အခန်း ၁၉၄

အခန်း ၁၉၄- သတ်ဖြတ်ခြင်း။

နတ်ဆိုးကျားသည် ကံဆိုးသူဟုသာ ဆိုရမည်။ အနှစ်ခြောက်သောင်းကျော် ကျင့်ကြံပြီး အောင်မြင်ခါနီးအချိန်တွင် ရှောင်ချန်ယွီနှင့် ဆုံတွေ့လိုက်ရသည်။

ရှောင်ချန်ယွီအတွက်မူ ဤနတ်ဆိုးကျားကို သတ်ဖြတ်နိုင်ခြင်းမှာ အလွန်ပင် စိတ်ကျေနပ်စရာ ကောင်းလှသည်။

ထိုစဉ် ရှောင်ချန်ယွီ၏ နားထဲသို့ အေးစက်သော အမျိုးသမီးအသံတစ်ခု ရောက်ရှိလာသည်။

"ရှောင်ချန်ယွီ..."

ကောင်းကင်ယံတွင် အဖြူရောင် ဝတ်စုံကို ဝတ်ဆင်ထားပြီး လှပလွန်းသော်လည်း အလွန်အေးစက်သည့် အရှိန်အဝါကို ထုတ်လွှတ်နေသည့် အမျိုးသမီးတစ်ဦး ပေါ်လာသည်။ သူမသည် ငွေရောင်လှံရှည်တစ်ချောင်းကို ကိုင်ဆောင်ထားသည်။

"မင်းက ဘယ်သူလဲ။"

ရှောင်ချန်ယွီက မေးမြန်းလိုက်သည်။

"မင်း ငါ့ကို သိစရာမလိုဘူး ငါ့နာမည်က ဂူယွဲ့နာဆိုတာကိုပဲ မှတ်ထား။"

အမျိုးသမီး၏ အသံမှာ ရေခဲကဲ့သို့ အေးစက်လှသည်။

"ဂူယွဲ့နာ..."

ရှောင်ချန်ယွီ၏ မျက်လုံးများ ကျဉ်းမြောင်းသွားသည်။ သူ၏ မှတ်ဉာဏ်ထဲတွင် ဤအမည်မှာ အလွန်ထူးခြားသည်။ သူမသည် ငွေနဂါးဧကရာဇ်ဖြစ်သည်။

နဂါးနတ်ဘုရား၏ အစိတ်အပိုင်းတစ်ခုဖြစ်ပြီး ဝိဉာဉ်သားရဲများ၏ ခေါင်းဆောင်ဖြစ်သည်။

သူမသည် ဒဏ်ရာများကို ကုစားရန် ကြယ်သစ်တော၏ အသက်ဝိဉာဉ်ရေကန်ထဲတွင် ပုန်းအောင်းနေသူ ဖြစ်သည်။

"ဂူယွဲ့နာ မင်းက ဒီကို ဘာလာလုပ်တာလဲ။နတ်ဆိုးကျားအတွက် လက်စားချေမလို့လား။"

"နတ်ဆိုးကျားက ငါ့အတွက် ဘာမှမဟုတ်ဘူး။ ဒါပေမဲ့ ရှောင်ချန်ယွီ မင်းရဲ့ စွမ်းအားက အရမ်းကြီးမားလွန်းတယ်။ မင်း ငါတို့ ဝိဉာဉ်သားရဲအဖွဲ့ထဲကို ဝင်ရောက်ဖို့ ငါ ဖိတ်ခေါ်ချင်တယ်။"

ဂူယွဲ့နာ၏ ဖိတ်ခေါ်မှုကို ကြားလိုက်ရသောအခါ ရှောင်ချန်ယွီမှာ ခေါင်းခါလိုက်သည်။

"ဝိဉာဉ်သားရဲအဖွဲ့ထဲ ဝင်ရမယ်။ရယ်စရာကောင်းလိုက်တာ။ ငါက ဂုဏ်သိက္ခာရှိတဲ့ လူသားတစ်ယောက် အဲဒါက လုံးဝ မဖြစ်နိုင်ဘူး။"

ဝိဉာဉ်သားရဲများ၏ ခေါင်းဆောင်အနေဖြင့် ဂူယွဲ့နာသည် ဝိဉာဉ်သားရဲများကို ပြန်လည်ရှင်သန်စေရန် ရည်ရွယ်ထားသည်။

သို့သော် ဝိဉာဥ် ကုန်းမြေ၏ သဘာဝအရ ဝိဉာဉ်သခင်များနှင့် ဝိဉာဉ်သားရဲများကြား ပဋိပက္ခမှာ အဆုံးသတ်နိုင်မည် မဟုတ်ပေ။

ဝိဉာဉ်သခင်များသည် ပိုမိုသန်မာလာရန် ဝိဉာဉ်ကွင်းလိုအပ်သလို ဝိဉာဉ်သားရဲများမှာလည်း မိမိတို့နယ်မြေကို ကာကွယ်ရန် တိုက်ခိုက်ကြသည်။

ဤသည်မှာ လူ့လောဘကြောင့် ဖြစ်ပေါ်လာသည့် အဆုံးမရှိသော စက်ဝန်းတစ်ခုသာ ဖြစ်သည်။

ရှောင်ချန်ယွီသည် ဂူယွဲ့နာ၏ ဖိတ်ခေါ်မှုကို ပြတ်ပြတ်သားသား ငြင်းပယ်လိုက်သည်။

သူ၏ ခရီးစဉ်မှာ လူသားတို့၏ ထိပ်တန်းအဆင့်သို့ ရောက်ရှိရန်သာ ဖြစ်သည်။