အခန်း ၂၆၄

အခန်း (၂၆၄) ယဇ်ပစ္စည်းများ ပြည့်စုံခြင်း... ယဇ်ပူဇော်မည့် အချိန်

မိစ္ဆာနဂါး အနှစ်သာရသွေး။

ဤအရာက ကျန်းချဲ့ အလိုချင်ဆုံး အရာပင် ဖြစ်လေသည်။

သူ၏ ကျင့်ကြံမှု မြင့်မားလာသည်နှင့်အမျှ ယဇ်ပူဇော်ရန် လိုအပ်သော ပစ္စည်းများကလည်း ပိုမို ခက်ခဲရှားပါးလာမည်ကို သူ ကြိုတင် ခန့်မှန်းမိနေသည်။ အထူးသဖြင့် ရွှမ်ထျန်း နဂါးပြောင်းလဲခြင်း ကျင့်စဉ် က နဂါးမျိုးနွယ်စုနှင့် ဆက်နွှယ်နေသဖြင့် နဂါး၏ ရတနာများက မရှိမဖြစ် လိုအပ်လာမည်မှာ သေချာပေသည်။

အကယ်၍ အောက်ခွန်း ကသာ ဤနေရာမှနေ၍ သူ့ကို သွေးများ အဆက်မပြတ် ထောက်ပံ့ပေးနိုင်မည်ဆိုပါက နောက်ပိုင်းတွင် သူ၏ ကျင့်ကြံခြင်း လမ်းကြောင်းက များစွာ ပိုမို လွယ်ကူသွားမည်မှာ အသေအချာပင်။ ထို့အပြင် ထျန်းလုံ ဘုန်းကြီးကျောင်း လည်း ရှိသေးလေသည်။

ကျင်းယွမ် ဘုန်းကြီးကျောင်း ပျက်စီးခဲ့ရသည့် ကိစ္စ... ဖာမင် ဘုန်းကြီးကျောင်း ပျက်စီးခဲ့ရသည့် ကိစ္စများ... အကယ်၍ ထျန်းလုံ ဘုန်းကြီးကျောင်း ကသာ သူလုပ်သည်ကို သိသွားပါက သေချာပေါက် သူ့ကို အလွတ်ပေးမည် မဟုတ်ချေ။ တစ်နေ့နေ့တွင် သူတို့ကြား၌ တိုက်ပွဲတစ်ခု ဖြစ်ပွားလာမည်မှာ အသေအချာပင်။

အကယ်၍ အောက်ခွန်း က ထျန်းလုံ ဘုန်းကြီးကျောင်း တွင် ပုန်းအောင်းနေမည်ဆိုပါက အမှန်တကယ် တိုက်ပွဲ ဖြစ်ပွားလာချိန်တွင် ကျန်းချဲ့ အနေဖြင့် သူ၏ အစီအစဉ်ကို အသုံးချကာ ထျန်းလုံ ဘုန်းကြီးကျောင်း ကို တစ်ချက်တည်းဖြင့် အနိုင်ယူနိုင်ပြီး နှစ်ပေါင်းရာချီ စုဆောင်းထားသော သူတို့၏ စည်းစိမ်များကိုပါ သိမ်းပိုက်နိုင်မည် ဖြစ်လေသည်။ ထိုသို့သာ လုပ်နိုင်မည်ဆိုပါက သူ၏ အင်အားက အလွန် ကြီးမားလာမည်မှာ အသေအချာပင်။

"မင်း သွေး ဘယ်လောက် လိုချင်တာလဲ"

အချိန်အတော်ကြာ တိတ်ဆိတ်နေပြီးနောက် အောက်ခွန်း က ရုတ်တရက် မေးလိုက်လေသည်။

"စိတ်ချပါ... မိစ္ဆာနဂါး အနှစ်သာရသွေး ကို တောင်းဆိုပေမဲ့ ဂျူနီယာ က တခြား ဝိညာဉ်ပစ္စည်းတွေနဲ့ ပြန်ပေးမှာပါ... စီနီယာ့ကို အရှုံးမခံစေရပါဘူး... ဒါ့အပြင် စီနီယာက ထျန်းလုံ ဘုန်းကြီးကျောင်း ကို အရမ်း မုန်းတီးနေသလို ဂျူနီယာ နဲ့ ထျန်းလုံ ဘုန်းကြီးကျောင်း ကြားမှာလည်း ရန်ငြိုးဟောင်း ရန်ငြိုးသစ် တွေ ရှိနေတယ်... ကျုပ်တို့ နှစ်ယောက် ပူးပေါင်းမယ်ဆိုရင် တစ်နေ့နေ့ကျရင် သူတို့ကို ဖျက်ဆီးပစ်ဖို့ အခွင့်အရေး မရှိဘူးလို့ မပြောနိုင်ဘူးလေ"

ကျန်းချဲ့က ပြုံးလျက် ပြောလိုက်လေသည်။

အကယ်၍ သူတို့ မတိုက်ခိုက်မီက ကျန်းချဲ့က ထျန်းလုံ ဘုန်းကြီးကျောင်း ကို ဖျက်ဆီးပစ်မည်ဟု ပြောခဲ့လျှင် အောက်ခွန်း အနေဖြင့် လှောင်ပြောင်ရယ်မောမိမည်မှာ အသေအချာပင်။ ထျန်းလုံ ဘုန်းကြီးကျောင်း က မည်မျှ အစွမ်းထက်သနည်း။ ရဟန္တာ(ရှန်ရှန်း) အဆင့် သိုင်းပညာရှင် ပင် တစ်ပါးမက ရှိနေပြီး အင်အား အလွန် တောင့်တင်းလှလေသည်။

ရွှမ်တန်အဆင့် သာ ရှိသေးသူ တစ်ယောက်က ဖျက်ဆီးပစ်ချင်သည်ဟု ဆိုခြင်းမှာ အိပ်မက် မက်နေခြင်းသာ ဖြစ်လေသည်။

သူကိုယ်တိုင်ပင်လျှင် ထျန်းလုံ ဘုန်းကြီးကျောင်း ကို အလွန် မုန်းတီးကာ ထိုဘုန်းကြီးများအားလုံးကို အရေခွံခွာ အရွတ်နုတ် ပစ်ချင်နေသော်လည်း ထိုကိစ္စက အလွန် ခက်ခဲကြောင်း သိထားသဖြင့် သူ အများဆုံး စဉ်းစားမိသည်မှာ ထွက်ပြေးလွတ်မြောက်ရန်သာ ဖြစ်လေသည်။

သို့သော် ယခု... ကျန်းချဲ့၏ အရှေ့တွင် ရှိနေသော ဝိညာဉ်အသွင်ပြောင်း နတ်မှော်အဆောင် နှင့် မလှမ်းမကမ်းတွင် ရှိနေသော ချီထျန်းဟယ် တို့ကို ကြည့်ကာ...

ထိုအရာများ အားလုံးက ကျန်းချဲ့၏ အင်အားများ အဖြစ် သတ်မှတ်နိုင်လေသည်။ အနာဂတ်တွင် ထျန်းလုံ ဘုန်းကြီးကျောင်း ကို ဖျက်ဆီးပစ်ရန် အမှန်တကယ် ဖြစ်နိုင်ခြေ ရှိလာနိုင်ပေသည်။ ထို့အပြင် သူ၏ ဤ ခန္ဓာကိုယ်ကလည်း ဗုဒ္ဓဘာသာဝင် တစ်ဦး ဖြစ်နေသဖြင့် အရမ်း သိသာထင်ရှားအောင် နေ၍ မရချေ။

သူ၏ မူလခန္ဓာကိုယ်က ဒဏ်ရာ ပြင်းထန်လွန်းသဖြင့် ကုသရန်အတွက် ဝိညာဉ်ပစ္စည်း အများအပြား လိုအပ်နေချိန်တွင် ရတနာများ ရှာဖွေပေးမည့်သူ တစ်ယောက် လိုအပ်နေလေသည်။ ကျန်းချဲ့က မြောက်လင် ချီမိသားစု ၏ နောက်ခံရှိပြီး ရာထူးလည်း ကြီးမားသဖြင့် ထိုအရည်အချင်း အပြည့်အဝ ရှိပေသည်။ ထို့အပြင် ယခု အချိန်တွင် သူ ငြင်းဆန်နိုင်စွမ်း ရှိပါသေးသလား။

"ကောင်းပြီ... ဒီဘုရင် က မင်းနဲ့ သူငယ်ချင်း ဖွဲ့လိုက်မယ်... မင်းသာ ငါ့ခန္ဓာကိုယ်ကို ကုသပေးနိုင်တဲ့ ဝိညာဉ်ပစ္စည်း တွေ ရှာပေးနိုင်မယ်ဆိုရင် အနှစ်သာရသွေး ပဲ ဖြစ်ဖြစ် နဂါးအကြေးခွံ ပဲ ဖြစ်ဖြစ် ငါ စွန့်ပစ်လိုက်တဲ့ နဂါးအရေခွံ ပဲ ဖြစ်ဖြစ် အားလုံး မင်းနဲ့ လဲလှယ်ပေးလို့ ရတယ်... ပြီးတော့ မင်း ကျင့်ကြံနေတဲ့ ကျင့်စဉ်က ငါတို့ နဂါးမျိုးနွယ်စု ရဲ့ ကျင့်စဉ်နဲ့ ခပ်ဆင်ဆင် တူတယ်... နောက်ပိုင်း အခွင့်အရေး ရရင် ဒီဘုရင် က မင်းကို ကူညီပေးလို့ ရပါတယ်"

"ကျုပ်တို့ရဲ့ ပူးပေါင်းမှု အောင်မြင်ပါစေ"

ကျန်းချဲ့က ပြုံးလျက် ခေါင်းညိတ်လိုက်လေသည်။

"တကယ်လို့ ဝိညာဉ်အသွင်ပြောင်း နတ်မှော်အဆောင် ကိုသာ အသုံးပြုမယ် ဆိုရင် ဒီ မိစ္ဆာနဂါးအိုကြီး ကို ဖမ်းဆီးနိုင်ဖို့ မဖြစ်နိုင်တာတော့ မဟုတ်ဘူး"

အောက်ခွန်း ပျောက်ကွယ်သွားသည်ကို ကြည့်ပြီးနောက် ချီထျန်းဟယ် က ကျန်းချဲ့၏ ဘေးတွင် ရပ်ကာ သက်ပြင်းချလိုက်လေသည်။

"ဒါက နတ်ဝိညာဉ် တစ်စိတ်တစ်ပိုင်းပဲ ရှိသေးတာ... ဖမ်းမိသွားရင်တောင် သိပ်ပြီး အကျိုးမရှိနိုင်ဘူး... တကယ်လို့ မိစ္ဆာနဂါးအိုကြီး ရဲ့ ခန္ဓာကိုယ်အစစ်သာ ဒီမှာ ရှိနေမယ်ဆိုရင်တော့ ဂျူနီယာ သေချာပေါက် အသက်စွန့်ပြီး တိုက်ခိုက်မှာပါ"

ကျန်းချဲ့က လက်ထဲရှိ လက်ဖဝါးအရွယ် နဂါးအကြေးခွံ တစ်ခုကို ကိုင်ထားရင်း ခေါင်းယမ်းကာ ပြောလိုက်လေသည်။

မိစ္ဆာနဂါး ၏ ကိုယ်ပေါ်တွင် အရာအားလုံးက ရတနာများ ဖြစ်လေသည်။ နဂါးကြော၊ နဂါးအရိုး၊ နဂါးချပ်ဝတ်၊ နဂါးအကြေးခွံ၊ နဂါးသွေး၊ နဂါးဦးချို... အားလုံးက ရှားပါးသော ကောင်းကင်နှင့်မြေကြီး ရတနာများ ဖြစ်ကြပြီး နောက်ပိုင်း သူ၏ ကျင့်ကြံခြင်း အတွက် အလွန် အထောက်အကူ ဖြစ်စေနိုင်လေသည်။ သို့သော် ပြဿနာမှာ တစ်ဖက်လူက နတ်ဝိညာဉ် တစ်စိတ်တစ်ပိုင်း သာ ဖြစ်နေခြင်း ပင်ဖြစ်သည်။ ဖမ်းမိသွားရင်ရော ဘာဖြစ်မှာမို့လို့လဲ။

ထို နဂါးအိုကြီး၏ စရိုက်ကို ကြည့်ရသလောက် ပုလင်းကွဲခံပြီး ကျောက်စိမ်းကို ရိုက်ခွဲမည့် ပုံစံမျိုးပင်။ နောက်ဆုံး အခြေအနေ ရောက်လာပါက မိမိကိုယ်ကို ဖျက်ဆီးပစ်မည်မှာ အသေအချာပင်။ ထို့ကြောင့် အသေအလဲ တိုက်ခိုက်ရန် လုံးဝ မတန်ချေ။ ထိုအစား တစ်ဖက်လူ၏ လျှို့ဝှက်ချက်ကို အသုံးချကာ အောက်ခွန်း ကို ချုပ်ကိုင်ထားနိုင်မည် ဖြစ်လေသည်။

သူ၏ လက်ထဲရှိ နဂါးအကြေးခွံမှာ အောက်ခွန်း က သူ့ကို ပေးခဲ့ခြင်း ဖြစ်ပြီး ဤအရာမှ တစ်ဆင့် မိုင်ထောင်ချီ ကွာဝေးနေလျှင်ပင် တစ်ယောက်နှင့် တစ်ယောက် အဆက်အသွယ် ပြုလုပ်နိုင်မည် ဖြစ်လေသည်။ မိုင်ထောင်ချီ အသံလွှင့် အဆောင်များ ထက်ပင် ပိုမို အစွမ်းထက်သေးလေသည်။ နှမြောစရာ ကောင်းသည်မှာ ဤကဲ့သို့သော နဂါးအကြေးခွံများက အလွန် ရှားပါးလွန်းပြီး တစ်ဖက်လူ ထုတ်ပေးချိန်တွင်ပင် အလွန် နှမြောနေပုံရလေသည်။ ပိုမို လိုချင်ပါက တစ်ခုခု အလဲအလှယ် ပေးရမည်မှာ အသေအချာပင်။

ချီထျန်းဟယ် က နှုတ်ခမ်းကို တွန့်လိုက်လေသည်။ အကယ်၍ မိစ္ဆာနဂါးအိုကြီး ၏ ခန္ဓာကိုယ်အစစ်သာ ဤနေရာတွင် ရှိနေမည်ဆိုပါက သူ တိုက်ခိုက်မည်ပင် မဟုတ်ဘဲ ချက်ချင်း လှည့်ပြေးမည် ဖြစ်လေသည်။ မိစ္ဆာမျိုးနွယ်စုများ၏ အားသာချက်က အလွန် ကြီးမားလွန်းလှပေသည်။

သူ၏ ကျင့်ကြံမှု ကလည်း ရှန်ရှန်းအဆင့် ၏ အထွတ်အထိပ်သို့ လုံးဝ မရောက်သေးချေ။ နတ်ဝိညာဉ် တစ်စိတ်တစ်ပိုင်း ကို ဖိနှိပ်ရန်ပင် မလွယ်ကူခဲ့ရာ ခန္ဓာကိုယ်အစစ်သာ ဆိုလျှင် ပြိုင်ဘက် ဖြစ်လာမည် မဟုတ်ချေ။ ကျန်းချဲ့ ၏ လက်ထဲတွင် ဝိညာဉ်အသွင်ပြောင်း နတ်မှော်အဆောင် ရှိနေလျှင်တောင် မိစ္ဆာနဂါးအိုကြီး ၏ ခန္ဓာကိုယ်အစစ်ကို ရင်ဆိုင်နိုင်လိမ့်မည်ဟု သူ မထင်ပေ။

"မင်း ဒီ မိစ္ဆာနဂါးအိုကြီး နဲ့ ပူးပေါင်းတာက ကျားမြီးဆွဲတာနဲ့ အတူတူပဲ... ဒီကိစ္စကို ထျန်းလုံ ဘုန်းကြီးကျောင်းသာ သိသွားရင် သေချာပေါက် လွယ်လွယ်နဲ့ ပြီးမှာ မဟုတ်ဘူး"

ချီထျန်းဟယ် က စကားလမ်းကြောင်း ပြောင်းလိုက်လေသည်။

"ဂျူနီယာ ကတော့ အဲ့ဒီလို မထင်ပါဘူး"

"ဘာဖြစ်လို့လဲ"

"ဒီ မိစ္ဆာနဂါးအိုကြီး ရဲ့ စွမ်းအားက အလွန် ကြီးမားတယ်... ဒါပေမဲ့ ထျန်းလုံ ဘုန်းကြီးကျောင်း မှာ ပိတ်လှောင်ခံထားရပြီး သွေးဖောက် ဆေးဖော်စပ်တာ ခံနေရတယ်... သူ့ရင်ထဲမှာ အမုန်းတရားတွေ ပြည့်နှက်နေပြီးသား... တစ်နေ့နေ့ကျရင် သေချာပေါက် ပုန်ကန်မှာပဲ... အဲ့ဒီအချိန်ကျရင် ကြားဝင်ပြီး အမြတ်ထုတ်နိုင်မယ်ဆိုရင် သေချာပေါက် ကြီးမားတဲ့ အကျိုးအမြတ်တွေ ရနိုင်တယ်... ဂျူနီယာ က အဲ့ဒါကို နည်းနည်း စိတ်ဝင်စားလို့ပါ... ဒါ့အပြင် တကယ်လို့ ထျန်းလုံ ဘုန်းကြီးကျောင်းသာ ပျက်စီးသွားရင် ချီမိသားစု အနေနဲ့ အခွင့်ကောင်း ယူပြီး အင်အား ဖြန့်ကျက်နိုင်မယ်လေ... အဲ့ဒီအချိန်ကျရင် ယွဲ့ပြည်နယ် ထဲကို လက်လှမ်းနိုင်ရုံတင် မကဘူး ဒီမှာ အခြေချနိုင်ဖို့ကလည်း လွယ်လွယ်လေးပဲ"

ယခု အချိန်တွင် ကျန်းချဲ့ အနေဖြင့် ဖုံးကွယ်ထားရန် မလိုအပ်တော့ချေ။ ထို့ကြောင့် သူ၏ ရည်မှန်းချက် ကြီးမားမှုကို ချီထျန်းဟယ် ထံသို့ ပထမဆုံး အကြိမ် အဖြစ် ထုတ်ဖော် ပြသလိုက်လေသည်။ သူက ထျန်းလုံ ဘုန်းကြီးကျောင်း ကို ဖြုတ်ချကာ သူတို့၏ နေရာကို အစားထိုး ယူချင်နေခြင်း ပင်ဖြစ်သည်။

ချီထျန်းဟယ် က ကျန်းချဲ့ကို အဓိပ္ပာယ်ပါပါ တစ်ချက် ကြည့်လိုက်ပြီး ဘာမှ ထပ်မပြောတော့ချေ။

သို့သော် သူ၏ စိတ်ထဲတွင်တော့ ကျန်းချဲ့သာ နောင်တစ်ချိန်တွင် ရှန်ရှန်းအဆင့်သို့ ရောက်ရှိလာပြီး ထျန်းလုံ ဘုန်းကြီးကျောင်း ကို အတွင်းအပြင် ညှပ်တိုက်ကာ ဖျက်ဆီးပစ်နိုင်မည် ဆိုလျှင် မြောက်လင် ချီမိသားစု ၏ အကူအညီဖြင့် ယွဲ့ပြည်နယ် ၏ ထိပ်တန်း မိသားစုသစ် တစ်ခု ချက်ချင်း ပေါ်ထွက်လာနိုင်သည် ဟု တွေးနေမိလေသည်။ ဤသည်က ချီမိသားစု အတွက်လည်း အလွန် အကျိုးရှိစေမည့် ကိစ္စ ပင် ဖြစ်လေသည်။

ချီကျန်းနန် ဖြစ်စေ၊ သူကိုယ်တိုင် ဖြစ်စေ၊ ချီမိသားစု ၏ အခြားသော အကြီးအကဲများ ဖြစ်စေ... အားလုံးက ကျန်းချဲ့ကို ချီမိသားစု ၏ ရထားပေါ်သို့ တင်ခေါ်ချင်ကြသော်လည်း ကျန်းချဲ့ကို အိမ်ပါသမက် အဖြစ် တစ်သက်လုံး နေစေချင်သည့် ရည်ရွယ်ချက် လုံးဝ မရှိကြချေ။ သူ၏ ပါရမီ၊ သူ၏ အရည်အချင်းများက ချီမိသားစု ၏ အောက်တွင် အမြဲတမ်း နေထိုင်ရန် လုံးဝ မဖြစ်နိုင်ချေ။ အတင်းအကျပ် လုပ်မည် ဆိုပါက နောက်ဆုံးတွင် ရန်သူများ ဖြစ်သွားနိုင်လေသည်။ သူတို့ လိုချင်သည်မှာ လည်း ကျန်းချဲ့ကို ကူညီ ထောက်ပံ့ ပေးရန် ပင် ဖြစ်လေသည်။

ကျန်းမိသားစုသာ ယွဲ့ပြည်နယ် တွင် အခြေချနိုင်မည် ဆိုလျှင် သူနှင့် ချီမိသားစု ကြားရှိ ဆက်ဆံရေး က ပိုမို နီးကပ် လာမည် ဖြစ်ပြီး မြောက်လင် ချီမိသားစု ၏ ညာဘက် လက်ရုံး ဖြစ်လာမည် မှာ အသေအချာပင်။ သေချာသည် ကတော့ ထို မဟာမိတ် အဖွဲ့ တွင် ချီမိသားစု က ခေါင်းဆောင် ဖြစ်ပြီး ကျန်းမိသားစု က အကူ ဖြစ်မည် ပင်ဖြစ်သည်။

"ပြန်ဖို့ အချိန်တန်ပြီ"

ခဏ အကြာတွင် ချီထျန်းဟယ် က ပြောလိုက်လေသည်။

"ဟုတ်ကဲ့"

ထျန်းနန်မြို့ သို့ ပြန်ရောက် ပြီးနောက် ကျန်းချဲ့ က မည်သည့် ထူးခြားမှု မျှ မပြသ ခဲ့ချေ။ မြို့တွင်း တွင် ပြောဆို နေကြသော ကိစ္စများ ကို လုံးဝ ဂရုမစိုက် ဘဲ နေ့စဉ် ကျင့်ကြံ ခြင်း သို့မဟုတ် ချီနင်ပင်း၊ ဟွမ်ရှန်းရှန်း တို့နှင့် အတူ အသိပညာ မျိုးစုံ ကို ဖလှယ် နေခဲ့လေသည်။ နေ့ရက်တိုင်း က အလွန် ပြည့်စုံ နေခဲ့လေသည်။

သူ စောင့်ဆိုင်း နေသည် ကတော့ ချီမိသားစု ထံမှ ချင်းမင် ဝိညာဉ်အားဖြည့် ကြာပန်း ပင်ဖြစ်သည်။ ယခု အခါ ယဇ်ပူဇော်စရာ ပစ္စည်း များ အားလုံး နီးပါး စုဆောင်း မိပြီ ဖြစ်ပြီး ကြာပန်း တစ်ပွင့် သာ ရရှိ မည် ဆိုပါက စစ်မှန်သော အမြုတေ အထွတ်အထိပ် အဆင့် သို့ တက်လှမ်း နိုင်မည် ဖြစ်ကာ သူ၏ ကျင့်ကြံမှု က အများကြီး တိုးတက် လာမည် ဖြစ်လေသည်။

အကြိမ်ကြိမ် တိုက်ခိုက် ပြီးနောက် ကျန်းချဲ့ ၏ တိုးတက်မှု နှုန်း က လူတိုင်း ကို ကြောက်ရွံ့ စေခဲ့သော်လည်း သူ ကိုယ်တိုင် ကတော့ အားရကျေနပ် မှု မရှိသေးချေ။ အရင် က သူ မော့ကြည့် ခဲ့ရသော ရွှမ်တန်အဆင့် သိုင်းသခင် များကို ယခု အခါ သူ က လုံးဝ အရေး မစိုက်တော့ချေ။ ယခု သူ၏ အစစ်အမှန် ပြိုင်ဘက် များ က ရှန်ရှန်းအဆင့် မဟာသိုင်းသခင် များ နှင့် ပြည်နယ် တစ်ခုလုံး ရှိ ထိပ်တန်း အင်အားစု ကြီးများ ပင် ဖြစ်လေသည်။

သူ ခံစား မိသည် ကတော့ ချီမိသားစု က ဖိနှိပ် ထားသော်လည်း နဂါးကျား တာအိုဂိုဏ်း က သေချာပေါက် လွယ်လွယ် နှင့် အရှုံးပေး မည် မဟုတ်ဘဲ သူ့ကို တစ်ချက်တည်း နှင့် အသေ သတ်ရန် အခွင့်အရေး စောင့်နေမည် မှာ အသေအချာပင်။

မျက်တောင်တစ်ခတ် အတွင်းမှာပင် ရက်အနည်းငယ် ထပ်မံ ကြာသွား ခဲ့လေသည်။

ကျန်းချဲ့ က ချီမိသားစု ထံမှ လူများကို မစောင့်နိုင်သေးမီ မှာပင် နင်ကတော် ထံမှ သတင်း ရရှိ ခဲ့လေသည်။ သူ လိုချင်သော ပစ္စည်း ရပြီ ဖြစ်ကြောင်း နှင့် နင်မင်းသားအိမ်တော် သို့ ကိုယ်တိုင် လာရောက် ဆွေးနွေး ရန် နင်ကတော် က ဖိတ်ကြား လိုက်ခြင်း ပင်ဖြစ်သည်။

ကျန်းချဲ့ က လက်ထဲရှိ စာ ကို ကြည့်ကာ နှုတ်ခမ်းထောင့် တွင် ခပ်ဖွဖွ အပြုံး တစ်ခု ပေါ်လာ လေသည်။

နင်မင်းသားအိမ်တော် ဆိုသည်မှာ နင်မင်းသား ၏ ထျန်းနန်မြို့ ရှိ နေအိမ် ပင် ဖြစ်လေသည်။ မြို့စားအိမ်တော် နှင့် အလွန် နီးကပ် သော်လည်း ထို အမျိုးသမီး က အပို အလုပ် များကို လုပ်ကာ သူမ ထံသို့ လာရောက် ဆွေးနွေး ရန် ဖိတ်ကြား လိုက်ခြင်း က မြို့စားအိမ်တော် သို့ လာရောက် ၍ သူ၏ ခြိမ်းခြောက် မှုကို မခံလို သောကြောင့် ပင် ဖြစ်လေသည်။

ဒါပေမဲ့ နင်မင်းသားအိမ်တော် ကို သွားရင်ကော ခြိမ်းခြောက် လို့ မရဘူးလား။

ထိုသို့ တွေးလိုက်ပြီးနောက် ကျန်းချဲ့ က အချိန် အကြာကြီး မဆိုင်းဘဲ အဝတ်အစား လဲလှယ် ကာ မြို့စားအိမ်တော် မှ တစ်ယောက်တည်း ထွက်လာ ခဲ့ပြီး နင်မင်းသားအိမ်တော် သို့ ဦးတည် သွားလိုက်လေသည်။

"မင်း ဘာလာလုပ်တာလဲ"

သတင်း ရရှိပြီး အလျင်အမြန် ထွက်လာ သော ဂျီချန်ချင်း က တံခါးဝ တွင် ကျန်းချဲ့ ကို တွေ့လိုက်ရ သောအခါ ချက်ချင်း သတိထား ကာ စူးစိုက် ကြည့်လိုက်လေသည်။ သူ၏ မျက်ဝန်းများ ထဲတွင် အကြောက်တရား များ နှင့် အတူ ဒေါသ များ လည်း ပါဝင် နေလေသည်။ အကြိမ်ကြိမ် ပွတ်တိုက် ပြီးနောက် သူ နှင့် ကျန်းချဲ့ ကြားတွင် ကြီးမားလှသော ရန်ငြိုး ကြီး တစ်ခု ရှိနေခဲ့ပြီ ပင်ဖြစ်သည်။ ယခု တစ်ဖက်လူ က ကိုယ်တိုင် အိမ်ပေါက်ဝ အထိ ရောက်လာ သည် ဆိုတော့ သေချာပေါက် မကောင်းသော ရည်ရွယ်ချက် ဖြင့် လာခြင်း ပင် ဖြစ်ရမည်။

ဘာလာလုပ်တာလဲ... သေချာပေါက် မင်းအမေကို လာတွေ့တာပေါ့...

သို့သော် ထို စကား များကို ကျန်းချဲ့ က ရင်ထဲတွင် သာ ကြိတ်ပြီး တွေးလိုက်ပြီး အပြင်တွင်တော့ အနည်းငယ်မျှ မပြသ ခဲ့ချေ။ သူ က အလွန် တည်ငြိမ်စွာ ဖြင့် နင်ကတော် ၏ စာ ကို ဂျီချန်ချင်း ထံသို့ ပစ်ပေး လိုက်ပြီး ပြောလိုက်လေသည်။

"လမ်းပြပါ"

ဂျီချန်ချင်း က စာ ထဲရှိ အကြောင်းအရာ များကို လျင်မြန်စွာ ဖတ်ရှု လိုက်ပြီးနောက် မျက်လုံး များ ပြူးကျယ် သွားကာ အလွန် အံ့ဩ သွားလေသည်။ မယ်တော် ဖြစ်သူ က ကျန်းချဲ့ နှင့် တိတ်တဆိတ် ဆက်ဆံရေး ပြေလည် အောင် လုပ်ခဲ့ သည် လား။ ကျန်းချဲ့ က သူတို့ကို စော်ကား ခဲ့ရုံ သာမက ယွမ်ဟယ် တောင် ကိုပါ ဖျက်ဆီး ခဲ့ပြီး နင်မင်းသားအိမ်တော် ၏ လက်ရုံး တစ်ဖက် ကို ဖြတ်တောက် ခဲ့သည် မဟုတ်ပါလော။ ဘယ်လို လုပ်ပြီး ဒီလောက် လွယ်လွယ် နဲ့ အရှုံးပေး လိုက်ရတာလဲ။

သူ က ကျန်းချဲ့ ကို ဆဲဆို ကာ နင်မင်းသားအိမ်တော် မှ မောင်းထုတ် ပစ်ချင် လေသည်။

သို့သော် ကျန်းချဲ့ ၏ ကြာရှည်စွာ လွှမ်းမိုး လာခဲ့သော အရှိန်အဝါ များနှင့် အရင် က အကြိမ်ကြိမ် ရှုံးနိမ့် ခဲ့ရသော အတွေ့အကြုံ များက သူ့ကို အများကြီး ရင့်ကျက် လာစေခဲ့လေသည်။ အကယ်၍ ထို စကား ကို သာ သူ ပြောလိုက်မည် ဆိုပါက ကျန်းချဲ့ ၏ ပြင်းထန်သော ရိုက်နှက် မှုကို ခံရမည် မှာ အသေအချာ ပင် ဖြစ်ကြောင်း သူ ကောင်းစွာ သိရှိ လေသည်။

အသက်ပြင်းပြင်း တစ်ချက် ရှူသွင်း လိုက်ပြီး သူ ၏ ရင်ထဲရှိ အတွေး များကို ဖိနှိပ် လိုက်လေသည်။

"ကျုပ် နောက်က လိုက်ခဲ့ပါ"

နင်မင်းသားအိမ်တော်၊ စာကြည့်ခန်း အတွင်း၌။

နင်ကတော် က ကျန်းချဲ့ ကို အကဲခတ် လိုက်ပြီး သူမ ၏ မျက်ဝန်းများ ထဲတွင် အလွန် ရှုပ်ထွေး သော ခံစားချက် များ ပြည့်နှက် နေလေသည်။

ပထမ အကြိမ် က အတင်းအကျပ် ခံခဲ့ရ သည် ဟု ဖြေရှင်း နိုင်သော်လည်း နောက်ဆုံး အကြိမ် ကတော့ သူမ က နင်မင်းသား ကို သစ္စာဖောက် ခဲ့ပြီ ဆိုသည် မှာ အလွန် ထင်ရှား လှပေသည်။ ရင်ထဲတွင် အပြစ် ရှိသလို ခံစား နေရပြီး နင်မင်းသား ကို မျက်နှာ မပြရဲအောင် ပင် ဖြစ်နေလေသည်။ နင်မင်းသား က သူမ ကို နင်မင်းသားအိမ်တော် သို့ ပြန်လာ ရန် ခေါ်ဆို လျှင် တောင်မှ အကြောင်းပြချက် မျိုးစုံ ဖြင့် ငြင်းဆန် နေခဲ့လေသည်။ ယခု ကျန်းချဲ့ ကို ပြန်လည် တွေ့ဆုံ ရချိန် တွင်တော့ သူမ ၏ စိတ်နှလုံး များ က အလွန် လှုပ်ရှား နေမိလေသည်။

"ချန်ချင်း... မင်း အရင် ထွက်သွား လိုက်... ငါ ကျန်း သခင်လေး နဲ့ ဆွေးနွေး စရာ အရေးကြီး ကိစ္စ ရှိလို့"

"မယ်တော်... သားတော် လည်း နားထောင် ချင်ပါတယ်"

"အခုချိန်က မင်း သိသင့်တဲ့ အချိန် မရောက်သေးဘူး... စကား နားထောင်... အရင် ထွက်သွားလိုက်... ဒီ ကိစ္စ က နင်မင်းသားအိမ်တော် ရဲ့ အနာဂတ် နဲ့ သက်ဆိုင်တယ်"

နင်ကတော် ၏ လေသံ က အနည်းငယ် ပြင်းထန် သွားလေသည်။

ဂျီချန်ချင်း က အနည်းငယ် မကျေမနပ် ဖြစ်နေမိလေသည်။ ကျန်းချဲ့ နှင့် မယ်တော် တို့ နှစ်ယောက်တည်း အတူတူ ရှိနေခြင်း က အနည်းငယ် ထူးဆန်း သည် ဟု ခံစား နေရသော်လည်း မယ်တော် ၏ မျက်နှာထား ကို ကြည့်ကာ သူ လည်း ဆက်လက် ၍ မငြင်းဆန် ရဲတော့ဘဲ ခေါင်းညိတ် ကာ ထွက်ခွာ သွားလေတော့သည်။

သို့သော် မထွက်ခွာ မီ တွင် ကျန်းချဲ့ ကို အဓိပ္ပာယ် ပါပါ တစ်ချက် ကြည့်သွား ခဲ့လေသည်။ သူ၏ မျက်လုံး များထဲရှိ အဓိပ္ပာယ် ကတော့ ကျန်းချဲ့ ကို လိမ္မာ ပါးနပ် စွာ နေရန် သတိပေး နေခြင်း ပင်ဖြစ်သည်။

သို့သော် ကျန်းချဲ့ ကတော့ အစ ကတည်းက အဆုံး အထိ သူ့ကို မျက်လုံး ချင်း ဆုံအောင် ပင် မကြည့်ခဲ့ဘဲ လုံးဝ လျစ်လျူရှု ထားလိုက်လေသည်။

ဂျီချန်ချင်း ထွက်သွား ပြီးနောက် တွင်တော့ နင်ကတော် က စကား စပြော လိုက်လေသည်။

"ချင်းမင် ဝိညာဉ်အားဖြည့် ကြာပန်း ရဲ့ သဲလွန်စ ကို ရှာတွေ့ သွားပြီ... ထျန်းနန် ကောင်း မိသားစု ရဲ့ ဆေးဥယျာဉ် ထဲမှာ ရှိတယ်... တကယ်လို့ မင်း လိုချင်တယ် ဆိုရင် ဒီ ဘက် ကနေ ကြိုးစား ကြည့်လို့ ရတယ်"

"နောက်ထပ် ကော"

ချင်းမင် ဝိညာဉ်အားဖြည့် ကြာပန်း က လမ်းခုလတ် တွင် ရောက်ရှိ နေပြီ ဖြစ်ရာ ကျန်းချဲ့ အနေဖြင့် ကောင်း မိသားစု နှင့် သွားရောက် ဆက်ဆံ ရန် မလိုအပ်တော့ချေ။ ထို့ကြောင့် နင်ကတော် ကို နောက်ထပ် ပြောစရာ များ ဆက်ပြော ရန် တိုက်တွန်း လိုက်လေသည်။

"မင်း ငါ့ကို စုံစမ်း ခိုင်းထား တဲ့ ကိစ္စ လည်း သဲလွန်စ ရနေပြီ... အဲ့ဒီ လျှို့ဝှက်နယ်မြေ ဟာ တောင်ပိုင်းယွဲ့ နိုင်ငံ ရဲ့ တင်းကျပ် တဲ့ စောင့်ကြပ် မှု အောက်မှာ ရှိနေတဲ့ သံသယ ဖြစ်ဖွယ် နေရာ သုံးခု ထဲက တစ်ခု ဖြစ်နိုင်တယ်... ဒါပေမဲ့ အတိအကျ ဘယ်နေရာ လဲ ဆိုတာ ကိုတော့ စုံစမ်း နေဆဲ ပဲ... နောက်ထပ် လဝက် လောက် အချိန် ပေးရင် အားလုံး ကို စုံစမ်း ပြီးလောက် ပြီ"

"စုံစမ်း ပြီးရင် ငါ့ဆီ လာပြီး သတင်း ပို့ပါ"

ကျန်းချဲ့ က ခေါင်းညိတ် လိုက်လေသည်။ နင်ကတော် ၏ အလုပ်လုပ် နိုင်စွမ်း နှင့် မြန်ဆန် မှု ကို သူ အသိအမှတ် ပြုလေသည်။ နင်မင်းသားအိမ်တော် ၏ အကူအညီ ဖြင့် သူ ၏ အလုပ် များ က အများကြီး သက်သာ သွားခဲ့လေသည်။

"သိပါပြီ"

နင်ကတော် က ပြောပြီးနောက် တွင်တော့ တိတ်ဆိတ် သွားလေသည်။

ကျန်းချဲ့ ၏ မျက်လုံး များ က လှုပ်ရှား သွားပြီး တစ်ဖက်လူ ၏ ရည်ရွယ်ချက် များကို အားလုံး ပြောပြ ပြီးပြီ ဖြစ်ကြောင်း သိလိုက် လေသည်။ ထို့နောက် စာကြည့်ခန်း ၏ နံရံ ပေါ်တွင် ချိတ်ဆွဲ ထားသော ပန်းချီကား တစ်ချပ် ဆီသို့ အကြည့် ရောက်သွား ပြီး စိတ်ဝင်တစား မေးလိုက်လေသည်။

"ဒါ က နင်မင်းသား လား"

နင်ကတော် က ခေါင်းညိတ် လိုက်လေသည်။

"ဟုတ်တယ်"

"အသစ် ချိတ်ထား တာလား"

"ငါ့ ခင်ပွန်း ရဲ့ ပန်းချီကား ကို ချိတ်ပြီး အလွမ်း ဖြေတာ... ပြဿနာ ရှိလို့လား"

"သေချာပေါက် ပြဿနာ မရှိပါဘူး... ဒါပေမဲ့ ဒီလို လုပ်ရပ် က ကျုပ် ကို လူဟောင်း တစ်ယောက် ကို သွားသတိရ စေတယ်"

"လူဟောင်း"

"အရင် တုန်းက လည်း အမျိုးသမီး တစ်ယောက် က စာကြည့်ခန်း ထဲမှာ သေဆုံး သွားတဲ့ ခင်ပွန်း ရဲ့ ပန်းချီကား ကို ချိတ်ဆွဲ ခဲ့ဖူးတယ် လေ"

"အဲ့ဒါ လည်း မင်း ခြိမ်းခြောက် ခဲ့တာပဲ လား"

"အစပိုင်း တုန်းကတော့ ခြိမ်းခြောက် ခဲ့တာပေါ့... ဒါပေမဲ့ နောက်ပိုင်း ကျတော့ နှစ်ယောက် သဘောတူ ချစ်ကျွမ်းဝင် သွားကြတာပေါ့"

"ဟွန့်... မိန်းမယုတ် တွေ ချည်းပါပဲ"

ကျန်းချဲ့ က နင်ကတော် ကို တစ်ချက် အကဲခတ် လိုက်ပြီးနောက် လက်တစ်ချက် ဝှေ့ယမ်း ကာ အစွမ်းထက် သော နတ်အာရုံ ဖြင့် စာကြည့်ခန်း တစ်ခုလုံး ကို အစီအရင် တစ်ခု ဖန်တီး လိုက်လေသည်။ ထို့နောက် နင်ကတော် ၏ အနီးသို့ တစ်လှမ်းချင်း လျှောက်သွား ကာ သူမ ၏ လှပသော မျက်နှာလေး ကို လက်ချောင်း ဖြင့် ပင့်တင် လိုက်လေသည်။

"မင်း ကော... မိန်းမယုတ် ပဲလား"

"ကျန်းချဲ့... မင်း ငါ့ကို အဲ့ဒီလို မိန်းမ မျိုး နဲ့ လာမနှိုင်း နဲ့"

"ဟုတ်လို့လား"

"မ... မဟုတ်ဘူး... မဟုတ်ဘူး"

"မင်း က မိန်းမယုတ် လား"

"ငါ... ဒီမင်းသားကတော်"

"အင်း"

"အာ့... ငါ... ငါ က မိန်းမယုတ် ပါ"

စာကြည့်ခန်း ၏ အပြင်ဘက် တွင် ရင်းနှီး နေသော အစီအရင် ကို ကြည့်ရင်း ဂျီချန်ချင်း ၏ မျက်မှောင် များ တင်းတင်း ကျုံ့သွား ကာ အလွန် နက်နက်ရှိုင်းရှိုင်း တွေးတော နေမိလေသည်။ ထို့နောက် တွင်တော့ ပိုမို ဒေါသ ထွက်လာ လေသည်။ သူ နားမလည် နိုင်သည် မှာ မည်သို့သော အရေးကြီး ကိစ္စ များ ကို ဆွေးနွေး နေသနည်း ဆိုတာ ပင်ဖြစ်သည်။

ဘာကြောင့် အစီအရင် များကို ပါ အသုံးပြု နေရသနည်း။ တကယ်ပဲ နင်မင်းသားအိမ်တော် ၏ အနာဂတ် နှင့် သက်ဆိုင်သော အရေးကြီး ကိစ္စ များကို ဆွေးနွေး နေကြသည် လား။

သူ က ထိုသို့ သာ မျှော်လင့် မိသော်လည်း ရင်ထဲတွင် တော့ အလွန် ဆိုးရွား သော ကြိုတင် ခံစား မှု တစ်ခု ဖြစ်ပေါ် နေလေသည်။

သို့သော် အစွမ်းထက် သော အစီအရင် များကို ခံစား နေရသဖြင့် သူ လည်း အတင်းအကျပ် မဝင်ရောက် ရဲတော့ချေ။ ခြံဝင်း အတွင်းရှိ ရေကန် ဘေးတွင် အေးစက်သော မျက်နှာထား ဖြင့် သာ ထိုင်နေ လိုက်လေသည်။ ခဏ အကြာတွင် သိုလှောင်ရေးလက်စွပ် ထဲမှ ကျောက်စိမ်း ပုလွေ တစ်လက် ကို ထုတ်ယူ ကာ စတင် မှုတ် နေလိုက်လေသည်။

ဤ သည် က သူ၏ စိတ်ညစ် မှု များကို ဖြေဖျောက် သော နည်းလမ်း တစ်ခု ပင် ဖြစ်လေသည်။ ဂီတ သံစဉ် များ ထဲတွင် နစ်မြော နေချိန် တွင် သူ ၏ စိတ်နှလုံး က ပိုမို ကြည်လင် လာမည် ပင်ဖြစ်သည်။

နင်ကတော် နှင့် စကားပြော ပြီးနောက် ကျန်းချဲ့ လည်း အလွန် လန်းဆန်း သော စိတ်ဖြင့် မြို့စားအိမ်တော် သို့ ပြန်လာ ခဲ့လေသည်။ သူ က ကျူး ကတော် ကို ဆုံးရှုံး ခဲ့ရသော်လည်း ကံကောင်း သည် မှာ အခြား နင်ကတော် တစ်ပါး က ထို ကွက်လပ် ကို အစားထိုး ပေးခဲ့လေသည်။

ထို အရာ က သူ့ကို အတိတ် က အမှတ်တရ အချို့ ကို ပင် ပြန်လည် သတိရ စေခဲ့လေသည်။ ကျူး ကတော် နှင့် နင်ကတော် တို့ ကြားတွင် အတော်လေး တူညီ သော အချက် များ ရှိနေသည် ပင်ဖြစ်သည်။

နောက်ထပ် နှစ်ရက် အကြာတွင် မြောက်လင် ချီမိသားစု မှ ချင်းမင် ဝိညာဉ်အားဖြည့် ကြာပန်း ကို ပို့ဆောင် သည့် လူများ ရောက်ရှိ လာခဲ့လေသည်။ ယွမ်ချီကျောက်တုံး တစ်ထောင် ကို ပေးချေ ပြီးနောက် ကျန်းချဲ့ က ဧည့်ခံပွဲ တစ်ခု ပြုလုပ် ကာ ကျွေးမွေး ခဲ့လေသည်။ ထို့နောက် တွင်တော့ အချိန် အကြာကြီး မဆိုင်း တော့ဘဲ မြို့စားအိမ်တော် မှ တိတ်တဆိတ် ထွက်ခွာ ခဲ့လေသည်။

ယခု အခါ ယဇ်ပူဇော်စရာ ပစ္စည်း များ အားလုံး ပြည့်စုံ သွားပြီ ဖြစ်ရာ ယဇ်ပူဇော် ရမည့် အချိန် ရောက်ရှိ လာပြီ ပင်ဖြစ်သည်။ စစ်မှန်သော အမြုတေ အထွတ်အထိပ် အဆင့် သို့ နောက်ဆုံး တွင်တော့ တက်လှမ်း နိုင်တော့မည် ပင်။