အခန်း ၂၅၃၇
Vol. 254 Ch. 2537
အခန်း (၂၅၃၇) - လျှို့ဝှက်ဓားဂိုဏ်း၊ ဖုန်းယွမ်ဝူအောက်
ကြီးမားသော ဂိုဏ်းကြီးများမှ တပည့်များအားလုံးသည် ဝမ်ချုံစန်းက ထိုကဲ့သို့သော နည်းလမ်းဖြင့် ပြိုင်ဘက်ကို အရှုံးပေးရန် ဆွယ်တရားဟောလိမ့်မည်ဟု မထင်မှတ်ထားခဲ့ကြပေ။ အချို့မှာ အံ့အားသင့်နေကြပြီး အချို့မှာမူ စကားမပြောနိုင်လောက်အောင် စိတ်ပျက်လက်ပျက် ဖြစ်သွားကြသည်။
ထိုထက်ပို၍ ပြင်းထန်သူများမှာမူ ချက်ချင်းပင် ဆဲဆိုလှောင်ပြောင်လိုက်ကြသည်။
“အလုံးစုံသိမြင်ဂိုဏ်းက ကောင်တွေ၊ လက်ရည်က မရှိဘဲနဲ့ ပါးစပ်နဲ့ပဲ အလုပ်ဖြစ်နေတာလား ”
“မင်းတို့ အလုံးစုံသိမြင်ဂိုဏ်းက တစ်နေ့လုံး လူယောင်ဆောင်ပြီး လှည့်ဖျားတတ်တာ ငါတို့ သိတယ်၊ လင်ယောင်ဂိုဏ်းက ညီအစ်ကိုရေ၊ သူ့စကားကို ယုံပြီး လှည့်စားမခံလိုက်နဲ့ ”
“လင်ယောင်ဂိုဏ်းက အစ်ကိုရေ၊ ဒီအလုံးစုံသိမြင်ဂိုဏ်းက ကောင်ကို သတ်ပစ်လိုက်ပါ၊ ကျွန်မတို့ မိသားစုကို လင်ယောင်ဂိုဏ်းဆီ တောင်းရမ်းခိုင်းလိုက်မယ် ”
နတ်မိမယ်ယွီမှာ ထိုစကားကို ကြားသောအခါ ထိုအမျိုးသမီးဆီသို့ ချက်ချင်းပင် လှည့်ကြည့်လိုက်ပြီး ပြောလိုက်သည်။
“နင်က ဘာပြောလိုက်တာလဲ”
ဖန်ကျစ်ရွှယ် နှင့် အခြားသူများမှာ ခေတ္တမျှ ကြောင်သွားကြသည်။
ဖူယာယာနှင့် လဲ့လဲ့တို့မှာ တစ်ယောက်ကိုတစ်ယောက် ကြည့်လိုက်ကြပြီး အမူအရာမှာ ထူးဆန်းနေသည်။
“ဘာဖြစ်လို့လဲ ယဲ့အစ်ကိုက အရမ်းတော်တာပဲ၊ ကျွန်မ သူ့ကို လက်ထပ်ချင်တာ မဖြစ်ဘူးလား ”
ထိုအမျိုးသမီးမှာ နတ်မိမယ်ယွီကို မကြောက်ရွံ့သည့်အပြင် ပြုံးကာ စိန်ခေါ်လိုက်သေးသည်။
“နင်လည်း ယဲ့အစ်ကိုကို သဘောကျတာလား ဒါဆိုရင်လည်း တရားမျှတစွာ ယှဉ်ပြိုင်ကြတာပေါ့ ”
“ခဏနေရင် စင်မြင့်ပေါ် တက်လာခဲ့၊ နင်နဲ့ ငါ ယှဉ်တိုက်မယ်။”
နတ်မိမယ်ယွီက အေးစက်စက် ပြောလိုက်သည်။
လှုပ်ရှားမှုနယ်မြေမှ ထိုသူများမှာ တစ်ယောက်မျက်နှာ တစ်ယောက်ကြည့်ကာ စိတ်ထဲတွင် ခါးသီးစွာ ပြုံးလိုက်ကြသည်။
နတ်မိမယ်ယွီသည် ချင်းမင်မှ လူသားမျိုးနွယ် ဖန့်ချန်ကို သဘောကျနေလိမ့်မည်ဟု သူတို့ အမှန်တကယ်ပင် မထင်မှတ်ထားခဲ့မိပါ။
“ဖန်ချန်ကံကလည်း ကောင်းလှချည်လား……”
ဆွေ့ထျန်းဟွမ်၊ ရှန်ရှိုးယွမ်နှင့် အခြားသော ကောင်းကင်ဘုံအရှင် ဆက်ခံသူများ၏ အမူအရာမှာ ရှုပ်ထွေးနေကြသည်။
“ငါနဲ့ တိုက်မယ် ကောင်းပြီလေ။”
ထိုအမျိုးသမီးမှာ အနည်းငယ် ပြုံးလိုက်ပြီး စိန်ခေါ်မှုကို လက်ခံလိုက်သည်။
……
……
“ငါသိချင်တဲ့ ဘယ်လိုလျှို့ဝှက်ချက်မဆို မင်းပြောပြနိုင်တယ်ပေါ့”
ဖန့်ချန်က တွေးတောရင်း မေးလိုက်သည်။
ဝမ်ချုံစန်းမှာ အခွင့်အရေးရှိသည်ဟု ယူဆကာ ခေါင်းကို အမြန်ငြိမ့်လိုက်သည်။
“ဟုတ်တယ်လေ၊ မင်း ဘာလျှို့ဝှက်ချက်တွေ သိချင်တာလဲ ဒီနေရာက ထွက်သွားတဲ့အခါ အလုံးစုံသိမြင်ဂိုဏ်းကို လာခဲ့၊ ငါ မင်းကို ပြောပြနိုင်မှာ အသေအချာပဲ။ ငါမသိရင်တောင် ငါတို့ ဂိုဏ်းချုပ်ကတော့ သိမှာ သေချာတယ်”
“အလကား လေထဲမှာ ပုံဆွဲပြတဲ့မုန့် (အလကားပေးမယ့် ကတိစကား) တွေကို ငါ မစားဘူး၊ ငါ အဲ့လိုမျိုး လှည့်စားတတ်တဲ့ ကောင်တွေကို အမုန်းဆုံးပဲ။”
ဖန်ချန်၏ အကြည့်မှာ အေးစက်သွားပြီး ခန္ဓာကိုယ်မှ စွမ်းအားများ စတင် လှုပ်ရှားလာသည်။
မြားတစ်စင်းမှာ သူ့ရှေ့တွင် ပေါ်လာပြီး မည်သည့်အချိန်မဆို ပစ်လွှတ်လိုက်တော့မည့် အနေအထား ဖြစ်သည်။
ဝမ်ချုံစန်းမှာ ချက်ချင်းပင် တည်ငြိမ်စွာ ပြောလိုက်သည်။
“အလကား လှည့်စားတာ မဟုတ်ပါဘူး။”
“ငါ မယုံဘူး၊ သံသရာမသေမျိုးဂိုဏ်းရဲ့ စာမေးပွဲအကြောင်းကို ငါ သိပ်နားမလည်သေးဘူး၊ အဲ့ဒီအစား ဒီနေရာအကြောင်း အသေးစိတ်ကို အရင်ပြောပြပါ၊ ပြီးမှ ငါ ဆုံးဖြတ်ချက်ချမယ်။”
ဖန်ချန်က အေးဆေးစွာ ပြောသည်။
ဝမ်ချုံစန်းမှာ သက်ပြင်းချလိုက်သည်
“ညီအစ်ကိုရာ၊ မင်းကလည်း လေထဲမှာ ပုံဆွဲပြနေပြန်ပြီ။ ငါက အဲ့လောက်တောင် မိုက်မဲမယ်လို့ ထင်နေတာလား ”
“ဒါဆိုရင် မင်း ငါ့ကို ကျင့်စဉ်နဲ့ ပတ်သက်တဲ့ သံသယတွေကို ဖြေရှင်းပေးနိုင်မလား ပြီးတော့ အဆင့်တစ်ခုချင်းစီမှာ သတိထားရမယ့် အချက်တွေကိုပါ ပြောပြပေးနိုင်မလား ”
ဖန်ချန်က ရယ်မောရင်း ပြောသည်။
“ငါတို့ အခုက စွမ်းအင်စုစည်း တဲ့အဆင့်မှာပဲ ရှိသေးတာလေ၊ သတိထားရမယ့်အချက်တွေကလည်း သိပ်မရှိပါဘူး၊ မင်းတို့ လင်ယောင်ဂိုဏ်းရဲ့ အကြီးအကဲတွေက သိမှာပေါ့ ဒီထက်မြင့်တဲ့အဆင့်တွေကျတော့ ငါလည်း သိပ်မသိဘူး။”
ဝမ်ချုံစန်း၏ မျက်လုံးထဲတွင် သံသယအရိပ်အယောင်တစ်ခု ဖြတ်ပြေးသွားသည်။
စွမ်းအင်စုစည်းတာလား
ဖန်ချန် ဆက်မတွေးခင်မှာပင် ဝမ်ချုံစန်းမှာ တိုက်ခိုက်လာသည်။
သူ၏ နည်းလမ်းများမှာ ယခင်က သုံးယောက်ထက် သိသိသာသာ ပိုမိုအားကောင်းနေသည်။ အကယ်၍ သူ့ကို နေမင်း ခုနစ်ပါးခန်းမမှာ ထားလိုက်ပါက စီီကုပေ့ နှစ်ယောက်ကိုတောင် ယှဉ်တိုက်နိုင်လိမ့်မည်။ လွမ်းဟုန်ဟွမ်နှင့် တန်းတူအဆင့် ရှိလောက်မည်ဟု ခန့်မှန်းရသည်။
ဖန့်ချန်သည် ထိုအခြေအနေကို မြင်သောအခါ ကောင်းကင်လျှပ်စီး နည်းလမ်းကို သုံးလိုက်သည်။ မြားမှာ တောက်ပသော လျှပ်စီးရောင်ခြည်များဖြင့် ပေါက်ကွဲထွက်သွားပြီး အနည်းငယ် ယှဉ်တိုက်ပြီးနောက် ဝမ်ချုံစန်း၏ ရင်ဘတ်ကို ဖောက်ထွက်သွားသည်။
“မင်း ငါ့ကို မှတ်ထားလိုက်”
ဝမ်ချုံစန်းမှာ ရင်ဘတ်ကို ဖိကိုင်ထားရင်း သူ၏ ပုံရိပ်မှာ တဖြည်းဖြည်း ပျောက်ကွယ်သွားသည်။
“နှမြောစရာပဲ၊ ဒီကောင်က ပါးစပ်သေချာလုံတယ်၊ ဘာမှ မေးလို့မရဘူး၊ ခဏနေရင် တခြားတစ်ယောက်ကိုပဲ တည့်တည့်မေးလိုက်တော့မယ်။”
ထိုသို့ တွေးတောပြီးနောက် ဖန့်ချန်သည် ဘဲ့ထျန်းဂိုဏ်းဘက်သို့ ဆက်လက် စိန်ခေါ်လိုက်သည်။
ဘဲ့ထျန်းဂိုဏ်းမှ တပည့်များမှာမူ မည်သည့်တုံ့ပြန်မှုမျှ မရှိဘဲ၊ အသေကောင်တစ်ကောင်ကို ရေနွေးပူလောင်းလည်း မပူတော့သည့်ဟန်ဖြင့် ငြိမ်သက်နေကြသည်။
ထို့နောက် ဂိုဏ်းပေါင်းစုံမှ တပည့်များမှာ တစ်ယောက်ပြီးတစ်ယောက် စင်မြင့်ပေါ်သို့ အတင်းအကျပ် ပို့ဆောင်ခံလိုက်ရသည်။
မျက်စိတစ်မှိတ်အတွင်းတွင် ဖန်ချန်မှာ ကိုးပွဲဆက်တိုက် အနိုင်ရရှိသွားခဲ့ပြီး နောက်ဆုံးတစ်ပွဲသာ လိုတော့သည်။
“ဖန်ချန်က ဒီတစ်ခါတော့ စင်ကြယ်သော ဗောဓိသီးကို ရတော့မှာပဲ။”
ဖန်ရွှေမှာ ရုတ်တရက် ခံစားချက်တစ်ခု ပေါ်လာသည်။
“စင်ကြယ်သော ဗောဓိသီး ဘာဖြစ်တာလဲ မင်းတို့ ငါတို့ကို မပြောပြတဲ့ ကိစ္စတွေ အများကြီး ရှိနေတာလား”
ဆွေ့ထျန်းဟွမ်နှင့် အခြားသူများမှာ ဖန်ရွှေကို မယုံကြည်သလို အကြည့်များဖြင့် ကြည့်လိုက်ကြသည်။
ဖန်ဆွေက အားနာစွာ ပြောလိုက်သည်
“ငါလည်း ခုနကမှ သတိရသွားတာပါ၊ ဒီကို ရောက်ကတည်းက မှတ်ဉာဏ်တွေက သိပ်မကောင်းတော့ဘူး။ သူတို့က စင်ကြယ်သော ဗောဓိသီးကို အခြေခံတည်ဆောက်ခြင်း အသီးလို့ ခေါ်ကြတယ်၊ ဆယ်ပွဲဆက်တိုက်နိုင်ရင် အလုံးဆယ်လုံး ရနိုင်တယ်တဲ့။”
“ဟူးးး”
ဖူယာယာ အပါအဝင် ကောင်းကင်ဘုံအရှင် ဆက်ခံသူများအားလုံးမှာ အသက်ရှူသံ ပြင်းပြင်းဖြင့် အံ့အားသင့်သွားကြသည်။
စင်ကြယ်သော ဗောဓိသီး ဆယ်လုံး ဒီလူတွေက ဘယ်လိုနေရာမျိုးမှာ ရောက်နေကြတာလဲ ဆယ်ပွဲနိုင်ရုံနဲ့ ဘာလို့ ဒီလောက်ထိ ကြီးမားတဲ့ ဆုလာဘ်တွေ ရနိုင်ရတာလဲ။
“အတည်ပြုလို့ရပြီ၊ ဒီနေရာရဲ့ အရင်းအမြစ်က ငါတို့ရဲ့ ကောင်းကင်ငါးပါးထက်တောင် သာလွန်နိုင်တယ်။”
ရှန်းရှိုးယွမ်မှာ မျက်နှာကို တည်တင်းစွာဖြင့် လေသံလွှင့်ကာ ပြောလိုက်သည်။
“ကောင်းကင်ငါးပါးက ရှေ့ဆောင်တွေကို သတိပေးဖို့ နည်းလမ်းတစ်ခုခု ရှာရမယ်၊ ဒီနေရာက တိုက်ခိုက်မှုတွေကို ကြံ့ကြံ့ခံနိုင်အောင် ပြင်ဆင်ထားရမယ်”
“ဘယ်လို သတိပေးမှာလဲ မှတ်ဉာဏ်တွေကလည်း မမှတ်မိနိုင်ဘူးလေ……”
ရင်တန့်မှာ ရေရွတ်လိုက်သည်။
ကောင်းကင်ဘုံအရှင် ဆက်ခံသူတိုင်း၏ အမူအရာမှာ အလွန်ပင် လေးနက်သွားသည်။ တစ်နေ့နေ့တွင် ကောင်းကင်ငါးပါးမှ ပညာရှင်များသည် ထိုနယ်မြေမှ ပညာရှင်များနှင့် ရင်ဆိုင်ရပါက၊ လုံလောက်သော ပြင်ဆင်မှု မရှိပါက၊ ဤသည်မှာ ကောင်းကင်ကိုပင် ဖျက်ဆီးမည့် စစ်ပွဲဖြစ်လာနိုင်သည်။
ထိုအချိန်တွင် လူတိုင်း၏ အာရုံစိုက်မှုမှာ ပုံရိပ်တစ်ခုဆီသို့ ရောက်သွားသည်။ နောက်ထပ် ကျပန်းရွေးချယ်ခံရမည့် ကံထူးရှင်ဟု ထင်ထားကြသော်လည်း တစ်ယောက်ယောက်မှာ စင်မြင့်ပေါ်သို့ ကိုယ်တိုင် တက်သွားသည်ကို တွေ့လိုက်ရသည်။
ထိုသူ ပေါ်လာသည့်အခါ အနီးအနားရှိ ဂိုဏ်းမှ တပည့်များမှာ စကားမပြောနိုင်အောင် ဖြစ်သွားကြပြီး မျက်လုံးများတွင် အံ့ဩမှုများ ပြည့်နှက်သွားသည်။
“အဲ့ဒါ လျှို့ဝှက်ဓားဂိုဏ်းက ဖုန်းယွမ်ဝူအောက်မဟုတ်ဘူးလား”
“သူလည်း သံသရာမသေမျိုးဂိုဏ်းရဲ့ ရွေးချယ်ပွဲကို လာတာလား ”
“ခုနက သူရှိနေတာကို ဘာလို့ မသိလိုက်ရတာလဲ”
တစ်ခဏအတွင်းမှာပင် လူတိုင်း၏ အကြည့်များမှာ ဖန်ချန်ဆီမှ ဤရုပ်ရည်ပြေပြစ်သော လူငယ်ဆီသို့ ပြောင်းသွားသည်။ ဖူယာယာတို့ပင်လျှင် ထိုလူငယ်၏ စွမ်းအားမှာ ထိုနေရာရှိ သူတော်စင်အဆင့် ပညာရှင်အများစုထက် အဆမတန် သာလွန်နေကြောင်း ခံစားလိုက်ရသည်။
“လွန်ခဲ့တဲ့ နှစ်သုံးဆယ်က အဆင့်မြင့် ဂိုဏ်းတစ်ရာကြားထဲမှာ ပြိုင်ပွဲတစ်ခု လုပ်ခဲ့တုန်းက၊ ဂိုဏ်းတိုင်းက အတော်ဆုံး လူငယ်မျိုးဆက်ဆယ်ယောက်ကို ရွေးထုတ်ခဲ့တာ မှတ်မိတယ်။”
“ဖုန်းယွမ်ဝူအောက်ရဲ့ အဆင့်က…… တတိယ မဟုတ်ဘူးလား သူက တစ်ဂိုဏ်းတည်းက အစ်မတော်တစ်ယောက်ကို ရှုံးသွားတာ။”
“အတော်ဆုံး လူငယ်မျိုးဆက် တစ်ထောင်ထဲမှာ တတိယရတယ်ဆိုတာ မယုံနိုင်စရာပဲ၊ နယ်မြေထိန်းသိမ်းရေး ဂိုဏ်းမှာတောင် သူ့ကို ယှဉ်နိုင်တဲ့သူ နည်းနည်းပဲ ရှိတာ……”
“ဒီတစ်ခါ သူ သံသရာမသေမျိုးဂိုဏ်းရဲ့ တပည့်ဖြစ်လာပြီး၊ သုံးခုမြောက် နတ်ဘုရားစွမ်းအားကို နားလည်သွားမလားပဲ။”
တီးတိုးပြောဆိုသံများမှာ မပြတ်မတောက် ပေါ်ထွက်နေသည်။ ဖူယာယာသည် ဖုန်းယွမ်ဝူအောက်ကို ကြည့်ရင်း စိုးရိမ်စိတ် ပေါ်လာသည်။ ရုတ်တရက် သူက တစ်ချက်လှည့်ကြည့်လိုက်သလို ခံစားရပြီး ထိုအကြည့်တစ်ခုတည်းဖြင့်ပင် ဖူယာယာမှာ တစ်ကိုယ်လုံး အေးစက်သွားသည်။ သူသည် ဤလူကို ယှဉ်နိုင်မည်မဟုတ်ကြောင်း သူမ နားလည်လိုက်သည်။ ၎င်းက သူမကို စိတ်ပျက်သွားစေသည်။
ထိုအချိန်တွင် ဖုန်းယွမ်ဝူအောက်မှာ စင်မြင့်ပေါ်သို့ ရောက်ရှိနေပြီဖြစ်သည်။ ဖန်ချန်၏ မျက်လုံးများမှာလည်း တည်ငြိမ်သွားသည်။
“လျှို့ဝှက်ဓားဂိုဏ်း၊ ဖုန်းယွမ်ဝူအောက်။”
သူက ဖန်ချန်ကို ကြည့်ကာ ပြုံး၍ ပြောလိုက်သည်။
“လင်ယောင်ဂိုဏ်း၊ ယဲ့ထျန်းဂူ။”
ဖန်ချန်က ခေါင်းညိတ်လိုက်သည်။
“သာမန်ဂိုဏ်းကနေ မင်းလို ပါရမီရှင်မျိုး ထွက်လာဖို့ မဖြစ်နိုင်ဘူး။ မင်းနဲ့ မင်းရဲ့ သူငယ်ချင်းတွေက ဘယ်ဂိုဏ်းကလဲ ဆိုတာ တည့်တည့်ပြောပြဖို့ မလိုဘူးလား။”
ဖုန်းယွမ်ဝူအောက် စကားပြောနေရင်း သူ၏ လက်ထဲတွင် ရှည်လျားသော ဓားတစ်လက် ပေါ်လာသည်။
ဆွေ့ထျန်းဟွမ်၏ ဘေးတွင် ရပ်နေသည့် ကောင်းကင်စစ်သည်မျိုးနွယ်မှ အရှင်သခင် ဆက်ခံသူမှာ ထိုဓားကို မြင်လိုက်ရသည့်အခါ မျက်လုံးထဲတွင် အံ့ဩမှုများ ဖုံးလွှမ်းသွားသည်။ ထိုဓား၏ အရှိန်အဝါမှာ သူပိုင်ဆိုင်ထားသော အမြင့်မြတ်ဆုံး လက်နက်ထက်ပင် ပိုမို အားကောင်းနေခဲ့သည်။