အခန်း ၃၃

အခန်း။ ၃၃

ဗီဒီယိုမှတ်တမ်းမှာ အောက်တိုဘာလ ၂ ရက်နေ့ ည ၉ နာရီခွဲအချိန် မြို့ပြင်ဆင်ခြေဖုံးတစ်ခုတွင် စတင်သည်။ ဗင်ကားတစ်စီးပေါ်မှ လူခြောက်ဦး ဆင်းလာကြပြီး ထိုအထဲတွင် လျိုယာကျွင်းလည်း ပါဝင်နေသည်။

လျိုယာကျွင်းက စာချုပ်တစ်စောင်ကို ဆွန်ယန်မုန်အား လက်မှတ်ထိုးခိုင်းသည်။ ဆွန်ယန်မုန်က ငြင်းဆန်သည်။ ထိုအခါ လျိုယာကျွင်းက ဝမ်ရှောင်မုန်၏ ဓာတ်ပုံကို ထုတ်ပြလိုက်သည်။

ဆွန်ယန်မုန် စိုးရိမ်တကြီး ဖြစ်သွားချိန်တွင် လျိုယာကျွင်းက သူမရှေ့၌ပင် ဓာတ်ပုံကို စုတ်ဖြဲပစ်လိုက်သည်။ ၎င်း၏ သဘောမှာ ရှင်းသည်။

စာချုပ်တွင် လက်မှတ်မထိုးပါက သမီးဖြစ်သူကို ပြန်မတွေ့ရတော့မည့် အဓိပ္ပာယ်ဖြစ်သည်။ စာချုပ်ပါ အကြောင်းအရာကို နားမလည်သော်လည်း သမီးဖြစ်သူအတွက် ဆွန်ယန်မုန်မှာ လက်မှတ်ထိုးပေးလိုက်ရရှာသည်။

ဗီဒီယိုပြီးဆုံးသွားသည်။

ဂူချန်က "ဒီဗီဒီယိုနှစ်ခုကို ကြည့်ရင် လျိုယာကျွင်းက ဆွန်ယန်မုန်ရဲ့သမီးကို ပြန်ပေးဆွဲပြီး အဲဒီအကြောင်းပြချက်နဲ့ ဆွန်ယန်မုန်ကို ခြိမ်းခြောက်လက်မှတ်ထိုးခိုင်းတာ ရှင်းပါတယ်။ ခြိမ်းခြောက်မှုကြောင့် ရရှိလာတဲ့ ဘယ်စာချုပ်မဆို ဥပဒေအရ တရားမဝင်ပါဘူး" ဟု ပြတ်သားစွာ ပြောဆို လိုက်သည်။

တရားခွင်အတွင်း တိတ်ဆိတ်သွားသည်။

ဗီဒီယိုထဲတွင် မူကြိုကျောင်းမှ ကလေးကို မည်သူခေါ်သွားက။ လျိုယာကျွင်းက မည်သို့ ခြိမ်းခြောက်သည်တို့မှာ အထင်အရှား ပေါ်နေသည်။

တရားလိုရှေ့နေ ဟန်ဇီမင်းမှာလည်း ဘာမှဆက်မပြောနိုင်တော့ပေ။

သူသည် ဝမ်ယုံချန်၏ လူသတ်မှုကို အမှုဆင်ရန် ရောက်လာခြင်းသာ ဖြစ်သော်လည်း လျိုယာကျွင်း၏ ဤမျှရိုင်းစိုင်းသော လုပ်ရပ်မျိုးကို သူ မမျှော်လင့်ထားခဲ့ပေ။

သူသည် ဤကိစ္စတွင် ဘာမှဆက်မခုခံနိုင်တော့ပေ။

တိုက်ရိုက်ထုတ်လွှင့်မှုကို ကြည့်ရှုသူများမှာလည်း တုန်လှုပ်ချောက်ချားသွားကြသည်။

[ဟင်... လျိုယာကျွင်းက ဒီလောက်ထိတောင် ဆိုးရွားတဲ့သူလား]

[အခုမှပဲ ဒီစာချုပ် ဘယ်လိုဖြစ်လာလဲဆိုတာ သိတော့တယ်။ စကားမပြောနိုင်သူကို ဒီလောက်အထိ ခြိမ်းခြောက်ရက်တာလား]

[လျိုယာကျွင်းကို ထောင်ထဲပို့ပေးပါ။ ဂူချန်ရေ သူ့ကို အရေးယူပေးပါ]

[လျိုဗျောင်က မုဒိမ်းကောင်ပဲ။ စာချုပ်နဲ့ ဖုံးကွယ်ဖို့ ကြိုးစားတာ အရမ်းရွံဖို့ကောင်းတယ်]

ဂူချန်က တရားသူကြီးချုပ် ရှန်ကျားရွှေနှင့် တရားခွင်ကို ကြည့်ကာ "ပြီးတော့ ရှီရှန်ရွာသားတွေက ဘာလို့ ဆွန်ယန်မုန်ကိုပဲ အမြဲတမ်း တိုက်ခိုက်ပြောဆိုနေကြတာလဲ။ ကျွန်တော် ကိုယ်တိုင် မီဒီယာတွေ ခေါ်ပြီး ရွာမှာ သွားမေးတုန်းက ရတဲ့ ဗီဒီယိုမှတ်တမ်းကို ကြည့်ပေးပါ" ဟု ပြောကာ နောက်ထပ် ဗီဒီယိုတစ်ခုကို ပြသလိုက်သည်။

ဗီဒီယိုတွင် ဂူချန်က မီဒီယာများကို ခေါ်ဆောင်၍ အင်တာဗျူးရာ၊ ရွာသားများမှာ ဆွန်ယန်မုန်နှင့် ဝမ်ယုံချန်အကြောင်း မေးမြန်းသည်နှင့် တစ်ပြိုင်နက် ဘာမှမသိသလိုဖြင့် ရှောင်ထွက်သွားကြသည်။

လျိုယာကျွင်းဘေးတွင် ရှိနေသည့် ရွာသားများကဲ့သို့ စွပ်စွဲချက်များ တစ်ခုမှ မရှိခဲ့ပေ။

ဂူချန်က "ဒါဟာ အမှန်တကယ် အင်တာဗျူးထားတဲ့ ဗီဒီယိုပါ။ ရှီရှန်ရွာသားတွေက ဆွန်ယန်မုန်နဲ့ပတ်သက်ရင် ပြောဖို့တောင် မဝံ့ရဲကြပါဘူး။ ခုနက တရားခွင်မှာ လာပြောသွားတဲ့ ရွာသားတွေဟာ လျိုယာကျွင်း စီစဉ်ထားတဲ့ အဖွဲ့တွေပါ။ သူတို့အားလုံးက လျိုယာကျွင်းရဲ့ စေခိုင်းမှုနဲ့ ဆွန်ယန်မုန်ကို စွပ်စွဲပြီး အဓမ္မပြုကျင့်ခံရတာကို ဖောက်ပြန်တာလို့ လမ်းကြောင်းလွှဲဖို့ ကြိုးစားခဲ့တာပါ" ဟု တရားခွင်၏ အမှန်တရားကို ဖော်ထုတ်လိုက်သည်။

ဂူချန်၏ လေသံမှာ တည်ငြိမ်၍ ပြတ်သားလှသည်။

သူပြောလိုက်သည့်အချက်မှာ ရိုးရှင်းသည်။

တရားခွင်တွင် တင်ပြခဲ့သည့် ရွာသားများ၏ ထွက်ဆိုချက် ဗီဒီယိုအားလုံးမှာ လျိုယာကျွင်းနှင့် ဆက်နွှယ်နေသူများသာဖြစ်ပြီး ဆွန်ယန်မုန်အား ဝိုင်းဝန်းတိုက်ခိုက်ရန် စီစဉ်ထားသည့်အရာများသာ ဖြစ်သည်။

ဂူချန်က "ကျွန်တော့်လက်ထဲမှာ နောက်ထပ် အထောက်အထားတွေ အများကြီးရှိပါသေးတယ်။ ရှီရှန်ရွာမှာ လျိုယာကျွင်းနဲ့ လျိုဗျောင်မိသားစုရဲ့ မတရားတဲ့ လုပ်ရပ်တွေက အလွန်များပြားပါတယ်။ လျိုယာကျွင်းမိသားစုက ချမ်းသာကြွယ်ဝတယ်ဆိုပေမဲ့ သူတို့ဟာ တရားမဝင် ငွေတိုးချေးစားတဲ့လုပ်ငန်းကို တည်ထောင်ပြီး လူတွေကို အကြမ်းဖက်ပြီး ငွေတောင်းခံနေတာပါ။ အတိုးနှုန်းတွေကို အဆမတန် မြင့်တက်စေပြီး ငွေမဆပ်နိုင်တဲ့သူတွေကို ရက်စက်စွာ ရိုက်နှက်လေ့ရှိပါတယ်" ဟု ပြောကြားသည်။

"ရှီရှန်ရွာဆိုတာ ရွာတစ်ရွာတင် မဟုတ်တော့ပါဘူး။ ငွေတိုးချေးစားတဲ့ ရာဇဝတ်ဂိုဏ်းကြီးတစ်ခု ဖြစ်နေပါပြီ။ သူတို့ရဲ့ အတိုးနှုန်းတွေက ၁၅၀ ရာခိုင်နှုန်းအထိ ရှိပြီး ငွေမဆပ်နိုင်တဲ့အခါ အတိုးတွေက နေ့စဉ် ထပ်တက်လာတာကြောင့် သာမန်လူတွေအနေနဲ့ ဘယ်လိုမှ ပြန်ဆပ်လို့ မဖြစ်နိုင်ပါဘူး"

"ဒါတွေက ရှီရှန်ရွာရဲ့ ငွေတိုးချေးစားတဲ့ စာချုပ်တွေပါ။ စာချုပ်ထဲမှာတော့ တစ်နှစ်ကို ၃၅ ရာခိုင်နှုန်းအတိုးလို့ ရေးထားပေမဲ့ တကယ်တမ်း ငွေတောင်းခံတဲ့အခါမှာတော့ တခြားနည်းလမ်းတွေ သုံးပြီး ငွေညှစ်လေ့ရှိပါတယ်"

ဂူချန်သည် အထောက်အထားများကို တစ်ခုပြီးတစ်ခု တင်သွင်းလိုက်သည်။

ငွေတိုးချေးစားသည့် စာချုပ်များနှင့် ငွေလွှဲမှတ်တမ်းများမှာ တရားရုံးရှေ့မှောက်သို့ ရောက်ရှိလာသည်။

လျိုယာကျွင်းက မျက်လုံးများ တုန်ရီလျက် "တရားသူကြီးခင်ဗျား ကျွန်တော်တို့ရဲ့ လုပ်ငန်းတွေက တရားဝင် ငွေချေးလုပ်ငန်းတွေပါ။ ကုမ္ပဏီလည်း ရှိပါတယ်။ ဂူချန်က ကျွန်တော်တို့ကို ဂုဏ်သိက္ခာညှိုးနွမ်းအောင် လုပ်နေတာပါ" ဟု ငြင်းဆိုသည်။

ဂူချန်က "ဟုတ်ပါတယ် ခင်ဗျားမှာ တရားဝင်ကုမ္ပဏီလည်း ရှိတယ်။ ဒါပေမဲ့ ခင်ဗျားက ဝိုင်ချက်လုပ်ငန်းအတွက်ဆိုပြီး နောက်ထပ် ကုမ္ပဏီအတုတစ်ခု ထပ်ဖွင့်ထားသေးတယ်။ အဲဒီကုမ္ပဏီက ဝိုင်တစ်ပုလင်းကို လက်ကားဈေး ၁၀ ယွမ်နဲ့ ဝယ်ပြီး အတိုးပြန်ဆပ်ခိုင်းတဲ့အခါမှာတော့ အဲဒီဝိုင်ကို တစ်ပုလင်းကို သိန်းနဲ့ချီ၊ သန်းနဲ့ချီတဲ့ဈေးနဲ့ အတင်းအကျပ် ဝယ်ခိုင်းတာပါ။ ခင်ဗျားတို့က အတုအယောင်ကုမ္ပဏီကို သုံးပြီး ငွေညှစ်နေတာပါ။ ဝမ်ယုံချန်လည်း ဒီဒဏ်ကို ခံခဲ့ရသူပါပဲ။ သူတို့ ချေးယူခဲ့တာက ၃ သောင်းပဲ ရှိပေမဲ့ ပြန်ဆပ်ရမှာက ၁ သိန်းခွဲ ဖြစ်နေခဲ့တာပါ" ဟု အထောက်အထားအသစ်များဖြင့် ထောက်ပြလိုက်သည်။

ဂူချန်သည် အထောက်အထားသစ်များကို ဆက်လက် တင်သွင်းပြန်သည်။

"ဒီမှာ ကုမ္ပဏီအတုရဲ့ တရားဝင်ပိုင်ရှင်က လျိုယာကျွင်း ဖြစ်နေသလို ဝိုင်ဝယ်ယူတဲ့ လမ်းကြောင်းတွေနဲ့ ၁၀ ယွမ်တန် ဝိုင်အညံ့စားတွေရဲ့ စာရင်းဇယားတွေလည်း ပါပါတယ်"

"ကျွန်တော့်မှာ နောက်ထပ် သက်သေတစ်ယောက်လည်း ရှိပါသေးတယ်။ သူက ဝမ်ဂျွန်လုံပါ။ သူလည်း လျိုယာကျွင်းရဲ့ ငွေတိုးချေးစားတဲ့ လုပ်ငန်းကြောင့် မိသားစု ပျက်စီးခဲ့ရပြီး ကိုယ့်

ကိုကိုယ် အဆုံးစီရင်ဖို့အထိ ဖြစ်ခဲ့ရသူပါ။ ခင်ဗျားတို့က ဝမ်ဂျွန်လုံကို သေပြီလို့ ထင်ပြီး လွှတ်ထားခဲ့ပေမဲ့ သူက အံ့ဖွယ်ကောင်းလောက်အောင် အသက်ရှင်ကျန်ရစ်ခဲ့ပြီး ဒီနေ့ တရားရုံးကို ရောက်လာပါပြီ"

တိုက်ရိုက်ထုတ်လွှင့်မှုကို ကြည့်ရှုသူများမှာ အံ့အားသင့်သွားကြသည်။

ဂူချန်က သက်သေပါ ခေါ်လာခဲ့ခြင်းပင်။

သက်သေ ဝမ်ဂျွန်လုံ ရောက်လာသောအခါ တရားရုံးသို့ အထောက်အထားအားလုံးကို တင်ပြလိုက်သည်။

"တရားသူကြီးခင်ဗျား ကျွန်တော့်အဖြစ်က ဒီလိုပါ။ လျိုယာကျွင်းဆီက ငွေ ၂ သိန်း ချေးခဲ့တာ။ ၃ လအကြာမှာ ၁၅ သိန်း ပြန်တောင်းပါတယ်။ ကျွန်တော့်မိန်းမ အိမ်ကထွက်သွားတယ်။ အိမ်ပါ ပျက်စီးခဲ့ရတယ်။ ၉ သိန်းအထိ ပင်ပင်ပန်းပန်း ဆပ်ခဲ့ပေမဲ့ မနိုင်တော့တဲ့အခါ သူတို့ လူတွေလွှတ်ပြီး အတင်းအကျပ် ရိုက်နှက်ငွေတောင်းကြတယ်။ နောက်ဆုံးတော့ အဆောက်အအုံပေါ်ကနေ ခုန်ချပြီး အဆုံးစီရင်ဖို့ ကြိုးစားခဲ့ပါတယ်။ ကျွန်တော် မသေဘဲ ကျန်ခဲ့လိမ့်မယ်လို့ သူတို့ မထင်ထားခဲ့ကြဘူး..."

"ရှီရှန်ရွာမှာ လျိုယာကျွင်းတို့ မိသားစုက လူပေါင်းများစွာကို ဒီလိုနည်းနဲ့ ဖျက်ဆီးခဲ့တာပါ"