အခန်း ၁၉၂၇

အခန်း(၁၉၂၇) မီးနတ်ဘုရားခန္ဓာကိုယ်

သူသည် ပုဂ္ဂိုလ်ရေး နာကျည်းချက်ကြောင့် လီချန်းယွမ်ကို သတ်ပစ်ချင်နေခြင်း ဖြစ်သည်။ နှစ်ဖက်စလုံးမှာ ပြေလည်နိုင်ခြင်းမရှိသော ရန်သူများ ဖြစ်နေကြပြီဖြစ်၍ ချူးယွင်ဖန်းသာ မသေပါက လီချန်းယွမ် သေရမည်၊ သို့မဟုတ် လီချန်းယွမ် မသေလျှင် ချူးယွင်ဖန်းသာ သေရမည်ဖြစ်၏။

နှစ်ဖက်လုံးကြား၌ ကရုဏာထားရန် နေရာမရှိပေ။ ချူးယွင်ဖန်း၌ နှစ်ဖက်လုံးကို သက်ညှာပေးလိုစိတ်မရှိပေ။ ချူးယွင်ဖန်း၏ အကြီးမားဆုံးအားသာချက်ကားလ လီချန်းယွမ်က အလင်းထဲရှိနေ၍ သူကမူ အမှောင်ထဲတွင်ရှိနေခြင်းဖြစ်သည်။ သူသည် လီချန်းယွမ်၏ တည်ရှိမှုကိုသိသော်လည်း လီချန်းယွမ်ကမူ သူ အသက်ရှင်နေဆဲဖြစ်သည်ကို လုံးဝ မသိရှိပေ။

တစ်နည်းအားဖြင့် လီချန်းယွမ်ကလည်း ချူးယွင်ဖန်း အသက်ရှင်နေလိမ့်မည်ဟု မမျှော်လင့်ထားပေ။ ထိုကဲ့သို့သော ပညာရှင်ကြီး၏ တိုက်ခိုက်မှုကို ခံရပြီးနောက် ချူးယွင်ဖန်း အသက်ရှင် လွတ်မြောက်ခဲ့သည်။ ပါရမီရှင်စာရင်းပင်လျှင် ချူးယွင်ဖန်း၏ အချက်အလက်ကို ရှာမတွေ့နိုင်ပေ။ ချူးယွင်ဖန်းက သူ၏ အရှိန်အဝါကို ဖုံးကွယ်ရန် "တောင်မြစ်ပန်းချီကား"ကို တမင်တကာ အသုံးပြုထားသောကြောင့် ဖြစ်သည်။

အကယ်၍ လီချန်းယွမ်သာ ချူးယွင်ဖန်း အသက်ရှင်နေသေးကြောင်း သိရှိပါက သူ၏ထက်မြက်မှုဖြင့် ချူးယွင်ဖန်း အသက်ရှင်နေကြောင်း သိရှိပါက၊ သူ၏ ထက်မြက်မှုဖြင့် ချူးယွင်ဖန်းမှာ ဤသူဖြစ်ကြောင်း ခန့်မှန်းရန် မခက်ခဲပေ။ အနည်းဆုံးတော့ သူသည် ယခုကဲ့သို့ အမှောင်ထဲ ရောက်နေမည် မဟုတ်ပေ။

ဤသည်မှာ သူက အမှောင်ထဲတွင်ရှိပြီး လီချန်းယွမ်က အလင်းထဲတွင် ရှိနေခြင်းကြောင့် ဖြစ်သည်။ နောက်တစ်ကြိမ်တွင် သူသည် သူ၏ အထောက်အထားကို ပြောင်းလဲကာ လီချန်းယွမ်ကို တိုက်ရိုက် တိုက်ခိုက်နိုင်သည်။ လီချန်းယွမ်က မည်သူ့ကို လက်စားချေရမည်မှန်းပင် မသိသဖြင့် ချူးယွင်ဖန်းကို ပြန်လည်ခုခံရန် အစီအစဉ်များ ပြုလုပ်နိုင်လိမ့်မည် မဟုတ်ပေ။

ပင်လယ်မင်းသားနှင့်မတူဘဲ ပင်လယ်မျိုးနွယ်စုများသည် တရှနှင့် ရန်သူဖြစ်နေသည်မှာ ကြာပြီဖြစ်၏။ အစောပိုင်းနှစ်များအတွင်း တရှ၏ ရေတပ်၌ ယနေ့ခေတ်ကဲ့သို့ အင်အားမတောင့်တင်းခဲ့ပေ။

ရေနေမျိုးနွယ်စု အမြောက်အမြားသည် ကြမ်းကြုတ်သော သားရဲများကို စေခိုင်း၍ ကမ်းရိုးတန်းဒေသများကို ကျူးကျော်ခဲ့ကြပြီး၊ လူအမြောက်အမြားမှာ ပင်လယ်မျိုးနွယ်စုများ၏ လက်ချက်ဖြင့် သေဆုံးခဲ့ကြရသည်။

ဟူမျိုးနွယ်စုများ၊ လူရိုင်းများနှင့် မိစ္ဆာများနှင့် နှိုင်းယှဥ်လျှင် ပင်လယ်မျိုးနွယ်စုများသည် တရှနှင့် နက်ရှိုင်းသော သွေးကြွေးရှိသည်။ ပင်လယ်မျိုးနွယ်စု၏ အနာဂတ်မျှော်လင့်ချက်ဖြစ်သော ပင်လယ်မင်းသားကို သတ်ဖြတ်ခြင်းက တရှအတွက် အလွန်ကြီးမားသော အောင်မြင်မှုတစ်ခုဖြစ်ပေလိမ့်မည်။

ဤအချက်သည် ချူးယွင်ဖန်း မြို့ဝန်ဘွဲ့ရရာ၌ သံသယဖြစ်ဖွယ်မရှိဘဲ အထောက်အကူပြုမည် ဖြစ်သည်။ အကြောင်းမှာ သူ၏ အောင်မြင်မှုက လီချန်းယွမ် မြို့ဝန်ဘွဲ့စဥ်ကထက် များစွာသာလွန်နေသောကြောင့်ပင်ဖြစ်၏။ လီချန်းယွမ်က မျိုးဆက်သစ်လူငယ်များထဲ၌ ပထမဆုံးမြို့ဝန်ဘွဲ့ဖြစ်လာသူဖြစ်သော်လည်း သူတစ်ဦးတည်းတော့မဟုတ်ပေ။ ပါရမီရှင်စာရင်းဝင် ဤပါရမီရှင်များ၏ ခွန်အားအရ ၎င်းတို့သာ ဆန္ဒရှိပါက မြို့ဝန်ဘွဲ့ရရန်မှာ အချိန်ပိုင်းသာဖြစ်သည်။

"လီချန်းယွမ် …မင်းမှာရှိတာ ဒါအကုန်ပဲဆိုရင်တော့ ဒီနေ့ မင်းရဲ့သွေးမျိုးဆက်က ပြတ်တောက်တော့မှာပဲ”

ချူးယွင်ဖန်းက သူ၏သွေးများ ပွက်ပွက်ဆူလာသည့်အလား ခံစားလိုက်ရသည်။ နောက်ဆုံး၌ သူသည် ဤကဲ့သို့သော ရန်သူဟောင်းကို ဖယ်ရှားနိုင်တော့မည်ဖြစ်ကာ နောက်ဆုံး၌ သူသည် ဤကဲ့သို့သော ရန်သူဟောင်းကို ဖယ်ရှားနိုင်တော့မည် ဖြစ်သည်။ ချူးယွင်ဖန်းက ခင်ပွန်းရွေးချယ်ပွဲတွင် လီချန်းယွမ်ကို သတ်ရန် ရည်ရွယ်ထားသော်လည်း၊ ယခုကဲ့သို့ ကြိုတင်သတ်ပစ်နိုင်မည့် အခွင့်အရေးရလာသဖြင့် သူ တွန့်ဆုတ်နေမည် မဟုတ်ပေ။

"တောက် ငါ လုပ်နိုင်တာ ဒါအကုန်ပဲလို့ မင်း ထင်နေတာလား မင်း ငါ့ကို အထင်သေးလွန်းနေပြီ" လီချန်းယွမ်၏ မျက်နှာအမူအရာမှာ အလွန်ကြည့်ရဆိုးနေသည်။ ထို့နောက် သူ၏ ခန္ဓာကိုယ်မှ မီးတောက်များ ရုတ်တရက် ထွက်ပေါ်လာကာ တစ်ကိုယ်လုံးကို လွှမ်းခြုံသွားတော့သည်။

"ဒါဟာ ငါ့ရဲ့ စွမ်းအားအကုန်ပဲလို့ မင်းထင်နေလား။ ဒါကို ငါ ဘယ်သူ့ကိုမှ မပြဖူးသေးဘူး။ အခု ငါ ဘာကြောင့် ကမ္ဘာပေါ်မှာ နံပါတ်တစ် ဖြစ်နေရလဲဆိုတာ မင်းကို ပြရတာပေါ့" လီချန်းယွမ်က ရူးသွပ်စွာ ရယ်မောလိုက်သည်။

ခဏအတွင်းမှာပင် သူသည် ရှေးဟောင်း မီးနတ်ဘုရားတစ်ပါးကဲ့သို့ မီးတောက်များဖြင့် ပြည့်နှက်နေသော လူသားတစ်ဦးအဖြစ် ပြောင်းလဲသွားသည်။ သူသည် ခြေဆုံးခေါင်းဆုံး မီးတောက်ချပ်ဝတ်တန်ဆာကို ဝတ်ဆင်ထားပြီး ကြီးမားသော စွမ်းအင်အငွေ့အသက်များကို ထုတ်လွှတ်နေသည်။ ဤအခြေအနေသို့ ရောက်ရှိသွားပြီးနောက် လီချန်းယွမ်၏ ခွန်အားမှာ ရုတ်တရက် မြင့်တက်သွားခဲ့သည်။ ၎င်းမှာ ဖန်ဆင်းရှင်တတိယအဆင့် အထွတ်အထိပ်မှ စတုတ္ထအဆင့်သို့ တိုက်ရိုက်ခုန်တက်သွား၏။

ချူးယွင်ဖန်း ခံစားရသော ဖိအားမှာလည်း အဆပေါင်းများစွာ တိုးလာခဲ့သည်။

“မီးနတ်ဘုရားခန္ဓာကိုယ်” ချူးယွင်ဖန်းက လီချန်းယွမ်ကို ကြည့်၍ ဤအရာမှာ မည်သည့် နည်းစနစ်ရှိကြောင်း ချက်ချင်းသိလိုက်၏။

"မင်း ဒါကို သိလိမ့်မယ်လို့ ငါ မထင်ထားဘူး။ ဟုတ်တယ်... ဒါဟာ မီးဓာတ်ဆိုင်ရာ ခန္ဓာကိုယ် အမျိုးအစား ထောင်ပေါင်းများစွာထဲမှာ ဘုရင်ဖြစ်တဲ့ 'မီးနတ်ဘုရား ခန္ဓာကိုယ်' ပဲ" လီချန်းယွမ်က ဂုဏ်ယူစွာ ပြောလိုက်သည်။

"ငါ့မှာ ထူးခြားတဲ့ ခန္ဓာကိုယ်ရှိတယ်ဆိုတာ ငါ ဘယ်တုန်းကမှ မပြောခဲ့ဘူး။ ဘာလို့လဲဆိုတော့ ငါ့ရဲ့ သာမန်ခွန်အားနဲ့တင် သက်တူရွယ်တူ ရန်သူတိုင်းကို ချေမှုန်းဖို့ လုံလောက်နေလို့ပဲ။ ငါ မီးနတ်ဘုရား ခန္ဓာကိုယ်ကို သုံးဖို့ မလိုခဲ့ဘူး။ မီးနတ်ဘုရား ခန္ဓာကိုယ်ရဲ့ လက်အောက်မှာ သေရတာဟာ မင်းအတွက် အကြီးမားဆုံး ဂုဏ်ယူစရာပဲ။"

"မင်းမှာ မီးနတ်ဘုရား ခန္ဓာကိုယ် ရှိလိမ့်မယ်လို့ ငါ မထင်ထားဘူး။ မင်းရဲ့ ခန္ဓာကိုယ်က ထူးခြားတယ်ဆိုတဲ့ ကောလာဟလတွေ ထွက်နေတာ မဆန်းတော့ပါဘူး။ ဒါကို ဘယ်သူမှ မမြင်ဖူးခဲ့ကြတာလား၊ ဒါမှမဟုတ် မြင်ဖူးတဲ့သူတွေ အကုန် သေကုန်ကြတာလားတော့ မသိဘူး" ချူးယွင်ဖန်းက အေးစက်စွာ ပြောလိုက်သည်။

ချူးယွင်ဖန်းက လီချန်းယွမ်နှင့် ပတ်သက်သောအချက်အလက်များစွာကို စုဆောင်းထားခဲ့သည်။ အချို့သော အချက်အလက်များတွင် လီချန်းယွမ်၌ ထူးခြားသော ခန္ဓာကိုယ်တစ်ခု ရှိနိုင်ကြောင်း၊ ၎င်းမှာ ဘုရင်အဆင့် ခန္ဓာကိုယ်ပင် ဖြစ်နိုင်ကြောင်း ဖော်ပြထားသည်။

သို့သော် ဤသတင်းမှာ ဘယ်သောအခါမှ အတည်မပြုနိုင်ခဲ့ပေ။ အနည်းဆုံးအနေဖြင့် အသက်ရှင်နေသူ မည်သူမျှ ဤသတင်းကို ကိုယ်တိုင် အတည်မပြုပေးနိုင်ခဲ့ကြပေ။ ယခုမူ ကောလာဟလမှာ အမှန်ဖြစ်လာခဲ့ပြီ ဖြစ်သည်။ လီချန်းယွမ်တွင် ဘုရင်အဆင့် ခန္ဓာကိုယ် အမှန်တကယ် ရှိနေပြီး ၎င်းမှာ အကောင်းဆုံး ဘုရင်အဆင့် ခန္ဓာကိုယ်များထဲမှ တစ်ခုဖြစ်သော မီးနတ်ဘုရား ခန္ဓာကိုယ် ဖြစ်နေသည်။

မီးဓာတ်ဆိုင်ရာ ခန္ဓာကိုယ်များထဲတွင် မီးနတ်ဘုရား ခန္ဓာကိုယ်မှာ အကောင်းဆုံးများထဲမှ တစ်ခုဖြစ်သည်မှာ သံသယဖြစ်ဖွယ်မရှိပေ။

၎င်းကို "မီးတောက်များအား ထိန်းချုပ်သူ" ဟု လူသိများပြီး မီးတောက် အမျိုးအစားအားလုံးကို ထိန်းချုပ်နိုင်သည်။ ဤခန္ဓာကိုယ် ပိုင်ဆိုင်သူသည် မီးတောက်များကြားတွင် လမ်းလျှောက်နိုင်စွမ်း ရှိသည်။ အခြားသူများအတွက် အသက်အန္တရာယ်ရှိသော မီးတောက်မှာ မီးနတ်ဘုရား ခန္ဓာကိုယ် ပိုင်ဆိုင်သူအတွက်မူ အားဖြည့်ပေးသည့် အရာတစ်ခုသာ ဖြစ်သည်။ မီးဓာတ်ဆိုင်ရာ နတ်ဘုရားစွမ်းအားများနှင့် သိုင်းပညာများသည် သူ့အပေါ်တွင် အကျိုးသက်ရောက်မှု မရှိဟု ဆိုနိုင်သည်။ ကမ္ဘာပေါ်ရှိ ကျင့်ကြံသူ ထက်ဝက်ခန့်မှာ သူ၏ ဖိနှိပ်ခြင်းကို ခံရပေလိမ့်မည်။ အဘယ်ကြောင့်ဆိုသော် ကမ္ဘာပေါ်ရှိ ကျင့်ကြံသူ ထက်ဝက်ခန့်မှာ မီးဓာတ်ကို ကျင့်ကြံကြခြင်း သို့မဟုတ် မီးဓာတ်၏ အစိတ်အပိုင်းတစ်ခုကို ကျင့်ကြံကြခြင်းကြောင့် ဖြစ်သည်။

ဤသည်မှာ အလွန်တရာ ကြောက်မက်ဖွယ်ကောင်းလှသည်။

ချူးယွင်ဖန်းက ဤအချက်ကို ကောင်းကောင်းသိရခြင်းမှာ ဆေးဧကရာဇ်၏ မှတ်ဉာဏ်များထဲတွင် မီးနတ်ဘုရား ခန္ဓာကိုယ်အကြောင်း မှတ်တမ်းတင်ထားသောကြောင့် ဖြစ်သည်။ တစ်ခါက ဆေးဖော်စပ်ခြင်းပညာတွင် အလွန်အောင်မြင်ပြီး မီးနတ်ဘုရား ခန္ဓာကိုယ် ပိုင်ဆိုင်သော ပုဂ္ဂိုလ်တစ်ဦး ရှိခဲ့ဖူးသည်။ ထိုသူသည် ဆေးဧကရာဇ်ထက် အနည်းငယ်အားနည်းကာ ဆေးဧကရာဇ်ကဲ့သို့ အဆင့်အတန်းမျိးရခဲ့သော်လည်း သူသည်လည်း ဘုရင်အဆင့်၌ ရှိနေဆဲဖြစ်၏။

ဤခန္ဓာကိုယ်မှာ ဆေးဆရာတစ်ဦး ဖြစ်လာရန် အသင့်တော်ဆုံး ခန္ဓာကိုယ်များထဲမှ တစ်ခုဖြစ်သည်။ တိုက်ခိုက်ရေးစွမ်းရည်ပိုင်းတွင်လည်း အလွန်ပင် ရက်စက်ကြမ်းကြုတ်လှသည်။ ဤသည်မှာ လီချန်းယွမ်၏ တကယ့်ဝှက်ဖဲဖြစ်သော်လည်း သူ ဘယ်သောအခါမှ အသုံးမပြုခဲ့ပေ။ အားကောင်းသော ပညာရှင်ကြီးများကို သူ၏ အစောင့်အရှောက်များက ကိုင်တွယ်ဖြေရှင်းပေးခဲ့ပြီး၊ သက်တူရွယ်တူ ပညာရှင်များမှာမူ သူ၏ပြိုင်ဘက် မဟုတ်ခဲ့ကြပေ။ ထို့ကြောင့်ပင် ဤလျှို့ဝှက်ချက်မှာ ယခုမှ ထွက်ပေါ်လာခြင်း ဖြစ်သည်။

လီချန်းယွမ်က သူ၏ မီးနတ်ဘုရားခန္ဓာကိုယ်ကို ထုတ်ပြလိုက်သည်ကိုမြင်လိုက်ရသည့်အခါ ပင်လယ်မင်းသား၏ မျက်နှာအမူအရာပင် ပြောင်းလဲသွားသည်။ လီချန်းယွမ်က သူ၏ စွမ်းအားအပြည့်ကို အသုံးပြုနေပြီဖြစ်ကြောင်း သူ သိလိုက်သည်။

"ဒီလိုအခြေအနေမျိုး ဖြစ်လာမှတော့ ငါလည်း ထပ်ပြီး ဖုံးကွယ်မနေတော့ဘူး" ပင်လယ်မင်းသားက ပြုံးလိုက်သည်။ သူ၏ သွားများမှာ အလွန်တရာ ထက်မြက်နေပြီး အေးစက်သော အသွင်ရှိသည်။ ၎င်းတို့ထဲတွင် ရှင်းပြ၍မရသော တောက်ပမှုတစ်ခု ရှိနေသည်။

*ဘုန်း*

ကြောက်မက်ဖွယ်ကောင်းသော အရှိန်အဝါတစ်ခုက အရပ်မျက်နှာ အနှံ့အပြားသို့ ပြန့်နှံ့သွားသည်။ ၎င်းမှာ အခြားသူမဟုတ်ဘဲ ပင်လယ်မင်းသားပင် ဖြစ်သည်။ သူ၏ ခန္ဓာကိုယ်မှ ကြောက်မက်ဖွယ်ကောင်းသော ဖိအားလှိုင်းများ ထွက်ပေါ်လာပြီး သူ၏ ခွန်အားမှာလည်း အဆင့်ဆင့် မြင့်တက်လာခဲ့သည်။ သူသည် ဖန်ဆင်းရှင်အဆင့် တတိယအဆင့် အထွတ်အထိပ်သို့ ရောက်ရှိသွားကာ စတုတ္ထအဆင့်သို့ပင် ခြေတစ်လှမ်းရောက်နေပြီဖြစ်၏။

သူ၏ တစ်ကိုယ်လုံးမှာ အပြာရောင် ရေဓာတ် ဝိညာဉ်စွမ်းအင်များဖြင့် လွှမ်းခြုံနေကာ အပြာရောင် ချပ်ဝတ်တန်ဆာတစ်ခုနှင့် တူနေသည်။ ရုတ်တရက် ပြောင်းလဲသွားပြီးနောက် ပင်လယ်မင်းသား၏ ခွန်အားမှာလည်း အတိုင်းအတာတစ်ခုအထိ မြင့်တက်သွားခဲ့သည်။

--