အခန်း ၁၈၈

အခန်း ၁၈၈ - ကြိတ်ခြေခြင်း။

"ဟားးး"

"ကွဲကြေစမ်းးး"

"ဘုန်းးး"

ရှောင်ချန်ယွီသည် မြေပြင်ကို အားပြင်းစွာ ကန်လိုက်ပြီး သူ၏ခန္ဓာကိုယ်မှာ အမြောက်ဆန်သဖွယ် ရှေ့သို့ ပစ်လွှတ်လိုက်သည်။ သူ၏ လက်မောင်းကြွက်သားများမှာ နဂါးတစ်ကောင်ကဲ့သို့ ဖောင်းကြွလာပြီး ထိုက်ထန်ဧရာမမျောက်၏ ဝမ်းဗိုက်ကို အားပြင်းစွာ ထိုးနှက်လိုက်သည်။

"ဘုန်း ဘုန်း ဘုန်း"

အသံအုပ်ကြီးနှင့်အတူ ထိုက်ထန် ဧရာမမျောက်၏ ခန္ဓာကိုယ်မှာ အပြင်းအထန် တုန်ခါသွားပြီး ကြောက်မက်ဖွယ်ကောင်းသော အော်ဟစ်သံကြီး ထွက်ပေါ်လာသည်။

လူအများ၏ ကြောက်လန့်တုန်လှုပ်နေသော အကြည့်များအောက်တွင် ထိုက်ထန်ဧရာမမျောက်မှာ နောက်သို့ လွင့်စင်သွားပြီး အဆောက်အဦးတစ်ဒါဇင်ကျော်ကို ဖောက်ထွက်သွားကာမှ သတိပြန်ကပ်နိုင်တော့သည်။

ပတ်ဝန်းကျင်ရှိသူများမှာ အံ့အားသင့်စွာ အသက်ရှူမှားကုန်သည်။ ၎င်းမှာ နှစ်သိန်းတန် ဝိဉာဉ်သားရဲ ထိုက်ထန် ဧရာမမျောက်ဖြစ်သော်လည်း ရှောင်ချန်ယွီ၏ လက်သီးချက်ဖြင့် လွင့်စင်သွားသည်တဲ့လား။

ဤစွမ်းအားမှာ မည်သည့်အဆင့်အထိ ရောက်ရှိနေပြီနည်း။

"ဒီကောင်လေးက တကယ့်ကို သန်မာတာပဲ။ အနှစ်တစ်သိန်း ဝိဉာဉ်သားရဲကို လက်သီးတစ်ချက်နဲ့ အနိုင်ယူလိုက်တာ။ သူက သူ့ရဲ့ ရုပ်ပိုင်းဆိုင်ရာ ခွန်အားကိုပဲ သုံးထားပုံရတယ်"

"တကယ်ကို ထူးခြားတဲ့သူပဲ။ သူ့မှာ တကယ့်ကို အစွမ်းထက်တဲ့ ကျင့်စဉ်တစ်ခုခု ရှိနေရမယ်"

ပတ်ဝန်းကျင်မှ ကျင့်ကြံသူများသည် ရှောင်ချန်ယွီ၏ အစွမ်းအပေါ် အံ့ဩတကြီး ဆွေးနွေးနေကြသည်။ သူတို့အမြင်တွင် ရှောင်ချန်ယွီသည် နတ်ဘုရားတစ်ပါး၏ အမွေကို ရရှိထားသူဖြစ်ရမည်ဟု ထင်မှတ်နေကြသည်။

ရှောင်ချန်ယွီမှာမူ ပတ်ဝန်းကျင်မှ စကားသံများကို ဂရုမစိုက်။ သူ၏မျက်နှာမှာ အလွန်ပင် ရက်စက်စွာ ပုံပျက်နေသည်။

"ဒီအနှစ်တစ်သိန်း ဝိဉာဉ်သားရဲက တကယ့်ကို မာကျောတာပဲ ဒါပေမဲ့ မင်းက ဘယ်လောက်ပဲ မာကျောမာကျော မိုက်မဲပြီး အသေခံချင်နေရင်တော့ သေရမှာပဲ။"

ရှောင်ချန်ယွီက လှောင်ပြုံးပြုံးသည်။ ထိုက်ထန် ဧရာမမျောက်နှင့် ကောင်းကင်ပြာကျွဲနဂါးတို့သည် ရှောင်ဝူအတွက်နှင့် ရှောင်ဝူမှာ ထန်စန်းအတွက် မိုက်မဲစွာ အသက်စွန့်သူများဖြစ်သည်။ ဤကဲ့သို့သော သတ္တဝါမျိုးကို သူ အလွန်ရွံရှာသည်။

ရှောင်ချန်ယွီက ထိုက်ထန်ဧရာမမျောက်ဝံဆီသို့ ထပ်မံပြေးဝင်သွားသည်။ ထိုက်ထန် ဧရာမမျောက်မှာလည်း ဒေါသထွက်ပြီး သူ၏မျက်လုံးများမှ အနီရောင်အလင်းတန်းများ ပစ်လွှတ်လိုက်သည်။

"ဘုန်း ဘုန်း ဘုန်း ဘုန်းး"

"အားးး"

ရုတ်တရက် အခြေအနေပြောင်းသွားသည်။ ထိုက်ထန် ဧရာမမျောက်၏ တိုက်ခိုက်မှုကြောင့် ရှောင်ချန်ယွီမှာ မီတာ ၆၀ ခန့် နောက်သို့ လွင့်စင်သွားသည်။

"ဟမ့်"

တိုက်တန်ဧရာမမျောက်က လှောင်ပြုံးပြုံးပြီး သူ၏ ဝိဉာဉ်စွမ်းရည်ဖြစ်သောမိုးကြိုးလက်သည်း ကို ထုတ်သုံးလိုက်သည်။

"ဝူးးး"

ထိုက်ထန်ဧရာမမျောက်သည် ခြေနှစ်ဖက်ဖြင့် ကန်လိုက်ပြီး လျှပ်တစ်ပြက်အတွင်း ရှောင်ချန်ယွီ၏ အထက်သို့ ရောက်ရှိကာ လက်သည်းများဖြင့် ဆွဲခြစ်လိုက်သည်။

"ထွက်သွားစမ်း"

ရှောင်ချန်ယွီက အော်ဟစ်လိုက်ပြီး သူ၏ခန္ဓာကိုယ်အတွင်းမှ ဝိဉာဉ်စွမ်းအားများကို အပြည့်အဝ ထုတ်လွှတ်လိုက်သည်။

"ဒုန်းးးး"

အသံပြင်းကြီး ထွက်ပေါ်လာပြီး ထိုက်ထန် ဧရာမမျောက်မှာ နောက်သို့ လွင့်စင်သွားသည်။ ရှောင်ချန်ယွီက အခွင့်အရေးကို အသုံးချကာ အရှိန်အဟုန်ဖြင့် ထပ်မံတိုက်ခိုက်သည်။

"ကောင်လေး မင်းက အသေခံချင်နေတာပဲ။"

ထိုက်ထန်ဧရာမမျောက်မှာ အနက်ရောင်မီးတောက်များဖြင့် ဝန်းရံထားပြီး လျှပ်စီးကဲ့သို့ လျင်မြန်စွာ ရှောင်ချန်ယွီ၏ ရင်ဘတ်ကို တိုက်ခိုက်လိုက်သည်။ ရှောင်ချန်ယွီက မျက်လုံးကို ကျဉ်းမြောင်းကာ အသည်းအသန် ရှောင်တိမ်းလိုက်ရသည်။

"ဘုန်း ဘုန်း ဘုန်း"

ထိုက်ထန်ဧရာမမျောက်၏ လက်သည်းများမှာ သံတူကြီးများကဲ့သို့ ရှောင်ချန်ယွီ၏ ဦးခေါင်းကို ရွယ်ကာ ဆက်တိုက် ထိုးနှက်နေသည်။ ရှောင်ချန်ယွီကမူ သူ၏ ပေါ့ပါးသော အတတ်ပညာကို အသုံးပြုကာ ရှောင်တိမ်းပြီးနောက်ထိုက်ထန်ဧရာမမျောက်၏ လည်ပင်းကို အားပြင်းစွာ ကန်ထုတ်လိုက်သည်။

တိုက်တန်ဧရာမမျောက်မှာ မြေပြင်ပေါ်သို့ ပြင်းထန်စွာ ပစ်လဲကျသွားသည်။

ပတ်ဝန်းကျင်ရှိသူများမှာ အသက်ရှူမှားကုန်ကြသည်။ လူသား ဝိဉာဉ်သခင်တစ်ဦးက အနှစ်တစ်သိန်း ဝိဉာဉ်သားရဲကို ဤမျှအထိ ရိုက်နှက်နိုင်သည်မှာ တကယ့်ကို အံ့ဩစရာပင်။ ဤသူမှာ တကယ့်ပါရမီရှင်တစ်ယောက် ဖြစ်သည်။

"ကောင်းတယ်။"

"အံ့ဩစရာပဲ။"

ပတ်ဝန်းကျင်မှ ကျင့်ကြံသူများ၏ ချီးကျူးသံများကို ရှောင်ချန်ယွီက ဂရုမစိုက်ပေ။သူ၏ ရည်ရွယ်ချက်မှာ ဤထိုက်ထန်ဧရာမမျောက်ကို သတ်ဖြတ်ရန်သာ ဖြစ်သည်။

ရှောင်ချန်ယွီသည် မြေပြင်ကို ကန်လိုက်ပြီး ထိုက်ထန် ဧရာမမျောက်၏ ရှေ့သို့ ရောက်ရှိသွားသည်။

"ဘုန်းး"

သူ၏လက်ဖဝါးတွင် ရွှေရောင်အလင်းတန်းများ ပေါ်လာပြီး ထိုကထန်ဧရာမမျောက်၏ ဦးခေါင်းကို အားပြင်းစွာ ဆောင့်ချလိုက်သည်။ ထိုလက်ဖဝါးချက်၏ စွမ်းအားမှာ ဂြိုဟ်တစ်လုံးကိုပင် ဖျက်ဆီးနိုင်လောက်သည့် အရှိန်အဝါမျိုး ဖြစ်သည်။