အခန်း ၆၃

အခန်း။ ၆၃

တရားခွင်အတွင်းတွင် တရားသူကြီးချုပ်၊ တရားသူကြီးများနှင့် တရားရုံးဝန်ထမ်းများအားလုံး နေရာယူပြီး ဖြစ်သည်။

တရားလိုနှင့် တရားခံဘက်မှ ရှေ့နေများလည်း အသင့်ပြင်ထားကြသည်။

တရားရုံးစာရေးက မတ်တတ်ရပ်လျက် "တရားရုံးရဲ့ စည်းကမ်းချက်တွေကို ကြေညာပါမယ်" ဟု ပြောသည်။

"တရားရုံးရဲ့ စည်းကမ်းချက်တွေကို ကြေညာပါမယ်။

တရားစွဲဆိုမှုမှာ ပါဝင်သူအားလုံးက ဥပဒေနဲ့အညီ တရားရုံးစည်းကမ်းတွေကို လိုက်နာရမှာ ဖြစ်ပြီး ဆူညံတာ ဒါမှမဟုတ် နှောင့်ယှက်တာမျိုးတွေ လုံးဝမလုပ်ရပါဘူး။

စကားပြောတာ၊ ထွက်ဆိုတာနဲ့ ဆွေးနွေးငြင်းခုံတာတွေကို တရားသူကြီးချုပ် ဒါမှမဟုတ် တရားသူကြီးရဲ့ ခွင့်ပြုချက်ရမှပဲ ပြုလုပ်ရပါမယ်..."

တရားရုံးစာရေးက အခန်းတစ်ခန်းလုံးကို ဝေ့ကြည့်လိုက်ပြီးနောက်

"တရားခွင်အတွက် ပြင်ဆင်မှုတွေ ပြီးစီးပါပြီ။ တရားမကျင့်ထုံးဥပဒေ ပုဒ်မ ၁၃၇၊ အပိုဒ် ၁ အရ တရားရုံးစည်းကမ်းတွေကို ကြေညာပါရစေ။

၁။ တရားစွဲဆိုမှုမှာ ပါဝင်သူတွေအနေနဲ့ မေးခွန်းမေးချင်ရင် တရားသူကြီးရဲ့ ခွင့်ပြုချက်ကို အရင်ရယူရမှာဖြစ်ပြီး ယဉ်ကျေးတဲ့ ဘာသာစကားကိုပဲ သုံးရပါမယ်။ ပုဂ္ဂိုလ်ရေးအရ တိုက်ခိုက်တာမျိုး လုံးဝမလုပ်ရပါဘူး။

၂။ ...

၃။ ...

တရားသူကြီးချုပ်နဲ့ တရားသူကြီးများ နေရာယူပေးကြပါ။ တရားခွင်အတွက် ပြင်ဆင်မှုတွေ ပြီးစီးကြောင်း တရားသူကြီးချုပ်ထံ အစီရင်ခံပါတယ်"

ထိုစကားများအပြီးတွင် တရားခွင်ရှိ လူအားလုံး မတ်တတ်ရပ်လိုက်ကြသည်။

ဘယ်မှညာသို့ အစဉ်လိုက်အားဖြင့် တရားသူကြီး - ဝမ်ဖိန်လုံ၊ တရားသူကြီးချုပ် - ကျောက်ကျီချောင်၊ တရားသူကြီး - လီဒါ။

တရားလို - ဇောင်လဲ့လဲ့၊ တရားလိုရှေ့နေ - ဇောင်ယွီ။

တရားခံ - ချိုင်ချန်း၊ တရားခံရှေ့နေ - ဂူချန်။

ကျောက်ကျီချောင်က မတ်တတ်ရပ်ပြီး တရားသူကြီး၏ တူကို ထုလိုက်သည်။

"အားလုံးပဲ ထိုင်ကြပါ"

အားလုံး ထိုင်လိုက်ကြသည်။

တရားသူကြီးချုပ် ကျောက်ကျီချောင်က "အခု တရားစွဲဆိုတဲ့အဖွဲ့တွေအနေနဲ့ မင်းတို့ရဲ့ အထောက်အထားတွေနဲ့ တောင်းဆိုချက်တွေကို တင်ပြပေးကြပါ" ဟု ပြောသည်။

ဇောင်ယွီ: "ကျွန်တော့် အမှုသည်က ဇောင်လဲ့လဲ့ဖြစ်ပြီး ကျွန်တော်က တရားလိုဘက်က ခုခံကာကွယ်ပေးမဲ့ ရှေ့နေ ဇောင်ယွီပါ"

ဇောင်ယွီ: "ကျွန်တော်တို့ရဲ့ တရားစွဲဆိုမှုက ရိုးရှင်းပါတယ်။ တရားစွဲဆိုမှု လျှောက်ထားချက်ကို မတင်ပြခင်မှာ အဲဒီနေ့က ဖြစ်ပျက်ခဲ့တာတွေကို အားလုံး သိထားဖို့ လိုအပ်ပါတယ်"

"အောက်တိုဘာလ ၁၅ ရက်နေ့မှာ ဇောင်လဲ့လဲ့နဲ့ ချိုင်ချန်းတို့ တရားဝင် စေ့စပ်ခဲ့ပါတယ်။

သူတို့နှစ်ယောက်ရဲ့ ဆက်ဆံရေးက အဆင်ပြေပါတယ်။

အောက်တိုဘာလ ၁၈ ရက်နေ့မှာ ချိုင်ချန်းက ကျွန်တော့် အမှုသည်ဇောင်လဲ့လဲ့ကို ခရီးခေါ်သွားခဲ့ပါတယ်။

အောက်တိုဘာလ ၁၈ ရက်နေ့ညမှာ စေ့စပ်ထားတာကို အကြောင်းပြပြီး ချိုင်ချန်းက ဆက်ဆံရေး တိုးမြှင့်ဖို့ ကြိုးစားခဲ့ပေမဲ့ ဇောင်လဲ့လဲ့က ငြင်းဆန်ခဲ့ပါတယ်"

"အောက်တိုဘာလ ၁၈ ရက်နေ့ည ၉:၃၀ နာရီမှာ ခရီးသွားဧည့်သည်များအတွက် ဟိုတယ်အခန်း တစ်ခန်းပဲ ကျန်တော့တဲ့အတွက် ဇောင်လဲ့လဲ့နဲ့ ချိုင်ချန်းတို့ အခန်းအတူယူခဲ့ရပြီး ချိုင်ချန်းက ဇောင်လဲ့လဲ့ကို ဘာမှ မလုပ်ပါဘူးလို့ ကတိပေးခဲ့ပါတယ်"

"ည ၉:၅၀ မှာ ချိုင်ချန်းက ဇောင်လဲ့လဲ့ကို အဓမ္မဆက်ဆံဖို့ ကြိုးစားခဲ့ပြီး ဇောင်လဲ့လဲ့က ပြတ်ပြတ်သားသား ငြင်းဆန်ခဲ့ပါတယ်"

"ည ၁၀:၁၂ မှာ ဇောင်လဲ့လဲ့က စိတ်ဆိုးပြီး ချိုင်ချန်းရဲ့ တောင်းဆိုမှုကို ထပ်ခါတလဲလဲ ငြင်းဆန်ခဲ့ပါတယ်။

ဇောင်လဲ့လဲ့က အခန်းတံခါးကိုဖွင့်ပြီး ထွက်ပြေးဖို့ ကြိုးစားပေမဲ့ ချိုင်ချန်းက အတင်းဆွဲခေါ်သွားခဲ့ပါတယ်"

"ည ၁၀:၂၀ မှာ ချိုင်ချန်းက ကျွန်တော့် အမှုသည်ဇောင်လဲ့လဲ့ကို အဓမ္မပြုကျင့်ခဲ့ပါတယ်"

"အဲဒီနောက်မှာတော့ ဇောင်လဲ့လဲ့က ရဲကို တိုင်ကြားဖို့ ဆုံးဖြတ်ခဲ့တာပါ"

"ဒီအမှုမှာ ဇောင်လဲ့လဲ့နဲ့ ချိုင်ချန်းတို့ စေ့စပ်ထားကြပေမဲ့ ချိုင်ချန်းအနေနဲ့ ဇောင်လဲ့လဲ့ရဲ့ ပုဂ္ဂိုလ်ရေးဆန္ဒကို လေးစားမှုမရှိဘဲ အဓမ္မပြုကျင့်ခဲ့တာကြောင့် ဇောင်လဲ့လဲ့မှာ ကြောက်ရွံ့မှု၊ စိတ်ဓာတ်ကျမှုတွေ ဖြစ်ပေါ်လာပြီး စိတ်ပိုင်းဆိုင်ရာ ထိခိုက်မှုတွေ အကြီးအကျယ် ခံစားခဲ့ရပါတယ်"

"ဒါကြောင့် ကျွန်တော်တို့ရဲ့ တောင်းဆိုချက်တွေကတော့"

"နံပါတ်တစ် ချိုင်ချန်းက ကျွန်တော့်ရဲ့ အမှုသည် ဇောင်လဲ့လဲ့ရဲ့ ဆန္ဒကို ဆန့်ကျင်ပြီး အဓမ္မပြုကျင့်ခဲ့ပါတယ်။

ဒါကြောင့် ချိုင်ချန်းက မုဒိမ်းမှု ကျူးလွန်သူပါ

ဟွာရှရာဇသတ်ကြီး ဥပဒေ ပုဒ်မ ၂၃၆ အရ... အမျိုးသမီးတစ်ဦးကို အကြမ်းဖက်မှု၊ ခြိမ်းခြောက်မှု ဒါမှမဟုတ် အခြားနည်းလမ်းတွေနဲ့ မုဒိမ်းကျင့်တဲ့သူကို ထောင်ဒဏ် ၃ နှစ်ကနေ ၁၀ နှစ်အထိ ချမှတ်ရမှာပါ။

ကျွန်တော်တို့အနေနဲ့ တရားရုံးတော်ကနေ ချိုင်ချန်းကို အမြင့်ဆုံးပြစ်ဒဏ်ဖြစ်တဲ့ ထောင်ဒဏ် ၁၀ နှစ်အထိ ချမှတ်ပေးဖို့ တောင်းဆိုပါတယ်။

နံပါတ်နှစ် ဇောင်လဲ့လဲ့က ပြင်းထန်တဲ့ စိတ်ပိုင်းဆိုင်ရာ ထိခိုက်မှုကို ခံစားခဲ့ရပါတယ်။

ချိုင်ချန်းရဲ့ လုပ်ရပ်တွေကြောင့် ဇောင်လဲ့လဲ့ရဲ့ စိတ်ထဲမှာ မဖျောက်ဖျက်နိုင်တဲ့ အရိပ်ဆိုးတွေ ကျန်ရစ်ခဲ့ရပါတယ်။

ဒါကြောင့် ချိုင်ချန်းအနေနဲ့ ဇောင်လဲ့လဲ့အတွက် စိတ်ပိုင်းဆိုင်ရာ နစ်နာကြေး ငွေကျပ် ၂ သိန်း ပေးလျော်ဖို့နဲ့ တရားစွဲဆိုမှုဆိုင်ရာ ကုန်ကျစရိတ်အားလုံးကို ပေးဆောင်ဖို့ တောင်းဆိုအပ်ပါတယ်"

ဇောင်ယွီက တောင်းဆိုချက်များကို အပြည့်အစုံ တင်ပြလိုက်သည်။

သူ့ရှေ့နေ ပြောတာကို ကြားပြီးနောက် ဇောင်လဲ့လဲ့တစ်ယောက် ပျော်ရွှင်နေသည်။

ငွေနှစ်သိန်း….

ဒီငွေနှစ်သိန်းနဲ့ ငါ အိတ်ဝယ်ရတော့မှာ ဘယ်လောက်တောင် စိတ်ချမ်းသာစရာကောင်းလဲ။

ဇောင်လဲ့လဲ့က ချိုင်ချန်းကို လှည့်တောင် မကြည့်ဘဲ ထိုငွေနှစ်သိန်းကို ဘယ်လိုသုံးမလဲဆိုတာပဲ စဉ်းစားနေသည်။

ဇောင်ယွီက "ကျွန်တော်တို့မှာ ချိုင်ချန်းက ဇောင်လဲ့လဲ့ကို မုဒိမ်းကျင့်ခဲ့တယ်ဆိုတာကို အပြည့်အစုံ သက်သေပြနိုင်မယ့် အထောက်အထားတွေ ရှိပါတယ်"

"နံပါတ်တစ် ဆေးရုံစစ်ဆေးချက် အစီရင်ခံစာအရ ကျွန်တော့် အမှုသည်ဇောင်လဲ့လဲ့ရဲ့ ခန္ဓာကိုယ်အတွင်းမှာ ချိုင်ချန်းရဲ့ DNA တွေကို တွေ့ရှိခဲ့ပြီး ချိုင်ချန်းရဲ့ DNA တစ်ရှူးတွေကိုလည်း ဇောင်လဲ့လဲ့ရဲ့ အရေပြားတစ်ရှူးတွေမှာ တွေ့ရှိခဲ့ပါတယ်"

"နံပါတ်နှစ် ဇောင်လဲ့လဲ့ရဲ့ မိခင် ဇောင်ရီဖိန် တင်ပြထားတဲ့ အသံဖိုင်အရ ချိုင်ချန်းက အဲဒီညက သူကျူးလွန်ခဲ့တဲ့ မုဒိမ်းမှုကို ဝန်ခံခဲ့တာကို တွေ့ရပါတယ်။ သူက ရဲက ဖမ်းဆီးပြီးနောက်မှာလည်း ဘာမှမဖုံးကွယ်ဘဲ ဝန်ခံထားပြီးသားပါ"

"နံပါတ်သုံး ရဲတပ်ဖွဲ့က အဲဒီအချိန်က ဟိုတယ် ကင်မရာမှတ်တမ်းကို ပြန်လည်စစ်ဆေးခဲ့ရာမှာ ည ၁၀:၁၂ မှာ ဇောင်လဲ့လဲ့ ထွက်ပြေးဖို့ ကြိုးစားပေမဲ့ ချိုင်ချန်းက အတင်းဆွဲခေါ်သွားတာကို တွေ့ရပါတယ်"

"သက်သေခံချက်ရော သက်သေခံပစ္စည်းပါ ရှိနေတာပါ"

"တရားမျှတမှုကို ဖော်ဆောင်ပေးဖို့ တောင်းဆိုပါတယ်။ ကျွန်တော့် အမှုသည်ဇောင်လဲ့လဲ့ရဲ့ တရားဝင် အခွင့်အရေးကို ကာကွယ်ပေးပါ"

ဇောင်ယွီ ပြောသမျှ အကုန်ပြောပြီး အထောက်အထားတွေကိုလည်း တင်ပြလိုက်သည်။

ဇောင်ယွီ၏ အမြင်တွင် ဤအမှုသည် အလွန်ရိုးရှင်းသည်။

ပြိုင်ဘက်ရှေ့နေ ဘယ်လိုပင် ခုခံချေပပါစေ သူကတော့ ပြန်လည်တုံ့ပြန်ရန် အခွင့်အရေးကို ရှာဖွေနိုင်လိမ့်မည်ဟု ယုံကြည်နေသည်။

ဘယ်လိုပဲဖြစ်ဖြစ် ချိုင်ချန်းသည် ဇောင်လဲ့လဲ့ကို မုဒိမ်းကျင့်ခဲ့သည်မှာ အမှန်တရားဖြစ်သည်။

ချိုင်ချန်းကို ဘယ်လောက်ပဲ ခုခံကာကွယ်ပေးပါစေ အလကားသာဖြစ်သည်။

ဇောင်ယွီသည် ချိုင်ချန်းကို ထောင်ထဲပို့နိုင်လိမ့်မည်ဟု ၁၀၀ ရာခိုင်နှုန်း ယုံကြည်နေပြီး ပြိုင်ဘက်ရှေ့နေက ဘယ်သူဖြစ်နေပါစေ လုံးဝ ဂရုမစိုက်ပေ။

ဤအမှုသည် သူကိုယ်တိုင် ခုခံကာကွယ်ပေးခြင်း မရှိရင်တောင်မှ ချိုင်ချန်း ထောင်ကျဖို့ သေချာနေသည်ဟု ဇောင်ယွီက ယုံကြည်နေသည်။

အမှန်တရားသည် စကားလုံးများထက် ပို၍ ကျယ်လောင်သည်။

ချိုင်ချန်းသည် မုဒိမ်းမှု ကျူးလွန်ခဲ့သည့်အတွက် သူသည် အပြစ်မှ လွတ်မြောက်နိုင်မည် မဟုတ်ဘဲ အနည်းဆုံး ထောင်ဒဏ် ၃ နှစ်မှ စတင်မည်ဖြစ်သည်။

မကြာမီပင် တရားရုံးက အကဲဖြတ်ရလဒ်ကို ထုတ်ပြန်ခဲ့သည်။

တရားသူကြီးချုပ် ကျောက်ကျီချောင်က "ဆေးရုံစစ်ဆေးချက် အစီရင်ခံစာက မှန်ကန်ပြီး အသံဖိုင်နှင့် ကင်မရာမှတ်တမ်းတို့ကလည်း စစ်မှန်ကြောင်း အတည်ပြုပါတယ်" ဟု ပြောသည်။

ဤအထောက်အထားများကို ရဲတပ်ဖွဲ့ကလည်း စစ်ဆေး အတည်ပြုပြီး ဖြစ်သည်။

တရားခွင်အတွင်းရှိ လူတိုင်းသည် ချိုင်ချန်းက မုဒိမ်းမှုကျူးလွန်ကြောင်း ဝန်ခံထားသည့် အသံဖိုင်ကို ကြားလိုက်ရသည်။

ဇောင်ရီဖိန်: "ချိုင်ချန်း မင်း အမှားကို သိရဲ့လား"

ချိုင်ချန်း: "အန်တီ ကျွန်တော် တကယ် အမှားကို သိပါတယ်။ ကျွန်တော် စိတ်အလိုမလိုက်ခဲ့သင့်ပါဘူး"

ဇောင်ရီဖိန်: "မင်း ဒီနှစ် အောက်တိုဘာလ ၁၈ ရက်နေ့ညမှာ ငါ့သမီး ဇောင်လဲ့လဲ့ကို မုဒိမ်းကျင့်ခဲ့တာ မဟုတ်လား"

ချိုင်ချန်း: "ဟုတ်ပါတယ် အန်တီ တောင်းပန်ပါတယ်။ ကျွန်တော် မလုပ်ခဲ့သင့်ပါဘူး...."

၁ မိနစ်ကြာသည့် ဤအသံဖိုင်သည် ဇောင်ရီဖိန်နှင့် ချိုင်ချန်းတို့၏ တကယ့် စကားပြောဆိုမှု ဖြစ်သည်။

အသံဖိုင်ကို လူသိရှင်ကြား ထုတ်ပြန်လိုက်သည့်အခါ အင်တာနက်သုံးစွဲသူများက အားမလိုအားမရ ဖြစ်လာကြသည်။

[ဒီကောင်ကတော့... သူတို့က စကားအလှည့်အပတ်နဲ့ ထောင်ချောက်ဆင်နေတာ သိသာနေတာပဲ။ ဘာလို့ သွားဝန်ခံလိုက်ရတာလဲ]

[ပြီးပြီ ပြီးပြီ ဒီအသံဖိုင်နဲ့ဆိုရင် ဘယ်လောက်တော်တဲ့ ဥပဒေမဲ့မိုက်ရူးရဲပဲ လာလာ ချိုင်ချန်းကို ကယ်နိုင်တော့မှာ မဟုတ်ဘူး]

[သူကိုယ်တိုင် ဝန်ခံထားတာလေ နောက်ပိုင်း ရဲစခန်းမှာ ထပ်ဝန်ခံတာလည်း ဘာမှ အကျိုးမထူးတော့ဘူး။ ဒါက မုဒိမ်းမှု ဖြစ်တာ သေချာသွားပြီ။ ဘယ်သူမှ ချိုင်ချန်းကို တကယ် မကယ်နိုင်တော့ဘူး]

[ချိုင်ချန်းတော့ တကယ့်ကို ကံဆိုးတာပဲ။ စကားနဲ့ ထောင်ချောက်ဆင်ခံရပြီး အသံဖိုင် အဖမ်းခံရတာ]

တိုက်ရိုက်ထုတ်လွှင့်မှုကို ကြည့်နေသည့် ညီအစ်ကိုများစွာက ချိုင်ချန်းအတွက် မတရားဟု ခံစားနေကြရသည်။

သို့သော်လည်း ဘာမှ မတတ်နိုင်တော့ပေ။

ဇောင်ရီဖိန်က တမင်သက်သက် ထောင်ချောက်ဆင်နေတာ သိသာနေသည်။

ဖြူစင်ရိုးသားသည့် ချိုင်ချန်းကတော့ ဘာမှ မတုံ့ပြန်နိုင်ခဲ့ပေ။

တိုက်ရိုက်ထုတ်လွှင့်မှုထဲမှ နတ်သမီးလေးအချို့ကမူ ဇောင်လဲ့လဲ့ကို ထောက်ခံနေကြသည်။

[ကြည့်လေ သူကိုယ်တိုင် မုဒိမ်းမှုကျူးလွန်ကြောင်း ဝန်ခံထားတာပဲ။ ချိုင်ချန်းကို ထောင်ချမှကို ဖြစ်မှာ]

[သူကိုယ်တိုင် ဝန်ခံထားတာပဲ။ ဒါကြောင့် ထောင်ချသင့်တယ် သူဝန်ခံထားတာပဲဟာ။ ဆေးရုံစစ်ဆေးချက်လည်း ရှိနေတာပဲ သူ့ အဖမ်းခံရမယ်]

[တကယ့်ကို လူယုတ်မာပဲ။ ဒီလို လူယုတ်မာမျိုးကို ထောင်ထဲ ပို့လိုက်ရမှာ ဇောင်လဲ့လဲ့က မင်းနဲ့ စေ့စပ်ထားရုံနဲ့ မင်းကို မုဒိမ်းကျင့်ခွင့်ရှိတယ်လို့ ဘယ်သူပြောလဲ]