အခန်း ၄၁

အခန်း (၄၁)

ဤအရာသည် လူအာရုံစိုက်ခံရရန် ပြုလုပ်ခြင်းသာ ဖြစ်၏

ကောင်းယွမ် ဤသို့ ပြုလုပ်ရခြင်းမှာ သာမန်လူများကို ပြောပြရန်အတွက် ဖြစ်လေ၏။

ငါးရံ့နက်နည်းပညာကုမ္ပဏီသည် မိတ်ဆက်ရခြင်းမရှိသေးသော အပူချိန်ထိန်းအဝတ်အစားများဖြင့်သာမက သင်တို့၏ နေအိမ်များနှင့်ပါ သက်ဆိုင်ကာ သင်တို့၏ ဘဝများကို လွှမ်းမိုးနိုင်စွမ်းရှိကြောင်း ပြသလိုခြင်း ဖြစ် ပေသည်။

စူပါသန္တာကောင်များ အသုံးပြုခြင်းကိုသာ မြှင့်တင်နိုင်မည်ဆိုပါက ဆောက်လုပ်ရေးစရိတ်များမှာ သိသိသာသာ လျော့ကျသွားမည် ဖြစ်လေ၏။

သို့သော်လည်း ဖန်းပိုင်ရီကဲ့သို့ပင် အင်တာနက်အသုံးပြုသူ များစွာကလည်း ကောင်းယွမ်သည် လူအာရုံစိုက်ခံရ ရန် ဖန်တီးနေခြင်းသာ ဖြစ်နိုင်ကြောင်း ယုံကြည်ထားကြပေသည်။

လူအာရုံစိုက်ခံရရန် ဖန်တီးခြင်းသည် အမြဲတမ်း အသွားနှစ်ဖက်ပါသော ဓားတစ်လက်ကဲ့သို့ ဖြစ်ပေ၏။ သင်က ကောင်းမွန်စွာ လုပ်ဆောင်နိုင်ပါက ဂုဏ်သတင်းနှင့် ဓနဥစ္စာ နှစ်မျိုးစလုံးကို ရရှိနိုင်မည် ဖြစ်လေသည်။ သင်က ညံ့ဖျင်းစွာ လုပ်ဆောင်မိပါက သင်၏ ဂုဏ်သတင်းမှာ လုံးဝ ပျက်စီးသွားမည်ဖြစ်ပြီး သင်၏ ပုံရိပ်နှင့် ဂုဏ် သတင်းကို ပြန်လည်ကောင်းမွန်လာစေရန်အတွက် အဆတစ်ရာမကသော အားထုတ်မှုများကို ပြုလုပ်ရန် လို အပ်လာမည် ဖြစ်ပေသည်။

သို့သော် ကောင်းယွမ်၌ ဤစိုးရိမ်ပူပန်မှုမျိုး လုံးဝမရှိသည်မှာ ထင်ရှားနေခဲ့ပေ၏။ သူသည် နည်းပညာ၏ စွမ်းအားကိုသာ ယုံကြည်ထားလေသည်။

ဤသုံးရက်တာကာလအတွင်း၌ ဖြစ်လေ၏။

ကောင်းယွမ် မည်သည့်အရာကို ထုတ်ဖော်ပြသမလဲဆိုသည်နှင့် ပတ်သက်၍ လူအများက ခန့်မှန်းနေခဲ့ကြလေ သည်။ ယခင်က တည်းဖြတ်စက်ကဲ့သို့ အရေးကြီးသော ထုတ်ကုန်တစ်ခုကို တိတ်တဆိတ် ရောင်းချခဲ့ပြီး ရှဝေ ကုမ္ပဏီမှ ပြုလုပ်သော သတင်းစာရှင်းလင်းပွဲတွင်မှသာ ကြေညာခဲ့ခြင်း ဖြစ်ပေ၏။

ယခုတစ်ကြိမ်တွင်မူ ကောင်းယွမ်သည် ဗိသုကာလောကမှ နာမည်ကြီးပုဂ္ဂိုလ်များကို လာရောက်ကြည့်ရှုရန် ဖိတ်ခေါ်ထားသည့်အပြင် လုပ်ငန်းစဉ်တစ်ခုလုံးကို တိုက်ရိုက်ထုတ်လွှင့်မှုပင် ပြုလုပ်ထားခဲ့ပေသေးသည်။

များစွာသော သတင်းမီဒီယာများက ကောင်းယွမ်သည် မည်သည့် နည်းပညာသစ်ကို ရရှိထားသဖြင့် မိမိကိုယ်ကို ကြီးကျယ်ခမ်းနားသည် ဟု ခေါ်ဆိုရဲလောက်အောင် အရှက်ကင်းမဲ့နေရသနည်းဟု စတင်၍ ခန့်မှန်းလာကြပေ သည်။

ပွဲလမ်းသဘင်တစ်ခုတွင် ဖြစ်လေ၏။

ဖန်းပိုင်ရီသည် ပွဲတစ်ပွဲသို့ တက်ရောက်နေခဲ့ခြင်း ဖြစ်ပေသည်။

၎င်းမှာ ဟိုဆိုရှနိုင်ငံ ကုမ္ပဏီရှိ ပရောဂျက်အသစ်တစ်ခု၏ ဖွင့်ပွဲအခမ်းအနားဖြစ်သော်လည်း ပွဲကျင်းပရာနေရာရှိ သတင်းထောက်များစွာမှာ အကြောင်းအရာနှင့် လွဲချော်နေခဲ့ကြလေသည်။

"ဥက္ကဋ္ဌဖန်း... ကောင်းယွမ်က ဆောက်လုပ်ရေးလုပ်ငန်းကို တော်လှန်ပြောင်းလဲပစ်နိုင်တဲ့ ခေတ်သစ်ဖွင့်မယ့် နည်းပညာရှိတယ်လို့ ဆိုနေပါတယ်... အဲဒီအပေါ် ဘယ်လိုထင်မြင်ချက်ရှိပါသလဲ..."

ဖန်းပိုင်ရီသည် ခဏမျှ တွေဝေသွားပြီးနောက် ပြောလိုက်လေ၏။

"ကျွန်တော် ဖြေဖို့ ငြင်းဆန်ပါတယ်... ကောင်းယွမ်ဆိုတာကို ကျွန်တော် မသိပါဘူး..."

"ဥက္ကဋ္ဌဖန်း... ခင်ဗျားက သူ့ကို ပြန်သွားကြည့်မှာ မဟုတ်ဘူးလို့ အရင်က တုံ့ပြန်ခဲ့ပြီး ကောင်းယွမ်ကို လူပြက် တစ်ယောက်လို့တောင် ခေါ်ခဲ့သေးတယ်လေ... တကယ်ပဲ ခင်ဗျား ဘယ်လိုတွေးနေတာပါလဲ..."

ဖန်းပိုင်ရီမှာ အရှက်ရသွားခဲ့လေသည်။ သူက မသိဘူးဟု ယခုလေးတင် ပြောထားခဲ့ရာ ယခုအခါတွင်မူ ဆန့်ကျင် ဘက် ဖြစ်သွားခဲ့ပြီ ဖြစ်ပေ၏။

မှုန်ကုပ်နေသော မျက်နှာထားဖြင့် သူက ဤသို့သာ ပြောနိုင်ခဲ့လေသည်။

"တောင်းပန်ပါတယ်... ဒီနေရာက ချင်ကျင်း ယန်ပေ ဟိုဆိုရှရဲ့ ဖွင့်ပွဲအခမ်းအနားဖြစ်လို့ မသက်ဆိုင်တဲ့ မေးခွန်း တွေ မမေးပါနဲ့..."

သို့သော် သတင်းထောက်များသည် ဤစကားကို ကြားရသည့်အခါ စိတ်လှုပ်ရှားသွားသည့်ပုံ ပေါ်လေ၏။ သတင်းဆိုသည်မှာ မည်သည့်အရာနည်း။ ၎င်းတွင် အကြောင်းအရာများနှင့် ပေါက်ကွဲစေနိုင်သော အရာများ ပါဝင်နေပေသည်။

အင်တာဗျူးဖြေဆိုသူသည် အဆင်မပြေဖြစ်ခြင်း သို့မဟုတ် ဒေါသထွက်လာခြင်းမှာ ပုံမှန်ပင် ဖြစ်လေ၏။

ဤသည်မှာ သူ၏အကြောင်းများ ပေါ်လွင်သွားပြီး မကြာမီတွင် 'အမှန်တရား' ကို ပြောပြတော့မည်ဟူသော အဓိပ္ပာယ်ပင် ဖြစ်ပေသည်။

သတင်းထောက်များမှာ နောက်ဆုတ်မသွားခဲ့ပေ။ ထိုအစား သူတို့သည် ပို၍ပင် စိတ်လှုပ်ရှားလာခဲ့ကြလေ၏။ သင် မဖြေချင်သည့် မည်သည့်အရာကိုမဆို ကျွန်ုပ်တို့က မေးမြန်းသွားမည် ဖြစ်လေသည်။

"ဥက္ကဋ္ဌဖန်း... အရင်က ကောင်းယွမ်နဲ့ သိခဲ့တာလား..."

"ကောင်းယွမ်က တကယ့်ကို ကြီးမားတဲ့ ဆန်းသစ်တီထွင်မှု နည်းပညာတစ်ခုကို ဖန်တီးနိုင်ခဲ့ရင် ခင်ဗျား တောင်းပန်မှာပါလား..."

"ဥက္ကဋ္ဌဖန်း..."

ဖန်းပိုင်ရီ၏ မျက်နှာမှာ တဖြည်းဖြည်း ပို၍ မှောင်မိုက်လာခဲ့သော်လည်း ယနေ့သည် သူ၏ ကိုယ်ပိုင်ကုမ္ပဏီ အတွက် အခမ်းအနားဖြစ်နေသဖြင့် သူ ဒေါသထွက်၍ မဖြစ်နိုင်ခဲ့ပေ။

"အားလုံးပဲ တောင်းပန်ပါတယ်... ကျွန်တော် ကောင်းယွမ်ကို မသိပါဘူး... ကျွန်တော်တို့ကြားမှာ ဘာရန်ငြိုးမှ လည်း မရှိပါဘူး... ဒီလိုမျိုး လူအာရုံစိုက်ခံရအောင် ဖန်တီးတဲ့သူတွေကို ကျွန်တော် မကြိုက်ရုံပါပဲ... ဒါပါပဲ..."

"ဥက္ကဋ္ဌဖန်း... ကောင်းယွမ်က ကမ္ဘာ့ထိပ်တန်း တည်းဖြတ်စက်ကို တီထွင်နိုင်ခဲ့တာပါ... သူက သက်သက် လူအာရုံစိုက်ခံရအောင် လုပ်နေတယ်လို့ ခင်ဗျားက ထင်နေတာပါလား..."

"ဒါက..."

"ဥက္ကဋ္ဌဖန်း... လူ့အဖွဲ့အစည်းအပေါ် ခင်ဗျားရဲ့ ပံ့ပိုးကူညီမှုက ကောင်းယွမ်ထက် ပိုကြီးမားတယ်လို့ ထင်ပါသ လား..."

ဖန်းပိုင်ရီသည် တစ်စုံတစ်ယောက်ကို ရိုက်နှက်ချင်စိတ် ပေါက်သွားခဲ့လေ၏။ ဤသည်မှာ မျက်နှာကို ဖြတ်ရိုက် လိုက်ခြင်းပင် ဖြစ်ပေသည်။

ဖြန်းခနဲ ဖြန်းခနဲ ရိုက်သံများ ထွက်ပေါ်လာသကဲ့သို့ပင်။

*တည်းဖြတ်စက်တွေ ဟုတ်လား...။ ဒါကို ငါကိုယ်တိုင် တကယ်လုပ်နိုင်ပါ့မလားကွာ။ ငါက စီးပွားရေးသမား တစ်ယောက်ပဲဥစ္စာ။ တည်းဖြတ်စက်ဆိုတာမျိုးက သိပ္ပံပညာရှင်တွေပဲ လုပ်ရမယ့်အလုပ် မဟုတ်ဘူးလား။*

ဖန်းပိုင်ရီသည် ဤနေရာမှ ထွက်ခွာသွားရမည်ဟု ခံစားလိုက်ရလေသည်။ သူက သူ၏ လက်ထောက်ကို မျက်ရိပ် ပြလိုက်၏။

လက်ထောက်ဖြစ်သူက ချက်ချင်း နားလည်သွားလေသည်။

"တောင်းပန်ပါတယ်... ဥက္ကဋ္ဌဖန်းက အစည်းအဝေးတစ်ခု တက်ရောက်စရာ ရှိနေလို့ပါ... သတင်းထောက်တွေ အားလုံးအတွက် ညစာစားပွဲ ပြင်ဆင်ထားပါတယ်... တတိယထပ်က ဧည့်ခန်းမမှာ သွားရောက် သုံးဆောင်ပေး ကြပါ..."

ထိုသို့ပြောပြီးနောက် သူသည် သတင်းထောက်များကို တားဆီးကာ ဖန်းပိုင်ရီအား ထွက်ခွာသွားစေခဲ့လေသည်။

သို့သော်လည်း ထိုနေ့ညနေတွင်ပင် သတင်းမျိုးစုံ ထွက်ပေါ်လာခဲ့လေ၏။

ကောင်းယွမ်အပေါ် ဖန်းပိုင်ရီ၏ အကဲဖြတ်ချက်။

["သူက လူပြက်တစ်ယောက်ပါပဲ... သူ့ကို ငါ ကြည့်မရဘူး..." ဆိုပြီး အိမ်ခြံမြေလုပ်ငန်းရှင် ဖန်းပိုင်ရီက ကောင်းယွမ်အပေါ် ပွင့်ပွင့်လင်းလင်းကြီး ဝေဖန်လိုက်တဲ့ကိစ္စက အခုတလော လူပြောများနေပါတယ်။]

ဖန်းပိုင်ရီက ကောင်းယွမ်ကို ဘာလို့ ဒီလောက်တောင် မနှစ်မြို့ရတာလဲ

[တကယ်တော့ သူတို့နှစ်ယောက်ကြားမှာ ဘာရန်ငြိုးမှမရှိသလို၊ ဖန်းပိုင်ရီ ကိုယ်တိုင်ကလည်း ကောင်းယွမ်ကို လူချင်းမသိဘူးလို့ ဆိုပါတယ်။ ရန်ငြိုးကြောင့်မဟုတ်ဘဲ ကြည့်မရရုံ သက်သက် ပါပဲတဲ့။]

ကောင်းယွမ်ရဲ့ လှုပ်ရှားမှုတွေက လူအာရုံစိုက်ခံရအောင် လုပ်တဲ့ အကွက်တွေလား

[ဒီမေးခွန်းကိုတော့ ဖန်းပိုင်ရီက ပြတ်ပြတ်သားသားပဲ "ဟုတ်တယ်" လို့ ထောက်ပြသွားပါတယ်။ ကောင်းယွမ်ရဲ့ လုပ်ရပ်တွေဟာ တကယ်တမ်းကျတော့ လူတွေရဲ့ အာရုံစိုက်မှုကို ရချင်လို့ သရုပ်ဆောင်နေတဲ့ ဘာမှမဟုတ်တဲ့ အကွက်တွေသာ ဖြစ်တယ်လို့ သူက မြင်နေပုံရပါတယ်။ စီးပွားရေးလောကက ထိပ်သီးတစ်ယောက်ရဲ့ ဒီလို အဲ့ဒီလို ရှုတ်ချတဲ့ မှတ်ချက်ဟာ ကောင်းယွမ်ရဲ့ ပရိသတ်တွေကြားမှာ ဘယ်လိုဂယက်ထသွားဦးမလဲဆိုတာ ကတော့ စောင့်ကြည့်ရဦးမှာပဲ ဖြစ်ပါတယ်။]

ဖန်းပိုင်ရီသည် ထိုသတင်းများကို မြင်လိုက်ရသည့်အခါ သူ၏ မျက်နှာအမူအရာမှာ တည်ငြိမ်အေးဆေးနေပြီး နေ့လယ်ပိုင်းက ဒေါသထွက်နေသည့် အရိပ်အယောင်မျှပင် မရှိတော့ပေ။

သူ၏ လက်ထောက်က စိုးရိမ်တကြီးဖြင့် မေးလိုက်လေ၏။

"ဥက္ကဋ္ဌဖန်း... ဒီကိစ္စက ဥက္ကဋ္ဌ အတွက် ဆိုးကျိုးမဖြစ်စေနိုင်ဘူးလား..."

"ဘာဆိုးကျိုး ရှိနိုင်မှာလဲကွာ...။ ဒါက လူအာရုံစိုက်ခံရအောင် ဖန်တီးထားတဲ့ အကွက်တစ်ခုပဲဥစ္စာ။ ဒီခေတ်မှာ ဘာက အရေးအကြီးဆုံးလဲ... လူတွေရဲ့ စိတ်ဝင်စားမှုပဲလေ။ အခုချိန်မှာ ငါတို့ရဲ့ ဂုဏ်သတင်းက သိပ်မကောင်း လှဘူး။ ဒါကြောင့်မို့လို့ ကောင်းယွမ်ရဲ့ ပွင့်လင်းတဲ့ပုံစံကို အခွင့်ကောင်းယူပြီး နာမည်ပြန်တင်လိုက်တာပဲ..."

"ဒါပေမဲ့... တကယ်လို့ ကောင်းယွမ်က ခေတ်သစ်တစ်ခုကို ဖွင့်လှစ်နိုင်မယ့် နည်းပညာမျိုး တကယ်ပဲ ပိုင်ဆိုင် ထားနေရင်ကော ဘယ်လိုလုပ်မလဲ..."

ဖန်းပိုင်ရီသည် ရယ်မောလိုက်လေသည်။

"ဖြစ်နိုင်ခြေက အရမ်းကို နည်းပါးပါတယ်ကွာ...။ ကောင်းယွမ်က အရင်က အင်တာနက် ကျန်းမာရေးစောင့် ရှောက်မှုလုပ်ငန်းမှာ လုပ်ခဲ့ဖူးတယ်ဆိုပေမဲ့ အခြေခံအားဖြင့်တော့ သူက ပွဲစားတစ်ယောက်ပါပဲ။ ဒီလိုလူမျိုးက ဘယ်လိုလုပ်ပြီး ခေတ်သစ်တစ်ခုကို ဖွင့်လှစ်နိုင်မယ့် နည်းပညာမျိုး ဖန်တီးနိုင်မှာလဲ။ အရင်က မက်တာဗာ့စ်တို့၊ အခု ဉာဏ်ရည်တု (AI) တို့လိုမျိုးပေါ့ကွာ... အားလုံးက ပိုက်ဆံရအောင် လိမ်ညာပြီး လုပ်ကြံဖန်တီးထားတဲ့ ဇာတ်လမ်းတွေချည်းပါပဲ..."

"ဒါပေမဲ့လည်း... အခုချိန်မှာ ဉာဏ်ရည်တုက အရမ်းကို ခေတ်စားနေတာလေ။ ကုမ္ပဏီကြီးတိုင်းလိုလိုကလည်း ဈေးကွက်ဝေစုရဖို့ လုယက်နေကြတာပဲ၊ ပြီးတော့ အစိုးရကိုယ်တိုင်ကလည်း ဒါကို တွန်းအားပေးနေတာ မဟုတ် လား..."

လက်ထောက်ဖြစ်သူက ထိုသို့ ပြောလိုက်ခြင်း ဖြစ်လေသည်။

"မှန်ပါတယ်... ဉာဏ်ရည်တုက အခုတလော တကယ်ကို ရေပန်းစားနေတာ။ လအနည်းငယ်ကြာတိုင်း ခေတ်ကို ပြောင်းလဲပစ်မယ့် နည်းပညာသစ်တစ်ခုက ပေါ်ထွက်လာစမြဲပဲလေ။ အဲဒီလို ပေါ်လာတိုင်းလည်း ဉာဏ်ရည်တုက ကမ္ဘာကြီးကို ပြောင်းလဲပစ်တော့မယ်ဆိုပြီး အော်နေကြတာပဲ။ ဒါပေမဲ့ အခု ဘာတွေ ပြောင်းလဲသွားလို့လဲ...။ အမေရိကန်ပဲဖြစ်ဖြစ်၊ ငါတို့ ရှနိုင်ငံပဲဖြစ်ဖြစ် ပြောနေကြတာတွေက အဓိပ္ပာယ်မရှိတဲ့ စကားတွေချည်းပါပဲကွာ။ ဘာဉာဏ်ရည်တုလဲ... အနှစ်သာရအားဖြင့်တော့ ဒါက ဒေတာအချက်အလက်ကြီးတွေကို အသုံးချပြီး လှည့်စား နေတာထက် မပိုပါဘူး..."

လက်ထောက်ဖြစ်သူမှာ နားလည်သယောင် ရှိသော်လည်း သေချာတော့ နားလည်သည်မဟုတ်ပေ။

"ဥက္ကဋ္ဌဖန်း... ဒါက ကောင်းယွမ်ရဲ့ နည်းပညာသစ်နဲ့ ဘာများ သက်ဆိုင်နေလို့လဲ..."

"အဆင်ပြေပါတယ်... ဒါပေမဲ့ သဘောတရားကတော့ အတူတူပါပဲကွာ။ ကြီးကျယ်တဲ့ နည်းပညာ ဆန်းသစ် တီထွင်မှုဆိုတာမျိုးက သီးခြားကြီး ရုတ်တရက် ပေါ်လာနိုင်တာ မဟုတ်ဘူး။ အဲဒါကို ပတ်သက်နေတဲ့ ဆက်စပ် နည်းပညာတွေ အများကြီးရဲ့ ဖွံ့ဖြိုးတိုးတက်မှုက ကျောထောက်နောက်ခံ ပေးထားရတာ…"

"အင်တာနက်သမားဘဝကနေ နည်းပညာနယ်ပယ်ထဲ ကူးပြောင်းလာတဲ့ ကောင်းယွမ်လိုလူရဲ့ သာမန်နည်းပညာ က ငါတို့ထက် ပိုကောင်းနိုင်ပါ့မလား...၊ ဝမ်နန်းအုပ်စုထက် ပိုကောင်းနိုင်ပါ့မလား... အိပ်မက်မက်နေလိုက်ဦး… သူ တည်းဖြတ်စက်ကို တီထွင်နိုင်ခဲ့တယ်ဆိုတာကလည်း နိုင်ငံခြားမှာ အောင်မြင်ခဲ့တဲ့ အလားတူ ဖြစ်ရပ်တွေ ရှိခဲ့ဖူးလို့ပဲ၊ ပြီးတော့ ငါတို့ ရှနိုင်ငံရဲ့ မူဝါဒပိုင်းဆိုင်ရာ အားသာချက်တွေ ရှိနေလို့လေ…."

"ဒါက တခြားသူတွေ စုဆောင်းလာခဲ့တဲ့ အတွေ့အကြုံတွေ အဆုံးသတ်မှာ အသီးအပွင့် ဖြစ်လာတာကို သူက လာပြီး အလကားခူးလိုက်တာပဲ..."

"ဒါကြောင့်မို့လို့လည်း သူ့ကို လူပြက်လို့ ငါ ခေါ်လိုက်တာပေါ့။ ပြီးတော့ သူက ခေတ်သစ်တစ်ခုကို ဖွင့်လှစ်နိုင် မယ့် နည်းပညာမျိုးကို ဖန်တီးနိုင်စရာ အကြောင်းမရှိဘူးလို့ ယူဆတဲ့အတွက်၊ အခုဟာက လူအာရုံစိုက်ခံရအောင် သက်သက် ဟန်ရေးပြနေတာလို့ ပြောလိုက်တာ…"

"ကောင်းပြီလေ... ငါတို့တွေ တိတ်တဆိတ်နဲ့ပဲ ဒီပွဲကို စောင့်ကြည့်ကြတာပေါ့။ တကယ်လို့ သူ့မှာ သေးငယ်တဲ့ အောင်မြင်မှုလေးတစ်ခု ရှိလာရင်တောင် ငါတို့ဘက်က ရေအေးနဲ့ ပက်ပစ် လို့ ရသေးတာပဲ။ အကယ်၍ သူ့ရဲ့ နည်းပညာက အနှစ်သာရမရှိဘဲ အတွေးအခေါ်သက်သက်၊ ဂျာနယ်လစ်ဇင်အကွက်တစ်ခုပဲ ဆိုရင်တော့ ပိုတောင် ကောင်းသေးတယ်။ ဒါဆိုရင်တော့ သူ လူအာရုံစိုက်အောင် လုပ်သမျှက ငါတို့အတွက်ပဲ အကျိုးအမြတ် ဖြစ်လာ မှာပဲ..."

...

ထိုအချိန်တွင် ကောင်းယွမ်သည် သစ်သားဆိုင်းဘုတ်နောက်ရှိ တာချင်းတောင်ပေါ်တွင် ထိုင်နေပြီး သူ၏ဘေး တွင် ကျန်းပိုင်ရီ၊ လင်းမေနှင့် ပိုင်မော့ယွီတို့ ရှိနေကြလေသည်။

ကျန်းပိုင်ရီက ဒေါသတကြီးဖြင့် ပြောလိုက်လေ၏။

"လောင်ကောင်း... မင်းနဲ့ ဖန်းပိုင်ရီကြားမှာ ရန်ငြိုးများ ရှိနေလို့လားကွာ... ဒီလူက လူယုတ်မာပဲ... အရင်တုန်းက ငါတို့ ချင်ကျင်းမြို့မှာ ရှိတုန်းက သူ့ရဲ့ အဆောက်အအုံကို ငှားခဲ့တုန်းက ငါတို့ရဲ့ အမြတ်တစ်ဝက်ကို အိမ်လခ အဖြစ် ပေးခဲ့ရတာလေ... အခုတော့ သူက ငါတို့ ဒုက္ခရောက်နေချိန်မှာ နှိပ်ကွပ်နေတာလား..."

သစ်သားအဆောက်အအုံများနှင့် လီဟွားရွာကို ငုံ့ကြည့်ရင်း ကောင်းယွမ်သည် သူ၏ စိတ်ကူးထဲမှ မြေပြင် အနေအထားကို သေသေချာချာ ရေးဆွဲထားသော ပုံကြမ်းများနှင့် ပေါင်းစပ်လိုက်လေသည်။

စူပါသန္တာကောင် (၂.၀) ဖြင့် မည်သို့ ရှေ့ဆက်ရမည်ကို စဉ်းစားနေခဲ့လေ၏။

ကျန်းပိုင်ရီ၏ စကားကို ကြားလိုက်ရသည့်အခါ... သူ သတိဝင်လာပြီး ပြောလိုက်လေသည်။

"လောင်ဖန်းက ကောက်ကျစ်တဲ့ လူပါ... အခု ငါတို့က တောရွာကို ရောက်နေပြီဆိုတော့ သူနဲ့ အဆက်အသွယ် ရှိစရာ အကြောင်းမရှိတော့ဘူးလေ... ဒါကြောင့် ငါတို့ အဆက်အသွယ် ပြတ်သွားပြီဖြစ်လို့ သူက ငါတို့ နာမည် ကြီးလာတာကို အခွင့်ကောင်းယူပြီး ငါတို့အောက်ရောက်နေတုန်း နှိပ်ကွပ်ချင်တာပါ... ဒါပေမယ့် ဒီတစ်ကြိမ် မှာတော့ သူတို့ မျက်စိ လည်သွားမလား မသိဘူး..."

ကျန်းပိုင်ရီက ခေါင်းညိတ်လိုက်၏။

"မင်း ပြောမှပဲ တကယ်ကြီး ဖြစ်နေတော့တယ်...။ သတင်းထောက် တော်တော်များများက လောင်ဖန်းကို မဆင် မခြင် လုပ်တတ်တဲ့သူလို့ ဝေဖန်ကြပေမဲ့၊ ငါကတော့ ကြားရင် ရယ်တောင် ရယ်ချင်သေးတယ်။ အဲဒီလူသာ မဆင်မခြင် လုပ်တတ်တဲ့လူဆိုရင် ဒီလောကကြီးမှာ ဉာဏ်ကောင်းတဲ့သူဆိုတာ ကျန်တော့မှာ မဟုတ်ဘူးလေ..."

ဖန်းပိုင်ရီ၏ ကိစ္စကို ခေတ္တမျှသာ ပြောဆိုခဲ့ကြပြီး ကျန်းပိုင်ရီသည် ကောင်းယွမ်အပေါ် ကြီးမားသော ယုံကြည်မှု ရှိနေခဲ့ပေသည်။

ထိုအချိန်တွင် ကောင်းယွမ်သည် အောက်ဘက်ရှိ မြေကွက်ကို လက်ညှိုးထိုးပြကာ ဒီဇိုင်းပုံကြမ်းများကို ထပ်မံ ကြည့်ရှုလိုက်လေသည်။

"လောင်ကျန်း... ဒီနေရာမှာ အပြောင်းအလဲတချို့ လုပ်ရအောင်... ဂိုဒေါင်ကို တာချင်းတောင်ဘက် ပြောင်း လိုက်..."

"ဟင်... အင်းလေ... ဂိုဒေါင်က ပြည်နယ်အဝေးပြေးလမ်းမကြီးနဲ့ ကပ်နေလို့ ဒီနေရာမှာ ထားတာလေ... တာချင်း တောင်ခြေကို ပြောင်းလိုက်မယ်ဆိုရင် ကုန်ပစ္စည်းတွေ ပို့ဖို့ စက်မှုဇုန်တစ်ခုလုံးကို ဖြတ်သွားရမှာ... အဲ့လိုထားရင် အဆင်မပြေဖြစ်မှာ မဟုတ်ဘူးလား..."