အခန်း ၇၅၀

အခန်း (၇၅၀) - တာ့ယန် အင်မော်တယ် မင်းဆက်၊ အင်မော်တယ် တစ်သောင်း နန်းတော်၏ စွမ်းအား (အပိုင်း ၃)

အစည်းအဝေးသို့ ဗုဒ္ဓ ဂိုဏ်း မှ ဗာဂျရာ ဗုဒ္ဓ ကလေးငယ် တစ်ပါး ရောက်ရှိလာခဲ့သည်။

သူသည် အစည်းအဝေးသို့ တက်ရောက်လာသော ကိုးဝိညာဉ် တောင်တန်း မှ တာအိုသားတော် တစ်ဦးနှင့် ပဋိပက္ခ ဖြစ်ပွားခဲ့၏။ အသက်ရှူချိန် (၁၀) ကြိမ်မျှပင် မကြာလိုက်၊ ထို တာအိုသားတော်အား နေရာမှာပင် ဖိနှိပ် သတ်ဖြတ်ပစ်လိုက်သည်။

အင်မော်တယ် တစ်သောင်း နန်းတော် ရော.. တာ့ယန် မင်းဆက်မှ မည်သူမျှ သူ့အား တားဆီးရန် မကြိုးစားခဲ့ကြချေ။

ထို့နောက်... အဖွဲ့အစည်း အသီးသီးတို့သည် အသီးသီး ပြန်လည် ထွက်ခွာသွားကြတော့၏။

တာ့ချန် ကျင့်ကြံခြင်း ကမ္ဘာရှိ အင်အားစု အားလုံး၏ ခေါင်းပေါ်တွင် ဖိစီးနေသော အရိပ်မည်း တစ်ခု သဖွယ် ဖြစ်ပေါ်လာခဲ့တော့သည်။

အပြင်ဘက်တွင်မူ ကပ်ဘေးများ စတင် ပေါ်ပေါက်လာခဲ့ပြီ။

သို့သော် ယွဲ့ အင်မော်တယ် နန်းတော် အတွင်း၌မူ စုယွီ ၏ တာအို ရုပ်သေး မှာ တည်ငြိမ်စွာပင် ရှိနေသေး၏။

ထူးဆန်းသော အလင်းရောင်များ ထိန်ညီးနေသည့် တားမြစ်နယ်မြေ။

စုယွီ သည် ပင်လယ်လွှမ်းမိုး ရွှမ် လိပ်ကြီး အား စတုတ္ထ အဆင့် အလယ်အလတ် ကျင့်ကြံခြင်း အဆင့်အထိ တည်ငြိမ်သွားစေရန်နှင့် အဆင့်တက်ခြင်း၏ လက္ခဏာများ ငြိမ်သက်သွားစေရန် အတွက် အဆင့်မြင့် စတုတ္ထ အဆင့် ဝိညာဉ် အရည်များကို ထောင်နှင့် ချီ၍ ကျွေးမွေးခဲ့၏။ ထိုအခါမှသာ သူသည် စိတ်အေးလက်အေးဖြင့် အသက်ရှူနိုင်တော့သည်။

'ဒီကောင်... အစာတော့ တကယ် စားနိုင်တာပဲ'

စတုတ္ထ အဆင့် အလယ်အလတ် ကျင့်ကြံခြင်း အဆင့်သို့ အဆင့်တက်ပြီးနောက်တွင်ပင် ၎င်းသည် စုယွီ ထံမှ အဆင့်မြင့် စတုတ္ထ အဆင့် ဝိညာဉ် အရည်ပေါင်း (၁၀,၀၀၀) ကျော်ကို စားသုံးသွားခဲ့သည်။

သာမန် ကျင့်ကြံသူ တစ်ဦးသာဆိုပါက ၎င်းအား မွေးမြူရန် မည်သို့မျှ မတတ်နိုင်ဘဲ ကြာမြင့်စွာကတည်းက ဒေဝါလီ ခံသွားကြရပေလိမ့်မည်။

သို့သော် စုယွီ သည် ပင်လယ်လွှမ်းမိုး ရွှမ် လိပ်ကြီး အဆင့်တက်ပြီးနောက် ထွက်ပေါ်လာသော အရှိန်အဝါကို ခံစားလိုက်ရချိန်တွင် သူ၏ မျက်နှာထားမှာ တည်ငြိမ်သွားပြီး တိုးတိုးလေး ရေရွတ်လိုက်၏။ “ရှေးဟောင်း ဝိညာဉ် သားရဲတွေရဲ့ မျိုးနွယ်စစ်စစ် ဆိုတာ တကယ်ပဲ မယုံနိုင်စရာပဲ”

“ဒီ အရှိန်အဝါက... မူလဝိညာဉ် နောက်ပိုင်းအဆင့် ကျင့်ကြံသူ တစ်ဦးနဲ့တောင်မှ ယှဉ်နိုင်လောက်တယ်”

သူသည် စတုတ္ထ အဆင့် အလယ်အလတ် ပင်လယ်လွှမ်းမိုး ရွှမ် လိပ်ကြီး ၏ ခုခံ ကာကွယ်နိုင်စွမ်းကို ကိုယ်တိုင် စမ်းသပ်ကြည့်လိုက်၏။

သူ၏ တာအို ရုပ်သေး ခန္ဓာကိုယ်၏ စွမ်းအားမှာ မူလဝိညာဉ် အလွှာ (၆) နှင့် ယှဉ်နိုင်သော်လည်း အဆင့်နိမ့် ရတနာ တစ်ခုကို အသုံးပြု၍ပင် ထိုလိပ်၏ အခွံပေါ်တွင် အနည်းငယ်မျှသော အမှတ်အသားကိုပင် ချန်မထားနိုင်ခဲ့ချေ။

ဤ ပင်လယ်လွှမ်းမိုး ရွှမ် လိပ်ကြီး ၏ ခုခံ ကာကွယ်နိုင်စွမ်းမှာ အမှန်တကယ်ပင် အံ့ဩဖွယ်ရာ ကောင်းလှပေသည်။

ထို့နောက် သူသည် အခြား သားရဲ နှစ်ကောင်ကို စစ်ဆေးလိုက်၏။ ထိုက်ရွှီ သည်လည်း စတုတ္ထ အဆင့် အလယ်အလတ် အဆင့်သို့ ရောက်ရှိသွားပြီး မူလဝိညာဉ် နယ်ပယ်၏ စတုတ္ထ အလွှာ နှင့် ယှဉ်နိုင်လေပြီ။ သူ၏ အမွှေးများမှာ ပြောင်းလဲသွားပြီး ခရမ်းရောင် ရွှေရောင် တောက်ပကာ အလွန် ခန့်ညားသော အသွင် ဆောင်နေ၏။

ကောင်းကင် မိုးကြိုး ကြွက် နှင့် ပတ်သက်၍ ဆိုရပါက... ၎င်းမှာ စတုတ္ထ အဆင့် အဆင့်နိမ့် အဆင့်သို့ ပထမဆုံး အကြိမ် ရောက်ရှိသွားသူ ဖြစ်၏။

သို့သော် ယခုအချိန်၌ ကောင်းကင် မိုးကြိုး ကြွက်ဘုရင်မှာ မူလဝိညာဉ် နယ်ပယ်၏ တတိယ အလွှာ နှင့် ယှဉ်နိုင်သည့် အဆင့်မျှသာ ရှိသေး၏။

အလားအလာ အရ ဆိုပါက စတုတ္ထ အဆင့် မိစ္ဆာ သားရဲ တစ်ကောင်မှာ ကောင်းကင် မိုးကြိုး ကြွက်ဘုရင် ၏ အမြင့်ဆုံး အဆင့် ဖြစ်ကောင်း ဖြစ်နိုင်ပေမည်။

အချိန်များမှာ လျင်မြန်စွာ ကုန်လွန်သွားခဲ့၏။

*

နောက်ထပ် (၆) နှစ် ကြာမြင့်သွားခဲ့ချေပြီ။

"ဟူး"

ယွင်ရှောင် ဆေးလုံးစံအိမ်၏ မြို့တော်ဟောင်း အတွင်းရှိ သိုင်းကျမ်း တစ်သောင်း မျှော်စင် အတွင်း၌ စုယွီ သည် ရှေးဟောင်း သိုင်းကျမ်းများပုံ အကြားတွင် တင်ပျဉ်ခွေ ထိုင်နေ၏။ သူ၏ ဆံပင် နှင့် အရေပြားများမှာ တောက်ပသော အင်မော်တယ် အလင်းရောင်များဖြင့် ဖုံးလွှမ်းနေ၏။ သူ၏ ခန္ဓာကိုယ်ပတ်လည်တွင် မင်္ဂလာ တိမ်တိုက်များနှင့် မြူခိုးများ လွင့်ပျံနေပြီး သူ၏ ခံတွင်း နှင့် နှာခေါင်းမှ ထွက်ပေါ်လာသော အသက်ရှူသံများမှာ မည်သူမျှ မသိနိုင်လောက်သော ရနံ့များ ထွက်ပေါ်နေကာ သူ၏ ရုပ်ခန္ဓာမှာပင် အသက်ရှည်စေသော ရတနာ တစ်ခု ဖြစ်နေသည့်နှယ်ပင်။

ဤအချိန်၌ စုယွီ ၏ ခန္ဓာကိုယ် အတွင်းရှိ ဝိညာဉ် အရည်များ၏ ကြီးမားလှသော စွမ်းအားများမှာ သူ၏ အင်္ဂါအစိတ်အပိုင်း (၄) ခု နှင့် အရိုးများ အတွင်းသို့ စီးဝင်သွား၏။ သူသည် 'ကောင်းကင်အင်မော်တယ် ခန္ဓာ သန့်စင် ကျင့်စဉ်' ကို ကျင့်ကြံနေစဉ် သူ၏ သန့်စင်ထားသော ဝိညာဉ် အရည် အနှစ်သာရများမှာ 'ကောင်းကင်အင်မော်တယ် ခန္ဓာ သန့်စင် ကျင့်စဉ်' ၏ အမှတ်အသား တစ်ခု အဖြစ် သူ၏ ခန္ဓာကိုယ် အတွင်းသို့ နက်ရှိုင်းစွာ အမှတ်အသား ပြုလုပ်သွားလေ၏။

ဤအချိန်၌ စုယွီ ၏ ခန္ဓာကိုယ် အတွင်းရှိ သွေး နှင့် အရိုးများ အတွင်း၌ ကောင်းကင်အင်မော်တယ် ခန္ဓာ သန့်စင် ကျင့်စဉ်၏ အမှတ်အသားများ ပေါ်ထွက်လာပြီး ဆက်တိုက်ဆိုသလိုပင် စီးဆင်းနေ၏။

၎င်းမှာ ရှေးဟောင်း အင်မော်တယ် တစ်ပါးသည် သူ၏ ခန္ဓာကိုယ် အတွင်း၌ ကိန်းဝပ်နေသည့်နှယ်ပင်။

အင်မော်တယ် အလင်းရောင် မှုန်ဝါးဝါး တစ်ခုမှာ သူ့ပတ်ပတ်လည်မှာ ရစ်သိုင်းလာပြီး အိပ်မက်ဆန်သော ထင်ယောင်ထင်မှား အသွင်ကို ဖန်တီးပေးနေ၏။

ကြီးမားကျယ်ပြန့်လှသော အင်မော်တယ် အရှိန်အဝါ တစ်ခုမှာ သူ၏ ခန္ဓာကိုယ်မှ အရပ် (၄) မျက်နှာသို့ ရိုက်ခတ်သွားသည်။

ခန့်မှန်းခြေ (၃၀) မိနစ် ခန့် ကြာမြင့်ပြီးနောက် သူ၏ ခန္ဓာကိုယ်ပေါ်ရှိ အလင်းရောင်များမှာ ဝေဝါးနေပြီးနောက် မူလအတိုင်း ပြန်လည် တည်ငြိမ်သွားလေ၏။ သို့သော် ထို အလင်းတန်းများမှာ တိမ်ဝင်မသွားဘဲ စိတ်ကူးယဉ် အိမ်မက် တစ်ခုကဲ့သို့ပင် ဖြစ်နေချေသည်။

သို့သော် စုယွီ သည် သက်ပြင်းရှည် တစ်ချက်ကို ချလိုက်ပြီး မျက်လုံးကို ဖွင့်လိုက်၏။ သူ၏ မျက်နှာပေါ်တွင် ပြုံးယောင်သမ်းနေ၏။

“အောင်မြင်သွားပြီ”

စုယွီ သည် တိုးတိုးလေး ရေရွတ်လိုက်၏။

'ကောင်းကင်အင်မော်တယ် ခန္ဓာ သန့်စင် ကျင့်စဉ်' ၏ ကျွမ်းကျင်မှု မှာ တစ်ဖန် ပြန်လည် အဆင့် တက်သွားခဲ့ပြီး မူလဝိညာဉ် နယ်ပယ်၏ အလွှာ (၈) နှင့် ယှဉ်နိုင်သည့် အဆင့်သို့ ရောက်ရှိသွားခဲ့ပြီ ဖြစ်၏။

သူသည် အခြား ကျင့်စဉ်များကို ပြန်လည် စစ်ဆေးကြည့်လိုက်ပါတော့သည်။

[ကျင့်စဉ်: ကောင်းကင်အင်မော်တယ် ခန္ဓာ သန့်စင် ကျင့်စဉ် (စတုတ္ထ အဆင့်၊ ကျွမ်းကျင်မှု ၈၀.၁၁%)၊ အထက်ဘုံ သန့်စင်သော မူလတာအို နိယာမ (စတုတ္ထ အဆင့်၊ ကျွမ်းကျင်မှု ၅၆.၇၁%)၊ ရွှေပုစဉ်းရင်ကွဲ ကျင့်စဉ် (စတုတ္ထ အဆင့်၊ ကျွမ်းကျင်မှု ၇၂.၈၆%)။]