်သည်။

စိတ်စွမ်းအား အစီအရင်၏ အကူအညီဖြင့် ဝင်ရောက်လာသော ကျင့်ကြံသူများသည် ပြင်ပအကြောင်းအရင်းများကြောင့် အနှောင့်အယှက် ဖြစ်မည် မဟုတ်ပေ။ သူတို့၏ စိတ်အာရုံအားလုံးသည် ကျောက်စာတိုင်အတွင်း၌ နှစ်မြုပ်နေမည်ဖြစ်ပြီး သူတို့၏ စွမ်းအင်အားလုံးကို စွမ်းအား၏ နက်နဲသော အဓိပ္ပာယ်ကို နားလည်ရန် မြှုပ်နှံထားမည် ဖြစ်သည်။

ချက်ချင်းပင် ကျောက်လင်သည် စိတ်စွမ်းအား အစီအရင်တည်ဆောက်မှုကို အပြီးသတ်လိုက်ပြီး လမ်းစဉ်မေးမြန်းခြင်း ကျောက်စာတိုင် ငါးခုလုံးကို အပြည့်အဝ ဖုံးလွှမ်းလိုက်၏။

"တာဝန် ပြီးဆုံးသွားပြီ... ဒီအချိန်ကစပြီး ငါ ယုံကြည်ရတဲ့သူတွေကို ဒီကို ပို့ပြီး ကျင့်ကြံခိုင်းလို့ရပြီ..."

ကျောက်လင်က ပျော်ရွှင်စွာ ပြောလိုက်သည်။