အခန်း ၁၅၀

အခန်း (၁၅၀) ယုံကြည်မှုလွန်ကဲသော အမျိုးသမီး၊ တစ်ယောက်ကို လေးယောက် ရင်ဆိုင်ခြင်း

'ဘုန်း!'

ကြောက်မက်ဖွယ်ကောင်းသော အငွေ့အသက်တစ်ခု ကျဆင်းလာခဲ့သည်။

အလွန် ညှို့ငင်ဖမ်းစားနိုင်သော မျက်နှာရှိသည့် အမျိုးသမီးတစ်ဦးဖြစ်ပြီး သူမ၏ မျက်မှောင်ကြုတ်မှုနှင့် အပြုံးတိုင်းက ဝိညာဉ်ကို ဖမ်းစားနိုင်လေသည်။

သူမက ရင်သားအဟိုက်ပေါ်လွင်သော အဝတ်အစားပါးပါးလေးကို ဝတ်ဆင်ထားပြီး ဖြူဖွေးပြီး ရှည်လျားသော ခြေတံနှစ်ဖက်လည်း ရှိပေ၏။

"ငါ ဟွင်ယွဲ့က ဒီနေရာဟာ ထောင်ချောက်တစ်ခုဆိုတာ သိနေရက်နဲ့ ဘာလို့ လာခဲ့လဲဆိုတာ မင်း သိလား"

စကားပြောနေစဉ် သူမက သူမ၏ ရှည်လျားလှပသော ခြေတံများဖြင့် ခြေလှမ်းကျဲကြီးများ လှမ်းလာပြီး ရှေ့သို့ နှစ်လှမ်းတိုးကာ ချင်လော့၏ မျက်နှာချင်းဆိုင်တွင် ရပ်လိုက်ရာ ချင်လော့ကို လျှို့ဝှက်ဆန်းကြယ်သော နေရာတစ်ခုအား ဝေဝါးစွာ မြင်တွေ့ခွင့်ပင် ပေးလိုက်လေသည်။

ချင်လော့က လှောင်ပြောင်လိုက်၏။

"မိန်းမတွေ... ကိုယ့်ကိုယ်ကိုယ် ယုံကြည်မှု လွန်ကဲနေတာက ကောင်းတဲ့အရာ မဟုတ်ဘူး... မင်းက တိုက်ခိုက်ရေးမှာ အရမ်း အစွမ်းထက်ပြီး တစ်ပြိုင်တည်း နှစ်ယောက်ကို ရင်ဆိုင်နိုင်ရင်တောင်မှ မင်းက သုံးယောက်၊ ဒါမှမဟုတ် လေးယောက်ကို ရင်ဆိုင်နိုင်ပါ့မလား... မင်း အဲဒါကို ကိုင်တွယ်နိုင်ပါ့မလား”

"ဟားဟားဟား"

အမျိုးသမီးက ပြင်းပြင်းထန်ထန် ရယ်မောလိုက်ရာ သူမ၏ ရင်သားများက တောင်တန်းတစ်ခုလို နိမ့်ချည်မြင့်ချည် ဖြစ်သွားခဲ့သည်။

"နဝမမင်းသား... အရှင်မင်းသားက အရမ်း ဆိုးတာပဲ... ကျွန်မ အရှင်မင်းသားကို တကယ် သဘောကျသွားပြီ"

"အရှင်မင်းသားက မဟာချင်အင်ပါယာရဲ့ မင်းသားတစ်ပါးအဖြစ်ကနေ ရပ်တန့်လိုက်ပြီး ကျွန်မရဲ့ ယောက်ျား လုပ်ရင်ကော ဘယ်လိုလဲ... အရှင်မင်းသားကို ကျွန်မ သေချာ ဂရုစိုက်ပေးပါ့မယ်... အရှင်မင်းသားကို ကောင်းကင်ဘုံကို ရောက်နေသလို ခံစားရအောင် လုပ်ပေးပါ့မယ်"

"ဟဲဟဲ"

ချင်လော့က လှောင်ပြောင်လိုက်ပြီး သူ၏ မျက်လုံးများတွင် အထင်သေးမှု အရိပ်အယောင်တစ်ခု ပေါ်လာခဲ့၏။

"မင်းလို လူတွေက ညစ်ပတ်ရုံတင် မကဘူး... အဲဒီထဲမှာ လူတစ်ယောက်ယောက် သေသွားမှာကိုတောင် ငါ ကြောက်တယ်"

တစ်ခဏအတွင်း ဟွင်ယွဲ့၏ မျက်နှာက မည်းမှောင်သွားပြီး အေးစက်ကာ ရက်စက်သော အငွေ့အသက်တစ်ခုက သူမထံမှ ထွက်ပေါ်လာပြီး ချင်လော့ဆီသို့ တိုက်ခတ်သွားခဲ့လေသည်။

‘ဘန်း!’ စုချန်ချန်က ချင်လော့၏ရှေ့တွင် ပေါ်လာပြီး တူဖြင့် ပြင်းထန်စွာ ရိုက်ချလိုက်၏။

'ဘုန်း!' ထိုအငွေ့အသက်က ချက်ချင်း ပျောက်ကွယ်သွားခဲ့ပေသည်။

"ချင်လော့... မင်းရဲ့ဘေးမှာ မဟာသူတော်စင် နှစ်ပါး ရှိနေတာကို ငါ မသိဘူးလို့ မင်း တကယ်ပဲ ထင်နေတာလား"

"အခု ရုပ်တစ်သောင်းမြင့်မြတ်နယ်မြေကို မင်း ဖျက်ဆီးလိုက်ပြီလို့ ငါ ခန့်မှန်းရတယ်... ဟုတ်တယ်မလား"

ချင်လော့က သဘောတူခြင်း သို့မဟုတ် ငြင်းဆိုခြင်း မပြုခဲ့ချေ။

ဟွင်ယွဲ့ မရောက်လာမီကတည်းက သူမသည် ရုပ်တစ်သောင်းမြင့်မြတ်နယ်မြေသို့ ရောက်ရှိသွားခဲ့လောက်ပြီဆိုတာကို သူ သိရှိထားလေသည်။

"အသုံးမကျတဲ့ အရူးတစ်စုက အသေးအဖွဲ ကိစ္စလေးကိုတောင် မကိုင်တွယ်နိုင်ဘဲနဲ့ ကောင်းကင်တာအိုမဟာမိတ်အဖွဲ့အတွင်းမှာ လွှမ်းမိုးမှု ပိုရဖို့ ကြိုးစားရဲသေးတယ်... ဟားဟား"

ဟွင်ယွဲ့၏ စကားများတွင် လှောင်ပြောင်မှု အရိပ်အယောင်တစ်ခု ပါဝင်နေခဲ့၏။

နောက်ဆုံးတွင် ကောင်းကင်တာအိုမဟာမိတ်အဖွဲ့ဆိုသည်မှာ မဟာမိတ်အဖွဲ့အစည်းတစ်ခုသာ ဖြစ်ပြီး အတွင်းပိုင်း အကြံအစည်များမှာ ရှောင်လွှဲ၍မရနိုင်ချေ။

သူမက ရုပ်တစ်သောင်းမြင့်မြတ်နယ်မြေကို အသုံးပြု၍ စွမ်းအားမည်မျှ ဖုံးကွယ်ထားသည်ကို ကြည့်ချင်ခဲ့သော်လည်း မမျှော်လင့်ဘဲ ရုပ်တစ်သောင်းမြင့်မြတ်နယ်မြေက ချက်ချင်း ဒူးထောက်သွားခဲ့လေသည်။

ဤသည်က ဝိညာဉ်ခန်းမမှ ထောက်လှမ်းရေး အချက်အလက်ကို အတည်ပြုပေးလိုက်၏။

စုချန်ချန်နှင့် ယဲ့လန် နှစ်ဦးစလုံးမှာ ထိုက်ရွှီမြင့်မြတ်နယ်မြေအတွင်း ပုန်းအောင်းနေခဲ့ကြပြီး ရုပ်တစ်သောင်းမြင့်မြတ်နယ်မြေတွင် မဟာသူတော်စင်အဆင့် တစ်ဦးသာ ရှိလေသည်။

"အိုး... ရုပ်တစ်သောင်းမြင့်မြတ်နယ်မြေ ပျက်စီးသွားပြီဆိုတာ သိနေရက်နဲ့ မင်းက ပေါ်လာရဲသေးတယ်ပေါ့... မိန်းမ... မင်းကိုယ်မင်း ယုံကြည်မှု လွန်ကဲနေတာလား... ဒါမှမဟုတ် ရင်သားသာ ကြီးပြီး ဦးနှောက်မရှိတာလား"

ချင်လော့က သူမကို လှောင်ပြောင်စွာ ကြည့်ရင်း ပြောဆိုလိုက်သည်။

ဟွင်ယွဲ့က ပြုံးလိုက်၏။

"နဝမမင်းသား... ကျွန်မက လာရဲမှတော့ ထွက်သွားဖို့ ယုံကြည်မှု ရှိတယ်ဆိုတာကို သက်သေပြနေတာပဲ"

"ရှင့်အဘိုးနဲ့ နောင်တဓားချောက်ကမ်းပါးက အဲဒီအမျိုးသမီးက ဒီမှာ ရှိနေရုံနဲ့ ကျွန်မကို ဖမ်းထားနိုင်မယ်လို့ ရှင် တကယ်ပဲ ထင်နေတာလား"

"သူတို့က ရုပ်တစ်သောင်းမြင့်မြတ်နယ်မြေကို ဖျက်ဆီးနိုင်ကောင်း ဖျက်ဆီးနိုင်လိမ့်မယ်... ဒါပေမဲ့ သူတို့ ကျွန်မကို ဖမ်းထားနိုင်မှာ မဟုတ်ဘူး"

ဟွင်ယွဲ့က ယုံကြည်မှုအပြည့်ဖြင့် ပြောဆိုလိုက်ပေသည်။

"ဒီတစ်ကြိမ် ကျွန်မ ဒီကို ရောက်လာတာက ရှင်နဲ့ သဘောတူညီချက် တစ်ခု လုပ်ဖို့ပါပဲ"

"သဘောတူညီချက် ဟုတ်လား... ပြောကြည့်ပါဦး"

ချင်လော့က ထိုအမျိုးသမီးကို ပေါ့ပေါ့ပါးပါး ကြည့်လိုက်ပြီး သူ၏ မျက်လုံးများတွင် လှောင်ပြောင်မှု အရိပ်အယောင်တစ်ခု ရှိနေခဲ့၏။

ဤအမျိုးသမီးက ကျွမ်းကျင်ပြီး ရဲတင်းသည်ဟု ဆိုရမည် ဖြစ်သော်လည်း သူမ၏ ယုံကြည်မှုက အလွန်အမင်း လွန်ကဲနေပေသည်။

"ရှင့်ကို သတင်းအချက်အလက်တချို့ ကျွန်မ ပေးနိုင်တယ်... လူတစ်ယောက်က ရှင့်ကို သတ်ချင်နေတယ်... ပြီးတော့ အဲဒီလူက နက်နက်ရှိုင်းရှိုင်း ပုန်းကွယ်နေတယ်... သူက ချန်ဖိန်မင်းသားရဲ့ လူတွေထဲက တစ်ယောက်ပဲ"

ဟွင်ယွဲ့ ပေးအပ်သော သတင်းအချက်အလက်ကို ချင်လော့ အနည်းငယ် စိတ်ဝင်စားသွားခဲ့လေသည်။

ရက်တစ်ထောင် သူခိုးလုပ်သူက ရက်တစ်ထောင် သူခိုးကို ဘယ်လို ကာကွယ်ရမလဲဆိုတာ မသိနိုင်ချေ။

"အိုး... ကြည့်ရတာ ချန်ဖိန်မင်းသားက သူ့ဘာသာ သေလမ်းရှာဖို့ နည်းလမ်း ရှိနေပြီ ထင်တယ်"

ချင်လော့က တည်ငြိမ်စွာ ပြောဆိုလိုက်၏။

"ဟီးဟီးဟီး"

ဟွင်ယွဲ့က ရယ်မောလိုက်သည်။

"ကျွန်မ ထင်တဲ့အတိုင်းပဲ... ကျွန်မ ခန့်မှန်းတာ မှန်တယ်... ရှင်က ရန်ငြိုးတွေအတွက် အမြဲတမ်း ကလဲ့စားချေတတ်တဲ့သူပဲ"

"တကယ်လို့ ရှင်က ချန်ဖိန်မင်းသားကို တိုက်ခိုက်မယ်ဆိုရင် ကျွန်မ ရှင့်ကို ကူညီပေးနိုင်တယ်"

ဟွင်ယွဲ့က ချင်လော့ကို ဆွဲဆောင်မှုရှိစွာ မျက်စပစ်ပြလိုက်၏။

ဤအမျိုးသမီးက တကယ့်ကို ညှို့ငင်ဖမ်းစားနိုင်သော အမျိုးသမီးတစ်ဦး ဖြစ်ကြောင်း သူ ဝန်ခံရမည်ပင်။

"အစ်မကြီး... မင်းက ဝိညာဉ်ခန်းမကလေ... ငါတို့က ရန်သူတွေ... ငါ့ကို ကူညီမယ် ဟုတ်လား... ရန်သူနဲ့ ပူးပေါင်းကြံစည်တယ်ဆိုတဲ့ စွပ်စွဲချက်ကို ငါ့ကို ခံခိုင်းချင်တာလား... ဒါမှမဟုတ် မင်းက အလင်းရောင်ဆီ ကူးပြောင်းချင်တာလား"

ဟွင်ယွဲ့က ပြုံးလိုက်သည်။

"နှစ်ခုလုံး မဟုတ်ပါဘူး... ကျွန်မတို့ ဝိညာဉ်ခန်းမက ရှင်နဲ့ ပူးပေါင်းချင်ရုံ သက်သက်ပါ... ဘာပဲဖြစ်ဖြစ် ရန်သူရဲ့ ရန်သူက မိတ်ဆွေပဲ မဟုတ်ဘူးလား"

ချင်လော့ မမေးမြန်းမီမှာပင် ဟွင်ယွဲ့က ပြောဆိုလိုက်၏။

"ရှင့်ရဲ့ အစ်ကို ချင်ဖန်က ရှင့်ကို သတ်ချင်နေတယ်... ပြီးတော့ သူ့အနောက်မှာ ကြောက်စရာကောင်းတဲ့ အင်အားစုတစ်ခု ရှိတယ်... သူက ကောင်းကင်ကိုဆန့်ကျင်နိုင်တဲ့ လက်နက်တစ်ခုကို ရရှိထားတယ်... မဟာသူတော်စင်အဆင့် တန်ခိုးကြီးပုဂ္ဂိုလ် နှစ်ယောက်ရဲ့ ကာကွယ်မှု ရှိရင်တောင်မှ ရှင့်အနေနဲ့ သူ့ရဲ့ အကြံအစည်တွေကနေ လွတ်မြောက်နိုင်မှာ မဟုတ်ဘူး"

"အိုး... မင်းတို့ ဝိညာဉ်ခန်းမက သူနဲ့လည်း ရန်သူတွေလား"

ချင်ဖန်က သူ၏ ရန်သူဖြစ်သည်မှာ သံသယဖြစ်ဖွယ် မရှိချေ။

အင်ပါယာမြို့တော်တွင် ချင်လော့ကို တရားစီရင်စဉ်က ချင်ဖန်သည် သူ့ကို သတ်ရန် ရည်ရွယ်ချက် ရှိခဲ့ပြီး လူအများအပြားလည်း မြင်တွေ့ခဲ့ကြပေသည်။

ချင်လော့ကို လုပ်ကြံရန်အတွက် ချင်ဖန်က လူများကို အကြိမ်ကြိမ် စေလွှတ်ခဲ့ပြီး သူတို့နှစ်ဦးမှာ မတူညီသော ရပ်တည်ချက်များ ရှိနေသဖြင့် နိဂုံးတစ်ခုတည်းသာ ရှိလေသည်။

သေသည်အထိ တိုက်ပွဲဝင်ရန်ပင်။

"ဟုတ်တယ်... ရန်သူပဲ"

ဟွင်ယွဲ့၏ မျက်လုံးများတွင် သတ်ဖြတ်လိုသော ရည်ရွယ်ချက် တစ်ချက် လင်းလက်သွားခဲ့၏။

"ငါတို့ ကောင်းကင်တာအိုမဟာမိတ်အဖွဲ့က အခုလို ခံစစ်အနေအထား ရောက်နေရတဲ့ အကြောင်းရင်းက ချင်ဖန်နဲ့ နီးနီးကပ်ကပ် ဆက်စပ်နေတယ်... ပြီးတော့ ငါ့ရဲ့ ဝိညာဉ်ခန်းမက လူအများအပြား သူ့လက်ချက်နဲ့ သေဆုံးခဲ့ရတယ်... သူက ငါတို့ ဝိညာဉ်ခန်းမရဲ့ လူသတ်သမားပဲ"

"နဝမမင်းသား... ကျွန်မကို ယုံပါ... မဟာချင်အင်ပါယာမှာ ရာဇပလ္လင်ဆီသွားမယ့် လမ်းပေါ်က ရှင့်ရဲ့ အကြီးမားဆုံး ရန်သူက ချင်ဖန်ပဲ"

"ရှင့်ရဲ့ စတုတ္ထအစ်ကိုက သူ့လက်ချက်နဲ့ သေသွားတာ ဖြစ်နိုင်တယ်... ဒီလူက ကြမ်းတမ်းပြီး သနားညှာတာမှု ကင်းမဲ့တယ်... မိသားစု သံယောဇဉ်ကို ဂရုမစိုက်ဘူး... ရှင်က တောင်တန်းတစ်သောင်းနယ်မြေကို ရောက်လာခဲ့ပြီဖြစ်ပြီး ချင်ရှောင်က ရှင့်ကို အရမ်း တန်ဖိုးထားနေတော့ ရှင်က သူ့လမ်းကို ပိတ်ဆို့နေတာပေါ့"

"ဒါကြောင့် မကြာခင် သူက ရှင့်ကို တိုက်ခိုက်လာလိမ့်မယ်"

"ချင်ဖန်ကို အတူတူ သတ်ဖို့ ကျွန်မတို့ ဝိညာဉ်ခန်းမနဲ့ ပူးပေါင်းရင်ကော ဘယ်လိုလဲ"

ဟွင်ယွဲ့၏ အဆိုပြုချက်က အလွန် ဆွဲဆောင်မှု ရှိလှသော်လည်း သေချာပေါက် စနစ် မရှိသော ချင်လော့အတွက်သာ ဖြစ်နိုင်ပေသည်။

ချင်လော့က သူမကို ကြည့်ကာ ပြုံးရင်း ပြောဆိုလိုက်၏။

"မင်းကိုလည်း ငါ အကြံပြုချက်တစ်ခု ပေးရင်ကော ဘယ်လိုလဲ"

"အိုး... ပြောကြည့်ပါဦး"

ဟွင်ယွဲ့က မျက်ခုံးပင့်လိုက်သည်။

"အဲဒါက မြေပြင်ပေါ်မှာ ဒူးထောက်ပြီး ငါ့ကို လက်အောက်ခံကြောင်း ကြေညာလိုက်... မင်းကို အသက်ရှင်ဖို့ အခွင့်အရေးတစ်ခု ငါ ပေးရင်ကော ဘယ်လိုလဲ"

"သေချာတာပေါ့... မင်းမှာ ဒီအခွင့်အရေး တစ်ခုတည်းပဲ ရှိတယ်... တကယ်လို့ မင်းက ထက်မြက်တဲ့ အမျိုးသမီးတစ်ယောက်ဆိုရင် အခု မင်းရဲ့ ရွေးချယ်မှုက ဒူးထောက်ပြီး 'အောင်နိုင်သူ' ဆိုတဲ့ သီချင်းကို ဆိုဖို့ပဲ ဖြစ်သင့်တယ်"

ဟွင်ယွဲ့၏ မျက်နှာမှာ ချက်ချင်း မည်းမှောင်သွားပြီး ချင်လော့အပေါ် ထားရှိသော သူမ၏ အကြည့်မှာ ရေခဲတမျှ အေးစက်နေခဲ့လေသည်။

သူမက ချင်လော့နှင့် ပူးပေါင်းရန် ညှိနှိုင်းနေသော်လည်း ချင်လော့က သူမကို လှောင်ပြောင်နေခဲ့ခြင်းပင်။

"ချင်လော့... နောင်တဓားချောက်ကမ်းပါးက အဲဒီအမျိုးသမီးနဲ့ ရှင့်အဘိုးက ကျွန်မကို ဒီမှာ ဖမ်းထားနိုင်မယ်လို့ ရှင် တကယ်ပဲ ထင်နေတာလား"

"ဒါက ကြီးမားတဲ့ ဟာသတစ်ခုပဲ... ရှင်ရဲ့ စကားအတွက် နောင်တရလိမ့်မယ်... တကယ်လို့ ရှင် ကျွန်မလက်ထဲ ကျလာခဲ့ရင် ကျွန်မ ဘာသနားညှာတာမှုမှ ပြမှာ မဟုတ်‌တော့ဘူး"

"ရှင်က လောက်တောင် မိုက်မဲနေမှတော့ ချင်လော့... ကျွန်မတို့ ဆက်ပြောစရာ မလိုတော့ဘူး... မှတ်ထားပါ... နောက်တစ်ခါ ကျွန်မတို့ တွေ့တဲ့အခါ ရှင်က ကျွန်မရဲ့ လက်ထဲမှာ ရှိနေရမယ်"

စကားပြောရင်း ဟွင်ယွဲ့က ထွက်သွားရန် ပြင်လိုက်၏။

ယဲ့လန်က ဆက်လက် မပုန်းကွယ်နေတော့ဘဲ အမှောင်ထဲမှ ထွက်လာကာ ဓားကို ကိုင်ဆောင်လျက် ဟွင်ယွဲ့ကို တားဆီးရန် ကြိုးစားလိုက်လေသည်။

"ဟဲဟဲ"

ဟွင်ယွဲ့က လှောင်ပြောင်လိုက်ပြီး သူမ၏ အငွေ့အသက်က ပေါက်ကွဲထွက်လာရာ ယဲ့လန်ထက် အနည်းငယ်မျှ မလျော့နည်းချေ။

"ကျွန်မက ရှင်တို့နှစ်ယောက် ပေါင်းတိုက်တာကို မယှဉ်နိုင်ရင်တောင် ရှင်တို့က ကျွန်မကို ဖြုတ်ချနိုင်မယ် ထင်နေတာလား... စိတ်ကူးယဉ်နေလိုက်"

ချင်လော့က ရယ်မောလိုက်၏။

"နှစ်ယောက်နဲ့ အလုပ်မဖြစ်ရင် သုံးယောက်ဆိုရင်ကော ဘယ်လိုလဲ”

မဟာသူတော်စင် ရုပ်သေးက ရှေ့သို့ ထွက်လာရာ ဟွင်ယွဲ့၏ အမူအရာကို ပို၍ လေးနက်သွားစေခဲ့ပေသည်။

"လေးယောက်ဆိုရင်ကော ဘယ်လိုလဲ..."

ထိုပါယန်က သူ၏ လက်ထဲရှိ အနက်ရောင် မီးကြာပန်းကို ချိန်ဆလိုက်ပြီး ဟွင်ယွဲ့ကို ပြုံးပြလိုက်သည်။

"မိန်းမ... မင်းက တော်တော် အရသာရှိမယ့်ပုံပဲ... ငါ သဘောကျတယ်..."

"စောစောက ငါပြောတဲ့ 'တစ်ယောက်ကို လေးယောက် ရင်ဆိုင်မယ်' ဆိုတာ မင်းကို ညစ်ညမ်းတဲ့ ဟာသပြောနေတာလို့ တကယ်ပဲ ထင်နေတာလား..."

"အပျက်မ... မင်းက အဲဒီလို အပြောခံရဖို့တောင် ထိုက်တန်လို့လား…”