အခန်း ၁၈၇

အခန်း ၁၈၇ - ထပ်မံတိုက်ခိုက်ခြင်း။

"ဒီသတ္တဝါက တကယ့်ကို ထိခိုက်ဒဏ်ရာ မရတာလား။"

ထိုက်ထန်ဧရာမမျောက်ဝံ ပြေးဝင်လာသည်ကို မြင်သောအခါ ရှောင်ချန်ယွီ အံ့အားသင့်သွားသည်။ သူ့၏ လက်နက်လျှို့ဝှက်ချက် မှာ သံပြားများကိုပင် အရည်ပျော်စေနိုင်သော်လညထိုက်ထန်န်ဧရာမမျောက်ဝံကိုမူ အနည်းငယ်မျှပင် မထိခိုက်နိုင်ပေ။

ရှောင်ချန်ယွီသည် သွားကိုကြိတ်ကာ ကျောက်စိမ်းအဆောင်တစ်ခုကို ထုတ်ယူလိုက်သည်။

ကျောက်စိမ်းအဆောင်မှ အလင်းတန်းများ ပွင့်ထွက်လာသည်နှင့် ရှောင်ချန်ယွီ၏ စွမ်းအားမှာ လျင်မြန်စွာ မြင့်တက်သွားပြီး ရှေးဟောင်းမြင့်မြတ်ခန္ဓာမှာလည်း အဆင့်သစ်တစ်ခုသို့ ရောက်ရှိသွားသည်။

သူ၏အရှိန်အဝါမှာ ကမ္ဘာမြေကိုပင် ငုံ့ကြည့်နိုင်လောက်သည့် အထွတ်အထိပ်သို့ ရောက်သွားပြီး ပတ်ဝန်းကျင်ရှိသူများပင် သူ့ကို မကြည့်ရဲအောင် ဖြစ်သွားကြသည်။

ရှောင်ချန်ယွီသည် လက်ထဲတွင် ဓားတစ်လက်ကို ကိုင်ဆောင်ထားသည်။

ဓားစွမ်းအင်များ တောက်လောင်နေသော ဓားဖြင့် ရှောင်ချန်ယွီက ထိုက်ထန် ဧရာမမျောက်ကို အားပြင်းစွာ ခုတ်ပိုင်းလိုက်သည်။ ထိုဓားချက်မှာ အာကာသကိုပါ ဖောက်ထွက်သွားပြီး ထိုက်ထန်ဧရာမမျောက်ကို ထောင်ပေါင်းများစွာ ဝေးကွာသော အဆောက်အဦးအပျက်အစီးများကြားသို့ လွင့်စင်သွားစေသည်။

အဆောက်အဦးများ၏ တစ်ဝက်ကျော်မှာ ထိုဓားချက်အောက်တွင် ပြိုကျသွားသည်။ ရှောင်ချန်ယွီက အပျက်အစီးများကြားကို အေးစက်စွာ ကြည့်လိုက်သည်။ အရင်ဓားချက်က သူ့ကို မသတ်နိုင်ခဲ့သော်လည်း အကာအကွယ်ကိုတော့ အားနည်းသွားစေခဲ့သည်။

အပျက်အစီးများကြားမှ တိုက်တန်ဧရာမမျောက်၏ ဒေါသထွက်သံ ထွက်ပေါ်လာသည်။ သူ၏ခန္ဓာကိုယ်မှာ ပိုမိုကြီးမားလာပြီး တောင်တန်းငယ်တစ်ခုကဲ့သို့ ဖိအားများကို ထုတ်လွှတ်နေသည်။

ထိုက်ထန်ဧရာမမျောက်က ပါးစပ်မှ မီးတောင်ချော်ရည်တိုင်ကြီးတစ်ခုကို ပစ်လွှတ်လိုက်ရာ ရှောင်ချန်ယွီထံသို့ တိုးဝင်လာသည်။

"ဟက် အသေခံချင်နေတာပဲ။"

ရှောင်ချန်ယွီ၏ မျက်လုံးများမှ အလင်းတန်းများ ပွင့်ထွက်လာပြီး ချော်ရည်တိုင်ကို လက်သီးဖြင့် အားပြင်းစွာ ထိုးနှက်လိုက်သည်။

ဧရာမ လက်သီးချက်ကြောင့် ချော်ရည်တိုင်ကြီးမှာ အပိုင်းပိုင်း ကွဲကြေသွားသည်။ ရှောင်ချန်ယွီမှာမူ အရူးအမူး တိုက်ခိုက်နေသည့် နတ်ဆိုးတစ်ပါးကဲ့သို့ ချော်ရည်တိုင်များကို ဆက်တိုက် ဖျက်ဆီးပစ်နေသည်။ သူ၏ တိုက်ခိုက်မှုမှာကဲ့သို့သော သာမန် ဝိဉာဥ်သခင်တစ်ဦးမျှသာ မဟုတ်တော့ဘဲ အဆင့် ၉၉ တုံ့လောထိပ်သီးများပင် ကြောက်လန့်ရမည့် အရှိန်အဝါမျိုး ဖြစ်သည်။

နောက်ဆုံးတွင် ချော်ရည်တိုင်များ ပြိုကျသွားပြီး ထိုမှတဆင့် ထိုက်ထန် ဧရာမမျောက်မှာ ရုတ်တရက် ခုန်ထွက်လာသည်။

"ကောင်လေး မင်း လွတ်မြောက်ဖို့ မစဉ်းစားနဲ့။ ဒီနေ့တော့ မင်းရဲ့ သွေးနဲ့ ငါ့ရဲ့ အရှက်ရမှုကို ဆေးကြောမယ်။"

ထိုက်ထန်ဧရာမမျောက်ဝံက ဟိန်းဟောက်လိုက်သည်။

သူသည် ရှောင်ချန်ယွီ၏ အထက်သို့ ခုန်တက်သွားပြီး ကြီးမားသော ခန္ဓာကိုယ်ဖြင့် ဖိနှိပ်လိုက်သည်။ ရှောင်ချန်ယွီ၏ ကာကွယ်ရေး အကာအကွယ်မှာ ပေါက်ကွဲသွားပြီး ပေတစ်ရာကျော်အထိ လွင့်စင်သွားသည်။

"အဟွတ်"

သွေးများ အန်ထုတ်လိုက်ရပြီး ရှောင်ချန်ယွီ၏ မျက်နှာမှာ အလွန်လေးနက်သွားသည်။ ထိုက်ထန်ဧရာမမျောက်၏ တိုက်ခိုက်မှုမှာ တကယ်ကို ကြောက်စရာကောင်းလွန်းလှသည်။

ရှောင်ချန်ယွီသည် သူ၏ တိုက်ခိုက်ရေး လျှို့ဝှက်ချက်ကို အသုံးပြုရန် ဆုံးဖြတ်လိုက်သည်။

တိုက်ခိုက်ရေး လျှို့ဝှက်ချက်ကို အသက်သွင်းလိုက်သည်နှင့် ရှောင်ချန်ယွီ၏ ခန္ဓာကိုယ်မှာ ကြီးမားသွားပြီး ရွှေရောင် တိုက်ခိုက်ရေးဝတ်စုံကို ဝတ်ဆင်ထားကာ အလွန်ပင် ခန့်ညားသွားသည်။

သူ၏လက်ထဲတွင် ရွှေရောင် နဂါးလှံ ပေါ်လာသည်။

ရှောင်ချန်ယွီသည် ခြေတစ်လှမ်းတိုးကာ ထိုက်ထန်ဧရာမမျောက်၏ အထက်သို့ ရောက်သွားပြီး လှံဖြင့် အားပြင်းစွာ ထိုးစိုက်လိုက်သည်။

"ဘုန်းး"

ရွှေရောင်နဂါးလှံမှာ တိုက်တန်ဧရာမမျောက်၏ နဖူးကို စူးဝင်သွားပြီး ရွှေရောင်သွေးများ ပန်းထွက်လာသည်။

"ရှီးးးး"

ပတ်ဝန်းကျင်မှ လူများမှာ အံ့အားသင့်စွာ အသက်ရှူမှားသွားကြသည်။ အနှစ်တစ်သိန်း ဝိဉာဉ်သားရဲကို လက်နက်ဖြင့် ထိခိုက်အောင် လုပ်နိုင်သူမှာ မည်သူနည်း။

"ကောင်လေး မင်းရဲ့ ရုပ်ပိုင်းဆိုင်ရာ ခွန်အားနဲ့ လှံတစ်ခုတည်းနဲ့ ငါ့ကို အနိုင်ယူနိုင်မယ်လို့ ထင်နေတာလား။"

ထိုက်ထန်ဧရာမမျောက်၏ အသံလှိုင်းများကြောင့် ရှောင်ချန်ယွီ၏ နားစည်များ တုန်ခါပြီး ခေါင်းမူးဝေသွားသည်။

"ဟူး ဟူး"

ရှောင်ချန်ယွီသည် အသက်ကို ပြင်းပြင်းရှူကာ ခန္ဓာကိုယ်ကို ထိန်းချုပ်လိုက်သည်။ ရှောင်ချန်ယွီအနေဖြင့် ယခုအချိန်တွင် ထိုက်ထန် ဧရာမမျောက်ဝံနှင့် ရင်ဆိုင်ရန်မှာ အလွန်ပင် ခက်ခဲနေသည်။